قصيدة مكتوبة لوفاء ام_البنين_عليها السلام
دگباب العطاء ينطيك المـــراد
هـــاي ام البنين مـتـرجـع العباد
كــــريـــمـــه وبالحوائج هيه معروفه
اليمدهن مــــايرجعن تترس اچفوفه
▂▃▅▆█أمالبنين█▆▅▃▂
دگبــاب التسولف كلهه بفضاله
بــــاب المايــــرجــــع من تعناله
اذا صعبه الحوائج تسهل ابجاله
ابد ميرد بــشـــرو دموعه هماله
بس تطلب يصير مــــاعنده اعتذار
بـاب اشكد سريع لاغـي الانــتــظار
ترعاه العفيفه جـــرّبــــه وشـــوفــــه
▂▃▅▆█أمالبنين█▆▅▃▂
على اعتابه الثكيله المعضله ايحلهه
عـلــى اليقصد فقط حاجاته يسألهه
بفـــضل جوده الكريمالباري فضلهه
امعــــبــاس والباب اليعود الـــهـــه
مــد چــفــك تعال واطلبهه اشـتريـد
ادري امالبــنــيــن متعوفك وحــيــد
اليجيهه ابدمعته حــــزنـــان متعوفه
▂▃▅▆█أمالبنين█▆▅▃▂
خــيـرالله وعطائه والكرم عدهه
اليمدايده الكرمهه بحاجته اترده
مــلاذ بكل عسر وبنايبه اگصدهه
اه يحسين يـــمــهه الكلمه رددهه
يمهه اجري الدموع للغالي الحــــسيــن
اخــذ أشــمـــاتريد مــاتــرجــع حزين
وحــــقـــك مـــاتـــرد بدمعه مذروفه
▂▃▅▆█أمالبنين█▆▅▃▂
كرامـه ومنزله رب العُلى انطاهه
بس انخاهه مره وشوف نخواهه
اذاعندك طلب جــــرب عطاياهه
گبل لتگول يمهه الحاجــه تلگاهه
روح بـــكـــل يقين لتــــصـــدك تخيب
وگلهه شكد بجيت لحــسيـــن الحبيب
معروفه بكرمهه الفايض اجـــروفــــه
▂▃▅▆█أمالبنين█▆▅▃▂
عنوان الـــوفـــه كــلـــه انجمع بيهه
اصيله وبت اصول الحاجه تگضيهه
بــــس أقــره الحمد للطيبه وهديهه
اشتريد ايصير نيتك مــــن تصفيهه
خـــل ظنّك وثيق بالطيبه وتـــعـــال
منعدهه اشتريد تــــــــدلـــــل دلال
اليذكرهه العقيله الطــــبــــت الكوفه
▂▃▅▆█أمالبنين█▆▅▃▂
حلفهه بخدر زينب وابــــو الغــيره
وحشاهه امالبنين اترجعك بحيره
بــــاب الله الــــوسيع وشلّك بغيره
تعال إلهه ابيقينك والوجــه ديـــره
لاتبعـد بــعــيــد وتعوف الرجـــاء
باب الحاجه هاذ مفتاحه الدعـــاء
والخايف تــأمــــنــــه وتعرف بخوفه
▂▃▅▆█أمالبنين█▆▅▃▂
✍بقلمخادمالحسينع
الشاعررعدالجريخي
شنو لحنهه
ردحذف