كلمات قصيدة المايحب حسين خله براحته مكتوبة مسلم الوائلي
قصائد حسينية مكتوبة
ومقروءة من قبل الرواديد🌲
📜 قصيدة : المايحب حسين
✒️ الشاعر : السيد محمود الموسوي
🔷 الرادود : الملا مسلم الوائلي
المايحب حسين خله براحته
مانحشمه المايعلك رايته
احنه مانرتاح اله بصايته
مطشرين ولامتنه قرايته
طايحه خيامه ... وجاي يجمعنه
انصيحله دخيلك .... مايرجعنه
يا اباعبد الله ..... يا ابا عبد الله
🎤🎤🎤🎤🎤🎤🎤🎤
نعمه هاي الخدمه يابو سكينه
وانته اول واحد يبجينه
كلشي ماننطيك بس تنطينه
ثوبك المسلوب وتغطينه
يابو عبد الله .... هاي نعمتنه
والشكر لله .... تبقه خدمتنه
يااباعبد الله ..... يا اباعبد الله
🎤🎤🎤🎤🎤🎤🎤
الله خالقنه الك والغايه
بلمجالس شايلين الرايه
حسين تستاهل وعدنه حجايه
ركض باجر تطلع المشايه
ياعشك باجر ..... مايسحكونك
انطيح بلعاشر ..... فدوه لعيونك
يااباعبد الله ....... يااباعبد الله
🎤🎤🎤🎤🎤🎤🎤🎤🎤
لو عشرتك ذبح ماجازيهه
اهلي واخواني وعمامي انطيهه
الهامه تستاهل اطبر اعليهه
وامي وي زينب سبي توديهه
هاك اخذ كلشي .... يالصرت كلشي
كون كل عمري ... بس الك امشي
يااباعبد الله .... يااباعبد الله
🎤🎤🎤🎤🎤🎤🎤🎤
امك الزهره ولاننساهه
كل الايام احنه نبجي وياهه
عدنه طلبه السنه نترجاهه
كون نطلعلك مشي ونلكاهه
نخدم الزهره .... واحنه مشايه
ويطلع المهدي .... وشايل الرايه
يااباعبد الله ..... يا اباعبد الله
🎤🎤🎤🎤🎤🎤🎤🎤🎤
#_كتابة_خادمة_ابى_الفضل_العباس_عليه_السلام
صراحه هيه حلوه بس مال هواس
ردحذف