اماه يازهراء مكتوبة
قصيدة اماه يازهراء مكتوبه كتابة عمار الكناني ومحمد الجنامي
اٌمّاهٌ يازهراء اٌمّاهٌ يازهراء
سلام الله على ضلعج يأمنه الكلها حنّيه
يخيمه وحزنج يلمنه بمجالسنه الحسينيه
واليخدمج صدك عنده بخت تدعيله يوميه
كريمه واليدك بابج اكيد الحاجة مكضيه
نورٌ من العلياء اٌمّاهٌ يازهراء
اٌمّاهٌ يازهراء اٌمّاهٌ يازهراء
...................
اذا عافتني كل الناس اعرفج ما تعوفيني
اذا مره يمرني العوز فضل خيرج يغطيني
اذا مر المرض بيّه يمولاتي تشافيني
اذا عيني غفت مهموم يجي طيفج يواسيني
ذكروٌ له الاء ... اٌمّاهٌ يازهراء
اٌمّاهٌ يازهراء اٌمّاهٌ يازهراء
..................
بعدني بأول اسنيني وكفت بابج مجدي
كضيت سنيني بس الطم على ضلعج دمعتي بخدي
سواج بدنيتي خيمه وحج كلشي ما عندي
على عتابج حياتي تنتهي وتبدي
اني لكي بكاء اٌمّاهٌ يازهراء
اٌمّاهٌ يازهراء اٌمّاهٌ يازهراء
...................
اذا صار العصر امي بجفنها تبيني العبره
اكلها شبيج وتكلي ييمه عصروا الزهراه
اريد تعلم اوليدك على فاطم يدك صدره
ضلعها المنكسر بالباب ابد ما ينجبر كسره
كسر له اصداء اٌمّاهٌ يازهراء
اٌمّاهٌ يازهراء اٌمّاهٌ يازهراء
...................
اضمن حزني وتسولف دمعتي بيني وبينج
انكسر ضلعج عصر بالباب حوافر سحكت حسينيج
مثيلج زينب انسطرت وصفت حمره مثل عينج
تصيح بيوم عاشوراء ييمه بعازتج وينج
حزني لعاشوراء اٌمّاهٌ يازهراء
اٌمّاهٌ يازهراء اٌمّاهٌ يازهراء
كلمات للشاعر كرار حسن الكربلائي
بارك الله فيكم
ردحذفرحمة على والديكم نريد قصيدة هالليلة دارج مضلمة محمد النامي مكتوبة
ردحذفحلوه كلش
ردحذفما شاء الله
ردحذف