قصيدة هنياله زينب بيك مكتوبة
مع 10 قصائد مكتوبة للامام العباس
هنيالها زينب بيك هنيالها
ياحلم يالماتنجاس ياماي يمصاحب هله
سولفوا بيك الفرسان كالوا شما يتعب حله
والكمر لو باكه الغيم العباس عدنه بكربله
ليش عله جودك ركضت الجتاله تارس جربتك ماي لو خياليه
تخطف ضوه وماتنشاف يمحير وياك الزلم
مثل الحلم ماتنلاح ياجف كدر يلزم حلم
من عينك يريد يشوف ثاري السهم هم يفتهم
روحك بزينب ما متت بجروحك حركوا خيمكم يلا طلعت روحك
_
عباس موت عله حسين وتقاسم وياه الضمه
موت الكمر مو للكاع هو الكمر بس للسمه
مر طيف اريد اكضي الشوك واوصل بطيفك للعمه
هو اليحبك عشكه يعبر قلبه هذا الحجي وماشفنه بس التربه
عباس يالواكف خير هنيال بطن الحملتك
ماطاح جفك بالكاع طاحت الكاع بيمنتك
عطشان بس جان الماي يحسد الماي بجربتك
اثنينهن عباس جنك كمره يامحله وجهك بالسهم والخضره
__
زينب تسولف للريح من هده وصارت سكته
من شالوا عليه الصوت كالت فراكك ضكته
معناها ميت عباس عباسنه وحافظته
البيت بالطف عالرمح خي عوني
الرادود سيد فاقد الموسوي
الشاعر حمزه الحسناوي
10 قصائد مكتوبة للامام العباس عليه السلام
ــــــــــــ◐◐◐◐◐◐◐◐◐ــــــــــــــــ
وين رايح. ......منهو أولى مني ياگمر
وين رايح. ......گلي اذا اخوك النهر؟ ؟؟
ومن كلت رايح بعد
كل جرح بيه كعد
وين رايح. ..........وين رايح
..... ............... ............... ..............
من ودعتك مدري شبيه
عباس شبيهن رجليه؟؟
بس ﻻجنت انته العوجيه
من عندك خليلي شويه
محد غيرك يرهم ريه
وين الگه ابهاي الحنيه
خويه تدري.......من كتلي رايح...اعطشت
خويه تدري........ابروحتك شفت الطشت
وروحي ماتت بالجسد
كل جرح بيه كعد
وين رايح.............وين رايح
.............................................
من شفتك رايح لو تدري
صار اشگد ما حاسب عمري
اول مره آنه اكمش ظهري
ما ادري يعرفونك عطري
يافانوس لدربي وسهري
چفینك خل يبنن گبري
انتظرني...... خويه خل اشبع هوى
انتظرني. ......الضوه ايحب الضوه
ترجع انطيني وعد
كل جرح بيه كعد
وين رايح............وين رايح
.................................................
من زغرك بيه موصينك
وماسامع بس العد عينك
ما ادري اعليمن ثلثينك؟؟
هنياله المخلوق ابطينك
ولو لسه الحب نحر حسينك
چا حبك انته بجفينك
ردت اكلك.......ابقى مو محتاجلك
ردت اكلك. ... ..يمي بس مشتاكلك
شوكي الك ﻻ ما ركد
كل جرح بيه كعد
وين رايح.. .......وين رايح
................................................
ترضاها شلون ابقى ابدونك
يلچنت احلف بس بعيونك
لونك مايشبه بس لونك
بفراگك چتاله شلونك!!!
وبس ﻻ ايتامي يبجونك
خايف تگطع حتى متونك
يبو فاضل........صح اخو جنت انته الي
يبو فاضل. .......بس احس يمي علي
خويه لتخليني ابد
كل جرح بيه كعد
وين رايح. .....وين رايح
....... ..........................................
عوف الماي ولضويله
اليعطش يشرب بس تحجيله
زينب تحتاجك كل ليله
يلزم بيك البايد حيله
و رد لعبدالله ولوليله
يكبر جنت انته التدعيله
خويه ردلي..........بعد ساعه عل السبي
خويه ردلي.........قبل ﻻ يبجي النبي
منهو يبقالي سند
كل جرح بيه كعد
وين رايح.........وين رايح. ..
..................................................
/ احمد ماجد الكﻻبي
ــــــــــــ◐◐◐◐◐◐◐◐◐ــــــــــــــــ
على راگ الشريعه تبدت الخوه
وخيعونه النهر من عندك تروه
شكثر منك غرف شبع غيره وشرف
_______________
اجيت وحسبت چفينك ويــاك
چفك ليش وسط الخيل عافاك
سألـت اليمنه طايح هناك
سمعت اليسره خويه تصيح اهواك
يسرتك عاشــگه وما تغفه بالليل
تواسيك بجرح وبسحگت الخيل
يدمعك ونذرف شبع غيره وشرف
_____________________
چبيره سنين عمرك موش الاعوام
سنيـــنه ازغار بس كبار الاســـهام
نايم وانه اجيت بگلــــــب محتام
چـــــــنت زغير شو ما تقــبل تنام
تنام الدنيه كلها وانته سهران
خايف لو يفز حسين عطشان
الخدر عاش بترف شبع غيره وشرف
_____________________
گــــــوه الگاع ظلت تثبت ويـــاي
بحيث انه وصلتـــك هيـــچ بهداي
شويه النهر يمك وانته الهــــــــواي
بعت كلشي وصحت لحسين شراي
يالخــليت ركن الجيش مهدوم
حتى وانته طايح خايفه الگوم
الهوه شمك نضف شبع غيره وشرف
_______________________
بيني وبين جسمك صارن امتار
بس حسيت تلهب و الجسم حار
مثل باب الزچيه براســــك النار
بس عندك رمح وهناك بســـمار
مطشر وذر جسمك والاحساس
گلي شلون المك خويه عبــاس
يحير الي وصف شبع غيره وشرف
___________________
شبگتك وانه احس الكون مكتول
وذكرت ايام مــــهدك والدللــــول
عگبك يا كفـــيلي بالسبي وچول
ضعني يريد مثلك خويه مسؤول
يبو ضعني وكفيلي وصدر مدگوگ
الجنود تگلي ضعنچ يدخل السوگ
الاسف منك اسف شبع غيره و شرف
عبد زينب
محمد الإبراهيمي
ــــــــــــ◐◐◐◐◐◐◐◐◐ــــــــــــــــ
ردت الدنيه امس....دخل رداد الشمس
گمر گمر..يبو فاضل..گمرگمر
*********
شدعوه كلك مستعد..خلي بس مهرك يهد زايد بصولاتــه
انته جيش الوحدك..لازم تردلك فــــدك..يوجع بطگاتــــــه
کلهه صاحت مو بشر..گمت من تنزل مطر..تکتل حچایاته
الرایه بیدك من تهز..گامت الموته تفز..انخلسو بصیحاتـه
والحچي صاير همس....دخل رداد الشمس
گمر گمر..يبو فاضل..گمرگمر
**********
شما يقدمون اسلحه..انته بيدك فاتحه..بويه كـــــف زنــــــوده
انه ما سامع سمع..ترتجف ضلع بضلع..الدنيــه صارت سوده
الدنيه گامت تنقبض..خلصت حـته الارض..واللسن معگــوده
یضبهه لمن ترتخي..حسين صاحاله اخي..والنعــــم من زوده
الوادم انخلست خلس....دخل رداد الشمس
گمر گمر..يبو فاضل..گمرگمر
*********
احنه لا مو خیبـــــره..جاي كلك حيــــــــدره..اصبر وحاچینــه
خفنه منك والنبي..الزلمه ضل يمشي حبــــي..ظلمتهه اعلينــــه
الخيل گامت تنشمر..گمر بعیون الفجــــــــر..والشمر چاوینـــــه
غضب بس اعله العده..بس ترف مثل النده..بسرعه تدمع عينه
وانقفل باب الحبس....دخل رداد الشمس
گمرگمر..يبو فاضل..گمرگمر
*********
الجيش ابد ما يفتهم..غير لازم ينهزم..الجيش مدري شماله
والنخل اصبح نوه..والهوه يگض الهوه..مخردل الخيالــــه
كلشي صاير يندمج..والزلم هم تنسرج..الجيش جر ذيالــــه
حته عزريل انتچه..ساكت ولا ما حچه..وين رايح بالــه
صارت الروس بفلس....دخل رداد الشمس
گمرگمر..يبو فاضل..گمرگمر
*********
هل اتى لا بل اتى..حيدر وانته فتــــــى..هيبته وتصويـــــــره
الجيش سولف ما يلي..ادري چم واحد علي..والله بلوه وحيـره
انته بس انته الشهم..والحسن رب الزلم..الزلم يمه گصيـــــره
واگف بطول الدهر..وبللت حته النهــر..اشكثر شايل غيـــــره
من الحرب گامت تنس....دخل رداد الشمس
گمرگمر..يبو فاضل..گمرگمر
عبد زينب
محمد الابراهيمي
ــــــــــــ◐◐◐◐◐◐◐◐◐ــــــــــــــــ
حـوار بين العقيله زينب وابو الفضل العـباس (عليهم السلام) نعـــي
***********
جـربته اوسيفه كل ملكه وجــاهه
اكتـــار الحـومه بجفوفه وجـــاهه
تنخــــت بيه بـت حيـدر وجـــاهه
أطلبي ايصيــح يابنت الــــــزجيه
تكَله الحك علّي بلماي اطفال حسين عطشانين
دوت بكَلوبهم نيران ألحكَ يـاعضيد حسين
وذا مايصح شرب الماي اسكَيهم دموع العـين
يكَلهه الماي شنهو الماي هسه ابزودي اجيبنه
اجر شاطي النهـر بحبال وحكَــج ألـه اذلنـه
اجيبه الخيمتـــج يختـي وروي اكَلــوبكـم مــنه
تكَله اونعـــــم يالــوفاي اعرفك توفـي بوعودك
مهــــيوبه اضل للــدوم يـاعبـــــاس بوجـودك
لاجــن شنهـو بيه ايصير من ايطيحن ازنودك
يكَلهه مــن يطيــح ألــــواي يـازينب اعذريني
أخـــافن الــج ما احضــر يحـــره مـن تندبيني
مفضوخ ابعمد عالـراس وتنصاب ابسهم عيــني
تكَله اشلـــون اصبر الـــروح يـاعبــاس بغيــابك
شكَل ليتــــامي لوندبــوك ونته امفــارك احبـابك
يـاهو ايقمض اعيونك اوياهو ايشدلك اصوابك
يكَلهه اتوســـد التـــــربان ووصالـــي يكَطعوهه
ويحركَون الخيــم بنــار وطفالــــي يضربوهه
وبــدرب اليسـر تمشـين وجفوفـــــج يشـدوهه
تكَله وسفه ياعباس هـــــاي اشلـــون ترضاهه
اروح اميسره الشــــام ونـه جــدي النبــي طــه
ألـي امفــاركَه الخـوان كَلــي اشلــون ممشاهــه
يكَلهه هل قــدر مكتــوب يخـتي بأمــر باريــنه
بــي واعــدني حامــي الجـار يعلم باليحل بـينه
اجرعـي امصابنه ابصبرج يزينب من تشوفينه
تكَلـه الصبـــر يـاعبــاس كَلــــي امنيــن اجيبنه
أوكَلبي ألجمته الوعات يخــويه بيش اصبـرنه
اعيش أمعـذبه بجفــاك يخــويه وأجــذب الــونه
دخيلــــج كَلهه ياحــــوراه ابونـــج لاتعذبيني
وذا ونيتـي يخـت حسين ابهـيده اولا تسمعــيني
تــره بيه تشب نيـران ونتــي ابهـــاي تــدريني
تكَله ياكَمــر عــدنان هــــايه ويـــن چـانتلي
اروح اميسـره اليـــزيد وبالطف تنذبـح أهلـي
يريت ابكربله اوياكم صبح يابو الفضل كتلي
يون الكَلــب محــد سمـــــع ونتاه
اوضعنه عكَب راعي الشيم ونتاه
رحـــت مسبيــه ياعبــــاس ونتاه
ذبيـــح اعله النهــر بالغــاضريه
ـــــــــــــــــــــ
الخادم
كامل السعيـدي
ــــــــــــ◐◐◐◐◐◐◐◐◐ــــــــــــــــ
30 القصيده على وزن ((حيا على مزاره ملا قحطان)) بقلم/ الرادود سيد علي الصرخي 07705501626
صـــاحت هــلا المعــاره طبهـا الگمـر بـإفتخـاره
صــوتــه أعتلـه بنصــر الحُسيـن
عنــــــده عهــــد لأم البنيـــــــن
*************************************************************************
لمــــن بــــــرز راعـــــي اللـــوا بـﭽفـــــه العلــــم
صـــــاحت هــــــلا كـــل كــــربلا بــراعـي الشيم
طب المعـــــاره بمهــــــرتــــــه وداس الــــزلـــــم
ظل سيفه يخطب عـالــرگب كـرهــم مثل كر الغنم
راواهــــم المنــــايـــــه خـــل الجثث دمـــايـه
طشـــرهـــم شمــــــال ويميــــن
عنــــــده عهــــد لأم البنيـــــــن
*************************************************************************
أختــه العقيلــــه بــــالخيـم ضلت تنـــادي يــا گمـر
يــا خـويــه كـاتلنه الضمــه وگــلوبنــا تسعـر جمر
شــد جـــربتـك أبيمنتـــك وأتعنـــــه يــــالله للنهــر
بـــالخيمـه أطفـــــال وحـــــرم عبد الله ﭽبده أنفطر
سكنـه بـــأمـــل تگــله عــد عمي خـويه سهله
أتجيبلهـــا مــــن مــــاي المعيـــن
عنــــــده عهــــد لأم البنيـــــــن
*************************************************************************
حيا الله سبع الگنطره مــن صــال صــولة حيــدره
وجيش آل أميـــــه لفلفــه مـــــن أولــــه لأخـــــره
شمـــرت علــــي بيمنتــه أليَّطبــــره بنص يشطره
أبلا رؤوس ظلت هــالجثث فوگ ألأرض متوذره
مـــن حيــدره فنــونـه تجــدح غضب عيــونــه
وصـــال أعلـــه جيش الكــافرين
عنــــــده عهــــد لأم البنيـــــــن
*************************************************************************
طبهـا الشريعه بمــرجله ويمهــا ركـــزهــــا رايته
وفــرسان أميـــه تنظــره وتـرجف بقت من نظرته
وشــال الفــــرات بمـــايــــه كله والله حطه بجربته
وگـــام يتبختر عـــالـــزلــــم لمَّـــن صعدها مهرته
وينــه الــذي يتــــدنه يـــم الگمــر يتعنـــــه
يـــذبــح رگبتــــه مـــن الـــوتيــن
عنــــــده عهــــد لأم البنيـــــــن
*************************************************************************
أنــــي أنـــــا العبـــــاس نـــــــادى بـــــالطفــــوف
لا أرهب المـــــــوتَ ولا أخشـــــى السيـــــــــوف
راح أنطــي عينـــي بـــالحــــرب وأنطي الـﭽفوف
لله ألامـــــــر وبكــــــربلـــــه تصيــــر الحتــــوف
أحمــل آلـــم جــروحي ولحسين أضحـي روحي
ولــــزينب أفــــدي هـــالايـــديــن
عنــــــده عهــــد لأم البنيـــــــن
ــــــــــــ◐◐◐◐◐◐◐◐◐ــــــــــــــــ
صبرا يبت فاطمه. لامايمسج ضمه
راح اجي وبجفي ماي. ضمي دمعج خويه جاي
...........................................
واعدتني وهذا يومك .. بيهه تشهد كل هلي
من المهد شدينه رايه .. اثنينه براية علي
حيدره مابين اخوتي . رادك انت كافلي
واقترن اسمي وي اسمك. يلي طولك خيمه الي
وانخط عهدنه سوه. بيدك يرف اللوه
انت روحي وكل ضواي. ضمي دمعج خويه جاي
............................
يلكبرت اكبال عيني ... وانه أعاين زهرتك
يكبر اكبالي غصنهه .. وبيهه تكبر رايتك
من دمع عيني سكيتك .. خويه وانطر وكفتك
مادريت ادموع عيني .. تبوك مني شوفتك
من شفته عودك كبر. امنيتي الغي النهر
خيمة الي انت ولواي. ضمي دمعج خويه جاي
........................................
خويه بعيوني سوالف. شما اسكتهن يجن
تدري بعيوني يتامه. لو أغمض ينتهن
وانه بين أيتام غالي . وبين طعنات الزمن
خويه يا عباس أندبك. دارت اعليه المحن
اندب يرد الصده. ياهو اليرد العده
للسبي اخر مناي. ضمي دمعج خويه جاي
.....................
خويه حكي لو ندبتك .. منك انه اطلب عذر
بس اجت عين الشماته .. تضحك ابوجهي وتمر
خويه لو تسمع حجيهم .. كله ياخويه زجر
للشمر ياخويه صحتك .. توكف بعين الشمر
وسياطه فوك المتن. وبسكته عنه اون
بالشتم ينده وراي. ضمي دمعج خويه جاي
..................................
تالي ما تالي أعوفك ... خويه ضامي أعله النهر
من عمت عين الليالي .. وعميه عينك يادهر
مادريت أصواب نحرك ... ينتهي بهذا القهر
ماغفت عيني بغيابك.. خويه عاشرهه السهر
يل جنت الي عاطفه. غيره وكرامه او وفه
يمته جا تروي ضماي. ضمي دمعج خويه جاي
خالد العلمي
ــــــــــــ◐◐◐◐◐◐◐◐◐ــــــــــــــــ
من ماتوا الأودهم دنيه شني بعدهم
بس عالنهر اشوفن من ينذبح وردهم
@@@@@@@@@@@@@@@@
كل الاحبهم سافروا بلا شبكه ودّعوني
ياروحي موتي امن القهر راحوا ولايجوني
لا لا تموتون واضل ويّه المشوا خذوني
صوركم يبعد رويحتي هالنايمه بعيوني
من ينحفر كبرهم يعني انتهه عمرهم
اعزاز الكلب يوادم راحوا بعد شيردهم
@@@@@@@@@@@@@@@@
فكد الاوّده ياخلَك حته الظَهر يكسره
بهدومه يامحله الشبك لمن اشمّه عطره
امنيتي محبوب الكلب يرجع الي وانظره
امنيتي افك باب الكبر ويّاه انام بكبره
نومة كبر سوية نتقاسم المنية
ياروحي ابقي حلمي ماينفتح لحدهم
@@@@@@@@@@@@@@@@
آنه البكيت ابلا اهل ذاك الابو فكدته
حسين ابو كلب اليحن اتونس بضحكته
مومثل يوسف مارجع ثوبه ولاشبكته
مومثل اختي ماشفت راسه التبوسه بنته
رحميني يالليالي ماضل اليّة غالي
ماتت جزع رقية فكد الابو اشدهم
@@@@@@@@@@@@@@@@
ياموت كافي امن الهضم لاتاخذ الاريده
ماانسه من نمشي سوه يلزمني وايدي بيده
سيف الشمر خل يبتعد لاياكل بوريده
اليفكد مثل هذا الابو كلّي العمر شيفيده
من ينذبح حبيبي ماينكطع نحيبي
ابجي قهر يكلبي ماينحمل بُعُدهم
@@@@@@@@@@@@@@@@
تتيتم افراحه الّذي ينظر كبر خليله
عل جانوا العيني ضوه ابجي الدمع واسيله
باجر تسولف جم ذبح لمّن تجي العقيله
رحمتكم شويه عله بنيتكم العليله
خل اعمه بالبواجي ماضلت التراجي
يمته تجي يمهدي اترجع الي شهدهم
@@@@@@@@@@@@@@@@
كل فاتحه تكظي بعجل يالمهدي وانت تدري
بس فاتحتنه اويه العمر عاشور صاير عمري
الرضوه اروحن لوطوى يمك اصبّه قهري
من فاركت اهل الوفه ارحم الية كبري
من تبعد الحبايب خل اغفه بالترايب
بهالدنيه جنّة الية صبري انتهه بفكدهم
@@@@@@@@@@@@@@@@
محمود البراك
ــــــــــــ◐◐◐◐◐◐◐◐◐ــــــــــــــــ
ياليلي وين الكمر
ياليلي كلبي انكسر
مات الهوه
طافي الضوه
وحشه انزل بكبري
.....
ابني ويرفعة راسي تنشد عليك انفاسي
واسال عليك الليل
يبني الزمن ذلاني بوحشه وغرب خلاني
ودموعي دم تسيل
شلي بعمر من دونك يمه شغلات اعيونك
بعدك عشت بالويل
تانيتك يغالي ياعزي ودلالي
تانيتك ترجع الي
تانيتك يبن الولي
بيه جرح
هجرك ذبح
فكدك خطف عمري
........
ضلمه المدينه اخلافك بس باقيات اوصافك
بعيوني ياعباس
محتاجتك هالليله وترابي انته تهيله
وتسكن الانفاس
يبني تغير لوني وسفه تخيب اضنوني
وكلك حمه ونوماس
امنيتي تجيني وتغمضلي عيني
امنيتي بيوم الدفن
امنيتي يدور الزمن
مشتاكه الك
محتاجتك
يبني خلص عمري
.........
كلب الفاكد احبابه بس الحزن دك بابه
والدمعه والاهات
ارحم كلب مجروحه يالغيرتك مملوحه
ذاب الكلب حسرات
من فدوه اروح لعينك من عمري فوك سنينك
تبده العمر شهكات
طيفك ترس عيني يافرحة سنيني
طيفك ابعيني غفه
طيفك لجرحي شفه
يابو الوفه
شوفي انطفه
حلفتك بستري
........
تنضح شهامه وغيره شخصك صعب تفسيره
ارحم جفن سهران
هاجمني طيف فراكك اشواكي مثل اشواكك
عودي انحنه وذبلان
صار النفس عباسي بسمك اجر انفاسي
يغله واعز انسان
حلفتك بزينب يبني الكلب يلهب
حلفتك تحضر الي
حلفتك ونخه علي
شوفك نهر
بولية ضهر
عطشانتك تدري
........
ابالي تسعر خيمه ودلالي ضاع بهيمه
يعني اكطع ضنوني
صرخة طفل مبحوحه وجن زينبك مجروحه
وتندب الحكوني
يمه اكطعت أمالي هسه اعرفت جتالي
من غابت اضعوني
والغالي العشكته مذبوحه ركبته
والغالي مارد خبر
والغالي دامي النحر
اشهك رمح
بيه جرح
ريت انكطع نحري
..........
دهري الخطف احبابي وتالي الحلم جذابي
مارجع الغالين
دومه الزمن حارمني بفكد الابن حاربني
وابالي طاري حسين
ياطير اخذ مرسالي بلجن يرد الغالي
واهديله ماي العين
ابالي الغاضريه ياريت المنيه
ابالي صورة ضعن
ابالي وجار الزمن
اه السفر
كلبي انكسر
ياحسرتي بصدري
الملا علي الذبحاوي
ــــــــــــ◐◐◐◐◐◐◐◐◐ــــــــــــــــ
(جديد زينب ع تخاطب العباس ع)
يكبر حسين واشوفن راسه شاب
ومن يشوفك بي يرد حيل الشباب
.
*
ماي اشوفك زحمه اوصيك عالماي
من تروح ابكلبي اشوفك انته جاي
هاي وحده وهاك اسمع بالله هاي
شلي بالخيمه اذا اسمك فياي
انه ايه اندفنت ابصدر الكتاب
أبسمه العباس يارخص النجم
انته يا اول كمر شايل. علم
شكد ترف يتبده ماي عله الخيم
لچن من انخاه.أيشيخ عالزلم
والركاب ابسيفه تتغطه ابركاب
**
يابوفاضل انته وين وهمه وين
كون مثلك عشره عند ام البنين
عالزلم رهبه وحنين عالحنين
عليك حكهم من يحسدون الحسين
ذبت بحسين واخيك بيك ذاب
*
انته نسمه وطيحتك ما اضن صحيح
الهوه عالكاع ما ترهم يطيح
وبالله كالو ينزف وطايح جريح
بس اصيحن خويه يعدل لو ذبيح
هاي عودك نخوه مو جلمة عتاب
**
صرح حسين الملك تصريح أخير
الريشه البراسك دليل انته أمير
جبير زعلك لاجن الطف الصغير
الما ايصير ابعينك اتخزره ويصير
حاسبتهم ونذكر يوم الحساب
الشاعر
علي نور الياسري
ــــــــــــ◐◐◐◐◐◐◐◐◐ــــــــــــــــ
خويه اعثر چنت من گد مستحاي
هسه اعثر چي غـرب ترگض وراي
ــــــــــــــــــــــــــــــــــــــ
خــــويه يلعباس واللــه اتعــــذبت
وين امـــشــــي وين اروح ادوهنت
وكل مهاابه طولي راحت من رحت
ردنه رفت رايتك ما ردنه مااي
ــــــــــــــــــــــــــــــــــــــ
من اشوف اگبالي محروگه الخيم
ابحيلي كله گمت ألـمـــــن بالحرم
ولو هوه الحيل طــــاح اويه العلم
ابيوم اذكر فوگي متفصل سماي
ــــــــــــــــــــــــــــــــــــــ
جاي اشوف اخيامي هسه اتفرهدت
وبس رماد الذكــره من عدهن صفت
وعيني بالدخــــان يلــكـافــــل عمت
ومن اطيح ابمشيي ما احمله هاي
ــــــــــــــــــــــــــــــــــــــ
ابدريتي ويطلع گبل حجي السلف
حلم چــــان خيالي عـدهم ينعرف
هسه زينب طــرت ال سبعين الف
والعقيله ابلايه رايه ولا فياي
ــــــــــــــــــــــــــــــــــــــ
امشي واعثر هايمه ابطرت الفله
انذبح عــــزي وياك يابو المرجله
وهسه راح الچــان اسمي امدلله
والغريبه اسمي صفه الماعده راي
ــــــــــــــــــــــــــــــــــــــ
ابين خيل وگوم صـــرت امحيره
وصعبه اركظ وانه خويه امعتبره
ريت اجيلك بس بعيــده الگنطره
ابحاجه اشم اجفوفك الشالت لواي
ــــــــــــــــــــــــــــــــــــــ
بت علي انه الگبــل مابينلـي ظــــل
وانته المفصلـي خيمه على الهــــزل
احترگ تفصال الخيم وانه اعلى تل
انشاف طولي وكله گالت هيه هااي
الخادم
علي الحميداوي
المصدر موسسة منبريون على التلكرام
تعليقات
إرسال تعليق