قصيدة ودعت الحسين مكتوبة كتابة كاملة مع مجموعة قصائد مكتوبة للوداع
الشمر من يسمع بجي ايقول اضربوها...حرمة و امتون بضربهم ورموها
الزجر ما قصر اوياي...ابسوطه و يسكت ابجاي
و تترس العبره عيناي...و الدمع سكته مسفوح
المثل أخويه اشويه لو أدمي المحاجر...حته راسه و هوه ميت بيه مشاعر
خل أسولف من بعد قطع المناحر...اشلون راسه ايفكر بحالي و يساهر
ابكربله شفته مقطوع...لاجن الحالي مفجوع
ينظر و يذرف ادموع...قلته يا خويه مسموح
جسم أخويه ابكربله خليته عاري...و راسه ما جنت أدري وين و الله داري
من دخلت الكوفه لنه بإنتظاري...عالرمح شفته و عليَّ اسود نهاري
شفته و المحمل ايميل...و اضربت راسي بالويل
دمي ظل يجري و يسيل...حقي لو فاضت الروح
أمضي للشام و مضه الراس اعله رمحه...أنظره ابدمعي و أحس كل نظرة ذبحه
دمه يقطر و الهوه يسفي اعله جرحه...و آنا كل خوفي رقية لا تلمحه
جنت أسليها و اتنام...خوفي من نوصل الشام
اتشوف أبوها بالأحلام...بالطشت منحره ايلوح
الراسه أذكر موقف ايظل بفؤادي...ركز رمحه و عجزت اتشيله الأيادي
عالسبب قاموا يسألون الأعادي...و علي جاوب طفلة تاهت بالبوادي
قلهم ابصوت الونين...شوفوا نظرات الحسين
تشبح و تتجه وين...ناظره البنته مشبوح
للشاعر علي السقاي
قصائد للوداع مكتوبة
(1)
كروب مدرسة قمر بني هاشم على التلكرام
الوداع الأخير للحسين 😭👇
حسين مابين الخيم يمشي بحزن
سمع صوت الحرة لوداعه تحن
ورمله وي ليله ورباب يبجن الفكد الشباب
يازينب. يازينب يازينب
:::::::::::::
حسين يسمع صوت زينب حايرة
آخر وداع العقيله شصايرة
من الحزن ياكاعدة ويادايرة
وصوت خيل بساعه لنها وغايرة
منشغل فكر العقيله بما. يصير
أصبح الموقف عل ابن مها خطير
بيها مشتد المصاب. يبجن لفكد الشباب
::::::::::::::::::::
دخل للخيمه ويحاجي ام الصبر
كلها مكتوب ولزَم هذا الامر
ليش وجهج هيج وعيونج حمر
شلون لوشفتي اليتامه من تفر
باجر احنه بعاد عنج مانجيج
تنتخين ودمع عينج يجوي بيج
ينكطع منا الجواب
يبجن الفكد الشباب
::::::::::::::::
باجر بياحال من يمي تجين
حسينج تشوفيه مكطوع الوتين
مني ماينسمع بس صوت الونين
وراسي يمشي ووياج مفضوخ الجبين
صبري حالج من تروحين بيسر
ادري كلبج عل الناكه ومنكسر
والدرب يصبح عذاب. يبجن الفكد الشباب
::::::::::::::
حسين بالخيمه ويشاهد حالهن
الفاكدات ينوحن عل عيالهن
هدن من شافن حسين كبالهن
يودع بزينب واجه تعنالهن
ذكر جاسم وانحنه من الالم
والرضىع شلون منصاب بسهم
وعلي من جابو مصاب
خادم خدام الامام الحسين عليهم السلام
علي داود سلمان البحار
2020 /7/12
( 2 )
وداع زينب للحسين ع
يالمتت عالغبره ضامي وجــثه مـرمـيه
رايحه وعالناگه اودعـك غـصبن اعـلـيه
مگطعه جثتك .. عالترب عفتك .. غصـبن اعلـيه
………………………………
وداعاً ياحبيبي .. فرگتك چن نصيبي ..
ويرافگني نحيبي .. ويهد حيلي الدرب
وترافگني دمعتي .. شكثر وحشه غربتي ..
علي صعبه سفرتي .. يخويه ويالغرب
راح اروح ..
والغرب تبره اليه .. وانته نايم عالوطيه ..
عاري والجثه رميه .. عالتراب
راح اروح ..
ويالشمر خويه سبيه .. والحبل شدوه بديه ..
خويه ويطيحون بيه .. عالتراب
ايسلي روحه الشمر لمن برمحه يدفعني
يضَحـك اعليه جـنوده من يطـگ متني
تهد الي ردتك ..عالترب عفتك .. غصـبن اعلـيه
………………………………
اروحن خويه عنك .. خذت بس تربه منك ..
يهد ابروحي ونك .. اسمعه من النحر
گطع گلبي ونينك .. وتصب مدمعها عينك
لخوتك والبنينك .. نكسر خويه الظهر
مذبحين
خويه عالغبره عفتهم .. والترب غطه جثثهم
يسيل وجاري دمهم .. عالـثره
مذبحين
الاجيت اني بحماهم .. الرمل ماكل وجاهم
خويه ناموا چا شجاهم .. عالـثره
عالـثره ميـتين اخـوتي وانـته عالـغبره
واني مچتوفه اعله ناگه واگطع الصحره
بحضني احط بنتك .. عالترب عفتك .. غصـبن اعلـيه
………………………………
بامان الله يعاري .. اروح ودمعي جاري..
ولو وحشه الصحاري .. وانا حرمه بسفر
واخوي الدگلي صدره .. نسحگ بالخيل ظهره ..
نگطع بالسيف نحره .. كفيلي عله النهر
مات اخوي
يبو اليمه مصيبه .. كفيلي الچان هيبه ..
عفت جثتـه سليبه .. عالفرات
مات اخوي
الي وفه بوعوده .. وفده ليه زنوده ..
وترك عباس جوده .. عالفرات
ضحه بجفوفه عله مودي وضحه بالرايه
وانـي سـالم ردتـه يرجـع مـاردت مــايه
كافلي ابختك .. عالترب عفتك .. غصـبن اعلـيه
………………………………
اودعك بس شودعك .. يمن مطحون ضلعك ..
يمن مگطوع اصبعك .. وحجر شگ جبهتك
اعوفك عالوطيه .. تدوسك اعوجيه ..
جنازه انته ورميه .. الحـوافر وذرتـك
دم تسيل
يخويه اجروح جسمك .. يغرگ الگاع دمك ..
حرت يحسين الزمك .. شيبت
دم تسيل
وذر ياخويه صاير .. بصدرك ضال حافر ..
الك چم ضلع كاسر .. شيبت
يالـوذر گَـطعـو جـسمك شيـبت گلبي
خويه من شفت الجرالك تيهت دربي
منـطحن شفتك .. عالترب عفتك .. غصـبن اعلـيه
………………………………
كسرت يحسين ظهري .. وودعك راح خـدري ..
واروح اني بـيسري .. وشـمر يحدي الضعن
يخويه والي الله .. الدرب راح امشي كله ..
شتم سـب ومـذله .. متت خويه عـسن
بالسبي
خويه تنذل الكريمه .. وبعدك اتشوف الهضيمه ..
من تبات ابلايه خيمه .. والله حيف
بالسبي
الشمر ياوسفه اتبعه .. والشتم بذني اسمعه
من يسب بأمك البضعه .. والله حيف
الشمر اسمع كلامه وحيل يجرحني
وبكثر ماطگني ظهري حدب ومحني
حيل اذه اختك .. عالترب عفتك .. غصـبن اعلـيه
الشــاعـر عـقيل الحـسناوي..
( 3 )
ودعـتك / نعي زينب ع
===================
ودعـتك وداع الدمعه للعـين ... ودعــتك وداع المـالـه بعــدين
وداع الما تـرد زينب للحسين
===================1
أودعــك والكَــلب خليته يمك ... أمانـه اتسلـمه يحســين لأمك
حته تشوف بيه شسوه همك
===================2
أودعك والوداع ايهدم الحـيل ... مثل نجـم الصبح لو ودع اللـيل
وأروحن للغـرب وأتجرع الويل
===================3
أودعك يا حبيبي بحسره وآلام ... وأروح ميسره للكوفه والشام
متحـيره بأراملـكم والأيـتام
===================4
أودعك يا بعـد روحي وحياتي ... وأخـلي بمصرعك كل ذكرياتي
وأسيـر إمكَـبعه إبهم نايباتي
===================5
أودعـك يالجنت سلوة دليلي ... أمشي إعليك أبو فاضل كـفيلي
كَـوم وسكـن آهـاتي وعـويلي
===================6
أودعـــنك غـصب لا مو بديه ... أروح الخـاطـر إبيــتك رقــيه
خاف من اليسر تتعـب خطـيه
===================7
أودعك خافن إتضيع اليتامه ... وأخلي بمصرعك كَـلبي عـلامه
عسه أضعـونك تردلك بالسلامه
===================8
أودعـك بالمــناحه وأمشي عـنك ... من أخـتك أبد ليخيب ضنك
تردلك يالحـرمها الدهـر مـنك
===================9
يخويه الملتقه إبيوم أربعـينك ... وأدعي اللـه عله الفركَه يعـينك
عيني إعـله اليتامه بعـد عينك
===================10
للشاعر الحسيني / أبو جعـفر العـبودي الناصـري
( 4 )
لِحُسَــينٍ أنْـتَـمِـيْ,
ابوذيه مع نعي للحسين عليه السلام
===================
العيشه خلاف اهلنه اصبحت مره
الفرح مايوم مر داري ومره
ردت لو بس يجيني الاخو مره
ويشوف شلون حال اخته السبيه
.................................
بخيالي امشي واتتعثر
كلها عده يرهب المنضر
اختك غريبه يبو الاكبر
................................
جنت مدلله والراس عالي
وعباس يباريلي اطفالي
وهسه اصبحت من غير والي
...............................
جارت يخويه بينه الايام
ومكبعه بدموع وحزان
وياي خويه تلوع الايتام
................................
امشي بهظم وياي السبايا
متربه ومحروكه العبايه
مهضومه وما احمل حجايه
...............................
امشي ومكسوره الخاطر
محد من الوادم يجابر
وحالي حال الظيم صاير
=================
خادمة ال البيت وخادمتكم الحجيه ام علي البصره نسألكم الدعاء
تعليقات
إرسال تعليق