قصيدة مرت سنة ونص وانه بونيني مكتوبة
مجموعة قصائد على طورقصيدة مرت سنه ونص مكتوبة
كفيل زينب عليه السلام:
فصيده ثكيله الى ابالفضل العباس عليه السلام عن السان مولاتي زينب عليه السلام على طور مرت سنه ونص واني بونيني
...................................................
عباس خويه ارجعلي يل الغالي
عكبك تراني ماألي والي
بسوط ترضاها انضرب متني..فوك الهزل ياخويه ركبني
...................................................
خويه خويه
لمن اصيح بصوط ضربوني
اندب اندب
عباس اكعد ولله هضموني
روحي جروحي
ماتلتئم يلبيك فجعوني
ارجع ارجع
ياخويه مشتاقتلك عيوني
اتمنى اشوفك يابعد روحي
وتهده وتنام اليله اجروحي
خلافك يوالي الشمر يضربني
فوك الهزل ياخويه ركبني
......................................................
خويه وينك
شكد صحت بسمك ماتجاوبني
رتك تنهض
يوم الشمر طكني على متني
ايكلي ايكلي
عباس وينه خل يحاربني
ميته ميته
او ما سمعت حجيه الي جارحني
طكني على متوني وحرك كلبي
ومن الهضم ماشفت انه دربي
عباس اكعد شوف طك متني
فوك الهزل ياخويه ركبني
...................................................
ليلي ليلي
بحسبات يخلص وبدمع عيني
خويه شنسه
سهم البعينك ولله يجوني
منيتي أمنيتي
ترجع اشوفك يمي تحميني
تدري تدري
فراكك ياخويه ولله يعميني
ارجع اريدك ولله يل الولي
خلافك تراني انذبل حالي
ترضى خولي وزجر يضربني
فوك الهزل ياخويه ركبني
..............................................
خويه خويه
هل الجمله راحت بعد محجيه
ضلت ضلت
فوك نهر ياخويه تاليه
انهض انهض
زينب تحشمك سار حاديه
ترضه الغيره
بين الغرب اختك مشو بيه
فوك الرمح وتعاين عليه
ماترضه زينب تمشي مسبيه
ضرب الصياط هواي ألمني
فوك الهزل ياخويه ركبني
.................................................
ترضى ترضى
بين العده امشي بعد جفك
خويه عيوني
اكعد تره شتموني من بعدك
بعزه الطلعه
من المدينه ومن ارض جدك
هسه غربه
اميسره وبيد الشمر ضعنك
اكعد يانور عيوني يل الغالي
شلون الحرم تمشي بلا والي
امصابك هضمني هواي يجرحني
فوك الهزل ياخويه ركبني
............................................. .
بقلم خادمة المنبر الحسيني ام حسين المسعراوي من العماره نسألكم الدعاء لايجوز حذف لاسم
#نزلة مرت سنه ونص
يحسين هــم بيوم ألكَاكم لوميته خوية بكربلة وياكم
الفاكَد حبايب كَلبة شيصبرة
هــوه شيردهَ النـايم بكَبرة
*******************
صعبة بغربة خواني ما صدكَ يضيعوني
شذنبي كَلبي شيب يخوتي بيوم عفتوني
ويلي ليلي غير السهر ما مَرعلى عيوني
تقبل انذل بضرب السياط امورمه متوني
ما شيل ايدي أتحمل مصابي
خاف من أشاكَف يوكَع حجابي
چنت شكثر عباس أنتظرة هوه شيردهَ النايم بكَبرة
*******************
حسرهَ جمرهَ مو دنيا هاي بلاية خواني
شَحمل تكتل تهد الرواسي بكربله احزاني
ماتت راحت زينب الچانت ذيچ مو آني
الدنية علية واحد يخوية يحچي للثاني
هاي السبية منين جابوها
ما عدهاهَل؟ شو هَلها ما جوها
يحسين كسرالراح شيجبرهَ هوه شيردهَ النايم بكَبرة
*******************
هضمي همي كل المصايب ردن علية
خيامي أيتامي واسياط ظهري وحَزت إيدية
يمكم منكم محد سئلني شبية مــا بية
وسفه كلفه زينب أخت عباس مسبية
فوكَ الهزل مشدودة چفينـــي
بيوم الصرت كون الله عاميني
ياهي التعوف أخوتها عالغبرة هوه شيردهَ النايم بكَبرة
*******************
عوني كوني من كَبل لا جي الكربلة موتي
وآني اخواني كل ضني هيه تشيل تابوتي
وَنــي لَنــي كلسا يسمعة الما سمع صوتي
بذلــي يكَلــي لمجلس يزيد بهالضعن فوتي
يا ويلـي من طبيت ديوانـهَ
منين أنتي كلها تصيح يفلانهَ
يا جرح كَلبي الشايلهَ شكبره هوه شيردهَ النايم بكَبرة
جروحي نوحـي تكتل يخوية فركَة الغالـي
شحالي تالــي دنكَت زينب راسها العالي
أنســهَ؟ شَقسه وراسك يخوية معلكَ كَبالي
وعدي وحدي بس الشماته هناك تبرالـي
ولمن بــلا وليــان شافوني
طول الدرب كلسا يشتموني
وچتافي لسه من الضرب حمرهَ هوه شيردهَ النايم بكَبرة
*******************
أرضهَ لحظة كون الزمن ينعاد وياهم
شكَد مُر شصبُر العدهم عمرنه شلون ننساهم
مصابي أحبابي هيهات بعد الموت ألكَاهم
عمري دهري چا ما اخذني وهمه خلاهم
بالحومهَ كون الخيل داستني
ولا عين هذا وذاك شافتني
مو چان ظلي محد ينظرة هوه شيردهَ النايم بكَبرة
*******************
حيدر حسين الكرعاوي
قصيدة للنبي الاكرم على لحن قصيدة باسم الكربلائي
مرت سنه ونص وانه بونيني
معقوله ترحل بويه يالغالي
بيوم العفتني راحت آمالي
ضلّيت اونن والدمع جاري
وحشه وحزينه اخلافك ادياري ... بويه
ـــــــــــــ
ونّت .. اوحنّت ... روحي عليك وانت تدريني
ابالي ... اكَبالي ... وي كل مسيه تنظرك عيني
غايب ... ذايب .. كَلبي عليك اوزايد اونيني
صدلي ... ارجعلي ... من فدوه الك كل عمري وسنيني
بعمر الشمع مو تعرف ابنيتك
عنهه رحت وتناطر الجيتك
ليش الحزن كل ليله خطاري
وحشه وحزينه اخلافك ادياري ... بويه
ـــــــــــــ
حزني ... اونّي ...كل ما ازور واشتم اترابك
جروحي ... بروحي .. يابويه عايش تعرف امصابك
يصعب .. غرّب ... نورك واحس موتني اغيابك
مثلي ... تهلي ... دم ومدامع ضلّت احبابك
ماذا على من شم ترب كَبرك
احيه واموت اشما اشم عطرك
تدري اعله كَبرك ضلّت آثاري
وحشه وحزينه اخلافك ادياري ... بويه
ـــــــــــــ
عيوني ... ولوني ... ضل منخطف من جمرة الفركَه
خيرك ... بغيرك .. يا والدي لا والله ما الكّه
حزني ... وجفني ... دمعة مصابك ضلّت اتحركَه
وسفه ... الوسفه ... راحت يبويه ساعة الملكَه
لو عالجبال امصيبتي صبّت
جان الجبال الراسيه انهدّت
اشكي مصابي وحزني للباري
وحشه وحزينه اخلافك ادياري ... بويه
ـــــــــــــ
الزهره ... بحسرة ... ضليت اخبرك من رحت عنّي
ابيتي ... ريتي ... ميته ولا ترحل نعش منّي
كافي .. اتجافي ... ياطيف ابوي وخيّبت ضني
مرني ... انظرني ... شلت المصيبه وبزغر سني
وردة محمد وسفه كَطعوهه
تبجي وتون كل ليله خلّوهه
شافوني ورقه اووجّر ناري
وحشه وحزينه اخلافك ادياري ... بويه
ـــــــــــــ
شندب .. شعتب ... دهري ابد مارحم دلالي
همومي ... بيومي ... كل لحضه اندب بويه يالغالي
غيابك ... فراكَك ... مثل الشمع تعرف صبح حالي
تشكي .. وتبجي ... مثلي عليك بكل مسى اطفالي
دمع الحسن وحسين اذّاني
يغشى عَلي كل يوم خلاني
وانه الي محّد يعرف اسراري
وحشه وحزينه اخلافك ادياري ... بويه
ـــــــــــــ
الشاعر محمد حسن ضيغم
قصيده لسيدي ومولاي الامام علي عليه السلام 16
الشاعر الحسيني فرحان البزوني:
لحن ملا باسم الكربلائي قصيدة سنه ونص
لسان حال السيده زينب عليها السلام
ليش الفرح ماخالني اباله
گدامي يمشي ودمعي يبراله
من الطفوله تبدي احزاني
ماچني زينب چن شخص ثاني
📌📌📌📌 《 1 》📌📌📌📌
كسره**طبره**من بعد امي تبدي الامي
رايح**طايح**مجروح اشوفن راسه گدامي
وني**حزني**زايد وگلبي الشوفته ضامي
حتفه**وسفه**بمحرابه طايح منجرح دامي
صاح المنادي وبالخبر ينعه
عشره انه ويه احزاني والدمعه
ام المصايب وكتي سماني
ماچني زينب چن شخص ثاني
📌📌📌📌 《 2 》📌📌📌📌
يمته**بته**يحضني ويخفف الم گلبي
مظلم**معتم**غايب ضواه وماشفت دربي
ادعي**وضعي**گمت انه اشكي حالتي الربي
يومي**بصومي**اروه من اشوفن حيدر بگربي
وياي حزني من الزغر رابي
ليش الفرح مايوگف ابابي
من الحزن مايطفه بركاني
ماچني زينب چن شخص ثاني
📌📌📌📌 《 3 》📌📌📌📌
امي**همي**زايد عليها ومابطل دمعي
اتحسر**اسهر**لو صاحت امي منكسر ضلعي
وختل**اتبدل**من يتمتني بالزغر وضعي
قسمه**ظلمه**طفيت من گد البچي شمعي
مامر عله احد هذا موضوعي
ماظل شمع يتطفه بدموعي
جور الزمن مامره ينساني
ماچني زينب چن شخص ثاني
📌📌📌📌 《 4 》📌📌📌📌
باچر**عاشر**ماينحمل ضيم اليمر بيه
الكافل**گايل**وياي زينب انتي محميه
شضملي**لهلي**شفت الزمان شصار تاليه
عالتل**اسأل**انه عزيزه وامشي مسبيه
انه العزيزه مايطخ راسي
اصرخ حسين ومره عباسي
وبكربله يذبحون خواني
ماچني زينب چن شخص ثاني
📌📌📌📌 《 5 》📌📌📌📌
اقبل**ماقل**بحزاني لكن مانفذ صبري
صنته**قدسته**ظليت احافظ دوم عن خدري
يشهد**مأكد**الباري بس بحالتي يدري
لو اگدر**حيدر**چان ابداله بدلت عمري
ابابه اليتامه والله يتونه
كل الكفلها بحبه مجنونه
ما ظل شخص بالكوفه ميعاني
ماچني زينب چن شخص ثاني
✏️خادم العتره
الَشُاعٌر الَحًسِيِنِيِ فُرحًانِ الَبًزٍوٌنِيِ
المصدر مؤسسة منبريون
❤❤❤❤❤
ردحذف