كلمات قصيدة مجمر دليلي من العشك مكتوبة كتابة
كلمات قصيدة مجمر دليلي من العشك مكتوبة كتابة
ساجيني حزنك ونصلب شفه عل بيبان العطش*
ساجيني حزنك ونصلب شفه عل بيبان العطش*
يرسملي طولك عل ترب بحوفر الخيل نفرش*
شلون بحصيره تنجمع ماكو عل كد طولك نعش*
ملمض من داستك لو ضاعن بليل هدعش*
مابارحت حزنك يوم ولا لا لكت عليه هدوم*
كل عمري خلص كربلاء غربت بنات مدلله*
حسين---------------------يااباعبدلله
يحسين اجيتك محترك مجمر دليلي من العشك*
بعيوني شايل كربلاء ومعزب بصدر السحك*
----------------------------------------------
كل خطوه تكظي من الدرب نتسامر بعين الدمع *
سولفلي عنك بل سحك راح بسنابلهم ضلع*
بعيونك مكابر عطش يل من ذبح ذبحت شمع*
من ثوبي وياك استحي عريان اشوفك منصرع*
يحسين يا حزن الله مسلوب ثوبك غفله*
من ثوبك المسلوب امس يبدي الستر يابوالشمس*
حسين------------------------يااباعبدلله
يحسين اجيتك محترك مجردليلي من العشك*
بعيوني شايل كربلاء ومعزب بصدري السحك*
-----------------------------------------------
-----------------------------------------------
-----------------------------------------------
-----------------------------------------------
وزاء السمه من عل رمح راسك يبن حيدر صعد*
اب شيبته توضاء العرش والقبله عيونك سجد*
بس انته يحسين وجذب يشمخ نخل عل كاع ابد*
من عينك لحد عينك ومامش وراء عيونك بعد*
راسك بل رماح يبات يسكي بضواه النجمات*
بس انته بعيوني العشك والباقي غربه عل صدك*
حسين-------------------------------- يااباعبدلله
يحسين اجيتك محترك مجمر دليلي من العشك*
بعيوني شايل كربلاء ومعزب بصدري السحك*
----------------------------------------
من غربت ضنونك بدات كل الموسم والسفر*
ليل وحزن يشرب حزن والغربه لجمات وسهر*
شما يمحل بروحه العشك يسكيني من عندك مطر*
وذكر عطش كلبك وحن ولتم رذاذ على نحر*
ماي عل كلبك يا ريت اتبدا كون تمنيت*
بلك الله تبره من السما وعيونك تلم السماء*
حسين---------------------------يااباعبدلله
يحسين اجيتك محترك مجمر دليلي من العشك*
بعيوني شايل كربلاء ومعزب بصدري السحك*
--------------------------------------
يمتد علينا فيايك ونلتم حدر العشك*
بعيوني يعرض طولك مطشر حدر خيل السحك*
ياخذني يحسين الهظم وهجر صحبتي واحترك*
كلما شفت ماي السبيل اعلى درب حيل اختنك*
عطشان وبلايا فيان متعين وانه اشرب ماي*
منومني با فياي الخيم ومنم بكلبك سهم*
اداء الرادود مسلم الوائلي
للشاعر حسن الترابي
قصائد على لحن ساجيني حزنك مكتوبة
ًقصائد استشهاد الزهراء عليها السلام
#الليالي الفاطميه
السيده #زينب مع امها الزهراء ع
لحن ملا مسلم الوائلي(ساجيني حبك)
_
وداع يكسر ظهري هل يوم
________****
من زغري رافگني الحزن واعيوني عاشرهه الدمع
يخنگني كولشي من الصغر من هسه گلبي منفجع
امي الحنـــــــينه يا خلگ دفعوهه كسروه الضلع
وياهه راحــت راحتي وكل بسمتي وطافي الشمع
حرموني من عدهه اشلون.
وافراگهه يعـــمي اعيــــون
دنياي صارت مضــــــلمه
ويلاه يـــيمه فاطٌـــــــــمه
________________****
يا جرحي يلجمني الهجر واتنطر الوجه الصبٰـــح
عافتني امي من الصغر ما شافت اعيوني الفرح
عاشرني وني ودمعتي مــــن هسه حزني متضح
من ماتت امي فاطمه حــــزني بدء وانهد جرح
يجرحني لو حــــل الليل
عافتني امي ابلا حـــــيل
دنياي صــــارت مضلمه
ويلاه ييمه فاطمــٌـــــــه
__________________****
يا ورده ليش وذلبـــــــــــت حرموهه من شم الهوه
جانت شمعتي ومن مشت ماشوفن وكولشي انطوه
يا يمه والله بفرگــــــــتج صــــرت انه والميت سوه
شيب دليلي من الحزن مـٰـٌـــــجروحه يالشوفج دوه
يا رحـــمة الله اشمحلاج
اخذيـــني يالزهره اوياج
دنياي صارت مٰـــــضلمه
ويلاه ييــــــمه فاطــــمه
___________________****
عطشانه يمه والگلب دگــــــاته بسمج من يدگ
شمعه بوداعج حالــتي كل ساعه يالزهره احترگ
ماجانت ابالي البــعد يـــــمه اشــو هسه صدگ
سهران جفني والگلب لعـــيونج بــــحرگه يخفگ
يحشــْاي يا لــــــب الروح
يمه الهوه هم مـــــــذبوح
دنياي صـــــــارت مضلمه
ويلاه ييــــــمه فاطــــٰـمه
_________________****
يا خيمة الحـٰــٰب والوفه يا جـــــنة الله والفـجر
قرآن انتي وضلٰـــــعج ابلايه ذنب ليش انعصر؟
شمسج ييمه غربت ما كبـــــــرن اسنين العمر
وانه بقيت بحسرتي وبخدي دمـعي جن جمر
جاشــلي بعـــــــدج بالدار
يا يمه مـٰـٰـــو احــنه ازغار
دنياي صارت مــــــضلمه
ويلاه ييــــــمه فاطــــٰــمه
______________****
تمت بحمد الله وتوفيقه2019/11/30
الخادم المقصر : ناجي ابو كيان الصالحي
ونسألكم الدعاء لي ولوالدي🥀
قصيده للزهراء على طور مجمر دليلي من العشك
هد حيلي يايمه اليتم يحبيبة عذبني الهضم
بنيتج تعرفي مدللة شبكيني حتلو بالحلم
😭😭😭😭😭😭
يمه ارد اسولف عالجرى خل نكعد بهذا المسه
والضيم العلينه سده خليني اسولف واهمسه
تذكرين كعدتنه كبل لو كلبج الطيب نسه
احلف عكب عينج بعد دلالي ابد مااونسه
متروسه يايمة جروح من فركتج طلعت روح
لفراكج دموعي انهار خليني احجي عالصار
مضلومه يازهراء
😭😭😭😭😭😭
نكعد ونذكر بالأمس من جنه نتسامر سوه
مخنوكه يمه بفركتج وضايع عليه الهوه
انشد عله ضلوعج هدن لو مارهم الهن دوه
انضر ييمه لغرفتج ظلمه ولا بيهه ظوه
يجافيني كل ليله النوم اكعد واشمن الهدوم
اغفه عله ريحتهن كمت وينج يالحبيبة صحت
مضلومه يازهراء
😭😭😭😭😭😭
ارد اكعد بهذا المسه وبابج ييمه انشده
وصفلي حالة فاطمة من هجموا عليهه العده
من صواب بسمارك ترى الضلع ابدا ماهده
ضلوع فاطم كسرت وجملت المصاب السده
متشوفهه شمالك باب الضلع ابدا ماطاب
الباب من حجيي انتحب اوكع من كد العتب
مضلومه يازهراء
😭😭😭😭😭😭
يمة ارد اكلج هالخبر بعدج افارك كل هلي
بمحرابه باجر ينطبر عكبج ترى الوالد علي
والحسن جبده ينمرد يمه ويكلي تحملي
اخرهن تراهي كربله وين الدهر ضمهه الي
اشكال بيهه الجروح وحسين بيهه مذبوح
من عندي تاخذ احباب مصاب مامثله مصاب
مضلومه يازهراء
😭😭😭😭😭😭
ينمرد كلبي من الالم من احجيهه جلمة كربلة
شيصير حالة المغترب واليفكد احبابه وهله
انضر لخوتي تذبحت ومسبيه كل العايله
راحت اسيرة الجانت بأحضان اهلهه مدللة
خانتني هاي الايام ودتني يمة لشام
عله ترابهه كمنه نبات وادفنت بيهه بنيات
مضلومه يازهراء
😭😭😭😭😭😭
تمت بعون الله وبقلم #الشاعرة_زهور_الربيع
*غير مبري الذمه من يحذف اسم الشاعرة او ينسب القصيدة اله
قصيدة مكتوبة على لحن ساجيني حزنك (مجمر دليلي)
علي... ياحبيب الزهراء
سابيني هجرك ياعلي يمعذب اعيوني الطفن
يالتارك بذمتك حرم فشله ابطوايف لو مشن
مو دم على جبينك لحم من هامتك يابالحسن
ذوله الي ضربو هامتك باجر يضربون الضعن
باجر ابنيتك تحتار...
من تدخل ابخيمت نار...
ونته العفتها امدلله
تصرخ تعال لكربله
علي.... ياحبيب الزهراء
________________
فك عينك حسينك شبك صدرك يكاسر خاطره
ونطيني من كلبك صبر مابيه اشوف الي جره
باجر على الرمضى وعلي ضلوع التحبه امطشره
تتنادس اعلينه الزلم وحنه الستر يا حيدره
باجر ارقيه ابلا راي....
تصرخ يعباس الماي....
من ايدك الأيد الغرب
فشله بقصرهم لو نطب
علي.... يا حبيب الزهراء
________________
يابويه شهرك ما كمل خير بصيامك لو صمت
رد جفك لذاك العشك متعوده اشبكك لو نمت
اكبر مصيبه ابلايه ابو وانه اعلى زغري اتيتمت
ميت وحس بشبكتك مثلك يحيدر ما شفت
يل ميت ابلايه اوداع....
رد ذاكه عمري الي ضاع.....
عطر الله فاحت صايتك
ويا محله ذيج اعمامتك
علي.... يا حبيب الزهراء
________________
كل ما يمر بيه العمر ما يكضن ايام القهر
والماله ام ولا ابو يكره حياته من السهر
باجر يتيمه ابنص زلم حتى امنكومن انهطر
لو طاحن اجفوف الكمر ياهو اليرد سوط الشمر
ياذاك فرحي الما دام...
باجر على الناكه انام....
باجر يمشونه الضهر
وبلايه محمل لا ستر
علي..... ياحبيب الزهراء
________________
السيد احمد الاعرجي
((لحن قصيدة ساجيني حزنك))
اقراء بقية قصائد مسلم الوائلي
اتقو الله ياقوم
ردحذفاتقو الله ياقوم
ردحذف❤❤ الإمام الحسين ❤❤
ردحذفما شاء الله
ردحذف