قصيدة تعبانات مكتوبة كتابة كاملة مرتضى حرب مع قصائد على طورها
اداء وكلمات : مرتضى حرب
تعبانات
اقراء ايضا نعي مكتوب للامام علي عليه السلام انقر هنا
تمت كلمات قصيدة تعبانات مرتضى حرب مكتوبه كتابه
\
قصائد مرتضى حرب مكتوبة
مجموعة قصائد مكتوبة على طور قصيدة تعبانات
شور للسيده زينب ع نفس طور تعبانات
********
يجناز اتوجه لطف كربله
بلااعزاز اليوم زينب شايله
يازينب يازينب يازينب
*
يجناز آنه ام المصايب
بغربه شلون نعشي بلاحبايب
صحت وين اهلي والكرايب
يالاخوان حكي لو اعاتب
نعشي انشال خويه وبعازة متن
والآمال ماتت ويه ام الحزن
يازينب يازينب يازينب
****
جاني الموت واهلي مااجوني
يكرار غربه يشيعوني
والعباس ماغمض عيوني
ها يحسين عاينهه لمتوني
هالمتون سوده خويه من الضرب
والعيون غمضت بدار الغرب
يازينب يازينب يازينب
****
بارض الشام وافتني المنيه
اذكرت بيوم دخلوني سبيه
بالحبال مجتوفات اديه
بخرابات ادفنهه لرقيه
يالاخوان ميته من يوم السبي
امشي شلون يحدي بيه الاجنبي
يازينب يازينب يازينب
******
بالونين عمري خلصيته
راس حسين لحظه مانسيته
فوك ارماح من رافكيته
للعباس جم مره نخيته
يالاحباب جروحي ماتت صايحه
وعله الباب عيني ظلت شابحه
يازينب يازينب يازينب
******
أم علي
*قصيده ع طور تعبانات*
يعباس... كوم ياغيره علي
مدري شلون... ترضى زينب تنسبي
ياخويه ياخويه ياخويه
ياعباس... كوم الحك عليه
ترضى شلون زينبكم سبيه
اليه ....محد ظل اليه
والعيون عميه من الاذيه
ليش حسين ...وانت عفتوني بغرب
ياعباس ....خويه تيهت الدرب
ياخويه ياخويه ياخويه
●--------●☆●--------●
ضي العين فارك مجانه
عميه اليوم زينب ترى أنه
كوم بساع للشمر اجانه
بينه شلون ترضى شتمانه
طايح ليش ...عالنهر يا باالفضل
مامعقول... نايم يظل البطل
ياخويه ياخويه ياخويه
●--------●☆●--------●
جبت الماي خويه واجيتك
كوم اوياي مو انه خيتك
تعوفه شلون مو كلبي بيتك
خويه اوياك تاخذني ريتك
شوف شلون... بيه يضرب الشمر
حتى العين...من الدمع صارت جمر
ياخويه ياخويه ياخويه
●--------●☆●--------●
يعباس... كوم ياغيره علي
مدري شلون... ترضى زينب تنسبي
ياخويه ياخويه ياخويه
ياعباس... كوم الحك عليه
ترضى شلون زينبكم سبيه
اليه ....محد ظل اليه
والعيون عميه من الاذيه
ليش حسين ...وانت عفتوني بغرب
ياعباس ....خويه تيهت الدرب
ياخويه ياخويه ياخويه
●--------●☆●--------●
ضي العين فارك مجانه
عميه اليوم زينب ترى أنه
كوم بساع للشمر اجانه
بينه شلون ترضى شتمانه
طايح ليش ...عالنهر يا باالفضل
مامعقول... نايم يظل البطل
ياخويه ياخويه ياخويه
●--------●☆●--------●
جبت الماي خويه واجيتك
كوم اوياي مو انه خيتك
تعوفه شلون مو كلبي بيتك
خويه اوياك تاخذني ريتك
شوف شلون... بيه يضرب الشمر
حتى العين...من الدمع صارت جمر
ياخويه ياخويه ياخويه
●--------●☆●--------●
اخذ العين مني فدالك
بس ماشوف خويه الجرالك
فدوه تروح كلها ابدالك
حتى الروح خذها الحلالك
شلون وليش ...كوه نتفارك صدك
ياهو الكال ...كلبي ابنبضه يدك
ياخويه ياخويه ياخويه
●--------●☆●--------●
ام زهراء خادمه خدام الحسين عليه السلام اسألكم الدعاء
#قصیده الاربعین علی طور تعبانات جایات من السبی
*يا زينب يا زينب يا زينب*
ياخوان اِجت ام الخدر
وهاي الروس جابتها من الكفر
*يا زينب يا زينب يا زينب*
~~~~~~~~~
د گعدو یااهلي واتلگونه
وانا اشکی خویه من عدونه
والایام صعبه واذونه
ياعباس بلدیوان طبونه
ترضي اشلون زينب ويه الغرب
وانا اليوم امشي وطيح من الضرب
*يا زينب يا زينب يا زينب*
✍️ #علویه ام فاضل
~~~~~~~~~
ليكم جيت ودمعي يهلي
تعبانين اه يا كافلي
كوم بساع نزل محملي
ياعباس كلي يختي دللي
بدرب الشام خويه انه تعذبت
واليتام والي بس الهه ردت
*يا زينب يا زينب يا زينب*
✍️ #ايمان_ناصر_الزهيري_
~~~~~~~~~
جبنه الروس من اجينه ويانه
شو حسيت بكافلي اتلاكانه
جيته بشوك روحي الهفانه
يمه بچيت وگتله طاح لوانه
ياعباس رقيه ماجبناها
علـّۓ الراس ماتت ادفناها
*يا زينب يا زينب يا زينب*
✍️ #حسينية الهوى زهراء الحربي
~~~~~~~~~
ياكفال مشتاكه اشمك
بجفي رِبّيت تِحسبني أمك
وضعي اليوم كلش يهظمك
مايحتاج ياخويه احشمك
كوم وشوف متوني هاي الشالتك
سياط اعداك ورمتهه وداعتك
*يا زينب يا زينب يا زينب*
✍️ #بشائر اللامي
~~~~~~~~~
يعباس جيتك انه انحيله
يم كبرك اكضي هاي اليله
ثجيله اهمومي خويه ثجيله
من الشام رديت اشتكيله
بالطبول اتلكو اختك يالبطل
وكلها تصيح وينه عباس الكفل
*يا زينب يا زينب يا زينب*
✍️ #أم نور الزهراء الزينبية
~~~~~~~~~
اخوي اشلون ليش ماتلكانه
من رديت ناحله وتعبانه
ويالايتام مدوهنه وحزنانه
يامظلوم اشسوت دنيانه
ترضه شلون ادخل انه الديوان
وامخدره وابوي داحي البيبان
✍️ #ام البنين
~~~~~~~~~
تمت بعون الله تعالى
بـ✍️ــاقـ✍️ــلام خـادمـات أهل البيت ع
في رحاب اهل البيت عليهم السلام
طور تعبانات
شهادة الرسول الاكرم صل الله عليه واله وسلم
........
يازهراء صوت صايح بالسمه
يازهراء عظم اجرج فاطمه
يا زهراء يازهراء
......
اليوم الكون مرتج بالحزن
كلب الدين مصيوب اويون
واويلاه وحسين اوحسن
والزهراء حاضنهم حضن
ادموعه اتسيل ويشمهم ابلوعه اوحزن
جبرائيل اوعالمه العلوي انرجن
يا زهراء يا زهراء
.......،
اليوم اشلون يوم اعله النبي
يتوادع بيه اويه الوصي
ويخبره ابزينب تنسبي
والزهراء كبلها تنولي
يا حيدر ياعلي خير الورة
يا حيدر هلمصاب اتحمله
يا زهراء يا زهراء
......
يبويه يبنتي اوبضعتي
يالسلمج عنوان امحبتي
اويالحربج حرب لوصيتي
اينكرونج يبويه ابغيبتي
بويه اعليج. نار كلبي مسعره
ابحقده ايجيج وخدج بويه يسطره
يا زهراء يازهراء
.........
بويه اشلون اليصير احمله
ايطب اعليج ألواطي اصله
الصهاكي الله ينعله
اومن والاه او فعله يقبله
عيني اتشوف كل الي جره
ابلا معروف ضلعج يكسره
يا زهراء يا زهراء
.......
كلبي اعليج يبقه فاطمه
اوعلكرار حماي الحمه
عينه اتشوف اوروحه امألمه
من صدرج يتنازف دمهه
يبو احسين كسرولي ظلع
اوياه الكون الحالج منفجع
يا زهراء يا زهرا
.....
يفاطم يبويه ايعز علي
تتالمين انتي وي علي
الاملاك مدمعها ايهلي
اورب الكون سامحلي اولي
ادعي عليهم والباري منهم ينتقم
تنشل اديهم اويلجمهم الباري لجم
يا زهراء يازهراء
......
صاحت اه واه ويلي علي
من بعدك بويه اتولي
ويجتفون حيدرنه علي
من بعداك تتوجه الي
بويه يجوني ويطبون بويه حجرتي
اويستضعفوني امجتف ابصبره هيبتي
.........
الحاجة ام احسان الخاقاني
كتبت في 46 صفر 1440 هـ
لطفا لاتحذف اسم الشاعرة
في رحاب اهل البيت عليهم السلام
لطمية للعباس عليه السلام
طور تعبانات جايات امن السفر
......
ياعباس خويه اعتنيتك
يا عباس نخوه نخيتك
يا عباس ياعباس
.......
اكعد كوم يالطيبه ذاتك
خويه الكوم سلبو خواتك
شوف اشصار بمدللاتك
ابروحي ريت اشري حياتك
ياعباس كوم ليه بالعجل
ياعباس حيلي ياخويه نحل
يا عباس يا عباس
......
خويه اشلون وحدي عفتني
ترضه اشلون وانته اكفلتني
وين الكاك يالضيعتني
بالحبال شدولي متني
يا عباس وانته راعي المرجله
اشلون ايصير اتعوفني اموجله
يا عباس ياعباس
......
يا عباس خويه اعتب اعليك
فوك التل اوكفت اوناديك
خويه الحال انه اعرضه اعليك
انهض كوم الله يخليك
ياعباس ترضه يا خويه انولي
خويه اشلون وانه بت حيدر علي
يا عباس يا عباس
......
يا عباس حركو خيمنه
اصغار اكبار خويه ارتعبنه
من الخوف فرينه كلنه
بس نسوان نامت زلمنه
والسجاد حاله ابد ما ينوصف
يكوم ايطيح جسمه كله يرتجف
يا عباس ياعباس
........
يا عباس يالي اكفلتني
شنهو الصار واتعذرتني
بالاخطار خويه عفتني
تدري الكوم وليه ولتني
يا عباس كوم ليه بالعجل
علنسوان خويه ماخذني الوجل
يا عباس يا عباس
.....
يا عباس عندي وصيه
من اتروح الامي الزجيه
كلها اصار يا خويه بيه
كلها اصياط اشكف بديه
يا عباس لو شفت حامي الحمه
كله اشلون زينب ابلايه حمه
يا عباس ياعباس
......
الحاجة ام احسان الخاقاني
7
*للسيدة سكينة عليها السلام*
الطور ؛ (تعبانات-ملا مرتضى حرب)
و الاطوار الاختيارية الأخرى ، ننتظر ابداعاتكم في التلحين.
▼△▼△▼△▼△▼△▼△▼
آنه احسين * جيت و المنحر يصب
بالايدين * راح أنزلچ بالترب
يا بنتي * يا بنتي ... يا بنتي * يا بنتي
◆◇◆◈◆◇◆
أدري الموت ، يسكينه جالچ
گلبي نار ، رايد وصالچ
و انتِ شلون ، هالليله حالچ
تتلفتين ، مشغول بالچ
تنتظرين * عزوِتچ لو تحضرچ
و اتونين * ردتي الأكبر يجبرچ
يا بنتي * يا بنتي ... يا بنتي * يا بنتي
◆◇◆◈◆◇◆
بالآهات ، أنعى رحيلچ
و اسمع صوت ، يبچي كفيلچ
شنو الشاف ، بعدي دليلچ
و لا يوم ، عفتي عويلچ
يسإلون * اش سبب سيل الدمع
ميدرون * ابدليلچ منفجع
يا بنتي * يا بنتي ... يا بنتي * يا بنتي
◆◇◆◈◆◇◆
جبت اوياي ، جاسم و الأكبر
و العباس ، و اچفوفه تزهر
جينه انشيل ، هالنعش الأطهر
و اتحسين ، ويانه حيدر
و الكرار * حاضر اويه فاطمه
و المختار * ينعى وي أهل السمه
يا بنتي * يا بنتي ... يا بنتي * يا بنتي
◆◇◆◈◆◇◆
شفت آثار ، من جور أميه
چم أورام ، تصعب عليه
و الاجروح ، ظلت جريه
و الى الله ، أشكو الرزيه
و الاتراب * غطى آثار السبي
و الامصاب * يحرگ ابگلب النبي
يا بنتي * يا بنتي ... يا بنتي * يا بنتي
◆◇◆◈◆◇◆
ما أنساچ ، بنتي سكينه
لجلچ جيت ، أرض المدينه
و أدري بيچ ، اشگد حزينه
بالأحزان ، صرتي دفينه
وين الناس * ريت تسمع اشجره
بالاحساس * خل مصابچ تنظره
يا بنتي * يا بنتي ... يا بنتي * يا بنتي
=============
📝 #الشاعرة_الملاية_زينب_المؤيد
📚 #ديوان_خزائن_الرثاء
.
تمت بحمد الله تعالى
*و نسألكم الدعاء لتعجيل الظهور*
ــــــــــــــــــــــــــــــــــــــــــــ
#القصائد_والنواعي_والأطوار_في_الرابط 👇🏻👇🏻
مؤسسة منبريون على التلكرام
تعليقات
إرسال تعليق