قصيدة على لحن يخيمات مكتوبة
يآحٍسين وفُقٌني لُِخـدِمتڪ:
آبـِِِـِِـِــْـْْـْوُ🌷يـِـِِـِِِوـِسف:
قصيدة للزهراء عليها السلام على لحن يخيمات
****
يزهراء ... احلفج وبدمع عيني
يزهراء ... اريدنج تسجليني
يزهراء ... اخدمج واخدم حسيني ... يزهراء
ــــــــــــــــ
بجاه الي ضل فوكَ الترب وعيوني عل مخيم
كل عمري اريده ينكَلب بس حزنج او محرم
بدون المجالس والعزاء من يكَضي عمري اندم
بعظم الدموع التنهمل بس الله هو اعلم
صحت حيل ... عينج فاطمه عليّه
صحت حيل ...وانت اعرف اشبيّه
صحت حيل ... واعرف ماتردّيني ... يزهراء
ــــــــــــ
يافاطمه وعندي طلب يل ماتردي واحد
خلّيني اموتن بالعزاء وللمنتظر اشاهد
رغم الذنوب وقسوتي حبكم عليّه شاهد
الجنه مو جنة عدنه جنّاتي المراقد
حسيناه ... ردد كَلبي ولساني
حسيناه ... تارس والله وجداني
حسيناه ....عشكَ الله يغذّيني ... يزهراء
ــــــــــــــــــ
من الطفوله وللكَبر الكم اضل اوالي
اندب أنه من تندبي وين الذي بجالي
يافاطمه عليج الحسن ردتج تنظري حالي
لجلج لجل سبي الضعن خل اسهر الليالي
بالدموع ... اريدن ليلي اسهرنّه
بالدموع .... صدري اعليج اكسرنّه
بالدموع .... خل كَلبي ياذّيني ... يزهراء
ــــــــــــــــ
تنسيني ماضن بالحشر وانتي الذي شفيعه
وانه الي صبّت دمعته لوليدج اورضيعه
عليج بكَمر هاشم صحت وجفوفه الكَطيعه
حضريني ساعة دفنتي لو ضاكَت الوسيعه
بالتراب ... اريدنّج تحضريني
بالتراب ... وبنوارج تضوّيني
بالتراب ... بنص الكَبر تلفيني ... يزهراء
ـــــــــــــــــ
يل طحتي بالباب الحزن ابداً فلا نعوفه
تمنّيتي حيدر يلزمج يالطاهره ابجفوفه
الله يعين المرتضى ضلعج لمن يشوفه
جرحه المصابج ما شفه ومحّد كَدر يروفه
وويلاه ... نادى المرتضى بصوته
وويلاه .... تمنّى ابموتتج موته
وويلاه ... نادى ليش عفتيني ... يزهراء
ــــــــــــــــــــ
الشاعر محمد حسن ضيغم
موفق أن شاء الله بس بلازحمه اخوي اكدر أخذ القصيدة
ردحذفأكون ممنون