اللهم صل على محمد وال محمد وعجل فرجهم
#قصائد_شهر_محرم_الحرام
السلام على الحسين ابن علي ورحمة الله وبركاته
جميع القصائد منقولة من قنوات مؤسسة منبريون على التليجرام
ـــــــــــــــــــــــــــــــــــــــــــــ
خل تسمع الناس يارفعت الراس
حسين وي عباس اخيه اتكابلو يم النهر
راسي ارفعنه من اكولن ذوله اخوتي بكل فخر
خويه سمحولي ارد اگلكم شي سريع
ومقتصر
زغير جان الطف يخوتي ومن حجيتو بيه كبر
حسين ويه عباس يارفعت الراس
الجيش من هسه اعله روحه كام يقره البسمله
حسين والعباس بالطف يعني قامت كربله
اثنينهم عل جيش غارو مرجله بصف مرجله يمشي عباس ابيمينه حسين شيخ القافله
غيره ويه نوماس يارفعت الراس
حسين وجهك ماي كوثر واليشوفك يرتوي
جودك ايرويله عسكر يابوفاضل يل گوي
فارت الغيره ابگصصكم والثلج ضل ينجوي
ثاركم ينوخذ فورأ واليضل ثار ابدوي
يابعد الانفاس يارفعت الراس
ماي كصتك يابو فاضل ماي صالح للشرب
انت اخوي وانت روحي وانت سباح الگلب
رايحه انه اوكف عله التل حتى اشوفك من تطب
كون اريد الحومه بيهم يابوفاضل تنكلب
جودك مينجاس يارفعت الراس
شجخو الرايه بظهرهم والعزم يدفع عزم
ولد المرجف گلبهم رجفو روس الزلم
الجيش كون ايصح بديهم لبسو اشيال وهدم
ياهو التكضه من اخوتي شهم ومخلف شهم
وينگط احساس يارفعت الراس
الشاعر محمود رحيل
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_شهر_محرم_الحرام
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
فدوه الجفك اوعينك
ياهيبت صواوينك
ياضل زينب الحوراء مبعد ليش مويمهه
يارعي الفضل والجود اختك حركو اخيمهه
ما المهه جرح اعداك بعدك بس يئلمهه
مهضومه اعله اخوهه حسين صاحت ياكمر وينك
زينب ياخو زينب ليش ماواحد يحاميهه
ضلت تلطم اوتنعه من بعدك يواليهه
حتى الماله داعي كام يضربهه ويسب بيهه
يحزام الضهر مذبوح بالطف بعدك حسينك
خلافك يا نفس روحي زينب وكعت ابحيره
راسك عل رمح مرفوع لينه الشامت ايديره
وختك بل خرابه اتنام معقوله يبو الغيره
كسرن ظهر اخوك حسين وكسرن ظهري جفينك
مثل الضل جنت عباس ماتقبل تفاركنه
خويه خلافك اشكم سوط كل صبح ومسه يطكنه
خويه وفركتك نيران موبس تجوي حركتنه
حيل اختك وكع ياخوي يوم الطاحت ايمينك
محمود رحيل
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_شهر_محرم_الحرام
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
مشتاكه يل نضرت اعيونك دفو
مشتاكه عايفني من هسه شكو
مشتاكه شوك اليتيمه الجيت ابو
.راح اسولف ذكرياته
جانت حسين امنياته
محد ايزعل خواته
من دنت لحضت وفاته
صاحني وصه ابناته
وصاني لاتلتهين ابدمعتج
وصاني ضلن بناتي ابذمتج
وصاني ياخويه زينب همتج
مشتاكه
كلي ياخويه وغلاتج
تستمر باجر حياتج
خلي بالج من خواتج
راح ا حلفج بمهاتج
رقية لفيهه ابعباتج
من باجر لوعنهه لحضه اتأخرت
من باجر اتموت إذا كالومتت
من باجر اتكلي بويه اتيتمت
مشتاكه
سولف احداث الوصيه
وكلي عن اجتاف اديه
وكلي شيصير ابرقيه
وكلي عن كل هاشميه
كتله شنهي هالرزيه
يازينب باجر اذا طاح العلم
يازينب ماتبقه الج خيمه وخيم
يازينب اتحملي لوبينه انشتم
مشتاكه
الوصيه ضكته مرهه
نادتك روحي ابجمرهه
من يوصلك خبرهه
اختك المحد يمرهه
سوطهم زورك ظهرهه
ياخويه ماجني بت بيت النبي
ياخويه سموني اخت الخارجي
ياخويه امشي وعلى جروحي انتجي
مشتاكه
من يجي الليل اواذكره
تخنك ابروحي انه عبره
كلبي لوون راح اعذره
فارك احسين اشيصبره
كون من عمري اعله عمره
عافاني ودلالي صاير جن جمر
عافاني انه ودمعتي والصبر
عافاني مايسوه من دونه العمر
مشتاكه
محمود رحيل
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_شهر_محرم_الحرام
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
سبي زينب
لاضربو امتوني اولايشتموني
لويمي عباس
والله زمن والزمن صار وياهم
يتمرجلون اعله الحرم خلاهم
بس للله نترجه احنه مانرجاهم
وداعت كفيلي المن صدك بجاهم
لاتحترك خيمه ولا اسكن ابهيمه
لويمي عباس
لويمي جامحد وصل لخيامي
او لاوكف وكفه الشمر كدامي
ولاجفي من كيد السناسل دامي
هيجي وضع مامر علي بحلامي
الوحدي شافوني فنهم يحاجوني. لويمي عباس
شخبارجدهم ما عرفتو اعلومه
من سيف ابونه سلمنه اهدومه
جاوين جانت هل لسن مضمومه
من جان ابو فاضل اسد بالحومه
من يوكف اكبالي ويشاهد اخيالي
لويمي عباس
كالو حرم ضلن منو يحاميهن
فرصتنه نشتم بيهن ونسبيهن
جلمات عندي الكم اريداحجيهن
واليهن الله المنجتل واليهن
كلكم تسمعوني مايبجن اعيوني
لويمي عباس
شتردون يشباه الزلم وشعدكم
جاوين جان السانه امس واحدكم
جنكم نسيتو لحضه خل نذكركم
مو جان ابو فاضل صكر صاكركم
بس غمضت عينه دار الوكت بينه
لو يمي عباس
محمود رحيل
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_شهر_محرم_الحرام
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
يانهر عيش ابقهر
والله ليرزقك مطر
صار مايك مايفيد
يل وگفت بصف يزيد
كون حاسبهه بعيد
تنطي عباس اشيريد
والله چا صيتك كبر
الله ليرزقك مطر
يانهر مايك سراب
غير صالح للشراب
مني هاك اخذ الجواب
مارويته وگلبه ذاب
ظامي ويحس ابخطر
الله ليرزقك مطر
تدري يانهر الفرات
انت لوعندك خوات
عطشن الحدالممات
ماتحب ضلت الحيات
حتى لوگلبك صخر
الله ليرزقك مطر
يفترض منك تروح
مجتف ابابه وتنوح
تگله اجيتك بيه روح
اروي يل وجهك صبوح
حتى اعيش انه ابفخر
آلله ليرزقك مطر
شاهد انت اعلى الطفوف
طشر ابسيفه الصفوف
ماشرب مايك تشوف
شاله ذبنه الجفوف
حتى من روحه اعتذر
الله ليرزقك مطر
محمود رحيل التميمي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_شهر_محرم_الحرام
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
هل محرم
ابمحبتة حسين صار الگلب ذايب
هل محرم وعتله صوت المواكب
الخاطر اجفوف الكفيل
انوزع الدمعه. سبيل
من كرم شيعت علي شافو عجايب
ابوفاضل
بالكرم مثله ابد لا مالكينه
من اجاله
السهم مارده لا ضيفه بعينه
سيف شافه
ضيف حل الحضرته وانطاه يمينه
من اهدهه
شنهو معنه الكرم منه اتعلمينه
عزب اچفوف الگمر
وعزب حسين بنحر
والعليل وعمته سكنو بالخرايب
شفت شايب
عمره بالتسعين زنجيله اعله ظهره
يجري دمعه
من يدگ زنجيله جن عشرين عمره
ماتكفي
دكت الزنجيل اخذ من راسه طبره
جاي احسن
لازم احرورة المقتل بيده جمره
صار عندي انه يقين
عايش براسه الحسين
ايشوفه موجود وتشوفه الناس غايب
هل محرم
وحنه كل لحضه بعمرنه عدنه عاشر
شرداكلك
لحضه وحده ما تركناها المنابر
بالمواكب
تلكه حتئ المات هم ابروحه حاضر
لوقرينه
بأسمك ايفزون حتى البل مگابر
للوكع فوك التراب
روحي اوزعهه ثواب
وبدمعتي راح اواسي ام المصايب
ماي رادو
كلهه ياعباس صاحت وينه وينه
صال بيهم
كام نار من الغضب تجدح يمينه
جرنهرهم
گوه خل الطين مخنوك بونينه
طك ظهرهم
الرادو ايمنعون ميهم عن سكينه
للخيم جاب النهر
شاله بجفوفه الكمر
والنهر صاح اعله ايدك انه تايب
محمود رحيل التميمي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_شهر_محرم_الحرام
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
دَمُكَ الجَاري *حِكمَةُ البَارِي * حُسِينا
أنتَ مَعناهُ * رُحتَ تَلقَاهُ * حُسِينا
__
أنتَ وَعيُ اللهِ حِينَ الوَعيُ جفّا
لَم نَكُنْ مَعنى إذا مَا كُنتَ طَفّا
لَم نكُنْ نَحيَا إذا ما كُنتَ نَزفا
صُرتَ للاحيَاءِ واللا حيَ حَرفا
آيةٌ كُبرى * لم تَزلْ دَهرا * حُسِينا
نُورُ مَن تاهَوا * أنتَ مَعناهُ * حُسِينا
___
دَمُكَ المَنثُورُ في الآفَاقِ حَيُ
ظِلُكَ المَمدُودُ جَنّاتٌ و فَيُ
أنتَ قُرآنٌ إلى النَّاسِ جَلِيُ
أنت للعَرشِ وللدُّنيَا عَلِيُ
نَهجُكَ الأنقَى * خَالِداً يَبقَى * حُسِينا
كيفَ نَنسَاهُ * أنتَ مَعناهُ * حُسِينا
___
يَومَ غابَ النُّورُ واشتّدَ الظَّلامُ
كَثُرَ اللافهمُ وانحَازُ الكَلامُ
لَم تكُنْ حَرباً بَلى أنتَ سَلامُ
مِن عَلى كِتْفِيكَ قد طَارَ الحَمامُ
للورَى مأوى * جَنةُ المأوَى * حُسِينا
رادكَ اللهُ * أنتَ مَعناهُ * حُسِينا
__
مِنْكَ (كلّا) في فَمِ الاحرارِ تَسرِي
لم تَزلْ مَولايَ رَفضَاً كُلَّ دَهرِ
نَحرُكُ المَقطُوعُ إيحَاءتُ نَذرِ
مَيّتٌ لكنْ نبيّاً كُنتَ تَجرِي
صُرتُ نِبراسا * تُنقِذُ النّاسا * حُسِينا
نِعَمٌ جَاهُ * أنتَ مَعناهُ * حُسِينا
__
غَيرُكَ الميّتُ أنتَ الآنَ صَوتُ
رُحتَ تَعلُو حِينما يَحكُمُ صَمتُ
سيّدي مِا بينَ جَنبَيّكَ وَقفتُ
أنا لولاكَ بِذاكَ الضُّعفِ عِشتُ
أنتَ مَنجاتِي * يَومَ شِداتِي * حُسِينا
مَا عَشقناهُ * أنتَ مَعناهُ * حُسِينا
_
صَدرُكَ المرضوضُ ضُوءُ البَشريّة
رَأسُكَ المَرفُوعُ في الرُّمحِ قَضيّة
مَركزُ العالَمِ صَارَ الغَاضريّة
صرتَ مُصباحَ الشُّعوبِ العَالميّة
ثَورةٌ تَمتَدْ * وَلَنا مَسنَد * حُسِينا
مَا رَسمناهُ * أنتَ مَعناهُ * حُسِينا
___
علي حبيب الشابي
محرم _
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_شهر_محرم_الحرام
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
خاف اجرحك من اكللك تعال
يابوفاضل كوم اذا بيهه مجال
طاح والشلال يتباها ابوكعته
والكمر لوغاب تستاحش نجمته
والااخو من يروح يكسر خاطر اخته
خيط امل جيتك اتبعه لوكطعته
طكو امتوني تره اشباه الرجال
يابوفاضل كوم اذا بيهه مجال
كان ياماكان نجمه بنص سماها
تنتظر جيت الكمر بس مااجاها
خويه موش الساني كلبي الي حجاها
العين ماتنفع لون يوكع ضواها
من عفتنه الماله صوت السانه طال
يابوفاضل كوم اذا بيهه مجال
كان ياماكان اسولف بربعينك
خويه من طكولي متني وصحنه وينك
ماشفت بعيوني جي مصيوبه عينك
خويه كلي بياكتر طاحت يمينك
وانه اجيبنهه واجيك ابلا سؤال
يابوفاضل كوم اذا بيهه مجال
جاياتك والدرب عثرت شماته
بأربعين الغالي يلتمن خواته
هذه اخونه وبالكلب ماكو بغلاته
حتى نرفع روسنه مضحي بحياته
ننعه مو تحضير يم كبره رتجال
يابوفاضل كوم اذا بيهه مجال
محمود رحيل
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
#قصائد_شهر_محرم_الحرام
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
منهاج محرم الحرام ١٤٤٤ هـ
ولائية
راحـة ضـمـيـري
كـلـهـــا بـهــواك....ومجـلـس عــزاك
راحـة ضـمـيـري
إزغَـيّـر چــبــيــر....شـايــب أصـيــر
تـبقـى انــت دوم....أول وأخـــيــــر
بأول عــزاء اتــذَكــر..خَـلـوّنـي يـم المـنـبــر..وآنـه بصـبـاي
وصاح إنمِنَع من جاري..وآنه صرخت للقاري..مـو هذا مـاي
خل نروي لو عبد اللـه..وحَسيت ابوي بغفله..يبچي بگفـاي
ومنها اعرفت بس انت..إنداس بحوافر حتى..نِشبَع فِـيـاي
وتـنـزف جـروحـك
مـن السـهـام....حــب وسـلام
تـنــزف جــروحـك
ورغم المـمـات....ســر الحـيـاة
بس يا حسين....أول وأخــيــر
ــــــــــــــــــــــــــــــــــ١ـــــــــــــــــــــــــــــــــــ
إكبَرت وصرتلّـك ملا..وكلما أخدمك يحلى..بـروحي الوقـار
ميهـمني موكب كـبره..لـيَّه الشـرف من أقـره..بتكـية زِغـار
شينفعني مجلس عامر..لوما أحس بالحافر..يسحگني صار
قَـرِيني بأزغـر مجلـس..بس نظره كون وألمس..بالإحتضـار
عَـذَبْـنـي هـاجـس
قـالـقـنـي دوم....تـرفضـنـي يـوم
عَـذَبـنـي هـاجـس
گـلبـك وسـيـع....وآنـه الأضــيــع
لــومـا رضــاك....أول وأخـــيــــر
ـــــــــــــــــــــــــــــــــــ٢ـــــــــــــــــــــــــــــــــــ
مـره الوكـت غَــرانـي..لغيرك عشگ ودانـي..شــويـه إلتـهـيـت
وبـمـرايه إبـاوع لَـنّـي..ما قِـبلَن ايشـوفَـنّـي..عـيـوني وبچـيت
كِرهَنّي حتى عيوني..ومني إشتكن لجفوني..وحيل استحيت
وجسمي نحل ما يقبل..غيرك عشـگ يتـقَـبَل..وأذبـل بـقـيـت
غـيـر انـت روحـي
وأطهـر حبـيـب....وأفضـل طبـيـب
غـيـر انـت روحـي
وانـت الجـمـال....وانـت الكـمـال
وبـيك الخـلــود....أول وأخــيــر
ـــــــــــــــــــــــــــــــــــ٣ـــــــــــــــــــــــــــــــــــ
بعيوني صح ما شفتك..بس بجـوارح عشتك..منك وإليك
وعـود آنـه هـم بالجـنه..وبشوفـتـك أتـهـنَـه..وأنظر عليـك
وعـود انـت تقـبـل بيـه..وتقـبل تِـسَلْم إعليـه..لَـمَن أجـيك
من الـله أطلـب تـرضـى..يا سيدي ولِوْ لحظه..ألـزم إديـك
وعشـره الأصـابـع
يـا رب أشـوف....ذيـچ الچـفـوف
عــشـره الأصـابـع
وتقبل حسيـن....من عنـدي عيـن
تـنـظــر ضــواك....أول وأخــيـــر
ـــــــــــــــــــــــــــــــــ٤ـــــــــــــــــــــــــــــــــــــ
كلمـا إجـيـت إقـرايـه..أو أمـشي بالمـشـايـه..اسـأل سـؤال
مني أحسن شگد وادم..وبيه انت تقبل خادم..يمكن مُحال
وكلـمـا أفَــكــر وأيـأَس..منـك عبـير اتـنـفـس..وأغرگ دَلال
واتگـلـي إي لا تـهـتم..للخدمه بس اتحَـزّم..ويبقى الوصال
وأفـرح وأجـيلـك
وألگـه الضـريـح.... أهـلاً يـصـيـح
وافـرح وأجـيلـك
وبــابــك ذِراع....يـرفــض وداع
كـلـمـن يـجـيـه....أول وأخـــيـــر
ـــــــــــــــــــــــــــــــــ٥ـــــــــــــــــــــــــــــــــــــ
أحمد البصراوي العبادي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
صاح جسام وِيـلَـكم يا آل آميه
صاح جسام أنني أهوه المنيـه
إن تنكروني فأنا القـاسم
أفعال سيفي لبني هاشم
*
آنه شبل المجتبى ..... وينكم يا ناصبه
اليوم اخلي السيف يتروه ابدماكم
همتي همت علي …… والبطوله اتلوگ إلي
وعلي ابلون اگلوبكم أصبغ سماكم
جيشكم سبعين ألف …… واني بلكر محترف
اله اذل سبعينكم وكسر لواكم
مني شردتكم زحف …… لأن مابيكم كلف
ترگضون وخيلكم تركض وراكم
هاي الگاع اله احرمهه عليـــــكم
هاي الگاع تشهد ابمشهد بچيكم
أني لكـــــم صاعقةٌ قادم
افعال سيفي لبني هاشم
**
من يبارزني صحت …… كل معسكركم سكت
سكته والطف ينسمع بي صوت البرُه
ماشفت مابيكم شهم …… لا ولاريحت زلم
واليواجهني ومحمد أنهي أمره
زلم عدكم بس عدد …… ابد مو مالت شدد
من اهف بالسيف اطيح عشره عشره
چني ابوي ابوگفتي …… مـا اثنــي ابضربتي
موابسيفي اليعتنيلي ابچفي اصطره
هذا اليوم كله مذكـــــور ابوصيـــتي
هذا اليوم موعـدي وعرسي ومنيتي
بهِ أنتصرنا نصــراً حاسم
افعال سيفي لبني هاشم
*
بيكم اطوي الطف طوي …… چفي ابد مايلوي
اني جندي امن الكتيبه الحيدريه
اهلي قواد الحرب …… اليوث ملگاهم صعب
اليوم اعيد افعالهم بالغاضريه
عفت عرسي وحنتي …… الحرب عيدي وفرحتي
فدوه كلشي ايروح لولاد الزچيه
لجل اميري وعترتي …… افدي دمي ورگبتي
سور اصيرن عالخيم من آل أميه
عمي حسين اغله من روحي وحياتي
عمي حسين كعبـــــتي وقبلة صلاتي
في حبِ سبط المصطفى هائم
افعــال سيـــــــفي لبني هاشـم
**
روس انكس وبتسم …… مثلت بالطف فلــم
بيه احصد روسكم حصد السنابل
صحف زينب نشرته …… وبالمخـــــيم بثــته
جندي باسل دوري بيه وروع مقاتل
ثوره اسوي وملحمه …… وصبــغ الگاع ابدمه
وبقه اصيح ابينكم هل من منازل
فاض بركان الزعل …… المــوت وياي ارتجل
هاشمي وراويتكم اصل المراجل
ظلمه اتصير نينــوى والموت ضــيفي
ظلمه اتصير من قتالي وزود ســيفي
في الحربِ صمصامي هو الحاكم
افعال سيـــــــــــفي لبني هــاشم
*
حسين قرئان انوصف …… واني بايعته بشرف
وقعتله ابدمي ما اتخله عنه
اهلي ضخروني أله …… والمواقف كربله
الموت من اجله سعاده وحبه جنه
ما أمل من خدمته …… ولا ارد عن نصرته
هوه مفتاح الجنان وهوه املنه
تجوه اصيرله وسند …… من يحل وكت الشدد
بيه وصوني وفلا اتبره منه
هاي الروح لجله اقدمهه هــديه
هاي الروح فدوه لسكينه ورقيه
لقطعِ اعناق العداءِ عازم
افعال سيفي لبني هاشم
****
الخادم
كامل السعيدي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
مولاي حسين مولاي حسين
جروحك مصدر إلهامي ... وللحب مرجع ومصدر
بلساني من ألفظ حروفك ... من ذنوبي اتطهر
إلاه الحب إذا يختار ... إختياره الأندر الأندر
لهذا أختارلك سبعين ... وين الأطهر الأطهر
يگولون الورد معشوگ ... لوله الماي ما خضّر
بس عشگك فريد بهاي ... من طاري العطش يكبر
أنه احتاجك هوى الريتي ... أعيش بدونه ما أگدر
اليهيم بعالمك شيشوف ... مهد إبنك علي الأزغر
سفينه ولمّت الحبّوك ... من ذاك الزمن وأكثر
بحر هالدنيا وأمواجه ... لا ما بيها غير الشر
أگماط وليدك إلهه أشراع ... سفينتنه يبو الأكبر
كل هذا وبعد حبّك ... عن أسراره ما أجهر
إذا أجهر شنو الّي يصير ... كل الكون يتغيّر
باطن حبّك المكتوم ... الكل أعجازه ما أظهر
يصدر الما يلمّه الكون ... العجيبه شلون يتكسر
يا مصدر عشگ ما صار ... مثله ومصدره المنحر
ألف وتسع ميت جروح ... وبعد وياهن اتصور
احسبت كل خطوه جرح وموت ... بيك الحالة الخدّر
مفتون الهوى بصوتك ... حين الفارگه اتكدّر
ادورك بين نار خيام ... مو بس عالثره وبالبر
صوت اخيامك ولليوم ... على سمع البشر ما مر
چن أخيامك التصرخ ... من اتحول رماد أنطر
لاچن حبّه ما حرگوه ... وعطره بكل أثر غزّر
موش اخيام عاديّات ... أنه المخلوقه قبل الذر
لأن ستري الله بية يعيش ... لهذا وصرت أتقدّر
وأنه المنصوبه بيد چفوف ... كافل ضعن المخدّر
اليهيم بعالمك يحسين ... يحرگه من العشگ مظهر
شلون ابّاطنك مولاي ... بس أهلك عليه تكدر
أبو أحمد الخيگاني
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
نزلة
شوط كربلائي للعباس س
.
.
.
لحـد عالــوفه ايـسولــف .. اذا مر طاري اسم عباس
من گد ماوفه اويه احسين .. يم الماي ما طخ راس
_____
بيـن المـاي والـشـاطي .. سوالف چانت اچبيره
المـاي ابكثر مامشـتاگ .. اجه ممشه وعبر ديره
تره العباس مو عطشان .. النهر عطشان للغيره
السوالف هاي معروفه
النهــر يتحلم ايشـوفه
ايريــد ايقـَبل اچفوفه
المثل يمـنة ابو فاضل .. ظروري بكل وكت تنباس
____
الشال حسين بـعــيونه .. تلــگاه شــايل ابراسه
اسكينه وزيــنب وجـربه .. ايعـيشن دوم بنفاسه
مثل احساسه ماموجود .. محد شايل احساسه
الدنــيه جـــابته وحالت
تــراهــا زيــنب الگــــالت
الكلافه ابساعده انشالت
والله والنــعم مـــنه .. راعي الفزعه ابو النوماس
__
السوالف عن ابو فاضل .. نحبها چيف مملوحه
اشلون ايصير مامملوح .. گلـي الـعزب ابروحه
اليعله ابجال ابـو اليمه .. ياهــو اليگدر ايلوحه
المنطي احسـين دلاله
بحر تتطلاطم افضاله
الـشدايد تزغـر اگـباله
الشدد من شافته انذلت .. تشهد كربله والناس
__
الـــوفه عـباس الــه قــبلـه .. مانســتغرب ابهـــايه
الرايه كون عــدها الــسان .. چا تحچــيلنه الــرايه
السانه امن العطش خشبه .. النهر بيده وترك مايه
مثــل عبــاس المـعدل
ابهاي الدنيه مايحصل
گبــل احسين مايــقبل
يشرب ماي ابو فاضل .. هالگد مابگلبه احساس
____
الـوفه ام البـنين امـه .. وعباس الـوفه نفسه
لخو لمن رخص روحه .. الدنيه گامت اتقدسه
المابي من ضوه العباس .. لاينظر على شمسه
الهب ريح اوفي لازم
ياخذ مـن بنـي هاشم
هذا الحچي المافاهم
يبقه ايوهوس ابروحه .. وعمره ايخلصه بالوهواس
__
من شحة زلم صارت .. ولمن ظل وحيد احسين
گــام وگــال للخــوه .. شنــو قيمتهــن الچفــين
عين الماتشوف احسين .. شلي بيها هاي العين
تراهي النخوه مو گوه
وهيچــي لازم الخــوه
الخـــوه رايده امــروه
ومايتسمه اخو ابدن .. ابراسه الما اكو نوماس
______
تمت والحمد لله
حيدر تركي الكربلائي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
ماجني بنت الجان مامش نضيرة
ظليت الم بيتام شيخ العشيرة
الطشرو مصحف علي ياخويه ظلام
سورة المصحف كافلي وياته الايتام
عيني ابسبينه مساهره وماتقبل اتنام
راس الكفيل اعلى الرمح ظل يمشي گدام
ذبحوني ريت ويا ذيج الظهيرة
ظليت ألم بيتام شيخ العشيرة
يمحمد ونجم الظهر ماشافه رجال
شفت النجوم بكربله ماجذب الگال
نجمه إعلى نجمه حنه ظهر شدونه بحبال
انشافن انجوم الظهر وتغيير الحال
طالت اچفوف الجيش چانت گصيرة
ظليت الم بيتام شيخ العشيرة
يمحمد اخوانك تره من فارگوني
نصره ردتلي بكربله يوم السبوني
ياخويه وشراف العرب ماناصروني
يا نظرت الشامت سهم بيه اذبحوني
واليسبي بختك جان ميت ضميرة
ظليت الم بيتام شيخ العشيرة
يمحمد اخوانك تره ظلو بلاروس
وخيل العِدى فوگ الظلع بل حافر دوس
وادم مناصب دورت غرتهه الافلوس
حتى الي تعرگ گصته والعنده ناموس
مافزع لمن شاف حال الاميرة
ظليت الم بيتام شيخ العشيرة
محمود رحيل
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
#الانصار
ثله مـن خير الرجال
عيدهم سوح القتال
اتحـزمو لجل النزال … أنصار الحسين
©©©©©©©©©
ونعــم مــن زودهـــــم
ياهوه يدنه احدودهم
اتحزمو لجل المنايه وما يخافون
زلزلو ميـــدانهم
والنصر عنوانهم
ابراية حسين بفخر گامو يهوسون
هـوه راية دينهم
قدموله اسنينهم
حسين غالي ولجله يرخص ماي العيون
ثوره صنعو بالدماء
وخلــدتهم كـــربلاء
همه عنــوان الوفاء ... أنصار الحسين
©©©©©©©©©
حسين هوه اختارهم
عنده كل اســــرارهم
احزام صاروله وتجيه وسيف وزنود
ابطفه رفعو راسه
وشـــيمو عبـــاسه
وكسـرو اقماد السيوف وهدو ابزود
ناصـرو محبوبهم
ما تلين اگلــوبهم
گلوب چن زبر الحديد وكلهم احيود
اصدورهم سور الخيام
هـدف صــــارن للسهام
جابو الزينب ســـــــلام ... أنصار الحسين
©©©©©©©©©
وهـب جون وعابس
اهواي عدهم واهس
اتحـــزمو بالغيــــره بالطف ويگولون
احنه نبــــدي الغاره
حسين كلنه انصاره
انمــــوت دونه وما نخليــهم يگربون
وهد حبيب الهيبه
رغم ســنه وشيبه
لجل زينب ضحه روحه وگالها اتهون
خضب اللحيه ابدماء
اويقسم ابرب السماء
مضــو كلهم ســـعداء… أنصار الحسين
©©©©©©©©©©
يا صــفات اگلوبهم
وفو حق محبوبهم
والله لو هيج الوفه لوينگطع دوم
الطف عليهم شاهد
مضو واحـد واحـد
ناذرين ارواحــهم لحسين هاليوم
عاگـدين الرايـه
البالشدد وفـايه
وگفو الوگفه التشرف ردو الگوم
ناصرو روح البتول
نطو شــبان وكهول
بيهم اتباها الرسول… أنصار الحسين
©©©©©©©©
ذوله اهل الشاره
اســيوفهم بتاره
أشــــــدا وبالحـــرايب كلهم اثگال
حسين حظرو يومه
ابســـــاعة الملزومه
وثلث تنعام وگفـو وگفـت اجــبال
من دماء انحورهم
خضــبو عاشورهم
شرفو طف كربلاء ابدمهم السال
واللـــه منهم ونعم
غيره وصرار وعزم
نكسو روس الزلم… أنصار الحسين
©©©©©©©
الخادم
✍كامل السعيدي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
فاطمه العليله
وين الله ويلم شمل الحبايب
ويرد كل محب عن عيني غايب
والسلامه عني راحت
تمشي وي ضعن السلام
صفگت ايدي من جفوني
صفگت اجناح الحمام
كلهه تدري بل يفارگ
عينه تسهر ما تنام
وانه گلبي اشگد يحبهم
عدّه مرحلت الهيام
لوردو علي ماراح اعاتب
وين الله ويلم شمل الحبايب
هايروحي وني نوحي
ضوگي طعم الظل غريب
انه ونتي ماكو يمنه
لاحبيبه ولا حبيب
ماخذوني ليش اگلچ
مالي بل سفره نصيب
وشيطيب علتي هسه
سافر ابظعنه الطبيب
عافاني ومشه ودلالي ذايب
وين الله ويلم شمل الحبايب
همه شوفي وانه خوفي
اعمه لوطال السفر
حكمه بيهه ماخذوني
حتى لاعيش ابخطر
روحي عطشت ماتجوني
يل شوفتكم نهر
من بعدكم يل حبايب
خاطري وضهري نكسر
طفله ومن سفركم راسي شايب
وين الله ويلم شمل الحبايب
كل مسيه تريد ابوها
هذه طبع البت تره
لوتأخر عنهه گالت
مااجاني اشأخره
بويه وينك من عفتني
بروحي سكنت مگبره
من چفاني گمت اعاني
چني عشت إلآخره
يل ماخذ هلي وكل الگرايب
وين الله ويلم شمل الحبايب
كون يمي مخلي اخيتي
رقية وتسليني
من اذكرك بويه وبجي
هيه تمسح عيني
هاي اخيتي شوفه منهه
صدگ اداوييني
كبرتني من خذتهه
وانه حفنه سنيني
مصيبت فركتك صارت مصايب
وين الله ويلم شمل الحبايب
محمود رحيل التميمي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
شور انصار الحسين
ياحسين ياحسين
انت نسمة هوه بريه وتختنگ لوماكو نسمه
سيدي الدنيه بدونك ما اضن بيهه النه قسمه
واليعوفك من يموت ايموت تاريخه ويه اسمه
ظل زهير يحاچي جون
عن تفاصيل الجنون
عابس ايصيح ايخسون
يم خيمكم مايجون
سيدي بشيبت حبيب
بنصرتك ناخذ نصيب
ياحسين
لونعيش احنه بكرامه لونموت احنه بشهامه
حتى باچر من علي مانستحي بيوم القيامه
انگله دون حسين متنه خاطر يعيش بسلامه
اذا من عندك نريد
خل نحز الهم وريد
نرسل ابساعي البرد
يخسه من ناصر يزيد
نزلو انصار الحسين
للقتال امحزمين
ياحسين
نار الاطفوف اعتبرها ياحسين اتصير برداً
لويذبحونه وعدنه مانعوفك هذا عهداً
من الانصار اعله كلمن حاربك مولانه رداً
ذوله ماعدهم عقول
يبنَ حيدر والبتول
سيدي سبط الرسول
خل نردهم وشتكول
تعنو انصارك وجو
منك انت استئذنو
ياحسين
شگد نريد انعيش عشنه وهاي دنيانه گصيره
هيه مشوار الحياة وكلمن يحدد مصيره
اعمى موعين اليعوفك اعمى بس اعمى البصيره
اعمى موش اله اعمى عين
اعمى كل ماعنده دين
واليحارب بالحسين
ميت ابروحه اليقين
سيدي وماهمنه جيش
صحنه بعدك مانعيش
ياحسين
محمود رحيل
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
سلام للذبيح بلا ذنب
اول جرح بالطف گطع چفينك
يبطيحتك كاسر ظهر لحسينك
تمنيت اطلعه انه السهم من عينك
صاحت سكينه من الخيم عم وينك
يعمي مرني يل وجهك عذب
المهدي انه وكلهه خل تسمعني
ثاني جرح ليهسه ضل يوجعني
من حرمله بنحر الطفل يفجعني
يوميه فكري الكربله يرجعني
جراحي كثرت وماتنحسب
ثالث جرح بعيوني طلع شيبه
ضليت اون ياشيعه كل هل غيبه
ومصيبه هذي ماكو منهه مصيبه
من ينگطع راس الحسين الهيبه
ينوحي عل جسد ضل منسلب
رابع اجروحي بكربله المحبوبه
من چان ابوها مدلله ومهيوبه
من عدهه ترجيه صبحت مسلوبه
والشرم اذنچ موجليله اذنوبه
ضليمه بل ضماير تنكتب
امه الجروح الباقيه بنص روح
بكثر الرمال البل صحاري جروحي
ريحة الجنه منل مناحر فوحي
موواحد بطف كربله مذبوحي
سلام للذبيح المن سلب
محمود رحيل
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
شور
يعباس ناده الشمر
يعباس قف نعتذر
حيدر الاب والأم بدويه
من يأشر يطيح ميه
شايل اللواء ويگل لحسينه
خل يكثرون هذوله شويه
ذوله ابد موگدي شويه وانه هوايه
راح اهد بل رايه
لمن يلاكوني يشوفوني
شلون اسوي سوايه
اليضل يضل رگبته مگطوعه
اليضل يضل امه بيه مفجوعه
اليضل يضل ماتنفعه ادموعه
يعباس قف نعتذر
طگ الاول يطيح العاشر
استر الجيش يصيح وساتر
چنه بركان نزل للحومه
والشرد ينعد شجاع وشاطر
ماكو كلمن يومه القضه المستعجل
بينه بالطف ينزل
عجزو الرجعونه اينادونه
والمدامع تهمل
نهر نهر اخذه كله بجودك
نهر نهر يل كفيل ابزودك
نهر نهر ماخلفت اعهودك
يعباس قف نعتذر
ترجه الحسين ابن مرجانه
خلي عباس يرد بخوانه
نهر ننطيك فصل لسكينه
چنه نار ومن يهد چوانه
حسين رجع الكافل گطعاها انفاسنه
دوس بالطف داسنه
ماسمع من عدنه واحدنه سيفه حده براسه
يرد يرد ماحسبنه احسابنه
يرد يرد اله بيده ارگابنه
يرد يرد وحنه ليه اشجابنه
يعباس قف نعتذر
فدوه يحسين تَرَجع اخوانك.
ندري مرفوض طلب عدوانك
بينه شيصير غدا بالعاشر
من يشوفوك تكف اردانك
وشيخلص باچر لونزل بركانهه تشتعل نيرانهه
وخوته ايطبونهه يشعلونهه نعثر ابدخانهه
غضب غضب باچر يحل بينه
غضب غضب نعتذر خلينه
غضب غضب ينزل ايبچينه
يعباس قف نعتذر
الخيمة صارت علينه بعيده
صيحو زينب ضميه تريده
بلكي يرجع سبانه اسبايه
ياخذ ارواح زلم چف ايده
طشراها القاده يادخيلك صحنه سامحنه
بدرب دلينه وخلينه فدوه للذبحنه
بعد بعد مانرد ونقاتل
بعد بعد احنه گدك قابل
بعد بعد صحنه يابوفاضل
يعباس قف نعتذر
الشاعر محمود رحيل
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
محرم . بشوك كلنه ننتظر ..
محرم . هالشهر يسوه العمر ..
.............................
شابحه عيوني المحرم تنتظر أيامه ..
للطم حضرت صدري وقامتي للهامه ..
عهد كل خادم حسيني باصم بأبهامه ..
ابد ميعوف المجالس لو يشوف أعدامه ..
محرم . جمره بيه وتستعر ..
محرم . هالشهر يسوه العمر .
.................................
روحي مشتاكه المحرم لو يهل هلاله ..
أنتقل للغاضريه بلوعه أعيش الحاله ..
حسين عالغبره رميه وتبجي كل أطفاله ..
وزينب على التل تشوفه دموعهه هماله ..
محرم . لوعه بيه من الزغر ..
محرم . هالشهر يسوه العمر ..
..................................
شهر بيه حسين دامي وجثته ممدوده ..
وابو فاضل عالشريعه مكطعات أزنوده ..
والرضيع المات ضامي وجبدته ممروده ..
أكبالي كل هاي المشاهد حاضره وموجوده ..
محرم . والمشاهد تستمر ..
محرم . هالشهر يسوه العمر ..
...................................
بالخدامه نعيش أحنه وننتظر ساعاتهه ..
تعيش بحساسي الطفوف وعايش بلوعاتهه ..
غوركت عيني بحزنهه وتهمل بدمعاتهه ..
بيوم عاشر من محرم من طفت شمعاتهه ..
محرم . وروحي ناذرهه نذر ..
محرم . هالشهر يسوه العمر ..
..................................
دوم شهرك يامحرم عايش بأحساسي ..
والهوه المو كربلائي ماتشمه أنفاسي ..
من أدك زنجيل والطم لو أطّبر راسي ..
يعني لآخر نفس أبقه حيدري و عباسي ..
محرم . من المهد حد الكبر ..
محرم . هالشهر يسوه العمر ..
.......................................
من يهل شهرك محرم دمعي يبقه يلالي ..
مسودن بحب الحسين ودوم ساكن بالي ..
آه يحسين ومصابه يبقه صوتي العالي ..
حسين يا روحي وحياتي وأغله من كل غالي ..
محرم . أشتري و روحي السعر ..
محرم . هالشهر يسوه العمر ..
......................................
حسين عشكي من الولاده وما أحبن ثاني ..
ما يفارك بالي لحظه وساكن بوجداني ..
مفضّل عليه بخدمته ودوم رافع شاني ..
وكربله تبقه هويتي وقبلتي وعنواني ..
محرم . وبهويتي أفتخر ..
محرم . هالشهر يسوه العمر ..
.....................................
ولوخلص شهرك محرم أخدم المشايه ..
ومشي أكصد كربلاء وبيدي رافع رايه ..
ياكبر حظ الخدامه وأخذ مني حجايه ..
خط الحسين وخدمته بيه رصيد هوايه..
محرم . والخدامه تظل ذخر ..
محرم . هالشهر يسوه العمر ..
....................................
حيدر مطر العبادي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
مولاتي العقيله ع
مشونة...
وضهر الهزل مو لختك ايلوگ!!!
وحادي الضعينة اتوسط السوگ!!!
والتمت الشمات عالنوگ!!!!مشونه
**
امن ابعيد اصد يابا الفضل.....بلا راينه اولا رايه
الجمال صاح اتگربو..........حاجات عدنة هواية
يالشام ياهو اليشتري.......شمعة عرس ومراية
من ياخذ احلام الحسن....وايبچي رملة بهاية
**
بچوني!!!
وكدامي باعو سبحة الطين!!!
الذكرة الوحيدة امن ام الحسين!!!
أوين التفكدة العين مبيوگ!!!
*
ماسولفتلك من شفت.......دمع الرباب ايلالي
واحد تعامل عالمهد.... من يمهة صاحت غالي
گلولة شيال الرمح....بي حوبة حضني الخالي
ذبحو دللول الولد...............مدري انذبح دلالي
*
حاجوني!!!!
شجاب الرمح للروس الازغار!!!
عبد الله وينه اوين الاحجار!!!
راح امن ادية اليسوة الطلوك!!!
*
ماندري دولاب الوكت...........لا وين يفتر بينه
اخلاف الترفرف عالخدر.........دخانة التغطينه
السلاب من كض رايتك.....دارلنه طارف عينة
وكلما اينزل بالسعر.......تنزل دموع اسكينة
**
دولابي!!
غربة وسبي ومجتوفة اذراع!!!
وكل ذكرباتي الحلوة تنباع!!!
جفك وكع وانفكت حلوگ!!!
*
الجمال يندل الجرح..........يعرف غلاتك عندي
علگ الجود اعلى الرمح..... جودك لهسة ايندي
يمد ايدة يترسهة ويرد.........يم الضعينه ايبدي
وكلساع افرفرح لك عتب..اوصل وصاحو ردي
**
هاخوية!!!
اسياط الدرب من راسك وجاي!!!
وبنضرة عيونك حچي هواي!!!
لا تحچي نحرك خوية مخنوگ!!!
**
كل ذكرياتي اطشرن...........راحن شوية شوية
تكثر دراهمهم وانه...........ايكثرن اجروح البية
وآخر البيش امن انحجت....لجمت إذن مسبية
من شالو المحبس لگو............بي چلبت ترچية
**
معقولة!!!
حتى التراچي يشوفن احلام!!!
بودهة اعلى راس المحبس اتنام!!
وتشكيلة عن لچمات الاحروگ!!!!
علي عبود العبودي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
دينكم مهجـــــــــــــــور والباطل كثر
گـــــوم وإصلـــــــــح حالنه يالمنتظر
***
الدنيه نفس الدنيه مــــــا بيها أختلاف
ليلها ونهارهـــــــــــا نفس الأوصاف
لختلف بس البشر عـــــاف الأعراف
گام يبحث عـــــــــــــن حداثات الفِكَرْ
*
ريت يبحث عــــــــن حداثاته بأصول
ويعرف ليا جهه يتبــــــــــع هالجهول
مو يطيــــــــــــع الملحد بكلشي يگول
هـــــــــــــذا واقع حالهم بعض البشر
***
ناسنه مـــــــــــــــالت النهج الكافرين
وتسخر بأقوالها مــــــــــــن المؤمنين
أتشيّع بنهج الكفـــــــــــر والمبغضين
مـــــــــــــا درت بأفعالها أتطيع الكُفَرْ
***
مـــــــــــا يهمهم علـم لا أهـــــل العلم
ولا مبادئ وگّـــــــــــــفــتـــهـم لا قيم
مــــــــــــــا بقه عدهم ضمير ولا ذمم
أنباعـــــــــــــــــت بدينار ومبيّن الأثر
***
تبعَوْ الأهــــــــــل البدع وأهل الضلال
وصار عدهم كـــــــــــل المحرّم حلال
الكل رذيله صار موعــــــــــد وأحتفال
تأسسه هالنــــــــــــــاس ليلفها الخطر
***
باللبس صــارت أتـــــقـــلّـــــد الأجنبي
وبعض منهــــــــــم لبس لبس الناصبي
وعاده منهج والسيـــــــــــــــر آل النبي
ودينكم مـــــــــــــــولاي متروك أنهجر
***
جروحنه مـــــــــــا إلها طب ولا طبيب
وأبد مـــــــــــــا تشفه ولا تصح وتطيب
إلاّ تظهـــــــــــر ترجــــع إلنه يالحبيب
وتنهي الغياب وغربتــــــــــــك والسفر
****
بيك ننـــــــــــــــدب يبو صالح نستجير
تنهض أتعــــــــــــدّل الصاير والمصير
أنگولها ترس اللسان مـــــــــــن الأخير
فقط أنت تنهي كــــــــــــل هاي الصور
*
گـوم ردلنـــــــــــــــــــه يبو صالح تعال
وأنهي كل هـــــــــاي النماذج والأشكال
وسر گلبنه بالعــــــــــــــــدل والأعتدال
سنين بغيابـــــــــــــــــك گضن هم وقهر
****
نندعي ترجـــــــــــــــع يسلطان الزمان
ويملي عدلك للوسيـعـــــــــه أبكل مكان
وناســـــــها أتحـــس بحنانــــك والأمان
وخيرك أتشوفـــــــــــــــه ملاها وأنتشر
الشاعر
قاسم حتروش البلداوي
خادمكم
أسألكم الدعاء 🤲🤲🤲🤲🤲🤲
غير مبري الذمه كل من يقرأها بطور الغناء
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
لا يانار لا يانار
ثالث بيت محروگ العلي الكرار
شعندچ ثار لا يانار
___
عمر النار لو طول ترى ساعات
بس انتي الذي ماتنطفي هيهات
لا يانار من الباب
رحتي الخيمة العطشان
الچانت دارهن خيمات
وجبرتیهن على الطلعه
ولهيبچ چان يتبعهن
يالمركضه الي عطشانات
بظهر الحار
بگلب زينب دخل چم خوف
رهبتچ بيهه من چانت
بعمر أزغار لا يانار
___
بعدچ ماطفيتي بمهجت أم حسين
تطيعين الي ماينطاع شتريدين
ماتدرين لاتدرين
يالبچيتي وأشچم عين
لايوم وسنه وسنتين
حركتي اشچم گلب مجروح
ومجروحچ بعد ما طاب
ولو مرت عليه سنين
أذكرچ وين
وچان الحطب ليچ أخيام
ماي الدنيا ما يطفيچ
ودمع مدرار لا يانار
___
اجيتي الدار صادقهم ينار الشوم
كام بجدمه يطفيچ وذكر يايوم
أصعب يوم أصعب يوم
وينادي أبن الخليل انه
وسمع صرخات نسوانه
كعد والحيل بي ميت
ينار الكربله خذتيه
ولو ما مرهه نسيانه
هواي الصار
عطر خيام يشتم بيچ
وعطر باب امه ويناديچ
لايانار لايانار
ثالث بيت محروگ العلي الكرار
شعندچ ثار لايانار
أبو أحمد الخيگاني
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
محرم . بشوك كلنه ننتظر ..
محرم . هالشهر يسوه العمر ..
.............................
شابحه عيوني المحرم تنتظر أيامه ..
للطم حضرت صدري وقامتي للهامه ..
عهد كل خادم حسيني باصم بأبهامه ..
ابد ميعوف المجالس لو يشوف أعدامه ..
محرم . جمره بيه وتستعر ..
محرم . هالشهر يسوه العمر .
.................................
روحي مشتاكه المحرم لو يهل هلاله ..
أنتقل للغاضريه بلوعه أعيش الحاله ..
حسين عالغبره رميه وتبجي كل أطفاله ..
وزينب على التل تشوفه دموعهه هماله ..
محرم . لوعه بيه من الزغر ..
محرم . هالشهر يسوه العمر ..
..................................
شهر بيه حسين دامي وجثته ممدوده ..
وابو فاضل عالشريعه مكطعات أزنوده ..
والرضيع المات ضامي وجبدته ممروده ..
أكبالي كل هاي المشاهد حاضره وموجوده ..
محرم . والمشاهد تستمر ..
محرم . هالشهر يسوه العمر ..
...................................
بالخدامه نعيش أحنه وننتظر ساعاتهه ..
تعيش بحساسي الطفوف وعايش بلوعاتهه ..
غوركت عيني بحزنهه وتهمل بدمعاتهه ..
بيوم عاشر من محرم من طفت شمعاتهه ..
محرم . وروحي ناذرهه نذر ..
محرم . هالشهر يسوه العمر ..
..................................
دوم شهرك يامحرم عايش بأحساسي ..
والهوه المو كربلائي ماتشمه أنفاسي ..
من أدك زنجيل والطم لو أطّبر راسي ..
يعني لآخر نفس أبقه حيدري و عباسي ..
محرم . من المهد حد الكبر ..
محرم . هالشهر يسوه العمر ..
.......................................
من يهل شهرك محرم دمعي يبقه يلالي ..
مسودن بحب الحسين ودوم ساكن بالي ..
آه يحسين ومصابه يبقه صوتي العالي ..
حسين يا روحي وحياتي وأغله من كل غالي ..
محرم . أشتري و روحي السعر ..
محرم . هالشهر يسوه العمر ..
......................................
حسين عشكي من الولاده وما أحبن ثاني ..
ما يفارك بالي لحظه وساكن بوجداني ..
مفضّل عليه بخدمته ودوم رافع شاني ..
وكربله تبقه هويتي وقبلتي وعنواني ..
محرم . وبهويتي أفتخر ..
محرم . هالشهر يسوه العمر ..
.....................................
ولوخلص شهرك محرم أخدم المشايه ..
ومشي أكصد كربلاء وبيدي رافع رايه ..
ياكبر حظ الخدامه وأخذ مني حجايه ..
خط الحسين وخدمته بيه رصيد هوايه..
محرم . والخدامه تظل ذخر ..
محرم . هالشهر يسوه العمر ..
....................................
حيدر مطر العبادي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
شور
ياام البنين يا ام البنين
ماكو مثلج يل وگفتج بينت عل مشرعه
يل وفيتي قدميتي للطف اقمار اربعه
انه اگلچ ادري گلبچ المن ايون ونعه
حسين سالم اليهمچ ماتهمچ فاجعه
يا ام البسمله
موقف يامجمله
قدمتي الاربعه خل تشهد كربله
اي والله معدله
حليتي المسئله
وصيتي الاربعه يحمون القافله
يا ام البنين ياام البنين
حشميتي قدميتي للذبح تعب العمر
گلتي فوتو يمه موتو كلكم الزينب نذر
عالي صيتچ يل وصيتچ چانت الزينب نصر
اليشوفه لايعوفه خل يطم عار الشمر
ياأم التضحيه
يانعم التربيه
يعجز وصف الشعر محدوده القافيه
محميه حاميه
مرضيه راضيه
زينب يمّ الولد بيهم متكفيه
ياام البنين يا ام البنين
گلتي يُمه الدنيه ظلمه صيرو الزينب ضوه
جنه ابوكم نحر اخوكم يُمه صيروله الهوه
اليجرحه صيرو انتم مرهم الجرحه ودوه
حسين ياثمرة محمد واليعادونك نوه
من عندچ والنعم
يمربيه اربع زلم
صوتچ فزعت عرب ينطي اولادچ عزم
ولدچ شدة حزم
والضدهم ينهزم
يسحب جيشه ويرد عنهم لويفتهم
ياام البنين يا ام البنين
ولدي ولدي يله يله صحتي روحو للحرب
تضمه ختكم من كصصكم يطلع الماي الشرب
جيبو كلشي الهه التريده يمه سهلو الهه الصعب
صيرو تجوه الهه وسندهه خاف تتعب بل درب
ردو يمه ابنصر
هذا من الامر
لوخلصتو الصبر زينب يمكم صبر
وانه راح ا انتظر
بيكم يمه افتخر
باچر يم فاطمه موقف عندي يسر
يا ام البنين
محمود رحيل التميمي
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
ابوذيات للسيده زينب عليها السلام الشاعر موسى البديري
گالـــــوا للسبــي هـــاليـــوم جـدمـاي
وبـــلا كــافـــل حسافــه ســار جدمـاي
درت صوب المدينه وصحت جد ماي
تغسل حسينك الظل عالوطيه
*
مشينـــه اجســــاد عفنــاهــــا لهنــه
وفــــلا أدروب السبي عنكــم لهنــه
الحــــرم تـــدري يبو الحملــه لهنــه
شباب اعلي الارض ضلوا رميه
*
يـــلايم لا تگــــل الگـــلــــــب كف اه
وكفيلي أعلى النهــر مگطــوع كفـــاه
سهــم عينه حسافـــه الشــوف كفـــاه
شلون يشوف ضعن اخته سبيه
*
دواهي الطـــف مثلهـــا بعــد شدها
اوسيع الراي منـــه الــــراي شدها
چفوفي الشمــــر يا عبـــاس شدها
بحبل مچتوفه يا خويه لرقيه
*
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
مجموعة أبوذيات لواقعة الطف
۩ • • • • • ۩ • • • • • ۩
ابوذيه الى العليله بنت الحسين عليهما السلام
مثـــل ونّـي فصيــل النــوگ مــا ون
صحت ونّــي يحادي الضعن مــا ون
بعد يــا هــو يالنــاشــد وين ما ويـن
عگـــب عين الابو مــن أبعــد عليـــه
۩ • • • • • ۩ • • • • • ۩
ابوذيات الى السيده زينب عليها السلام
غيـــر آيــــات ربنـــه ما تله حسين
شوصف حالي بالطف ما تله حسين
يجـي الشــامت يگـلي مات الحسين
مثــل نبلــة دليله أتصـــير بيــه
١_ما قرأ غير الايات
٢_ما بعد الحسين
٣_مات
۩ • • • • • ۩ • • • • • ۩
يخويه الحـــادي بعـــدك مــا تلــطف
يـــدري إعــــزاز ظلــوا موته للطف
مصايـب شفــت خــويه ما تله الطف
سبي وأنــوب أطــب ديوان أميه
١_لم يكن لطيف كان قاسيا
٢_موتى في الطف
٣_ما بعد الطف
۩ • • • • • ۩ • • • • • ۩
ابوذيه لهلال شهر محرم الحرام
عــذب مايــه شحلاتــه منهــل حسين
ونذرت الـــروح خدمه منها لحـســين
إهــــلالـك يــا محــــرم من هل حسين
أنذبــح بالطــف أسف شبل الــزچيه
۩ • • • • • ۩ • • • • • ۩
الشاعر
موسى البديري
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
أبيات ابوذيه الى أنصار الحسين عليه السلام
بخيـــام حسيــن ذاك اللـيـــل ون صار
وفــزعوا للحسـين أصحــاب وأنصــار
على الموت احنه نبقه وياك ونصــر
لحد مـــا ننذبح بسيــوف أميــــه
*
الدنيا إخــلاف عينــك حيل مـــره
ولا بعــدك يمرنــه الفــرح مـــره
لوّن أنمــوت دونــك ألــف مــره
منعوفــك ابـــد بالغـــاضريــــه
*
الشاعر
موسى البديري
ـــــــــــــــــــــــــــــــــــــــــــــــــــــــ
اللهم صل على محمد وال محمد وعجل فرجهم
ـ
السلام على الحسين ابن علي ورحمة الله وبركاته
ـــــــــــــــــــــــــــــــــــــــــــــ
ابوذيات لمصاب سيد الشهداء
غيـــر آيــــات ربنـــه ما تله حسين
شوصف حالي بالطف ما تله حسين
يجـي الشــامت يگـلي مات الحسين
مثــل نبلــة دليله أتصـــير بيــه
۩ • • • • • ۩ • • • • • ۩
يخويه الحـــادي بعـــدك مــا تلــطف
يـــدري إعــــزاز ظلــوا موته للطف
مصايـب شفــت خــويه ما تله الطف
سبي وأنــوب أطــب ديوان أميه
۩ • • • • • ۩ • • • • • ۩
الشاعر
موسى البديري
ـــــــــــــــــــــــــــــــــــــــــــــــــــــــ
تعليقات
إرسال تعليق