لحظة حضور الحسين ع عند جثمان ام البنين ع
الليله من كربله أتعنه الحسين
يحضر ايشيع نعش ام البنين
.................................
الليله ابو اليمه اجه بهمه وحضر
رايد ايشيع نعش ام الگمر
ويم جنازتها گعد مدري عثر
قره يمها الفاتحه مدري ونين
.................................
اجه يمها حسين ابو اليمه بهضم
طاح يمها حسين ماشاله الجدم
مودمع من عنده يجري عليها دم
دمه مو من عينه صب من الوتين
.................................
بلايه راس حسين اجه ليها ابنحر
عليها دمه يفور صب چنه نهر
راد يشبگها لچن لاماگدر
ضلوعه متهشمه بخيول الظالمين
.................................
اعله سهمه حسين البصدره انتچه
جروحه تنزف گام دم لمن بچه
وصوت من نحره طلع مدري شحچه
لاهي ونه ولاهي حسرات الحنين
.................................
يگلها يم عباس بيچ اتذكرت
مثل هاي الحظه اتذكر عشت
من گبل امي الزچيه ودعت
لكن انتي الچ ما ملطومه عين
.................................
مثل هاي الحظه عشت اني حزن
وچان اخوي ابهل وضع يمي الحسن
من قسمنه عله امنه وأفتحت چفن
وضمت الحسنين بثنين الادين
.................................
وهسه يم عباس اريد اقسم عليچ
بالزچيه امي فتحيلي اديچ
اشتم بصدرچ ردت عطرامي بيچ
بحظنج انسه ردت كل تعب السنين
نسألكم الدعاء
المصدر مؤسسة منبريون
تعليقات
إرسال تعليق