كلمات قصيدة مشاي بصف مشاي مكتوبه كامله مسلم الوائلي
القصيدة: مشاي بصف مشاي
أداء: مسلم الوائلي
كلمات: محمود الموسوي
~~~~~~~~
لبيك واحسينا لبيك واحسينا
~~~~~~~~
عباس امربينه .. خدام مخلينه ..
شعلينه بهاي الناس
من اتشوف الرايه .. شيل اجفوفك غايه ..
الخاطر جف العباس
دگ ولطم حيل شد روحك شد أنذوره
والزار حسين حته الله بعرشه يزوره
ما يحتاج الناس .. لو زار العباس
~~~~~~~~
محترگين بناره .. باجر عدنه ازياره ..
مشاي بصف مشاي
ما نتفارگ باجر .. حسين بشمس العاشر ..
واحنه اندورله افياي
وما نشرب ماي بالموكب نشرب غيره
تمطر زوار باجر كل غيمه بديره
والخاطركم مولاي .. باجر نركض حفاي
~~~~~~~~
باجر حته السابعه .. وي زوارك طالعه ..
والفوگاها يخدمون
ما تمشين بهيمه .. باجر فوگ الغيمه ..
شلج بالتل يم عون
باجر تمشين عالكوكب مو عالناگه
والعالوا بيج مهدينه يعور اطراگه
باجر يحسين الثار .. يطلع وي الزوار
~~~~~~~~
هالخدمه شمحلاها .. العالم يتمناها ..
واحنه تربينه وياك
يالرازقنه أيامك .. كل جمره من اخيامك ..
تجوينه وما ننساك
باجر يحسين مشايه انطب عالشام
زينب بقصور خلهه واحنه الخدام
ونحطلك راس يزيد .. برماح ونطلب عيد
~~~~~~~~
يحسين احنه برايتك .. ما فارگنه قرايتك ..
نطشر وتلم بينه
والعادانه براحته .. ما نهتم لحجايته ..
جا غير انته مربينه
ترزقنه وياك كون الطف ونشوفك جاي
وي السبعين نتبدل غيره وماي
وتحطنه اعله السبعين..خدامك ها يحسين
30 قصيدة مكتوبة للمشاية
(نزلة)
ماشي ماشي للحبيب الأزَلي
ماشي ماشي للحُسَيْن ابنَ عَلي
*********
كبُّرت دمعاتي وارفعت صرخاتي يمظلوم
ابثورَة المشّاية نرفع اكبَر راية يمظلوم
أمتنِع عن طريقك لا أبَد
بالدمِع منطي يحسين العهَد أوافيك
والعشِگ يچوي بحساس الگلُب
أحترِگ ابكهف حبّك مِن أطُب وحاچيك
ماشي ماشي آنه واحبابي او هَلي
ماشي ماشي للحُسَيْن ابنَ عَلي
*********
شايلك بعيوني صرت روحي او لوني يغالي
من بعيد امشيلَك واختليَت ابليلَك يغالي
منذبِح بيك يا أطهر غَرام
والصُبِح وجهك ايوان الحَمام أشوفه
هيبِتي گتلي اخِذ يا خادِمي
جنّتي اگصدها وادخل عالَمي وطوفه
ماشي ماشي ليك واقهر عاذلي
ماشي ماشي للحُسَيْن ابنَ عَلي
*********
عفت كلشي او جيتَك رايد اوصل بيتَك يَقِبلة
يا منارَة گلبي ايهون لجلك تعبي يَقِبلة
بالدرُب ألگه خدّامك تصيح
يا مُحِب يمنه طُبّ او إستريح نِضيْفَك
امروّتَك هاك اكل زاد الحُسَين
شوفِتَك ننتظرها ابكل سنين نعِرفَك
ماشي ماشي صار حُبَّك موئِلي
ماشي ماشي للحُسَيْن ابنَ عَلي
*********
دنيتي او ما بيها يمّك امخلّيها طلِبتي
زايرك سجّلني وي حبيب اقبَلني طلِبتي
ما چنِت اهناك بالطف أنصرَك
بس ردِت جون أصبح واحفُرَك بالِعيون
أفتخِر عنّي لو گالوا جُنِنت
أشتهِر مثل عابس لو ذبِت بالِجنون
ماشي ماشي وادري تتباوَع إلي
ماشي ماشي للحُسَيْن ابنَ عَلي
*********
أدري آني ابهايه المهدي يمشي اويايه عِرَفته
يمشي للما جالَك البقه شاغل بالَك عِرَفته
كربله فرض ونطيعه وِجَب
للمله هالتراب اصبح ذهب ندوسه
ابحسرِتي الزينب آني أنتظُر
ابكشخِتي ويّا جابر للقَبُر نبوسه
ماشي ماشي همّي يمّك ينجلي
ماشي ماشي للحُسَيْن ابنَ عَلي
*********
الشاعر صفاء الخالدي
ــــــــــــــــــــــــــــــــــــــــــــــــــــــــ
مشايه مشايه… .وي رفة الرايه
كربلاء…. ابلا وباء
★★★★★★★★★
حفاي اجينه اعله الجمر مثل الگطه ابغيمه
والخيمتك يابو علي نبني الف خيمه
هذا العزاء طول العمر ندعي الله ايديمه
والمافهم هذا الهشگ ما أله كل قيمه
وتصرح الأ يه ….. … .وي رفة الرايه
كربلاء…. ابلا وباء
★★★★★★★★★
هاي السنه ثق تختلف عن كل سنه هايه
وحته السمه يابو علي تتعنه مشايه
گالوا وباء بطلوا مشي وجينالك اهوايه
من كل شبر مشايه اجت رايه ابچتف رايه
من نوصل الغايه….. … .وي رفة الرايه
كربلاء…. ابلا وباء
★★★★★★★★★
شنهي الوباء شنهي المرض چانوا يفحرونه
ونتگطع ونلتم وصل ابكربله يالگونه
يتفاجئون الفجروا لمن يشوفونه
ويكثر عددنا ابكل سنه كلما يمنعونه
خدامك اهوايه…. … .وي رفة الرايه
كربلاء…. ابلا وباء
★★★★★★★★★
چانوا يلزمونه اليجي وتتگطع اچفوفه
والينطي چفه ابلا وعي يتعنه ويطوفه
قصة عشگ ماتنتهي وحسين منعوفه
وننطيهم اموال وذهب هالقصه معروفه
لحسين شرايه…… … .وي رفة الرايه
كربلاء…. ابلا وباء
★★★★★★★★★
هالمره اجينه ومن وكت ننصب مواكبنه
خدامه ونسد الدرب لحد يعاتبنه
هالمره يتعنه ركض لحسين شايبنه
وبچفوفه رايه اوي الخدم موجود غايبنه
ويالمهدي عنايه …… … .وي رفة الرايه
كربلاء…. ابلا وباء
★★★★★★★★★
من كل شبر يحسن الك مشايه خدامك
لا ما نرد يابو علي ونموت جدامك
وشما رموا بينه الحجر ما يوصل الجامك
وبيوت اهلنه وديرتي منذوره لخيامك
انطينالك احچايه…… … .وي رفة الرايه
كربلاء…. ابلا وباء
★★★★★★★★★
ـــــــــــــــــــــــــــــــــــــــــــــــــــــــــــ
ماجد حبيب الخيكَاني
2020/9/28ونسألكم الدعاء
ــــــــــــــــــــــــــــــــــــــــــــــــــــــــ
نعي لسان حال زينب عليها السلام عند رجوعها يوم الاربعين.
يلحباب. اجيت امن السبي ليكم يلحباب
بلتراب يخوتي مگبعه بهمي وبلتراب
ولاطاب. عكبكم جرح البگلبي ولاطاب
ولعتاب يحگلي النايحه عليكم ولعتاب
بلحساب. ابد ما چان يخواني بلحساب
الاجناب اروح ميسره ما بين الاجناب
ضوه العين. زينب آنه جيتك يا ضوه العين
الگبر وين صحت بدموع يبن امي الگبر وين
تره حسين يصيح الگلب يازينب تره حسين
تنشدين. اندفن بترابه چا المن تنشدين
تعرفين ذاك الگبر من عطره تعرفين
تونّين. بهيده عله الگبر لمن تونّين
تموتين اخاف امن البچي وهمچ تموتين
صحت آه. الك مشاتگه يحسين وصحت آه
لگينـــاه. جسمك ماكو بس گبرك لگيناه
حچيناه. يخويه الضيم يم گبرك حچيناه
حملناه. يخويه العبئ من بعدك حملناه
سمعناه. الشماته والشتم بعدك سمعناه
جمعناه. الظعن يحسين يم گبرك جمعناه
النهر ذاك. صحت ياگلبي نتعنّه النهر ذاك
الوفه هناك اندفن يم النهر كلّه الوفه هناك
صحت هاك. يعباس انظر لحالي صحت هاك
تره اعداك سبوني وسلّبو خدري تره اعداك
الي وياك. عتب ومناشده ودمعه الي وياك
بيمنـاك. جبتني امن الوطن خويه بيمناك
ندبنـاك. يخويه بساعة الرحنه ندبنــاك
سيد زيد الفحام
_____________________________________
ــــــــــــــــــــــــــــــــــــــــــــــــــــــــ
هوسات الخدام للترحيب بالزوار
هلا بزوار ابو السجاد شرفونه
نمشي عليكم العباس زورونه
نزعل حيل نزعل من تعوفونه
|| خدام الكم بس امرونه ||
.........
فتحنه بيوتنه والكم فرشناها
يزوار الحُسين گلوبنه وياها
خدم الكم اسمنه بهاي نتباها
|| زوار حسين الهم حوبه ||
...........
لـتگولون شُكراً هاي تجرحنه
هاي بيوتنه وخدامكم احنه
كل خطوه المشيتوهه بعشك صحنه
|| اهلا بيكم شرفتونه ||
............
وصية كل خدمكم هاي سمعونه
يزوار الحُسين ومن تزورنه
يم شباچ ابوالسجاد ذكرونه
|| گلوله احبابك خدمونه ||
سيد زيد الفحام
_____________________________
ــــــــــــــــــــــــــــــــــــــــــــــــــــــــ
رجوع زينب عليها السلام الى كربلاء
نايمين يخوتي نوم العوافي
نايمين. وانه جيت بجدم حافي
جيت اتـنـفّـس جمر
اشكي من درب اليسر
نايمين نايمين
................
آنه اختكم يالغوالي
وين چنتي شلون حالي ما سألتو
ظهري حدّب من مصابي
جيت اسولف عن عذابي. ما سمعتو
بتـراب الگبـر نمتو. وعفتو الغاليه بهمها
بين البيهه يتشمّت. وبين الگام يشتمها
ياحُسين. وينه گبرك ياحبيبي
ياحُسين عاودتلك من مغيبي
بيـة آلام شـكـثـر
اشكي من درب اليسر
نايمين نايمين
.................
صعبه عالعاشت عمرها
مدلله بعــزّت خــدرها. يعذّبوها
الچانت بهيبه وكرامه
گطعت دروب الملامه. يسّروها
يخوتي حسين ياعباس اختكم آنه شوفوني.
مـو زينبــكـم الچانـت اظنكم ما تعرفوني
بالمصاب. هواي متغيّر شكلهه
بالمصاب. اتعذبت بغياب اهلهه
ريته لا طال العمر
اشكي من درب اليسر
نايمين نايمين
................
سمعَو بديوان صوتي
دافعت عنكم يخوتي اجبروني
شافو العدوان طولي
تشمّت الظالم عذولي وسائلوني
ميته ويـاكــم تمنّيت. يخوتي ولادخلت الشام
ولا احچي ويسمعوني وعليّة تباوع الظلّام
هالأجيت مشيبه من ضيم الليالي
هالأجيت. ما سألتوني شجرالي
عالسبي مُر الصبر
اشكي من درب اليسر
نايمين نايمين
................
جيت بجروح المشاعر
طلعو من لحد المگابر. تلگو ختكم
هذه ارض الغاضريه
الرحت من عدها سبيه. من عفتكم
اشم ريحتكم الطيبه يخوتي امن التراب اتفوح
بعد مابيه امشي هواي. انهدم حيلي وبچيت جروح
عالتراب. ابقه يمكم للمنيه
عالتراب. تبرد جروحي الخفيه
صوت منكم انتظر
اشكي من درب اليسر
نايمين نايمين
................
حسين ياروح الزچيه
آنه زينب تدري بيه. ابچي يمك
عيلتك يمك جبتها
بس رقية فارگتها. بذاك حلمك
يم گبرك گعدنه انصيح. آ يحسين ومصابه
راسك خويه جبته وياي. لجسمك ينزف صوابه
يالحنين. راسك لجسمك ارجعه
يالحنين. بروحي اشمّنه واودعه
غبت عنك اعتذر
اشكي من درب اليسر
نايمين نايمين
................
روحي لچمتني بحزنها
عالگمر تنشد اظنها. عن كفيلي
للنهر اعثر اجيته
بگبره متواري لگيته. يادليلي
شبگت تراب ابوفاضل صحت ياكافل ظعوني
دريت شصاير بحالي سبيه مجرّحه امتوني
مادريت. عذبوني بچم مصيبه
مادريت. تنشتم زينب غريبه
سياط وجروح وزجر
اشكي من درب اليسر
نايمين نايمين
سيد زيد الفحام
2020
___________________________________
ــــــــــــــــــــــــــــــــــــــــــــــــــــــــ
نزله لرجوع السيده زينب ع من السبي
لا تلوموني من تشوفوني
امشي وتعثّر. امشي وتعثّر
...................
اني زينب يخوتي تدرون بيه
من رحت للشام كل خطوه بمنيّه
والله من كثر الحبل مجروحه اديه
حسين ياعباس زينبكم سبيه
من الم گلبي ماشفت دربي
امشي وتعثّر. امشي وتعثّر
...................
اربعين امن الليالي جروح بجروح
ألگه شمّات ومصايب وين ماروح
من كثر حزني ومصابي خلصت الروح
كلشي سلبو مني حتى الصوت مبحوح
دهري اذّاني. شوفو يخواني
امشي وتعثّر. امشي وتعثّر
....................
من سبي الشام وهضمها جيت يحسين
خويه دليني عله گبرك ياضوه العين
هاي اطفالك جبتها والنسواين
لا تناشدني رقيه وين ماوين
آه يبن امي. جيتك بهمي
امشي وتعثّر. امشي وتعثّر
...................
شيّبت گلبي يخويه من عفتها
عـذّبـوا بنتك رقيه الفارگتـها
بالخرابه شصار بيـها ما شفتـها
ماتت عله الراس خويه وماجبتها
تستمع رتك من حزن بنتك
امشي وتعثّر. امشي وتعثّر
...................
حسين ياروحي ودليلي بالهضم جيت
لگبرك وعطره وترابه والله حنيت
اندفن ويّـاك خويه شگـد تمنّيت
ولا اعيش الدنيا خويه لا اطب بيت
حايره بامري ونكسر ظهري
امشي وتعثّر. امشي وتعثّر
...................
ذاك نهر العلگمي امشن يرجلين
للكفل خدري اخويه الضحّه چفين
ارد اشم عطره وسولف عملة البين
يدري لو ما يدري زينب بالدواوين
للأخو الغالي. اشتكي حالي
امشي وتعثّر. امشي وتعثّر
سيد زيد الفحام
2020
________________________________
@@@@
ــــــــــــــــــــــــــــــــــــــــــــــــــــــــ
موشح لرجوع مولاتي زينب عليها السلام
عن حبيبي حسين لتبعدوني
وين گبره بيا كتر دلوني
.............
آنه اخته الغاليه امسميني
بالدلال وياه عشت سنيني
حال وسفه البين بينه وبيني
جيت ودموع الحزن بعيوني
وين گبره بيا كتر دلوني
...........
عفته عالتربان جسمه الغالي
وراسه راح وياي يبره لحالي
يهوّن علية السبي ويبرالي
اشتكيله الحال لو هضموني
وين گبره بيا كتر دلوني
...........
جيت من بعد السبي وآلامه
لگبر اخويه وتربته محتامه
جيت مشتاگه وجبت ايتامه
عالگبر اشكي الألم خلوني
وين گبره بيا كتر دلوني
...........
اربعين امن الليالي هوايه
مفارگه الغالي ومتت من هايه
عگب اخويه مضلمه دنيايه
من عكب عينه شكثر فجعوني
وين گبره بيا كتر دلوني
...........
آنه زينب والهجر اذّاني
جيت ارد اشكي الألم لخواني
دهري للشام بسبي وداني
بالحبل عكب الخدر چتفوني
وين گبره بيا كتر دلوني
...........
ارد اشم تراب گبر حسيني
وحچي ويّاه والدمع يچويني
ليش بيد الناصبه امخليني
يدري لو ما يدري مارحموني
وين گبره بيا كتر دلوني
سيد زيد الفحام
2020
___'______''''________'''
ــــــــــــــــــــــــــــــــــــــــــــــــــــــــ
#زيارة_الأربعين
مشـايه جينـه ننعـاه
درب المشي ما عفناه
وا حُسيناه وا حُسيناه
.............................
اذّن وصاح الوحي حلّت ايّام المشي
بكربــــلائه نلتقي يوم اربعينه
كل سنه بهذا الدرب. نمشي والمدمع يصب
للحُسين وكل گلب. هايج حنينه
شاب وزغير وكهل. كلها تمشي وتبتهل
للحُسين وتنقبل. من زائرينه
زواره نقســــــم بالله
درب المشي ما عفناه
وا حُسيناه وا حُسيناه
.............................
هذا درب البي عشگ. لبوالأكبر من صدگ
كل گلب بسمه يدگ. يقره الزياره
راحه مابي اي تعب والمشه بدربه انحسب
مثل ما ضحّه وهب. وعلن شعاره
ما يهمنه اي خطر. فدوه لحسين النحر
والعشگ مابي مفر. دمّه انتصاره
لا مو بدينه نهـــــــواه
درب المشي ما عفناه
وا حُسيناه وا حُسيناه
............................
وي مسير القافله. معتنين لكربله
نمشي مشايه اله. شبل الزچيه
نواسي زينب والحرم. من اجت تشكي الألم
تعثر ومدمعها دم. للغاضريه
تشكي لخوتها الجره. من خذوها ميسّرَه
عكب سبع الگنطره راحت سبيه
نشارك حزنها جينــاه
درب المشي ما عفناه
وا حُسيناه وا حُسيناه
............................
جينه نمشي عالعهد بالملايين العدد
نعتني من كل بلد. نوفي بعهدنه
هالزيارة تختلف بيها كل موكب هتف
خدمة الزاير شرف. ترفع مجدنه
والمواكب حاضره عالدرب متكاثره
تخدم بكل مقدره الهم شهدنه
هـذا الدرب عشگنــاه
درب المشي ما عفناه
وا حُسيناه وا حُسيناه
............................
لازم نأدي الفرض نطوي لحسين الارض
غصباً عله اليعترض. نوصل نزوره
حسين يدري بشيعته. ما تعوف زيارته
منّ نطب ابحضرته. نشتم عطوره
لا شك المهدي يجي. يوصل لجدّه مشي
نندعيله ونرتجي يقرب ظهوره
من يظهر المهدي وياه
درب المشي ما عفناه
وا حُسيناه وا حُسيناه
#سيد_زيد_الفحام
2020
________________________________
ــــــــــــــــــــــــــــــــــــــــــــــــــــــــ
ام المصائب زينب عليها السلام
هذه زينب جابت وياها الحرم
من سبيها. تشكي لخوتها الألم
تجري دمعة العين
للكفلها وحسين. تشكي لخوتها الألم
...................
رجعت من الشام لخوتها العقيله
تشكي همها تريد والمدمع تسيله
من عگب غيبتها والسفره الطويله
يم اخوها حسين رجعت تشتكيله
وينه گبرك. خويه ياسبط النبي
آنه اختك. خويه جيت امن السبي
حايره تبدي منين
للكفلها وحسين تشكي لخوتها الألم
وصلت الحره العقيله الغاضريه
تعنّت لگبر الذبيح ابن الزچيه
عالگبر طاحت تون ونه خفيه
تگلّه آنه اختك يبواليمه السبيه
ما شفتني يالنمت تحت الترب
وبغيابك. شيّب وذاب الگلب
تشتكي بين ثنين
للكفلها وحسين تشكي لخوتها الألم
تگلّه جبت ايتامك وگلبي بعذابه
بس رقيه ماتت بذيچ الخرابه
بطشت شافت راسك وصاحت يبابه
شبگتك شبگت منيه اعله الترابه
خويه ماتت بالخرابه ومااجت
يا رقيه. من عفتها تعذبت
لا جرح لا جرحين
للكفلها وحسين تشكي لخوتها الألم
للكفلها اتعنّت بهمها وحزنها
چنها عدها عتاب وي عباس چنها
يم گبر كافلها تبچي وزاد ونها
تخبره بسياط البقت تجرح متنها
يابوفاضل يالجبتني مدلّله
تدري بيه سلّبوني بكربله
تتّجه زينب وين
للكفلها وحسين تشكي لخوتها الألم
حگي من أعتب تگله يابوفاضل
شلون امشي عالهزل وبلايه كافل
يالعفتني بحيرتي ابّين العواذل
عگب خدري تالي وي اهل التخاذل
يالعفتني آنه حيل تغيّرت
اشتكيلك. بالمصايب شيّبت
سولفت ضيم البين
للكفلها وحسين تشكي لخوتها الألم
سيد زيد الفحام
_______________________
ــــــــــــــــــــــــــــــــــــــــــــــــــــــــ
نزله رجوع زينب عليها السلام الى كربلاء
مهضومه وغريبه. اشرح يامصيبه
عذبني زماني. عذبني زماني
..................
انه ام الخدر زينب صرت ام المصايب
المن اشتكي ياحيرتي والمن اعاتب
ابن امي انذبح تحت الترب بجروحه غايب
ويم المشرعه ويلي اندفن بدر الغلوالب
بفراك الغوالي. ماظل عندي والي
عذبني زماني. عذبني زماني
..................
رديت بحزن گلبي ومصابي ودمعي يجري
لگبور اخوتي يمهم ردت ينحفر گبري
ولاعيش العمر عكب اخوتي بجروح دهري
بجروح السبي اتعثّر ومكسور ظهري
عافوني الاحبهم مجروحه بدربهم
عذبني زماني. عذبني زماني
..................
عطر حسين اشمّه من بعد دلّاني گبره
راسه وياي جبته خل يرد راسه عله نحره
مشتاگه شكثر لحسين لبن امي ارد انظره
عطر المصطفه المختار بي يامحله عطره
اخته الهاشميه. سمّوني سبيه
عذبني زماني. عذبني زماني
..................
خلّوني عله گبر حسين مفجوعه وحزينه
اگضي سنيني يم حسين مارد للمدينه
شلون اكدر ارد ياناس ونسه الصار بينه
وحسين انذبح عطشان من بعده انسبينه
شلون بيارزيه انسه الغاضريه
عذبني زماني. عذبني زماني
..................
للعباس اروح بدمعتي واشرح عذابي
مسموح العتب ويّاه ردت يسمع عتابي
هوه اللي كفل خدري وكفل ستري وحجابي
شلون امشي سبيه بلا خدر طيلة غيابي
من بعدك يغالي ماتدري شجرالي
عذبني زماني. عذبني زماني
..................
ماشفتو الجره ها يخوتي بزينب اختكم
شكلي تغيّر وگلبي انجرح يوم العفتكم
انطوني السماحه والعذر لو عاتبتكم
لو بيدي وحگ رب السمه ما فارگتكم
عدواني ولوني. مسبيه خذوني
عذبني زماني. عذبني زماني
سيد زيد الفحام
2020
_________________________________
ــــــــــــــــــــــــــــــــــــــــــــــــــــــــ
نزلة لرجوع السيده زينب عليها السلام
خويه عباس. جيتك باحزاني
................
يالكفلت ظعوني... عاين الحال
جيتك بآلامي... دمعي همّال
ارد اخبرك بالسبي وآلامه
شيّبت ياخويه من ايامه
وين گبرك خل اشم ترابه
هواي تدري لشوفتك محتامه
تبقه كفّال ماكو غيرك ثاني
خويه عباس. جيتك باحزاني
.................
يالچنت تحميني... مدلله هواي
من طحت چتفوني... للسبي اعداي
ترضه ياعباس اختك آني
فرجه اصير بمجلس السفياني
بيّة يتشمّت يراعي الغيره
ومن سأل عني شكثر اذاني
يسأل يريد يجرح بوجداني
خويه عباس. جيتك باحزاني
................
لكربله ردّينه... بعد لغياب
يابوفاضل خويه... دمعتي عتاب
وين گبرك ياگمر دليني
خوية من تحت الترب حاچيني
نايم بگبرك ينور عيوني
بيد دهري الغادر امخليني
جرحك هواي ياگمر بچّاني
خويه عباس. جيتك باحزاني
................
آنه زينب خويه... ريتك تشوف
جيتك بياحاله... لوني مخطوف
من سبي الشام وقهر دنيايه
جيتك وجبت الحرم ويّايه
هنانه خويه گطّعوها چفوفك
طاحن وطاحت يخويه الرايه
خويه والماي. يجري ماروّاني
خويه عباس. جيتك باحزاني
................
انتحب يم گبرك... تسمع الصوت
ريته ياخذ روحي... مايجي الموت
خويه ريت الموت ياخذ روحي
ولااظل عباس بين جروحي
شگد بچيت وماهدت آلامي
لا دموعي التنفع ولا نوحي
دمعي سچاب ماكو من يرعاني
خويه عباس. جيتك باحزاني
سيد زيد الفحام
2020
____________________________________
ــــــــــــــــــــــــــــــــــــــــــــــــــــــــ
|| زوار حسين تعنينه ||
رفعنه الرايه يالغالي /اجينه لحضرتك./نريد زيارتك
ترسنه الدنيا مشايه / يبواليمه الك / خدم وانت الملك
نواسي الرجعت بهمها/ غريبه معذّبه / سبيه مترّبه
|| خدام لزينب سمونه ||
..............
الزيارة الاربعينية / عشگناها عشگ/ نحبك من صدگ
المواكب بالدرب كلها/ توزّع نعمتك/ وترفرف رايتك
حُسين وهالاسم يروي/ اذا مرنه ضمه/ يمهجة فاطمه
|| نتعب والزهره تقوّينه ||
.................
اجينه عله العهد نمشي/تحدينه الخطر/كتبنه عله النحر
مجنانينك يبواليمّه /عوابس بالعشگ/ابد ما نفترگ
ضريحك نبقه زواره/ ولانرجع ابــد / عهد هذا عهد
|| زوارك جينه تلگانه ||
..................
نجي انزورك يبوالعتره/يسلطان الارض/ونغيض اليعترض
مثل موج البحر جينه/وعدنه بكربله/تسير القافله
نواسي امك الزهره/تجي ويانه مشي/يماشيها علي
|| والزهره وحيدر ويّانه ||
...................
عله عناد اليبغضونه/نجيك بكل سنه/ونواسي المحزِنه
مشي وخلهم يشوفونه/ ملايين العدد/الك من كل بلد
نصيح بصحنك وندعي/إلهي بالحجج/تعجلنه الفرج
|| والمهدي الغايب ندعيله ||
#سيد_زيد_الفحام
___________________________________
ــــــــــــــــــــــــــــــــــــــــــــــــــــــــ
(نزلة)
ماشي ماشي للحبيب الأزَلي
ماشي ماشي للحُسَيْن ابنَ عَلي
*********
كبُّرت دمعاتي وارفعت صرخاتي يمظلوم
ابثورَة المشّاية نرفع اكبَر راية يمظلوم
أمتنِع عن طريقك لا أبَد
بالدمِع منطي يحسين العهَد أوافيك
والعشِگ يچوي بحساس الگلُب
أحترِگ ابكهف حبّك مِن أطُب وحاچيك
ماشي ماشي آنه واحبابي او هَلي
ماشي ماشي للحُسَيْن ابنَ عَلي
*********
شايلك بعيوني صرت روحي او لوني يغالي
من بعيد امشيلَك واختليَت ابليلَك يغالي
منذبِح بيك يا أطهر غَرام
والصُبِح وجهك ايوان الحَمام أشوفه
هيبِتي گتلي اخِذ يا خادِمي
جنّتي اگصدها وادخل عالَمي وطوفه
ماشي ماشي ليك واقهر عاذلي
ماشي ماشي للحُسَيْن ابنَ عَلي
*********
عفت كلشي او جيتَك رايد اوصل بيتَك يَقِبلة
يا منارَة گلبي ايهون لجلك تعبي يَقِبلة
بالدرُب ألگه خدّامك تصيح
يا مُحِب يمنه طُبّ او إستريح نِضيْفَك
امروّتَك هاك اكل زاد الحُسَين
شوفِتَك ننتظرها ابكل سنين نعِرفَك
ماشي ماشي صار حُبَّك موئِلي
ماشي ماشي للحُسَيْن ابنَ عَلي
*********
دنيتي او ما بيها يمّك امخلّيها طلِبتي
زايرك سجّلني وي حبيب اقبَلني طلِبتي
ما چنِت اهناك بالطف أنصرَك
بس ردِت جون أصبح واحفُرَك بالِعيون
أفتخِر عنّي لو گالوا جُنِنت
أشتهِر مثل عابس لو ذبِت بالِجنون
ماشي ماشي وادري تتباوَع إلي
ماشي ماشي للحُسَيْن ابنَ عَلي
*********
أدري آني ابهايه المهدي يمشي اويايه عِرَفته
يمشي للما جالَك البقه شاغل بالَك عِرَفته
كربله فرض ونطيعه وِجَب
للمله هالتراب اصبح ذهب ندوسه
ابحسرِتي الزينب آني أنتظُر
ابكشخِتي ويّا جابر للقَبُر نبوسه
ماشي ماشي همّي يمّك ينجلي
ماشي ماشي للحُسَيْن ابنَ عَلي
*********
الشاعر صفاء الخالدي
ــــــــــــــــــــــــــــــــــــــــــــــــــــــــ
تنويه......... القصيدة للشاعر الشاب
محسن هادي السماوي
ارجو الانتباه لذلك وجزاكم الحسين الخدمه والمضي بعشقهِ
حبيبي..شاغل خيالي وبالي
حبيبي..يالماكو مثلك غالي
اريدك..مره تعاين حالي
وتحن عليه
....................
يا عشگي يمحلي العمر
يالسودنتني من الزغر
نادم اجيت واعتذر
لو غافل انه شويه
لو يوم ما شابع لطم
ومن مجلسك انه انحرم
ابنيلي هيئه بالحلم
وابدي بنعي ولطميه
واتخيلك بيه هم تجي
وتفحط عيوني من البچي
وتشوف بيه شكد حجي
علي مشت مسبيه
والعوجات ...التعبن رفس بضلوعه
ولجن مات ...يوميه تصيح دموعه
حبيبي ...بس كربلا موضوعه
صبح ومسيه
____________
يالمهدي خليني انتضر
وكل عمري اقرالك شعر
مو كافي ما بسك هجر
شمحلاها لو سويه
ادريني مذنب واعترف
ومجلب باآخر طرف
من ثوبك وهذا الشرف
وتهدني ما مرجيه
يالاوجدتني من العدم
رايد طلب يابو الكرم
لو خيط بنعول الخدم
يالمهدي كافي عليه
يبن حسين..بحسين انه محلفك
هاي العين..تشملها رحمه عطفك
حبيبي.. لفني يمهدي ابمعطفك
بداعت رقيه
_____
محلفك بداعت مره
جانت عزيزه مخدره
صارت سبيه ميسره
وراحت على الهزيله
عمتك يمهدي تدوهنت
وبالسبي حيل اتعذبت
مبتليه بايتام اصبحت
وهواي حيل العيله
يالمهدي تعبهن زجر
يضربهن ويضحك شمر
وويلاه يا جرح القصر
من كلبك يهد حيله
اه يالشام..والصار بالشام هواي
بنص ضلام..حرمه وحيده بلا راي
حبيبي...وايتام محتاجه الماي
والماي مابي جيه
_______
رايد احلفك بالطفل
عبدالله ذاك المنجتل
بس ادري كلبك يشتعل
وادريني شالع كلبك
لكن يبن ذاك الفحل
غير التوسل مالي حل
وتدريني كاتلني الخجل
خايف اتيه دربك
بنص الزياره اقرأ لكم
سلمٌ لمن سالمكم
حربٌ لمن حاربكم
وانه الي بادي بحربك
بعاشوراء ..من اقرا جرحك ينلجم
بعاشوراء.... من الخيم ريحه تشم
حبيبي.... شلعان كلبك بالخيم
يبن الزجيه
____
كض ايدي يالكلك جرح
يل لا الك ليل وصبح
استرني انه المنفضح
غطيني ابعباتك
احسبني بشر وي الخدم
وهم ابقه متحفي الجدم
وجويني ابنار الخيم
الجوت جدم عماتك
دليني وين بيا درب
مستقر يا سيد الكلب
بالعرف لو يم الغرب
بالهم كضت حياتك
هم وونين..ليل ونهار عل الحرم
وعله حسين.. من جوه دلاله السهم
حبيبي ..كلبه احترك وي الخيم
شهاي الرزيه
الشاعر
محسن هادي السماوي
ــــــــــــــــــــــــــــــــــــــــــــــــــــــــ
(بربعينك يابوفاضل)
خاف اجرحك من اكللك تعال
يابوفاضل كوم اذا بيهه مجال
ياكفيلي ياكفيلي
طاح والشلال يتباها ابوكعته
والكمر لوغاب تستاحش نجمته
والااخو من يروح يكسر خاطر اخته
خيط امل جيتك اتبعه لوكطعته
طكو امتوني تره اشباه الرجال
يابوفاضل كوم اذا بيهه مجال
ياكفيلي ياكفيلي
كان ياماكان نجمه بنص سماها
تنتظر جيت الكمر بس مااجاها
خويه موش الساني كلبي الي حجاها
العين ماتنفع لون يوكع ضواها
من عفتنه الماله صوت السانه طال
يابوفاضل كوم اذا بيهه مجال
ياكفيلي ياكفيلي
كان ياماكان اسولف بربعينك
خويه من طكولي متني وصحنه وينك
ماشفت بعيوني جي مصيوبه عينك
خويه كلي بياكتر طاحت يمينك
وانه اجيبنهه واجيك ابلا سؤال
يابوفاضل كوم اذا بيهه مجال
ياكفيلي ياكفيلي
جاياتك والدرب عثرت شماته
بأربعين الغالي يلتمن خواته
هذه اخونه وبالكلب ماكو بغلاته
حتى نرفع روسنه مضحي بحياته
ننعه مو تحضير يم كبره رتجال
يابوفاضل كوم اذا بيهه مجال
ياكفيلي ياكفيلي
الشاعر الحبيب
محمود رحيل
ــــــــــــــــــــــــــــــــــــــــــــــــــــــــ
حماسيه
للمشايه وذكرى أربعينية
الأمام الحسين عليه السلام
....................
رغم أجوائاها هاي الوبائيه
مشت مشايتك مشيه كفائيه
...................
من أولايه طلعت تتبع أولايه
مشايه أعله مد الشوف مشايه
وفايه أو ترفرف بيدها الرايه
تتحدى الوبا أبغيره ولائيه
....................
أبيوم الأربعين أتزور عن فطره
من أبعيد تشتم نسمة الحضره
بتراب الدروب أووجوه متعفره
أمجنده أرواحها لجلك فدائيه
....................
تكصد كربله كل خطوه تخطيها
للمهدي أبو صالح هيه تهديها
والزهره الزجيه أمك تعزيها
وتهل عالوجن دمعه عزائيه
.....................
أفواج المشت تتحده كل عله
دربك عافيه أو مابيه أبد خله
ياظل العوافي الماكو من ظله
حبك للعلل وصفه دوائيه
.....................
يا ماي الوجه يحسين أبو اليمه
نعمه أنته أو شكر تستوجب النعمه
سجلها المشت في دفتر الخدمه
أو كفيها شرر كل أبتلائيه
.....................
مهجوره المدن لو شبه مهجوره
ديرة كربلا أبعون الله معموره
وينه الحاربك فجر أوطلع نوره
تسمعله صدى أبنبره رثائيه
....................
كورونا شني أوشنهو وبا غيره
يجعل شيعتك يابو الوفه أبحيره
يالحبك مناعه أبكل حذافيره
حجة مرقدك حمله وقائيه
....................
قربان الشهاده حسين أبو الأكبر
تدري أبشيعتك حد كطعت المنحر
وفايه أو أملها أبدنيا و بمحشر
تلكه أبنصرتك رحمه سمائيه
......................
خادم أهل البيت
الشاعر : أسماعيل الجوراني
الجمعه : 25/9/2020
ــــــــــــــــــــــــــــــــــــــــــــــــــــــــ
ميمر (مجنس ) للاربعينيه والمشايه
مثل الحشر .... يوم النشر
بدروب عشگك ننتشر
مشايه نطلع لحسين ابيوم اربعينه افواجا
_______________________________
يلأغله عدنه امن الگلب منّ الروح
دربك نعيم او لا تمل منه الروح
تستاهل انته لو خذت منه الروح
نمشي ابشغف .....والكل هتف
يا شرف ما بعده شرف
شمس انته واتضوي الروح نورك صبح وهاجا
_______________________________
ذات القداسه رادتك حجه الها
شيهمني لو جدمي التعب حجلها
وكل خطوه روحي تنحسب حجه الها
ابهذا الدرب .....حج الگلب
كل خطوه ابعشره تنضرب
احسبها امن آدم لليوم آنه اكثر الحجاجا
_______________________________
يامن علينه ابحضرتك منّ الله
لولاك چا منهو العرف من الله
نعمه اربعينك سيدي من الله
اليمشي الك ..... لا ما هلك
لنه بدرب طاهر سلك
او بزيارتك صار ايزور رب السمه ابمعراجا
_______________________________
الدين كله ابنص تره او نص انته
منصوص اسمك بالگلب نصه انت
يوم اربعينك مَن يون نصه انته
سكته يحن .... خاف اليون
ايذكرك ابأم الحزن
لمتانيها هاليوم اتعود ودمعك يهل امواجا
_______________________________
زينب تجيك ابهالضعن مشايه
ليمش تراب الداسته مش آيه
آيات زينب للحزن موش آيه
اترد ابتعب .... كلشي انسلب
خجلانه واتخاف العتب
رقيه ماردت ليك ذيچ المثل ديباجا
_______________________________
يامن مصابه ابكل گلب خلّه انّه
مشكور زوار او خدام خلانه
يحسين دربك للابد خله النه
خدام الك ..... نتوسلك
خلينه نعشگ موكبك
يالخدمتك مثل الماي وكت العطش ثجاجا
_______________________________
غير الزياره او خدمتك ما ردنه
يلتدري بمصابك مرد ماردنه
انت الحنين ابلا كرم ما ردنه
ابجاه الگمر ..... مثل النهر
خلينه نمشي ابكل دهر
عدلين ميتين اوياك ماعدنه غيرك حاجه
_______________________________
ابو فاطمة الطائي
ــــــــــــــــــــــــــــــــــــــــــــــــــــــــ
اجيتك يخويه وتصــــب المدامع
بدون العزيزه الضعن مـنهه راجع
اجيتك واحّسب شسـولف عليهه
رقيه اعله نحرك خذتهه المواجع
مشت منك وضلت اتــون دربهه
الرمح من يهزونه يشــــلع گلبهه
ياعذاب الشافته مــــــن فارگت ابوها
كلشي راح ابروحتك ومچتفه خذوها
=================
لگيت الجروح ابجســــمها اشكثرها
جرح فگدك اكبر جــرح طگ صبرها
يخويه شغسلها ومنيـــــــــن اكضها
آثر سوط شفت طابع ابگد ضــهرها
رقيه الحنينه الترف حـــــته اسمهه
لگيت اشكثر حافــر الشوك جدمهه
والجمر من الخيم مايرحــــــــم الزغيره
كل جرح فوگه جرح حيـــــــرتني حيره
=================
سبي رحنه عنــــــــك حبال ابادينه
ورانه احترگ كلشي ضـــلت عبينه
طلعنه بدرب مـــــــــايردنه بسلامه
غريبات يبو اسكينه للشام مشـينه
يضربونه اذا نعثـــــــــــر ونلتفتلك
حدر رمحك اشگد رقيــــه بچتلك
بالدرب لو بچـــــــــــــــت بالرمح دفعهه
تسكت وبالحبـــــــــــــل تمسح ابدمعهه
=================
انه ابكربله اشگد حمل گلبي ضيمه
بعد اكثر الشــــــــام ولا بيهه شيمه
يگعدونه والــــــــوادم اعلينه تلتم
على النوگ بناتــــك ينامن هضيمه
شسولفلك وكلهه ضـــيم السوالف
چبيره عليه اطـــــــــب المضايف
ياهلي بالقصر اوگــــــــــــــــــف اشكبرها
بت علي تنشتم ضــــــــــــــاگت ابيسرها
=================
وصلنه يخـــــويه وبچينه اعله گبرك
حرت يامصيبه الجرت بينـــه اخبرك
شدهني مصابك واچــــــذب عيوني
الخيم كلهه طاحت واخيتك تنطرك
صحت وانه عالهزله يهــــل الاميره
خذو زينب الحگ يشــيخ العشيره
ياحسين ضاع الخدر وتراكضــــــن بناتي
ياحسين حالي صعب وانه ابطرگ عباتي
خادم القصيده
شاكر الصيمري
ــــــــــــــــــــــــــــــــــــــــــــــــــــــــ
#جديد
#صفر 1442هـ
#لزيارة #الاربعين
ميمر من التراث الحسيني بطريقة قصيدة
(زينب من الخيمه اطلعت بديها)
.
.
يالماشي گصر بالدرب خطواتك
لجل الثِــواب وكــثر بدمـــعاتك
أذكـر حســـين ورتــل بآيـــاتك
والرايه بچفك عليها
.ـــــــــــــــــ ❁ ❁ ❁ ـــــــــــــــــ
مالك غـــرض بالگـلك مــا تــوصله
درب ابعيد وخاف تضيع ابها الرحله
گله العــشگ نبــض الگــلب ينــدله
وجدامي تندل محبوبي
.ـــــــــــــــــ ❁ ❁ ❁ ـــــــــــــــــ
بـــدرب المــشي لمن تـــون وتنـعى
تلــگه الـــزچـيه ادور اعله الدمعه
گلها العدى فوگ حسينچ متجمعه
گامو يالزهره ايگطعونه
.ـــــــــــــــــ ❁ ❁ ❁ ـــــــــــــــــ
ويـنادي هلـبت مــن مُنــاصر ينصر
وبصــدره حافرهم يـدوس ويكسر
خل چفوفك باللطمه تذب الخنصر
تنزف وتواسي المهظومة
.ـــــــــــــــــ ❁ ❁ ❁ ـــــــــــــــــ
بچـيها وكلـــما تبــچي أمّ الشــبان
كل دمعه من عـدها تطفي النيران
هاي العظيمه ام الكرم والاحسان
ماتنسى اليذكرها مدمعها
.ـــــــــــــــــ ❁ ❁ ❁ ـــــــــــــــــ
يوم اربعيــن ابن الــرضيه معروف
تنظر چن روجات البحر بالطفوف
جبـرائيل وكــل الملك ببها اطوف
خدام اتعزب خطاره
.ـــــــــــــــــ ❁ ❁ ❁ ـــــــــــــــــ
جود السبيل اللي بخدمتك وفاي
يوم القـيامه أيرد ألك شربة ماي
فــوراً يدرجوك بفصــيل الـرواي
عباس اتصير من اجنوده
.ـــــــــــــــــ ❁ ❁ ❁ ـــــــــــــــــ
لو عندك حاجه ظمها عن كل الناس
وگصــد كفيــل الهاشــميه العبـــاس
أقسم وحگ زينب يگول النوماس
لاتحچي الحاجه مگضيه
.ـــــــــــــــــ ❁ ❁ ❁ ـــــــــــــــــ
هذا العــشگ متعلمينه اعله الفطره
شيــعه ونــوالي حيــدره والزهــره
درب الخطر لارض الطفوف انعبره
والجمره بسحگه انطفيها
حسن الموالي الفاطمي
محرمة على منشدي DJ
ــــــــــــــــــــــــــــــــــــــــــــــــــــــــ
نزله : عهديه
عن لسان حال السائرين لأحياء ذكرى أربعينية الأمام الحسين سيد الشهداء عليه السلام
....................
يمولاي .. يا عزيز الزهره
تعنيت .. ماشي الك عالفطره
أبمشية المشايه
بيدي شايل رايه
تعنيت .. ماشي الك عالفطره
.....................
يالحسين .. الله يدري أشبيه
عشك صار .. لجلك أوحنيه
وحقها .. زينب المسبيه
رضعته .. أمن أمي الشيعيه
والكفيل أو مايه
أبحبك الجوايه
تحديت .. كل عدو للعتره
....................
يمولاي .. يابو نحر الدامي
لونها .. تجري دم أجدامي
مسافات .. أمشي لجلك ضامي
وجيلك .. بالعشك مترامي
روحي ألك وفايه
جيت أدكلك ثايه
ترقيت .. بالدمع والحسره
........................
يمن بيك .. أشعر أبالذاتي
إنه أدريك .. سجلت خطواتي
طلبتك .. تكظي ألي حاجاتي
أو بجاهك .. تنقبل دعواتي
بيدي هايه أوهايه
لله رب أسمايه
تنخيت .. بالحسين أونحره
.....................
أبأدب تام .. خطوتي أخطيها
المواكب .. زينب أشعر بيها
مئاتم .. نصبت أتعزيها
والأعلام .. شدت أبساريها
بيها لطم أقرايه
قارئ أو ملايه
تهاويت .. عالصدر بالعشره
....................
ألك جاي .. والدمع نيشاني
أعزيك .. من صميم أشجاني
يالصحاب .. ولدي يا أخواني
تنادي .. أو موقفك أذاني
تحجي يمها أحجايه
أجسادها أمدمايه
تأذيت .. ما بقتلك نصره
.......................
يقربان .. يا ذبيح المنحر
أجيلك .. ماشي لو أتوذر
فدائك .. ياعزيز الكوثر
حياتي .. تستحق منها أكثر
فضلك أنته أهوايه
حسين يا مولايه
توضيت .. شبدي بسمك أقره
....................
خادم أهل البيت
الشاعر : أسماعيل الجوراني
السبت : 26/9/2020
ــــــــــــــــــــــــــــــــــــــــــــــــــــــــ
فزاعيه
لذكرى أربعينية الأمام الحسين سيد الشهداء عليه السلام وفضائلها الحميده
...................
بربعين حسين شيعة حيدره
الكربله مشايه كلها أمسيره
مختلف أعمار
أكبارها وزغار
الكربله مشايه كلها أمسيره
.....................
يا حلاته الصوت بيكم يا هلا
يلي هميتو المسير الكربله
بربعين حسين أبن عقد الوله
أبو فاضل ينتظر كل قافله
أمعزب الخطار
أبو راس الحار
والنعم عباس سبع الكنطره
.....................
والحسن شيخ الكرم مد سفرته
الجاع والعطشان كل شي أبخدمته
كام منها أبأيده يطعم شيعته
أو خدر الدله أو بده أيصب كهوته
الحسن شب نار
منتظر مسيار
على جيس الزهره كهوه أمخدره
........................
علي وياكم علي هان التعب
بمتحان الخدمه ما واحد رسب
أبدفتر الزهراء كل أسم أنكتب
يعني كل شي أمسجل أو كلشي أنحسب
أو شوغة البسمار
ما يضيع أتغار
لل الوجوه البالتراب أمعفره
.....................
المحني ظهره الشاب واليحبي حبي
كاصده حسين الولي أو سبط النبي
أو كاصده العباس أبو الغيره الأبي
أبمعنى تطلب ثار شوغات السبي
للظلم أنذار
هذا درب الثار
النصرة المهدي عزمها أتحضره
......................
صوت من أهل المواكب يعتلي
على حب المصطفى أو حيدر علي
أتغده وشرب جاي يا بعدي أو هلي
من تزور حسين دعواتك ألي
بيتي بيتك صار
حتى بيت الجار
بيتك أو بيك الولايه أمنوره
....................
الظيف ظيف الله المواكب كبرت
فدوه أجالك ليل وجدامك خوت
بات عدنه الليله يا راعي البخت
بيك نتعشم حوايجنا أنكظت
الليل هدله أستار
الخدمة الزوار
الشيبه بالسبعين ناصب سيطره
........................
أزغير عمره أهواي بالخدمه نجر
بيده طاسة ماي عالزاير يصر
هاك أشرب ماي يابعد العمر
ولعن أيزيد أو عبيدالله أوشمر
ولعن الغدار
الحرك بالنار
منزل الزهره الزجيه الطاهره
.....................
كربله كعبه عشك دوله أوعلم
جامعة أخلاق وتخرج خدم
الباكي لجل حسين والصدره لطم
ورثه وراث رسول الله الحشم
أبهيبة الأنصار
صيته بالأمصار
بربعين حسين خلقه أستشعره
.......................
خادم أهل البيت
الشاعر : أسماعيل الجوراني
الأحد : 27/9/2020
ــــــــــــــــــــــــــــــــــــــــــــــــــــــــ
ميمر كربلائي
حبك ابا عبد الله من الله مو بيدينه
"""""""""
هو الـيحب بالعاده يتبع گلبه
بس الـيحبك هذا يتبع ربه
من الله حبك كلشي هو مرتبه
راحت واجت ناس هواي مثلك فلا حبينه
"""""""""
هوايه قليلة لو نگول هوايه
حبنه الك نختصره احنه بهايه
بگد الـيجوك بكل سنة مشايه
بگد الاجوا والـماجوك هيچي محبتك بينه
""""""""
امن اهل الله احنه واحنه وادم فقره
نحبك على الفطره وغلات الزهره
والزهرة ام الفقره وام الفطره
تنظرنه يعني الزهراء عين امك اتبارينه
""""""""
ناس اويه ناس اتذب جرش متعودين
ووياك ذبينه جرش صار اسنين
معناهه صرنه من عشيرة لحسين
لو هيچي لو ما تنراد هاي العشيرة الزينه
""""""""
يابو سكينة خدمتك نعمة حال
بمجلس عزائك لازم الحق ينگال
شما نتعب احنه بخدمتك يسوه المال
شما نتعب نحس والله بالراحة يابو اسكينه
"""""""""
انته الاصل تبقه اعله مر الايام
كل الخلگ يمك مجرد ارقام
انته الذخر وانته الفخر للخدام
غيرك وحگك منريد خيمة وتفيي اعلينه
""""""""""
خدام نحچي الـ إلنه والمو إلنه
متيهين لوما نظرتك تشملنه
گُله لحبيب بدفتره ايسجلنه
يسجل اسامي الخدام هذا الفخر يكفينه
""""""""""
وضحت يبو السجاد عدنه الصوره
دمعة عزائك للگبر منظوره
ودار اليخدمك بالحشر معموره
يعني البچه اعليك هناك مرحومة دمعة عينه
انيس الخفاجي الكربلائي
ــــــــــــــــــــــــــــــــــــــــــــــــــــــــ
الظعن جاي... والعطش مو ماي فركه
الظعن جاي... رماد المخيم يحركه
تبادلن بالنظره خوف
ريت بعيونك تشوف
الظعن جاي
****
باول منارات الدمع محد اجه واستقبله
وتلاطمن ماي وخيم وعثرن باول بسمله
من الهزل مالت بنص الطايفه
احروف اسمك تعرض بكل سالفه
شحجيلك اعله الظعن ريتك شايفه
كل النساوين الاجتكم خايفه
شايله النوك الحمد
والترب دفنت ورد
الظعن جاي... والجفن محد يطبكه
الظعن جاي... رماد المخيم يحركه
**
نسوانكم يابو علي ردن وحاديهن عدو
والتهضم الطلعت باخو ردت وحيده بلا اخو
الشمس ردت بس خسف بعيونها
موش الكمر خاسفها سوط امتونها
شعطلكم اعله الحره تتلكونها
من اشفافكم ما طاحت الاشلونها
الظعن ايات ورجع
قران بالطف اجتمع
الظعن جاي... وماكو من ساعي نصدكه
الظعن جاي... رماد المخيم يحركه
***
اتبسم بريجك عطش ويم لحدك يخضر صبح
يالترتوي بعطرك ولو ما جايبيلك بس جرح
تسئل على رقيتك يبورقيه نعرف
حيرة اخيتك والله ابدما تنوصف
دفنتها يم المالهم واحد كلف
الفراشه تموت اذا تفكد ترف
واطشرن سبحة طين
ويلمهن اسمك يحسين
الظعن جاي... والدمع ليكم يسبكه
الظعن جاي... رماد المخيم يحركه
****
يابيدر احساس وعشك كلك هلا شما تنجهب
عطشان ومفيض الخلك بالماي والوادم شلب
روحت حرمكم لليسر مدورسه
دمعات زينب بالكلب محبوسه
الشرف بيهن تثبتت ادروسه
وكل درب مظلم شعل فانوسه
شيله اعله شيله محزمه
تلمهن عباية فاطمه
الظعن جاي... بس ورد محد يشهكه
الظعن جاي... رماد المخيم يحركه
***
سيد احمد الميالي
ــــــــــــــــــــــــــــــــــــــــــــــــــــــــ
حسين بشرني اعرفتني؟
انه ذيج الدللتني
بكثر ما بالطف بجيتك
خويه متغيره اجيتك
يبو الاكبر......يبو الأكبر
...............................................
ارسومي كلها اتغيرت مو الأوليه وحتى اذا منهي انتي كتلي هم اعذرك
شكثر بدروب السبي دورت طولك من ظهر عاشور مامشتمه عطرك
حسين مدري بكد منو كبرني طفك عمري يعقوبين مدري اكثر اخبرك
بأربعينك كلبي لازمته اجيتك خايفه لا بعده ينزف خويه نحرك
حسين مشتاكه اشتكيلك
وردتك اتكوم اعله حيلك
لزينبنك انهض نخيتك
خويه متغيره اجيتك
يبو الاكبر.........يبو الاكبر
................................................
لسه نار اخيامك براسي حركها ومانسيت اجروحك وعاشت ابالي
امنيتي اكدر انسى بس عالي ونينك وشفتك مكطع وذر محد حجالي
لسه ذيج الخيل تركض وانه اركض ولسه مستحيه لان شافوا خيالي
بكاعنه يحسين طاحوا كل اخوتي
ولون اعبر غالي خويه اعثر بغالي
يلأحنين يبن امي
باقي شوك بهاي جدمي
ياضوه ضل ظلمه بيتك
هواي متغيره اجيتك
يبو الأكبر.....يبو الأكبر
................................................
خويه مشتاكتلك بكد ذكرياتك وياهله بأم عون ارد اسمعها منك
انته سالفتي وجرح كلبي وطبيبي
وشلت دنيا وعطش وايتام اعله متنك
فدوه كلي ارتاحي تعبني زماني
حسين ابقى لياوكت من دون حضنك
انته المعودني تتلكاني وكفه
ليش نايم لازم امتيهني جنك
جيتك وعطشانه اضمك
بس خفت ياخويه ألجمك
خوفي ألمك فوك أذيتك
هواي متغيره اجيتك
يبو الأكبر.........يبو الأكبر
................................................
نامت ابنياتك ابذيج الخرابه بكلبي انيمهن ردت بس مو بديه
الليل خلصناه نقرالك نواعي مره ام عبدالله مره امي الزجيه
وتيهوا بيناتنه من اخطبت بيهم بس لجن كلفه علي ديوان اميه
بأربعينك جبت علوياتك آنه واعتذر ماجبت وياهن رقيه
بالطشت شمت انفاسك
وغفت يحسين اعله راسك
بمكثر الشيب بلحيتك
هواي متغيره اجيتك
يبو الأكبر......يبو الأكبر
...............................................
من عفتني حكها تتغير ارسومي حسين نعمه وعشت لسه والله رحمه
اعله ذاك الشفته كون المثلي ميته لجن الله ايريدني ابقى لخاطر اسمه
ياهي مثلي اكبالها ايذبحون أخوها وياهي تكدر تصبر من اتشوف دمه
وردنه كلنه نموت بس كون الله يرضى بأي وسيله انقدم انريد احنه خدمه
والمقابل للفجيعه
النار ماتشمل الشيعه
ومثل ما بالدم لكيتك
هواي متغيره اجيتك
يبو الأكبر.....يبو الأكبر
احمد ماجد الكلابي
ــــــــــــــــــــــــــــــــــــــــــــــــــــــــ
الذين لم يستطيعوا القدوم الى كربلاء سيرا على الأقدام في ظل هذا الوضع الراهن
(فتحة عزاء)
عليكم تسأل العَين
بِطَوا زوّار الحسيَن
وعد أمشيله مرتيَن
الما يگدر يجي ايزور
*************
ألكم كل سنة أشتاگ عالميعاد
مو بيتي افرشلكُم عيني كالسِجّاد
الزيارة قربت اوإنتم عليها ابعاد
وحشتكم چبيرة عند ابو السَجّاد
حسين امتاني إلكُم
عيونه اعله دربكُم
إجيتو لو بعدكُم
مَضيفه بيكم اينور
*************
كل شي يوگف ابهالكرة الأرضيّة
من تبدي الزيارة الأربعينيّة
يحُجّاج القباب الكربلائيّة
هذا اليوم مكّه اتمنّته هيّه
اليزور اويحج كعبة
يرد مغفور ذنبه
حسين اليمشي دربه
يفوْزه او سعيَه مشكور
*************
عله سچّة دربكُم عيني تتلمَّح
أگولن إي إجوني اضيوفي هسّه افرَح
الخِدَم زوّار ابوالأكبر شرف يربَح
الخِسَر حُبّ الحسين ابكل شي ما يفلَح
ولا اينفعه غروره
الما يهتز شعوره
أبو الروح الغيورة
هوّ اليوفي الِنذور
*************
المواكب كلها منصوبة او تناديكُم
يا زوّار ابو اليمّه هلا بيكُم
البعيدين آني گلبي يخفگ اعليكُم
طريق حسين مشتاگ او يتانيكُم
دِلاله اتضيّف الجاي
عطركُم فاح بالچاي
ابعطشكُم ينروي الماي
الطبخكُم ناصب اگدور
*************
وحگ كل دمعة فوگ الخد بچيتوها
وحگ كل حسرة وسط الگلب عفتوها
هاي اگلوبنه اعليكُم كسرتوها
دخلتوا اعيونّه يل ما دخلتوها (كربلاء)
نعزكُم حيل يا ناس
قدركُم عالي عالراس
شدّة ايحِلها عبّاس
يهد كل حاجز او سور
*************
يل ما جيتو ما أنساكُم ابهايه
أعگد بالنيابة عنكم الراية
أهدي خطوة خطوة الكُم يوفّايه
لتگولون لا ما رحنه مشّاية
مشه گلبي ابخطاكُم
يموت ابلا هواكُم
يزوّار اشغَلاكُم
حسيَن اعليكُم ايفور
***************
الشاعر صفاء الخالدي
ــــــــــــــــــــــــــــــــــــــــــــــــــــــــ
يا امامي وكل غرامي وكل هيامي
ـــــــــــــــــــــ
كَلبي شاعر .. والمشاعر .. دمعه تكتب يارقيه
بلا مدامع .. ابقه ضايع ..شنهي عمري بلاعزيه
كل قراري ...يضل شعاري ... ياحسين ويالزجيه
حبي واحد ... دمعي شاهد .. اخره ودنيه عليه
أنه لوماهذا العزه ماريد العمر
شلون ايضل بيّه النفس والعيله ابيسر
يالحافر مو قصّرت عفت ضلوعي أنه
ولحسين ابلايه رحم تسحكَله الصدر
ـــــــــــــ
تغفه عيني ... وبونيني ..اكَعد الكَ اكَبالي خيمه
وبخيالي ..يادلالي .. هيجي اسمع من يتيمه
بهيجي نظره ...خالي مهره ..ينادي ياناس الظليمه
وناري تسري ... وينه خدري .. طفله تندب ياحريمه
انه ليلي كله دمع لجروح السبي
شتتحمّل ام الخدر زينب جا نبي
اطفال ماخذهه السحكَ تبجي امن الالم
تتجوّه اشما تلزم بطراف العبي
ــــــــــــــ
عندي رايه .. من البدايه .. اعليه اطوف بكل جروحي
بس لزينب ...ناري تلهب ... وبس عليها يبقى نوحي
للمصيبه ... وللغريبه ... الله خالق هاي روحي
للمجالس .. دوم اكلهه ... ها يروحي الهه روحي
بجروحي الماتنشفي دوم ارسم خيم
ساعه ولنهه تشتعل لو طاح العلم
صوت امن التل ياعلي احضر كربله
بلا والي عكَب الكَمر مرعوبه الحرم
ـــــــــــ
بالمواكب.. كَلبي ذايب..وكل جنوني بهل شعيره
يبقه همي .. خادم اسمي ..ادري هل نعمه جبيره
ربي اختم .. كل حياتي ...دمعه عالراحت اسيره
الخالق الله ... الهه كلشي .. وسفه تبقى ابلا عشيره
يارب عيّشني الم من طف كربله
لوماي اسنيني احس تروي العايله
لو رايه جروحي ترف يم جرف النهر
لو نبله بضيمي أرد اذبح حرمله
ـــــــــــــ
يابوفاضل .. بلامحامل ...تدري زينب من خذوهه
اعله بختك .. هايه اختك ... آل اميه روّعوهه
عمده والله ... والزجيه ... يبو الغيره شتّموهه
بالدواوين .. ويالنساويين ... وسفه زينب دخّلوهه
وحسينك يابوالفضل حزّوا منحره
وبالخيل ويلاه يالولي ضلوعه امكسّره
زينب محنية ظهر هيجي بكربله
يم جسمه اتدوّر بقت للجف خنصره
ـــــــــــــــ
الشاعر محمد حسن ضيغم
ــــــــــــــــــــــــــــــــــــــــــــــــــــــــ
مـنـهــاج سنة 1442 هــ
(المــشــايـــة)
اليـمـشـيـلــك...ﮔـدمــا ثـــواب إيـحَـصِــل
اليـمـشـيـلــك...مَـتـنَـه اليـمــيــن إيـهَــدِل
اليـمـشـيـلــك...يمشـي ورقـيـبـه يـسـجـل
ثـــواب...ثـــواب
اليـنـوي مــن أول مـحــرم...يـمـشـي يـوم الأربـعـيــن
ويـه نـيـته ويـبـدي يكتـب...بـالأجــر مَـلْـك الـيـمـيــن
شـيكـتـبـلـه..ايضاعـفـلـه..ايضـاعـفـلـه..مولانـه الغـريـب
وايضاعـف..وايضاعـف..وايـضاعـف..هـاديـنـه الحبـيـب
وايضاعـف..وايضاعـف..وايـضاعـف..خـالقـنـه المجـيـب
واهـوَّ لـسـه ابـيـتـه مـا طـالـع مـشـي
مـن يـمـشـي...شـﮔـد ﭽـﺎ أجر يـنـطـونــه
مـن يـمـشـي...وتـنــزل دمــوع عـيــونــه
مـن يـمـشـي...يعـنـي وعـلـي يـغـرﮔونــه
ثـــواب...ثـــواب
ـــــــــــــــــــــــــــــــــــــ1ـــــــــــــــــــــــــــــــــــــــــــ
يبدي يمشي الخطوه الاولى...وسجل رايح سجل جاي
المَـلَــك مـا يِـلْحـﮔ يـسـجــل...ﮔـلـه الـهــي شلـون هـاي
ويـا حـيـره..شـمـا يكـتـب..أو يحسـب..يـلـﮔـه أكـثـر ثـواب
ويتضاعف..كــل أجـــره..بـكـــل ذره..من ايلــوحـه التـراب
واشيحـسب..خــطــواتــه..دمـعـــاتــه..ومـو سهل الحسـاب
وبالسـجـل مـشــاي يـكـتـب وانـتـهــت
يكـتـبـلـه...أجـــرك أجــر مــا صـايــر
يكـتـبـلـه...خـذنـي اعلـه متنـك زايـر
يكـتـبـلـه...مـا يحـصـي بـس القـــادر
ثـــواب...ثـــواب
ــــــــــــــــــــــــــــــــــــــ2ــــــــــــــــــــــــــــــــــــــــــ
المــذنــب ومـشــاي اجــالــك...صــادق وﮔـلــك أتـــوب
شجره صفره وريح صرصر...هيـﭻ يـﮔضي من الذنوب
والصــادق..بـاحـسـاســه..وأنـفــاســه..وايـتــوب وإجــاك
يــتـغـــيـــر..يـتــعـــفـــر..يـتـطــهـــر..بـس يـشـتَـم هـواك
ويــتـبـرأ..مـن ضــلـعــه..ومـن دمعـه..المــا طـاح بعــزاك
واليـعـشـﮔــك مـا يــريـحــه إلا الـلـطــم
اليـلـطـمـلــك...وسـواس مـاكـو بـصــدره
اليـلـطـمـلــك...يـنـظـفـه الـلطـم ويطـهـره
اليـلـطـمـلــك...تـنـطـيــه شـﮔــد الـزهــره
ثـــواب...ثـــواب
ـــــــــــــــــــــــــــــــــــــــ3ـــــــــــــــــــــــــــــــــــــــــ
طـفــل يـمـشـي ابـلايـه والـد...وأهـلـه نحسب ضـيعـوه
ومـن نـســألـه يـﮔـول أّمْـنــوَّ...المات أبـيَّه حسيـن أبـوه
يـمـشـيـلــك..ولــوحــده..ومــا عــنــده..لا أب لا صــديــق
ﭽـﻲ واثــق..مـن يمشي..ومـن كلـشـي..اتـأمـنـلـه الطريـق
وبـزغـــره..ومــا يـهــتـم..ﭽـﻲ يـعـلـم..انـت اويـاه رفـيـق
وأمـه مـا تـدعـيـلــه تـدري اتـرَجـعَـــه
وإمـأَمْـنـــه...رغــم وإبــنــهــا ازغـــيَّــر
وإمـأَمْـنـــه...ﭽـنه إعـله أهـله امسـيَّــر
وإمـأَمْـنـــه...شـمـا بالشـمـس مـتـغـيَّــر
ثـــواب...ثـــواب
ـــــــــــــــــــــــــــــــــــــ4ـــــــــــــــــــــــــــــــــــــــــــ
مـدري ﭽـم ملـيـون اجالـك...والعــدد كـل سنـه وزاد
وانــت واﮔـــف ذاك انـــت...كــل ســنـه اتــزوَّد مُراد
وامــرادك..مـا مثـلـه..الـلي ايحصلـه..مـره ايعيـش أمـيـر
وبس دربـك..المـســـاوي..ومـخــاوي..الزنـﮔــيـل وفـقـيـر
والعـــالِــــم..والحـــاكـــم..والخـــادم..كـلـهـــم بـالمـســيـر
النــاس كـلـهـم واحــد بـهـــذا الــدرب
والأفــضــل...عـنــد المـشــوَّ يـتـصـنــف
والأفــضــل...البـــلا رجـــل أو لا ﭽـــف
والأفــضــل...لـلـحــافــي ثـم الـيـزحـف
ثـــواب...ثـــواب
ــــــــــــــــــــــــــــــــــــــ5ــــــــــــــــــــــــــــــــــــــــــ
اليـبـدي وبـمـوكـب ازغـيَّــر...حـتـى لـو بـس لـلســلام
السـنه الأخرى يصير كوكب...ﭽـنـه مـو موكـب العــام
واتــبـــارك..لـلـيــخـــدم..وإيــسَـــلِـــم..أمــــوال وبـنـــون
خـــدامـــك..تـنـطــيـهــم..تـرضـيــهـم..بــالـ كُـن ويـكــون
وانــشــكـره..بـاريــنــه..المـنـطـيــنــه..عشـﮔـك يالحـنـون
يـا حـنـيــن ومـاكـو مـن عـنــدك أحــن
مـــولانــه...مـروتــك خَــدَم تـقـبـلـنــه
مـــولانــه...ومـشـايـه بــس سَـجـلـنــه
مـــولانــه...وابـحـــبـــك امـهَـيّـــلـنــه
ثـــواب...ثـــواب
ــــــــــــــــــــــــــــــــــــــ6ــــــــــــــــــــــــــــــــــــــــــ
أحمد البصراوي العبادي
ــــــــــــــــــــــــــــــــــــــــــــــــــــــــ
(((دعوة المشايه)))
قبلت الدعوه من گلبك يمولاي
وهسه آنه بطريقك جاي مشاي
هارب من ذنوبي الرحمتك جاي
عطشانك مشي يا ماي للماي
ياماي الگلب .... ياهيل الدرب
النسمه المنك أتغير ملامح
مشايك أنه .... سنه وبكل سنه
أشد أحزامي والمثواك رايح
رايح ألك ... مشايه
وأتوسلك ... بالرايه
يابو العشگ.. والغايه
أمشي الهلك..مولايه
مولاي مولاي
مشايه تعنينه
******
ضعتّ بغابةّ الحب شوگ وأحساس
يبو (في) الضخين الماله مقياس
أجيت بقافلةّ گلبي والجروح
بكل نگــلت جدم دخال عباس
جيت من العدم .... يمّ راعي العلم
ابو فاضل نخوتي وما يردني
كافل دمعتي ... راعي الونتي
أَعتن بالگلب نوبه يعتني
روحي شبعد ... وشگلتي
يابو الفضل .... سالفتي
بيده كرم ... غامرني
وخادم تضل .. منزلتي
مولاي مولاي
مشايه اعتنينه
******
يموش أهواك مره هواي أهواك
قبلت الدعوه من خليتني وياك
مشاي ودمعتي بچفك أطيح
وموش بعيد گاعد گاعد احذاك
خدمه بمجلسك ... ولابس محبسك
يل مرويني يابو ألسان يابس
ألطم وأنجرح ... يل مرافگ رمح
دمك يزگي بستان المجالس
دمك نزل .. ... بــتــرابي
وصار المصاب ... امصابي
وصار الجرح ... من حبك
وحل الحزن ... بعتابي
مولاي مولاي
مشايه أعتنينه
*******
يبو دموع اليحبك من يحاچيك
يل مارجعت متلهف أعليك
مواكب خضرن من دمعك الطاح
يما شيت اليزورك من يماشيك
ماشيت الدمع ..... ياصاحب ضلع
يا صاحب النعمه وصاحب الروح
مولاي الشيم ... يا نبع القيم
فديت الناس كلها وصرت مذبوح
هوه الجرح ... دمعاتك
شال الرمح ... حسراتك
انته الرحت ... لجروحك
بس الجمر ... چلماتك
مولاي مولاي
مشايه أعتنينه
*****
أذا مو أنته مدري الدنيا لاوين
ومدري شلون هاي الناس ومنين
يرابط چم گلب رغم المسافات
بلغات الدنيا كلها تصيح يحسين
يابحر الوفه ... وكلك معرفه
ممنونك جبتني وهسه مشاي
مديونك مشي ... وآهات وبچي
ومديونك رويت بچفك الماي
معنى الألم ... لخيامك
روح الشيم ... بحلامك
مسلم عبد ... لسلامك
لوعه وجمر .. ليتامك
مولاي مولاي
مشايه اعتنينه
عبد زينب
محمد الابراهيمي
ــــــــــــــــــــــــــــــــــــــــــــــــــــــــ
نزله _زيارة الأربعين..... 1442
وي زينب احنا ابكل عام كربله نتعنّاها
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
عن هالمسيره ابتفجير لا بالذبح وگفونه
رغم الضلم رغم الموت نمشيله ميمنعونه
لا زال ويانه حسين ما نهتم الكارونه
نزحف للحسين ازحوف غصبأ على اللامونه
احنا الروافض منخاف كارونه لا هبناها
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
كل عام نگصد يا ناس طف كربله مشايه
وابكعبة حسين انطوف من كل كتر عنّايه
بالأربعينيه الزوم بالحضره نرفع رايه
ميهمنه خوف ولا موت هاي النه اخير احچايه
وخلينه لحسين انموت هالموته ما محلاها
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
ابهاي العقيده يا ناس بيه تعتقد خدامه
الما طاف ابو اليمه حسين عنده نقص بسلامه
والعنده شك خلّه ايعيش طول العمر بوهامه
اعظم شعائر لله حسين السبط ايامه
هاي الشعيره ابكل عام والخدمه ما عفناها
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
ابدرب المشي بالزهراء نشعر تسير ويانه
چا يا وباء ويا موت يمنع بعد مسرانه
وعباس من دون اچفوف بالحضره يتلگانه
اهلأ ابزوار حسين وبكلمن اتعنانه
گواهم الله الزوار وايصيح الف حيّاها
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
ايخوفونه بالموت الناس ضنهم نخاف اخباره
الموت اهوّن ولا هالعام ما ننكتب زوّاره
لو بالمرض يتعذرون حجة عظيمه اوزاره
والعنده مثل الحسين يا مرض يوصل داره
واتيقّن انت من حسين زواره ما ينساها
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
✍️الخادم فراس موحان الساعدي
ــــــــــــــــــــــــــــــــــــــــــــــــــــــــ
في حق مشايه الحسين. ع
متعنيه. الك زوار يحسين
طول الدرب تزحف ملاين
رايه وره رايه
متعنيه مشايه
طول الدرب تزحف ملاين
--------------
يحسين الك وكفت خدم. نصبت مواكب والخيم
بكل منطقه وولايه
متعنيه تزحفلك زخف. طول الدرب رايه ترف
من طلعت المشايه
بسمك تسابيح العشك. وياك لا. مانفترك
ونته الهدف والغايه
متاني اربعينك ونتظر. وبروحي نيران وجمر
وبطف نصبت الثايه
مشتاكه خدامك. ومتانيه ايامك
تحسبلك احساب وتعد. وترفرف اعلامك
والزاير. اتشوفه جن حظره وطوفه
كل الهله يصيح الكلب. وتردد احروفه
تمر اليالي وتكظي اليام
وتتحزم الخدام. بحزام
كلهم ينادونك
كامو يحيونك
طول الدرب تزحف ملاين
------------
يحسين لو امشي شهر اسحك وفوت علخطر
ناذر حياتي وعمري
متعني رايح كربله. وسنيني كله فدوه اله
بزينب اشدن صبري
وبكلبي نيران الخيم. تسبيحه كل خطوت جدم
مشغول بالي وفكري
ياخذني شوكي النينوه. ينزف جرح كلبي ظوه
بشرياني دم ويسوي
حسين محبوبي. زادي ومشروبي
من زغري هايم بيك. منور ادروبي
ماتتعب اجدامي. يالمنذبح ظامي
عزمي عزم عباس. شديت احزامي
حد كربله. مرفوعه رايات
بسم الحسين تصيح صيحات
والخادم. بلهفه
يتشرف اتظيفه
طول الدرب تزحف ملاين
-------------
بيبان مفتوحه الك. بجلمت هله تستقبلك
ياهله بزوار حسين
شتريد احنه بخدمتك. طب استريح براحتك
نفرشلك ارموش العين
مفتوح الك هذا الكلب. انتم اهنه مو غرب
يالبيكم اتباهه الدين
وفاي والله. ونعم. لحسين رايح ياشهم
عل عهد انتم باقين
الباري يحفظكم. مرفوعه. رايتكم
تتباهه بيكم فاطمه. لزينب مسيرتكم
كل خطوهه تمشوهه. لمهدي اهدوهه
حارس يظل طول الدرب. والزهره وافوهه
وزينب عله التل وكفت اتشوف
متعنيه. كله الكربله اصفوف
للحره. وفايه
كل عام مشايه
طول الدرب تزحف نلاين
-------------
من تمشي خطوات الدرب. يسهل الكدامك صعب
محسوبه هاي اليام
واهل المواكب حاظره. تنتظر جيتك. ناطره
شياب وكفت. خدام
موعد لقانه. بكربله. يحسين ظيف. استقبله
يوصل يزورك كل عام
مشتاك وبكلبه العشك. وياك لا. مايفترك
وبحظرتك عينه اتنام
يسموني المجنون وبحالي مايدرون
وانه بخدمتك دوم. من عندي يغارون
يحسين اظل وياك. لموت ماانساك
بيك انشغل بالي. . وبروحي انه الكاك
تستاهل. انته ماي العيون
مذبوح ظامي مدري شلون
يلمنكطع نحرك
محد مثل صبرك
طول الدرب تزحف ملاين
--------------
سفره الك طول الدرب. شنهي الي يتمنه الكلب
وانه اجيتك زاير
مقصر وريدن رحمتك. كاصد بلهفه. حظرتك
يم بابك ابقه حاير
يلي جبتني منل العدم. وهسه انه مابين الخدم
عشكك عشك ظماير
ماينتهي طول الدهر. حبك جره بروحي نهر
مبنيه الك مناير
امنيه عندي اليوم. ابقه بظريحك دوم
خليني اشم عطرك تدري الكلب مالوم
صاحب كرم يحسين. وين الكه مثلك وين
بجالك عشت صلطان. عبره انته وبكل عين
لمن ازورك ترتوي الروح
طول العمر مابطل النوح
وبكبرك احزاني
مابدلك. ثاني
طول الدرب تزحف ملاين
--------------
الخادم. رحيم الصالحي
المصدر مؤسسة منبريون على التلكرام
موقع قصائد مكتوبة
تعليقات
إرسال تعليق