مجموعة من القصائد والاناشيد المكتوبة بمناسبة الولادة المباركة للنبي محمد صلى الله عليه واله وسلم
يابحر الوفه. .. رِقه وعاطفه
قصيدة بمناسبة الولادة المباركة
لرسول الله ( صلى الله عليه وآله)
……… .. وزن المنسجم ………
.
يابحر الوفه. .. رِقه وعاطفه
نورك ماطفى .. يابو الزچيه
.
ـــــــــــــــــ ❁ ❁ ❁ ـــــــــــــــــ
.
بدرك كمل يالمصطفى بوجه السمه أزهر
هاي المسيه ابمولدك فجر الهدى أسفر
اعلن تسابيحه العرش. للباري اوكبر
من عطرك. النادر اجت الجنه تتعطر
.
عندك بالمهد .. مكتوب العهد
بس حيدر سند .. بعظم قظيه ..يابو الزچيه
.
ـــــــــــــــــ ❁ ❁ ❁ ـــــــــــــــــ
.
نور الولايه ينبعث من جذوة احساسك
خدر الزچيه ابنظرتك چي هيه نبراسك
بخدك شفت وجه الحسن متعطر ابياسك
أسم الحسين اتردده كل شهگه بنفاسك
.
ليلة مولدك .. كل طاغي هلك
فرحان الفلك .. وانت الهديه .. يابو الزچيه
.
ـــــــــــــــــ ❁ ❁ ❁ ـــــــــــــــــ
.
بالكعبه عبد المطلب ماعنده كل حيله
جدك يشاهد ابرهه يهجم أجه ابفيله
ينخى العظيم أبمولدك أعلن تراتيله
الباري ارسلك مدد طير من أبابيله
.
جيش من السمه .. الوالد فاطمه
لجل الحاطمه .. والناصبيه .. يابو الزچيه
.
ـــــــــــــــــ ❁ ❁ ❁ ـــــــــــــــــ
.
خاتم رسالات. السمه كلهم يعرفونك
تدري النصارى ابمولدك أحمد يسمونك
حتى اليهود اهل الغدر چانوا ينطرونك
رادو يهودي. تنولد حتى ينصرونك
.
همك ينجلي .. صوتك يعتلي
منصور ابعلي .. من الجاهلية .. يابو الزچيه
.
ـــــــــــــــــ ❁ ❁ ❁ ـــــــــــــــــ
.
بس الله وي حيدر فقط العرفوا الطافك
كل كلمه الفظها ولا تستوعب اوصافك
اسمع وصيتك وافتهم كل كلمه بشفافك
المايوالي المرتضى يالمصطفى عافك
.
والعاده الذخر. .. تايه بالحشر
بيمن ينتصر .. يوم الرزيه .. يابو الزچيه
.
ـــــــــــــــــ ❁ ❁ ❁ ـــــــــــــــــ
.
صادق وأمين وهم كمل بيك الكرم كله
أسمك دوه بي يالنبي تتشافه كل عله
اتمنى أنظر يوسفك سيف الهدى ايسله
يرفع لوائك بالنصر و الطاغيه أيذله
.
يبني دولتك .. ينشر دعوتك
تشمل أمتك .. كل البريه .. يابو الزچيه
.
.
ـــــــــــــــــ ❁ ❁ ❁ ـــــــــــــــــ
.
.حسن الموالي الفاطمي
.
القصيده محرمه على منشدي الDJ
(وتسجيلات الاستوديوا)
جوهر وجودي وكل كياني وذاتي
ولد الهدى فالكائنات ضياء
ــــــــــــــــــــــــــــــــــــــــــــــــــــــــ
جوهر وجودي وكل كياني وذاتي
بيه تنقبل يـوم الشـــــــدد دعواتي
الخاتـم محمد مولده بروحي ايتجدد مولده
هادينه ياهادينه ياهادينه
*
جوهر وجودي وكل كياني وعمري
اصبح نجاتي وسـر بقائي وذخري
نوره بدليلي وساكـن ابنص صدري
اترجم قصيده حـــب ولائــه بشعري
والباري يشهد مولده بروحي ايتجدد مولده
هادينه ياهادينه ياهادينه
*
من اهتف محمد جن احس بلساني
عطر النبوه وجن عطـــر ربانـــي
حـبه بظميري وعايــــش بشرياني
وهوه شفيعي وبالحشـــــر عنواني
بكَلبي ايتخلد مولده بروحي ايتجدد مولده
هادينه ياهادينه ياهادينه
**
ترتل حروفه بالشــــرف نبراتي
ويلهج كيانـــــي وماتمل جلماتي
واعشك محمد غايتي وسر ذاتي
لاما تبطل للأبـــــــــــد دعواتي
ألهج وأمجد مولده بروحي ايتجدد مولده
هادينه ياهادينه ياهادينه
**
دك الكَلب هالليله ويه الشــيعه
بيوم الولاده شــــارك بهالبيعه
حبنه لمحمد للحشـــــر توقيعه
نبقه بطريقــــه وللمنيه انطيعه
بعقلي ايتجسد مولده بروحي ايتجدد مولد
هادينه ياهادينه ياهادينه
*
مسك الختام اوي الحفل ندعيله
كثر الحوائــــج والشـدد نشكيله
بجاهك محمد يانبينــــــــه الليله
نطلب يهادي بالفــــرج تعجيله
أنخه واردد مولده بروحي ايتجدد مولده
أبو علي الركابي
رسول الله حبيب الله
ولد الهدى فالكائنات ضياء
ــــــــــــــــــــــــــــــــــــــــــــــــــــــــ
رسول الله حبيب الله
سطع ميلاده بأنواره
****
وليد بمكه هل عمـــــــره جميل وتذهــــل أوصـافه
بكماله ورَوعَة الخلقـــــه محمد يســــــحر الشـافه
بهائه وهيبته وقدســـــــه سليل اوارث اســــــلافه
البديع الصاغه من نوره ورحمته وعطفه وألطافه
جمال الله حبيب الله
تجلت بالنبي آثاره
****
خلق رب العلـــى الهادي يبشــــــــر مولده الليله
سطع على الدنيه بأنواره وشرف من الله تفضيله
العرش والكرسي وآياته بعبير القــــــدره ترتيله
الملك روح القدس كــبر يردد بأســــــمه تهليله
أمين الله حبيب الله
يشع عالدنيه بأسراره
*
معاجز مولده شـــــاعت براهين وحجـــج طـه
انطفت نار الملك كسرى رماد وظلمـــه خلاهه
وتهدم كل عرش ظالـــم غمام الغمـــه زاحاهه
بشير ومنقذ الأمـــــــــه بربيع النعمه هالجاهه
سبيل الله حبيب الله
رحيم ونعمه مختاره
الشمس خجلانه ماطلعت استحت من نورابو الزهره
القمر وانواره طفاهــــه احترام المولــــــــده وذكره
بشعاعه الدنيه مليانــــه اســــــجدت للخالق اشــكره
تنفس أول أنفاســـــــــه الورد من عنده اخذ عطــره
نبي الله حبيب الله
المسك فاح بصحن داره
**
شـــــفاعه وتهدي للجنــــة ولائه وخدمتـــه وحبه
منار اليلتزم نهجــــــــــــه سراط امن الزلل دربه
الأجر والفوز والبشــــرى النجاه بمـــودة القربه
اليحبه يدعـــــــــي للباري ينول الحسنى بالعقبى
نجي الله حبيب الله
اليحبه اينول البشاره
****
أبو علي الركابي
🌸ولد الهدى فالكائنات ضياء
ــــــــــــــــــــــــــــــــــــــــــــــــــــــــ
#ولادة_منقذ_البشريه
#زهيري
يالتعشگ المصطفى بصوت وگلب صل اله
وبدينه للناصبي أوگف وهم صِل أله
بتاريخ أهل المجد صولة فخر صول أله
فاطمة منه وعلي ياهو الذي ماء اله
فانيهه صل قسوره كلمن غدت مائله
بالشيَن سيد الرسل والموشهم مائله
بس أله بالمرتضى الهذا الأمر صل أله
==============≈===================
27/10/2020 الثلاثاء
#الشاعر_الميرزا_محمد_الساعدي
🌸ولد الهدى فالكائنات ضياء
ــــــــــــــــــــــــــــــــــــــــــــــــــــــــ
هوسات مهرجان بمناسبة فرحت الزهرة
===================
وصل لم الحسن من النبي بُشرة
من ولدچ يصير المهدي يالزهرة
هوة الياخد بثار أهله والعترة
وبثارچ ..... يطلب مهدينا
====================
المهدي المنتظر گالولها وفرحت
الزهرة ام الحسن بالقائم ابتشرت
لأن هوة اليرد حگوگهم سمعت
والدنيا ...... بنورة يضويها
===================
عجل بالفرج الزهرة تنظر ليك
تدري بثارها وثار اهلك متانيك
دين الله انهدم يالمهدي عينه عليك
يالغايب ...... أظهر صفيها
==================
رائد الاسدي
قصيدة مكتوبة بحق النبي محمد
🌸ولد الهدى فالكائنات ضياء
ــــــــــــــــــــــــــــــــــــــــــــــــــــــــ
هوسات ومواويل
******
موال
****
يا محمد انعمي لو ما ضواك انته شمس الله وضواها المعتلك
يا محمد مرني خليني استراح راح كلبي عليك والزهره يطك
الورده تزعل لون تنطيها كفاك وانه اذا ما شم نسيمك اختنك
انه احبك سيدي وميت عليك وهذا يا عاشك يتوب من العشك
كاعد بأخر محطه من الجروح وكام ناقوس الزمن عكسي يدك
يا حبيبي الغربه ذله ودمعي حار وما يعرف النار بس المحترك
يمته اشوفك ضلت عيوني وراك الدنيه بغيابك تولتني صفك
ازرع اشواكي ورد لو كتلي جاي انه وانته نموت بس ما نفترك
*******
ابوذيه
*
ماهمني جرح كلبي وصله
وحبيبي اليوم مكتوبي وصله
ربح كلمن رفع صوته وصله
عله المختار وآله بهل المسيه
*****
هوسات
**
هاي الليله فرحه وكلها فرحانه
واليحب الرسول ايعيد ويانه
حته الطير ضل يخفك بجنحانه
والكل معيده بميلاده
******
لم روحه الغزل والورد منك غار
وكل عاشك ومغرم بيك ضل محتار
يايوسف زمانك شوف بينه شصار
ويالهادي بعشكك جنينه
******
كلتلهم احبه وهوه مجنوني
وما اكدر اعوفه وداعت عيوني
ليش الناس بمحبتك يلوموني
وماعوفك لو كطعو راسي
*******
انه بغيره محمد رضعوني اهلي
انه منسف حجي الما عاجبه ايولي
لا اوصل اله ولاريده يوصلي
وبالحايط خلي ايطك راسه
*******
محمد رحمه الله ومصحف الايات
ومحمد للاسلام اشكد اله وكفات
حكها بمولده تتغازل النجمات
وجبريل اول واحده باسه
*********
تمت
تحسين الخفاجي
قصيدة مكتوبة بحق النبي محمد
ولد الهدى فالكائنات ضياء
ــــــــــــــــــــــــــــــــــــــــــــــــــــــــ
عاشك عاشك واحبنك
عاشك واتمنه اشوفنك
غالي واعز غالي //ياشمعه امالي
*********
كل شيعي فرحان
وغنه اجمل الحان
وكت السهر حان
يا سيد الاكوان
بدمي بدمي اوقعلك
بدمي اكتب ووثقلك
ساكن بدلالي // يا شمعه امالي
*********
حطمت الاصنام
وحققت الاحلام
وتشهد الايام
يا رمز الاسلام
شحجي شحجي بعد عنك
شحجي وخايف هبل منك
راسك يضل عالي // يا شمعه امالي
*******
المني يضوجون
كلهم يغارون
خلهم يلومون
بيك انه مجنون
روحي روحي شلي بيها
روحي لو انته ما بيها
دوم اسمك ابالي // يا شمعه امالي
********
انته المؤيد
وانته المسدد
ما بايع احد
ثق يا محمد
غيرك غيرك فلا بايع
غيرك ما شفت متواضع
هالفخر يحلالي // يا شمعه امالي
******
يا احله مصباح
عطر الورد فاح
وطير السعد لاح
ويخفك بالجناح
ورده جيت وجبت ورده
ورده مثلي منو العنده
ضل بدرك ايلالي // يا شمعه امالي
*********
حبيتك اهواي
وانته اغله من هاي
منك ردت ماي
يالعايش وياي
رحمه رحمه وعظيم اسمك
رحمه بس جيب اليفهمك
حسنك تراوالي // يا شمعه امالي
*********
تمت
تحسين الخفاجي
قصيدة مكتوبه للنبي محمد
ولد الهدى فالكائنات ضياء
ــــــــــــــــــــــــــــــــــــــــــــــــــــــــ
#ولادة_منقذ_البشريه_محمد_ص
#الشاعر_الميرزا_محمد_الساعدي
يا محمد يانبينه باچر انزين المدينه
الليله افراح وسرور والفرح أصبح يزور
كل محب زايد حنينه
⚘⚘⚘⚘⚘⚘⚘⚘⚘⚘⚘⚘
==============≈======================
الليله فرحان اليحبك والهلاهل شاهدات
تنظر ابكل بيت بهجه وهالمجالس عامرات
عايش ابوجداني تبقه يالنبي الحد الممات
سيدي ابوصفك احير نطق گلبي والضمير
يالنبي وخادم أصير للصروح العاليات
⚘⚘⚘⚘⚘⚘⚘⚘⚘⚘⚘⚘
==============≈======================
طلع البدر علينا من ثنيات النعم
غده صگار آل اميه ايطيح ابچفه الصنم
جاءَ نصر الله بيده دخل مكه ابلايه دم
نزل بالحق المبين إن وعد الله يحين
سيد الكون المعين يبعد أكبار اللمم
.. ⚘⚘⚘⚘⚘⚘⚘⚘⚘⚘⚘⚘
==============≈======================
ياسراج الكون أشرق وبعد ابنورك ضلام
ألف هنياله التمسك بيك ياسيد الأنام
يالنبي وبصوت واحد الك رددنه سلام
ياسلام العاشقين ألك يبن الأنجبيين
انته قرءان المبين حبك البينه وسام
⚘⚘⚘⚘⚘⚘⚘⚘⚘⚘⚘⚘
==============≈======================
أحمد بسيقان عرشه اتنصب بدنيانه أحمد
أفرح بهذا انتسابك انته من الدين أمجد
هاي كل أفلاك ربنه وحتى سر الكون أنشد
الليله فرحانه السماء انولد عامود الرجاء
صاح جبريل بنداء ألف هنيالك محمد
⚘⚘⚘⚘⚘⚘⚘⚘⚘⚘⚘⚘
==============≈======================
يارسول الأمه بيدك تمحي وتخلي اشتريد
لا بدايه ولا نهايه ألك سر من المديد
هذا مولاي اليحبكم عنده كل يوميه عيد
شكراً الرب السماء وهب لينه هالعطاء
ليه كل احنه فداء صاحب الطله الرشيد
⚘⚘⚘⚘⚘⚘⚘⚘⚘⚘⚘💐
==============≈======================
27/10/2020 الثلاثاء
#الشاعر_الميرزا_محمد_الساعدي
قصيدة للنبي كتابه
ولد الهدى فالكائنات ضياء
ــــــــــــــــــــــــــــــــــــــــــــــــــــــــ
#هوسات_مولد_النبي_الأكرم ص
هلا بالذي شاعت بالسمه اخباره
هلا بالذي مارد يوم خطاره
هلا أحچيهه الك من كل گلب والسان
يالسرك ألهي وبانت أنواره
( فرحان الحر هاي الليله )
💐💐💐💐💐💐💐💐💐💐💐💐💐💐💐💐
علي الكرار نبعثلك تهانينه
أجه المختار طيبهن أماسينه
نحبكم من گلب والسان تدرينه
( وبحبكم طابت دنيانه )
💐💐💐💐💐💐💐💐💐💐💐💐💐💐💐💐
الف مبروك ياشيعة علي الكرار
مولوده الأمامه بمولد المختار
يهنياله اليهني اليوم ابو الأحرار
( هنيالك جدك هادينا )
💐💐💐💐💐💐💐💐💐💐💐💐💐💐💐💐
هوسه بدويه
جيت ابفخر للنبي كاشخ وعناي
ماساومت عالدين من زمن وفاي
ياداحي البيبان يمطيب المجالس
عنايه اجينه اليوم صرنا الكم عوابس
ترباتكم وحسين يازين المدارس
بالخدمه يامولاي أصبحنا نوارس
( بالمحشر علينه الوانه )
💐💐💐💐💐💐💐💐💐💐💐💐💐💐💐💐
28/10/2020 الأربعاء
#الشاعر_الميرزا_محمد_الساعدي
ولد الهدى فالكائنات ضياء
ــــــــــــــــــــــــــــــــــــــــــــــــــــــــ
لمناسبة ولادة سيد الكائنات رسول الله محمد صلى الله عليه وآله وسلم
٠٠٠٠٠٠٠٠٠٠٠٠٠٠٠٠٠٠٠٠٠
ياهله ومية هله
٠٠٠٠٠٠٠٠٠٠٠٠٠٠٠٠٠
بالولاده أنقبله- ياهله ومية هله
يارسول الله ألأمل- دينه يل بيه أكتمل
ياهله ومية هله
٠٠٠٠٠٠٠٠٠٠٠٠٠٠٠٠٠٠٠٠
ياحبيب ألله ورسوله- أنعيش فرحتنه سوه
وأنت تدري ألدنيه كلها- ماخذه منك ضوه
الدنيه دونك يامحمد- لاتظن بيها هوى
يعني أنت في وجودك- يكتمل كل محتوى
فرحه نعلن للمله- ياهله ومية هله
٠٠٠٠٠٠٠٠٠٠٠٠٠٠٠٠٠٠٠٠٠
خل نهني ألناس كلها- بالقدوم ألزاهر
خل نزينها المدينه- بالعطور الباهر
يلي للأصنام ندري- باجر أنت القاهر
خل نوديها التهاني- الليله كون الهاجر
بالولاده الجو حله- ياهله ومية هله
٠٠٠٠٠٠٠٠٠٠٠٠٠٠٠٠٠٠٠٠٠٠
خل نبايع بالولاده- مو كتابه بالقلم
خل نصيح بصوت واحد- للنبي مية نعم
لأن ندري في قدومه- تنزل أعلينه النعم
يكتمل دين الله كله- مايخلي ولا صنم
كل گلب بيه أنمله- ياهله ومية هله
٠٠٠٠٠٠٠٠٠٠٠٠٠٠٠٠٠٠٠٠٠
تارس الدنيه فرحنه- والوصف منه أعتذر
ياربيع الأول أنه- أشكد نحبك يالشهر
من جبت أنه ألبشاره- جن عطش شاف ألنهر
وجنه ليل وجان أيتاني- يطلع أعليه الكمر
وألفرح بينه عله- ياهله ومية هله
٠٠٠٠٠٠٠٠٠٠٠٠٠٠٠٠٠٠٠٠٠
جنه نتنطر قدومك- يعني مهدينه جنت
ومن أجيت الليله لينه- ياهله من بشرت
يانبينه أنريد منك - عدنه غايب يل كلت
أدعي ربك خل يجينه- گله طالت يالغبت
بينه لهفه محمله- ياهله ومية هله
٠٠٠٠٠٠٠٠٠٠٠٠٠٠٠٠٠٠٠٠
الشاعر الحسيني
أبو مسلم الخزاعي
ولد الهدى فالكائنات ضياء
ــــــــــــــــــــــــــــــــــــــــــــــــــــــــ
في ذكرى ميلاد النبي الأكرم (ص)
في يومِ مولدِكَ السماءُ تُنادي
صَلُّوا على خيرِ الأنامِ الهادي
وتضوَّعَتْ أرواحُنا يا خيرَ مَنْ
بشذاهُ عطَّرَ أَوْجُهَ الأَبْعادِ
أهدَيْتَ هذا الكونَ نوراً وانثَنَتْ
عن عَزْفِ فجرٍ ساعةُ الميلادِ
لا زِلْتَ للحُبِّ الشَّفيفِ نَبِيَّهُ
ولِرَكْبِ ألحانِ الخُلُودِ الحادي
سَجَدَتْ أمامَ بَهاكَ كُلُّ خَمِيلَةٍ
وأمامَ مجدِكَ هامةُ الأمجادِ
وإذا الحياةُ تَعُدُّ آيَكَ في المدى
قطعاً تؤودُ بها يَدُ التَّعْدادِ
&&&&&
إبراهيم الدريس
المصدر مؤسسة منبريون على التلكرام احمد الزوار
موقع قصائد مكتوبة
تعليقات
إرسال تعليق