قصيدة رايات المشاية مكتوبة للرادود مرتضى حرب
اداء وكلمات : مرتضى حرب
من هنا جميع قصائد مرتضى حرب مكتوبة
شيل ايدك حيي المشاية
شيل أيدك حيي المشاية
===============
وعد هذا يبو اليمة نعلي رايتك ونجي لزيارتك
بدمعنة وحسرت البينة نجي نحبي حبي عله تل الزينبي
هضمنة النحرك الدامي يضل طول العمر وحك دمع الخدر
عليك انعوف اهالينا ولا بيهم نهم ياشيخ الزلم
رفت رايات المشاية…رفت رايات المشاية
================
من اولاية لو لاية الك نطوي الدرب ينبضات الكلب
المشي بدربك يبو اليمة نحس من مو مستحب علينة نحس وجب
البجدمة اثر نلگة نجي نبارك الة ونضل نتوسلة
يخلينة نحب جدمة هذا نحس شرف تعب بس ماوكف
كل مايتعب تفرح روحة…كل مايتعب تفرح روحة
================
يالذت دربك وتعبة وعلي نعشكة عشك يالتمطر صدك
ابو الموكب يرف گلبة اذا مشاية اجو ويبچي لو بطو
يحط ايدك على خدة اذا طر الفجر ويبقة ينتظر
يشوف الراية مرفوعة ترف رف بل سمة لابن حامي الحمة
كل خادم فاتح ذرعانة…كل خادم فاتح ذرعانة
=================
التعب زينب شما نمشي ولا نوصل ابد لجن ننطي وعد
مشاية نلاگيهة بكل دورت سنة نواسي المحزنة
وياهة نجسم الونة والدمعة التهل هاي اخت النفل
تعبهة المشي زينب حك نتعب اذن على طول الزمن
تجايت زينب سمونة…تجايت زينب سمونة
قصائد اخرى للمشاية
1
أتمنه أجي مشاي ... وياي أجيبن ماي
للمنحر الگطوع
أحني وجودي ليك ... وإيدي أمدها عليك
ومنك أجدّي دموع
مولاي حسين مولاي
..................
بدربك يبو السجاد ..قربه لظعنكم نيتي
ولو أمشي فوگ الشوك .. ماتكتمل تعزيتي
كون أمشي محني الراس .. ودخان أشمم ريتي
وعن الشمس ياريت .. أخجل أحط چفيتي
أمشي آنه بأحسن حال ... وزينبكم اعله جمال
گوه تجر انفاس
راسي ارفعه بيا عين ... ومحنيه اخت حسين
وبعازة العباس
مولاي حسين مولاي
..................
بفضلك يبو الأفضال .. الخدمه حيل هواي
يجرح دليلي الماي .. من أنظره بعيناي
هذا العذب موجود .. ويشربه كل مشاي
چا آنه أگولن ليش .. بنيّاتك بلا ماي
أشرب وأگولن آه ... چم طفله تتمناه
عالناگه عطشانات
يتاننه بلكي يعود ... عمهن يجيب الجود
ما صدگنه مات
مولاي حسين مولاي
..................
لمن يجيني الليل .. روحي تجر حسرات
مايبقى زاير هيچ .. بالهيمه لا هيهات
بس ماشفت نسوان .. مشايه مچتوفات
أبچي وأگول شلون .. زينب غريبه تبات
المابيها ظل أي حيل ... شلون ويجيها الليل
ومحيره بأيتام
تتمدد إهيه شلون ... ويمها غريبه عيون
ويلاه يدرب الشام
مولاي حسين مولاي
..................
لو طر فجر الأحزان .. يسعر جمر حزني
من اسمع الخدام .. بالــ ياهلا تزتني
ما واحد الكض سوط .. وبمتني يطگني
كلها بسلامه تصيح .. وما واحد السبني
بس اللي سلبوهن ... بالسوط يضربوهن
گوه يشموهن
عالناگه شدوهن ... وكلشي يسَمْعوهن
يا ويلي أذوهن
مولاي حسين مولاي
..................
عيني تصد رايات .. للغالي مرفوعه
وزينب تشوف ارماح .. بس روس مگطوعه
الزاير وجوب ينوح .. ويصبهن دموعه
للّي تون بهداي .. ودمعتها ممنوعه
والمنها يطلع صوت ... إيشوّفوها الموت
وتظل بألمها تميل
سكته تصب العيون ... الدمعه ثمنها متون
لكل دمعه دم يسيل
مولاي حسين مولاي
..................
# #علي_حسن_المنصوري
قصائد مكتوبة للاربعينية
ــــــــــــــــــــــــــــــــــــــــــــــــــــــــ
2
،،،،،،،،،،،،،،بسم الله الرحمن الرحيم،،،،،،،،،،،،،،،،،
يعباس يعباس★رديت من درب اليسر
يعباس يعباس★ضليت عالتـل انتضـر
لو انت تحضرني=لو حيدر يمرني
★★★★★★★★★★★★★★★★★
مــاريـد مـن عندك عـذر رجعنـي للـمـوطن
ناديت عالتل حيدره البرض النجف يسـكن
حسيـته كلي اويه الهوه عـباسـج المـضعـن
مـو ما يجيلـج كافـلـج بس مستحي يـمكن
يـوفاي يـوفاي★مو موت ياخذلك اجـل
يـوفاي يـوفاي★ادريك مت امن الخجل
ماضن تغادرني=لو حيدر يمرني
★★★★★★★★★★★★★★★★★
رديت بس شفت السهم نايم علئ اخدودك
ادريـك تـنكــر مهجــتك مـاتنكــر اوعــودك
ياريت من عندك يضل ويـايه بـس جـودك
اشتمـه بالخنـگة واشـم بـي ريحة ازنـودك
يصنديد يصنديد★خليــلي خيـط لرايتك
يصنديد يصنديد★اتلمسه والمس غيرتك
بلكت يصبرني=لو حيدر يمرني
★★★★★★★★★★★★★★★★★
رديــت رجــعـت الـضـعـن يـــم النـهـر جـبــتـه
واتنــاوشت مــاي الجــرف بجفوف ادي شلته
حاجيـتــه وبـنـضــرة زعــل بعــيوني كــلمــته
عباس ماعطشان الك بس عاطش اعلئ اخته
ينوماس ينوماس★خويه انا هم عطشانه الك
ينوماس ينوماس★عـالتـــل بعـدنـي اتـأمــلك
فكدك يمرمرني=لو حيدر يمرني
★★★★★★★★★★★★★★★★★
عــباس يافـجــر الصبــح يابســمة ايـامـي
ازغيرون ربيتك حلم وابتـهـجت احــلامي
ما امــشي جنــت لوحدي الا انـت كـدامي
بس هسه كاصدتك مشي وتتعاثر اجدامي
بالاحلام بالاحلام★ليــلـيه اشـوفنك تـمـر
بالاحلام بالاحلام★طيفك يجيني ويعتذر
غير انت تعذرني=لو حيدر يمرني
★★★★★★★★★★★★★★★★★
مريت مـن يـم رايتـك واهـتـزت الـرايـه
والتفـت اعليـه بـوفـه وصـارتلي تجايـه
بالـرايــه زارع غـيــرتــك ايــه بأثـر ايــه
جان اخرس السان الوفه وعلمته القرايه
يجرناس يجرناس★بيك نعرف معنئ الوفـه
يجرناس يجرناس★هيبه وشمـوخ ومـعرفه
بحيدر تذكرني=لو حيدر يمرني
★★★★★★★★★★★★★★★★★
اتنسـت بغـيرة عــلــي مـن جابــتك امـك
بـعدك بالـكمـاط وعـلــي شد رايتك يمك
عـباس يل حتئ الهوئ يحـتاجك يـشمك
مو سهله هيه المكبره عن ناضري اتضمك
بالانفاس بالانفاس★عطرك مثل عطر الورد
بالانفاس بالانفاس★يصـعد شهـيق ومـايرد
عطرك ميهجرني=لو حيدر يمرني
★★★★★★★★★★★★★★★★★
خادم العتره /علي حسين الفرطوسي
المعرف الخاص للأستفسار/
نسألكم الدعاء
قصائد الاربعين مكتوبة
ــــــــــــــــــــــــــــــــــــــــــــــــــــــــ
3
،،،،،،،،،،،،،،بسم الله الرحمن الرحيم،،،،،،،،،،،،
مشايه زوار وخدم…يحسين الك نرفع علم
اقبلنه زوارك…ونطالب بثارك
★★★★★★★★★★★★★★★★★
امن الذله هيهات وتضل هل كلمه تنبض بينه
مادامـه اسـمك بالكـلب محد كـدر يــمــحينـه
منـمــد ادينـه لاي بشـــر ونـمد الك ايــدينـــه
اي والله هذا اكبـر شـرف خدامـك اتســمـيـنه
هذا اللقب ما اعضمه…تسجلني خادم فاطمه
تضوينه بنوارك…ونطالب بثارك
يحسين الك نرفع علم
★★★★★★★★★★★★★★★★★
انا امن اخدمك انحسد حتئ اعلئ دمع اعـيوني
عالخدمـه امـلاك الـســمـه اجـمعـهم يحســدوني
يلبسوني تاج بخدمـتك ثـــوب الوفـه يلبــسوني
هنيــالك يكولون الي عالخـــدمـــه ويـهــنـونـــي
بالخدمه لو بس اشترك…ابزودك اصبح كالملك
يم ربنا اسرارك…ونـطالب بـثارك
يحسن الك نرفع علم
★★★★★★★★★★★★★★★★★
انت المدير بثورتك واصبحنه من طلابـك
اتخرجو كل الحشد من مـدرسة اصـحابـك
بيهم شجاعه امن الكمر واتضو امن اترابك
سيفك صبح ويه الـحشد ماينغـمد بكرابك
لو جانو وياك الحشد…كل العساكر تنمرد
لو كلهم انصارك…ونطالب بثارك
يحسين الك نرفع علم
★★★★★★★★★★★★★★★★★
لا ما يهـم بيـنه التعب نتـتـعـنه كلـنـه نـــزورك
و اشما نقدم مـن ثـمن لا مــا يساوي خـدورك
كلمه ابكتـاب اليذكرك نـرسمـها بيــن اسـطورك
كطره و تضيع ابلا حجي اشما تطوف ابحورك
اشما نقـدم مـن ثـمن…فعل ويضيع اويه الزمن
وتـضيـعـه اطـوارك…ونـطالـب بـثـارك
يحسن الك نرفع علم
★★★★★★★★★★★★★★★★★
تمشي اويه دگات النبض بالشهگه ترسم صوره
عن الطـفل اويـه الكـفــل نحــر بـرمح شــع نــوره
جـف و سـبي نــار و خــيم و هنــاك كلمـن دوره
وداع والم طفله وحلم متنطــره ابوها احـضوره
مرسومه بيها ام الخدر…حرمه و خجل منها الصبر
و مـوجره بـنـارك…ونـطـالـب بثــارك
يحسين الك نرفع علم
★★★★★★★★★★★★★★★★★
خدام الحسين
علي حسين الفرطوسي
كرار كاظم الفرطوسي
// نسألكم الدعاء//
قصائد الاربعين مكتوبة
4
ــــــــــــــــــــــــــــــــــــــــــــــــــــــــ
.
كلمات الشاعر الرادود علي ابوسما الديواني
رجعنـه امن اليسـر يحسيـن گـوم انهـض تلگـانـه
رجعنـه امن اليسـر يحسيـن گـوم انهـض تلگـانـه
رجـعـنــه ولاچــن ابـيـاحـــال گوم انهض تلگانـه
رجـعـنـــه بـكـســرة الـــــدلال
شـمــر رَبـط اديـنـــه احـبـــال
سبايـه وسوطـه اذانــه
كــلام اهــواي عـنـدي اويــاك گوم انهض تلگانـه
اريـد اجــري الـدمـع وانـعــاك
مـرد هـرش الـگـلــب فـرگــاك
جـمـر الفـرگـه چـوانــه
علـيـك اعـتــب يـخـال ابـنــي گوم انهض تلگانـه
ويـنــك مـن شـمــــر سـبـنـــي
امـن الـنـاگـةه يـخــي ذبـنـــي
وانـــه ام الـخـــدر آنـــه
آيــالـشــــام وارض الـشــــــام گوم انهض تلگانـه
بـخـرايــب نــامــت الايـتــــام
يـضـربـون الـطـفــل لـو نــــام
وبـينـه اتشَـفَـت اعـدانـه
اسـولـفـــلـك حــــــزن بـيـــــه گوم انهض تلگانـه
بـــس لاتـعـتـــــب اعـلـيـــــــه
تـــره انـسـلـبــت الـتـرچـيـــــه
واذان الـطـفـلـه دمـيـانـه
الفـواطــم راچـبـــات الــنــــوگ گوم انهض تلگانـه
سبـايـه وطـبــن اعلـه الـســـوگ
وصـوتـي امن الـفـزع مـخـنـوگ
ولاوالـــــي الـتـعـنــانــــه
الـعـلـيـــل انـعــايــن الـحــالــــه گوم انهض تلگانـه
عـلـيــك ادمـوعــــه هـمـــالـــــه
اصـدلـــه ونـوحـــي يـتـعــالــــه
صـرت مثلـه آنه حيـرانـه
اخـتـكـــم طـبــــت الــديـــــوان گوم انهض تلگانـه
وحـيـل اعـتــب علـى الخـــوان
امـن اسـمـع ونـــة الــرضــعــان
تـريـد الـمــاي عـطشـانـه
رُقـيـــــــه بـغـربــــه عـفـنـاهـــه گوم انهض تلگانـه
بـخــرابــــــــه مـن دفـنــاهــــــه
الـعـبـايـــه ذكــــره جـبـنــاهــــه
ومـارجـعـت تـره اويـانــه
دلـيـنـــي اعـلــه گـبــــرك ويــــن گوم انهض تلگانـه
مـتـت من شـوگـي إلك يحسيـن
اريــد ابـچــي وابـچــي الـعـيـــن
وون ابــــروح لـهــفــانــــه
دلـيــنــــي بـگــبـــــر عــبــــــاس گوم انهض تلگانـه
حـنـيـــن ابـگـلــبــي مـايـنـقــاس
اريــد اشـبـــع لـطـــم عـالــــراس
والـتـنـعــــه يـتــامــانـــه
كلمات الشاعر والرادود
ميرزا علي ابوسما الديواني
.
قصائد الاربعين مكتوبة
ــــــــــــــــــــــــــــــــــــــــــــــــــــــــ
قصيده لمشاية الزياره الاربعينه المقدسه ونسألكم الدعاء...
..........
هذا اي درب العشك .. هذا اي درب العشك
............
المشي اي واجب علينه نعاهد احسين
اتجنن الماعنده جدم اتشيله الايدين
الماكدر فد مره هم ايزوره بالعين
ايموت واحد بالزياره انعوضه بالفين
كلب عاشك يحترك .. هذا اي درب العشك
..........
عجبه والله هالزياره شايب وشاب
تسابكو لجدام زاير صارو تراب
فتحو كلوب الضيافه بالالف باب
مراد طبخو لابو اليمه والمرض طاب
بابه ميرّد اليدك .. هذا اي درب العشك
..........
امشي بدموعي التغمج اهدومي السود
دمعه لحسيني والاخرى الصاحب الجود
فدوه كل هاي التزور الكطع الزنود
لن عشك عباس يعبر كل الحدود
لا تظنّه نفترك .. هذا اي درب العشك
..........
آني اي اقطع يقيني المهدي وياي
آنه امشي الجّده يعني هو مشاي
احلف ابدا ما يضوكه ويشربه الماي
من اصل شباج جده ريحته هاي
روحي شمعه وتعتلك .. هذا اي درب العشك
..........
آني من امشي تحجبت عيني عالناس
عيون ابو اليمه احسهه وياي حراس
راية بيدي لو مشيت ورافع الراس
هيجي علمني قدوتي وتاجي عباس
بلايه ذكره اختنك .. هذا اي درب العشك
..........
هيجي علمني ابويه وابني اعلمه
الدنيه ماتسوه تراه بلايه خدمه
اليعبر السبعين تلكه عنده هِمّه
جن ابو اليمه يزوره وباكي يمه
والعشك يرشك رشك .. هذا اي درب العشك
..........
أبو مريم الاسدي...لو سمحتي غير صورتك مع
ــــــــــــــــــــــــــــــــــــــــــــــــــــــــ
شد العزم والحيل صيح انته بــسم الله
وي قآئم آل البيت خل نمشي كلنه ياه
•
•
•
•
يالماتعرف بهاي ثق احنه مو من طــين
من حبهم اهل البيت هيج احنه مخلوقين.
كون اهواا عابس صاح جنني حب حسين.
جا احنه. شنهي نكول لوجنه مــوجودين
آمــنه بيه حســين وبكلشي حبيناه
شد العزم والحيل صيح انته بسم الله
•
•
•
•
كل ذره فدوه تروح من جسمي لحروفه
عهد العشك كل عام. نزحفله ونــطوفه
روح الروافض. هيج مــن الله مــلهوفه
تتــونس عله الموت شيــعتنه معروفه
بالكلفه يا مــذبوح صيح انــته وتنخاه
شد العزم والحيل صيح انته بسم الله
•
•
•
•
نتزامط ويالموت واحنه عله خشمه ندوس
من الصبه لهليوم. بينه العشك مــغروس
نمشي بطريق حسين خطوتنه بي نــاقوس
حبــك يخو. العباس بي كل گلب مــتروس
هواا اليحب حسين شتضنه هم ينساه
شد العزم والحيل صيح انته بسم الله
•
•
•
•
عدنه الطفل لو نــاح آيلــذبيح يــكول
يذكر طفل عطشان وبلا ذــنب مــقتول
راسه بسهم مسموم عن الجسد مفصول
دمعه لــون ايسيل كــل هم تراه يــزول
باخر نفسنه انصيح راعي الكرم وياه
شد العزم والحيل صيح انته بسم الله
•
•
•
•
باجر يبعد الحيل انته التجيب الماي.
بالحفره لو ضليت نورك اريد وياي
متأكد انه وزين تحضرني يا مولاي
بيدك يبو السجاد تاخذني يا وفاي
ياساقي كل عطشان لمن يزيد ضماه
شد العزم والحيل صيح انته بسم الله
•
•
•
•
خادم الحسين
سيد علي الدنيناوي
ــــــــــــــــــــــــــــــــــــــــــــــــــــــــ
#للأربعین
جیت روحي امعلعله
جیت خویه الڪربله
جیت ویــّــه العایله یخویه
▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
الیوم یحسین أربعینڪ واعتنیتڪ للگبر
جیتڪ وجدمي ایتعثّر من ألم ظیم الیسر
گوم نادیتڪ یخویه زینب آنـه امّ الخدر
مـُرّه بغیابڪ حیاتي و ذلـّه ماریـد العمر
گوم جیت امن الیسر
گوم أنحب عـالگـبـر
گوم آنــه امّ الـخـدر یخویه
▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
گوم حاچیني أرد أخبرڪ بالجرالي ابغیبتڪ
امیسّره ومچتوفه ادیه وأمشي ویّه العادتڪ
ماتت ارقیّه اعله راسڪ خویه لمّن شافتڪ
وادفنت بالشام روحي من دفَنت ابنیـّتڪ
لیش طفله و تنضرب
لیش بسـیـاط الغرب
لیش مدمعهه یصب یخویه
▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
خویه سامحني أجرحڪ من أسولف عالسده
ومن ڪثر ضرب السیاطه امورّمه امتوني العده
اشراح أخبرڪ عن علیلڪ گلبه الله ایساعده
ومن جلوس اختڪ تصلّي وبالحِبال امگیّده
ریت میتـه و لاعشت
ریت من گبلڪ متت
ریت تـنهـض للأخت یخویه
▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
امگیّد السجاد أشوفه وعینه عالعیله ابألم
واختڪ اتبات ابخرابه ابلاڪفیل و لاخیم
من دخلنه الشام اجونه بالسیاطه ابلارحم
والیزید الطاغي بالطگ گوّه گادوهه الحرم
چیف بـعـیال النبي
چیف تقبل تنسـبي
چیف بـیـد الأجنبي یخویه
▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
خویه وینه اللّي ڪفلنه وچان حامي اودیعته
أرد أخبـره الخـارجیـّـه اسمي صار ابـغیبتـه
طـلّـعـوني امتوني زرگـه اشلون تقبل غیرته
وتمشي حفـّایه الیتامه ومانهض من نـادته
وین ڪل ذیچ اخوتي
وین گـایـد نـاگـتـي
وین یحرس عـیلـتي یخویه
▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
بقلم الرادود یعقوب البوغبیـش
27 / محرم / 1440
ــــــــــــــــــــــــــــــــــــــــــــــــــــــــ
#زوار_الحسین
زوّار نگصـد اصفـوف
زوّار نعتنـي ازحـوف
زوّار والمَلـه اتشـوف
لإبــن الزچـیـّـه
▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
مشّای اجیتڪ سیدی وحافي الضریحڪ قـادم
اتعنه مو بس عالجدَم ازحف و اجیلڪ هایـم
حگه الیجن بمحبّتڪ یالجننّیت الـوادم
لا ما الومه الیعشگڪ و اشما یلوم اللایـم
مشّای ڪل سنه و عـام
مشّای حافـي الأجـدام
مشّای لإبــن الأڪـرام
تحلـه المـنیـّـه
▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
نتعنّـه زوّار و خدَم مشّایـه ڪلنه احبابڪ
غایتنه نوصل گبْتَڪ و نسجد نقَبـْل اعتابڪ
شیبه و شباب و ڪل طفل یهمل دمعتـه ابّابڪ
للموت نبقیٰ ابهالحزن نبچي اعله یـوم امصابڪ
للموت نمــشي زوّار
للموت نفـدي الأعمـار
للموت رغــم الأشــرار
و النـاصـبیـّـه
▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
خدامڪ احنه ونفتخر یاسیدی ابهالخدمـه
سِر النجات ابخدمتڪ والخادم اتعلّي اسمـه
نعمه خدمتڪ سیدي تاج الشرف والرحمـه
احسبنه عبیدڪ للأبد و ارزقنه های النعمـه
خـدّام لآخر الأنفـاس
خـدّام ضـد الأرجـاس
خـدّام نـرفـع الـراس
ابهـای الهـویـّــه
▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
ڪل عام نگصد حضرتڪ و ابأربعینڪ نحضـر
لو تنگطع رجلینه و انحور و جثث تتـوذّر
متهمنه ارهاب وقتل نفدیڪ گطع المنحـر
واجب علینه ازیارتڪ و المایزورڪ یخسـر
خسران من یضـدّڪ
خسران مـایگصـدڪ
خسران وانتـه جدڪ
سـیـد البـریـــه
▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
طول الدرب یبن النبي نذڪر مشي المظلومـه
من ردّت ابعیله وحـرم تنعیٰ اربعینڪ یومـه
من ونهـه زینب سیدي المیت یفز من نومـه
یم گبرڪ و گبر الڪِفل مدمعهه سال ادمومـه
بـالآم ردت اتـنــوح
بـالآم دمهه مسفـوح
بـالآم صِد یمذبــوح
حال السبیـّـه
▧▧▧▧❂❂❂▧▧▧▧❂❂❂▧▧▧▧❂❂❂▧▧▧▧
بقلم الرادود یعقوب البوغبیـش
۹ / ذي القعده / ۱۴۳۹
ــــــــــــــــــــــــــــــــــــــــــــــــــــــــ
يايوم ازورك يحسين مشتاق اشم اترابك
######
لزيــارتك هــذا العــام وفقـــــني يبـن الزهـره
وفتحلي بابك مولاي وسمحلي اطب للحظره
جنه ضريحك يحســين يامحلى ريحة عطره
كل حلمي ازورك والله وقـره القصـيده ابابك
######
يحسـين وي اليمشون احسبلي عندك خطوه
اويه الخلص امـن الزوار سجلني يمك فدوه
انته الامل يامولاي مـن دونك احنه اشنسوه
يالعايش ابوسط الروح حاشاك تنسه احبابك
######
بسمك نبض گلبي وصاح يحسين يامحبوبي
ابحبك همت يا مولاي حبـك محـالي اذنوبي
اجمل عشـگ عشته اوياك نورلي كل ادروبي
حيـل الضريحك ملهوف يا يوم اقبل اعتابك
######
مو وحده عابس مجنون كل شيعتك مجنونه
مـا فارگـو دربك يـوم درب العشـــگ يهــوونه
اشگــد حــاولو اهل الجــور عنــك فلا منعونه
عفنه الاهل عفنه الدار اتعنينه نحيي امصابك
######
اتحســــر وادمــي العـــين لـو طلعـو المشــايه
مشتاق اجي اوياهم ليك وبچفي اشيل الرايه
ما عنــدي غيرك محبوب وانتــه الامل والغايه
لو ما وجودك يحسين هل دنيـه وحشه وغابه
######
الخادم
كامل السعيدي 2018 م ــ 1440 هـ
هاتف 07808221948
ـــــــــــــــــــــــــ
ياحسين اويانه يمشي … زائراً مهــدينه جـاي
شـايل ابچفـينه جربه … ايــــوزع الـزوار ماي
ايوزع الزوار ماي
********
للـي يمــشي ماي مـــن اعيـونه وزع للـي يمشي
تسوه كلشي خدمتك يحسين عنده تسوه كلشي
ثـوب الزوارك امـن ادمــوعه
يبچـي دم الزينب المفجوعه
دربه خلص لوعـه تتبع لوعه
لجل سكنه البليسر موجوعه
ثارچ ابهل رگبـه ناده … شعندي غيرچ يارجاي
شايل ابچفينه جـربه … ايـــوزع الـزاور مــاي
*********
بالمسـيره يمشي ويانه ابوصالح بالمسيره
هالشعيره حظر ويـانه حيـــاهه هالشعيره
يمشي ويـانه وتهل دمعاته
يذكـر السـوط ومتن عماته
بأذني احس اترددن كلماته
حسين ما اتخله عن ثاراته
الفرج اصبــح قريب … اويرتفع بيـــــدي لواي
شايل ابچفينه جربه … ايــوزع الـــزوار مــاي
**********
هل بشاره يـامــن اتـزورون اسمعو هل بشاره
هل زيـاره امسجله ومقبوله منكــم هل زياره
اينـــادي فزتو يامــن اتزورونه
حســين كعبه واجب اطوفونه
واگفلكـــــم بالحـــشر تلگـــونه
حسين ما ينسه ألي ماينسونه
اينادي احرص يالتزوره ... وحافض اعله الخطوه هاي
شايل ابچفـــــينه جربه ... ايــــــــوزع الــزوار مـــــاي
************
ابگلبه صدعه من مصايب كربلاء ابگلبه صدعه
عنـــده رجعه باچــر وثارات ياخـذ عنده رجعه
ياحســين ايسبح ابخطواته
وبالمــواكب رفرفــن رايـاته
ايفطرن اجبال الصخر وناته
آه مـن طف كربله ولچمــاته
يمشي ويانه وينـادي ... حسين محبوبي وغلاي
شـايل ابچفبنه جربه ... ايــوزع الــزوار مــــاي
***********
علي اوياكم ايصيح اخافنكم تعبتو علي اوياكم
كل خطـاكم ما يضيعن لا وحقكــم كل خطاكــم
العاشقـــــــين الولّه ايسمــــــينه
وعل زيــاره والمشـــي ايهنـــينه
مــدري شنـهو الشايله ابچفـــينه
بيده اضن جايب تراجي اسكينه
ايشمهن ويبچي ويگلهه … عمـه يا سكـنه تعاي
شــايل ابچفـــينه جـربه … ايوزع الزوار مـــاي
***********
الخادم
كامل السعيدي 2018 م -- 1440 هـ
هاتف 07808221948
ــــــــــــــــــــــــــــــــــــــــــــــــــــــــ
يمشـايه علي اوياكم
ابواليمه ايتلگـــــاكم
يعد ضل خطوه خطوه
الزيــاره ابدربـــه حلوه
****
واگف بقه اباب الصحن.. ويناطر احبـــــــاب الگلب
چلمة هله ابصوت الخدم.. وزعهه وي طــول الدرب
شر حضنه مثل ام الولد.. العاد الها مــن ديرة غـرب
اتحس بالسعاده ابحظرته.. يازايــــــره لمــــن تطب
يخليـــــكم وسـط روحه
يمن صـرتو دوه اجروحه
الگلـب وبكيفه يهوه
الزياره ابدربه حلوه
*****
جبريل اجه ايحصل اجر.. جنحانه فوگك رفرفن
فارش حدر جدمك ورد.. يالگاصـــد الجنة عدن
وي عابس اسمك سجله.. خل گلبك اكثر يطمئن
بدموع الايتـــام الجره.. اصكوك الزياره اتوقعن
يسجلـــــــهن اسماميكم
ابگلب ضامي يحييــكم
بجمعكــم گلبه يروه
الزياره ابدربه حلوه
*****
ألجنه مو بالاخـــــــــــره.. بالدنيه باب الهه انفتح
احسين جنه اعله الارض.. وبحظرته اتحصل ربح
يالزاير امشـــــي الكربله.. وبچي اعله گبر المنذبح
وتذكر اجروحه الصفت.. الف وتسـع ميــة جــرح
وبعـــــد اذكر سهـــم نحره
وسبي اعياله الكسر ظهره
المشو بدروب شلوه
الزياره ابدربه حلوه
*****
گواكم الله اعله المشي.. يا مـن اجيتو الكربله
ميضيع مسعاكم ابد .. بيده الحسـين امسجله
شاهد على طول الدرب .. زواره كلـهه امدللـه
كتب اهلاً علـى ابوابه
فـلا ينسه وفه احبابه
وحــق آدم وحـــوه
الزياره ابدربه حلوه
*****
تسبيحه كل نگلت جدم.. بسم الزچيه ام الحسن
محسوبه الف حجه الك.. يالگاصد حسين ابحزن
لمـن ترد منـــــه تحس.. بحسـاس المفـارك وطن
صعبه الحبيب اتودعـه.. گلبك يالمفـــــارگ يحن
يسمــــونه مجـانينه
يضل غالي ابوسكينه
يضـل بالروح سلوه
الزياره ابدربه حلوه
*******
الخادم
كامل السعيدي 2018م
هاتف 07808221948
ــــــــــــــــــــــــــــــــــــــــــــــــــــــــ
#محرم_١٤٤٠
#قصائد_منبريه
#أنتم_ابي
أربعينيه
يـــاحـسـيـن ابـأربـعـيـنـك وبـربـيـع احـزان ديـنـك
نـعـتـنـيـك ازحـوف
نـعـتـنـيـك ازحـوف
يـاحـسـيـن ابـأربـعـيـنـك
..................................................................
ياحسين وهـــاي جلمه بـيـهـه معنه وبـيـهه كل التضحيـات
بيهه نهتف من نزورك وانـت ادرى هاي صـرخات الابـات
عــاشـكَـيـنـك يــا أملنه اشما نزورك نشعر ابهـمس الحيـاة
أحـنـه لـو مَر اربعينك نمشي موكب نسحكَـ اخشوم الطغات
مايردنه الخوف
نعتنيك ازحوف
ياحسين ابأربعينك
....................................................................
انـــــتَ قرأن الشهاده يعني يمك نقره آيــــــات الكتـاب
نكَصـدك واشـما نقدم من ضحايا ماتسد عين المصـاب
كلشي ضحيته الأجِلنه حته طفلك وضح ابدمه الخطـاب
إحنـه نحتـار اشنـقدم يبو اليمه هاك من عدنه الجواب
واليضدنه ايشوف
نعتنيك ازحوف
ياحسين ابأربعينك
..................................................................
نـمـشـي مايردعنه ظالم لامـفـخـخ لا حــزام الـنــاسـفه
عالجدم نمشي ابطريقك بـيـنـه آيه بينه معـنـه الراجفه
يـرجـف الـكـون الأجِلنه والهه تتبع تـتـبـعـلـهـه الرادفه
بــــــالـمـواكب نعتنيلك عـالاعـادي ريح وانهب عاصفه
وهالامر معروف
نعتنيك ازحوف
ياحسين ابأربعينك
..................................................................
جينه مشايه ونريدك تــوكَـفـلـنه سيــدي ابيوم الحشر
انتَ حامينه وامـلـنـه يـــــاشـهـيد الداسـته خيول الكفر
سيدي ابيوم اربعينك من نزورك نـشــعـر ابـلـيـلة قدر
ونذكر امصاب العقيله اليسروهه وشـتموهه اهل الغدر
وابكَلب ملهوف
نعتنيك ازحوف
ياحسين ابأربعينك
...................................................................
كل سنه وكل عام نوصل واعله بابك نغركَ ابفـيـض الدموع
ونــعـتـبـر هــالشي قليل ومــايكـَفي ذره من كسر الضلوع
نخضع الحـزنـك يــوالي وانت تدري نخضع الحزنك خضوع
نوكَــف ابـابـك نـشـاهد نور كَبتك نـور وبـأعـظـم سطوع
وبدمع مذروف
نعتنيك ازحوف
ياحسين ابأربعينك
.........................................................................
ياسر العارضي
ــــــــــــــــــــــــــــــــــــــــــــــــــــــ
نداء الاربعين لبيك يا حسين
نداء الاربعين لبيك يا حسين
..................
كلما يمر بينه الزمن نكَصدله مشايه
نمشي اعله دربه بكل فخر للحضره عنايه
كل زاير وممشه اعتناله حامل الرايه
ذوله احنه خدام الحسين الذكره وفايه
صرختنه بالأنين
لبيك يا حسين
.............
نذكر رقيه الما أجت بالاربعينيه
اتزور بنيابه عنهه هاي اجموع شيعيه
ننعه ابطريقه مؤلمه ابنبره ولائيه
ومطلوبه أطوار النعي الأفضل عراقيه
على مَر السنين
لبيك يا حسين
............
نسحكَ على اركَاب العدو كلما نمر موكب
اعلامه سوده وي صور وبقطعته يرهب
شيب وشباب الدمعه منهم عالوجن تسجب
وكل خطوه تمحي سيئات الكَاصد ومذنب
لَمَكَطوع الوتين
لبيك يا حسين
..................
نستقبل الحره الأجت يم كَبر ابو اليمه
ولهذا نمشي اعله الطريق بحركَه وبهمه
واحد يكَل للثاني خل ابريلك الذمه
خافن نطيح بهالدرب ونفارك َ الخدمه
دمعتنه عالجبين
لبيك يا حسين
..................
هذا اعتقاد اللي مشه وبهالامر ناجح
كل خطوه يمشي اوياه اكيد المهدي ابوصالح
وهنياله كلمن يلطم اعليهِ الحزن واضح
نال الشفاعه من علي وبالأخره رابح
بحضرة علي الأمين
لبيك يا حسين
..................
درب المعاجز والحِكم يادرب ابو الاكبر
ويانه يتعنه الحسين القاري والمنبر
ابوكت الصلاه لو بينه اذن واحد وكّبَر
اللّهُ أكبر جسم الحسين الوفي امطبر
إمام الثائرين
لبيك يا حسين
ياسر العارضي
ــــــــــــــــــــــــــــــــــــــــــــــــــــــــ
قصائد الاربعينيه
•
•
يوم اربعينك تگصِدَك
يحسين .. خدامك
اتناديك من نحرك بقه
ممنون .. اسلامك
....
بحروفك من شفت ،،
ديـن الله آمنــت
ولجروحك . كبرت ..
بدموعي
متعني برايتي ،،
واحزانك كلمتي
صرت انته بدنيتي ..
موضوعي
مسبحتي صارت كربله
وتسبيح .. ألامك
اتناديك من نحرك بقه
ممنون .. اسلامك
....
يا قبلة كل ألم ..
والدينك منطي دم ..
جروحك شيب القلم ..
وآهاته
اتحب عيني دمعتك ..
ودم گلبي ازيارتك
ويلغالي لمحنتك ..
وناته
ونيران گلبي سيدي
من نار .. الـ بخيامك
اتناديك من نحرك بقه
ممنون .. اسلامك
....
من امشي لكربله ..
يمر حزن العايله
بدمعاتي السايله ..
انخه اسمك
وابدي العن ظالمك ..
من الـمَي حارمك
يمعلي اليخدمك ..
الواسه امك
يابو علي ايام العُمر
احزان .. لأيامك
اتناديك من نحرك بقه
ممنون .. اسلامك
....
يا محزوز النحر ..
لو مر بينه الخطر
زوارك چن بحر ..
بدروبك
كل خطوه لكل محب ..
كلمة حُب تنحسب
بآهاته ينكتب ..
محبوبك
كل شيعي يمحي ونه من
ونات .. اسهامك
اتناديك من نحرك بقه
ممنون .. اسلامك
....
سعد هادي الشمري
ــــــــــــــــــــــــــــــــــــــــــــــــــــــــ
.
(قصيدة للمشاية)
كلمات الـشاعر الـرادود عـلـي ابوسمـا الـديوانـي
يـمـشـاي وي ضـعـن الـسـبــي زايــر يـمـشـاي
ﮔـــاصــد لـلـغـــريــــب الـمــاشــــرب مـــــــاي
صـيــح اويـه الـعـقــيــلــه اهـنــــا يـــوفـــــاي
* *** *
يـالمعـتـنـي بـشوغة ﮔــلـب وي زيـنـب الـسـبـيه
حـافي الـجدم واتـهل دمع والـونــه هــاشـمـيه
لا حـر يــهـمـــك لا بــــــرد ومـتحمل الاذيـــــه
تـتـخـــايـل ابـذاك الــدرب تذكـ حـبــل رقـيـــه
جراحات ﮔـلـبك شـايل انتـه اشگد جراحات
ﮔـــاصــد كــربــلـــه وﮔــاطــــع مـســافــات
دمـعـــك يـجـــري وي دمـــــع الـحـنـيـنـات
* * *
يـوم اربعـيـنـك يـالـولــي زيـنـب لـفـت حـزينـه
ونــة ﮔــلـبــهـه تـنـسـمـع يــاونــة الـحـنـيــنـــه
تـلـگـاهـه يلـه بـت علـي محتـاره بالضـعـيـنـه
رَويـهـه يــالـزايــر دمـع عطشانه وي سـَكينه
يكـفـال نسـمــع زيـنـــب اتـنـادي يـكـفـال
رجـعـنـه امن الـيـسر خويــه ابـأمـر حــال
ﮔــوم ومــن اديـــنــــه فـــــــك الاحــبــال
* * *
يـزايــر وعـنــدك عــلـــم هدهـه الاخو ومصابه
شافت اخوها اعلـه الثره والدم صبح خـضـابــه
ﮔـعدتهه صارت عـالـترب والـنـومه بـالـخـرابــه
تـسمع رُقـيـه ابكل وكـت وين ارحلـت يـبــابــه
بـالادروب ظلـت تـايهـه وتـعـثـر بـالادروب
عـطـشــانـــه يـويـلـــي وظـلــت اتــلــــوب
تــدرون بـگــلـــب هـالـطـفـلــة مـصـيــوب
* * *
تـعَـبـهـه يـاويـلــي الـسفـر واحـتـارت ابأمرهـه
ردت اخـتــكـم هــالـمـسـه مـتحَزمـه ابصبرهـه
سياط الشمر تـركت وسف فوﮒ الـمـتن اثرهـه
يــزايـر ابـلـطـــم الــصــدر شـارك لطم صدرهه
عـزيــه شـارك زيــنـــب وانـصب عــزيـــه
يــم ﮔــبــر الـغــريـــب ابـــن الــزﭽـــيــــه
فـــاﮔــد بــالــضـعــن بــنــتـــه رُقـــيـــــــه
* * ***
ونوح اعلـه راعي الغانمه ويم ﮔـبره خلي رايـه
وگله اخـتك بحيرة ﮔـلب جـابـتـلـك الـسـبـايـه
خدري يـبوالغيره انسلب واحـتـرﮔـت الـعـبايه
وايـتـامـك الظـلـت تـون من الـعـطش ضمـايه
يعـبـاس ﮔـبـرك ويـن ﮔـلـي اهنـا يـعـبـاس
اجــيـت اشـكـيـلـك احــوالــي يـنــومـاس
وي زوارك ابـچــــي والــطــــم الـــــــراس
كلمات الشاعر الرادود
علي ابوسما الديواني
.
ــــــــــــــــــــــــــــــ
.
كلمات الشاعر الرادود علي ابوسما الديواني
رجعنـه امن اليسـر يحسيـن گـوم انهـض تلگـانـه
رجعنـه امن اليسـر يحسيـن گـوم انهـض تلگـانـه
رجـعـنــه ولاچــن ابـيـاحـــال گوم انهض تلگانـه
رجـعـنـــه بـكـســرة الـــــدلال
شـمــر رَبـط اديـنـــه احـبـــال
سبايـه وسوطـه اذانــه
كــلام اهــواي عـنـدي اويــاك گوم انهض تلگانـه
اريـد اجــري الـدمـع وانـعــاك
مـرد هـرش الـگـلــب فـرگــاك
جـمـر الفـرگـه چـوانــه
علـيـك اعـتــب يـخـال ابـنــي گوم انهض تلگانـه
ويـنــك مـن شـمــــر سـبـنـــي
امـن الـنـاگـةه يـخــي ذبـنـــي
وانـــه ام الـخـــدر آنـــه
آيــالـشــــام وارض الـشــــــام گوم انهض تلگانـه
بـخـرايــب نــامــت الايـتــــام
يـضـربـون الـطـفــل لـو نــــام
وبـينـه اتشَـفَـت اعـدانـه
اسـولـفـــلـك حــــــزن بـيـــــه گوم انهض تلگانـه
بـــس لاتـعـتـــــب اعـلـيـــــــه
تـــره انـسـلـبــت الـتـرچـيـــــه
واذان الـطـفـلـه دمـيـانـه
الفـواطــم راچـبـــات الــنــــوگ گوم انهض تلگانـه
سبـايـه وطـبــن اعلـه الـســـوگ
وصـوتـي امن الـفـزع مـخـنـوگ
ولاوالـــــي الـتـعـنــانــــه
الـعـلـيـــل انـعــايــن الـحــالــــه گوم انهض تلگانـه
عـلـيــك ادمـوعــــه هـمـــالـــــه
اصـدلـــه ونـوحـــي يـتـعــالــــه
صـرت مثلـه آنه حيـرانـه
اخـتـكـــم طـبــــت الــديـــــوان گوم انهض تلگانـه
وحـيـل اعـتــب علـى الخـــوان
امـن اسـمـع ونـــة الــرضــعــان
تـريـد الـمــاي عـطشـانـه
رُقـيـــــــه بـغـربــــه عـفـنـاهـــه گوم انهض تلگانـه
بـخــرابــــــــه مـن دفـنــاهــــــه
الـعـبـايـــه ذكــــره جـبـنــاهــــه
ومـارجـعـت تـره اويـانــه
دلـيـنـــي اعـلــه گـبــــرك ويــــن گوم انهض تلگانـه
مـتـت من شـوگـي إلك يحسيـن
اريــد ابـچــي وابـچــي الـعـيـــن
وون ابــــروح لـهــفــانــــه
دلـيــنــــي بـگــبـــــر عــبــــــاس گوم انهض تلگانـه
حـنـيـــن ابـگـلــبــي مـايـنـقــاس
اريــد اشـبـــع لـطـــم عـالــــراس
والـتـنـعــــه يـتــامــانـــه
كلمات الشاعر والرادود
ميرزا علي ابوسما الديواني
.
ــــــــــــــــــــــــــــــــــــــــــــــــــــــــ
.
(نعـي رجـوع السبـايـا)
رجعنـه امن اليسـر واشلـون رجـعــه
وطـب ضعـن السبــي للغـاضريـه
ضعــن مابيـه زلــم بس روس ويــاي
وسبـيـه لـو نـعــت تلـطـم سبـيـه
ركـض مامش صبــر عنـدي يعـبـاس
تلگـه اختـك صبر ماعدهـه هيــه
يخويـه اشلـون لوينشدنـي الحسيـن
يـزينـب وينهــا ابنيـتــي رُقـيــــه
رجليهـه انچــوت واذتـهــا الاجــروح
خـاف يشوفهـا ويعـتــب علـيـــه
بالمغيسل شفـت زرگـــات الامـتــون
وغسلت الطفلـه بدموعي الجريـه
ماعنـدي گـلــب واحچـيلـه عالصــار
شگلـه الطفلــه راحـت من اديــــه
اخافـن من اگـلــه يـمــوت مـرتـيــن
اخــوك وتـدري مايحـمـل اذيــــــه
يخويـه الـف وتسـع ميـة جرح بيــه
اضمـدنــه اجـيــت ابـهــالمـسـيــه
ثـوب الطفـلـه جبـتـه بگبـره اخلـيـه
بلچـن بـابـا ضمـني اتصيح هيــه
رُقـيــــه اعلــيـك ونـتـهـــا يـبـوهــه
هـديــه الـنـــاس رادوهـــا يـبـوهــه
ليـزيـد الطاغـي بالمجلـس يـابـوهـه
طـفـلــه امـچـتـفــه بـحـبــل الـمـنـيـــه
كلمات الشاعر الرادود
ميرزا علي ابوسما الديواني
.
ــــــــــــــــــــــــــــــــــــــــــــــــــــــــ
كلمات الشاعر الرادود علي ابوسما الديواني
فـزاعـيــــــــــه
رديـتـــي اوحَــيــدﭺ يــم عــــــــون
ضـعــنــﭻ عــــاد بـحــزانـــــه
يُــمـــه وحـيـــــل ذبـــلانـــــه
تـگـول الـحــــره هــاي آنــــــه
ظـيــم الـطــــف گـلـبـلـــي الــلـــون
رديـتــي ابـحـــزن وونـيـــن
اشـوفــن دمـعـتـچ بـالـعـيـن
ويــن اخــوانــﭻ الـطـيـبـيـن
تــگــــول اخــوانــــــي مــيــــــردون
مصاب الـطـف گـلـب حـالـي
اخـوتــي امـذبـحـه اﮔــبـالـي
حــرت بـيـتـامـي واعـيـالــي
عـطــاشـــه وكــلـهـــم أيــلــوعــــون
اشوفـنچ رجـعـتـي ابـنــوح
يحـره وبـيچ حفـنـه اجروح
حـزني اعله الاخـو الـمذبوح
عـفــتـــه اعـلــه الارض مـطــعـــون
رديــــت ابــهــظـم يَــمَــــي
شـاب الـــراس من هــمـــي
خـيـل الـداسـت ابـن أمـــي
عــمــــداً صــــــاروا أيــسـحـگـــون
عـبــاس الـكـفـل ضـعـنـــي
ذبــيــح وحـالـه شــيـبـنــي
وَفــه اوعـوده خـال ابـنـــي
عــگبــه اتــكــفــلـــت بــضــعــــون
راح الـگــمـــر يـم عـبـــاس
الطمي العـين الطمي الراس
وذر عـفـت ابـنـﭻ الـنومـاس
اهـجـع ﮔـولـــــي يُـمـــه اشــلــــون
درب الـــشــام آيـالــشــــام
خــلانـــي ابــحــــزن والآم
خـرايـب عـالـتـرابـه انــــام
وضــرب الــســـوط عـــالامــتــون
چـم راس الــمـشـه ويــاي
وتـهـمـل بـالـدمـع عـيـنـاي
كلـهه اتصيح زيـنــب هـاي
عـلــيـــه الــــــــوادم أيــنــظــرون
حـگــﭻ مــاعـرفــتــيــنـــي
غـيــر حــالـتـي اونــيـنــي
ادﮒ والـطـم على حسينـي
ضــامــي وبــالـغــــرب مــدفـــون
كلمات الشاعر الرادود
ميرزا علي ابوسما الديواني
.
ــــــــــــــــــــــــــــــــــــــــــــــــــــــــ
.
كلمات الشاعر الرادود علي ابوسما الديواني
(فـزاعـيـــــــه)
يـاهـــــلا بــالـمــشــايــــه
يـاهـــــلا بــالـمــشــايــــه
بــالــدمـعـــه نـــــادت فـــاطــمـــه
كـتـبـــت عـلـى ابـــواب الـسـمــــه
كــــل الــخــــــــدم مـتـحـــزمـــــه
لَـبـنــــي اجـــت عـنــايـــــه
بـيـكــــم اشــيــلـــن راســــــــــي
واتــــــردد آنـــه انــفـــــاســـــــي
مـسَـجـلَــتـكــم ابـــأحـســـاســي
يـاشـيـعـتــي الــوفــايــــه
زوار اجــيـــتــوا الــكـــربــلــــه
ﮔــلــبـــي يـنــاديــكــم هــلـــــه
كـل خـطــوه هــاي امـسَـجـلـــه
مـاﮔـصـريـتـوا اويـايـــــه
ياشـيـعـه عـيـنـي اعلـه الـــدرب
انـطــركـم ودمـعـــــي يــصــــب
اويــاكـــم لـفـــت مـن الــغــــرب
زيـنـــب تــرف بـالـرايـــه
عـيـنـوهــه زيــنــــب عـالـصـبــر
ويـاهــه لـطـمـوا اعـلـه الــصــدر
گـلـبـــي عـلـى ابـنـيـتــي جـمـــر
يـنــزف يـشـيـعـه ادمـايــه
گـرولــــي عــيــنــــي بـالــلــطــم
وصـيـحــوا يـعـبـــاس الـشــهـــم
مــاگــصـــرت ويــــه الــحـــــــرم
دگـيــت اعـظــم ثـــايــــه
ثـــــــار ابــنــــــي لاتـنـسـونــــــه
خــلــهـــه تـگـــــــر اعــيـــونـــــه
مــشـــايـــــــــه تــتــعــنـــونــــــه
كــل الــثـــواب ابـهـايــــه
وَيــاكــــم الــطـــم عـالــظـلــــع
وصـرخــاتــكــم آنــه اســتــمــع
بـالــجــنـــه فـــايــز هـالـجــمــع
كــلـكــم تـــره بـحـمــايــه
آجــــركـــــم الله شــيــعــتــــــي
فــرحــانـــه بــيـكــم دمـعــتــــي
وَنــتــكـــــــم آنــــه وَنـــتــــــــي
ممـشـاكـم انـتـوا ابـغـايــه
كلمات الشاعر الرادود
ميرزا علي ابوسما الديواني
.
ــــــــــــــــــــــــــــــــــــــــــــــــــــــــ
كلمات الشاعر الرادود
عــلــــي ابـو سـمــا الـديـوانــــي
هــــاي آنـــه رديــــــــت
لـخــوانـــــي حَــنــيـــت
يهل الحميه........تــلكوا الـسبيه
آه آه يـاغــربــة الــشــــام
آه آه يـاغــربــة الــشــــام
*****
من بـعـد ظـيـــم الـيــسـر رَدت أخـتـــكــم
تـسـعــه واتــلاثـين يـــــوم امـفــارﮔـتـكــم
تـعــثـر ابـمـمـشـاهـه دَلــوهــــه ابــدربـكــم
اتصيح ﮔـومولـي يهل نـمـتـوا ابـلـحـدكـم
اهــنـــــا يــالاخـــــــوان
بـﮔـلـيـبــــي نــيـــــــران
طـفـوهـه إلـيه....... تـلـﮔـوا السبيه
آه آه يــاغــربـــة الــشـــــام
آه آه يــاغــربـــة الــشـــــام
*********
تـسـعـه واتــلاثـيـن يـــوم امـن الـمـصـايـب
شـفـنـه بــدروب الـيـســر ظـيــم ونــوايــب
انـتـوا نــومـه بـالـﮔـبـر واحـنـه ابـخـرايـــب
فـراش مـاعــدنـه ونـنــام اعـلـه الـتــرايـــب
شـيـسـكــت الايــتـــــام
مـاتــﮔـــــدر اتــنـــــــــام
ظــيم واذيــــه......... تـلـﮔـوا السبيه
آه آه يــاغــربـــة الــشـــــام
آه آه يــاغــربـــة الــشـــــام
*****
رَدت إلــكـــم زيــنـــب اهــنـــا يــالـنـشــامـه
يـلـه ﮔــوموا اسـتـقـبـلـوهـه اويـه الـيـتـامـه
عـالـمـتـن ســوط الـنــذل تـــارك عـــلامـــــه
رَدت وتــشـكــي الـمـصـايـــب والـظـــلامـــه
صوتـي ابحــزن صــاح
راح الـــخــــــــــدر راح
وراحـت رُقـيـــه........ تـلـﮔـوا السبيه
آه آه يــاغــربـــة الــشـــــام
آه آه يــاغــربـــة الــشــــــدام
********
نـمـتــوا نـــوم الـعــافــيــه اهـنــا يَـخـوتـــي
دمعـتـي اعـلـه اخـدودي آيــاتــي وقـنـوتــي
من بـعـيـد اصـرخ ونـادي ابـعـالـي صـوتـــي
ريـــت ويـــاكــم صُـبــح يـخـوانــي مـوتـــي
مـابـيــــن الاﮔـــبـــــور
انــشــــد عــالــبـــــدور
ردوا عـلــيــه....... تـلـﮔـوا السبيه
آه آه يــاغــربـــة الــشـــــام
آه آه يــاغــربـــة الــشـــــام
*****
ﮔـــوم يــاعــبـــاس واتــلــﮔـــه الـضـعـيــنــه
شـﮔــد نــدبــتـك يـاأبـو الـــروح الـحـنـيــنـه
ﭽــا عـجـب مــاهَــزتـك دمـعـــة ســكـيــنــه
لـو تـنـاشـــد عــنــك أيـجــاوب بـﭽــيــنـــــه
نـلـطــم عـلـى الـــــراس
اهــنـــــا يـعـــبــــــــاس
عـوف الـمـنـيــه....... تـلـﮔـوا الـسـبــيـه
آه آه يــاغــربـــة الــشـــــام
آه آه يــاغــربـــة الــشـــــام
*******
ركـضـت ابـشـوﮒ الـعـقـيلـه اويـه الـفـواطـم
رادن أيــبـثَـن حــــزنــهــن لــلـهـــواشــــــــم
شـافـن ابــدم ويـلـي مـصـبـوغـه الـعـمـايــم
يـم الاﮔــبــور ابـحـــزن نـصـبــــن مـــآتـــــم
ويـم ﮔـبـــر الحـسـيـــن
نـصـبــــن عـــزاويـــــن
هـــاي الـمـســيـــه........ تـلـﮔـوا الـسـبــيـه
آه آه يــاغــربـــة الــشـــــام
آه آه يــاغــربـــة الــشـــــام
خــادم الامـــام الحـسـيـن
عـلــــي ابـو سـمـــا الــديــوانــــي
ــــــــــــــــــــــــــــــــــــــــــــــــــــــــ
.
دعيـت الله ورفـعـت ايــدي ونـاجـيـت
اشـوف اخوانـي بس لـيـلـه ونـاجـيـت
جـبــت الـــروس يـخـوانــي ونه جيـت
بـس ويــــاي مـــارجـعــــــت رقــيـــــــــــة
……………………
رجعنـه امن اليسـر واشلـون رجـعــه
وطـب ضعـن السبــي للغـاضريـه
ضعــن مابيـه زلــم بس روس ويــاي
وسبـيـه لـو نـعــت تلـطـم سبـيـه
ركـض مامش صبــر عنـدي يعـبـاس
تلگـه اختـك صبر ماعدهـه هيــه
يخويـه اشلـون لوينشدنـي الحسيـن
يـزينـب وينهــا ابنيـتــي رُقـيــــه
رجليهـه انچــوت واذتـهــا الاجــروح
خـاف يشوفهـا ويعـتــب علـيـــه
بالمغيسل شفـت زرگـــات الامـتــون
وغسلت الطفلـه بدموعي الجريـه
ماعنـدي گـلــب واحچـيلـه عالصــار
شگلـه الطفلــه راحـت من اديــــه
اخافـن من اگـلــه يـمــوت مـرتـيــن
اخــوك وتـدري مايحـمـل اذيــــــه
يخويـه الـف وتسـع ميـة جرح بيــه
اضمـدنــه اجـيــت ابـهــالمـسـيــه
ثـوب الطفـلـه جبـتـه بگبـره اخلـيـه
بلچـن بـابـا ضمـني اتصيح هيــه
رُقـيــــه اعلــيـك ونـتـهـــا يـبـوهــه
هـديــه الـنـــاس رادوهـــا يـبـوهــه
ليـزيـد الطاغـي بالمجلـس يـابـوهـه
طـفـلــه امـچـتـفــه بـحـبــل الـمـنـيـــه
كلمات الشاعر الرادود
ميرزا علي ابوسما الديواني
.
مصدر القصائد منقولة من قنوات وكروبات موسسة منبريون على التلكرام احمد الزوار
تعليقات
إرسال تعليق