فزاعيه الشجاعه مسلم ابن عقيل ع
اليوم الهاشمي الكوفه هزاهه
خله ارجالهم نسوان خلاهه
اليوم الهاشمي الكوفه نزل بيهه
عده ازماط مسلم ويه اهاليهه
اليوم ارجالهم نسوان اسويهه
مثل حيدر علي بليوم نزلاهه
مثل عمه علي صولاته معروفه
إنذار وخوف زلزل بيهم الكوفه
خله ارجالهم بحبال مجتوفه
بحبال الزلم بحبال چتفاهه
نزل ميدانهه وارهب الخيالة
يگص ارگاب كلمن راد يدناله
أهله بل شجاعه دوم عياله
هذوله اولاد هاشم الف حياهه
اليوم الهاشمي بيهم لعب جوله
رفعوهه البيارغ اله وحيوله
يستاهل شجاع اعلام رفعوله
جاب اركابهم بل سيف كصاهه
اليوم ارگابهم بل سيف جاباهه
وخلاهه الجثث عل كاع خلاهه
الموت أهل الغدر هليوم راواهه
الكوفه بكل اهلهه الرعب نزلاهه
لخادمه الحسين العلوية ام جعفر
-
فزاعيه لمسلم بن عقيل ع
●●●●●●●●
الكوفه مسلم خانته
وبلغدر معروفه
●●●●●●●●
معروفه الكوفه بلغدر
خانته لبن الطهر
صابر ولله الصبر
اه من الكوفه
وبلغدر معروفه
●●●●●●●
بيه كلها مرحبت
والبوا طاهر بايعت
تالي وسفه مانعت
حسين خله ايشوفه
وبلغدر معروفه
●●●●●●●●
كلها من صلت وراه
ابصوته اذن للصلاه
اه منها شهل البلاه
ماقدرتها اظروفه
وبلغدر معروفه
●●●●●●●●
اولبوا طاهر خانته
اويا وسف مارحمته
بحبال خشنه جرته
ومقيدين اجفوفه
●●●●●●●●
حفيرة بيها وكعوه
اوبلسناسل قيدوه
فوك القصر من صعدوه
غدارة اهل الكوفه
وبلغدر معروفه
●●●●●●●●
لشاعرة اهل البيت ام عمار الصائغ
➖➖➖➖➖➖➖
# قصيده فزاعيه لمسلم ابن عقيل ع #
🥀🥀🥀🥀🥀🥀🥀🥀
مسلم ياغريب الدار
محد غسله وشاله
🥀🥀🥀🥀🥀🥀🥀🥀
حميدة خل نساعدهة
مات اليوم والدهة
اللطمه وياهة انشدهة
((زينه وتعجب افعالة))
🥀🥀🥀🥀🥀🥀🥀🥀
من ذبتة الكحيله
محد حاضر يشيله
مغدور انهدم حيله
((ماواحد تدنالة ))
🥀🥀🥀🥀🥀🥀🥀🥀
ماشافوه خوانة
من شمروه عدوانة
ياوسفة اعلة مولانة
(( مات وعايف اطفالة ))
🥀🥀🥀🥀🥀🥀🥀🥀
مصيوب يجذب ونتة
العطش ذوب مهجته
اليوم تلطم شيعته
(( للحاطته الخيالة ))
🥀🥀🥀🥀🥀🥀🥀🥀
طاح وكثرت اجروحة
عين الحيد مشبوحة
ماواحد اجه يشوفة
(( وظلت تنحب اطفالة ))
🥀🥀🥀🥀🥀🥀🥀🥀
تمتتتت
بقلم خادمه الأمام الحسين((ع))
* الشاعره الملايه أم مريم العبوديه *
فزاعيه لمسلم عليه السلام
بالكوفه سفير حسين
غدروا بيه عدوانه
ضل وحدة يدير العين
خانوا بيه الملاعين
حاير يتجه لاوين
الكوفه اعليه حزنانه
متحير بقه الغالي
همه كله للوالي
ضل بس الدمع هالي
اعليه اويابس اللسانه
يمشي اودمعته ابخدة
واهله ابعاد من عندة
بالشارع بقه وحدة
غدروا بي الخوانه
ضل حاير ابموضوعه
اولن اتلگته طوعه
تبجي اعليه موجوعه
ومن الصار حيرانه
حيرانه اوتدك ابحيل
تگله يبن المداليل
والدمعات منها اتسيل
امصابك حيل اذانه
تمت الحمد لله
ام غيث الذبحاوي
فزاعيات مسلم
اللهم صل على محمد وآل محمد وعجل فرجهم الشريف
ديوان_أااهات_فاطميه_الجزء_الثاني
فزاعيه لمسلم ابن عقيل عليه السلام
ياحيف مسلم يابطل
غدرته عدوانه
لايمه اخوته ولا هله
طوعه تصرخ ياهله
مسلم سفير المرجله
داره بقت خلوانه
الدار ضلت خاليه
تركض حميدة الغاليه
ببوها چانت عاليه
وسفه العدة خوانه
مسلم يليث المرجله
والهوسه تحلة بس اله
مهضومه بته تريد اله
طوعه اتصيح مولانه
يگلهة يطوعة هلهلي
خبريلي اعيالي وهلي
احلفچ بحيدر علي
روحي بقت حيرانه
حيرانه اعلة ابو اليمه
روحي اعليه مهتمه
باچر من يضل يمه
يضل علثرة جثمانه
تمتتتتت بعون الله تعالى
بقلم ✍🏻✍🏻 خادمه اهل البيت عليهم السلام
#المله_ام_مريم_العبوديه
#المله_ام_مريم_العبوديه
هذه القصيدة من ديوان اهات فاطميه (( الجزء الثاني ))
سفير حسين مسلم كصد للكوفة
توادع وي حميده ابروح ملهوفه
*******************
اختارك للسفاره ابحكمه وبأدراك
حسين ويدري ترخص للعقيده ادماك
وحدك من مشيت اوبس عقيده اوياك
وكلبك بالشدايد ما عرف خوفه
******************
صاح ابخدمتك يحسين تدريني
انه طايع الامرك وبوسط عيني
لجن عندي امر مابينك اوبيني
شفت بنتي حميده ابدمعه مذروفه
******************
تكلي والدموع اعله الوجن لاحن
مثل هذا الوداع اعيوني ما شافن
هم ترجع واشوفك بويه لا ما ظن
واظن وجهك بعد يالغالي ما شوفه
*****************
تدري البت يبويه ابلا ابوهه اتموت
لو ناده بسمهه تفرح ابهالصوت
كل لحظة ابغيابك بوية من تفوت
حلم بعدك اظل اتأمل اطيوفه
***************
للكوفه تعنه ابروح مفجوعه
ابلا ناصر بكه وتلاشت اجموعه
محد ضيفه بالكوفة بس طوعه
مثل حسين من ظل وحده بطفوفه
****************
من دارت عليه اجيوشهم صوبين
هاليوم الهواشم عنه راحو وين
كبل الموت ناده يبو اليمه حسين
اوصيك بحميده وسبل اجفوفه
*******************
نسألكم الدعاء
الشاعر حسين صادق العقابي
فزاعيات مكتوبة لمسلم بن عقيل ع
تعليقات
إرسال تعليق