في رحاب أهل البيت عليهم السلام
=======
لطميه لمسلم ابن عقيل عليه السلام بعد القصيد
========
وين ابويه الدللاني
لاخبر عنه اجاني
هلت حميده الدمعات
========
بويه يابويه تنادي
اتنادي والدمعه جريه
بويه واحشني اشوفك
غيبتك صارت بطيه
بويه جفني ماطبكته
فركتك صعبه عليه
بويه ماانسى دلالك
مدلله بجالك اعيالك
واعليك اجر الحسرات
هلت حميده الدمعات
========
صعبه يابويه اخبرك
صعبه البنيه يتيمه
الابو مامن مثاله
الابو لعياله خيمه
بويه يامسلم تجينه
والفرح بويه اجيمه
لو بعد مترد علينه
كول بويه يا ولينه
بس حرم احنه ملوعات
هلت حميده الدمعات
=======
بويه ماادري شسوي
وانه اشوف حسين حاير
بويه اشوفنه ايتالم
مدري يابويه اشصاير
بويه يبجي ويه زينب
اوياه تتباجه الحراير
عمه يازينب انشدج
وشالخبر ياعمه عندج
مسلم عمه جنه مات
هلت حميده الدمعات
=======
زينب الحره احضنتها
والدمع علخد يجري
تكلها صبري ياحميده
عليتم عمه اصبري
عمه امصابه ضهدنه
خان بيه ياعمه دهري
من القصر عمه رميه
ما شرب نكطه اميه
اتگلها وتجر الحسرات
هلت حميده الدمعات
=======
تكلها اخبرج ياحميده
الابو غالي علينه
هذا ابوج وهذا اخونه
وراح ياعمه من ادينه
عمه كل همه اعله اخي
وكله عمه ايوص بينه
من يوصلي وصيه
لي غريب الغاضريه
ولحسين يجذب ونات
هلت حميده الدمعات
======
الحاجه ام إحسان
كتاب مجالس الثقلين ج 1
الشاعرة لاتجوز حذف اسمها
قصيده لمسلم مكتوبه ،قصائد حسينيه مكتوبه
تعليقات
إرسال تعليق