قصيدة وي الهوى اعتاب اشكثر وديتلك مكتوبة كتابة
عباس اجاني الليل واشتاكيتلك
عباس اجاني الليل واشتاكيتلك
............
وتذكرت كعداتنه وحنيتلك
............
يل امس يمي شلون اعيشن باجر
ليل اهدعش ضلمه وضواك مسافر
ويا الهوة عتاب شكثر دزيتلك
::::::::
عباس اجه الليل اهدعش
وليوجعني التمن بيناتنه ليل ودرب وليل مايتامن
مجبورة احجي لوحدي محتارة اسولف المن
عباس بس انت الجنت تعرف عيوني شيحجن
وشكثر جانت حلوة ياكعداتنه
مدري شجفه وطب الجفه بيناتنه
مجبورة افك عيني اعله كسرة خاطر
............
ليل اهدعش ضلمه وضواك مسافر
ويا الهوة عتاب شكثر دزيتلك
............
ربيتك بحيل ودمع واترجه انام بكترك
شلتك لمن طاح المتن ماشلت عون بكترك
اكضي بدلولك وكت واهس جنت من زغرك
ومن كثر ما لوليت الك حتى اثر جفي بضهرك
يلحضني مهدك طاك كلبي لشوفتك
شو جنهه يم النهر طابت نومتك
ماصدكت تغمض جفني مساهر
............
ليل اهدعش ضلمه وضواك مسافر
ويا الهوة عتاب شكثر دزيتلك
............
ياخويه اذكر من جنت كل يوم يمي مسير
ملهوفه اجيك بلا فكر جنك عمر متاخر
وجه اختك الجانت كبل عن شوفتك ماتصبر
ماتدري هسه بفركتك ذاك الوجه متغير
ذبلت يعباس وتغير لونهه
صارت عبايته ويلون متونهه
لون العيون بلون نحرك صاير
............
ليل اهدعش ضلمه وضواك مسافر
ويا الهوة عتاب شكثر دزيتلك
............
معذورة فاركتك ضوة دمع المفارك يجوي
ماجنت محتاجه كمر من جان خدك يضوي
بس ارجع يهون العطش بالماي شنهي نسوي
هي التفارك جربتك حتى بنهر ماتروي
تانيتك وغير الدمع ماعندي
ليمت ترد مو جفني ماكل خدي
غركانه روحي ولضواك تناطر
............
ليل اهدعش ضلمه وضواك مسافر
ويا الهوة عتاب شكثر دزيتلك
............
احا يبو فاضل صحت مجبورة من شتموني
يابعد لوني من رحت محد يكلي شلوني
هسه عرفت ليش انلجم لو كتلي بعد
عيوني
همه الرمو عينك سهم اني انذبح رادوني
يدرون بيك بعينك مخليني
صابوك حتى يفرهدون سنيني
عميه بغيابك يلخذيت الناظر
............
ليل اهدعش ضلمه وضواك مسافر
ويا الهوة عتاب شكثر دزيتلك
............
ياحيلي يانبض الكلب يادم شراييني
ياجلمه الخوة البعد مالاحت اعله الساني
يالحاطني بعينك ضوة وين الكه مثلك اني
عباس وانت اعله الرمح مرفوع ماتنساني
حتى اعله رمحك عيني اعله ضعوني
ويصيح راسك اخ لو ضربوني
تنزف الدم تتمنه كونك حاضر
............
ليل اهدعش ضلمه وضواك مسافر
ويا الهوة عتاب شكثر دزيتلك
............
كالولي منج يستحي خويه وكلت عاذرته
هو اليصير تلث وذر شتريد من عنده اخته
راح اوصل لام الوفه واتمنه لو شايفته
واحجيلهه شسوة الكمر وانشدهه شمرضعته
لمن نخيته النهر جابه بجوده
جي ما وصل ذب جفه من زنوده
واحجيلهه شلون نسحك بالحافر
............
ليل اهدعش ضلمه وضواك مسافر
ويا الهوة عتاب شكثر دزيتلك
............
الشاعر : رائد الناشي
مؤسسة منبريون
16 قصيدة مكتوبة للامام العباس عليه السلام
#قصايد_العباس_ع
شور
(یبوفاضل دخیلک)
🍁🍁🍁🍁🍁🍁🍁
یعباس...هاي الحرم عطشانه
یعباس...زینب بگت حیرانـه
یبوفاضل دخیلک
یبوفاضل دخیلک
🍂🍂🍂🍂🍂🍂🍂🍂
خویه الرضیع البي تعیش احلامي
اینازع بگه او دالع لسانه وظامـي
او سکنــه الحزینــه الزیدت آلامـي
انته عضیـــدي وبیک اشد احزامي
یعباس..بیدک یرف الوانــه
یعباس..هاي الحرم عطشانه
یبوفاضل دخیلک2
🍂🍂🍂🍂🍂🍂🍂🍂
سکنــه تنادیک او تجر بلونــه
گــوم ابعزم شــد العزم وتعنــه
ادري ابحمیتک ماتخیب الظنـه
تبقــه رمـــز للخــوه یا کافلنــــه
یعباس...گلبي التهب نیرانه
یعباس...هاي الحرم ولهانـه
یبوفاضل دخیلک2
🍂🍂🍂🍂🍂🍂🍂🍂
غیره وشهامه ومرجله ومـروه
او بلوفــه انتـه الأمل والقــدوه
لاتنسه جودک یا مثال الخــوه
خلي الحرم من طلعتـک تتروه
یعباس...منک تهاب اعدانه
یعباس...هاي الحرم ولهانه
یبوفاضل دخیلک2
🍂🍂🍂🍂🍂🍂🍂🍂
لمن انظرک ینجلي کل همـي
ابشوفتک عسکر اشوفن یمي
بسم الزچیه یابوفاضل سمّـي
وهجم علیهم وغترب یانشمي
یاعباس....یخسـه الذي یدنانه
یاعباس....هاي الحرم عطشانه
🍂🍂🍂🍂🍂🍂🍂🍂
یبوالفضل عندک خبــر بلشاطـي
سدوه مـــن کـل وکتـر حواطـي
بس آنه بیــک اویلعـــده ازماطي
ادري ابسهم نبلک سهم موخاطي
یعباس...تدري الحرم ولهانه
یعباس...هاي الحرم عطشانه
یبوفاضل دخیلک 2
🍂🍂🍂🍂🍂🍂🍂🍂
✍🏻حمید
ــــــــــــ◐◐◐◐◐◐◐◐◐ــــــــــــــــ
#قصايد_العباس_ع
ماینتهي عذابي یم النهر مصابي
اصعب جرح علیه نادوني یلسبیه
🍂🍂🍂🍂🍂🍂
یلنایم ابجنب النهَر*حادینه طوّح بلسَفَر...
اگعد یعباس
انته الجبتني امن الوطن*نوگ الخصم بینه حدن..
صارولي حراس
چا لیش حرمه ابلاولي*ونته الچنتلي کافلي..
رافعلي الراس
ابیاحال اخبرک حالتي*گمت آنه اغص بحچایتي..
ومذهولةاحساس
اموجهه الک سوالي
بلي سده و جرالي
یاخویه هل مسیه
نادونــي یلسبیـه
🍂🍂🍂🍂🍂🍂
ورمهه امتوني الضرب *لوگتلگ ادري تلتهب..
تنظر لحالي
حته الهوا مني انحبس*گوه اجرن بلنفس..
من الجرالي
یلچنت لدروبي ضوا*ماتقبل ایمسني الهوا...
یخطر لبالي
طشت حلم طش الشمل*ماظلي حال ولا أمل..
ونطش دلالي
صوبي الخصم تگرّب
ناده علــــي یزینــب
وین الألچ تچیه
نادوني یلسبیه
🍂🍂🍂🍂🍂🍂🍂
وینک یگاید ناگتي*انظر وعاین حالتي
مایرحموني
یاخویه چفک لوهوه*ابنار الخیم چفي انچوه
اومایرحموني
اعیوني تارسهه الحزن*مشتاگه روحي بس تون
علفارگوني
امنلخوف روحي امخفّگه*مني العبایه امحرّگه..
سبیه سبوني
یاخویه یا ولینــه
الحگ ترا انسبینه
یاراعي الحمیه
نادوني یلسبیه
🍂🍂🍂🍂🍂🍂🍂
ابعیني دمعه وتحترگ*بیه حزن کل الخلگ...
وبروحي المه
هجمو ولا عدهم رحم*وتعله دخان الخیم...
والدنیه ظلمه
ابثوبي رقیه من تجر*شردت من اسیاط الشمر...
وتنادي عمه
سوطه علی امتوني التوه*مخنوگه من شم الهوا...
مگدر اشمّه
تصرخ تهل دمعهــه
ویلي الشمر سمعهه
ابسوطه ضرب رقیه
نادوني یلسبیه
🍂🍂🍂🍂🍂🍂🍂
طاح الأخو بلمشرعه*وداني شوگي المصرعه..
طال انتظاره
عنک اروح امیسره*ترضه یسبع الگنطره
نبگه حیاره
اتهزني چلمه امن الخصم*ترس الأذن اسمع شتم...
وصرنه اساره
احسین اخوي اعلی الثری*طایح ولاعنده ظره...
دمه ایتجاره
الحرگ الخیم یباوع
ویشاهـــد الودایــع
یتشاردن سویه
ناودني یلسبیه
🍂🍂🍂🍂🍂🍂🍂
حميدخنفري
ــــــــــــ◐◐◐◐◐◐◐◐◐ــــــــــــــــ
hamied:
عنوان القصیده:
وارث شجاعة علي
تنشدني عن کافلي وارث شجاعة علي
هذا اهوا عباس هذا اهوا عباس
🍂🍂🍂🍂🍂🍂🍂🍂
هذا العضیــد ابالفضــل والینه
مــن العده ندري الأخو یحمینـــه
لو هد علی الماي اونظرله ابعینـــه
ایجیب الفرات ابجربته او یروینه
خل یستمع عاذلـي
وارث شجاعة علي
هذا اهوا عباس2
🍂🍂🍂🍂🍂🍂🍂🍂
ولله اونعـم وتخلّـدت صـولاتـه
یشهدلـه کـل العسکـر ابضرباتـه
سبعیــن الف مافتّـرو حمــلاتـه
مـن سیفـه ولینعـد بطل مافاته
زود اونعم هل ولي
وارث شجاعة علي
هذا اهوا عباس2
🍂🍂🍂🍂🍂🍂🍂🍂
ادري شهم خله العساکر ترجف
موقف اله وبکربله ظل مشرف
قول وفعل وبعهـده لا مایخلف
غیر او رجوله ابداً فلا یتوصـف
ولبارزه مبتلــــــي
وارث شجاعة علي
هذا اهوا عباس
🍂🍂🍂🍂🍂🍂🍂🍂
عباس ابوفاضـل کفو بخصاله
حیه العقیلـه او حیتـه بفعالــه
ضرب الروُس ابحملته یحلاله
حارس عضیده اوعیلته وعیاله
همنه ابوجوده ینجلي
وارث شجاعـة علــي
هذا اهوا عباس2
🍂🍂🍂🍂🍂🍂🍂🍂
زینب تصد راعي العلـم ملهوفا
عطر الوصي منه یفوح اتشوفا
مستره بیــه او ماتریـد اتعوفـا
عدهه خبر بلطف تطیح اچفوفا
وحي وخبر عاجلي
وارث شجاعة علي
هذا اهوا عباس2
🍂🍂🍂🍂🍂🍂🍂🍂
بحمایتک خویه الحرم ولعیله
الیگرب ثنیتک یا بطل یاویلـه
یلخوتک صـارت تعـدل المیله
وحــي الوفاء ابکربلــه تنزیله
متکفل ابمحملـــي
وارث شجاعة علي
هذا اهوا عباس2
🍂🍂🍂🍂🍂🍂🍂🍂
✍🏻حمید خنفري
#قصايد_العباس_ع
ــــــــــــ◐◐◐◐◐◐◐◐◐ــــــــــــــــ
قصیدة(یمته امن الشاطي ترجع)
اتنــادي اطفـال ورضـع
یمته امن الشاطي ترجع
یاخویه یعباس
🍂🍂🍂🍂🍂🍂🍂🍂
اَبمدمــع تصیــح وتجــذب الونـه
چا یمتــه یـرد بلمــاي ها عمنــه
کل صرخه احسهه ابچبدتي طعنه
شردْ اصبر بعــد وتخطـه یا محنه
مابیهــم واحــد یهجـــع
یمته امن الشاطي ترجع
یاخویه یعباس
🍂🍂🍂🍂🍂🍂🍂🍂
لـو أدري تـروح ومـاتـرد لینــه
چــان ابمَدمَــع اعیونــي تروینـه
نیــران الضمــه ظلــت تچوینـه
لحظــه ابلحظــه نتنطــر یوالینــه
ویاهــم هـــمْ اتجــرّع
یمته امن الشاطي ترجع
یاخویه یعباس
🍂🍂🍂🍂🍂🍂🍂🍂
طالــت غیبتــک ونگطعـت الآمـال
گلبـي کَـل جمــر وتهیجه الاطفـال
بیهــمْ گمـتْ اصبـّر وکتم الأحوال
المــاي الکم یجیبـه سیـد الأبطال
ابنیــران الهــم اتلــدَغ
یمته امن الشاطي ترجع
یاخویه یعباس
🍂🍂🍂🍂🍂🍂🍂🍂
مــن الخیــم طلعـت وبگلب لهفـان
نسـوان اطلعت وطفال وي رضعان
کلهــه اتنـادي اتأخــر گمــر عـدنان
کضـن لـي ســره بگلیبـي الأحزان
للباري الچْفــوف ارفـــع
یمته امن الشاطي ترجع
یاخویه یعباس
🍂🍂🍂🍂🍂🍂🍂🍂
حیرني الزمان او روحي ملهوفـه
وتعنــه الحسیــن ابدمعـه مذروفه
صاح أیسـي یزینب حانـت احتوفه
طاح اعلـی النهـر متگطعه اچفوفه
علشاطي جسمـه اموَزَع
یمته امن الشاطي ترجع
یاخویه یعباس
🍂🍂🍂🍂🍂🍂🍂🍂
✍️حمیـد خنفري
#قصايد_العباس_ع
ــــــــــــ◐◐◐◐◐◐◐◐◐ــــــــــــــــ
قصیدة(ظهري ابگده انکسر)
مــن وگـع فوگ النهر
ظهـري ابفگده انکسر
ویلي عباس البطل راح امن ادیه
🍂🍂🍂🍂🍂🍂🍂🍂
مـــن وگـــع علگــاع شیــّال اللــوه
ولعلـــم مــن ایــده مـن طاح وهـوه
ظهــري اتکســّر وحـس گلبي انچوه
خــدي مــن دمعــي الأصبنــه ارتـوه
حایر ابعینـي الدمــع
امشي لیه ابیا وضـع
الله لایفجــع اخــو ابموتت اخیّه
ویلي عباس البطل راح امن ادیه
🍂🍂🍂🍂🍂🍂🍂🍂
حیــن صــک صوت المصیبه بلسمـع
نار وجّــت ولجمــر تحــت الضلــع
نوبا اگــوم ونوبـا اجــر ونــه وگــع
ولــدرب فیضــان مــن سیــل الدمع
الأخو من عندي ضاع
منـه اریــد آخر وداع
اردَ اودعنّـه ویودعنــي ابتحیّــه
ویلي عباس البطل راح امن ادیه
🍂🍂🍂🍂🍂🍂🍂🍂
مدري اشلون اعله هل حاله اوصلت
وشنَــدَب هــوه واَنه مـدري اشگلت
اگعــدت یمــه ودمــع دم اهطلــت
انهــدَت ارکانــي یبوفاضــل صحت
انشــده یا بو الفضـل
تقبَـل ابوحـدي اضـل
ترضا من بعدک تضل زینب سبیه
ویلي عباس البطل راح امن ادیه
🍂🍂🍂🍂🍂🍂🍂🍂
ردتـه بــس ایضــل الي سور وحمه
او نصنــع آنــه اویـاه اکبــر ملحمـه
اشلون خر اعلـی الارض مـن السمه
بلسهــم خیّــم علــه عینــه العمــه
امصابه بضلوعي یرض
مالي حیل اعله النهض
ریــت یمــه تعتنــي لیّــه المنیــه
ویلي عباس البطل راح امن ادیه
🍂🍂🍂🍂🍂🍂🍂🍂
آه یـا حالــــي الــذي ماینوصــف
ابحظنــي عبـاس و جه لیه الحتف
ریـت هــاي الگـاع بیّــه تنخســف
لالـي قوه ولالـي حیـل اعله الوگف
هوه سیفي البـي اذب
منــي انطـش العــذب
گمت احسّن بلخطر من شح علیه
ویلي عباس البطل راح امن ادیه
🍂🍂🍂🍂🍂🍂🍂🍂
✍🏻حمیـد خنفري
#قصايد_العباس_ع
ــــــــــــ◐◐◐◐◐◐◐◐◐ــــــــــــــــ
قصیدة(اطفال احسین عطشانه)
اطفال احسین عطشانه یعباس
🍂🍂🍂🍂🍂🍂🍂🍂
انتــه الچافـــل وانتـــه حمــه لیهه
تشچیلــک یبوالغیـره السده اعلیهه
جیــب الماي خویــه وگـوم ورویهه
اگصــد للشریعــه وطشـر الناس
اطفال احسین عطشانه یعباس
🍂🍂🍂🍂🍂🍂🍂🍂
اگصـــد للشریعـــه ورفـــع الوانــه
ترضا اطفال اخوک اتموت عطشانه
ماظــن شیمتــک تقبــل وتنســانه
نترجــه طلعتــک ترفــع الـراس
اطفال احسین عطشانه یعباس
🍂🍂🍂🍂🍂🍂🍂🍂
عــد عینــچ نــدب یابضعــة الزهـره
فــوگ العیــن طلباتـــچ یهــل حـره
اشلــون ایصیــر آنــي منکــم اتبـره
اجیــب المـاي ماهابـن الحـراس
اطفال احسین عطشانه یعباس
🍂🍂🍂🍂🍂🍂🍂🍂
شنهي الماي یختي ویوگف ابصدري
ماتصعــب علیّــه المشرعــــه ادري
ماضلــي صبــر وآنــه النفـذ صبـري
اخوچ البلحـرب مامثلـه مقیاس
اطفال احسین عطشانه یعباس
🍂🍂🍂🍂🍂🍂🍂🍂
مــن سار وتعنـــه الخطـــة المیدان
لیـــث وبلحــرب چنــه اسد غضبان
طشرهــه الصفـوف و روّع الفرسان
ملـچ المــوت ویگطّــع بلأنفاس
اطفال احسین عطشانه یعباس
🍂🍂🍂🍂🍂🍂🍂🍂
مالــي الجربــه ماي وللعقیلـه ایعود
زینــب واگفـه وتنظر الراعي الجود
وفیــت ابعهــودک خویــه ولمـریود
صاحتله هلـه یل بلزلــم فرّاس
اطفال احسین عطشانه یعباس
🍂🍂🍂🍂🍂🍂🍂🍂
✍️حمید خنفري
#قصايد_العباس_ع
ــــــــــــ◐◐◐◐◐◐◐◐◐ــــــــــــــــ
#قصايد_العباس_ع
سکنه تخاطب عمهه
العباس
(ع)
شیــل العلـم یعبــاس
وتعنه الحرب الأرجاس
🍂🍂🍂🍂🍂🍂
شیــل العلــم وتعنـه
صــوب الشریعه ادنه
عمــي الماي جیبه النه
وتعنه ابدرعک ولطاس
شیل العلــم یعباس2
🍂🍂🍂🍂🍂🍂
اتعنــه ابدرعــک ولسیف
خل یصبح واقع موطیف
ادري الحرب عندک کیف
مانگطع منک ایاس
شیل العلم یعباس2
🍂🍂🍂🍂🍂🍂
عمـي الماي جیبه اویاک
اخذ الشریعه امن اعداک
شدت حــزم کلهه اعداک
علمشرعه هاي الناس
شیل العلم یعباس 2
🍂🍂🍂🍂🍂🍂
علمشرعــه کلهــه اصفوف
صفّـت برمــاح وبسیــوف
حاشه المنک یبدي الخوف
واحد عن الف المقیاس
شیل العلم یعباس2
🍂🍂🍂🍂🍂🍂
نتفاخــر بیـــک ونستَر
خل یجبل کل العسکر
تستأنـس لوصار الکـر
ماطبت روحک وهواس
شیل العلم یعباس2
🍂🍂🍂🍂🍂🍂
نعــم الولد نعـم العود
یاراعي البیرق ولجود
بیــک الأمل ولمریـود
حدک ابداً ماینداس
شیل العلم یعباس2
🍂🍂🍂🍂🍂🍂
یا نعــم العــم ومنـواي
وفیـت وکفیـت ابهـاي
یاذخري وعارف شکواي
یابو الغیره ونوماس
شیل العلم یعباس2
🍂🍂🍂🍂🍂🍂
✍🏻حمید خنفري
ــــــــــــ◐◐◐◐◐◐◐◐◐ــــــــــــــــ
#قصايد_العباس_ع
قصیدة:رایة محمد
ظلت ترف ابکربلــــه...رایة محمد
بیهه الشرف ولمرجله..رایة محمد
لازمهه عباس بلحومه فراس
رایة محمد رایة محمد
🍂🍂🍂🍂🍂🍂🍂🍂
رایة محمـــد ولنعــم بیدیـن الکفیل
علمشرعه ظلت ترف فوگ المچاتیل
سوا النهار ابحملتـه متوصـف ابلیـل
یمطـر علیهــم بلغضب طیـر الأبابیل
علیمنه ویسار بیدینه تندار
للعلگمي بیهه اعتله...رایة محمد
ظلت ترف ابکربلـه....رایة محمد
🍂🍂🍂🍂🍂🍂🍂🍂
یحمل علیهم کڵ صگـر ویگطــع الروس
صارت جثثهم بلتلول، فوگاهم ایـدوس
ماهاب ابد من الخطر لایمکـن ایحــوس
خله علــم قاید عمـــر بلحومـه منـکوس
منکوسه الأعلام بیــدک یظرغام
حلتلک اعظم معظله ..رایة محمد
ظلت ترف ابکربلــــه...رایة محمد
🍂🍂🍂🍂🍂🍂🍂🍂
نعم الشجاعه ولبطل هذا اهوا جیدوم
خله العساکر ترتجف ونشبهــه السمـوم
محتاره چاوین المفــر بس گامـت اتلوم
خلاها طشــار وغـــدت تسبــح بلدمــوم
ظلت هل انذال تضربهه الأمثال
نزلت علیهم هل بله...رایة محمد
ظلت ترف ابکربلــه...رایة محمد
🍂🍂🍂🍂🍂🍂🍂🍂
هذا اهوا مابیــن الزلم متمیـز الحید
خلاها نهران الدمه من عسکـر ایزیــد
رایة محمــد علچتــف وبیمنتـه الوید
حامل مراجل حیدرا بلحومه صنـدید
ظلت تداور بین العساکر
وترف عله طول الفله ...رایة محمد
ظلت ترف ابکربلــه.....رایة محمد
🍂🍂🍂🍂🍂🍂🍂🍂
✍🏻حمیــد خنفري
ــــــــــــ◐◐◐◐◐◐◐◐◐ــــــــــــــــ
#قصايد_العباس_ع
یابوفاضل یسبــع الموزمیــه
یومک الیوم تریده الفاطمیه
کربیهه...یعباس
وفنیهه..یعباس
🍂🍂🍂🍂🍂🍂🍂🍂
سیفک ابگطع النفوس* امجرب ابیوم الوغا
اتعید ابوکـت الحـرایب*عیدک اهوا الملتقی
انته ابن ذاک الصمیده*البلحرب اسمه ارتقی
زلزلــــه هیـــه ضربتـه* وبخزرتـــــه صاعقــا
ظلت اتهاب بگت منه المنیه
یابوفاضل یسبــع الموزمیــه
کربیهه...یعباس
وفنیهه...یعباس
🍂🍂🍂🍂🍂🍂🍂🍂
انته مـــن یـوم الولاده* سیدي کلک عـجب
بیک زینب مـن تلولـي*ابغیرتک تندب عتـب
شافت اگماطک تگطع* ونتفظ منک غضب
اعیونک اتولد شــرار*وکل بطل منهه هرب
فرحت ابمولدک بنت الزچیه
یابوفاضل یسبـــع الموزمیـه
کربیهه...یعباس
وفنیهه..یعباس
🍂🍂🍂🍂🍂🍂🍂🍂
یومک الیوم ونریده*یشرق ابطف کربله
ادري بیــک انته کفوها*ماتهمــک معظله
ماتهمک هل عســاکر*انته زود ومــرجله
من تکر علجیمه تضرب*چن اجتهه زلزله
تصبح اتلول جثث فوگ الوطیه
یابوفاضـــل یسبـــع الموزمیــه
کربیهه....یعباس
وفنیهه...یعباس
🍂🍂🍂🍂🍂🍂🍂🍂
یابوفاضل هل عساکر*شاهره اعلینه السیوف
مانهـــم بیهه مدامک*انچـان بزنودک چفوف
ندري بیک انتــه کفوها*ماترعبک هل صفوف
اتخلی نهران ابدماها*تجري ابوادي الطفوف
آیه خویه یبو روح الأبیـه
یابوفاضل یسبع الموزمیه
کربیهه...یعباس
وفنیهه...یعباس
🍂🍂🍂🍂🍂🍂🍂🍂
گامت اتصیح وتندبه*اخته وتذکره الوعد
انته یا هیبة ابونه*وضنوته ابوکت الشدد
من سمع بعتاب زینب*هزته الغیره ورعـد
گلهه یا زینب عضیــدچ*مایهم مــن العدد
بیهم الیوم لسوی اکبر ضحیه
یابوفاضــل یسبــع الموزمیــه
کربیهه...یعباس
وفنیهه...یعباس
🍂🍂🍂🍂🍂🍂🍂🍂
✍🏻حمید خنفري
ــــــــــــ◐◐◐◐◐◐◐◐◐ــــــــــــــــ
#قصايد_العباس_ع
نزله:
ابوفاضل من حمل جا عـذاب الله ونزل
سوا بیهــم مجزره ولصفوف امطشـره
هاذه عباس هاذه عباس
🍂🍂🍂🍂🍂🍂🍂🍂
هاذه ابن حیدر علي حامي الدخیل
خله شاطـي العلگمـي بلـدم یسیـل
سوا یـوم العاشـر ابحملاتـه لیـل
یمطـر اعلیهـم غضـب رب الجلیـل
نزل اعلیهم عذاب خله دمهم للرچاب
ابسیفه مکتوب الأجل
جـا عذاب الله ونـزل
هاذه عباس هاذه عباس
🍂🍂🍂🍂🍂🍂🍂🍂
صار بلگوم الرعب ونشبهـه خوف
ذاک من ذاک الوچب من الصفوف
وین اخو خیته التدنه امن الألوف
ياســلام الله علی ذيـچ الچفـوف
ابدع افنون الحرب بخته بخته الي هرب
کلهه خلاها ابوَجـل
جاعذاب الله اونزل
هاذه عباس هاذه عباس
🍂🍂🍂🍂🍂🍂🍂🍂
دارهــم رحا اوبگا ایحـز بلروُس
وخیلهم فوگ الجثث گامت تدوس
ارعَب ارواح وحبس منهـه النفوس
زینب اتشـوف العلـم بیـده یحوس
های زینب ترتجیک یاسـلام الله علیــک
عدهه بوجودک امل
جاعذاب الله اونزل
هاذه عباس هاذه عباس
🍂🍂🍂🍂🍂🍂🍂🍂
یحمل وبیده یرف رمزه العلـم
شاف زینب واجفه اباب الخیـم
صاح ابشری یا بنت راعي الشیم
أمنـي مادام العمـر لیـه سلـم
الیوم اخلی کربلاء اتنزل اعليهم بلاء
امنی بوجود الکفـل
جا عذاب الله ونزل
هاذه عباس هاذه عباس
🍂🍂🍂🍂🍂🍂🍂🍂
ابهزت السیف وندب ها یا رجال
وینه وینه الـي برز هاذه النزال
عیده ضرب السیف ویشد القتال
عفیه خلاها جثـث فـوگ الرمال
ناده للشر یاهله چن اجتهم زلزله
گلبا صامد کَل جبـل
جا عذاب الله او نزل
هاذه عباس هاذه عباس
🍂🍂🍂🍂🍂🍂🍂🍂
✍️حمید خنفري
ــــــــــــ◐◐◐◐◐◐◐◐◐ــــــــــــــــ
#قصايد_العباس_ع
وینک یبن خیر العمل یلي ابوجودک کل امل
یعباس .... یعباس
🍂🍂🍂🍂🍂🍂🍂🍂
شدّ اعلـی مهـرک یانفـل وتعنـه میـدان الحرب
ماینقبــل منــک عـذر یلمعدنـک معـدن ذهب
ادري ابنخوتي انته کفو یتسَهَل اعلیک الصعِب
لا غیرتک ترضـا وضل بین العساکر ولغرب
دحمل علی الشریعه خلي العده صریعه
خل یعتني لیهه الأجل وینک یبن خیر العمل
یعباس .... یعباس
🍂🍂🍂🍂🍂🍂🍂🍂
شد اعلـی مهـرک یا نفل منـک اریدن مطلبي
خلیهه طشار العـده یاخویـه وسبیهـم سبي
راویهم انجـوم الظهر شد ابحزامک معصبي
ویـن المفــر ماکـو مفر وبیا نویـه تختبـي
کل ماتجي شداید تطري الک مشاهد
تتسَجّل ویبقا السجل وینک یبن خیر العمل
یعباس .... یعباس
🍂🍂🍂🍂🍂🍂🍂🍂
اشهر السیف امن الغمد وتعنه صوب اهل القدر
حملات حیــدر ولنعم راویهه من تشطر شطر
غرگ الشاطي بلدمه وسحگ علی اجسود الکفر
لَ اسیوف ورمـاح ونبـل متهمـک ابوکـت التکر
منهه جرت عداوه ماتنتهي القساوه
منک عذر ماینقبل وینک یبن خیر العمل
یعباس .... یعباس
🍂🍂🍂🍂🍂🍂🍂🍂
عباس اعرفـک ماترد لو صـارت النخـوا کفو
تهجــم علیهــم کل صگـر وتکتل ارواح الّفو
مایدنه حدک یاشهم وشحده یوصل هل عدو
انتــه التنزل صاعقــه فوگ الـذي اعلینـه لفو
یانخوتي ودلیلي یاسلوتي وکفیلي
بیک الأمل یابوالفضل وینک یبن خیر العمل
یعباس ..... یعباس
🍂🍂🍂🍂🍂🍂🍂🍂
یوم السمــع زینب نخـت گام ودلیله صدعه
شدّ اعلی مهره بلعجل وتعنه صوب المشرعه
کشفهه وتعنــه العذِب صافن یسیل ابمدمعه
یاربي مایک للبشــر اعلینـــه عدونه یمنعه
ثارات اله عدونه یشفي جرح ضنونه
ثارات صفین وجمل وینک یبن خیر العمل
یعباس ... یعباس
🍂🍂🍂🍂🍂🍂🍂🍂
✍🏻حمید خنفري
ــــــــــــ◐◐◐◐◐◐◐◐◐ــــــــــــــــ
ابيات نعي
&&
ها عباس وينك خويه طاح احسين
رجـــع اجـفـوفـك يسـبع الكنطره
انتفض بيهن وخــذ ثـار العضيد
بعــدك ايشتموني وبــقه امحيره
لا خيم ضليت خويه اوبس عليل
ويــن اروحـن كـلـي يابن حيـدره
اعذرني ياعباس من هذه العتاب
ومن اكلك خويه صار الماجره
حركو اخيامي وصفيت بلا خيام
من يرد الجيش ونته اعله الثره
طاح ابو السجاد والعسكر ولوه
وجني اشوف الخيل داست منحره
والرماح اتقـوسـت كلها ابجسد
والظلوع ابخيـل اميـه امكـسـره
ريــت ياعـبـاس ويـاكـم امــــوت
ولا عـــوف اخواني وبقه ميسره
بس حـرم ظليت وبعسكر يـزيـد
&&
خادم خدام اهل البيت الشاعر الحسيني جاسم حميد الاسدي
0770317420---------2018
ــــــــــــ◐◐◐◐◐◐◐◐◐ــــــــــــــــ
نعي السيده زينب اتخاطب العباس ع
اجيتـك جيــت مسيره يمك ارد ابــث شكـواي
باجــــر تطول الفركه واعوفك يا نظر عيناي
باجر كون ترخصني اروحـــن والزلم ويــاي
*---------------------*---------------------*
اخاف دكول مــا كلتي اجيتك وي ظلام الليل
اسولف عالسفر وياك واردد كلمة الياويـــل
شفت الهزل بعيونـــي وعــدو للمسير الخيل
*---------------------*---------------------*
ادري بــغـيــرتــــك انــــت وتحرص عالخدر وتخـاف
ما ترضى انضرب بالسوط واوكـــف وانشتم وانشاف
ومــا تـــرضى الزلم ويـاي وبجتفي الحبـــل يلتـــــاف
*---------------------*---------------------*
خويه معذور ادري وفيت وكفيـت
خويه معذور حتى لو يمك شكيــت
خويه معذور بهايه اكللك اجــيـــت
خويه معذور يـــالي بجفوفك وفيت
خويه معذور اليمنه واليسرة نطيت
خويه معذور يالكمر ما قصريـــــت
خويه معذور اعتذر يمك بجــيــــت
خويه معذور اندفن دونك يـــريـــت
خويه معذور بس جسد تنزف بقيت
الشاعر رعد الجريخي
ــــــــــــ◐◐◐◐◐◐◐◐◐ــــــــــــــــ
نعي
ياظخرالشدايدكوم وجردسيفك البتار
وريدنك يابوفاظل تحمل حمله الكرار
#####
گال الهه الگمرعباس يازينب مسهل المطلب
حسبالي يابنت حيدرعندج طلب منه اصعب#
گالت له يماي العين تسلم ياضوه اعيوني
من شفت الزلم والخيل تغيرونخطف لوني#$
گال اللهه الزلم والخيل ياختي افنيهه بالبتار
اسوي يوم يازينب مثلهه لاجرة ولاصار
##
كالت له كفومنك اعرفك شايل الغيره
لاجن من شفت هل ناس خويه طايحه ابحيره##
لايااختي تودعي الخوف الكوفه بسيفي ازلزلهه
وخلي النايحه بكل دار وبين لج مراجلهه##
يعباس الخدرمهيوب مادامك بعد سالم
وعدوك يابوفاظل ظالم خويه وغاشم
##
لايختي وتعرفيني ابوي الداحي ذاك الباب
لجيب المشرعه بجفي وزيل بسيفي هل اذناب##
ياخويه بحيدرنذجرك وصيه من شب گ ايدي
بجفك يابوفاظل ذاك اليوم جن عيدي
##
انه على عهدي وياج فنه اليوصل اخيمج
مادام الدرع والسيف بيدي وحگ ظلع امج##
ذكرت الظلع ياعباس ا ريدك تاخذبثاره
وانه اشلون ياخويه لوغاروافردغاره##
لاوالحسن مايدنون الااجفوفي ا ﮘطعهه
وسهام الذي يرمون الا بعيني مرتعهه##
هنا زينب شافت السهم بالعين والجفوف مقطعه
#####
اجفوفك عالنهرطاحت وسهم البين صاب العين
احشم بيك ماتنهض ياخويه من وحيد حسين##
ياعباس ردالگوم من غارت باالصواوين
####
بنوحي اتفننت ورجب وسايل
من اشوفن دمك الجاري وسايل
نشدعني رجس بعدك وسايل
وانه بديوان ياخويهةوسببه
###### ابورسول الدراجي
ــــــــــــ◐◐◐◐◐◐◐◐◐ــــــــــــــــ
قصیدة(علنو خبر عاجل)
من هد ابوفاضل
علنو خبــر عاجل
ترکو الشریعه بلعجل
هل جاکم الکافل
🍂🍂🍂🍂🍂🍂🍂🍂
صال ولعسکر بگا ایحس ابدمار
شافو اعیون النفل تجدح شرار
الحــذَر صاحو فلا عدنـه قرار
ماکو اي چاره بعد غیـر الفرار
نزّل بَلَه اعلیهـم
ظاگ الفلک بیهم
ولحومه صاحت من حمل
هل جاکم الکافل
🍂🍂🍂🍂🍂🍂🍂🍂
ابچفه لازم صارمـه وشــد العزم
صاجعـه السیف ونزل فوگ الزلم
بیهــم ایطــشر بگا وبیهـــم یلـم
ارتجعت الگاع ونعم من هل شهم
خله الزلـم طشار
بلحومه شب النار
ولیوگف ابسیفه انقتل
هل جاکم الکافل
🍂🍂🍂🍂🍂🍂🍂🍂
آیه مــن الله ونـزل سیفه عذاب
سوا بلطف محشر وحَل الحساب
ولدمــه سال وغــده حد الرچاب
وهل دمــه الهــم بعد سواٰ شراب
نزّل بَلَه الصـارم
بختَه البگا سالم
ماضل عجید ولا إمل
هل جاکم الکافل
🍂🍂🍂🍂🍂🍂🍂🍂
امنین ماتشـرد اجـه شد القتال
ماکو شـرده وللیفر ماکو مجال
ولبـَد هاذ ابکتــر ذیچ الرجال
صاح لتگربون اله عوفو النزال
هاذه علــي جانه
وین اهوه ملچانه
صال اوعلینه هل زعل
هل جاکم الکافل
🍂🍂🍂🍂🍂🍂🍂🍂
فرها بلسیف وشمرهه ابن الفحول
بیهـه لطخــت عار ســوا ومـاتزول
رمــز صولـة حملتـه ثار البتـول
النصرتـه جـن وأنس تضرب طبول
شاف النهـر مجـراه
عیـب البطل یدناه
سلمهــه روحـا للأجــل
هل جاکم الکافل
🍂🍂🍂🍂🍂🍂🍂
✍️حمید خنفري
ــــــــــــ◐◐◐◐◐◐◐◐◐ــــــــــــــــ
عباس .. يالكلک عزم
عباس .. يا زين الزلم
عباس .. منک والنعم
يا أبو فاضل
- - - - -
يالتهدي للحبک عمـــــر
المثلــــک عليمن يعتذر
يالحاربت وجه الوجــه
بس طبع اليضدک غدر
يالما يصح مــــن خوتک
بس غيره تنضح گصتک
لو تنجمع أهــــــل ألوفه
متساوي خيـــط برايتک
وين .. مثلک ما يصح
وين .. يالفگدک جرح
وين .. منـــک والنعم
يا أبو فاضل
- - - - -
شو تحچي وي روحک همس
يالأغلى حتى مـــــــن النفس
بشفافـــــــــــــک يبين حچي
سولفلي يالغالي شتحـــــــس
من اعتنيتک للنهــــــــــــــر
طايح لگيتک عالظهــــــــــر
حين الـــــي شفتک عالترب
بساعتها احس ظهري نكسر
صوت .. يم راسک صحت
صوت .. يالـــــــي تكفلت
صوت .. منک والنعــــــم
يا أبو فاضل
- - - - -
يالطايح بصفک علم
وبعينک مثلث سهــم
چفوف اديک مگطعه
براسک تأشر عالخيم
يمک اجيت تقربــــــت
بشفايفک مدري شگلت
يا أبا الفضــل اتصورک
بزينــــب اضنک فكرت
صار .. فكرک عالخيم
صار .. يا راعي الشيم
صار .. منک والنعـــم
يا أبو فاضل
- - - - -
زود وعـــزم يا قسوره
مثلک ولا جابــــت مره
كل وكتک مبچي الكفر
تشهد تضــــل الگنطره
يالرايتک رايـــــــة علي
يالكلمتک مـــــــا تنثني
سيفک ولا نام بغمـــــد
كل صعبة بيدک تنجلي
موت .. سيفک بالحرب
موت .. نارک من تشب
موت .. منک والنعــــم
يا أبو فاضل
- - - - -
ضل مطمئن يا أبو الشيم
لتفكـــــــــــــر بنار الخيم
لتحرک براسک خجــــــل
لا تلچم مــــــــــن السهم
بيک أفتخر طول الدهر
يالماخذ وياک النضــــر
مشكور يا نعم الأخــــو
وفيتـــــه عهدک يا گمر
شوف . جرحک ما شفه
شوف . ينزف عاطفـــه
شوف . منک والنعـــــم
يا أبو فاضل
- - - - -
حسين ألفيصلي
المصدر مؤسسة منبريون على التلكرام
تعليقات
12 تعليقًا
إرسال تعليق
جميل استمر الله يبارك فيكم
ردحذفربي يوفقك بحق الحسين
ردحذفالله يطيكم الصحه والعافيه بحق الحسين الشهيد
ردحذفبس مكررين عباس اجاني اليل وشتاكيتلك
ردحذفويا الهوى عتاب شكثر وديتلك
ردحذفقصيدة جميلة الله يوفقك
ردحذفقصيدة جميلة الله يوفقك
ردحذفتخبل
حذفالله يبارك فيكم .💕
ردحذفاحسنتم
ردحذفمنور أخ مسلم صوت رائع
ردحذفاللهم ربي يحفظك ويوفقك بحق العباس
ردحذف