لطميات مكتوبة
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
حسين الموت شافه بمصرع اوليده
شاف اوصال الاكبر تارسه البيــــده
ـ&&&&&&&&&&&&&
صوت الولد حين الوصل للوالــــد
ركض ويصيح دلوني العلي رايــد
ماينلام من يتدوهن الفاگـــــــــــد
وحگه اشما يعلي اونينه ويزيــــــــــــده
ـ&&&&&&&&&&&&&&&&&&
طول بطول ويه الاكبر اتمـــــــــــدد
يصيح ارحمني بويه وخله خد بخد
مثل جسمك تگطع حيلي واتفرهــد
ليش الشاد حيله تروح وتبيـــــــــــده
ـ&&&&&&&&&&&&&&&&&&&&
يلم اوصاله والصدره نوه ايضمه
وبيده اتطشر وطاح وكثر هظمه
لوما صوت زينب محــد ايگومه
جا فوك ابنه مات وموّت اعضيـــــــده
ـ&&&&&&&&&&&&&&&&&&
شالوه للخيم وحسين يم راســــه
حسرات اعله الاكبـر تطلع انفاسه
حاچه اوليده شمّه برگبته وباسه
وشاب وصبخ شيبه من دمه اوريــــده
ـ&&&&&&&&&&&&&&&&&&&
كوه ايجر نفس والحسره كاتلته
حاجيني يگله گلبي گطعتـــــــــه
آنه الگطعوني بويه لو انتـــــــــه
المات اوليده يبني الونه شتفيده
ـ&&&&&&&&&&&&&&&&&&&&
عطش يابعد صوتي سمعي الصوتك
ابوك يموت يادم گلبـــــــه وي موتك
رقيه تريـــــدك اگعد يا علي امروتك
عمري ابلا اخوي اتصيح ماريده
ـ&&&&&&&&&&&&&&&&&&&&
ها يابعد ابــــــــوك اشيوجعك گلي
عگب اعيــــــــونك بهذا العمر شلي
عميه اعيوني بيك الجيش شمخلّي
طولك وينه ابوك ايلم وذر بيده
ـ&&&&&&&&&&&&&&&&&&&&
علي محسن الزيادي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
يمه حاول تفتـــــح العين
ها يماخذ شوف الحسين
اسمع اشصاح الغريب العايفه
ياعلي بعدك على الدنيا العفه
ــ& &&&&&&&&&&&&&&&&&&
علي يامن خذيـــت الروح بوْداعك
تبجّي امك وابيّك مو من اطباعك
گلبك ماسمع من ســــدو اسماعك
ظل اينازع حسين الحـك بساعك
اجه ايواسيني واواسيه
مو عليك اتحســر اعليه
من تموت يموت شيخ الطايفه
يا علي بعدك عله الدنيــا العفه
ــ& &&&&&&&&&&&&&&&&&&&
لبوك ادركني يبنــــــي من وصل صوتك
موت حســـــــين گطــع گلبي مو موتك
حلم لو صدك حاجي امك علي امروتك
حصيره شلون صـــــــــارت يمه تابوتك
وين طولك ياحلو الطول
ماسمعته حسين شيگول
نور عيني بطيحتك بويه انطفه
يا علي بعدك على الدنيــه العفه
ـ&&&&&&&&&&&&&&&&&&&&
ركض ليك اعتنه وگوه رجـــــع يمشي
وطحت مثل الدمع لوطاح من رمشي
وذر جابــــــوك شفتك وانمــرد هرشي
فك عينك عله امك يبجي ظل كلشي
وي ابوك اعليـــك اجر اه
وبالبواجي اتسابگ اوياه
عمري مايسوه اذا جفنــك غفه
يا علي بعدك على الدنيه العفه
ــ& &&&&&&&&&&&&&&&&&&
رحت صوره والي جابوك جم صوره
من اعتب عليــــــك اعذرني مجبوره
مو وجه ابني بالدم ينطفـــــــي نوره
الم بوصال جسمك واحجي مذعوره
گلت ماميّت واحاجيــك
عمري متطشر والم بيك
لاتظل ساكت تره امك خايــفه
يا علي بعدك على الدنيه العفه
ــ& &&&&&&&&&&&&&&&&&&
متت بس شوفة اعيونك ترد روحي
اذا صوتك سكت شيطيّب اجروحي
انذبحت فرْحتي اوياك وكثر نوحي
اكعد وابجي ويـــاي اعلى مذبوحي
حسين يمك كض الاصفاح
شلون بي عباس اذا طــاح
صاح وارياگه اعله فگدك ناشفه
يا علي بعدك على الدنيــه العفه
ــ& &&&&&&&&&&&&&&&&&
علي محسن الزيادي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
طارش الكوفه ايصيح يابو الاكبــر
ابلاراس مسلم شفته بالسوك انجر
ضاگت بصدره الانفاس
واتسنــــد اعله العباس
سولفلي راد ايگله بس مايكــــــدر
ــ& &&&&&&&&&&&&&&&&&&
من يوم جرح اموادعــــه وحسين لازم ظهره
كلما عضيده ايناشده يبجي وتخنگه الحسره
ماتحمل اعيــــــــون الگمر دمعات روح الزهره
الدمعة حبيبه الحَب صدك گال الوفي يطش عمره
عن دمعه من اينشده راعي الغيره
مسلم يگله ياعضيـــــدي بحيره
وعباس يتحير بيـــن
مسلم ومابين حسين
وحسين من يشوفه هم يتحيـــــــــــر
ــ& &&&&&&&&&&&&&&&&&&&&
اشحاله اليودعله اخـــــو ويدريه بعد مايرجع
لو عنّـــه نشدت عيلته گلبــــــه شكثر يتگطع
والمشــــكله ابلا والده طبـــــع الطفل مايقنع
ياهو اليصبره حسين اذا ونه الحميده يسمع
ونتها سكته وخايفه اعله اخوتها
ودمع ابو اليمه يطيح وي دمعتها
لو نشدته عمي اشصار
من والدي ماكو اخبـار
نار الافراگ بگلبه تســــــري وتسعر
ــ& &&&&&&&&&&&&&&&&&&&&
كل خطوه يخطوها يون من مكه لرض الكوفه
يتمنه لو حتــى بحلم وجـــــه ابن عمه يشوفه
والرايف اجروح الخلگ شايل جرح شيروفه
واعيونه بعيون الگمر واجفوفه بين اجفوفه
كلما يريد ايصرّح العبــــاسه
ماتطلع الجلمه ويندگ راسه
والمثله يفگد جيدوم
ماتعرف اعيونه النوم
ياهو الينشده ايگله محتـــــاج اسهر
ــ& &&&&&&&&&&&&&&&&&&&&
مكسور گلبه اشما گرب للكوفه يثگل جدمه
بنسمة هوه اتجتف لمن سلم عليــــــه بن عمه
ولن طارش الكوفه وصل ويصيـــح يابو اليمه
مسلم رموه امن القصــــــر وبخيل جرو جسمه
عباس ياعباس ظل ايحشــــــــــم
ظهري انكسر ياخويه غدرو مسلم
وعباس صاح اترجاك
ياحسين عدّل مگفاك
بيمن يتاماه لو طحت تتصبـــــــــــــر
ــ& &&&&&&&&&&&&&&&&&&&&
يم طارش الكوفه وگف خطوات عن الخيمه
بلسانه ثگلت جلمتـــــــه واتوالمت وي ضيمه
بالخيمه گال اروي الخبــر لا گال عنده ايتيمه
بس گلي ياهو اوياه وگف بالكوفه مامش شيمه
يحسين وحده اعليك تجري ادموعه
واعله السبايا ايوصّي ظل بطوعـــــه
عالشفته اسولفلك جيت
يمه وتشــــــــوفه تمنيت
صدر ابن عمك بالخيــــول اتكسر
ــ& &&&&&&&&&&&&&&&&&&&
علي محسن الزيادي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
افعـــــــــــال الزلمه مــو بس اقــوال
حــــر وناوي اصعد عكس الشـــلال
بظلمه وكون اوصل للنـور
مبشّر بالجنه ومنصــــــور
ــ& &&&&&&&&&&&&&&&&&&
جنت محتار ولگيت الراي
بعد واگف شتاني
جنت عطشان واجاني الماي
اعرفت صاحب زماني
هاي الحقيقه وعنها ماغض طرفــي
فرصه وگلت يانار البروحي اطفــي
ضيف اعتنالي وعيب اذا اسد الباب
انّــــــي انا الحــــــرُّ ومأوى الضيفي
يارب ارحمني گتله ابهاليوم
شرفني بنصرة هذا المظلوم
من اتراجـــع مامعذور
مبشر بالجنه ومنصور
ـــ& &&&&&&&&&&&&&&&&&
تحت امـــــري الف جنـــــدي
لجنها ابلا ضماير
واحس مذلول وروحي ضدي
وكلها تلعنّي باجر
شفت الحسين وگلت اوگف شتريــــد
حُر انت وسفه استعبــــدك ليش ايزيد
عوف الانا واسجد على اجدام حسين
باجر حسين اهواي والجيش اوحيـــد
من شفت انصاره. شگد هامو بيه
گلت ايطــم روحه المايصعد ليه
واگف قران ومنشـــور
امبشر بالجنه ومنصور
ـــ& &&&&&&&&&&&&&&&&&
وانا طـــالع بشــــروني
بجنه والجنـــه هايه
اليوم اراوي الكفـــــروني
اشحصّلت بالنهايه
من جود ابوفاضل شربت اشويه
وغيرة حبيب وجون دارت بيـــه
سبعين الف ماريد اريد السبعين
عند الله مو بالكثره بالنوعيــــــه
الشاف ابنَ جناده يوم اللبـّــــــاه
يستحقر شيبــــــه لو شاف اصباه
گال انا اعلاچن يطيــور
امبشر بالجنه ومنصــور
ــ& &&&&&&&&&&&&&&&&
رحـــمة الله بابه مفتـــوح
امن الثنين اهيه وحده
اتموت عايش اتعيش مذبوح
الذبح ذكــــــرك يخلده
يااشجع اهل الكوفه گالولــــــي شبيـك
ترجف ولون الخوف هالغطه اعليـــــك
خيّرت نفسي ومااختـــــــــــاريت النار
يحسين صحت اقبلني وبنحري افديك
هل لي من توبه ياوجه الله
هذا انا وابنــي اه اتجر اه
ماجنت ادري الكم منذور
امبشر بالجنه ومنصـــــور
ـــ& &&&&&&&&&&&&&&&
توب مثلي الدنيه تغري
لجن صاحبها نادم
الموته وحده كـــون تدري
والحق اتعرفه لازم
صعبه اعله باطل جفنك امن اتسده
وظهرك تديره اتخلي امامك وحــده
شتضن تنفعك ارجعوني امن اتصيح
لاندم ينفع والمشــــــــــــــي ابلا رده
بالتوبه اتعجّـــــل من گبل الفوت
وبحضن حسينك يامحله الموت
تنسه بوجه حسين الحور
مبشر بالجنه ومنصـــــور
ــ& &&&&&&&&&&&&&&&&
علي محسن الزيادي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
صاحت اهل الكوفه هذا منين ابو السيف الثگيل
گالــــهم (فليعلم الكـــــل) مســــلم آنا ابن عقيل
ــ& &&&&&&&&&&&&&&&&&&&
فارس امن اهل الحجاز وللحسين آنـــا سفير
علي والحمزه عمامي وسيدي حسين الامير
البايعوني الهم الجنـــــه ولليضدوني السعير
واية التطهير تشهد لينـــــــه يالرايد دليل
ــ& &&&&&&&&&&&&&&&&&&&
آنا من ظهر ابو طالب ذلت اگبــــــاله قريش
كلنه شجعان وضياغم مايهز واحدنه جيش
امس كاتبتو الحسين وگلتو (اقدِم) خنتو ليش
اليوم يهل الكوفه الاّ الگـــاع من دمكم تميل
ــ& &&&&&&&&&&&&&&&&&&&
الكوفه داري ودار عمي وطوعه تشهد عالكلام
عمي رد الشمس وآنــــا الدنيــه اسوّيها ظلام
ناري من اشعلها بردا ماكــــــو بيها ولا سلام
الحاطمه بيدي الوصلها مايرد حي مستحيل
ــ& &&&&&&&&&&&&&&&&&&
آنا وحدي وجيش انتـــــم الاّ اسويكم شتات
صولة الكرار اصولن وانســــو معناها الحياة
لا مفر منـــــي اليفر ايشوفني بأربـــع جهات
سال دم عمي بغدركم ثار الــــه دمكم يسيل
ــ& &&&&&&&&&&&&&&&&&&&&
ما يهمني اشما كثرتو راح اكــــــــر وماافــــر
ماتخلي ارمـــاد ناري طبعي بالسيف امن افر
الموت گبلي ايهد واصيحــــن ياعلي كلما اكر
امشارك بحملات عمي وزودي من حامي الدخيل
ـ&&&&&&&&&&&&&&&&&&&&
مايريد اخفاف سيفي اثگيل وايحب الثگال
يلمع اكثر بالنزال وعيــــــــــده الاكبر بالنزال
ايغار من كل السيوف ويثگل اكثـــــر بالقتال
بضربه وحده ايثلمه هوّه وسيفه البسيفي يعيل
ـــ& &&&&&&&&&&&&&&&&&
علي محسن الزيادي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
هاكثر ماجان شيب براسك
راد وحدك وين جا عباسك
ــ& &&&&&&&&&&&&&&
ياجبير العايله وبيــك الضمد
غير وجهك ماالنـه مفزع بعد
جنك اتدوّر سند وانت السند
ليش درعك مدمي وابلا طاسك
ـ&&&&&&&&&&&&&&&&&
فاگدات ولينه بس انت الرجـه
بشوفتك كل جرح بينه نعالجه
اوياك هالمره عضيدك مااجـــه
رضه ايعوفك وحّدك نوماسك
ـ&&&&&&&&&&&&&&&&&&
لا صديج ولا ولد ظل ندري ليــك
عندك العباس ماخفنه عليـــــــــك
ليش محني وهذا يادم اعله اديك
ساكت وخنگت العبره انفاسك
ـ&&&&&&&&&&&&&&&&&&&
توّك العبـــاس صاحـــاك ورحت
امتربات اثيابك اسم الله طحت
بالخيم واسمعنه ياخويه صحت
شنهي بس لا غدر واحد جاسك
ـ&&&&&&&&&&&&&&&&&&
رحت عنه شويه شيب بلحيتك
شيّبن حتى الرموش برجعتــك
ومنحني وكل عيلتك ماعرفتك
تختلف عندك جرح بحســـــاسك
ـ&&&&&&&&&&&&&&&&&&
وين ابوفاضل جبت بس رايته
جم غصن ذبلان ينطــر جربتــه
ليش جرّيت العمد من خيمتــــه
اسم الله عافك جنه اقرب ناسك
ـ&&&&&&&&&&&&&&&&&&&
اگلوبنه من سكتتك شب بيها خوف
ماتحاجينـــــه وتعصــــــر بالجفـوف
حسين سولف وين جا سبع الطفوف
دِمَه بخدك يامجــــــــرّح باســك
ــ& &&&&&&&&&&&&&&&&&
ان جان عباس انجتل يبن النبي
كون نتحضر بعد حان السبـــــي
يعني زينب راح يحديها اجنبـي
وانت حز راسك الجيش وداسك
ــ& &&&&&&&&&&&&&&&&&
علي محسن الزيادي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
ياعباس شوف حسينك بحيره
مايگدر يگلهم راح ابو الغيـــره
حاير بينك وبيـــــــن الصواويــــن
شوف اشجم كسر خليت بحسين
ــ####################
يحزام الظهر ظهر الحسين اعليك مثل الغصن مايل
يگول الصار كله امصدكه بس لا هاي ماطاح ابوفاضل
توني بكسر ظلع الزهــــــــره حسيت
يتيم المرتضى هســـــــــــــه تسميت
امن انسم الحسن طحت وگمت بيك
وهســـــــه بطيحتي عبــــاس ظليت
سمعته اشصاح ياعباس لو تدري
تفسر الصخر (الان انكسر ظهري)
فرّح گلب اخوك افتحله بس عين
شوف اشجم كسر خليت بحسين
ــ####################
يالساتر جروح حسين بوْداعك تره انفضحت جروحه
من السانه طلعت روح بس اوياها طلعت منه روحــــــــــه
بگد ماصوبوك اتعثر وطـــــــــــاح
جاما فزّزك ياخويه من صــــــــاح
حتى الجان شامت بي بجه اعليه
من صاح الاشِــــــد الظهر بيه راح
تخوصير يمك وصاح اه يبو الشيمه
گبل ماجر عمدها طاحـــــت الخيمه
مثل هامتك ظهره انجسـم نصين
شوف اشجم كسر خليت بحسين
ـ######################
فرحه وكسره وگفن سوه بگلب حسين صاح الحيل بويه
دلّاله كســـــرته بطيحتك فرّحته من ناديته خويه
يبس ريجه الهوه مايگـدر يفوت
شگلك مات لو بالمصـــرع يموت
يبوفاضل يريت اتسمعه من گــال
اروحن فدوه للصوت ولبو الصوت
شهگ من شاف جفك دنگ وباسه
وصاح ايموت حگه المــات عباسه
عميت اينادي دلني بمصرعك وين
شوف اشجم كسر خليت بحسين
ـ#####################
گلبه انكسر ظهره انكسر طاح السيف جنها انكسرت ايده
من ايطيح لاينتظر گومه ايكول المفارگ عضيـــــــده
بين ايسارك ويمنــــــاك محتار
اذا شال اليمين اتطيح الايسار
طاح حســــــين ياعباس وياك
يماي بروحتك ماتنطفي النـــار
سبع شهگات يشهك من يصيح اسمك
ضعت عن عينـــــــه واندلاك من دمك
امگطع حيّريته ايشيـــــلك امنين
شوف اشجم كسر خليت بحسين
ــ#####################
جرح مفتوح محني اعليك كلما گام مثل ادموعك ايطيح
شوفه الگبل ساعه اوياك مثل الجبل بعدك مال بالريح
عنك يمشي خطوات ويرد ليـــــك
شلون ايفاركك ومعود اعليــــــــك
ماتنشال حتى ايرجعك اويــــــــاه
ظهره ايعدله بيش امگطعه ايديك
العطاشه البالخيم جودك يتانّنه
شيگلهن اذا عنك ينشــــــــــدنّه
عنك راح عثره بكل خطوتيـــــــن
شوف اشجم كسر خليت بحسين
ـ####################
علي محسن الزيادي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
نعي
لبو السجاد وينه الياخذ اخبــــار
ويگله الكوفه كلها انگلبت اشرار
عرِف ماظل ولا تستقبـــــلك دار
غدرو مسلم وماظلت انصـــــــار
عليك امحزمين ازغار واكبــــــار
المحضر رمح واليحد بتــــــــــار
واليجمع سهامه والشعل نـــــــار
ناگع تره بالسم كل سهم صـــــار
عدو حسبوك ماحسبوك خطـــار
😭😭😭😭😭
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
ربي اويه الخدم ثبّتلي قـــــــدم
وأرضي الزهره وفقني
ــ& &&&&&&&&&&&&&&
حبيبك ابـــــــو اليمه تحب كلمن يخدمه ادريك
خدِمْته اشرف عباده وعبدك كل مراده يرضيك
جيت اقسم عليك بدمعة الزهره الزجيه
هاي ايديه الك ممدوده اخذ يارب بديه
بس اخدم ابو اليمه ردت امنيتي هيـــه
ولاترضه الخلگ لو فاطمه ترضه عليـــه
مثل ام البنين اريد اكضي السنين
بخدمته وياهو يسبقني
ــ& &&&&&&&&&&&&&&&&
يربي انعامك اهواي لجن نعمه مثل هاي ماشوف
شفت بيها نجاتي واريد اگضي حياتي ملهوف
ابيوم اللّاو ولد ينفع ولا بــــي مـــــال ينفع
يوگفلي الشفيع الماكو واحد مثـــــله يشفع
سفينه حسين گال الصادق الاوسع والاسرع
واگبال الزجيه ابيض وجه خل باجــر اطلع
ينـــال الغانمه اليفرّح فاطمه
بركب خدّامها الحقني
ـ&&&&&&&&&&&&&&&&&&
بلا هالنعمه الانسان يعيش الدنيا خسران بس هاي
احس خالقني الهه احبــــــــها ومااملها
مولاي
گاع وماي هيه بدونها اتفطر واصحّـــر
كسرتني ذنوبي واعرف الخدمه تجبّـــر
وكل خدمه تزغر الشان بس هاي التكبّر
ربي اشملني بيها بعين عطفك ليّه انظـر
دعيتك يارحيم يرزاق وكريـــــم
خدمة وجهك ارزقني
ــ& &&&&&&&&&&&&&&&&&&
يمن تعلم ابنيتــــي گبل ساعة منيتــــي تمنيت
لبو السجــاد خادم اصيرن والمــــــــآتم
الي بيت
وبسجل الخدم اكبر شرف يتسجــل اسمي
ومو ريحة مسك دخان يلگه اليشم جسمي
مااملك نسب ريحي نتِن والليــــــل رسمي
ريت حسين يتنفس عليّــــــه ويجلي دمي
ميّت والحيـــاة خدِمْته والنجاة
اذا اخـــرس تنطّقني
ــ& &&&&&&&&&&&&&&&&&
انگطت كل الامال أنا الماعندي اعمال ولازاد
وطن هالخدمه اليه رضا الزهره الزجيه اِلِمــراد
يارب فاطمه ابحق فاطمه البرضاها ترضــه
ربي ارضيها عني الترضه عنه اشكبره حضه
ارد ابجي اعله ابنها والطم وصدري ارضـــه
وجفني المايصب للمنذبح لا مااغمضـــــــــه
الخدمه والعزاء يارب السمــــاء
ليهن ادري خالقني
ــ& &&&&&&&&&&&&&&&&&
علي محسن الزيادي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
نعي السيده ام البنين (عليها السلام) مع هلال شهر محرم 😭
هلّيت وجبت للفاجـــــــــده النار
المن جاي واشجايبلي اخبـــــــار
خذت مني شمس وي اربع اقمار
وجســـــد خليتني ابلاروح بالدار
عشره اويه البواجــــي ليل وانهار
حسين الهدم حيلي وطفّه الانظار
لا ردلي ولا بيّـــــــــه حلم مــــــار
اول مره اســــــد البـــــاب واندار
لو بو البيت لو ماريـــــــــد خطار
ـ😭😭😭😭😭
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
من نار الشوگ
ميته وبيتي التابوت
وگلبي المحروك
من اشرب ماي يموت
اخلّص ليــــــلي ادعيلك
نسيت اولادي وابجيلك
ــ& &&&&&&&&&&&&&&&&&&&
جانت امنيتي الوحيـــــده من عرفتك
اوياك اعيشن والعمر يگضي بخدمتك
مو ابن حسبـــة ابو وأم ليّـــــــه ردتك
خذت بالي وگلبي منــــي بيوم شفتك
مامر عالبال
راح اتفارگني بيـوم
اوداعك جتال
ماخله اعليّه ارسوم
يريتك يمي واحجيلك
نسيت اولادي وابجيلك
ــ& &&&&&&&&&&&&&&&&&
روحي يامصباح روحي اعليك ظلمه
تدري من تفگد ضواها العيــــن تعمه
من رحت لليــــــــوم محــد گلي يُمه
ودمعي طلّعته الجنت عنــــك اضمه
المن مضموم
دمعي ودمك هدروه
يحسين اليوم
ضلع امك هم كسروه
تمنيت اكدر امشيـــــلك
نسيت اولادي وابجيلك
ــ& &&&&&&&&&&&&&&&&
اتموت كل شجره بعيد الماي عنها
يبني والأم موتها بموتة ابنـــــــــها
امك الماطبگت اخلافــــــك جفنها
اعليك ماتت ضاميه وبارد حضنها
جثه ابلاروح
وحدي بدارك ظليت
وكون المذبوح
آنه اوولــدي اتمنيت
تعال وگلي شفديـــــلك
نسيت اولادي وابجيلك
ــ& &&&&&&&&&&&&&&&&&
مالها معنى الحيـــــــــاة ابلا وجودك
شلون عدله وانا مخلوقه اعله مودك
صحت من گالو كله الحافــر خدودك
خلّه ياخذني الزمـــــــــان المايعودك
سهم اليخطيك
وعيونك بيّه يصير
كل جرح البيك
اتمناه بيّه ايديــــر
صدك ماواحد ايشيـلك
نسيت اولادي وابجيلك
ــ& &&&&&&&&&&&&&&&&&
ابجي ويّه امك نهاري وليـــلي كله
وناسيه اولادي واكول حسين اغله
لو بالف عباس وجهك ماابــــــــدله
فگدك الصعبه الجبيـره وكلها سهله
لوشفت الدار
بعدك صارت مو دار
ام الخطـــــار
يجفل عنها الخطــار
حرت من ياهي اشكيلك
نسيت اولادي وابجيلك
ــ& &&&&&&&&&&&&&&&&&
علي محسن الزيادي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
للموت رايح وكل المشو وياه ذبايح لو سبايا
للموت رايح وتارك اسم طفله والاّ بس عبايه
الشــــوگ كاتلها المرض نحلها
ـ&&&&&&&&&&&&&&&&&&&&&
من يوم ماشـــــــــال الغريب امن المدينه
حد ذبحته اعله ابنيته تجري ادموع عينه
يارحمة الله ايگلّــــوله
ماكو ابحنيتك معقوله
ابنيه امخليلك معلوله
هالجلمه مو سيف الشمر حزت وتينــــــــه
لوجاب اسمها يتذكر امه وشيبته ايغطيها دمعه
لو جاب اسمها جفه يصمه ويدگ كل حيله اعله ضلعه
ايگول احن الهه المرض نحلها
ـ&&&&&&&&&&&&&&&&&&&&
مايكدر وگــــوه عليـــه طلعت (تظلّيـــن)
تبجي رقيــــــــه وگالت اختي ماتروحين
لو شافاها ايدنگ راسه
ماراد ايذبلها اليـــــاسه
روّيها ايگل العبـــــاسه
وگللها ابوج ايموت اذا شافـــــاج تبجين
وصّاهم بليل شدو المحامل لاتشوف الضعن وتموت
وصاهم بليل نتوادع اوياها الصبح مايطلع الصوت
شلــون اگلّلها المرض نحلها
ـ&&&&&&&&&&&&&&&&&&&&&
گالتله زينب فاطمه اتگول ارد احاجيه
بس كلمه حلفت مااطوّل گالت اعليـــه
خلينه ايگلها انا اويــــاها
ماتتعنــــــــــــالي اتعناها
وحسره بگد حيدر ذباها
ادموع التقو لا حچه ولا گدرت تحاجيه
گبل الطف احتار سولفن عينه وعينها ودنگ بلا حيـــــــــل
گبل الطف احتار مايگدر ايگلها اعله صدري تركض الخيل
لايعَلْعِــــلها المرض نحلها
ـ&&&&&&&&&&&&&&&&&&&&&
من شبگته عرفت وداع حســين بي مـــوت
طلعت ال (الله اوياك) بس ادموع موصوت
ظل بسم المهدي ايســــليها
وگلها انتظري وباس ايديها
وصّه ام العباس اعليـــــــها
سار الضعن عنها وبگت بالبــــــــــاب تابوت
ماتركت الباب ليل ونهار اتسولف اوياه عن ابوها
ماتركت الباب واتگله ماوصوك اهلها الفارگوها
مالگت ظِلها المرض نحلها
ـ&&&&&&&&&&&&&&&&&&&&&
يمشي الحنين ويلتفت لبنيته وينـــوح
ويگول لوله الدين عنها النومي ماروح
معلوله وفرگاي ايشــلها
ساعة ذبحــي ماتحملها
گبل الشام الطف تكتلها
اعله افراگ عبدالله عمت تحملها مذبوح
يوصي الحنينات ادعن لختجن بالصبـــــر والعلّه تشــــفه
يوصي الحنيات بوسنها الي امن اترجعن وشال الهه جفه
بشوگي گلّلَها المرض نحلها
ــ& &&&&&&&&&&&&&&&&&&
مالحظه مرت بالدرب مابيـــــــها يحجي
وكلما بجه ايسألونه گلهم بنتـــــي تبجي
حد ماماتت ومتــــانيته
اتعاتب واتذكره بحنيته
لاناسيـــــــها ولاناسيته
من طاح صاح الفاطمه ياهو اليتجّـــــي
زينب يخيتي گلّيلها بگد مابجيتيله بجالج
زينب يخيتي گليلها ايحبج ابوج شگد دعالج
افراگي ذبلها المرض نحلها
ـ&&&&&&&&&&&&&&&&&&&&&
علي محسن الزيادي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
جرح المهدي
سلام للذبيح بلا ذنب
اول جرح بالطف گطع چفينك
يبطيحتك كاسر ظهر لحسينك
تمنيت اطلعه انه السهم من عينك
صاحت سكينه من الخيم عم وينك
يعمي مرني يل وجهك عذب
المهدي انه وكلهه خل تسمعني
ثاني جرح ليهسه ضل يوجعني
من حرمله بنحر الطفل يفجعني
يوميه فكري الكربله يرجعني
جراحي كثرت وماتنحسب
ثالث جرح بعيوني طلع شيبه
ضليت اون ياشيعه كل هل غيبه
ومصيبه هذي ماكو منهه مصيبه
من ينگطع راس الحسين الهيبه
ينوحي عل جسد ضل منسلب
رابع اجروحي بكربله المحبوبه
من چان ابوها مدلله ومهيوبه
من عدهه ترجيه صبحت مسلوبه
والشرم اذنچ موجليله اذنوبه
ضليمه بل ضماير تنكتب
امه الجروح الباقيه بنص روح
بكثر الرمال البل صحاري جروحي
ريحة الجنه منل مناحر فوحي
موواحد بطف كربله مذبوحي
سلام للذبيح المن سلب
محمود رحيل التميمي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
أتمنه لو متنه سـوه
ولا ابقى اشتم الهوه
شلون أعيش ابهالحياة المره بعده
* * *
مرفه حياتي شو بطـــه وطول أفراكه أعليــه
وضليت أحن ابخيمتي وعالدرب عيني أربيه
كلبي كرصني وأشعرت هالدنيه ضاكت بيـــه
وكلشي ذبل حتى الهوه ذابل يمر بالريــــــــه
ضليت بأنفاسي أختنك
آنـــه أنتهي من نفرتك
هوه عمري وموته موتي وروحي عنده
شلون أعيش ابهالحياة المره بعـــــــــده
* * *
الكلي يمه أدللي بس كولي شنهي تريـــدي
امن اصبح بوجه أنسعد شوفة عيونـه عيدي
شو راح أبو طول الحلو وكضيت كلبي بيدي
ما أرهم أبلياه أبد ومارد عليــــــــــه أوليدي
جسام يمه أتأخرت
بيــه شني مافكرت
لو عفتني يعني عمري هذا حــده
شلون أعيش ابهالحياة المره بعده
* * *
اليسكيني حنيه مشه وصوفرت غصني أوراكــه
طبيت أبجي بخيمتي لأبني شكثر مشتاكــــــــه
ماجنها ساعه من طلع جن مر سنه أعلى افراكه
وكلبي أنخمش من ما أجه ماضن بعد نتلاكــــه
راحت الروح بروحته
أمه وبحسرة شوفتــه
راح من أيدي عزيزي وشيـــــرده
شلون أعيش ابهالحياة المره بعده
* * *
اشكد نساء كالن ألي حضج كعد يارمله
هنيالج بهذا الولد وارث محاسن أهلــه
وجهه ترى فلقة قمر بالدنيه ماكو مثله
المثله المنايا اتدوره بالج ترى توصلـه
ضميه بكلبج هالولــــــد
وعينج عليه امن الحسد
وماحسبت بعز شبابه وليدي أفكده
شلون أعيش ابهالحياة المره بعـده
* * *
شكد أمهات اتلوعت من هالزمان وظلمـــه
تربيه وتنتظره عمر تالي التراب يضمــــــه
ذبحوها هاليوم الشمس والدنيه صارت ضلمه
ليش المنايا مادرت بس هالولد عند أمـــــه
لو بيدي أهديله العمر
وأبداله أنامن بالكبـــر
وعالتراب يصير خدي ابدال خــده
شلون أعيش ابهالحياة المره بعده
* * *
سلام المشعل
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
زينب ومحمد ابن الحنفيه
ماجني بنت الجان مامش نضيرة
ظليت الم بيتام شيخ العشيرة
الطشرو مصحف علي ياخويه ظلام
سورة المصحف كافلي وياته الايتام
عيني ابسبينه مساهره وماتقبل اتنام
راس الكفيل اعلى الرمح ظل يمشي گدام
ذبحوني ريت ويا ذيج الظهيرة
ظليت ألم بيتام شيخ العشيرة
يمحمد ونجم الظهر ماشافه رجال
شفت النجوم بكربله ماجذب الگال
نجمه إعلى نجمه حنه ظهر شدونه بحبال
انشافن انجوم الظهر وتغيير الحال
طالت اچفوف الجيش چانت گصيرة
ظليت الم بيتام شيخ العشيرة
يمحمد اخوانك تره من فارگوني
نصره ردتلي بكربله يوم السبوني
ياخويه وشراف العرب ماناصروني
يا نظرت الشامت سهم بيه اذبحوني
واليسبي بختك جان ميت ضميرة
ظليت الم بيتام شيخ العشيرة
يمحمد اخوانك تره ظلو بلاروس
وخيل العِدى فوگ الظلع بل حافر دوس
وادم مناصب دورت غرتهه الافلوس
حتى الي تعرگ گصته والعنده ناموس
مافزع لمن شاف حال الاميرة
ظليت الم بيتام شيخ العشيرة
محمود رحيل التميمي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
عالكفيل احجيلي
أرشيف
لا تگـلـيلـي يزيـنب عالكفـيل أحـجـيلـي
راسي شيب من وداعه وفكده هدم حيلي
الدنيه ظلـمه بلا گـمر ظهري من فكده أنكسر
ايا يزينب ايا يزينب
ــــــــــــــــــــــــــــــــــــــــــــــــــــــــ
للـنـهـر لـمـن رحـل ودع وراح بــعـجـــل
جـنه بعـيونـه الاجـل مـن مشـى يـم الـنهر
كال اجـيـبـن للعطش ودمعي بعيوني انفرش
زينب وگلـبي انخمش خضـر بگـلبي القـهـر
جربـته الـشـايلـها بيده والـدمع يبرالـي
زينـب اوداعه شيحمله تغيـرتـله احوالـي
خـويـه اودعـك للـنـهر ظهري من فكده أنكسر
ايا يزينب ايا يزينب
ــــــــــــــــــــــــــــــــــــــــــــــــــــــــ
حيـلي ما يحمـل فگد انـتـضـر خـويـه تـرد
يـذبـل لشـوفـك ورد لو رحـت مـن الـخـيم
گلي شنهو المـشرعه والجـفـوف مـسـنـعه
والجـيـوش مصـرعـه ورفرف بضهري العلم
گـتله ياخـويه رحلتك صعبـه خويه اعـليه
گلبي اول مره يتـعـب شـنهو صايـر بيه
شـو احـسـك بالخطـر ظهري من فكده أنكسر
ايا يزينب ايا يزينب
ــــــــــــــــــــــــــــــــــــــــــــــــــــــــ
گـتله زيـنب تـنـتضر لا تـجـافـيـنا بـهـجـر
انـته عـبـاس العـمـر والعـمر بـعـدك نـزف
تـنزل وتـصعد نفـس راسـك بغيـره انتـرس
لو گلب طفله هـمس شاربـك وحـده رجـف
غيـرتـك يـابو الحـمـيه مـن تفـكر بيـنه
جنـه مو عباس اخـويه حـيدره ويحمـينه
وانـتـضـر مـنك خـبـر ظهري من فكده أنكسر
ايا يزينب ايا يزينب
ــــــــــــــــــــــــــــــــــــــــــــــــــــــــ
صعبه زينـب دمـعتـج اطـلـب انـي مـروتـج
ادري شــده شـدتــج هـذا سـبـع الگنـطره
ضهري احسه الينـكسر يگطع انفاسـي الشمر
لـو تربـع عـل الصـدر جـنــه يــوم الاخــره
اثنعش طبره عل نحري من الگفه يذبحني
مـاردت احـجـي يزينـب قلـبج يسامحـني
نحـري والـجف انطـبر ظهري من فكده أنكسر
ايا يزينب ايا يزينب
ــــــــــــــــــــــــــــــــــــــــــــــــــــــــ
من اٴجـه بعـينه السهم والالـم ضـعـف الالـم
مسـتحـي يـرد للـخيم والـجـفـوف مگـطـعه
قطـع جفه ومـا يـذب بجربتـه فـاض العـذب
والسهم يهوى الذنـب بـده مـاي المـشـرعه
گـال لو سهـم المنيه بصدري مو بالجربه
واعـدت زينـب اردها موقف شگد صعـبه
رحـت اٴجيـبه واعـتـذر ظهري من فكده أنكسر
ايا يزينب ايا يزينب
ــــــــــــــــــــــــــــــــــــــــــــــــــــــــ
من رحـت لـي للـنـهر گلبي من حزنه انعصر
سهـمه بالعـين انكـسر من وگـع من الفـرس
من شلـت راسـه بحجر گلـي منهو انته انتضر
خل يجـي حسين العمر مثـل دگـات الـجـرس
يگلي لا تذبحني لحضه خل يجيني احسيني
گتـله ياخويه اعلـه هـونك زيـدتلي اونيني
من طفه بعيـنه النـضر ظهري من فكده أنكسر
ايا يزينب ايا يزينب
ــــــــــــــــــــــــــــــــــــــــــــــــــــــــ
الشاعر زين العابدين الشمري
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
يا أبوفاضل من طحت يم الشريعــه
حسين تدري شصار بيه بهالفجيعه
كوه يمشي بيه جرح محني الضهر
كون شفته شلون رد امن النهـــــر
يا أبوفاضل يا أبوفاضل
* * *
أبلا أخو بهاي الحياة العيشه مــره
والأخو من دون أخوه شيسوه عمره
دنيه ما بيها أخيك دنيه غبـــــــــــره
والله خنكه تصير لو ما بيها عطره
وهو لو راح الاخو كلي شيعوضــه
المات أخوه لتضن بعد يرتاح لحظه
الأخو عازه عازته بهذا الدهــر
كون شفته شلون رد امن النهر
يا أبوفاضل يا أبوفاضل
* * *
كون أنته شفت حاله من سألته
يابعد روحي أخيك وين عفتـــــه
ما حجه لنه أختنك خويه بعبرتـه
وصفك بيده وشككت صدره حسرته
خويه ليش أتعوف أخيك للشماته
وهوه غيرك بعد ماعنده بحياتـــه
منهو اليتجيله غيرك يالكمـــــر
كون شفته شلون رد امن النهر
يا أبوفاضل يا أبوفاضل
* * *
رد عزيز الله لجن محتار حيره
حاير شيخبرني يا بدر العشيره
مايريد ايزيد همومي الجثيــــره
بعبره كلي راح أخيج أبوالغيره
كوه طلعت هالحجايه امن أبوالاكبر
ومن حجاها اتحسر وكلبه تفطــــــر
وروحي راحت من سمعت ابهالخبر
كون شفته شلون رد امن النهـــــــر
يا أبوفاضل يا أبوفاضل
* * *
يمن عد أحجايته وكد الكفالــــــــه
اتحيرت خويه شسوي بهيج حاله
للمخيم من رجع والكل أجالــــــــه
أعليك تنشد كلها ملتمه عيالــــــه
بويه كاتلنه العطش جا عمنه وينه
راح يترس جربته ماي ويجينـــــه
ليش ميرفرف لواه شنهي أنغدر ؟
كون شفته شلون رد امن النهـــر
يا أبوفاضل يا أبوفاضل
* * *
بلكت الله يعيني جدمــــي وأجيلك
حتى بيه تشوف شمسوي رحيلك
أرد أنشدك ياكمــــــر من أعتنيلك
ليش ماخليت خويه حسين يشيلك
خاف أشوفك وأنقهر وأبجي أعلى فكدك
اشكد عزيزه وغاليه ياخويه عندك
تنهضم من أبجي ياضي النظـر
كون شفته شلون رد امن النهر
يا أبوفاضل يا أبوفاضل
* * *
يمن ما فارك لساني لحظــه أسمك
أرد أجيك المصرعك خويه وأشمك
يبو الغيره يالحنين الصدري أضمك
والله هنيالي أنه لو أموت يمــــــــك
الدنيه دنية غيري لا ماهي أليـــه
وريت تاخذني ويه الاعزاز المنيه
أشو جبت العمر بس ضيم وقهر
كون شفته شلون رد امن النهــر
يا أبوفاضل يا أبوفاضل
* * *
سلام المشعل
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
اروحن وين / يبويه احسين
ما ظل كل أمل عندي /بعدكم ياهلي شعندي
اروحن وين يبويه احسين
___
البعد ما ينحمل يحسين اريدنكم
اعزاز ويا هلي ما ينشبع منكم
كولو بيا مكان وانه ادورنكم
يالرحتو امن اديه شلون اردنكم
الدمع يطشّر ابخدي /هلي بلياكم شعندي
تسيل العين/اروحن وين يبويه
____
طلّعت الصور واذكر الكعده
وكولن كلبي غير الراحو اشعنده
راحو من اديه الراح شيرده
راواني الزمن شده ابثر شده
راح الشيخ ولمختار/بس هم وحزن بالدار
البعد مو زين/ اروحن وين يبويه حسين
___
كلت يومين يرجعلي وشوفنه
مثل ريح الشمال هواي احبنه
ابوي حسين ذاكه الما أمل منه
وين الكاه واشوفه واكطع الونه
حيل يعذب وداعه/ما نامن عليه ساعه
خذاك البين/ اوحن وين يابويه حسين
_____
بس الاه ولمدمع بقن عندي
نزلن على خدود وسومرن خدي
شده فراك اخوتي وما ظن تعدي
مصايب يا زماني يجيب ويودي
حكهن لو عمن لعيون /جفوني وما ظن يردون
اطلبك دين / اروحن وين يبويه حسين
___
ياذيه الزمان اليفكد اخوانه
خلص عمري عليكم وانا حزنانه
مثل عود بجفاكم روحي ذبلانه
الفرح مبعد عليه وسدها بيبانه
وحيده وكل هلي شالو /مدري ليا بلد راحو
واظن ناسين/ اروحن وين يبويه حسين
__
ال خاد اهل البيت ع ابو هاجر المجراوي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
يامسلم وين اريدنك تعال ارجع على دياري
من يوم الرحت عني انوحن والدمع جاري
لسفير حسين تريد العين
لسفير حسين تريد العين
يامسم وين اريدنك تعال ارجع على دياري
__
حميده انا وبقيت ابجي اريدك يانظر عيني
الحسبه من رحت عني تاخذني وتوديني
عاشرتك عمر وسنين وحدي لا تخليني
ما بيه احمل الفركه البعد يالغالي ياذيني
اريد وياك ولا انساك
يالعايش وسط روحي كطعو عنك اخباري
من يوم الرحت عني انوحن وللدمع جاري
__
فكدتك يا نظر عيني وبعدك من يسليني
رسمك ساكن بعيني وحدي لا تخليني
بعدك ما غفت عيني وادك ونته تدريني
ما مر الفرح بيه اون وحزني غاطيني
بعد هيهات ترد لحظات
ترجعلي وشوفنك ادعي الواحد الباري
من يوم الرحت عني انوحن وللدمع جاري
__٣
بقيت اتنطر خباره ابوي شلون اعوفنه
ما بيه واظل وحدي ولا بي حيل اتبعنه
صحت يا كلبي شتاني ايس وكطع الظنه
رحل ونكطعت اخباره ولا ردلي خبر منه
البعد لو طال يشل الحال
يتخيلي بوسط عيني اشوفك علرمل عاري
من يوم الرحت عني انوحن و الدمع جاري
__
فكدك زيد جروحي من بيتي نطفت شمعه
الغالي الشاغل افكاري راح وما بعد رجعه
تمر ليله بأثر ليله ودمعه سابك بدمعه
وحده على الحرب رايح جسمك ياهو اليجمعه
السكن بالروح عليش يروح
اجيلك لو اظل بالدار بعدك حارت افكاري
من يوم الرحت عني انوحن والدمع جاري
__
يامسلم ما بقت سلوه رحت للموت متعني
بعدني زغيره وهمومك ثكلن يالرحت مني
يوم نكطعت خبارك يابويه نكطع ضني
شما طال العمر بعدك يزيد وما بطل وني
حزن وغبار /غطاها الدار
طولت السفر بويه وزادت بالكلب ناري
من يوم الرحت عني انوحن والدمع جاري
____
ابو هاجر المجراوي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
كون مو بس دمعه لجلك ابجي العيون
وخل تگول الناس هذا انسان مجنون
انا خادم ونته غالي
و ليخدمك راسه عالي
وخل تگول الناس هذا انسان مجنون
***
ياحسين بكلشي اريدن روحي تفديك
وبحياتي يا امامي انا شاريك
كبل لا ينطق لساني جنت اسميك
من لمهد يا ماي عيني انا اناديك
انته بالدنيه الامان اشلون اعوفك
بروحي كعبه ياحسين وانا اطوفك
انته اعز كلشي بحياتي
بيك تحقيــــــق امنياتي
انا اريدك خلهم الشمات يحجــــون
وخل تگول الناس هذا انسان مجنون
***
ازغير اومي دگلي هذا احسين محبوب
وگلبي لو ذكروك يمي بسمك يذوب
گمت ارسمنك شهيد ابكل الدروب
اسمك ابدم عالظماير شفته مكتوب
ياحسين شگد شفت عندك كرامه
الدنيه الك ولاخره ويوم القيامه
بخدمتك خلصت حياتي
احظرني ياحسين بمماتي
والشدد يابو لمحنه بســـــمك اتهون
وخل تگول الناس هذا انسان مجنون
*
اتسيّر اظيوفك عليه بوحشت اليل
واكعد ومشتاگه روحي ودربك اطويل
اتعنه مولاي المقامك دمعتي تسيل
اخ يا ريحت ظريحك ريحت الهيل
طلگت كلشي وشريتك في حياتي
ما بقى غيرك حبيبي ابــــذكرياتي
خل يعذبني الزماني
بس الك ثابت حناني
انا اريدك ولحجو خلــــــهم يزعلون
وخل تگول الناس هذا انسان مجنون
****
انته مو حظره ومناره وكبه يحسين
انته عنوان وكرامه مثبت الــــــــدين
انته مو ون وبواجي وتهـــــمل العين
انته ناسك علمتها تكـــــــــره الشين
مالگينه الذله بسمك وحنه عدلين
وليموت اعله الشهاده يصيح يحسين
حته بالموت انا قابل
ما تغيرني العًـــواذال
يا لصرت بالدنيه قائد للــــيحكمون
وخل تكول الناس هذا انسان مجنون
***
مدرسه وبيك فتهمنه التظحيه اشلون
ونته اسست الكرامه لليخدمون
صابئه وشيعه ومسيح اعليك ينعون
عالم وكله يتمنه عابس وجون
موش بس انا انتمي للبيه حميه
الناس تعشك حظرتك يابن الزجيه
الخايف يلوذ بامانك
وتارس الدنيه حنانك
الاسسو دين الحجاره ليك يــــردون
وخل تكول اناس هذا انسان مجنون
****
الى خادم اهل البيت ع
ابو هاجر المجراوي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
هوسات الى عيد الغدير
دوم اكتب وسولف وحجي مرات
ومن احجي العلي تصعب عليه
هوه الرد شمسنه وكت الغروب
تريد انوصفه بحجايه وبذيه
لا يابو لحسن ما تنوصف هيج
ورجو المعذره صعبه القظيه
لون يكفي الشعر بسمك يا مولاي
عشره قلام اكظهن وسط اديه
===================
وكتب عن حيدر وولاده
وكتب عن حيدر وولاده
===================
بس الله ليعرفك ونبي يكول
اليعرفك يختلف عن البريه
علي ذكرك عباده شلون ننسه
نرتل بيك كل صبح ومسيه
نحتاجك علي وكفاتك هواي
ونعرفك يا علي ذاتك وفيه
من كولن يا علي تسهل علي عام
وتسهل من يجي منكر عليه
===================
وبكبري هناك اتحاميلي
وبكبري هناك اتحاميلي
====================
الك وكقات ما تنعد يمولاي
فزعتك تختلف عن اليفزعون
ما خاب ليندبك بل مهمات
ولتكلف عليه ويندبك اتهون
ابكل شده علي نلكاك موجود
تحظر يا علي وتكحل العيون
وي كل البشر وكفاتك هواي
فزعه للحشد مولاي يردون
==================
علساتر تحظر مولانا
علساتر تحظر مولانا
===================
كظيت ليل افكرلك وصفين
وجن ولتمن ابياتي وصفين
ذكرت الخندق ومرحب وصفين
وذكرت الباب بس تقصير بيه
ابو هاجر المجراوي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
ـــــــــــــــــــــــــــــــــــــــــــــــــــــــ
▪️مؤسسة منبرظلمه دنياي بجفاك ومن رحت راح الظوه
بيك كثرانه الجروح منين احصلك دوه
ديرتي وكلبي وضعنه
ظيعن جود ومحنه
***
راح احلفك بالفواطم والخويه
من اصيحن يابو فاظل رد عليه
اليوم اريدك يا كفيلي بهل مسيه
وحدي اظلن تدري بعدك منهو اليه
والله مايبرد دليلي
اله اشوفك يا كفيلي
يمته أشوفك ليه جاي بخيمتي ونكعد سوه
بيك كثرانه الجروح منين احصلك دوه
****
طش ظعنه يابو فاظل وفتركنه
جنه واحد فرد ريه وبتعدنه
وظيعيتك يا حمانه ويا سندنه
وغير وجهك يابو الغيره منهو عدنه
كلبي وعيوني على فكدك
دم جرن خويه ويه زندك
وين رايح يا غلاي وعالبعد كلبك نوه
بيك كثرانه الجروح منين احصلك دوه
****
ضمد جروحك ياخويه واعتنينا
تدري من يوم الرحت وليه انولينا
دم على فراكك جراء من دمعينا
ويه الشماته يالكمر ترضا نسبينا
مناطره وكلبي الجهالي
تعود لو موتن يغالي
تعذبت روحي بجفاك وكلبي بالفركه نجوه
بيك كثرانه الجروح منين احصلك دوه
****
عليك اسلم كل دقيقه رد سلامي
تصعب الجلمه عليه وكلبي ظامي
وحيل ما ظل بيه واتعب من كلامي
وين اشوفك يابو فاظل يا امامي
بيا درب وبيا شريعه
عطشو حسين ورظيعه
يصيح اريدك بالعظيد وهوه غيرك ما هوه
بيك كثرانه الجروح منين احصلك دوه
***
جنت افكر كل حياتي انظل سويه
ما كلت تبعد علي يا بو الحميه
بعدتك عني بعجل ليش المنيه
اتذكرك خويه الكمر وصفك بديه
مناطره وعيني على دربك
وكلبي مشتاك على كلبك
خويه ياسيف الخذاك وكلبي منك ما روه
بيك كثرانه الجروح منين احصلك دوه
****
الى خادم اهل البيت ع ابو هاجر المجراوييون لنشر القصائد
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
وعد يحسين ما انساك ما دام النفس بيه
صرت خادم البو السجاد وانا شتاك يوميه
الك بعيوني الف صوره
لخدمتك روحي منذوره
وعد ياحسين ما انساك ما دام النفس بيه
***
محبتك تنشره وتنباع وانا بروحي شاريها
الك دمعات من ادموم يا بوليمه اجريها
وروحي الحبتك يحسين غريبه لا تخليها
تهواك وعليك تموت يامولاي تدريها
ما ينسد جفنها العين
ساكن بالرمش يحسين
اذكرك الو شربت الماي يا مولاي يوميه
وعد ياحسين ما انساك ما دام النفس بيه
****
كل يوم اليمر عاشور وكل ساعه اذرف ادموعي
يوم العاشر بعاشور ظلمه ويطفن شموعي
ومن مبجه الرظيع الطاح اكثر حسرتي ولوعي
الخيل السحكتك مولاي كون يسحكن ظلوعي
انا وكل خدمنا انصيح
كون ويه الحسين انطيح
ونوصل لطفوف اسحوف نجيب الماي لرقيه
وعد ياحسين ما انساك ما دام النفس بيه
***
الك رايات اعلكهن ولطم من يهل عاشور
وذكرك يالمتت عطشان وتحملت الظلم ولجور
عاري وما لكيت اجفان ولعسكر عليك يدور
وايتامك مشت للشام بغربه وما لكن ناطور
حي على الطم ونوح
ومن جسمك اظمد جروح
اشهكك وي نسيم الهاب واحسك ساكن الريه
وعد ياحسين ما انساك ما دام النفس بيه
****
كل هذا العمر مولاي رحمه وعايش بجالك
ارسمنك على الحيطان صوره واوكف كبالك
وحلفنك كمت مولاي عليك بداعت اطفالك
خادم وانا الك ممنون حطني بدفتر انصارك
بالموت العمر ينعاد
هويه اسمك يابو السجاد
وبيوم القيامه هناك منكر ما يمر بيه
وعد ياحسين ما انساك ما دام النفس بيه
***
عكس باقي الخدم تنهان خادمكم نحب جدمه
مولاي العمر لو طال ما يحله اله بالخدمه
انطبر من يهل عاشور وليطبر تشد عزمه
وليكصد الك مشاي جدم الجنه من جدمه
فاز اليلطم على حسين
وبالعاشر تهل العين
فرق عن الخلك مولاي يثخن خادمك فيه
وعد ياحسين ما انساك ما دام النفس
صرت خادم لبو السجاد وانا شتاك يوميه
****
الى خادم اهل البيت ع ابو هاجر المجراوي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
ليلة وداع تخلص بساع وي اخوتي
حته لو طيف اذبحني يا سيف وي خوتي
شويه ياليل انتظر
تدري ياذيني الفجر
كلبي يتشاك حان الفراك وي خوتي
ليلة وداع تخلص بساع وي خوتي
___
شويه ياليل انتظرني هاي ساعات الوداع
ولفجر ما اريد اشوفه يبدي وياه الظياع
ولزمن حدالي سيفه وكام يختار الشجاع
باجر يموتون اخوتي وانا ما تبقالي كاع
وحدي روحن للنهر
والدرب عثره وخطر
باجر اشلون تعمي العيون وي خوتي
ليلة وداع تخلص بساع وي خوتي
___
هاي آخر فرصه اليه ويخلص وياها الدلال
استرني ياليل بظلاماك راح اظلن بس خيال
حيلي يخلص وي اخوتي ولفجر يبدي القتال
ظمني ياليل بعباتك لو كمر من عندي شال
باجر السيف الصبح
بكلبي يفتحلي جرح
شحت اجفان والذبح حان وي خوتي
ليلة وداع تخلص بساع وي خوتي
___
كربله شجاباني ليها وعايفه الكون الوسيع
باجر اعيوني تشاهد ينذبح حته الرظيع
حسين ما يبقاله ناصر لوحده مولاي الشفيع
جاسم وجعفر وخوته ولكمر طايح صريع
باجر بوقت الظهر
حافي وركظ عالجمر
ما تصح دار اتقل لنصار وي خوتي
ليلة وداع تخلص بساع وي خوتي
__
ليله كل اخواني يمي باجر بيا ديره ابات
تلتم اعليه الشماته ولحزن ولنايبات
ينذبح راعي الحميه ويمي تتباجه البنات
يشوفن شكال المصايب وعدلال معودات
تحترك كل الخيم
لو وكع راعي العلم
عيوني اتشوف تكصي السيوف وي خوتي
ليلة وداع تخلص بساع وي خوتي
__
باجر بديره غريبه ولخيم تحركها نار
وانا ما يبقالي ناصر وحدي احيرن بالصغار
يوكع حسين وعظيده ونه ما يفزعلي جار
ما اشوفن دربي وبجي يترس عيوني الغبار
وحدي ولمدمع يصب
حايره بوليت غرب
بديرت اجانب ما كو احباب وي خوتي
ليلت وداع تخلص بساع وي خوتي
____
ابو هاجر المجراوي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
ست اشهر بعمر الورد من الطفوله انجرح
يادنيه ليش بيا ذنب حته الرظيع انذبح
من الوجع ولاالم
يشابك ويه السهم
يادنيه ليش بيا ذنب حته الرظيع انذبح
__
وجع السهم ما ينحمل متغيره من وجهه رسوم
الفركه حانت يالولد ولا هيه ساعه ولا يوم
عبد الله مو وكت السفر كلبي على فكدك ملجوم
فركنه يا يمه الزمن وقسمتنه صارت لهموم
من حظني ذاب الورد
رايح بعد ما يرد
يايمه من يوم الرحت يجرحني طاري الفرح
يادنيه ليش بيا ذنب حته الرظيع انذبح
___
يا يمه من يوم المتت سهرانه وعيوني اتسيل
فكد الولد ما ينحمل ومن بعده ما ظل بي حيل
اتذكرك يالمبتعد ونعاك من يلفي اليل
يوميه اللولي اعله المهد يايمه إرتل ترتيل
دليني درب الهجر
ما بيه ابقه انظر
يالتارس عيون المهد شو خالي مهدك صبح
يادنيه ليش بيا ذنب حته الرظيع نذبح
___
امسه المسه وما رد الي يا يمه جا وين تبات
بردان لو فز الفجر تعذب وليدي النسمات
مهمومه وربي على الدرب ترجعي ونسه الوعات
شح الصبر من الكلب وأذني حيل الحسبات
وي روحي كولن يرد
وكثرن ليالي البعد
يمه الحزن داير علي وبابا على طولي نفتح
يادنيه ليش بيا ذنب حته الرظيع نذبح
___
يايمه راحت ظحكتك ورسمك بقه وسط العين
يناغيني لو هز المهد المثلك اجيبنه امنين
ياوليدي يالجنك ورد اشعنده وياك البين
حظني يتنطر جيتك عوف السفر رايح وين
بعدك خذاني الحزن
روحي على طولك تحن
وليدي الشهيد الما رجع البلجنه مثلك ربح
يادنيه ليش بيا ذنب حته الرظيع نذبح
__
تكبر كلت يمه الولد وللشيب يا يمه نخاك
ما دام رايح للكبر خليني اروحن وياك
تمنيت اموتن من وكت ولا بقه بالدار نعاك
دم يجرن عيوني شكثر لو مر عليهن طرواك
معقوله يمه اللحد
من عندي ظم الورد
لمن نزف منك دمه بجفوف ابوك نمسح
يادنيه ليش بيا ذنب حته الرظيع نذبح
_____
ابو هاجر
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
كل ساعه افز بليل واتذكر الغالي
عبد الله يمه اصار ليش المهد خالي
عوف الذبح والحرب
يايمه فكدك صعب
لظن اعوفك يوم رسمك سكن بالي
عبد الله يمه اصار ليش المهد خالي
***
تعلمت اهزّن بالمهد كل مغربيه
خالي الحظن بعد الولد وصفك بديه
ما يعرف فراكك صعب سهم المنيه
حنيت الك يالمبتعد هم حن عليه
يا يمه يوم الطحت
بيت وفرغ من رحت
ما صح الي بادنياي مثلك بشر غالي
عبدالله يمه اصار ليش المهد خالي
*****
امن الزصغر راح وبعد عالهم فطمته
يادهري ما يحمل هجر جاليش خذته
الساكن كبل وسط الكلب راح وفكته
عطشان مات وما رواه ولامن رظعته
نص السنه وما كمل
عمر الولد من رحل
لحظاني لو ما جيت تتغير حوالي
عبدالله يمه صار ليش المهد خالي
***
يايمه نمت بيا حظن وحظني نسيته
يا حرمله عندك كلب من صوبيته
عالماي من راح الولد ما ودعيته
يرجعلي راوي من الظمه وميت لكيته
يايمه سهم الغدر
من عندي طفه العمر
شيظل بعد بالدار اليتفنله غالي
عبدالله يمه صار ليش المهد خالي
***
مشبوحه عيني على الدرب ونظر بالكتار
فات الوكت وانا نتظر مكطوعه الخبار
بس المهد فارغ بقه من عنده تذكار
كل ما اصد ليه الكلب يتواكد بنار
سهام الغدر حنته
ما تنحمل فركته
رتدك تحلي البيت من توكف اكبالي
عبد لله يمه صار ليش المهد خالي
**
متعوده اللولي على الولد لو جلجل اليل
هسه انعه وحدي على المهد ولمدمع يسيل
راح وجفاني وما رجع وتهدم الحيل
امك بقت من الحزن ويه الهواه تميل
لو ما ترد يالولد
ما يبقه بعدك سند
كل ساعه اهمن بيك يذكّرني دلالي
عبدالله يمه صار ليش المهد خالي
****
الى خادم اهل البيت ع ابو هاجر المجراوي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
شدو رايات السواد وخلي نلطم من بعيد
الليله اول من محرم ينذبح بيه الشهيد
فاطمه وام البنين
يطلعن ثياب الحسين
تصيح حيه على العزاء ويبدي عاشور الجديد
الليله اول من محرم ينذبح بيه الشهيد
**
الليله رادود الحسين يجدد علينه المصيبه
ينعه زينب والرباب ويذكر الشبيه الخظيبه
يشرح اشكال الجروح مصيبه ما مرت عجيبه
نحر عبدالله الرظيع وذبحت حسين وحبيبه
صيحو ياشيعه حسين
احنه بيك مجننين
والله من عوف العزاء لو يرد ميت يزيد
الليله اول من محرم ينذبح بيه الشهيد
****
الليله كل بيت النبوه ذكرو حسين وبناته
فاطمه اطلع قميصه وزينب ترد ذكرياته
يم علي وحظرت محمد تكعد اسولف وفاته
طر المثلث جبته ومن وكع سلبو خواته
كل ارظن كربلاء
بيها منصوب العزاء
صفي نيتك ويا امامك حسين ينطيك شتريد
الليله اول من محرم ينذبح بيه الشهيد
****
حسين تاريخ ومخلد حسين عنوان الشهاده
نكول مات وبعده عايش الله بالفردوس راده
بدنيته ما راد منصب ولا مطالب بالقياده
حسين ما يحتاج قائد العسكر العباس قاده
صاحن سكينه ورقيه
عمنه يا راعي الحميه
كال أئمرن وانا حاظر ظحه بالجف والوريد
الليله اول من محرم ينذبح بيه الشهيد
**
ابجي وتذكر عطشها زينب الظلت وحيده
يعلاء شانك لو خدمته حسين ينطيك التريده
حلفه بسكينه ورقيه وحلفه بالكطعو وريده
ما يردك لو ندبته وتذكر الكافل عضيده
يا حسين نته الحياة
وما يصح مثلك نجاة
احنه راظين بخدمتك حته لو عندك عبيد
الليله اول من محرم ينذبح بيه الشهيد
***
يصيح شيلوها الجنازه وكمت اشاهد شيعوني
شلون لوخلصت حياتي ويم علي ميت خذوني
ولو هلي وامي واخوتي بالمكابر ودعوني
حسين اريدنك تجيني لوغفت عيني ونسوني
من البجي تعمه العيون
وانا اصيح وما يجون
حب االحسين بحياتي يمشي وي دم الوريد
الليله اول من محرم ينذبح بيه الشهيد
***
الى خادم اهل البيت ع
ابو هاجر المجراوي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
نزله العليله
بويه انتظرك تجيني إشأخرك
عودتني بنومتي اشتم منحرك
بويه ردو خلنه اكحل شوفي بيكم
والله كون اندل دربكم جان اجيكم
روحي مشتاگه النظركم والحجيكم
حتى لو بالحلم مروني ارتجيكم
هايگلبي احبابي كسرو خاطرك
روحي ياناس ابظعنهم حملوها
انه فاطمة العليله الفارگوها
كل مسيه وكل صباح تريد ابوها
لااخت يمهه التواسي ولااخوها
بويه يل عايفني وحدي انه اشكرك
يل عفتني طفله بالدار وعليله
ياهوغيرك من يمر ضيج اشتكيله
بويه وانه فراكك ابداً مالي حيله
بنيه لوفارگهه ابوها اتحس ذليله
حتى اشوفك حصره گمت اتحصرك
ليلي اونه اعليك وابچي بكل نهاري
بويه وينك لوگلتهه دمعي جاري
كون عايفلي رقيه أطفي ناري
والله من بعدك يبويه وحشه داري
ارد اكحل شوفي بويه ابمنظرك
محمود رحيل التميمي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
(قصيده الى شهر عاشور )
**
بظريحك روحي نسمه ادور
وصيحن من يهـــــل عاشور
حسيننّ واحسيناه حسيننّ واحسيناه
****
تهل دمعت حزن كل يوم ولجلك يبجن عيوني
بنهجكم ثابت ومعروف مخلص ديني تدروني
وبيوم الحشر يحسين احلفك لا تعوفوني
يمولاي ابسجل جدك اريدنكم تسجلوني
ما ريدن ملك لا ســـــور
وصيحن من يهل عاشور
حسيننّ واحسيناه حسيننّ واحسيناه
****
العدل ولميت يريدك شفيع انته يبو اليمه
ترتاح النفوس اهواي بگبرك لمن تشمه
اليخدمك ماعليه احساب وبيدك دفتره اتسلمه
وبالدنيه يظل مهيوب محد يگدر يهظمه
يفتر الوكــــت ويــــدور
وصيحن من يهل عاشور
حسينن وا حسيناه حسينن وا حسيناه
****
لساني اتعود بطاريك ومصابك دوم اذكرنه
مكروه الحزن مرات وحزنك ما امل منه
فرق بين البواجي اعليك كل ونه بالف ونه
انته اول شخص بالكون حته ادموعي يهونه
حار ودمعي دوم يـــفور
وصيحن من يهل عاشور
حسينن وا حسيناه حسينن وا حسيناه
****
الك صوره بوسط گلبي گلي شلون امل منها
وروحي معوده الملكاك تحبك من زغر سنها
تمشي ويه النبظ بالروح وتسئل لو غبت عنها
تذكرك كل مسه ومصباح ولجلك ما بطل ونها
اتخيل طايح ومـــنحور
وصيحن من يهل عاشور
حسينن وا حسيناه حسينن واحسيناه
****
شيال الحمل شفتك وغيرك ما يصح والي
لذلك ما گدرت انساك دومك ساكن ابالي
من دون البشر يحسين صرت عندي شكثر غالي
وسط روحي عشت مولاي واحسك انته دلالي
انه امن المهد مـــــنذور
وصيحن من يهل عاشور
حسينن وا حسيناه حسينن وا حسيناه
***
قميصك من تجي ايامك اتنشره امك على الصوبين
وتنادي فاطمه الزهراء وينه الينحب اعله احسين
ظل ابلا جفن مطروح تگول منين أجيب امنين
وصلت خام للــــغالي
المن دمه رواه الدين
ماذيه الحزن ولجــــور
وصيحن من يهل عاشور
حسينن وه حسيناه حسينن وا حسيناه
****
الى خادم الامام الحسين عليه السلام
ابو هاجر المجراوي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
نعي الى الفاكد عزيز
الله لايفجعكم ابعزيز
بنياتكم حلوه المحاجي
وجا العيد ويريدن تراجي
معيده الزلم لبست خواجي
ودياركم بيه البواجي
وحشه وخلت لمن مشيتو
تدرون لو ظنكم نسيتو
نيام ما كلتو وحجيتو
ترحون بس ما ودعيتو
يذكرونها ويروح صبري
وحشه النجف وتراب تذري
ابجي الفجر ويظيج صدري
حكك ياخوي عيب تدري
وحشه وعلي ظايج هواها
ورويحتي هجرك ولاها
عتبي على الحادي الخذاها
لو موت ومغرب وراها
بغيابكم شيصير بيه
بلظيم من تمسي المسيه
تمنيتها تمرني المنيه
وثنينه حدر الوطيه
ابو هاجر المجراوي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
وياك الطف اروحن لو رحت
وياك يابويه اموتن لو متت
تكتل يابويه لحسره ** الياحد اظل منتظره
وياك للطف روحن لو رحت
وياك يابويه اموتن لو متت
***
لو صعّدت كل الحرم صعدني اروحن وياك
ماريد اظل الوحدي وترجعلي بويه اترجاك
طفله ويأذيني الحزن ما بيه كل عمري انعاك
للطف اريدن والخيم ولومت اموتن وياك
بويه بدموع الزهره
ما ريد اعوف العشره
وناساك وانا على طاريك ذبت
وياك يابويه اموتن لو متت ****
تنساني لو ترجع علي تأذيني وحدي الحيطان
ما بيه اظل بغربتي ولا انا اعرف النسيان
وياك اخذني الكربله وخليني اشوف الميدان
وكعد وصب دمع الحزن وبراضه اودع الشبان
يابويه جيب الناكه
وصعدني الك مشتاكه
ناديت يابويه والله تعذبت
وياك يابويه اموتن لو متت
***
بدياري اظل لوحدي معقوله تجفي الخوان
ومايبقه واحد من هلي شيصبره كلبي اللهفان
يابويه يمي وما رحت وشوفي على طولك عطشان
يالعلمتني محبتك علمني درب النسيان
شيصبره كلبي الخلصان
من تجفي مني الخوان
للموت يابويه ريتك ما رحت
وياك يابويه اموتن لو متت
****
يطول السفر يالمبتعد لا هو يوم ويومين
يشح الصبر لو سافرت وتأذيني دمعات العين
يابويه اجلولي السفر جا وين اشوفنكم وين
وياك اروحن لو رحت لتكلي ظلي وبعدين
من تجفي وحسب الايام
كل يوم أعدنه بعام
بالدار يسمعني ياهو لو نحت
وياك يابويه اموتن لو متت
***
لوغوربت شمس العصر وعبدلله ما يبجي حذاي
وتخيله ماكو نحر وعطشان احسن للماي
وبس انا حرمه بلا هلي ومايحصل الوالي وياي
وما ادري رحتو اليا كتر ومنين اجيب الحداي
من يبجي احس بمجاه
ومن ينذبح موش حذاه
ما شوف يابويه بالطف لو طحت
وياك يابويه اموتن لو متت ***
الى خادم اهل البيت ع ابو هاجر المجراوي
ـــــــــــــــــــــــــــــــــــــــــــــــــــــــ
منقولة من قنوات منبريون على التليجرام
تعليقات
إرسال تعليق