قصيدة نسيتك ثواني مكتوبة مع قصائد مكتوبة على طورها
للرادود باسم الكربلائي
قصائد على طور قصيدة نسيتك ثواني
قصيده على طور نسيتك ثواني
للمله باسم الكربلائي
//////////////////////
اجيتك يغالي ..لكيتك تعاني
صبر وانطاني ربك
اعاين على نحرك
لكيتك تعاني
///////////////////////
ذكرتك خويه من نكعد سويه
وبنضرت حزن تنضر عليه
احسن من نضرتك هاي هيه
فركتنه سوى بالغاظريه
حبيبي يغالي ..غيابك عماني
واضل محتاره باامرك
اعاين على نحرك
لكيتك تعاني
//////////////////////
اخوتي ودنيتي وياشمعة اسنيني
بعدكم ياهلي لااعميها عيني
لا طارش لفه منكم واجاني
يخبرني باامركم ياخواني
نسيتوا اختكم ..تعاين لدربكم
تكطع خويه كلبك
اعاين على نحرك
لكيتك تعاني
/////////////////////////
انه امخدرت حيدر يخوتي
والعدوان كلها اسمعت صوتي
على اخواني الاحبهم ردت موتي
والضلام رادت بس سكوتي
شجاوب بعدكم ..ومني الموت اخذكم
اموتن انه بعدك
اعاين على نحرك
لكيتك تعاني
//////////////////////////
من ارجع يخويه للمدينه
تجي ام البنين وهي حزينه
تسألني يزينب ابني وينه
اكلها بالسيوف امكطعينه
عدونه ضلمنه ..من خوتي حرمنه
اشوفن اني سهمك
واعاين على نحرك
لكيتك تعاني
////////////////////////
تمت بعون الله بقلم خادمة الزهراء عليها السلام
ام حسين الفريداوي
قصيده للدفن
على طور
((نسيتك ثواني))
((المستهل))
👇
رجعت الدفنهم
بقت روحي يمهم
سبايا امشينه للشام
ويضربوهة للايتام
رجعت الدفنهم
*************
عفت اجسادكم غرڰانه بدماهه
تراب الغاضرية اعليها غطاهه
ضليت بحزن احجي انه وياهه
وغصبن ماعلينه الجثث عفناهة
العدو من هضمنه
ضربنه وشتمنه
مصيبه اتبچي الاسلام
سبايا مشينه للشام
رجعت الدفنهم
***************
اجيت ادفن ابويه حسين ابو اليمه
شفت اوصاله متڰطعة ونزف دمة
بست راسه وحضنته وانه اشتمه
لن صوت النحر يمي الطفل ضمه
الرضيعه دفنته
سوية بحفرته
انفطر جبدي من الالام
سبايه مشينه للشام
رجعت الدفنهم
*************
رحت صوب النهر ودموعي اجريهة
ادور عالبطل عباس وادريهة
جثته امڰطعه ومن كل كتر بيهه
جراح وتنزف و عينه امصوبيهة
چفوفه رميه
شلتهن بديه
اويلي امجرحة بسهام
سبايا امشينه للشام
رجعت الدفنهم
**************
رحت ادفن جثث الاصحاب واخواني
تذكرت الطفوف وزادت احزاني
ادفنتهم بيدي واحدهم وره الثاني
عجيبة اعلى الصبر ومنين انه جاني
بقت بس صورهم
تذكرني باثرهم
اشوفنهم بالاحلام
سبايا امشينه للشام
رجعت الدفنهم
***************
ارجعت للكوفه وآنه امصيبتي تصعب
ڱلبي من الهضم مكسور وامصوب
تلڱتني العقيله عمتي زينب
تناشدني رويت الچبد التعذب
انذبح ويلي عطشان
وانه بعده بالاحزان
لطمت اب إيدي عالهام
سبايا امشينه للشام
رجعت الدفنهم
***************
تمت بحمده تعالى
وبتوفيق المعصوم
اللهم صل على محمد وال محمد وعجل فرجهم
اللهم تقبل هذا القليل🙏
بقلمي الحسيني✍️
((رؤى السلامي))
نسالكم الدعاء 🙏
خدمتك كرامه...امانه وسلامه
تضل للدوم صافي
توافي ويه اليوافي
خدمتك كرامه
عده كل الجروح الالف والكسره
اشوفن وجهك بروحي السمه گمره
شوصفك وانت بس الخالقه يقدره
سلام الله على دموع الصفت حمره
دموعك دموعي...ضلوعك ضلوعي
جمر بضلوعي غافي
توافي ويه اليوافي
خدمتك كرامه
اهيم بعالم افكاري وارد خايب
اشوف مقصر شگد ماالك كاتب
اعتكفت بمعبدك حد ماصرت راهب
دمع عيني سجد بيك وصحت تايب
اجيت بنحيبي...العذر ياحبيبي
اريدن ليك اوافي
توافي ويه اليوافي
خدمتك كرامه
رضاتك عندي اهم من دنيتي وروحي
احس بيك انلچم واستلذ بجروحي
واحس هاي المجالس بالرضا توحي
اضد كلمن يعارض ونتي ونوحي
اليضدك اضده...اليجيسك ارده
لليضدك اجافي
توافي ويه اليوافي
خدمتك كرامه
اليطب المجلسك يتطهر بدمعه
وعلى صواني العرس يتبرع بصبعه
اللطم لجلك شرط لازم كسر ضلعه
اليطيح بمجلسك چف امك يرفعه
تجينه بدمعها...تون من ضلعها
المرض لجلك عوافي
توافي ويه اليوافي
خدمتك كرامه
نطوف بحظرتك واحرامنه الاسود
وسبع اشواط بين المرقد ومرقد
الحج بحظرتك والباري الك يشهد
وطريق الخدمه واضح واليضد ينضد
اموت على دربك...قسمتي احبك
ابد ماگول كافي
توافي ويه اليوافي
خدمتك كرامه
على لحن باسم الكربلائي (نسيتك ثواني)
خادمكم مصطفى الحافظ
المصدر مؤسسة منبريون
تعليقات
إرسال تعليق