قصائد مكتوبة
قصائد مكتوبة
٢٠ قصيدة مكتوبة للامام علي عليه السلام
مع 20 قصيدة جديدة لهذه السنة
قصائد مكتوبة للامام علي
اقراء ايضا نعي مكتوب للامام علي عليه السلام انقر هنا
====================
القصيدة الاولى
====================
تون ركعات الفجر -- حيدر ابراسه انطبر
آه يامولاي ،،،،،، آه يامولاي
*
أنطبر مـولانه يشيعه بأول السجــده
اشلون ابن ملجم عليه ابسيفه اتعده
علي يعلــم بلقضـــيه اوما وكَف رده
رايــد الفــوز ابمماته حاضــر الشـده
يعلـــم بهــــــذه الأمر
آه يامولاي ،،،، آه يامولاي صص
يا علـي ايتامــك عفتهه مـن يباريهه
ياهو يطعمهه ابغيابك ياهو يجسيهه
انتـــه واليهه يحيـــدر وكَطعت بيهه
العيد كَرب ونته غايب ياعلي اعليهه
ف اباب دارك تنتضر
آه يامولاي ،، آه يامولاي
اهتزت اركان الســـــماء اهتزت السبعه
حتى جبريل امصـــابك يسجب الدمعه
جنت شمعـتنه يحـــــيد اوطفو الشمعه
نفسه جف الشطر راسك صاطر البضعه
نفسه ابن ملجم عمر
آه يامولاي ،، آه يامولاي
**
الشيعه مـا تقبل ابغيــرك ونته واليهه
لا فتـى الا علي اونفتـــــــــخـر بـيهه
وغير ذل فقار سيـــفك ياهو يحميهه
ياعلي امصابك فجعهه وحيل ماذيهه
ابنـار فكَدك تستعر
آه يامولاي ،، آه يامولاي
****
آه يـابـويه تنـــادي زينب الحــــــره
ريت مـوراسك يبويه ابراسي الطبره
حضــرته ابلوعت ألمهه ونت ابعــبره
صعبه نتفاركَ يبويه وتخلص العشره
بعد شلي بلعمـر
آه يامولاي ،، آه يامولاي
*
يـا علي ننصــــب عزيه ونلطـــــم أليله
والدمع يابو الشــــدايد من دم انســيله
انواسي طه اعله الفجيعه وهمه انشيله
ولي يمنعنه يحـــــــــــيدر وللـه ياويله
وليضد نهجك خسر
آه يامولاي ،، آه يامولاي
**
الخادم
كامل السعيـدي
====================
موقع قصائد مكتوبة
====================
القصيدة الثانية
====================
====================
شهر الصيام بعده ما تام وثلث من عنده انهدم
من علي راح كلشي اله ناح وانرسم بيه الالم
من يمر بالفقره جان == ايده متروسه حنان
__________________
ينقدر والله ندم بشر موسوعة علم
اي جنه قرآن
جوهره وجهه سوه ضو للماله ضوه
فعلا علي انسان
وجهه ماوراه لحد جفه بس ليتامه مد
بيها علو شان
ليله كاضيه زاده بيديه ينطي امل للماله امل
هضمه مقدور ودمه منشور ينفقد خير العمل
لومسح بيهه امان== ايده متروسه حنان
______________________
علي يبات بلا عشه وحيله غبشه يغبشه
يدورله محتاج
من يدك بابه بشر فجأه وجه يبتشر
يطلب بلا احراج
ينطي بس مايفتخر ظامله الباجر ضخر
سواله منهاج
من المسه يدور حتى السحور بهاي مادور علن
بعدك نحير يا ابو الخير حيل تاذينه المحن
من يطب بكل مكان == ايده متروسه حنان
_________________
حيدر افظل ما خُلِق راعي للحق ويحِق
والحق مشه اوياه
هو دستور العلم عالي حتى بالاسم
والباري علاه
ثابت الشاهد امس حادثة ذيج الشمس
ردتها يمناه
الكون محزون يهتف شلون دنيه مابيها علي
العاش وياك يصيح بجفاك بعد بالدنيا شلي
بابه باب من الجنان == ايده متروسه حنان
_________________
عالم بطُرق السمه وهاي موسهله السمه
تحملها الكوان
انته يالحبك نجاة بالحياة وبالممات
لا وبكل امجان
بيا علي كلمن لهج يعني للشده فرج
ياعالي الشان
لاطعم لا لون عكبك الكون سيدي يابو الحسن
من اذى اليوم الكلب مالوم نخاف كمنه من غداً(ن
من قساوة هالزمان == ايده متروسه حنان
_________________
من رحت مات الحجي بينه عايش بس بجي
من عظم المصاب
جمره تسري وماطفت دنيه سوده وماصفت
وريح الحزن هاب
كسرت فراكك عمر يابو جلمات السمر
يااغلى الاحباب
مرك الموت وانته متموت شلون شايلها العقل
اكعد وشوف ماله اجفوف ياعلي ظل الحمل
ركن طاح من الركان ==ايده متروسه حنان
_____________________
الشاعر :حميد عبد الحسن السعيدي
وفاة الإمام علي ع
اقراء ايضا نعي مكتوب للامام علي عليه السلام انقر هنا
====================
موقع قصائد مكتوبة
====================
القصيدة الثالثة
====================
====================
وصل حدي كَرب وعدي
يتامه الكوفه اعذروني
_________________
حل وكت الصلاه حيدر توجه لعد محرابه
يدري بقدرة الخالق ويدري مكمل اكتابه
بثاني السجده وتعاناه المرادي بلارحم صابه
بهضيمه ايصد علي ايردد
يتامه الكوفه اعذروني
__________________
لجت وحزنت هالناس وحال الدنيه المكدر
ولن جبريل صاح بصوت علي راح بسماه خبر
اركان الهدى انهدمت من انصاب الركن وانطر
رغم حاله حجي اباله
يتامه الكوفه اعذروني
____________________
من شافه الطبيب احتار انفجع من عاينه للطر
اعهد عهدك ايكله تكضي العمر ما تكدر
خبر عليته وكلهم بوضع حيدر علي المخطر
الدمع ساله بحزن كاله
يتامه الكوفه اعذروني
____________________
من دون اليالي اليوم عيون الفقره تتجاره
كبل مثل الطيور تحوم التحبه على داره
سهم بالكلب موجلمات لمن سمعو اخباره
بطبرته السم بكلامه ايهم
يتامه الكوفه اعذروني
___________________
آخر لحظه من عاين و دارت عالاهل عينه
وكامت تبجي الحوراء صاحت راح والينه
معجل بالرحيل اليوم يبويه شلون جابينه
نظر نظره وجذب حسره
يتامه الكوفه اعذروني
____________________
الشاعر :حميد عبد الحسن السعيدي
وفاة الإمام علي ع
====================
====================
القصيدة الرابعة
====================
موقع قصائد مكتوبة
====================
•لحن القصيده (يابوفاضل طيحت ايدك مووكته)
لسان حال السيده زينب (عليها السلام)
بعد استشهاد الامام علي (عليه السلام)
₩₩₩₩₩₩₩₩₩₩₩
ياعلينه....موتتك موسهله اليه
ياعلينه...والغرب يحجون بيه
ياعلينه...غيبتك صعبه عليه
₩₩₩₩₩₩
بويه ياسفره وعكب عينك تلمنه
وبشهر رمضان يابويه عفتنه
ونته تدري بهل دهر طشر شملنه
صعبه بويه الترب من ضماك عنه
هايبويه...ابشهر رمضان رايح
هايبويه...هالكلب ذبلان طايح
هايبويه...طيحت الحامي قويه
₩₩₩₩₩₩
ذبلت اسنيني العشتهن في حنانك
بويه ناخيتك بعد ترجع مكانك
موصرت جمره و اوجن في زمانك
ويا ابوطيب بعد عنده لسانك
ابغيابك...انكسر ضهري يحيدر
ابغيابك...السهر بعيوني خضر
ابغيابك...دمعتي تنزل سبيه
₩₩₩₩₩₩
بويه ياعيد اليمرني ونته مابي
لايجيني ولايصل عنوان بابي
وانكلب عاشور ومهيج مصابي
ياحسافه منالزغر بادي عذابي
لاتجينه...يافرح تشعل حزنه
لاتجينه...لو بعد تحرك جمرنه
لاتجينه...واليتم نازل بديه
₩₩₩₩₩₩
والله مليت البعد احضر اشويه
روحي خلصت والهجر كبرني ميه
بويه ليش الموت ضم شخصك عليه
مو بعد مشتاكه لك روحي الابيه
ياوداعك...شاعل كلوب اليتامه
ياوداعك...مو كسر جنح الحمامه
ياوداعك...بي هجر مابيه جيه
₩₩₩₩₩₩
بويه يا موتك كسر جنحي ولواني
وخله كالشامت تره بحجيه رماني
واعله كبرك ها يبويه راح اتاني
وما املن لو خلص ميل الثواني
منتضرتك...والدمع تارس وجنتي
منتضرتك...والبعد هيج عبرتي
منتضرتك...حسبت نرجع سويه
#كرار_الغزي
اقراء ايضا نعي مكتوب للامام علي عليه السلام انقر هنا
====================
====================
القصيدة الخامسة
====================
====================
------------_---------------------------------
استشهاد الامام علي ع .. السيد زينب ع
————-
مودع يالفراگك جمر بعدك ولا يسوه العمر
لو تبعد تموت الگلب مرميه اظل عله الدرب
....
للموت اظل اتناطره
يالساكن انفاسي .. وبروحي واحساسي
تدري البعد قاسي
كل ما يكبر بالصبح
يا خذني من روحي ..اتذاكر بنوحي
واسجد عله جروحي
اذكر وكفت بمشيتك
شفت العمر سافر .. وانه انضر اتناطر موتي ولا يحضر
يحضر واعوفاً دنيتي ياربي لبي منيتي
عمري صبح ليه صعب مرميه اظل عله الدرب
...
صوت الجدم من ابتعد
جر مشيه دلالي .. يابويه وامالي
نضره انضر الحالي
يابويه بس ليه التفت
بس انضر عيوني .. واتشاهد جنوني
ماتمشي من دوني
اسود بعد ما البسه
الليل انكشف دوني .. لونه اصبح بلوني
لو غمض اجفوني
أفزع مثل طفل برعد مااشوفك أتخيل بعد
اصبح مثل نار وحطب مرميه اظل عله الدرب
....
خيط الصبح ما اضن يجي
لو يعرف بغيبك .. تتخضب بشيبك
مسموم اليصيبك
يضرب بهامك صارمه
ويشگ العمامه .. يكشف عن إلهامه
للكافر احلامه
وانه اصرخ بصوت النفس
صرخة الم عالي .. ما ينسمع حالي
يا بويه الغالي
اتناطر وما ظل صبر وأنذر اذا رد العمر
خليني اموتاً وبغرب مرميه اظل عله الدرب
.....
هاللحضه لن شفت الحسن
يركض فزع گلبي .. لي تيهت دربي
گمت اوگف واحبي
لاگيته والوجه بوجه
ها خويه حاجيني بس انضر بعيني
بعيوني راويني
لا خويه اجذب ناظري
والمدمع احجيله من ابجي اراويله
بدر وسطع ليله
فاضحني كابلته ونحت وبدمعي يا خويه صحت
من بعده وعيوني تصب مرميه اظل عله الدرب
.....
لن صوت اسمعه من السمه
جبريل من كبر .. فاز الولي حيدر
ولون السمه اتغير
ناديته جبريل انتظر
عن والدي جنك .. صوت اعتله بونك
تنعه الخبر منك
نادولي عباس الفحل
خلو يتجيلي .. باد ورگد حيلي
دربي يراويلي
ما شوفاً بعيني صرت ولا دربي اندله كمت
بس نار دلالي يشب مرميه اظل عله الدرب
....
حيدر عيسى البديري
====================
====================
القصيدة السادسة
====================
====================
في تلك الليله عندما اراد امير المؤمنين
سلام الله عليه الخروج الى المسجد كانت
للسيده زينب ع نظره واخذت تقول.......
كام اتوضه وعيني اعليه
غسل وجه ورد ليديه
اختنك وانكطعت انفاسه بوضوئه من مسح راسه
الليله الوالد مدري شبيه
****
كام يتوضه علي وبوجه حيره
وحاله مثل اليلفظ انفاسه الاخيره
موزر بحسرة كلب كلش جبيره
مو بماي اتوضه بدموعه الغزيره
وكام صله اعله الترب مو عل الحصيره
تعفر وظل للسمه شوفه يديره
شفته يباوع بس لله
يحجي ا واحد يحجي ويا
شفت متغير احساسه بوضوئه من مسح راسه
*
مختنك حسيته من نبرة كلامه
ولون وجهه تغير ابلف العمامه
اتحزم ابغتره ومشه ودع حسامه
واجه اعليه ابدمعته ويلعن قطامه
ابراسي حط جفه ومسح مثل اليتامه
وكالي ادعيلي اردلج بالسلامه
من ودعته اسمع صوت
زينب حيدر راح يموت
اذا سيف الغدر جاسه بوضوئه من مسح راسه
****
راح بس من راح ويا روحي راحت
والكلب كلسا شكل دكاته صارت
صوت اذانه سمعته وروحي شاغت
وكمت اشم بالبيت ريحة موت فاحت
ابلا شعور ادموعي فوك اجفوني طاحت
وكلمت البويه اعله اشافي بسرعه ماتت
كلشي تغير مدري شصار
بيت الكمره اظلم صار
اليتم بيه بنه ساسه بوضوئه من مسح راسه
*
كلبي لازمته وصرت بالباب اتاني
اعله اليخاف اشطولهه اتصير الثواني
حيل مرتابه وخبرهم ما اجاني
اوداعك واونك سوه طاحن بذاني
يعني لو صار وخذك مني زماني
بويه بس خلي اعله بالك زينب اني
تدري اوداعك كلفه ايصير
اخلاف اجناحك بيش انطير
الكلب انت اعز ناسه بوضوئه من مسح راسه
*
ادعي اني وجرحي ودموعي سويه
الليل كله للسمه مرفوعه اديه
يا الاهي الرجعت يوسف لابيه
راح ابوي وبلكت اترجعه اليه
يا الاهي ارحم ادموعي الجريه
ربي كلشي ولا اعيش اعله الخطيه
يارب عاين حالي شلون
فراك الوالد صعبه ايهون
العمر شجره اليتم فاسه بوضوئه من مسح راسه
****
شيبت من الحزن واني اعله زغري
بنار كلبي التستعر بس الله يدري
انتظر بس شنتظر ملاني صبري
اندكت الباب وكمت ايدي اعله ظهري
من فتحته شفت ابوي ودمه يجري
أانغمه اعليه وكبر من شفته كسري
ما صدكت اعيوني ابهاي
طحت وهوه طاح وياي
واكبالي انهدم ساسه بوضوئه من مسح راسه
*
#مصطفى البديري
====================
====================
القصيدة السابعة
====================
====================
بهالمسيه...حن علينه
بهالمسيه...ما تجينــه
مودع بالله وكلامه حالي من حال اليتامه
بهالمسيه........بهالمسيه
.......................................................
جلمة البويه يبويه اتوسلتهـــــا
زينب انه يابو زينب يالعفتهــا
هايه سجادة صلاتك حضرتهـا
بويه اكعد نومتك ماهي وكتهـا
لحضه لحضه...ما عفتني
لحضه لحضه...فاركتنـي
ليلي بعدك ما انامه حالي من حال اليتامه
بهالمسيه........بهالمسيه
................................................
يالرحت واعيوني بعدك دم بجيها
ريحتك صوتك خيالك مر عليهـــا
الطفله من تفكد ابوها شيبقى بيهـا
ياهو يمسح خدها لو يسمع حجيها
ارحم ارحم...بويه حالــــي
ارحم ارحم...عزي ودلالي
وانهدم عشها الحمامه حالي من حال اليتامه
بهالمسيه......بهالمسيه
...............................................
بويه من ناده المنادي واعتنيتــــــك
حافيه ومرعوبه اركض بويه جيتك
عاينت لن دمك مخضب لحيتـــــــك
اكعدت وبدمعي بويه غسليتـــــــــك
حيلي حيلي...حيلي تهــدم
حيلي حيلي...بحالي ارحم
هامه مطبوره اعله هامه حالي من حال اليتامه
بهالمسيه ........بهالمسيه
.................................................
بويه شماتك شفتهم وبقنوتي
واحد الواحد يعايـــن الا موتــــــــــي
ساكته و ايتاني يمتى يعلى صوتي
وانه ترباتك خنكتـــه بعز سكوتـــــــي
ادري ادري...الشامت مصيره
ادري ادري...بايــــــع ضميره
واكف وشاهر حسامه حالي من حال اليتامه
بهالمسيه.......بهالمسيه
............................................
بويه من شيعنه نعشك شيعوني
للكبر وبليله ضلمه وسدونـــــي
حاولت بويه احضنك وامنعوني
ياعلي بموتك يبويه موتونـــــي
موتي موتي...بويه وغلاتك
موتي موتي...وي مماتــــك
اقره عالدنيا السلامه حالي من حال اليتامه
بهالمسيه......بهالمسيه
...........
الشاعر
#محمد الموالي
====================
====================
القصيدة الثامنة
====================
====================
------------_---------------------------------
صاح الامساك علي الليله يسافر
صاح الامساك علي الليله يسافر
****
الليله من دون الليالي مظلمه
صوت الامساك الصدح وسط السمه
تلكي حيدر صاح كومي فاطمه
ردلج الكرار وبراسه الدمه
صاح الامساك علي الليله يسافر
****
شلون جانت طيحته بسيف الغدر
وسفه ابو الكلفات حيدر ينطبر
لطيحت الكرار ينفع ياصبر
والكسر بگلوبنه ماينجبر
صاح الامساك علي الليله يسافر
****
الليله ظلمه ومحزنه ومتكدره
دكول مو رمضان جنها الاخره
حيل تهضم طيحتك ياحيدره
ساعد الله زينبك هالطاهره
صاح الامساك علي الليله يسافر
****
شد حيازيمك علي وحان الاجل
هيه ساعه وصوت حيدرنه انجتل
الزهره صاحتلك يحيدر بالعجل
هيه مشتاگه تشوفك يالفحل
صاح الامساك علي الليله يسافر
****
بالالف سيف اشتره وللسم الف
وبسجودك ياعلي صار النزف
عندك اخبار القضيه واتعرف
إجرء عليك المرادي هالصلف
صاح الامساك علي الليله يسافر
***
ياعلي شمحله العمر والخاتمه
ابيت ربك هالعمر من تختمه
علي مامهزوم ابد لاصارمه
لا فتئ الا يمينه الناقمه
صاح الامساك علي الليله يسافر
****
تمت ولله الحمد/ المقصر مع الحسين
. علي النائلي
=================
====================
القصيدة التاسعة
====================
====================
------------_---------------------------------
#الشاعر_الميرزا_محمد_الساعدي
#موشح_لأمير_المؤمنين ع
ياعلي يا بالحسن ذكرك رجاء
واليندبك فاز في أرض وسماء
===============≈===================
ياسراط الله الذي بسابع سمه
وسفه سالت سيدي منك دمه
الحبك ويم بابك الليله ارتمه
وباين امن المابچه عليك العداء
===============≈===================
احنه ذكرك عدنه أفرض كل فرض
يسوه دنيانه علي طول بعرض
انه بس الهمني نور الله المحض
صيحوا ياشيعة أمير الضعفاء
===============≈===================
وسفه ابن ملجم وصل حدك يحيد
بقتلك ايعم الظلم هذا يريد
لكن وهيهات مانصبح عبيد
احنه ولدك حيدره علوا النداء
===============≈===================
ياسفينه العنهه يتخلف غرگ
يلي كل باطل علي بأيده حرگ
والگصد تشويه سمعتكم شرگ
نجح كلمن باقي في هذا الولاء
===============≈===================
من السقيفه بلشت نار العده
وبطبرتك سيدي صارت صده
اليوم كل شيعي وموالي ماهده
ألّه ياخذ ثار أم الشهداء
===============≈===================
تدعي شيعتكم صفت لأبن الحسن
يمته بيده انشوفه مكضوظ الرسن
ياسلام اعله الذي يزيل المحن
السلوة المختار كل احنه فداء
===============≈===================
ليك ياكرار جددنه الوعد
شِع ينور الله في هذا الأمد
صدّگ اليخدم علي بيومه صعد
واليجافيهم نزل لرذل رداء
===============≈===================
راهن اسنيني العلي كلهن تروح
ولهذا اتطيب لو صارت جروح
يبقى ابو الحسنين عنوان الفتوح
وأبقى اقدم للوصي هذا الرثاء
===============≈===================
30/4/2020 الخميس
077126313الشاعر_الميرزا_محمد_الساعدي
====================
====================
القصيدة العاشرة
====================
====================
نزله بحق لامام علي (ع)
العيون والجفون يم علي بچايه
بجي حار والاحرار يمك الوفايه
_______________
ادموع تلحك ادموع/ والكل يبقه مفجوع / لاخر كل عمرنا
ننعه ونقرا اهات/ بينه تبقه حسرات/ باقي لك حزنا
ومصاب يبقه المصاب / ماننسه يبو تراب/كل احنا ولدنا
الاطفال اجت ليك تلطم وتقرالك
يصرخون يندبون ذوله هم اطفالك
_______________
احزان بينه مولاي /ودموع كلش هواي/نترس كل لانهار
مطبور ويلي مطبور/شيعي لليله مكسور/بمصابك يكرار
دمه وينزف الراس / وينه وينه عباس / دمه وراسه هم حار
بعباس ينوماس تختنك انفاسك
تشوفه تنضره تنجرح احساسك
_______________
قالع باب الاشرار/ مرحب يمه تحتار./ بجيوشه القويه
طابر عمرو ابن ود/ انته واني اشهد/ حماي الحميه
وسفه طايح اليوم / راسه بطبره مسموم/. گدام السبيه
تشوفك تنظرك هامتك مطبوره
تعنت تداويك بنتك ...المجموره
____________
وبحسره حسن صاح /خلانه ومشه وراح/.والدنه وبگينه
والموت يلگط الزين/ ياخذ منه ابو حسين/ ينبقى احنه بچينه
ماريده يجي العيد/ والوالد صفه بعيد/. واولاده حزينه
رحت وين ابونا سافر وعافانا
بـدمعنه بحزنه نغرگ بأحزانا
_______________
وحسينك يناديك /يابويه ويحاجيك /ماترجع اليه
تلهم بيه نيران /ودموع وي لاحزان /. بدموع الرزيه
ناري وتدوي بحشاي/ تتعب فركتك هاي / ياحامي الحميه
اناديك واحاجيك ياعزيزي بويه
اريدن اشمك يا نفس للريه
_______________
نقرا بكل العوام /نبقه ونبقه خدام. /خدام العلينه
وانته الشبعي محظوظ/ تمشي بنهجه مفروض/ تتبع بي ولينه
شيعية لازم افعال/.مو بس ينطق اقوال/ ويكول انه منه
نتبعه علينه منهجه،،،،،، وأفكاره
يشيعه ولينه واحنه كلنه انصاره
--------------------------------
لخادم الحسين /علي نعمه الحجامي
---------------------------------
====================
====================
القصيدة الحادية عشرة
====================
====================
------------_---------------------------------
شايل الليله ولينه
مابعد يرجع علينه
……
راح من عدنه الابو والوالي
وسفه مجبوره اودع الغالي
يعلم الله وهوه ادره بحالي
باقي وجها الهسه يتراوالي
روحي مهمومه وحزينه
شايل الليله ولينه
…..
صعبه اليودع ابو ويعوفه
يمشي عنه وبعد وين ايشوفه
گلبه مايطيه تعوفه اچفوفه
الليله ياحيدر يتيمه الكوفه
نلطم ونصفگ بدينه
شايل الليله ولينه
… ..
رايح وگلبي الحزين اينوحه
والزمن فرغ عليه اجروحه
غمضت عينه وتنفس روحه
بويه بعدك بتك المذبوحه
ياما ابحظنك غفينه
شايل الليله ولينه
… ..
بويه صعبه من تروح ايامي
انته والينه وعلينه اتحامي
صعبه اشوفك منطرح گدامي
راسك المخظوب هذا ودامي
كل گلب يكسر ونينه
شايل الليله ولينه
…..
شلون ماشوفك گرب هجرانك
والمصايب لو رحت عنوانك
بويه تتشمت تره عدوانك
وانه اتحمل مرار احزانك
مابعد ضنه تجينه
شايل الليله ولينه
…… ..
بويه مااكدر وحق شيباتك
ياهو اليحامي عله بنياتك
طول وياي الحچي ابچلماتك
بلكت اطول علي ساعاتك
احنه لمصابك بچينه
شايل الليله ولينه
… ..
علي الحاج الصبيحاوي
====================
====================
القصيدة الثانية عشرة
====================
================
استمع صوت شتنادي هاليتامه..ليش حيدر هالشهر ماتم صيامه
تنادي مفجوعه وتصيح ابابه..انطبر حيدر علي بمحرابه
حلت الساعه وكرب يوم القيامه
&&&
فزعت الايتام يم بابه وتريده
تريد تلبس منه دشداشه جديده
تدري مايخلف علي هوه وعيده
راحت لكبره وتناشد يوم عيده
هذا احنه الماحسبنه احسابه.. انطبر حيدر علي بمحرابه
حلت الساعه وكرب يوم القيامه
&&&
الرحمه غابت واحنه جنه نلوذ بيها
جانت تلم اليتامه وجنه نتحمه عليها
تستره الظلمه لون تعطي اديها
بهمس تعطي ايده ماتسمع حجيها
تبجي ظلت بس تون احبابه.. انطبر حيدر علي بمحرابه
حلت الساعه وكرب يوم القيامه
&&&
عكب عينك ياعلي منهو السئلني
دموعنه عالوجنه تنزل وهذا وني
فركتك مولاي صعبه تروح عي
والاشد بعدك هظمني وهم كتلني
بالدمع نصبت يتامه امصابه.. انطبر حيدر علي بمحرابه
حلت الساعه وكرب يوم القيامه
&&&
اكعد ايتامك تنادي اسمع ونيني
بعدك اشلون بدمعها تهمل عيني
راح محبوب اليتامه وما يجيني
بليل اظلم جان هوه يعتنيني
ياكلب بسك بعد اسمع جوابه.. انطبر حيدر علي بمحرابه
حلت الساعه وكرب يوم القيامه
&&&
كوم ياحيدر علي اسمع نداه
اجت يم دارك يتامه اسمع بجاها
تصيح من عكبك يحيدر من اجاها
لجلك الايتام هل الهامه حناها
ونته عليك اصبحت هيه وعتابه.. انطبر حيدر علي بمحرابه
حلت الساعه وكرب يوم القيامه
&&&
خادم اهل البيت
الحاج ابو علي السعيدي
====================
====================
القصيدة الثالثة عشر
====================
====================
ــــــــــــــــــــــــــــــــــــــــــــــــــــــــ
نزله لاستشهاد الامام علي عليه السلام
سيف الكفر صاب راعي الحميه
وحزنانه الاحباب بهاي المسيه
طاح الولي طاح بسيف المرادي
وفرحت بالمصاب كل الاعادي
الشيعه حزينه تنوح وتنادي
حيدر غدر راح ونصبو عزيه
المسجد بجه اليوم لطبرت علينه
ومحرابه محزون والكوفه حزينه
وعرش الله مجروح وحته المدينه
وكلب النبي انصاب وكلب الزجيه
نوره انطفه وغاب عن اليتامه
شلون الوصي يروح وماتم صيامه
عد الله معروف حيدر مقامه
بساعة صلاته جته المنيه
حيدر فزت صاح ساعة مصابه
هوه يد الله وجامع كتابه
يصعب عله الناس هجره وغيابه
مثله فلا صار خير البريه
انجمعو بالمصاب كل المواليين
ويه زينب تنوح وتواسي الحسين
ظلمت سمه الكون لمحامي الدين
وثالث جرح صار للهاشميه
خادم امير المؤمنين عليه السلام
حسين الخزعلي
====================
==================
القصيدة الرابعة عشر
=============
====================
••
قصيده ثگيله الامام علي (ع)
يزينب راح ابوج الحيد
مصباح الحزن بالعيد
ياعيد التنطرينه------- وثوب اسود تلبسينه
مصباح الحزن. بالعيد
®®®®®®®
يزينب راح اابوج وضلمت داره
واشوفنج حزينه وحيل محتاره
گلبج بالهضايم ماطفت. ناره
من شفتي الابو ودمومه تجاره
ياحزنج ماتحملينه -------ثوب اسود تلبسينه
مصباح الحزن بالعيد
®®®®®®®®
مصباح الحزن بالعيد حزنانه
من شفتج صرختي وين ملفانه
اجانه العيد اريده يعيد ويانه
ابوي ومااضن فد يوم ينسانه
دمعج خويه تجرينه---------ثوب اسود تلبسينه
مصباح الحزن بالعيد
®®®®®®®™
ثوب اسود تلبسينه، وبعد نوحي
اشوفنج تراني وزادن اجروحي
صرختج عورت گلبي وتهج روحي
اصد لبيت ابويه والدمع سوحي
الدمع منج تسيلينه -------ثوب اسود تلبسينه
مصباح الحزن. بالعيد
®®®®®®®
دارج محزنه وشايل ولينه وين
اجاج،العيد وانتي دمعج تصبين
شلون العيد يازينب. ابو الحسنين
نايم عالتراب وصار وجهه بطين
ترابه انتي التشمينه --------ثوب اسود تلبسينه
مصباح الحزن. بالعيد
®®®®®®®®
مصباح الحزن خله الولي بتراب
بثوبي اسود تراني والدمع سجاب
هنياله التجي ودگ عليه الباب
يوم العيد وتعيد تره الاحباب
رتي انتي التعيدينه -------ثوب اسود تلبسينه
مصباح الحزن بالعيد
®®®®®®®
:
:
:
:
:
:
:
:
:
:
:
:
:
تـــــمـت والحمـــــدللـــه
✍الشــــاعره ام حـــوراء الاسدی
واسالکم الدعاء🌷🌷🌷
شرعا"لایجوز حذف اسم خادمةاهل البیت علیـــــــهـم الســــــلامـــ
========================
. قناة الشاعرة ام حوراء
🌹🌟قصائد🌟🌹
الشاعرة✒ ام حوراء الاسدي
غیر مبری الذمه من یمسح اسم الشاعرة 🌹
====================
====================
القصيدة الخامسة عشر
====================
====================
اقراء ايضا نعي مكتوب للامام علي عليه السلام انقر هنا
فزاعيه ليلة الجرح
بجه المحراب يوم الطاح راعيه
كبر بالسمه وايصيح ناعيه
...........
نعاه جريل والاملاك حزنانه
يحيف بهامته مصيوب مولانه
دين الله ورسوله انهدت اركانه
انطبر حيدر علي وادماه مجريه
...........
طبرو هامته وتتفايض ادمومه
كضاي الكلايف شاعت علومه
صاحت بت علي واروح مالومه
ميته ولاعلمكم بين عليه
..........
عساها اتموت روحي كبل اهاليها
بتك عله افراكك حيل مابيها
يبويه هموم كلبي المن احجيها
لونامت عيونك واكطعت بيه
.........
يافجر المصايب هدمت حيلي
يبو الحملات علمك ذوب ادليلي
ولج ياعين لعزاز الكلب سيلي
مشه شيال همج وانكشع فيه
.........
بجه المحراب وانه هلت عيوني
اليلة بطبرتك ياحيد فجعوني
ادك عالراس يابوحسين خلوني
يزينب راح ابوج ومااله جيه
.........
هوسه
اليلة اتصوب عزها / وطاح بحرابه
.....
✍أم زينب كربلاء غير مبري الذمه من يأخذ الكلام وينسبه له
•••°߷°•°߷°•°߷°•°߷°•••
====================
====================
القصيدة السادسة عشر
====================
====================
الطميله ثكيله للامام علي عليه السلام
اليله ابوالحسنين ودع دنيته
توجع وجتاله صعبه حالته
صعبه حالات الوداع اليله
خل نروح ونمشي ونشكيله
ننعئ يم بابه بحزن نحجيله
نصيح ياسيدالرسل ادخيله
يعالج اليله ويون
بنيته زينب بالمحن
شكدعجيبه فركته
صعبه تكتل ظربته
يبجي يم راسه الحسن زايدونينه
اخلاف عينك بويه هليله انعمينه
زودت حملك يبو الحمله علينه
نشكي المن من بعد عينك والينه
دنيه ظلمه وغيمت
وعدك ابنيه بجت
خطره صارت محنته
صعبه تكتل ظربته
حيل مطبورالجبين ابراسك
تعالج ومكطوعه كله انفاسك
انت ابوالغيره الشجاعه ساسك
انت كلك عاطفه احساسك
يبجي ياقرانك
ينعئ علئ مصابك
الدنيه وسفه خانته
صعبه تكتل ظربته
انت سيدالكون سيدالمرسلين
انت ابن عم انبي كلك حنين
طحت علئ السجاده طبراك العين
ندبت الاكوان باسمك صارخين
ظلمت اليله السماء
نشرت احزان الواء
اليله جنهه موتته
صعبه تكتل ظربته
صاح جبرايل صرخه من السمه
ياوالي الله تخضب بلدمه
انت دين الحق علي مثبته
نزلت الاملاك تصرخ الاطمه
ويه نسمات الفجر
راسه ابوالايمه انطبر
الطبره تنزف وجعته
صعبه تكتل ظربته
اسم الكتاب
لبيكي يازهراء
الشاعره
خادمة السيده الزهراء والسيده رقيه ع
ام زهراء الفاطميه لايجوز حذف الاسم
اللهم عجل الوليك الفرج الامام
المهدي المنتظرصاحب الزمان
•••°߷°•°߷°•°߷°•°߷°•
====================
====================
القصيدة السابعة عشر
====================
====================
------------_---------------------------------
«وداع المرتضى»
«تجليبه»
يابا الحسن الله اوياك طول العمرماننساك
ياوالينـه غالي اعلينـه
طول العمرماننســـــاك
*******
ماننسه مصابك ابد ماننســـــــــاه
كل صبح اومسيه ياعلــي ابذكراه
نگول اهناه ابونـــه گعد صله اهناه
وياك الأجل يـــاباالحسن ردنــــــاه
صعبه يحيدرصعبه اعلينه افراگ الأحبـه
دم ابچينــــه غالي اعلينـــه
طول العمرماننساك
**********
حگ اعليك نعميـها النواظرنــــــــــه
بس انته الچنت بالدنيه تفگدنـــــــه
نذرت اسنين عمرك لجل تسعدنـــــه
مثلك ياعلـي مظلوم ماشفنــــــــــــه
ماتشكي چنت اهمومك تهدي للأمه اعلومك
ياهادينـــــــــه غالي اعلينـــه
طول العمرماننســـــاك
**********
الأمــــــــــــه جازتك هاليوم بالغدره
ابمحــراب العباده دمك اتفجــــــــره
بيك اليـوم فجعـــوگلب ابـــــوالزهره
والشيعـه ابمناحـــــــه اعليك والعتره
اعلينـه صعب توديعك واعظـم واشد تشيعك
الكل نادينـــــــه غالي اعلينـــه
طول العمرماننســـــاك
***********
اشلون انشيعك صعبه يبوالحسنين
عسه گبلك نموت اولاتشوف العين
نوسدك بالترب وحنه نظل طيبين
ياعزنه اوضخرنه انتــــه بالدارين
هذا السفرمووكتـه گلب الموالي افجعته
لاموحينــــــه غالي اعلينـــه
طول العمرماننسـاك
*********
يمن عنه رحت هم ترجع انشوفك
ياراعي الحميـه اوطيب معروفك
عله ساچي گلبنه انكتبت احروفك
ياكعبة عشگنــــه الواجب انطوفك
هاذه الشرف يكفينه بسمك علـي لبينه
يامنجينـــــــه غالي اعلينـــه
طول العمرماننســـــاك
********
موهين علينــه ياعلـــــــي امصابك
عفتها بالمناحه اونايبـــــــه احبابك
تون ون الثكالـــــــــــه گاعده ابابك
يصدع اگلوبنــــــه ياحيدره اغيابك
اوداعك صعب ياحيـدر عالفرگه لامانكدر
تعلم بينــــــــه غالي اعلينـــه
طول العمرماننســـــاك
********
بس هاذه المسـه ياحيدراويانـــــــه
عساها تنگضــــــــي وياك دنيانـــــه
اوريته اهلال هاذه العيد لاجانــــــه
هاذه العيد حيدرخالي امچانـــــــــه
ياريته لايلفي العيد يومــه الحزن بيه ايزيد
الوالد وينـــــه غالي اعلينـــه
طول العمرماننســـــاك
*********
تمّت
الشاعرفالح العامري
====================
====================
القصيدة الثامنة عشر
====================
====================
🔹للاستفسار اتصلوا بالشاعر فالح
ـــــــــــــــــــــــــــــــ
يا من ردت نعش الصميده أتشيعــه
تانِ العقيله أتريد أبـوهــا أتـودّعــه
لا تمشي حيل الخاطر أمهه البضعه
يالشلتوا نعش الكرار- - بت فاطمه تانوها
********************************************
يا من خذت نعش الصميده إبها الليل
أو مــدمـــع بنات المرتضى دم يسيل
وأنته أدرى بفراگ الأبـو إيهد الحيل
أمروّتك بنات المختار- - أتوادع علي خلوها
********************************************
يـا مــن خــذت نعش الصميده أتدفنه
زينب تــريــــد الليلـــه تشبــع منـــه
وأتگلــه منــك مـــــا گطعت الظنــه
مـا صدﮔت بـاللي صار - -وإجنازته شالوها
يا مــن خذت حامي الحمه من داره
ظل للصبـح هلبت تشـوفـه أنصاره
ﭼـانت تلــوذ أمــن العـــدى أبفقّاره
عـﮔب الوصي وين أتروح - - تدري العدى يذلوها
********************************************
يـا مــن خــذت لرض الغري والينه
ما عدنه غيره أمن العدى إيحامينه
رايــد تــدفنـــه أبيـــا كتـــر دليّنـــه
خافـن تجي اتزوره النـاس- - عالمرتضى دلوها
********************************************
يا من خذت حيدر علي أمن أحبابـه
أو گبر الوصي أبهيده تهيل أترابـه
لا تلـﭼم أجروحه أو تهيج أصوابه
هامة علـي حـامـي الجـار- - مطبوره لتلجموها
********************************************
يـا من خذت من بت علي والــدهــا
تدري أبوضعها ولا صبر ظل عدها
عاد إعله هونك بالمشي ساعـدهــا
و ﮔفت ورى الباب أتشوف — من يا كتر مشوّها
خادم اهل البيت عليهم السلام ابو حيدر المجراوي4
====================
====================
القصيدة التاسعة عشر
====================
====================
------------_---------------------------------
هذه القصيدة على طور باسم الكربلائي ( العلم عالگاع ياحيدر )
**
يحيدر غاب وآلينـه
وغيابه طال مهدينه
أملنه وغاب
يداحي الباب
* * *
يحيدر نلهج أبإسمك
يبو الحسنين ينور العين مهجنه هامت بحبك
صرخنه ماترب ضمك
سكنت كلوب يداحي البوب يحيدر سرنه وبدربك
يحيدر ماخفـه نجمك
نجــم ميخيب عــدوه يخيب يوالي ولا ولي عكبك
صرخنه وصوت نادينه
اليضدك ماعرف دينـــه
اليضدك خاب
يداحـي الباب
* * *
صبحنه شيعة العتره
حملنه هموم جرعنه سموم جره منا بحر من دم
قسمنه وبدمه الطبره
نظل نهـواك فلا ننســــــاك علينه الكون لو يلتم
لون العالم أبأســــره
علينه يغيــر خصمنه يصير يحيدر لاتظن نهتـم
رغم أنف اليعادينه
ثبت حبك علي بينه
فلا نرتــــاب
يداحي الباب
* * *
يبو السبطين نحجيلك
علينه شصار يحامي الجار يمن من العلي عالي
يوالي بحسره نشكيلك
ولونه أرهاب كفر وأعراب لأنه لشخصك نوالي
يبوالحمــلات نرويلك
ظلم تكفيــر ذبح تهجيــر وبقينه نحب ولانبالي
أو وصل يومه وتمنينه
ظهور المنتظر حينــــه
صبرنه ذاب
يداحي الباب
* * *
صبرنه مل جزه حده
يراعي الزود مته الموعود مغيبه يخلص ويظهــر
أنظلمنــه ياعلي بعده
نريده يثــور يزيل الجـــور يهدم كل صرح منكــر
يليث التحضـر الشده
مته الموصوف يجرد سيوف بوجه أهل الظلم والشر
نون كثرت مآسينه
يحيدر طالت سنينه
علنه أعتاب
يداحي اباب
* * *
بلهيب الشوك تتلهب
مهج وأرواح صبرها راح بعتاب المنتظـر تبدي
ظهور الحجه تترقب
تحن بشواك حنين فراك وتناطر رايـة المجدي
مته بدر الفرح يكرب
بعزم يمناه يشيــل ألواه وترفرف راية المهدي
الظهور الحجه هادينه
دعينه وندعوا بارينـه
بدمع سجاب
يداحي الباب
* * *
سلام المشعل
====================
====================
القصيدة عشرون
====================
====================
------------_---------------------------------
(سيد علي الموسوي)
زينب مكسوره ونتعنه..نواسيهه المسيه
تجذب ونه ابأثر ونـــه..يحمــاي الحميــه
ــــــــــــــــــــــــــــــــــــــــــــــــــــــــ
وحشه عدهه..عزيزة فاطمـــه
واعله خدهه..مدامع جن دمـــه
والضهدهه..جرح حامي الحمه
يا چبدهــه..اشد مـــن الضمـــه
من الرميات الصابنه..حزينه الهاشميه
تجذب ونه بأثر ونه..يحماي الحميــــه
ــــــــــــــــــــــــــــــــــــــــــــــــــــــــ
بعد ونهه..عله امهه الطاهره
انوب اجتهه..مصيبة حيــدره
والله حيره..عليهه الي جـــره
مثل زينب..فلا تحصل مــره
گطعت من الدنيه الضنه..ما بيهه بس اذيه
تجذب ونه بأثر ونـــه..يحمـــاي الحميــــه
ــــــــــــــــــــــــــــــــــــــــــــــــــــــــ
آ يزينب..شكثر حملت قهــــر
يا گلبهه..عجيب شكـد صبـــر
حين شافت..ضلع امهه انكسر
والمصيبه..علي مـن انطبـــــر
كل منظر شافت تتمنه..توافيهه المنيه
تجذب ونه بأثر ونه..يحماي الحميـــه
ــــــــــــــــــــــــــــــــــــــــــــــــــــــــ
يرسم الهه..مصايب هالزمن
من مصيبة..علي وام الحسن
للحبايب..كلبهه بجرحـــه ون
يوم الحسين..اشد كل المحــن
هضمتهه الخيل الداسنه..مثل هضمة رقيه
تجذب ونه بأثر ونــــــه..يحمــاي الحميـــه
ــــــــــــــــــــــــــــــــــــــــــــــــــــــــ
ما نوافــي..العقيله ام الخــــدر
شما لطمنه..وندك اعله الصدر
بالمجالس..الغريبـــه تنذكــــــر
آ يزينب..تضل طـول الدهـــــر
تبقه المدامع يقرنه..اسمهه بكل عزيه
تجذب ونه بأثر ونه..يحماي الحميــه
#قصائد_استشهاد_الامام_علي_ع
#مہؤسہسہةّ_مہنہبہريہوٌنہ_آلحسـينيهہ
====================
====================
القصيدة الحادية وال عشرون
====================
====================
------------_---------------------------------
يدهري الماله والي ارجوك عيناه
وين اللي يشيل الحمـــــــل عناه
الابو يادهر لو غمظــــــت عيناه
تظل تنحب هله وداره خليه
..........................................
ذكرك ياعلي هيبــــة محنه
وليالي السود مالحظه محنه
شايل وين يالكــــــلك محنه
وعايف زينب الهاي الرزيه
.........................................
.........................................
لسان حال ابو الايتام علي ع
الهاي الليله چنت احسب وعدهه
إليه المصطفــــى الهادي وعدهه
اليتامه ابغيبتـــــــي تنحب وعدهه
ابليالي العيد ونات وعزيه
سيد علي الموسوي
ـــــــــــــــــــــــــــــــ
====================
====================
القصيدة الثانية والعشرون
====================
====================
أبوذيــــات للإمام علي ع
للشاعر / أبو حيدر المجراوي07718793651
في ذكرى إستشهاد أمير المؤمنين(عليه السلام)
على لسان السيده زينب (عليها السلام)
*************************************************************
الزمان أشوكت نلگـه راحه منـه
عگب إمنه أو أبـوهه راح أملنـه
هسّـــه أنـــوّب حيـدر راح منــه
بعد جدنه النبي أو إمنه الزﭽـيه
*************************************************************
أشلـــون إعلــه اليكّر الخيل مـا وِنْ
مشه أبليل أو صحتلــه وان ما وَن
جفـــانــي أو ما دريته وين ما وين
أَصيحــن ويـــن محّـدْ ردّ عليّــه
*************************************************************
علـى بــابــي الجمـوع الفجـر يـارت ( يرّت)
صحت بس كون سالم"علي" يـاريت
أو بس شفته أعــرفت دنيـاي يــارت
أوعرفته إيروح مني البيه حمّيه
************************************************************
المصايب بس علينـه إشعجب تنَصـبْ
أو مـــأتــم للحـزن بـــالـروح تنصَـبْ
علــي حــامـي الدخيل أشلون تنصاب
وأنته البالحرب سيفك منّيه
************************************************************
اليبـﭼـي إبـــدمْ عليــك أشلـــون يلتام
أو عرفنه إصواب رأسك عيـب يلتام
أبـــدْ مـــا ظـــن شملنـــه أوياك يلتـم
أعتقد حان الوداع أو هاي هيّه
***********************************
غــدر بينــه الـوكت منّاه أو منّاه
أو حمّلنا أبغياب الوصي منّـــــه
أبونه أو ما شبعنه شوف منـــــه
أو بعد مـا نجتمع ويّـاه سوّيه
***********************************
علي حامي الحميه اليـوم ونصـــار
إعتقد يدري عليـه أشكثر ون صار
إله أبكــل البــلاد أحبـاب وأنصــار
أبيوم الـراح شافـوا كـل أذيـّه
***********************************
هــــاي الأرض كلهـا أو مَنْ عليها
الباري أبدين "أحمدْ" مَــن عليهـــا
فـــرض تـأخذ أمرها مـن"عليهــــا"
أو"عليها"أغتالته أذناب آل أميه
*خادم اهل البيت – عليهم السلام – ابو حيدر المجراوي
ـــــــــــــــــــــــــــــــــــــــــــــــــــــــ
يازينب اليوم بس وكت الفجر
أتعنة للبيت راسي منطبر
____
لجامع أمشيت بس عندي علم
من أكصد البيت أنكل بالجدم
الطبرة بالراس مرسومة رسم
بعينج تشوفين ظهري منكسر
____
يازينب وياج بجيتي السمة
والشيبه بالراس مصبوغة دمة
وياج لليوم تنعى فاطمة
وتنادي هل يوم معصورة عصر
____
جبريل هل يوم يقرة قصتي
وبسيف ملعون تنشك هامتي
واعليج كل يوم تذرف دمعتي
وجرحج ترة يزيد لا ما ينجبر
____
علتربة هاليوم راسي لو سجد
قران مرفوع للباري صعد
مجلس بلاحزان جبريلَ العقد
وينادي كل ساع عظم للاجر
____
يتجولي للدار الحسين وحسن
واشحال الحسين كلبة من انطحن
محد يجي وياه ويزيل المحن
وبراسة طبرات يخليها الشمر
____
منتظر صالح الكعبي
ـــــــــــــــــــــــــــــــــــــــــــــــــــــــ
الوداع
""""""
الوداع الوداع يا أمير المؤمنين
“““““““““““““““““““““““““““
تـــودعـــيـــك اللــيـــلـه صعـب
وفــراگـــك يـــحـز بـــالقــلــب
والـوحشـه تـقسـي وي الـعـمـر
لـــيـــك الـــموالــي والـــمـحـب
قـــلـبـــه ابـــد مـــا يــسـتـتـب
بـــي كـل جــرح مـا يســـتـقر
الوداع الوداع يا أمير المؤمنين
“““““““““““““““““““““““““““
كــل عـــيـــن تــجـــريلك نــهــر
والــــــروح يــــبـــســـهـا الـقـهـر
وي الـــدمـــع تـــنـــزل مـــحـن
هـــجرك علـــي كسرة ضـــهر
ليـــك الـــحـجر ذاك انـــفـــطــر
يـــاحــيـــدره يــابـــو الحـــسـن
الوداع الوداع يا أمير المؤمنين
“““““““““““““““““““““““““““
نـــصـين الك قلــبي انجسم
الله يـعــنـــيــك عـــالالــــم
ويـــعــيـن ويــلادك عـــلي
جـن بـــيه محـــترگه الخـيم
وبـعـيـنـي نـابـتـلـي ســـهــم
وهـم بـــالوداع انـي ابـتـلـي
الوداع الوداع يا أمير المؤمنين
“““““““““““““““““““““““““““
انـــتــه الـــمـلاذ لـــكــل بـــشــر
والـــي مـــن الـــدنيه انـــكــسـر
يشـــعـــر امــان انـــتـــه وحــرز
والــعــايــز وقـــلـبـــه افـــتــقـــر
والـــجـاع لـــيـــلــيـــه وســهــر
بعهدك علي تــنطي الخبز
الوداع الوداع يا أمير المؤمنين
“““““““““““““““““““““““““““
مـــــن ودعــت راح الــــــهـوه
ومـن عگبك اتـلاشى الـضوه
هـــنـــدس الدنـــيـــه ومظـــلـمه
يـــــاعـــلـــي وللـــحـــبــك دوه
والـــي مـــــن الـهــم انــجــوه
انـــته الحـمه وحامي الـحمه
الوداع الوداع يا أمير المؤمنين
“““““““““““““““““““““““““““
يـــافـــرج كـــل مـــؤمـــن دعـــــه
يــــــارحـــمـــة الله الـــــواســـعـــه
بـــاب الله انـــتـــه ورحـــمـــــتـــة
مــــــن ودعــــــك وتــــودعــــــه
ادمـــوع الـــيـــبحـــك راكـــعـــه
ويبـــجي وتسـولف دمعـتة
الوداع الوداع يا أمير المؤمنين
“““““““““““““““““““““““““““
الشاعر زين العابدين الشمري
ـــــــــــــــــــــــــــــــــــــــــــــــــــــــ
هامة الكرار من طبروها
هامة العباس جن هشموها
ــ& &&&&&&&&&&&
هامــــــــــة المادنگت بـــس للعلي
شلون تنصاب انشد ودمعي ايهلي
طبرو العبــــــاس لو طبــــرو علي
شلون لحدود العرش وصلوها
ــ& &&&&&&&&&&&&&
حيدر وسوح الحرايب عرفته
ماينزّل هامته او لا رايتـــــــــه
اشوصّله سيف المرادي الهامته
والضياغم جفه مالاووها
ـ&&&&&&&&&&&&&
خيمه جانت لامّه ارجـــال ونسه
بيها جم خايف غفت عينه ونسه
واليتامه ابجالها صبــــــح ومسه
عاشو وحسراتهم ينسوها
ــ& &&&&&&&&&&&&
بيت حيدر طاح جنــــه امن انطبر
وبجه الكون وظهر الحسين انكسر
علي الطايح هذا لو طــــــاح الگمر
هاي ياشيبة حِمِد خضبوها
ــ& &&&&&&&&&&&&
عاشر امحرم جرح حامـــي الحمه
ماي اكو بس يشتكون امن الضمه
هامة العباس جنها امهشـــــــــــمه
ويّه هامة والده صابوها
ـ&&&&&&&&&&&&&&
صاح جبريل الاركـــــان اتهدمت
وزينب الساعة سبيها استسلمت
جنها ركبت عالهـــــزل واتشتّمت
وجنها بحبال اليسر جتفوها
ــ& &&&&&&&&&&&&&
شافته اعله اولاده متوچي وجريح
لاگته بشهگاتها اتگوم وتطيـــــــــح
علي واضيعتنا بعدك تصيــــــــــــح
زينبك شبعت هظم يابوها
ــ& &&&&&&&&&&&&
اوداع اخوها الصعب حيدر ينحمل
حاجته وحاجاها والمدمـــــــع يهل
ودّعت عباس مـــــــــن فوگ الهزل
خويه كلما نادته ايضربوها
ــ& &&&&&&&&&&
علي محسن الزيادي
ـــــــــــــــــــــــــــــــــــــــــــــــــــــــ
نزله ..... للأمام علي امير المؤمنين عليه السلام
ما نبايع بس علي لكرسي الخلافه
ما نبايع بس علي لكرسي الخلافه
.......
الله بالقرآن انزل عالنبي قرآنه
والنبي الهادي مُحمّد اوضح بتبيانه
بس علي هوه الخليفه واضح بعنوانه
واليبايع غير حيدر ينرفض ايمانه
ما تفيده بالحشر كلمة وسافه
ما نبايع بس علي لكرسي الخلافه
.......
ياهو من بين الصحابه مثله وبافعاله
شيّد الإسلام سيفه عالشرك يتعاله
چم حديث بحقّه شفنه من مُحمّد ناله
باب خيبر من قلعها وحده من افضاله
تسهل وما تنغلق بيده الكلافه
ما نبايع بس علي لكرسي الخلافه
........
بيعة الشيخين باطل احنه ما ردناها
ردنه الله الراده النه بي شَبَه من طه
وارث المختار حيدر حگنه بي نتباها
بس علي ما ردنه غيره كلمة ردّدناها
كل موالي يفتخر هذا اعترافه
ما نبايع بس علي لكرسي الخلافه
.......
راية الكرار تبقى كل زمن خفّاقه
واليضد خسران دينه تحترگ اوراقه
علي من بين الصحابه ناجح بانفاقه
علي جبرائيل دونه بالمكارم فاقه
لا فتى ألا علي يشهد هتافه
ما نبايع بس علي لكرسي الخلافه
.........
احنه جدّدنه عهدنه بالمجالس هايه
نبقه للكرار شيعه بالشدد وفّايه
راية الإسلام بيده ما تطيح الرايه
تبقى بالقرآن تشهد للوصي چم آيه
ماكو واحد واصل لزهده وعفافه
ما نبايع بس علي لكرسي الخلافه
...........
موتو بغضاً يالنواصب بس علي بوجداني
كل زمن حيدر ولينه ما نبايع ثاني
منهَجَه منهج مُحمّد بالوصف قرآني
حب علي صومي وصلاتي ينبض بشرياني
كعبة مرقد حيدرة واجب طوافه
ما نبايع بس علي لكرسي الخلافه
سيد زيد الفحام
_________
ـــــــــــــــــــــــــــــــــــــــــــــــــــــــ
قصيده ملمع للامام علي (ع)
حينما ننعاك ننعه القبلتين
وكتاب الله والروح الامين
يا عليا يا أمام المـتقـين
جرحك وصوت الاذان بكل صلاة
ودمك ومحرابك الصارن حياة
ذني للايمان عنوان النجاة
(وثمارا من جنن للجنتين)
صوت ردد جرحك بكل كبرياء
خط الك ملحمه من فيض الدماء
وربك اتلگه ضربتك بالسماء
(قبلة تشتاق ذياك الجبين)
دمك يظل عطر ويعطر الزمان
وارتوت من دمك السبع المثان
بشذى الايه وكل معانيها الحسان
(أنت فيها الروح والمعنى المبين)
صوت للحق صاح وبعالي النداء
انذرت كل عمرك لدين الله فداء
يبقه دين الانته بي الفن وباء
(جوهرا أسمى من الدر الثمين)
يبقه نهجك ياعلي رمز الخلود
صادق بـمعنا وباقي بهل وجود
سيفك وفكرك ابد ملهن حدود
(فكلا الاثنين نبراس اليقين)
ياشهيد وانته عنوان الحياة
من مثل شخصك حمل هاي الصفات
انطيت معنى سيدي للكلمات
(حيث انت النبع فيها والمعين)
ياصدى الايتام يا سر الوجود
ياخلود العاش باعماق الخلود
انته سر الله يل مالك حدود
(مالك في الناس مولاي قرين)
دمك وعنوان صبرك والأباء
خطن بمحرابك اسنين الوفاء
ياضياء الطلع من ضي الضياء
(انت لغز فيها والسر الدفين)
تنتهي الدنيه ويظل اسمك علي
والهموم شمانذكرك تنجلي
امر صادر ياعلي من العلي
(انت مولانا على مر السنين)
شاعر اهل البيت (ع)
رياض الرسل الجابري
▪️
ـــــــــــــــــــــــــــــــــــــــــــــــــــــــ
هامة الكرار من طبروها
هامة العباس جن هشموها
ــ& &&&&&&&&&&&
هامــــــــــة المادنگت بـــس للعلي
شلون تنصاب انشد ودمعي ايهلي
طبرو العبــــــاس لو طبــــرو علي
شلون لحدود العرش وصلوها
ــ& &&&&&&&&&&&&&
حيدر وسوح الحرايب عرفته
ماينزّل هامته او لا رايتـــــــــه
اشوصّله سيف المرادي الهامته
والضياغم جفه مالاووها
ـ&&&&&&&&&&&&&
خيمه جانت لامّه ارجـــال ونسه
بيها جم خايف غفت عينه ونسه
واليتامه ابجالها صبــــــح ومسه
عاشو وحسراتهم ينسوها
ــ& &&&&&&&&&&&&
بيت حيدر طاح جنــــه امن انطبر
وبجه الكون وظهر الحسين انكسر
علي الطايح هذا لو طــــــاح الگمر
هاي ياشيبة حِمِد خضبوها
ــ& &&&&&&&&&&&&
عاشر امحرم جرح حامـــي الحمه
ماي اكو بس يشتكون امن الضمه
هامة العباس جنها امهشـــــــــــمه
ويّه هامة والده صابوها
ـ&&&&&&&&&&&&&&
صاح جبريل الاركـــــان اتهدمت
وزينب الساعة سبيها استسلمت
جنها ركبت عالهـــــزل واتشتّمت
وجنها بحبال اليسر جتفوها
ــ& &&&&&&&&&&&&&
شافته اعله اولاده متوچي وجريح
لاگته بشهگاتها اتگوم وتطيـــــــــح
علي واضيعتنا بعدك تصيــــــــــــح
زينبك شبعت هظم يابوها
ــ& &&&&&&&&&&&&
اوداع اخوها الصعب حيدر ينحمل
حاجته وحاجاها والمدمـــــــع يهل
ودّعت عباس مـــــــــن فوگ الهزل
خويه كلما نادته ايضربوها
ــ& &&&&&&&&&&
علي محسن الزيادي
▪️
ـــــــــــــــــــــــــــــــــــــــــــــــــــــــ
بمحرابه مطبور . هالليله حماي الحمه .
بمحرابه مطبور .
أبيت الله مغدور . متخضب بفيض الدمه.
أبيت ألله مغدور .
........................................
بالبسمله من نبتدي قصة وليد الكعبه..
ما ركع أبدن للصنم جن كطن ابيض كلبه..
تنزل دموعه على الوجن لمن يناجي ربه ..
أبيت الله مولود الولي واستشهد على التربه..
وجناحه مكسور . جبريل ناده بالسمه. وجناحه مكسور
أبيت الله مغدور .متخضب بفيض الدمه. أبيت ألله مغدور
................................................
لمحرابه كاصد حيدره قرأن يقره بقرأن..
المسجد يرحب بالولي أهلا بنور الايمان ..
نعقت نواعق بالدرب بتسطعش من رمضان..
شد الحيازيم ومشه وما همه غدر الشيطان ..
بالجنه مسرور . يلتقي بروحه فاطمه. بالجنه مسرور
أبيت الله مغدور . متخضب بفيض الدمه .أبيت ألله مغدور
......................................................
تبقى اليتامه تنتظر يا أبو الحسن دكة باب..
تتقاسم الخبزه سوه وياهه جنت يابو تراب..
حتى المريض البيه علل يتشافه وبأيدك طاب ..
بليلة قدر ظلمه السمه ليش الكمر عنج غاب..
من غادر النور . صارت الدنيه مظلمه. من غادر النور
أبيت الله مغدور .متخضب بفيض الدمه . أبيت ألله مغدور
...........................................................
صوت الزجيه فاطمه صاحت الك مشتاكه..
أشتاكيت ألك يا بو الحسن بالجنه خل نتلاكه..
لاتنتظر طف كربله ونار العطش حراكه..
تشوف الغوالي على الرمح وزينب سبيه بناكه..
ادري انت مقهور. لو صاب ذريتك ضمه. أدري انت مقهور
أبيت الله مغدور . متخضب بفيض الدمه. أبيت ألله مغدور
....................................................
بموقف صعب شفت الحسن والدمع يوصف حاله..
سبّل اديه المرتضى وغمض أعيونه اكباله..
وحسين غطاه الحزن بحر الدمع من ساله..
وام البنين الطاهرة ظلت تصبّر أعياله..
وحسين معذور . بالكلب ينصب مأتمه . وحسين معذور
أبيت الله مغدور . متخضب بفيض الدمه. أبيت ألله مغدور
......................................................
خير العمل ماينوصف عدله وأحسانه وعطفه..
ربي العلي انطه العلي من رحمته ومن لطفه..
ينطي زكاته بركعته بحنيه وبكل رأفه ..
مثل الأسد وكت الحرب خيبر قلعهه بجفه..
هالليله عاشور .. ونبجي على راعي الغانمه.. هالليله عاشور
أبيت الله مغدور . متخضب بفيض الدمه. أبيت ألله مغدور
......................................................
لخادم أمير المؤمنين
حيدر مطر العبادي
ـــــــــــــــــــــــــــــــــــــــــــــــــــــــ
لاستشهاد أمير المؤمنين علي عليه السلام
السلام عليك. يإإمام المتقين
السلام عليك. يامنار الصالحين
السلام عليك. ياامير المؤمنين
★★★★★
يا امين الله على أرضه ونور من طه انشطر
أشهد انته وفي الربك. من المهد للمستقر
وبكتاب الباري نهجك. واتبعت سيد البشر
السلام عليك. ياوصي الاوصياء
السلام عليك. ياعماد الأتقياء
السلام عليك. يا أمير المؤمنين
★★★★★
ياجمال وصفوة احمد. وسيرته ونهجه السوي
والعلومه الباب انته. ومن علومه. ترتوي
يمن فاتح باب خيبر. ابچفك الشر ينطوي
السلام عليك. ايها الحق المبين
السلام عليك. ياسراج العابدين
السلام عليك. ياامير المؤمنين
★★★★★
ياوليد الكعبه منهو. نال مثلك هلفخر
يلبتت بفراش طه. ماخفت لحظه الخطر
وبالمعارك انته الأول. بيك دين الله انتصر
السلام عليك أيها القلب الكبير
السلام عليك. ايها البدر المنير
السلام عليك يا امير المؤمنين
★★★★★
دنيا مانصفتك لحظه. بلوعه ايامك گضن
ومنهدم ركن الهدايه. ابطبرتك يابوالحسن
صعب مثلك يبوالحمله مثلك يجيب الزمن
السلام عليك. ايها السر العظيم
السلام عليك. ياصراطا. مستقيم
السلام عليك يا امير المؤمنين
★★★★★
يلشفت ياما رزايا. وجور ياما اتحملت
ناكث وقاسط ومارق. لكل ضلاله حاربت
حسد واحقاد وخيانه. وناس ماترحم شفت
السلام عليك ياوريث الأنبياء
السلام عليك. ياصفي الاصفياء
السلام عليك يا امير المؤمنين
الشاعر حسن لعيبي الحريشاوي
ـــــــــــــــــــــــــــــــــــــــــــــــــــــــ
قصيده ملمع للامام علي (ع)
حينما ننعاك ننعه القبلتين
وكتاب الله والروح الامين
يا عليا يا أمام المـتقـين
جرحك وصوت الاذان بكل صلاة
ودمك ومحرابك الصارن حياة
ذني للايمان عنوان النجاة
(وثمارا من جنن للجنتين)
صوت ردد جرحك بكل كبرياء
خط الك ملحمه من فيض الدماء
وربك اتلگه ضربتك بالسماء
(قبلة تشتاق ذياك الجبين)
دمك يظل عطر ويعطر الزمان
وارتوت من دمك السبع المثان
بشذى الايه وكل معانيها الحسان
(أنت فيها الروح والمعنى المبين)
صوت للحق صاح وبعالي النداء
انذرت كل عمرك لدين الله فداء
يبقه دين الانته بي الفن وباء
(جوهرا أسمى من الدر الثمين)
يبقه نهجك ياعلي رمز الخلود
صادق بـمعنا وباقي بهل وجود
سيفك وفكرك ابد ملهن حدود
(فكلا الاثنين نبراس اليقين)
ياشهيد وانته عنوان الحياة
من مثل شخصك حمل هاي الصفات
انطيت معنى سيدي للكلمات
(حيث انت النبع فيها والمعين)
ياصدى الايتام يا سر الوجود
ياخلود العاش باعماق الخلود
انته سر الله يل مالك حدود
(مالك في الناس مولاي قرين)
دمك وعنوان صبرك والأباء
خطن بمحرابك اسنين الوفاء
ياضياء الطلع من ضي الضياء
(انت لغز فيها والسر الدفين)
تنتهي الدنيه ويظل اسمك علي
والهموم شمانذكرك تنجلي
امر صادر ياعلي من العلي
(انت مولانا على مر السنين)
شاعر اهل البيت (ع)
رياض الرسل الجابري
ـــــــــــــــــــــــــــــــــــــــــــــــــــــــ
الوداع الوداع ياعليُ الوداع
***
اليوم تشييع الولـــي بنوح وعزيه
والمدامع بالحزن صــارت جريه
بعد بالدنيه علــــــي ماكو المسيه
يندفن بالمكبره وحــــــدر الوطيه
صرخةُ الإنفجاع ياعليُ الوداع
الوداع الوداع ياعليُ الوداع
***
اليوم محنيه السمه وكل الكــواكب
شال حماي الحمه وليث الكـــتايب
الليله خده يندفن جــــوه التـــرايب
للنجف تشيعه واتــــنادي الحبايب
حان وقت الضياع ياعليُ الوداع
الوداع الوداع ياعليُ الوداع
***
اليوم مولانه علـــي خلصلت حياته
ودع الوالي بجمـــر ولـــــده وبناته
بمسجد الكوفه وسف خلصت حياته
وحضرت املاك السمه اتشيع وفاته
خبـــــــرٌ فيهِ ذاع ياعليُ الوداع
الوداع الوداع ياعليُ الوداع
***
منحني ابنه الجبير ودمــعه جاري
يكله يابويه اختنك واظلــــم نهاري
جبدي تسعر يالأبو وملتهبه ناري
هسه من بعد صـدك بان انكساري
انت كنت الشراع ياعليُ الوداع
الوداع الوداع ياعليُ الوداع
***
انشال تابوته ومشه لأرض المكابر
والحسين ايسيل دمعه وكلبــه فاير
مثل جمرات الظهيره ابيوم عاشر
ايكله ردتك يالأبو تحظرني باجر
في غداةِ الصراع ياعليُ الوداع
الوداع الوداع ياعليُ الوداع
***
تبجي زينــب ظلت الليلــــــه يتيمه
حكهه من اتصــيح يابويــه الظليمه
وحزني لاماينكطــع لأجلك لأجيمه
آخ يابويه علـــــــــــي والله هظيمه
كنت لي خيرَ داع ياعليُ الوداع
الوداع الوداع ياعليُ الوداع
***
ابو علي الركابي
ــــــــــــــــــــــــــــــــــــــــــــــــــــــــ
عمري خدمه ومنبر .. وحيي مجلس حيدر
حان العزاء
حان العزاء
*
عايش ابهاي المجالس عمري خلص خادم
صدري بيه مطبوع چفي من كثر مالاطـم
الراد يحظر هل مئاتم گلبـــه يخلص لازم
حتى يسجل موالي امواسي دمعة فاطـم
اتريد شانك يكبر ... اخلص ابگــد قنبر
حان العزاء
حان العزاء
*
والله كل خدام حيــدر عل نعم محسوده
اتحشدو صوب المجالس بالهدوم السوده
ابليلة الجـرح البليــغ اگلوبـــــهم ممروده
اوحظرت اوياهـم تعـزي فاطمه موجوده
مجلسه بي واهس ... وبينه غيرت عابس
حان العزاء
حان العزاء
*
بيه حرگه وبيه لهفه المجلسـه اتوديني
اومـن أتيـه دربه واللـه گلبــي اليدليني
من اقصر عن خدمـته اوباجر ايلاگيني
ابيا عذر اطلعله لمن يحط عينه ابعيني
والخدم بحساسه ... يمه يرفع راســه
حان العزاء
حان العزاء
*
خادم الخــدام عنــدك يا علي سجـلني
مذنب وأرجـاك اجيت ابمجلسك ادبني
ياهو يقبلــني يحــــيدر كون ما تقبلني
الك خادم عمري خلص ماضن اتفشلني
خادمك سميـني ... هل شرف يكفيني
حان العزاء
حان العزاء
*
بالدعـاء مديت اديــه نضــره منــك رايــد
يا علي اتوسـل اجيت ابـاب عطفك گاعـد
اوياك بالمجلس يحيدر جن احس متواعد
گلبي گلي اليوم تحظـر يمنه واحـد واحـد
شنسوه احنه ابدونك … اي وحق اعيــونك
حان العزاء
حان العزاء
*
الخادم
✍ كامل السعيدي
ــــــــــــــــــــــــــــــــــــــــــــــــــــــــ
قصيدة (بچيت الحسين )
مُوجهه الى الملعون ابن ملجم عليه لعائن الله
■■■■■■■■■■■■■■
آه وا ويلآه بچيت الحسين
آه وا ويلآه بچيت الحسين
●●●●●●●●●●●●●●
چان يدري بيك حيدر وجهك ينگط غدر
من اچيته شگال گلبك تطبره وکت الفجر
تدري ذنبك ماكو مثله من يمسحه وينغفر
سيفك اليرجف عرفته هيء لسيف الشمر
آه وا ويلآه وين النادبين
آه وا ويلآه بچيت الحسين
●●●●●●●●●●●●●●
صاح جبريل بدمعته هدمت ركن الهُده
ضيعت ناس ويتامه والحزن لاح وبده
النجوم وياه چانت من يصلي ساجده
الكواكب و الملايك كلهه دمعه واحده
آه وا ويلآه بالصوت الحزين
آه وا ويلآه بچيت الحسين
●●●●●●●●●●●●●●
شنهو ذنبه حسين يركض بالمصيبه منفجع
ليش زينب هَل دمعهه والحسن نفس الدمع
ليش تذبح روح طاهه وترجع و تكسر ضلع
ليش تطبر راس حيدر تحرگ خيوط الشمع
آه وا ويلآه من الغادرين
آه وا ويلآه بچيت الحسين
●●●●●●●●●●●●●●
مو عبد رحمان انته انته شيطان وحَطب
السماء السبعه وَّنت و العرش منك غَضب
شنهو ذنبه من غدرته شنهو ذنبه وانضرب
لعنة الله اعليك تنزل يا شقي هاي العرب
تبقه ملعون على مر السنين
آه وا ويلآه بچيت الحسين
●●●●●●●●●●●●●●
يتمت الحسين و اهله يتمت بيه الحسن
كل بناته بفگده ينعن والمحن بعد المحن
علمت الانذار تغدر و المصايب ما دِفن
بَذرتك چانت زرعهه كربله جرح الزمن
بالدمه اولاد حيدر سابحين
آه وا ويلآه بچيت الحسين
●●●●●●●●●●●●●●
كلمات : حيدر العمار الخزعلي
.
رحم الله من قرء سورة الفاتحه والصلواة على روح والدتي خادمة الحسين (ام حيدر )
.
▪️
ــــــــــــــــــــــــــــــــــــــــــــــــــــــــ
عكيلي ...
قصيدة (( خل انصيح ويسمع حيدر ))
شكوى لأمير المؤمنين (ع)
▪▪▪▪▪▪▪▪▪▪▪▪▪
خل انصيح ويسمع حيدر
احنه بعازت قالع خيبر
●●●●●●●●●●●
ألحك حيدر شوف شبينه
گالو شيعي اليحكم بينه
ضگنه الويل و لو تدرينه
حاسب روحه الحاكم قمبر
خل انصيح ويسمع حيدر
■■■■■■■■■■■
باع الدين و فرهد گاعي
ياهو التنشد باگه الراعي
نرحل وين ووين انداعي
ال نحچيله آ يگول اتعذر
خل انصيح ويسمع حيدر
■■■■■■■■■■■
شگد ايتام البعدك ضاعت
بهاي العيشه شگد ألتاعت
رادت موت بگد ما جاعت
الهه الموت اگليبه تفسر
خل انصيح ويسمع حيدر
■■■■■■■■■■■
حيدر وينك شوف الحيره
مامش رحمه ومامش غيره
كلشي بحسرة ذيچ السيره
حيدر بعدك سّاد المُنكر
خل انصيح ويسمع حيدر
■■■■■■■■■■■
مدري شبيهه الوادم هايه
تركض تنطي الضالم رايه
عدهه المال الهم و غايه
خلت ذيب اعليهه اليزئر
خل انصيح ويسمع حيدر
■■■■■■■■■■■
ضاع الراس وضاع الحاكم
ضالم يحكم عُگب الضالم
وين السيف و چف الحازم
خل ايثور المهدي ويضهر
خل انصيح ويسمع حيدر
■■■■■■■■■■■
الشاعر : حيدر العمار الخزعلي
■■■■■■■■■■■
▪️
ــــــــــــــــــــــــــــــــــــــــــــــــــــــــ
شهادة أمير المؤمنين علي عليه السلام
قصيدة ( كلهه بسدك )
••••••••••••••••••••••••
كلهه بسدك .. كلهه بسدك
حيدر حيدر .. كلهه بسدك
===================
ليـث امجرب مـن نشكيـلك
عــالشــدات آمعـلـم خـيـلك
حته المهدي يصيح ادخيلك
كلهه تندبك ... كلهه تندبك
حيدر حيدر .. كلهه بسدك
===================
اسمك طلسم عند الوادم
اكبـر شـارب عندك خادم
يبقـه بعـاره و اكبـر نـادم
كلمن ضدك ... كلمن ضدك
حيدر حيدر .. كلهه بسدك
===================
اعـذر گلبـي من ينعالك
انـه العنـدي كله ابجالك
الله يساعد گلب اعيالك
باست يَدك ... باست يَدك
حيدر حيدر .. كلهه بسدك
===================
فَگدَك خـِله ومنهو يسدهه
زينب بعدك ياهـو العــدهه
عاشت بعدك دمعه بخدهه
منهو يردك ... منهو يردك
حيدر حيدر .. كلهه بسدك
===================
كسرة خاطر حيدر يومك
طُبرو راسك دم اهدومك
كل الدنيه تهاب ارسومك
دم بخــدك ... دم بخــدك
حيدر حيدر .. كلهه بسدك
===================
حيدر العمار الخزعلي
.
ــــــــــــــــــــــــــــــــــــــــــــــــــــــــ
قصيدة (بچيت الحسين )
مُوجهه الى الملعون ابن ملجم عليه لعائن الله
■■■■■■■■■■■■■■
آه وا ويلآه بچيت الحسين
آه وا ويلآه بچيت الحسين
●●●●●●●●●●●●●●
چان يدري بيك حيدر وجهك ينگط غدر
من اچيته شگال گلبك تطبره وکت الفجر
تدري ذنبك ماكو مثله من يمسحه وينغفر
سيفك اليرجف عرفته هيء لسيف الشمر
آه وا ويلآه وين النادبين
آه وا ويلآه بچيت الحسين
●●●●●●●●●●●●●●
صاح جبريل بدمعته هدمت ركن الهُده
ضيعت ناس ويتامه والحزن لاح وبده
النجوم وياه چانت من يصلي ساجده
الكواكب و الملايك كلهه دمعه واحده
آه وا ويلآه بالصوت الحزين
آه وا ويلآه بچيت الحسين
●●●●●●●●●●●●●●
شنهو ذنبه حسين يركض بالمصيبه منفجع
ليش زينب هَل دمعهه والحسن نفس الدمع
ليش تذبح روح طاهه وترجع و تكسر ضلع
ليش تطبر راس حيدر تحرگ خيوط الشمع
آه وا ويلآه من الغادرين
آه وا ويلآه بچيت الحسين
●●●●●●●●●●●●●●
مو عبد رحمان انته انته شيطان وحَطب
السماء السبعه وَّنت و العرش منك غَضب
شنهو ذنبه من غدرته شنهو ذنبه وانضرب
لعنة الله اعليك تنزل يا شقي هاي العرب
تبقه ملعون على مر السنين
آه وا ويلآه بچيت الحسين
●●●●●●●●●●●●●●
يتمت الحسين و اهله يتمت بيه الحسن
كل بناته بفگده ينعن والمحن بعد المحن
علمت الانذار تغدر و المصايب ما دِفن
بَذرتك چانت زرعهه كربله جرح الزمن
بالدمه اولاد حيدر سابحين
آه وا ويلآه بچيت الحسين
●●●●●●●●●●●●●●
كلمات : حيدر العمار الخزعلي
.
رحم الله من قرء سورة الفاتحه والصلواة على روح والدتي خادمة الحسين (ام حيدر )
.
ـــــــــــــــــــــــــــــــــــــــــــــــــــــــ
علي منصب على الامه علي الاول
علي لا لا تظن مثلــــه بشر يحصل
* * * * * *
علي الافضل علي الامثل علي الرحمه
علي آيـــــه علي رايـــــــه علي همـــه
علي غالي علي عالـــــي علي قمــه
علي أمقدم علي ضيغم علي بسمه
علي وبسمه أمر كل معضله ينحل
* * * * * *
علي المصحف علي الاشرف علي الاطهر
علي الحاكم علي العالم علي الجوهــر
علي السنه علي الجنـــه علي حيـــــدر
علي اليضرب علي ويرهب علي لو كر
علي وكل فارس بسيفه خضع وأنذل
* * * * * *
علي مسدد علي أمأيد علي منصب
علي قاهر علي باهر علي مجـــرب
علي غيره علي حيره علي مهذب
علي مروه علي شسوه علي بمرحب
علي الشاهد على فضله الوحي المنزل
* * * * * *
علي العادل علي الفاضل علي عالكـــل
علي الساطع علي البارع علي المهــول
علي المصدر علي المفخر علي اليذهل
علي لوطب علي وحورب علي يزلزل
وعلي لوماعلي دين الله مايكمـــــــل
* * * * * *
علي الاكرم علي الاعظم علي الطاهر
علي الفرقد علي الاوحد علي الظافـر
علي العابد عليالزاهد علي الغافـــــر
علي الاطيب علي الكوكب علي الزاهر
علي المبغض أله يعترف بيه أفضــــل
* * * * * *
سلام المشعل
ــــــــــــــــــــــــــــــــــــــــــــــــــــــــ
طبرو الكرار حامي ادخيــله
وهدمو اركان الهدى بهالليله
ـ&&&&&&&&&&&&&&&&&&
اهتزت اركان الهدى واتهدمت
الليله والعروة الوثقى انفصمت
بالدمه هامة علينـــه اتخضبت
وبالسمه صوت الوحي ينعيله
ـ&&&&&&&&&&&&&&&&&&
علي البحروبه يكـــــــــــــر ومايفر
وماكو واحـــــد يوصله لوما الغدر
راس شاطر مرحب اصبح منشطر
ابنه المتچّي السمه ايتجيله
ـ&&&&&&&&&&&&&&&&&&&
والله اظلمه لو گلت حيــــدر بشر
(ربُّـــــــه فيـــــــه تجلّــى وظَــــهَر)
الجدمه محد واصله بهامه انطبر
مستحيل العرش من يدنيله
ـ&&&&&&&&&&&&&&&&&&&
وي علي الكرار مطبـــــور الاسلام
والصيام الليله عن كل فرحه صام
جاهليه الكوم لا حل لا حــــــــرام
ونكرو التفسير وي تأويله
ـ&&&&&&&&&&&&&&&&&&&
بالصلاه من انطبر بجّـــــه الصلاه
وخضب المحراب حيدر من دماه
صاح وي اه الحســـــن محرابه اه
ولو بجاله حسين ظل يبجيله
ـ&&&&&&&&&&&&&&&&&&&&&
انكول اهون تصبـر اولاده زلـــــم
شلون زينب لو وصل ليـــــها علم
جرح كسر الضلع بس لا ينلجــــم
ودمع الاحزان بصباها اتسيله
ـ&&&&&&&&&&&&&&&&&&&&&
الفاكد امـــــــــــه انكول يتصبّر ببوه
شلون صبره المن ابوه وامه احرموه
كل ضوه البعيونّه اتگلهم طفــــــــوه
وحيلنه يخواني هدمو حيله
ـ&&&&&&&&&&&&&&&&&&&
شافت الطبره ودمعها بخدها هــــد
وعلي ايصبرها ويحاجيــــها گعــــد
باجــــــــــــر الطبـــرات ما الهن عدد
وماكو واحد نعش اخوج يشيله
ـ&&&&&&&&&&&&&&&&&&&&
علي محسن الزيادي
ــــــــــــــــــــــــــــــــــــــــــــــــــــــــ
احنه خدام ونرفع الهام
ويا علي نصيح طول الايام
****
علي عنوان الكرامه ويسري ويه دمانه
احنه ما ننسه الصميده وهوه ما ينسانه
علي ميثاق العداله وعالوفه ربانه
علي لجل الدين ضحه وثبتاها اركانه
راية الدين بيد ابو حسين
وحطماها بجف الاصنام
**
احنه خدام ابو الحمله وللمنيه نعاهد
ويا علي قائدنه انته وماكو غيرك قائد
بالخدامه وفقتنه ودللتنه وزايد
واحنه ما نترك خدمتك جينه ليك نعاهد
واليخدمون ما يتعبون
والمجالس تبقه كل عام
****
علي انته الدنيه كلها واليعوفك يخسر
واحنه واحدنه بخدمتك مثل جون وقنبر
احنه نقسم ما نعوفك لحد كطع المنحر
وصرخة الاحرار تبقه بكل زمن تتكرر
لجل ابو اتراب نفدي الاركاب
والوفه اليوم صعبه ينسام
*
يا علي انته فخرنه وبسمك تباهينه
نحيه ونموت اعله دربك تدري يا والينه
سيدي بيوم القيامه رايح تنجينه
وعالسراط انته يحيدر باجر تمشينه
كلنه بحماك يا علي اهناك
وتشفع النه يبن الاكرام
*
احنه من نخدم يحيدر نخدم اعله النيه
ويا علي هاي المجالس قمة الروحيه
اسود اتعلمنه نلبس واللطم يوميه
ويا علي تعشك لطمنه حته الحسينيه
وهالعزائات يعني ثورات
والها يراد شدت احزام
**
انته سر الله ونبيه وانته خيمة جفوفك
ونقسم بنور الولايه يا علي منعوفك
من تضيك الدنيه بينه وننتخي بحروفك
اول الناس انته تحضر يا ولينه نشوفك
وانته مولاي امجرب اهواي
ومن نذكرك ننسه الالام
***
تمت
تحسين الخفاجي
ــــــــــــــــــــــــــــــــــــــــــــــــــــــــ
موشح نجفي
ياعـلـي ياعـلـي ياعـلـي الـمـرتـضى
*-------------------*----------------*
والله يـا ليـث الـوغـه فـگـدك صعـب
خـلــه دمـع الـعيـن يـنـزف والـگـلـب
شلون يـا ابـو حسيـن هـاليلـه تـطـب
البـيتـك وزيـنب تـشـوف انـظـارهـه
*---------------*-------------*
الـلـيـلـة دم الــراس يـا حـيـدر نـزف
ونزل جبريل بـحـزن بـأسمـك هـتـف
انـطـبــر هـامـك يـا عـلـي اه واسـف
وانـتـه لـيـث الـمـوزمـه وكـرارهـه
*---------------*--------------*
مثـل زينـب عـشنـه بـمـصابـك يـتـم
حـگــه مـن والاك يــبـچـي ويـلّـچــم
الدمعـه صـعبه اتـصير بـجفون الزلـم
وحـفـرت بــخـد الـمـوالـي اثـارهـه
*----------------*------------*
امـصيـبـتـك عادت تـرة كسـر الضلـع
ايتام صرنه وبالحـزن يـجـري الـدمـع
عـلـي كـلـه الـكـون لـجلـك منـفـجـع
والـبـواچي الـيـوم تـحلـه اطـوارهـه
*-------------------*---------------*
سيدي بـگلـب الـمـحـب حـل الحـزن
وهـل عـهـد ويـاك لـمـصـابــك نــون
ايسيل دمـع العين دوم اعله الجفـن
وشـيعتـك تـبقـه المناحـه ابـدارهـه
*-----------------*---------------*
بـعـد يـا عـيـد اشـبـقـه عـنـه ابـتـعـد
بالـدمـه حيف انصبغ شـيـب الـحـمـد
بـاچـر اعـلـه الـنـوح والـهـم نـسـتـعـد
والصـغــار اتـنــوح وي اكـبـارهـه
*----------------*-------------*
✍خادم أمير المؤمنين ع
الشاعر رعد الجريخي
ـــــــــــــــــــــــــــــــــــــــــــــــــــــــ
{ جرح 💔 قرآن }
نزله بحق الامام علي// ع
هامة الدين يبو حسين طبروهه
عـصـرة الباب بالمصاب عادوهـه
*---------------*----------------*
طبروا الدين القـويـم بـطـبـرتـك
والكتاب اليوم ينعى لـغـيـبــتـك
لـيـلــة الـقــدرِ يـحـيـدر نــادتــك
وبـچّـت الاكـوان حـالـة شيعتـك
بشهر الصيام يضرغام فجـعـونـه
لچموا الـروح بـالـجـروح خـلـونه
*---------------*----------------*
صـاح جـبـريـل بـمـصـابـك للملـه
والملائـك هـاي ضـجـت مـعـولـه
شـافة الشـيـبـة بـدمـاك مـغـسلـه
والمـرادي لـهـامـتـك سيفه اعتله
كـرّب العـيـد يصـنـديـد حاجينـه
بـغـدر الاوغـاد بـالاحـقـاد عانينه
*---------------*----------------*
خـالـي مـحـرابك يليث المـوزمـه
واليـتـامـه تـسـيل دمعتهه بدمـه
صـابـوا الـهـامـه يـحـمـاي الحمـه
وضـلـت الكـوفـه لغـيـابك مظلمه
كـمّـل الـصـوم يـجـيـدوم ويـانــه
شـيعـتـك هـاي يـمـولاي حـزنـانـه
*---------------*----------------*
شـهـر الصـيـام بـوجـودك مـا كمل
والسـبـب احـقادهـم وأم الـجـمـل
خـضّـبـوا شـيـبـك يـمـيـزان العمل
لـلـيـتـامـه بـغـيـبـتـك غـاب الامـل
مـظـلـمـه الــدار يـكـرار هـالـلـيـلــه
بـالـدمـوع حـچـي شْـمـوع للعـيـله
*---------------*----------------*
راسـك وراس الـسـمـاوات انـطـبـر
والــوحــي مـــولاي بـچّـاه الـخـبـر
صاح والدمعات تـجـري وما صـبـر
وبـضـمـايـر شيعتك جـرحـك كـبـر
تـنـزف ادمـاك والامـلاك مـحـتـاره
غــايـب الـنـور بـالـكـبــور انـــواره
*---------------*----------------*
اتـجـدد بـيـومـك مـصاب الطاهـره
زيـنـب تـنـادي بـحـزن يـا حـيــدره
كــمّــل ويــانــه لـيـالــي الـمـغـفـره
تـجـرح الغـيـبــة وتــعــذبـنــه تــره
زيـنـب تـحـيـر بـاليـصـيـر تـدريهـه
تـصـبر شـلـون الـعـيـون تـجـريـهـه
*---------------*----------------*
✍ بقلم خادم الحسين ع
الشاعر رعد الچريخي
ـــــــــــــــــــــــــــــــــــــــــــــــــــــــ
يا علي يا…… علي يا علي ياعلي
ΠΠΠΠΠΠΠΠΠΠΠΠΠΠΠΠΠ
يلي شايل هالنعش
بهيده مو قلبي انخمش
دمع بعيوني انفرش
جروحي كاتلها العطش
يا علي يا…… علي يا علي ياعلي
ΠΠΠΠΠΠΠΠΠΠΠΠΠΠΠΠΠ
ليش تابوته نزف
والهوه يمه رجف
راح لتراب النجف
للسمة اصوابه انكشف
يا علي يا…… علي يا علي ياعلي
ΠΠΠΠΠΠΠΠΠΠΠΠΠΠΠΠΠ
بالله بالك بالدفن
علي الصنديد الرزن
قلبه ما يحمل حزن
لولده ولزينب يحن
يا علي يا…… علي يا علي ياعلي
ΠΠΠΠΠΠΠΠΠΠΠΠΠΠΠΠΠ
ياشفعنا ويا وتر
شلون نحمل هالهجر
والصبر مل الصبر
والالم ما ينگدر
يا علي يا…… علي يا علي ياعلي
ΠΠΠΠΠΠΠΠΠΠΠΠΠΠΠΠΠ
يا امامي الاولي
ياختامي ويا هلي
بيك يندق عاذلي
جي شفيعي انته علي
يا علي يا…… علي يا علي ياعلي
ΠΠΠΠΠΠΠΠΠΠΠΠΠΠΠΠΠ
هاي لحظات البعد
الفگد صعبه الفگد
حيدره اليوم بالحد
فوگ تربانة ورد
يا علي يا…… علي يا علي ياعلي
ΠΠΠΠΠΠΠΠΠΠΠΠΠΠΠΠΠ
خل نودعه بهالشهر
جان للفقرة نهر
تشهد اعيونه سهر
جان لايتامه ظهر
يا علي يا…… علي يا علي ياعلي
ΠΠΠΠΠΠΠΠΠΠΠΠΠΠΠΠΠ
الله بيك احي السنن
ونعم يا بو الحسن
يقضي سيفك عالفتن
خففت كل المحن
يا علي يا…… علي يا علي ياعلي
ΠΠΠΠΠΠΠΠΠΠΠΠΠΠΠΠΠ
الشاعر زين العابدين الشمري
المصدر جروبات منبريون على تليجرام الناشر احمد الزوار
موقع قصائد مكتوبة
لاتنسونا من خال دعائكم
المصدر مؤسسة منبريون
https://telegram.me/ahmed_alziwa
اقراء ايضا نعي مكتوب للامام علي عليه السلام انقر هنا
موقع قصائد مكتوبة
تعليقات
إرسال تعليق