مجموعة من القصائد المكتوبة على لحن قصيدة يقاروة للملا باسم الكربلائي
5 قصائد مكتوبة على لحن قارورة
يمظلومة شجرة بحالچ
اذا اردت قصيدة يقارورة مكتوبة انزل للاسفل
القصيدة الاولى
يمظلومة شجرة بحالچ
عمت عيني على أطفالچ
أخوچ برمح نحرة دليلچ شنهو صبرة
****************
الفاكَد حبيبة من البشر الوآدم تجي وتصبرة
تخفف علي ذاك الحزن وبقدر الله تذَكــرة
بس أنتي من دون البشر للشام رحتي ميسرة
هالدنيا يا بنت النبي مثلچ فلا شافت مرة
يزينب ما شفت مُرسل سبوها عيالة هالهزل
وأخيته تموت حسرة دليلچ شنهو صبرة
****************
حالـچ يهدم كل كَلب ويزلزل اركان السمة
المثلچ أميرة على الأرض هاي النجوم ألها حمه
مو تمشي مچوفة بحبل وحركَو اخوها مخيمة
ياهي السبوها على الهزل مثلچ يبضعة فاطمة
يزينب همچ هواية يحن كَلچ على الراية
بقت من عنده ذكرة دليلچ شنهو صبرة
يالحزنچ يبچي الصخر بيا لوعة خلصتي الدرب
عندچ يتامة ويالضعن يا زينب بديرة غرب
صح الحديد بركَبتچ أطفالچ اشافو رعب
كون أسئل ايوب النبي شايل مثل كَلبچ كَلب
لونَه يسمع بصبرچ يكَلچ ويلي يا خدرچ
ألچ چا ناح عمرة دليلچ شنهو صبرة
****************
معقولة زينب تنسبي وعباس نايم بالكَبر
الكَاع تهتز لو غضب يخافة الهوه لمن يمر
يعوفچ أسيرة بلا أهل ولأچلچ الله انطاه عمر
كَالو طفه عيونة السهم مشتاكَة لچفوفة شكثر
يزينب كَلي لسكينه كَطيعة عمها جفينة
تأيس لا تنطرة دليلچ شنهو صبرة
****************
عباس يدري مسلبة ما خلة يمچ رايته
يّم الولي چنتي لمن كَطعو يزينب ركَبته
كَالو رفس جسمة الشمر وثنعش ضربة بجهته
والمهر من رد للخيم شلون اليتامة تلكَته
على مهره غدت لَمَة يزينب راح أبو اليمة
سيوف شكَد توذرة دليلچ شنهو صبرة
****************
عيونچ عجيبة ما عمن يطلع مصايب مو دمع
على أمچ كَضيتي من الحزن چي صوبو ذاك الظلع
على حسينچ شكَال الكَلب من شفتي نحرة المنكَطع
ما شاهد خيالــچ بشر مو حكَة كَلچ ينشلــع
أخوچ بيا شكل صاير حسبتي بصدرة جم حافر
تدوسه خيول عشرة دليلچ شنهو صبرة
****************
حيدر حسين الكرعاوي
عتب عندي لبو فاضل***صعب زينب بلا كافل
اظم جرح البديه**غريبه أمشي وسبيه
*
لاتزعل أمن احجي ابعتبلكن تعبت أمن السبي
احجي اويه رمحك حاولت*بس خوفي يجرح مطلبي
ياخويه من ضرب العده**تكطر دمه كل العبي
ثوب الخدر عفته ورحت**عفته اعله تل الزينبي
*
بقت تنزف تره أجروحي**عالشاطي بقت روحي
العده أتباوع عليه**غريبه أمشي وسبيه
*
ماكتلك حسين انذبحوصار الهوى ابعازة هوى
شال الشمر راسه وضحك**وكلي انكطع جف اللوه
رحت اركض أعله مشرعه**واصبح نهاري ابلاضوه
كلي المشو أهل ابسفر**هم يلكه للفركه دوه
الخيم وجت وانه أبحيرهصحت وينك يبو الغيره
الجرح بالغاظريه**غريبه امشي وسبيه
*
خويه الخيام اتحركتمن أطفي خيمه انه اشتعل
أكماط الطفل شفته أحترك**وجن اليتامه ابلا أمل
أرجع يبو الغير صحت**ماتقبل أبزينب تذل
سهم الصفه ابعينك تره**حسيته نص كلبي انشتل
*
رغم رمحك بقه عاليانتجه احساسك على أخيالي
بقت روحي شجيه**غريبه انه وسبيه
*
أمن الطف يخويه أمن اطلعت*عيني تصد صوب النهر
وانه ادري ماترجع بعدبس كلبي بي واهس خبر
جم خاطر ابخاطر بده**بالفركه يصبح منكسر
حتى الحمام اعله جره**طار وترك خالي الشجر
*
ونزف حتى الورد غصنهردت جفك خبر منه
بجت حتى المنيه**غريبه أمشي وسبيه
*
هز رمحك أكبالي الشمروجن من لحيتك دم جره
وجن كلبي حسيته انهشم**وطاح اويه دمك عالثره
ياخيمتي البيها احتمي**من جرحي جاي اعتب تره
ادريبك انته ابغيرتك**ماتقبل ابهظمت مره
*
رفع أيده بسياط الهمضرب راسك وانه اتألم
غضب رب البريه**غريبه امشي وسبيه
*
تاليتي ديوان أدخلتحرمه وغريبه ابلا ولي
انه وخواتي ابهل جرح**ننشد يحيدر ياعلي
انه العقيله ام الخدر**حتى العرش يعرف هلي
رديت انه ابلايه أخوتي**وماضل بعد واحد الي
****
انستر لليل الله بحجابي**عفت فوك الثره أحبابي
اصبحت ظلمه المسيه**غريبه امشي وسبيه
**
الشاعر ابو قسورة الكربلائي
الشمس انته لتضويلي يبو اليمه وكمر ليلي
لحن يقارورة للحاج باسم الكربلائي
الشمس انته لتضويلي يبو اليمه وكمر ليلي
اضل مكسوره خاطر اذا تفاركني باجر
..........................................
احسبني عني لو رحت خيمه وكع منها العمد
امري افوضه بغيبتك للواحد الفرد الصمد
من المنيه روحتك يايمه عليه اشد
كلش صعب يا ابو الوفه ماينحمل بعد الولد
عكب عينك شلي بروحي
ولا تنعد انه جروحي
ولا احمل اناطر
........................................
خليني امشي لكربله ما احمل غيابك انه
الساعه اذا عني رحت محبوبي احسبها بسنه
ابقه بدمع ابقه بحزن ميمر على روحي الهنه
والام لمه تلاكي الولد شكد حلوه لمن تحضنه
اذا تمشي يبو الغيره
الوجه المن انه اديره
اليفارك يبقه حاير
........................................
يايمه اذا ضعنك مشه يلغالي اضلن بالحزن
ما احمل انه لوشفت يمي العليله تضل تون
ليل الله يحزن لو بجت من تمشي تبقه بلا حظن
لو شافت بنيه وأبو ياابو الوفه لحظنك تحن
العمر بعدك ولا يسوه
اذا يمهه شكثر حلوه
شتكول تكلها حاضر
........................................
وصيت ابو فاضل الك كبلك يطيح على الثره
كالالي يمه منحري يرخص فداء لمنحره
يايمه زينب بت علي بجالي تضل مخدره
لخاطرهه يايمه تضل جثتي انه فوك الكنطره
وحك عينج فده عيني
ولاتنعز على حسيني
ولا اهم بالعساكر
........................................
كلبي ابد ما مطمئن يلغالي لهذا السفر
جني اشوفك وحدك ومذبوح اشوفنه النحر
وجن سكنه مسلوبه وتون وعلمشرعه يطيح الكمر
زينب اشوف بلا خيم ومثل الي مكسوره ضهر
اشوفنهه بلا كافل
وكع جنه ابو فاضل
تظل تبجي وتكابر
........................................
يلعايش بوسط الكلب بعدك ولا اريد العمر
اصبح اذا عني رحت يعقوب اضلن انتظر
كلما اعاين للسمه وجهك اشوفه وانعصر
يايمه ابد ماينحمل ياذي صعب حيل الهجر
صعب لمن تخليني
منو خلافك يسليني
تظل تبجي النواظر
...............................
خادم ام البنين الشاعر
علاء الابراهيمي
يسجنوني ابسجن اظلم
في رحاب موسى بن جعفر باب الحوائج عليه السلام
(طور يقارورة)
.......
يسجنوني ابسجن اظلم
واضل وحدي حليف الهم
واضل ابين اجناب
سجين اومالي احباب
......
مسجون في ديرة غرب وابعيد عن ديرة هله
ماله كرابه اولا اهل تتفكده اوتكصد اله
يحبابي اينادي ابحزن السجن مگدر احمله
امكيد ابن بنت النبي وجروح كيده سايله
يسجنونه ابسجن اظلم
ويضل وحده سجين الهم
من السم گلبه لهاب
سجين اوماله احباب
.........
ارد اشرح احوال السجن واحجي معاناتي ابحزن
المسجون جرحه ايألمه اومحد يسمعه لويون
ايامه كلها مظلمه وساعاته معزوفة شجن
الزمن ما يفرق عليه ليله اونهاره اترافكن
يسجنوني بسجن وحدي
وانا صابر على وعدي
ادير ابعيني علياب
سجين اومالي احباب
.......
طالت المده بالسجن واشتاك گلبي الديرتي
حن كلبي الكبر النبي اولهلي ولناسي اوصحبتي
ناديت يمه فاطمه حضريني يمه ابغربتي
وحسين ناديته بحزن اوماهدت لجله ونتي
يسجنوني اوصعب حالي
وابو اليمه ايتراوالي
دمه صار اله اخضاب
اوكلبه امن العطش ذاب
......
بالسجن واذكر كربله واذكر غريب الاوطان
اذكر تولوه العده اوفارك الدنيه عطشان
واعيونه شبحت للخيم اوناز الخيم والدخان
ناده يزينب بت علي احميلي خويه الوجعان
يسجنوني وانه ابهل الحال
اذكرت زينب بدمع همال
تنادي ابدمع سجاب
اروحن ويه الاجناب
......
ابن اسويد اجاله بالسجن اينشده اشوكت يمته الفرج
يمته امامي انشاهدك بغيابج انعيش ابحرج
من غبت عنه سيدي والدنيه ظلمه ابلا وهج
يانور دين الله ال رضي يبن الي للباري عرج
لفرج گرب تشوفوني
ابجسر بغداد تلاگوني
انفتحلي للفرج باب
واروحن يم الاحباب
.......
ابن اسويد طار امن الفرح بشر الشيعه ابلهفه
الجمعه مولانه يجي وغيابه جرحه يشفه
الشيعه كلها اعلى الجسر رايده اتقبل كفه
امن بعيد اجت اجنازته يصعب وصفها اوصفه
يشيلوها اربع احماميل
الجنازه ثكيله اتميل
اثاري هذا الجواب
اروحن يم الاحباب
.........
مر الطبيب اعله الجسر شاف الجنازه امدده
ويناشد ابحالة عجب ليش الجنازه امكيده
كالوله ابن جعفر كضه ايكولون مات ابوحده
لمن فحص جفه علن مات ابفعل سم العده
كضه مسموم ابن جعفر
منو ايخبر هله تحضر
هله تحضر بالمصاب
غريب ابين اجناب
......
هذي المصيبه الماجرت والالمت گلب الوصي
اولاده كلها استشهدت مأجور يا حيدر علي
حته بناته اتسلبت وادموعهن دم اتهلي
واليوم ابن جعفر كضه وبسجن اظلم منولي
شنو ذنبه ويسجنونه
ابغدر تالي يسمونه
غريب اوماله احباب
تسمم ابن الاطياب
........
الحاجة ام احسان
10 نيسان2018
لطفا لا تمسح اسم الشاعرة
على اجروحك..نزف جرحي
استشهاد أمير المؤمنين ع..على لحن يقارورة
***************
على اجروحك..نزف جرحي&&&غفت روحك..تكول اصحي
ونين بروحي يسعه
ومناحر بيهه دمعة
******************
يا حيدر الوالي القلب..شايل نفس عايز هوه
بعيوني سكرات الرده..و اتدور بعينك ضوه
تسألني شهكات البعد..هم نرجع و نكعد سوه
يتلاوح بفكري النحر..يومي بوريده ال نينوه
حزن فكدك..بده بعيني&&&العمر بعدك..غده اونيني
شعلته بروحي شمعة....1
******************
بعيونك اموادع غفه..يشرحلي ونات السبي
من عدهه دلالي انفجع..لابس مشاعر عالعبي
تبدي المصايب والحزن..من سافر وراح النبي
باب الوديعة الطاهرة..وهسه الفخار الطالبي
الحزن بيه..يون سكتة&&&ضمه ارقية..بحلم شفته
تروح و ماكو رجعة...2
*****************
من راسك الغالي انطبر..دلالي بالحسرة انخمش
حتى الفكر مني انشده..من شافك اتون اندهش
شالوا حياتي و دنيتي..من شالوا اخواني النعش
اتراب النجف يا والدي..باكتاره دلالي انفرش
نهر دمعي..جره بلهفة&&&حدر ضلعي..جمر يغفه
لهيب بروحي يرعه...3
******************
بمسافر بعينك نهر..وايتامك الجابت دمع
يومية زينب تنفجع..حسرات المعاتب ضلع
طبرة او نياح و فاجعة..قلبي بغيابك ينفجع
رحلة عذابي بغيبتك..خيمة و مناجاة و صبع
رسم خيمة..وجرح نازف&&&درب هيمة ..وطفل خايف
الفواطم يمي تنعه..4
*******************
دمعات المعاتب جرت..كتبت على اخدود الزمن
من سافر الوالي وبعد..رحلة تعابير و شجن
عمري التركته وسافرت..حطيته بيدك بالكفن
حتى الزمن من حسرتي..يم باب المعاتب صفن
وكف دهري..على اعتابي&&&جمر يسري..صفه امصابي
ونينك من يسمعه..5
&&&&&&&&&&&&&&&&&
سيد حيدر العوادي
بابل الشوملي
قصيدة يقارورة مكتوبة<< من هنا >>
،لاتنسونا من دعائكم ولا تنسو متابعة قناتنا على اليوتيوب قناة المنبر الحسيني للقصائد المكتوبة ففيها الكثير من القصائد المكتوبة
احسنتم
ردحذف