ياعيد الفطر المن بعد جاي مكتوبه
قصيدة ياعيد الفطر المن بعد جاي كتابه للرادود محمد الجنامي
★★★★★★★★★
ياعيد الفطر المن بعد جاي
ياهو الراح اابوه خل يبچي وياي
ويه اهل الهلا انگطعت الظٕنه
صباح المگبره ياعيد اهلنه
★★★★★★★★★
شلي ابعمر مابي ابو... ياجرح ابوي الما طاب
والموت خطار البشر يدخل ابلا دگة باب
فٓي بيتي مو فٓي الگبر چا ليش دفنوه بتراب
ياعيد باچر لاتجي ياعيد اهلك غياب
علي شتگول زينب لليعيدون
گبل عيدك امبارك تبچي العيون
گلبي ابحسرته يجذب الونه
صباح المگبره ياعيد اهلنه
★★★★★★★★★
فگد الأبو كلش صعب ياهو اليعوضه لو مات
محد يجي مثله بعد وياخذ مكانه هيهات
شمحلات ابونه من يجي وتلتم عليه البنيات
خيمة البيت انوصفه چان السند للشدات
شدة غيبتك شده يكرار
ماينطب بدونك موحش الدار
مثل خيط الفجر شيب المحنه
صباح المگبره ياعيد اهلنه
★★★★★★★★★
رمضان ظل مطلوب إلك ماكمل اوياك الصوم
بيتك علي وحشه صفىٰ من رحت عنه الهاليوم
من يوم طبروا هامتك ماشافت اعيوني النوم
محد يحس بالمنجرح بس اليفارگ ملچوم
اضم اجروحي خاف اتشوف شمات
وأگول ابروحي عايش بعده ما مات
وأگل للروح من تسألني عنه
صباح المگبره ياعيد اهلنه
★★★★★★★★★
يابويه شالت فرحتي من أنشلت انت ابتابوت
موحش البيت ابلا علي وينك علي صحت ابصوت
يخنگني من دونه الهوىٰ ابريتي الهوىٰ گوه ايفوت
عيدي اختلف هاي السنه عيدك امبارك ياموت
ايامك سعيده راحت اوياك
خذاك الموت مني و وين الگاك
الموت اويه التحبه ايصير جنه
صباح المگبره ياعيد اهلنه
★★★★★★★★★
منا بدت قصتي ترى من وصى اخوي العباس
من گله امانه ابذمتك زينب يراعي النوماس
حسيت روحي ابكربله وحسين اخوي ابلا راس
وعندي يتامه ابلا خيم هيچ انرسم عندي احساس
احس ابروحي ع التل مو بالخيام
وأروحن ع الهزل مچتوفه للشام
ونمر اعله الغري وأنصيح كلنه
صباح المگبره ياعيد اهلنه
★★★★★★★★★
القصاید المکتوبه للرادود محمد الجنامي صوت+کتابه
ياعيد الفطر المن بعد جاي مكتوبه
ياعيد الفطر المن بعد جاي كتابه
المكان النجف الأشرف/هيئة الزهراء للعزاء المركزي
اسم القصيدة : ياعيد الفطر
اسم الرادود : #محمد_الجنامي
اسم الشاعر : #مصطفى_العيساوي
المناسبة استشهاد امير المؤمنين علي عليه السلام 1442
اللهم صلِّ على محمد وآل محمد وعجل فرجهم الشريف يارب
ردحذفتاات
ردحذفانا مستمع جيد لقصائد الشيعه وكلماتكم مبكيه ومؤثرة جدا تحياتى لكم
ردحذف