قصيدة يالماشي بهل ضعون مكتوبة
يالماشي بهل ضعون
اخذ وياك العيون
شلي بيها النواضر
وعنها انته تسافر
يالساكن بالضنون
ـــــــ••❃••ــــــ
عليله وگلبي متعوب
واسولف ويه الدروب
هلبت ريحة اجدام
ارد وفشلتي وياي
يبويه يشيب اصباي
من اذكر ذيج الايام
آخ ومن يجي الليل
بيه فراگك يعيل
تهيج بروحي الالام
واسولف ويه العيون
واگلهن بلكي يلفون
خلافك جفني مانام
ـــــــ••❃••ــــــ
خل طيفك يجيني
وبيه يسكن ونيني
ارحم هالغريبه
عنك تنشد الروح
شگلها الغالي مذبوح
شيحمل هالمصيبه
اعوض وجهك شلون
وملامح ذيج العيون
مثلك ماكو هيبه
وحگك يابو الدموع
فراگك شگ الضلوع
وخله بگلبي شيبه
ـــــــ••❃••ــــــ
يالخالي مچانك
انه بعازة حنانك
يالكلك احساس
منو الياخذ سلامي
مشتاگه لعمامي
وخصوصا عمي عباس
صارت كل حياتي
وي لمة خواتي
احن لذيج الانفاس
صدگ عبدالله ذبحوه
بعد بيه دللوه
يا خد گلي ينباس
ـــــــ••❃••ــــــ
فشل يا منبع الجود
مضيفك بابه مسدود
يا شيخ الهواشم
تطرد صايره الدار
ما مر بينه خطار
عسه يالغالي سالم
يالتمشي ويه دمي
احن لك وانته يمي
صدك ع الغبره نايم
ردلي بداعت ارباك
ضحكتي وگعدتي وياك
تره دلالي هايم
ـــــــ••❃••ــــــ
۞اداء:- سيد فاقد الموسوي
۞الشاعر:- حيدر الحمداني
۞الكاتب:- تہﹻٰ۪ﹻراتہﹻٰ۪يہﹻٰ۪ﹻل ﺂﺂلخہﹻٰ۪ﹻيامہ
10 قصائد مكتوبة للعليلة
( 1 )
هاي آنه العليله**ماظلت وسيله
بس ون ودمع..وبيا وضع..وبكلبي جم نار
انطر وابني الآمال**يحبابي البعد طال
جاوين الوعد..وانطر بعد.. ماظلت اعذار
.....................
آنه اللي مشو عنهه اهلهه وظلت وحيده
المفارك اهل مثلي يانوح وبجي يفيده
يرد حسين ريت اليوم ابوي وحكي لو اريده
كل همي اشوفنه لاجن كربلا بعيده
.......
اسمع جلمة العين**بنتك آنه يحسين
ياذيني السهر..كلبي انكسر..هاك اسمع اخبار
بعدك وحدي ظليت**ينشد عنك البيت
وياك الحبايب..وانت غايب..وحدي بالدار
@@@@@@
عليله ومن اثر فركاك اموتن تدري بغيابك
يون عليك كل البيت يبجي عليك محرابك
افزن فزة المرعوبه لو اسمع يدك بابك
اكولن بلكي طير الصاف جاب اخبار لاحبابك
......
لو مره اشوفك**احلف ما اعوفك
يل بيك الامل..وين الاهل..ارد اعرف شصار
كلبي لو لجمني**عنك لو سألني
محتاره صرت..ماحسبت..تلفيكم اخطار
@@@@@@
عن عيني الضعن من غاب حاضر يمي جم ذباح
اذكركم واهل عبرات اموتن كل مسه ومصباح
عطرك بويه ظل بالبيت اشمه وهل عطر ماراح
اشوفك لو اموت هنا وحده وبيهه راح ارتاح
......
عطرك مانسيته**هسه تذكريته
عيني تربه الكم..تنتظركم..رسمت افكار
هذا الكم عتابي**ماهمكم عذابي
تدري شكد اعاني..من زماني..تدري غدار
@@@@@@
لعبد الله الحنين يزيد عليه شما يجن ليلي
اشوفنه المهد مطروح جنه اليوم يحجيلي
مصايب كربلا وشصار ومن السهم يشكيلي
يكلي السوط طك زينب هذا اللي يهد حيلي
......
والسوط الضربهه**ابدا مارحمهه
هم يطكني آني..واعتناني..هم الاشرار
ياعباس اريدك**جفي يلزم ايدك
نفذهن وعودك..وينه جودك..كلبي محتار
@@@@@@
عليله وكل مرض بالكون اشوفنه عليه التم
اطيبن لو شفت عيناك بس يبقى ثجيل الهم
ما دامك بعيد شلون هاي الدنيا بيهه اهتم
اغمض عيني بلجن طيف تالي بعيني المح دم
......
ايام وليالي**اذكركم يغالي
كل ساعه بسنه..همي اعتنه..وبكلبي بسمار
يارب ودعائي**احضر كربلائي
ياخذني الهوه..للبي دوه..مشبوحه الانظار
سيد علي المدني
( 2 )
ــــــــــــــــــــــــــــــــــــــــــــــــــــــــ
وداعة الله .. آنه يابويه العليله
وداعة الله .. سفرتك ادري طويله
عيوني امليهن نظر خل اشمك بالنحر
وداعة الله وداعة الله
*******
هاي آخر ليله عندي ويه الاهل
لو رحت يابويه راح اكطع امل
خايف عـليه اموتـن محتـمل
انه موتي لون عبد الله رحل
………………
وياك اخذني .. يالخذت كل الخوات
وياك اخذني .. بيدي سجادة صلاة
يالنويت عله السفر خل اشمك بالنحر
وداعة الله وداعة الله
*******
آني ما احمل غيابك دللتني
انه اموتن لو اشوفك ودعتني
عيني مشدوده عله بابك يالعفتني
ليش ويّاك عله هودج ماخذتني
…………
بويه اكدر… امشي واكدر عالرحيل
بويه اكدر .. امشي وي عمي الكفيل
متت من شفته اعتذر خل اشمك بالنحر
وداعة الله وداعة الله
*******
هذا ليل موادع وباجر مغيب
هالجرح ياكل بروحي مايطيب
صار الموادع حبيب وي الحبيب
تكله بويه انته لجروحي طبيب
……………
انت روحي .. لا تفارك هالجسد
انت روحي .. مدد يابويه مدد
انت يا اغله البشر خل اشمك بالنحر
وداعة الله وداعة الله
*******
راح اودعنك وداع البي جرح
بلكي اغمض عيني ماشوف الصبح
بويه بالطيف وشفت راس برمح
جن شفت عبد الله بيدك ينذبح
……………
جن اشوفن .. النار تاكل بالعبي
جن اشوفن .. عمتي ترجع سبي
شفت عمي عله النهر خل اشمك بالنحر
وداعة الله وداعة الله
*******
باجر وحيده اظل وسط الظلام
انت لا موجود لا يمّي عمام
اني متعوده عله ايدك من انام
وداعة الله وآخر حجايه السلام
……………
عندي طلبه .. راسي امسح ياكريم
عندي طلبه .. مثل ماتمسح يتيم
راح اسلم للقدر خل اشمك بالنحر
وداعة الله وداعة الله
*******
سيد علي المدني
( 4 )
ــــــــــــــــــــــــــــــــــــــــــــــــــــــــ
العليله.ع.
1440 هج
كل ليله طفّك يُعرض ابّالي
يعلم گلبها الطفله بالغالي
كلما سلهمت عيني
عبد الله يناغيني
يعلم گلبها الطفله بالغالي
+++++++++
من يوم/لوداع/وارسوم اليتم بينت عليه
حسيت/لضعون/عني من مشت ما الها جيه
ضليت/عالباب/مو منك خبر منتظره اليه
شكيت/لطفال/ما ترجعلي لو ترجع رقيه
جرحك يبويه اعرف تفاصيله
واعرف سببها ابضهرك الميله
چف كافل يراويني./عبد الله يناغيني
يعلم گلبها الطفله بالغالي
+++++++++
وهواي/شغلات/منه اتحسست واشعر بالمها
لانار/بلبيت/چــن ريحة حرگ بالدار اشمــها
من هاي/حسيت/زينب تنسبي وحرگو خيمها
عطشان/مذبوح/وي جثت الطفل نايم سهمها
كلما اصد اعله المهد خالي
تراولي دم بصورته اگبالي
يختي من يناديني/عبد الله يناغيني
يعلم گلبها الطفله بالغالي
+++++++++
والليل/يحسين/يرسم كربله كلها اعله نجمه
اطفال/وخيام/موقف بس اليم اگبالي رسمه
حراس/عالماي/والكافل تجي سكينه تحشمه
ويروح/عباس/مايرجع واتاني وتبقه لچمــه
وادعي يللاهي ابداعت الزهره
ردّلها عمها اسكينه منتظره
من انشرها چفيني/عبد الله يناغيني
يعلم گلبها الطفله بالغالي
+++++++++
لصباح /كل يوم/بشروق الشمس انظر هزيله
ايتام/عالنوك/وزينب والضعن مــيت كفــيله
واللون /مخطوف/مايحمل ضرب متن العقيله
والصوت/محبوس/سكته والدمع احمر تسيله
صوت العقيله اسمعته بحساسي
بچفي الحبل وينك يعباس
حسرة عمتي تجويني/.وعبد الله يناغيني
يعلم گلبها الطفله بالغالي
+++++++++
لو جيت صليت/بمصلايتك وكت الضهيره
اقريت مكتوب/بالمحراب هالقصه القصيره
قد كان/ماكان/مات حسين ضامي اهوه وزغيره
مسلوب /عريان/اضلوعه من حوافرهم كسيره
بنتي العليله صبري بغيابي
نصبي المجالس بويه لمصابي
ادري ماتعوفيني/.عبد الله يناغيني
يعلم گلبها الطفله بالغالي
+++++++++
لغروب/والشوگ/يكثر والگلب يشتد انينه
والحال/مو حال/من عمري الهجر ياكل سنينه
ادريك/متعود/بس ابقه انتظر ردت ضعينه
بثياب لزغار/اشــتم ريحتك بويه الحنين
سكنه سلام اوياها وديلي
عوضني بيها عن سهر ليلي
يكتل هجرك احسيني.عبد الله يناغيني
يعلم گلبها الطفله بالغالي
ثائر الربيعي
( 5 )
ــــــــــــــــــــــــــــــــــــــــــــــــــــــــ
العليلة
............
محتاجة الحنانك يالرحت ارجع
ليل اني بغيابك ياشمس اطلع
طفلة ودللتني شلون تتركني
ازغيرة اعلة الهظم ليش انهدم ركني
مو أليه السهر يابوية ادركني
الحنانك بوية اعطش كل وكت اطمع
ليل ابلا كمر ومذبحة الكلمات
انشد نجمة نجمة عليك وين تبات
هم شفتن كمراحلامي يالنجمات
سولف يانجم مشتاكة بس أسمع
اشمن بالهواء الجاي من يمك
أميز نسمتة وأعرفهه لو منك
وأميز ريحتك يابوية لو أشمك
مثل الاكبر أنظركلبي يتكطع
انكطع كلبي مثل كطعت جفوف الحيد
كالو عن دربكم بوية حيل ابعيد
كبل زينب سبتني اللوعه يم يزيد
أبسياط الشوك الك يابوية اتلوع
كبل راسك تعلك كلبي واتعذب
وكبل جرح المثلث كلبي يتصوب
خدي بدمعتي يابوية يتخضب
يبوية بكربلة احس روحي تتوزع
حيدر موسى الرميثي
ــــــــــــــــــــــــــــــــــــــــــــــــــــــــ
القصيدة لسان حال فاطمه العليله ع بعد ان شاهدت سرب من الطيور المهاجرة يتجه الى العراق
مر يسرب الطير بضعون الاهل
وياك اريد ابعث عتاب ابلا زعل
عتاب مايجرح حبيب
بلكت اجروحي تطيب
وياك اريد ابعث عتاب ابلا زعل
*
مر يسرب الطير عاين حالتــــي
أهلي من يوم المشو دم دمعتـــي
وحدي عافوني عليله بحسرتــي
وياك اخذ شوكي وحنيني ولهفتي
داري وحشه اخلافهم ديرة غرب
وياك اخذ آهات مكســـورة كلب
وبلغ الوالد سلام
كله جافيت المنام
وعلتــــي زادت عكب عينه علل
*
عندي حســــرة وياك اوديهه واخاف
يصيب كل ماي الجره بدربك جفــاف
سنين عمري اصبحت بالفركه عجاف
وحملي صار اهواي وكعلي الجتـــاف
ورده جنت ابين بستــــــــــان الورد
عافني البستــــــــــان ماظنه يرد
ابلا اخوتي والخوات
انه شلي بهالحياة
عكب أهلي منين اجيــــبنه الامل
*
ريت عندي اجناح مثــلك ياسرب
بيه اطير بشوك لضعون المحب
ومن اشوفه بحضنه احط وانتــحب
وطفي نار بصدري احسنهه تـــشب
من ترفرف جنحك اتشيله الرياح
ولهفة المشتــاك صارتلي الجناح
شوك عندي للرضيع
شوك شجره للربيع
اتداوي كل مهموم ضحكات الطفل
*
حيل مشتــــــــاكه لبوي وشوفته
وياك اخذ بوسات حطهه بوجنتـه
وكله كل ما ريد أشمن ريحتــــــه
افرش السجاده واشتـــــــم تربته
بحضني احط ثوب الولي اتنفس عطر
بنومي اتـــــــــمنه حلم جافي يمر
وانده بلهفه تعال
طفله محتاجه الدلال
فراك ابوي اشسوه بحوالي شــعمل
*
ياسرب يمهاجر انت لــــــــكربله
مر على ضـــــــعن العزيز واساله
طول اغيابه ابـــــــد مو عاده اله
اعليك تــــنشد كله طفله امدلله
كله متــــعوده العليله امن البنات
من يجيهه الوسن بـحضنك تبات
بعده ابات بياحضن
شلون يغمضلي جفن
ودمعي من عيني على هجره وشل
*
شاعر اهل البيت
سيد فليح الموسوي
ــــــــــــــــــــــــــــــــــــــــــــــــــــــــ
قصائد اليوم الثاني الليلة الثالثة من محرم الى
مولاتي فاطمة العليلة عليها السلام
حسين الأبي أرحم العليله
حسين الأبي هايه آخر ليله
لو نيتك وحدي اظل احير
لو مارحت ويه الضعن احير
-------------------
صعب ابقه يبو الأكبر وحيده
الاخو لازم يظل يمه عضيده
اظل لوحدي ما اكدر عليله وكلبي يتفطر
اخذني بداعة الأكبر عليله
اخذني موادعك يصعب اموتن لو اظل انحب
العليل اعله المنية اقرب رحيله
ماريد اظل و حدي بالمدينه
ماريد اظل خذني وي سكينه
بعد الابو وين النظر ادير
لو مارحت ويه الضعن احير
___
لون نيتك صدك ابقه يغالي
بعد عينك تظل وحشه اليالي
اظل بوحشه بغيابك وأعلم باجر امصابك
شجاوب لليدك بابك وخبره
اكلهم ما يرد باجر يوادم والدي مسافر
يخلص عمره بالعاشر وصبره
السائل يرد والدمع جوابه
السائل يرد يا عظم مصابه
راح الكبل لا ما يرد فقير
لو مارحت ويه الضعن احير
_____
صبح عندي علم باجر شيصير
يظل يومك فلا مثله نظير
اصحابك ذبح خلصت وجفوف الكمر وكعت
وزينب بالخيم نحبت عليهم
جاسم و ابنك الأكبر وحته البل المهد كبر
منهم كطعو المنحر يعزهم
وحدك تظل تبقه تربه عينك
وحدك تظل محد اليعينك
صوب الخيم باقي النظر تدير
لو ما رحت ويه الضعن احير
____
العده باجر يذبحونك غريب
ويظل جسمك عله الرمله خضيب
يكطعه من الكفه راسك وسيفه عله الثغر باسك
حافر جم فرس داسك مصيبه
يتكطع وصل جسمك و ينزف ما نشف دمك
و الزهره تجي يمك تريبه
تبجي دمه يمك الزجيه
تبجي دمه عالغدو ضحيه
ايلم الجسد بعد الذبح حصير
لو ما رحت ويه الضعن احير
___
الخيم صارت بعد ذبحك جمر
و اعله الخدر غده جاير شمر
حافي عله الجمر ركضن ومن كد الركض تعبن
وجم متن بمتن خزن عجيبه
تمنيت اني هم احضر واسحك عالجمر أحمر
و بكلبي الالم يسعر لهيبه
ريت الحبل ينعكد بديه
ريت الحبل لا يمر رقيه
خشن الحبل جف الطفل زغير
لو ما رحت ويه الضعن احير
__
الفجر يطلع ضعن زينب سبي
الستر باقي لكل حرمة عبي
راحن عالهزل كلهن جم شامت غده ايغثهن
حيل بصوته يشتمهن شماته
عالخدر غدت صعبه طبن جم قصر غربه
الما واحد عرف ربة وصلاته
يم الغرب زينب بلا حامي
يم الغرب حسين نايم ظامي
ردت انسبي ويه الحرم أسير
لو ما رحت ويه الضعن احير
خادم خدام زينب عليها السلام
حميد كاظم الشمري
ــــــــــــــــــــــــــــــــــــــــــــــــــــــــ
تايه أبالــي الحزن دمعي ماهد الجفن
عليله ونحيبه عليله ونحيبه
*
تايها ابالي المواجـــــع مردت صــــــبر الكَلب
وحدي اعيشن بالمدينه وجنــــــي بديار الغرب
دوهنت دمعــي الرزيه ابكــــــثر مااتنه الدرب
فارشه اعباية دعائـــي عيني مجروحه وتصب
جرح اعيونـــي الدمع عالمشــــــو ماينكَطع
جروحي لهيبه عليله ونحيبه
****
ياهوى الطيبين مرلــــــي ما اشــــــــم طعم الهوى
المايشوف حســــــين كَلبه مــــــات بعيونه الضوى
شحال للرابي اعله صدره يعني بفـــــــراكَه انجوى
علـــــــــــــة الفاكَد حبيبه بعد مايفـــــــــــيده الدوى
شلون للفارك صـــــبح يصير يومه بس جرح
واشوفن مصيبه عليله ونحيبه
****
حك المفارك عزيــــــزه يكَضي كل يومــــه يون
تلجم ابكَلبه المآســــــــي وكل مسه ايزود الحـزن
شلون بالســــــافر حبيبه لحظه لا مايســــــــتجن
حكَه من يبجي ابترافــــه ومايهد دمعــه الجـــــفن
شــــــالو احباب الكَلب وعيني تربه اعله الدرب
حزينه وغريبه عليلـــه ونحيبه
****
****
ضامه ابدرا المحنـــــــه لو شفت روحي انعصر
من تحل المغربـــــــــيه وينكســـــــر فَي العصر
الغرفة الوالد اروحـــــن واطلع اهــــــدوم الطهر
امصفطه اعباية ابويــــه وبيها اشـــم ذاك العطر
وأجذب بعطره واشم واحضن بصدري الهدم
دموعي خضيبه عليله ونحيبه
****
اهنا مصلاتــه ابويــــه وهذي جانت تربتـــــه
ابهالمجان ايسولف أنه من يجمـــــــع عيلتــــه
اهنا ابو فاضل اشــوفه دوم يطـــــرح رايتــــه
بجفه اشم عطر الحميه اشـــكَد احبن جربتـــــه
جوده يتكَاطر وفه الشــــــــوفته متلهفه
مواجع عصيبه عليله ونحيبه
****
يانسيم الطف اشـــــــــمن بيك جن ريحة حـــرك
اسم الله شو عيني اتراوى صدر ظامي وينسـحك
وعن الأجســـــاد المناحر بالصــــــــوارم تفترك
وعالترب جني اشــــوفن ضلع داســـــوه وانطبك
والحوافر اربعــــين داست ابصدر الحسين
واحسن سليبه عليله ونحيبه
الشاعر ابو علي الركابي
ــــــــــــــــــــــــــــــــــــــــــــــــــــــــ
(القصيده على لحن يابو فاضل طيحت ايدك مو وكتهه على العليله)
يا حبيبي ... ماتت البسمه اعله شفتي
يا حبيبي .. وعاشت ابدربك صفنتي
يا حبيبي ... غربتك تشبه غربتي ... يا حبيبي
ـــــــــــــــــــ
والله غربه البنت اذا مو يمهه ابوهه
تبجي لو محني الظهر شافت اخوهه
وانه اهلي اهل المحنّه الما نسوهه
دياري جنه لو هلي الغابوا يجوهه
بالمشاعر ... تشتعل كل ليله جمره
بالمشاعر ... والدي الغايب انطره
بالمشاعر ....سجّلت بدموعي قصتي ... يا حبيبي
ـــــــــــــــ
كَلبي من يوم المشوا ونّه ابسكوته
الريح ياريته الابوي ايودّي صوته
الما يشم ريحة ابوه يتمنّه موته
أيتيم حتى من تضل بالدار اخوته
الماله والي ... حتى وي عيد الله يبجي
الماله والي ... بحيره المن ضيمه يشكي
الماله والي ...مثلي من اتهل دمعتي .... يا حبيبي
ــــــــــــــــــ
يا حبيبي الما احب بالدنيه بعده
لسّه بوساتي صور تضوي اعله خدّه
فاطمه اني وبعد جا شنهي عدّه
كَلبي وي كَلبه جنت كل ليله اشدّه
فاركَاني ...الجان لعيواني ضواهه
فاركَاني ...شوفته جروحي دواهه
فاركَاني ...ايساري اصفكَهه ابيمنتي ... يا حبيبي
ـــــــــــــــ
يل غربتي وغربتك صارن سويه
بالمدينه وانت برض الغاضريه
انت برض الطف واجت ليك المنيه
وفركَتك تنعد صفت جم موته اليه
يل بجيتك ... مثل يعكوب اعله يوسف
يل بجيتك ...دمعي وي دم كَلبي ينزف
يل بجيتك ...مكَبره صارت غرفتي .... يا حبيبي
ـــــــــــــ
حسين بويه العمر بعدك ما اريده
ورجعتك للدار اضن صارت بعيده
انتظار الاهله بالطف اشيفيده
حكَه لو يترك اثر عالهامه بيده
ما يجوني ...ايّست منهم يدهري
ما يجوني ...شيّبت وآنه اعله زغري
ما يجوني ...وبالسهر خلصت شمعتي ... يا حبيبي
ــــــــــــــــ
الشاعر محمد حسن ضيغم
ــــــــــــــــــــــــــــــــــــــــــــــــــــــــ
انتظر واعله الجمر انطر واتانــــي
ليمته ايعود ويرد قائـــــم زماني
اقره كل لحظه الدعاء بالمدامـــــــــع والبكاء
ليمته ايعود ويرد قائــــم زماني
*
صعبه اليفارك شهر شوفة أمامه
ايلوج كَلبه وليله ما أبــــداً ينامه
وآنه اشهر ما شفت ذيـج العمامه
وكَمت أنوح اعليه بدموع اليتامه
صاحب الوجه السمح راعــي المحنه
فاطمه ابنيته الدهر حرمانــــــي منه
انعه كل ليل العزاء بالمدامـــــــــع والبكاء
ليمته ايعود ورد قائــــــــــــم زماني
****
الغيبه صعبه وروحي من كَد المحبه
آنه كل صبح ومســــــــه اقراله ندبه
واسمه بآلام الهجر كَلبـــــــــي يكتبه
اليوم من ايمر ســـــنه بخلافه احسبه
كَلبي مايحمل صبر ينطـــــــــــــــر حبيبه
والفرج للينتظر طــــــــــــــــــــول مغيبه
ادعي يارب السماء بالمدامـــــــــــع بالكاء
ليمته ايعود ويرد قائـــــــــــــــــم زماني
****
اقره يوميه العهـــــد واقره الزياره
السلام اعله المشـــه وخله الحياره
وصار دلالي بحزن ملتهبـــه ناره
انظر اعله الباب واتنطــــر بشاره
بلكت اسمع صيحـــــــــــه بالغايب اجانه
حســـــــــــــين عود بالضعن والله ولفانه
آه يايـــــــــوم اللقاء بالمدامـــــــع والبكاء
ليمته ايعود ويرد قائـــــــــــــــم زماني
****
آه قائم روحـــــي شو طول مغيبه
عجب اي والله بطه هـاي العجيبه
مادره بالينتظر يرجـــــــــع حبيبه
نار جبدي تستعر جمــــره ولهيبه
فدوه روحي ومهجتــي وعمري وحياتي
لبوا ليمه وســــــــــــــــالم ايرد امنياتي
هذا من كَلبي النداء بالمدامــــع والبكاء
ليمته ايعود ويرد قائـــــــــــم زماني
****
*
ربي عجل بالفرج كَلبــــــــي تفطر
أمن ايجيب الدعا وهاي آنه مضطر
من المرض والهم أنه جسمي تغيـر
العليله اعله الهجــــر صعبه اتصبر
فوك علتي والمرض سهرانه روحــــــي
ما انوح امن المرض انعه الجروحـــــي
لجم اجروحي البلاء بالمدامـــــــع وبالكاء
ليمته ايعود ويرد قائـــــــــــــــم زماني
مدري ليش ابجي بحزن كل مغربيه
وروحي تلجمني واحس جني بعزيه
ليش ابوي اتعطــــــــل وما رد عليه
مو بعيده اهــــــواي عنه الغاضريه
والدي وريع الكَلب مهــــــــدي وجودي
امحفره الكثر الدمع اعليــــــــه خدودي
كَام يحلالي الرثاء بالمدامــــــــع والبكاء
ليمته ايعود ويرد قائــــــــــم زماني
**
الشاعر ابو علي الركابي
سيد علي الموسوي
ياهلي مارد خبركـم
ياهلي طول سفركم
ــــــــــــــــــــــــــــــــــــــــــــــــــــ
طول اعليه سفركـم والهجـــــر ماينحمل
ياهلي مشتاگه إلكم والبعــــد يكتل كتـــل
وداعة الزهره الزچيه افراكم لامو سهـل
ياهلي من يوم رحتو دمعتي لســه تهـــل
عيني ضلت تنتظركم
ياهلي طــول سفركم
ــــــــــــــــــــــــــــــــــــــــــــــــــــ
عذبت گلبي الليالي وكسرة الخاطر جرح
حسره طرواكم يمرني والمدامـع تنفضـح
چلمة الإنتي عليلـه ياهلــــي تذبــح ذبـــح
صار كل وكتي ليالــي ومايفرحني صبح
نجمه تلگوني ابسهركم
ياهلـــي طــول سفركــم
ــــــــــــــــــــــــــــــــــــــــــــــــــــ
نامت ابگلبي السوالف والمن احچي حسرتي
روحي ملهوفه عليكم والله حيــــره حيرتـــي
اطول امن الليل صارت يالغوالــي صفنتـــي
ياوكــــت تلفـــــون ليـــــه ياحبايب دنيتـــــي
يلهج الساني ابذكركـم
ياهلي طــول سفركــم
ــــــــــــــــــــــــــــــــــــــــــــــــــــ
ديرت العفتوهه وحشه وحيل صارت مضلمه
يالمنازلكم خليــــــه وآنــــــه بيهــه هايمــــــه
روحي عطشانه عليكم والله كاتلهه الضمـــــه
يمته يايوم اليجوني أدعــــــــي يارب السمــه
عمري من فدوه العمركم
ياهلـــي طــول سفركــــم
ــــــــــــــــــــــــــــــــــــــــــــــــــــ
بالي مشغول ابأمركم والله متعب هالأمر
حيل طولتو عليه وحيل مشغول الفكــــر
أنتظر تلفـون اليـــــه وليله ليله أنتظــــر
ياهلي لوما رجعتو أدعي ماريد العمــــر
والله حيرني أمركم
ياهلي طول سفركم
ـــــــــــــــــــ
سيد علي الموسوي
مؤسسة منبريون على التلكرام
اريد لطمية سيد فاقد رايحة العباس اعاتب
ردحذف