4 قصائد مكتوبة على لحن خطار اجاني باسم الكرلائي
قصائد مكتوبة على الحان الرادود باسم الكرلائي
القصيدة الاولى
جلمة عتب مااكدر اسمعهه
اذا اردت قصيدة خطار اجاني مكتوبة انزل للاسفل
القصيده على لحن قصيده باسم الكربلائي
خطار اجاني ياهله بجيته
**
جلمة عتب مااكدر اسمعهه
وعيوني يمك يجري مدمعهه
مستحيه منك لا تأذّيني
اعذرني فدوه يا نظر عيني
ــــــــــــــــــ
حيرة .. اجبيره .. محتاره واكَضيت الدرب ابجي
بدربي ... وكَلبي ... وي نفسه خلّص هالسفر يحجي
بحالي ... وبالي ... المن اسولف حالتي واشجي
هظمي ... وهمي ... الكَه الجواب اليقنعك بلجي
مخنوكَه حيل وتدري متألمه
ماترضى تطلع منّي الجلمه
مكَدر اجاوب انت تدريني
اعذرني فدوه يا نظر عيني
ــــــــــــــــــ
بكَبرك ... بكترك ... جيت وكَعدت ودمعتي بعيني
بدمعي ... وروعي ... ضلّيت اواسيك وتواسيني
بالهم ... اشتم ... بتراب كَبرك واسمع اونيني
جيتك ... الكَيتك ...بالكَبر نايم وسفه يحسيني
محتاره اسولف ياهظم مرني
من الدمع لا مانشف ردني
اشبع بواجي اونوح خلّيني
اعذرني فدوه يا نظر عيني
ــــــــــــــــــ
بتعبي ... وسبيي ... شفت المرار الما يشوفه احّد
فتني ... متني ... بصوط العده متجرّح وأسود
صعبه ... بغربه ... بالشام خويه شامتي عيّد
الليله ... الليله ... ضلّت علينه ابكم سنه تنعد
للسوك مجتوفين طبّينه
وتشتّم اهل الشام بسكينه
يا خارجيه اسمع يناديني
اعذرني فدوه يا نظر عيني
ــــــــــــــــــ
جينه .. وبينه ... اثار من ذاك الهظم ويلي
جروحي ... النوحي ... يشهد عليّه بالسهر ليلي
الفكّدك .. وبعدك ... ياخويه والله منهدم حيلي
ويلا ... بس لا ... عن العزيزه اتكَلّي احجيلي
بجاه الرفع بين المله جاهي
ليش العزيزه بالضعن ماهي
الموءودة هي وهي ياسيني
اعذرني فدوه يا نظر عيني
ــــــــــــــــــ
تكتل ... وتهل .. دمعاتي لمّن احجي حالتهه
ماتت ... شافت ... راسك وختمت خويه قصّتهه
وريدي ... وبيدي ...تلكَه اثر خويه لدمعتهه
هامت ... وجانت ... مشتاك الك يمضوّي دنيتهه
طول الدرب تتنطر اتشوفك
كل امنيتهه اتضمهه بجفوفك
عالغالي كَالت عمّه سلميني
اعذرني فدوه يا نظر عيني
ــــــــــــــــــ
الشاعر محمد حسن ضيغم
معقوله ترحل بويه يالغالي
على لحن خطار اجاني
معقوله ترحل بويه يالغالي
بيوم العفتني راحت آمالي
ظلّيت اونن والدمع جاري
وحشه وحزينه اخلافك ادياري ... بويه
ـــــــــــــ
ونّت .. اوحنّت ... روحي عليك وانت تدريني
ابالي ... اكَبالي ... وي كل مسيه تنظرك عيني
غايب ... ذايب .. كَلبي عليك اوزايد اونيني
صدلي ... ارجعلي ... من فدوه الك كل عمري وسنيني
بعمر الشمع مو تعرف ابنيتك
عنهه رحت وتناطر الجيتك
ليش الحزن كل ليله خطاري
وحشه وحزينه اخلافك ادياري ... بويه
ـــــــــــــ
حزني ... اونّي ...كل ما ازور واشتم اترابك
جروحي ... بروحي .. يابويه عايش تعرف امصابك
يصعب .. غرّب ... نورك واحس موتني اغيابك
مثلي ... تهلي ... دم ومدامع ظلّت احبابك
ماذا على من شم ترب كَبرك
احيه واموت اشما اشم عطرك
تدري اعله كَبرك ظلّت آثاري
وحشه وحزينه اخلافك ادياري ... بويه
ـــــــــــــ
عيوني ... ولوني ... ظل منخطف من جمرة الفركَه
خيرك ... بغيرك .. يا والدي لا والله ما الكّه
حزني ... وجفني ... دمعة مصابك ظلّت اتحركَه
وسفه ... الوسفه ... راحت يبويه ساعة الملكَه
لو عالجبال امصيبتي صبّت
جان الجبال الراسيه انهدّت
اشكي مصابي وحزني للباري
وحشه وحزينه اخلافك ادياري ... بويه
ـــــــــــــ
الزهره ... بحسرة ... ظليت اخبرك من رحت عنّي
ابيتي ... ريتي ... ميته ولا ترحل نعش منّي
كافي .. اتجافي ... ياطيف ابوي وخيّبت ظني
مرني ... انظرني ... شلت المصيبه وبزغر سني
وردة محمد وسفه كَطعوهه
تبجي وتون كل ليله خلّوهه
شافوني ورقه اووجّر ناري
وحشه وحزينه اخلافك ادياري ... بويه
ـــــــــــــ
شندب .. شعتب ... دهري ابد مارحم دلالي
همومي ... بيومي ... كل لحظه اندب بويه يالغالي
غيابك ... فراكَك ... مثل الشمع تعرف صبح حالي
تشكي .. وتبجي ... مثلي عليك بكل مسى اطفالي
دمع الحسن وحسين اذّاني
يغشى عَلي كل يوم خلاني
وانه الي محّد يعرف اسراري
وحشه وحزينه اخلافك ادياري ... بويه
ـــــــــــــ
الشاعر محمد حسن ضيغم
زينب رحت من يمه مسبيه
القصيدة تقرأ على لحن ملا باسم الكربلائي
🌷خطار اجاني 🌷
زينب رحت من يمه مسبيه
نوگ الهزل وسفه حدت بيه
عالناگه لمن صعدت ضعوني
وگلبي يگول شلون عفتوني
زينب
____________
نمشي. ونبجي. نذكر حجي بدموع مسفوحه
گلبي. عگلي. مايقتنع لابد م̷ـــِْن الروحه
راحوا. وغابوا ضلوا جثث عالگاع مطروحه
بحرگه. وفرگه. شفت الجره وروحي مجروحه
روحي عليكم تنشد هوايه
جيت وعفتكم شنهو منوايه
انحب ونزفت دمعة عيوني
گلبي يگلي شلون عفتوني
زينب
________________
اشرح. واسرح. وانه بخيالي راسمه الصوره
بعيني. وجفيني. امسح دماهم بقت مهدوره
همي. حلمي. ارجع ولاگي الدار معموره
اخواني. احناني. اجساد ضلت كلها مشموره
ماضن بعد اتلاگه وياهم
صارت بعيده بيه رجواهم
غبتو عني ولا نشدتوني
وگلبي يكلي شلون عفتوني
زينب
_______________
بعيده . البيده صارت مسافه بينه وبينكم
صحنه. نحنه. نوح. الحمام امفارگ ابجيكم
بسكته. حته . ماينسمع صوت البجي عليكم
يطگني. يسبني. لوسمع نوح و ونه تحجيكم
يضربونه الينوح وينسمع صوته
بصوط العده يضرب لحد موته
نحت وبجيت وما سمعتوني
گلبي يگلي شلون عفتوني
زينب
_____________
ابنيه. ارقيه. ماتت اثر حرگة گلب فاگد
حلمت. گعدت. اتصيح اريدن والدي اشاهد
سمعوا. ركضوا. جابولي راسك بالدمه جامد
تشاهد. الوالد. بس راس ضل مهشمه الحاقد
ناحت عليه ومن غفت سَـآعــهْْ
گالت يعمه انريد اوداعه
ماتت عليه ياناس عينوني
گلبي يگلي شلون عفتوني
زينب
______________
بدربي. وصبري. ما تنعد اهمومي على اخواني
احمل. وهمل. بس الدموع اتسولف احزاني
عليلي. ويلي. ماينهض بگيد العده يعاني
ينضر. ويعثر. عيونه تصد لنوگ نسواني
لٱ يحمل اعيون العده تصدلي
المحمل على نوگ الهزل يدلي
عن ضيم گلبي ما نشدتوني
گلبي يگلي شلون عفتوني
زينب
____________
تمت بفضل •اللّـہ̣̥
اللهم صل على محمد وال محمد
يحسين هــم بيوم ألكَاكم لوميته خوية بكربلة وياكم
يحسين هــم بيوم ألكَاكم لوميته خوية بكربلة وياكم
الفاكَد حبايب كَلبة شيصبرة
هــوه شيردهَ النـايم بكَبرة
***************************
صعبة بغربة خواني ما صدكَ يضيعوني
شذنبي كَلبي شيب يخوتي بيوم عفتوني
ويلي ليلي غير السهر ما مَرعلى عيوني
تقبل انذل بضرب السياط امورمه متوني
ما شيل ايدي أتحمل مصابي
خاف من أشاكَف يوكَع حجابي
چنت شكثر عباس أنتظرة هوه شيردهَ النايم بكَبرة
***************************
حسرهَ جمرهَ مو دنيا هاي بلاية خواني
شَحمل تكتل تهد الرواسي بكربله احزاني
ماتت راحت زينب الچانت ذيچ مو آني
الدنية علية واحد يخوية يحچي للثاني
هاي السبية منين جابوها
ما عدهاهَل؟ شو هَلها ما جوها
يحسين كسرالراح شيجبرهَ هوه شيردهَ النايم بكَبرة
***************************
هضمي همي كل المصايب ردن علية
خيامي أيتامي واسياط ظهري وحَزت إيدية
يمكم منكم محد سئلني شبية مــا بية
وسفه كلفه زينب أخت عباس مسبية
فوكَ الهزل مشدودة چفينـــي
بيوم الصرت كون الله عاميني
ياهي التعوف أخوتها عالغبرة هوه شيردهَ النايم بكَبرة
***************************
عوني كوني من كَبل لا جي الكربلة موتي
وآني اخواني كل ضني هيه تشيل تابوتي
وَنــي لَنــي كلسا يسمعة الما سمع صوتي
بذلــي يكَلــي لمجلس يزيد بهالضعن فوتي
يا ويلـي من طبيت ديوانـهَ
منين أنتي كلها تصيح يفلانهَ
يا جرح كَلبي الشايلهَ شكبره هوه شيردهَ النايم بكَبرة
****************************
جروحي نوحـي تكتل يخوية فركَة الغالـي
شحالي تالــي دنكَت زينب راسها العالي
أنســهَ؟ شَقسه وراسك يخوية معلكَ كَبالي
وعدي وحدي بس الشماته هناك تبرالـي
ولمن بــلا وليــان شافوني
طول الدرب كلسا يشتموني
وچتافي لسه من الضرب حمرهَ هوه شيردهَ النايم بكَبرة
***************************
أرضهَ لحظة كون الزمن ينعاد وياهم
شكَد مُر شصبُر العدهم عمرنه شلون ننساهم
مصابي أحبابي هيهات بعد الموت ألكَاهم
عمري دهري چا ما اخذني وهمه خلاهم
بالحومهَ كون الخيل داستني
ولا عين هذا وذاك شافتني
مو چان ظلي محد ينظرة هوه شيردهَ النايم بكَبرة
***************************
حيدر حسين الكرعاوي
اذا اردت قصيدة خطار اجاني مكتوبة ادخل من هنا
تعليقات
إرسال تعليق