قصائد مكتوبة لمسلم بن عقيل
عليه السلام
📜 قصيدة : حي الله مسلم
✒️ الشاعر : محمود الموسوي
🔷 الرادود : ميرزا حيدر الابراهيمي
حي الله مسلم يا حي الله مسلم
🔹🔹🔹🔹🔹🔹🔹🔹
طگ الدرع بمتونه غيرة گمر عدنان
شال الزلم بزنوده شمرها عالحيطان
سيفه علي وريشاته ماخذها من عباس
رعدت رعيد الحومه وانشلعت البيبان
تتراكض الكوفه طباهم البين
مسلم يبو الغيره يا زود الحسين
🔹🔹🔹🔹🔹🔹🔹🔹
غار المهر بالهيمة ومعصب الخيال
والزلمه ذب اهدومه والي شرد ريال
بعيونه مسلم شارة يخزرله زلمه يموت
عمه علي البچفوفه خيبر لفوگ الشال
تاهت باهاليها شال الحياطين
مسلم يبو الغيره يازود الحسين
🔹🔹🔹🔹🔹🔹🔹🔹
خياله باعت بيها وتريس الوفاي
بچفوفه شايل جربه مو طاسه مالت ماي
طوعه بهلاهل صاحت حي الله هالنوماس
يمتعب الخياله يالترهب انته هواي
حي الله زلمتنه يمكحل العين
مسلم يبو الغيره يا زود الحسين
🔹🔹🔹🔹🔹🔹🔹🔹
دخن والملاگيها يردمها خيل بخيل
عركه وحلاة العركه كلها تصيح دخيل
ياكل زلم ظل سيفه گام برحاها يدير
حمزة وعلي بصولاته من الله شايل حيل
بچاهم بحيله دخنها صوبين
مسلم يبو الغيره يا زود الحسين
🔹🔹🔹🔹🔹🔹🔹🔹
عرگت زلم چفيته واللامه تجدح نار
من تبرد يشد بيها مسلم ثجيل وحار
شردهم من الكوفه خلاهم متيهين
هيبة علي الماخذها من هيبة الجبار
ماگدروا عيونه بچه الميادين
مسلم يبو الغيره يا زود الحسين
نشر خادمة العترة ام محمود الشمري
القصيده الثانيه
من بعد مسلم حميدة اشحالها
بغربة ضلت والدمع يبرالها
&&&&&&&&&&&&&&&
ابغربة ضلت من مشة عنهة السفير
والنواضر عـــالدرب تربي وتدير
الطفلة من غــــير الابو حتما تحير
وهو لا حـــــــــس لا خبر ودلها
&&&&&&&&&&&&&&&
وهو لا حس لا خـــــبر منة لفة
وهي ماعودهة ابوهة اعلة الجفة
علمـــــــاها اعلة الحنان وعالوفة
ليش هالمرة بطة او ماجالــــــها
&&&&&&&&&&&&&&
ليش هالمرة بطة شنهي الجره
وهالامر خلة حمـــيدة امحيره
نار مشتـــعلة ابكلبهة اموجره
حسين كسرت خاطرة اتعنالها
&&&&&&&&&&&&&&
حسين كسرت خاطرة وذاب الكلب
من لفاهة ولــــــكة مدمعهة يصب
اتكلة عمي خبر ماكو امن المحب
ولي غاب اعليهة ابوها اشحالها
&&&&&&&&&&&&&&&&
ولي غاب اعليها ابوها اتضل تون
ويبقى مدمعهة يســـيل اعلة الوجن
زغيرة انة ويني اوين الــــــحزن
عمي والكوفة بطـــــــــــة مرسالها
&&&&&&&&&&&&&&&
عمي والكوفة بعـــــــــــــيدة ياشهم
وانة من اذكر ابوية انـــــــــــهظم
عمي خل ايروح شيــــــــــال العلم
وخل يشوف الكوفة والـــــيجرالها
&&&&&&&&&&&&&&&&&
وخل يشوف الكوفة ويشوف الحصل
وليش مابين عليـــــــــــــــنة هالبطل
وخل يكلة دمع بنـــــــــــــتك مابطل
من رحت للحين ضل يجراجلها
&&&&&&&&&&&&&&&
كلمات الشاعر والرادود عدي البصراوي
القصيده الثالثه
استشهاد مسلم بن عقيل عليه السلام
اجيت اليوم اشوفنها مراجلكم
عددها ايعادل بكثرة رسايلكـم
سفير حسين انا مسلم وابن عمه
رسول الكم اجيت وآخذ الچلمـه
الرجل چلمه وچلمته لابد اتلزمه
كتبتو وگلتو انصار ونبايعكم
اجيت انظر نواياكم واشوف الـــراي
واشوف الثابت بوعده و منو الوفاي
منو المنكم عهد نفسه يصير اويــاي
ابمراسيل الاجت منكم احاججكم
اثنعش الف الرسايل وصلت او اكثر
نريد أجواب يا يوم الـــذي تحضــر
يبو السجاد الك شطب الورد ازهـر
بشغف لگلوب ملهوفه تناطركم
يمسلم من أذى الظلام خلصنــــا
لچن غدرتني اورفضت تناصرنا
اظن ما واحد المنهــــم يبايعنــا
بغدر هالناس هذا الصار اخبركم
عكس ما بالكتب شفت الوضع اخطر
اشم عطر الغدر واهجس وجود الشر
تصـــد عيني لبو السجــــاد واتحســر
عكس ما كتبت وگالت نعاهدكم
ناس البايعت زعمت تظل انصــــار
تركت امري ابحيره واصد لنظـــار
لبو الاكبر حزن حالي وهمت محتار
وداع الما بعد رجعه اودعكم
على حسين المدامع تجري هماله
على أطفاله وعلى كل فرد بعياله
غدر هالناس يعكس شدة الحالـه
مخاطر بالدرب كثره تواجهكم
كلمات عمار الراشدي
قصائد مسلم بن عقيل مكتوبة
تعليقات
إرسال تعليق