قصيدة خل نستراح هنانه مكتوبة كتابة كاملة كلمات الشاعر علي البوحمد
خل نستراح هنانه مكتوبة مع قصائد مكتوبة للسيدة رقية عليها السلام
خل نستراح اهنانه عمه وعلي تعبانه
والناكه فحطها الدرب
خليهم اينزلوني توجعني حيل امتوني
زحمه ابجي ما بين الغرب
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عمه حاجي الحادي خل يوكف تعبنه
ذوله ما بيهم ولا واحد يحبنه
والله لا نشرد ولا نندل دربنه
احبالهم ما حاجه مشدوده ابركبنه
ادري المن امكيدينه ياذنب المسوينه
عالزلم مكتوبه الحرب
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اه يا سهم الطفوف امنين اجاني
ابيا ذنب نيشن على اضلوعي ورماني
عمه حاجي الحادي خل يوكف ثواني
والله ما بيه امشي مجروحات اذاني
عمه اذني مدري شبيها خل ؤوكف وشوفيها
توجعني كل ما انضرب
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اخذيني ذاك الرافع الراس ارد اكلمه
راس ابوي ابيا ذنب يهتز يعمه
ارد احاجيه بلكي اشوف ابكلبه رحمه
راس مو رايه تره امن الهز يلجمه
الراس اريده ايعيده والماي لا ما اريده
شو مايهم ما ينشرب
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انتي هم اتحمليني وقبلي عذري
ولله توجع لسعة السوط اعلى ظهري
عمه موجوعه آنه واتكليلي اصبري
امدلله ابين الاهل كضيت عمري
بسياطهم اذوني يبست يعمه امتوني
والمثلي بيمن ينطلب
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عمه خل يوكفلي احلفج الزجيه
لا اذب روحي ويحير الجيش بيه
راح اطيح وينجبر يوكف عليه
وانتي صيحي امن الظعن طاحت رقيه
لازم يرد بالناكه الوالدي مشتاكه
فدوه ارد احاجيه عن قرب
*علي البوحمد*
7 قصائد مكتوبة للسيدة رقية عليها السلام
قصيدة لأم البنين جديده
على لحن الرادود حيدر السعد
(خل نستراح هنانه)
(عمه حاجي الحادي خل نوكف تعبنه)
عالباب ادير اعيوني
بلكي الولد يلفوني
يودعوني ساعات الاجل
...........
ساعه اغمّض عيني ساعه افتح جفنهه
بالمنيه الام تناطر يلفي ابنهه
اخ يا عباس امّه ابعيد عنهه
تريده يلفي يلفهه عباس بكفنهه
حسين واخوته انطرهم
بلكن زماني يردهم
اتنطّر ودمعي همل
يودعوني ساعات الاجل
...........
الودّعتهم من كَبل بدموع العيون
وادري راحوا للطفوف ومايردون
الماتوا بطف كربله اتمنّه يعودون
النعش امهم لو متت همّي يشيعون
ياسين من يقرولي
دمعة وفه يبجلولي
متنطره دمعات الاهل
يودعوني ساعات الاجل
...........
عيوني عالباب واناطر دكّت الباب
هيج من الله وترد لدياري غيّاب
وي نفس روحي اصيحن وين الاحباب
يوسّدون امهم ردت بحضان التراب
بالكَبر لو خلوني
حيل افتخر يدروني
بعطر الولد بترابي اضل يودعوني ساعات الاجل
...........
لسّه جرح الطف يأذيني بمسيله
اكَضيت عمري اندب يزينب يالعقيله
شلون ضعنج سافر بلايه كفيله
والسبي ياحسرتي ايامه طويله
يا نينوى شسويتي
ومن ولدي اشخلّيتي
ام البنين ابلا امل
يودعوني ساعات الاجل
...........
شلون عفتي الكَمر دامي بلا جفوفه
شلون مذبوح السبط عينج تشوفه
كل اخت صعبه الاخو لمّن تعوفه
وي دمعهه اليجري تتجسد حروفه
زينب مشت مجتوفه
من كربله وللكوفه
للشام ريته ما وصل
يودعوني ساعات الاجل
...........
الشاعر محمد حسن ضيغم
لأرض الشام وِصلت تِهمل العين
رُقيه ويِنظُـــر إلها رآس إلِحسين
*******
لأرض الشـــام قافِلــة إليِتامه
وبرآس الرُمُح راس إلأِمامه
يِنظُر طِفلتـــه بِنَظَرة كلامه
يَبويه إلحَمُـــد لله عالسلامه
(وَقتي هالحجي يابويه تِدرين)
*******
شَرد أَكِلك والحجر تارك علامه
مـــا يِسوه الزَمــن حتى إلملامه
جوآبي بويــه من فيض إلأِمامه
بَعدك بويــــــه ما ريد السلامه
(عالناكَه أريد إلموت هالحين)
*******
حَقِج إي وَحك ربي وَكتابه
يَسروكُم آل أُميه هالعِصابه
عَنج يَبتِعِد رآسي بِخِضابه
آنه للقَصِر وِإنتي بِخَرآبه
(لِقائي إوياج مِن نِفتِرق يومين)
*******
أَوَدعــــج والنَحَـر يِنزف بِجرحي
بِسُرعـه أَحجي ما طَول إبِشَرحي
بَعـــــــد لَحظات يا أنوآر صُبحي
يِنَزلوني بِطَشِت من فوك رُمحي
(نِصير إثنينه بويه بِعِيدين)
******
وَدآع إلمُفجــــع إلوآلِـــــــــد لَبِنته
وِعليج إبِمناحــــه صوتي صِحته
وَصـــــاها بِرُقيــــــه زينب إخته
إلضَعَن لو بيدي لا لا مــا تِركته
(أَهل بيت الرَسله وِإلمَيامين)
******
مَتفـارك جِنــــــت إيـــدَك إدَيه
إذا عَنــــي غِبِـت بويــه مِسِيه
تِجي مَلهـوف تِسأل عَن رُقيه
يَبويه إمنين إجَتنه إلغاضِريه
(خَذت مِنك وَمني هالعِزيزين)
******
اللـه إويـــاك يــابويــــه يَمَذبوح
يِظـل إعليك دوم الدَمِــع مَسفوح
ما بِطِل دِموعــي إعليك وِإلنوح
كُل لَحظه عليك إتشوغ هالروح
(يبن المُصطفى خَيَر النَبِين)
******
خادم الحسين
حاتم ماشاالله الكاظمي
رقيه عليها السلام
بويه بهاذا العمر....محتاجه لطيبتك
روحي الماتستقر....تتنطر شوفتك
اريدن مره انضرك
واحط راسي اعله نحرك
....................
بويه الكلب مايحتمل اكثر بعد اذيه
بيوم الغبت عن ناضري تمنيت انه المنيه
احزاني كلهه اتجمعت وتفصلن عليه
بهل حاله اضل الياوكت يابويه انه رقيه
ماترحم دنيتي....وانه بعمر الورد
ما تنشف دمعتي...بويه لهاذه الفكد
يمن عمري اعله عمرك
وحط راسي اعله نحرك
...................
مااكدر بهاذا الوضع يابويه اضل واكابر
واني عليك معلمه وماينكسرلي خاطر
شفت العجب من هالبشر ومشابحه النواضر
تمنيتك بذاك الوكت كون انته يمي حاضر
عينك لا شافته...منظر حرك الخيم
ناس الي سوته...شبعو بنتك الم
اخاف ازيد اقهرك
وحط راسي اعله نحرك
..................
بويه وهديتك مابقت من عندي سلبوهه
شكد صيحت من والدي ذكرى ولا ردوهه
ويه التراجي انه اطلعت روحي لمن خذوهه
وثيابي نكعت بالدمه حين الذي جروهه
وذاك الخد الترف....بغيابك منصفع
وحالي ماينوصف .....كون تشوف الطبع
اريد بهاي اخبرك
وحط راسي اعله نحرك
........................
بويه ومشيت انه بدرب مادايساته اجدامي
وين التفت من كل كتر الكه الشمر كدامي
وبعيوني لو شاف الدمع يكصد علي متحامي
يضربني ويضل الاثر ازرك يبويه ودامي
ماضل عندي صبر...وانه زغيرت كلب
بويه وهذا الشمر....طاح البنتك ضرب
يالتحطني اعله صدرك
وحط راسي اعله نحرك
......................
هسه انه اريد اسمع خبر عنك وافرح روحي
ومايهده اله بشوفتك يابويه تدري بنوحي
لن طيفك يكلي شبعد يم والدج دروحي
وجابولي راسك بالطشت فزيت انه وجروحي
ماشفتك من كبل....يابويه ابلا حضن
روحي الماضن تضل....بعدك لاما اضن
صعب يابويه هجرك
وحط راسي اعله نحرك
......................
حرت ابامر يابويه وانه يابسات اشفافي
يمته تكلي امن الدمع يرقيه بنتي كافي
عندي امل من ننجمع ضاهر وماهو خافي
يابويه راسي بياوكت عالنحر اشوفه غافي
عبد الله ينتظر ...من ايام الجيتي
لافركه ولاهجر....واخلص من دنيتي
وشم يابويه عطرك
وحط راسي اعله نحرك
محمد هادي العقابي
نعي للسيده رقيه عليها السلام
يقول عندما وصلو الى بلد من البلدان اخذو السبايا في الخربه التابعه الى تلك البلد وعندما حل عليهم الغروب كانت رقيه جالسه عند باب الخربه وتنضر في هذه اللحضات اكو بيت قريب على تلك الخربه واطفال يلعبون امام ذلك البيت ومن ضمن الاطفال اكو طفله بعمر رقيه ع وهيه تشاهد بعينها ماجرى
في ذلك الحين جاء ابوهم وركضت الطفله لوالدها واحتضنها ورقيه تشاهد الموقف بعدها تذكرت والدها فجائت زينب وجدتها تبكي وعندما شاهدت الموقف زينب ع ردت عليها رقيه ع
زينب عمه خليني اعله هالباب
اضل بكعدّتي وانضر للازغار
فرحانين ياعمه ويلعبون
ومابيهم المثلي اكليبه محتار
يعمه بنيه ذيج بعمري تدرين
عليمن ركضت وشنهي الجره وصار
والدهه اجه بلهفت المشتاك
ضماهه اعله صدره ودخلو الدار
شريد احجي يعمه وحيلي مهدوم
ابوي شعطله ولامنه اخبار
يمته يرد واسولفله اعله الغياب
واكله الناس ترمينه بالحجار
واكله اعله التراجي ودمهن يسيل
اجفوفي ازغار والجرتهن اكبار
واشوفه المتن بلكي يبوسه ويطيب
ماضل من ابوي حسين تذكار
اريدنه يجي وانشغ نشغ خوف
وشمنه برگبته وتخمد النار
بخرابه انام مايرضاهه والله
رقيه اعله الرمل يدري الرمل حار
تجوي خدودي رمله ودمعت العين
وجمر الخيم عمه بجدمي اثار
شيطيبه اليچوونه من السياط
مااصبر بدون حسين وانهار
مااحمل الم والحبل مكروه
خشنه حبالهم هل وادم اشرار
رقيه انه يعمه وگلبي مالوم
النفس لمن اشهكه يصير بسمار
خليني يعمه هنانه بالباب
اترقب ودير اعليه الانضار
انشلع سباح البگلبي وبته
بخرابه اليل شيحمله وباته
يعمه انه عزيزتكم وبته
رقيه وحضن ابوي ابعد عليه
محمد هادي العقابي
رقيه عليها السلام
ليش الاحباب من يبعدون
يسولف هواي دمع العيون
وين ابوي وطيبته
عندي ضلت صورته
وسط الاعيون
.................
ابد ماعودني عالغيبه الطويله
ودمعي فوك الخد فلا يعرف مسيله
راح ابوي وماعرّف شنهي الوسيله
البيهه اوصله وعله جروحي اشتكيله
شكوّت الام من الفراك
بويه يحسين كلبي مشتاك
هيج اكله بجيته
عندي ضلت صورته
...................
اليل من ايمرني اسهر بالاذيه
وانتظر جيته واكول يحن عليه
عنده آنه مدلله بنته رقيه
ايحبني بس كلبي يگلي ماله جيه
ماعرف وين دهري ودا
خاف مجروح والدي الكَا
جنهه صعبه محنته
عندي ضلت صورته
...................
من شفت نار بمخيمنه اتوجر
ويحترك كلمن عليهه ايقرب اكثر
والشمر بسياطه ضل اعلينه يفتر
وعمتي محتاره وتصيح الله اكبر
صاحت بصوت ها يعباس
شو للخيام وصلت الناس
وطاح عمي وجربته
عندي ضلت صورته
....................
اغفه وين بيا حضن والكاه دافي
بس ابوي بحضنه احس نوم العوافي
بياوكت آنه انضرب والجدم حافي
لو يمرني العطش ويفطر اشفافي
اربع اسنين عمري من جان
بهذا الغياب صارن احزان
عني طالت غيبته
عندي ضلت صورته
.................
سرنه للشام الشمر حادي الضعينه
واكو راس اعله الرمح ويصد علينه
نضرت عيونه شكثر نضره حنينه
عمتي ماخلتني اصير كبال عينه
حملت هموم زينب اهواي
ابجي كل حين وتبجي وياي
دم اخوهه شافته
عندي ضلت صورته
..................
الراح من عدهه الابو تتمنه شوفه
وآنه شفته بنص طشت والدم يطوفه
قررت لا امشي عنه ولا اعوفه
الصدري ضميته ولا ضمني بجفوفه
ماكو جفين تغير الحال
جاني بس راس بلا صدر ضال
شلون احضن رگبته
عندي ضلت صورته
محمد هادي العقابي
مصدر القصائد مؤسسة منبريون
بارك الله فيكم
ردحذف