كلمات قصيدة مر بية لو مرت حلم
قصائد اخرى
من قصائد محرم##
خويه ياضي عيني ## جلمه بس حاجيني
من يباري اظعون زينب## منهوا الي يحاميني
########
خويه احس گلبي تلوعه
السهم گلي اشلون اشلعه
وسط عينك خويه يرعه
خويه كون بعيني
############
هيج أحس بيه الم
من حرك ذي الخيم
والزنود التجري دم
كون حاين حيني
############
ريت من ظيمي اهود
والكل زينب بعود
من تظم جسمه اللحود
منه اليحاميني
#############
اشلون نومه علئ الشريعه
اجفوفك الكافل كطيعه
اليوم حلت هل فجيعه
والهظم يطويني
##########
نومت الكافل تطول
اعداه عن اخته تحول
الخيل يم خدري تجول
للخيم وديني
############
من يباريلي الظعن
واليردني للوطن
صايب الروح الوهن
من شمر يحديني
##########
سهم عينك والجفوف
ياعذابات الطفوف
لواجعدنك تشوف
بلا ولي سابيني
###########
يالكفيل ابشيمتك
وانتخيت ابخوتك
كوم شدهه رايتك
واحرس اصواويني
##########
الحال هذه وتنعذر
راسك ابعمد انفطر
راح عباس الخدر
جلمه بس حاجيني
##########
ابورسول الدراجي
قصائد وفاة مولاتنا رقيه ع...صفر 1440
طور مصطفى السوداني اذا باجر رحت من بين اديه
يبويه اسمع سوالف من رقيه
واعرفك ينكسر كلبك عليه
اندبك يالولي حتي ابمنامي
عليه الحك يشيخ اهلي وعمامي
《《《《《》》》》》
بويه من مر الضعن يمك نظرتك
ومن نظرتك بالبدايه ما عرفتك
شفت ياروح النبي تنزف ركبتك
اتنادي عطشان آنا يالوالد سمعتك
صحت يابويه الك وبجفي اومي
علي يحرم ينايم عاري نومي
وصعب كلش علي يابويه دامي
عليه الحك يشيخ اهلي وعمامي
《《《《《》》》》》
بويه انا ابنيتك صفيت ابهالمصيبه
وانت ما تنشد علي وااا عجيبه
ياللي ما تقبل اضل وحدي وغريبه
من الشماته اليوم اريدنك يهيبه
اعلى راسي لسه بعده ارماد الخيام
وعيوني من الهضم ما تكدر اتنام
يبويه آنا بقيت ابلا محامي
عليه الحك يشيخ اهلي وعمامي
《《《《《》》》》》
بويه هم عني كلت بنتي خطيه
حتى اذا مره بحلم هم مر عليه
وشوف يابويه اليسر شمسوي بيه
اجتاف بحبال وهزل وامشي سبيه
ودموعي تهمل وحزني جرحني
يريت اللي ذبح نحرك ذبحني
ولا ذباحك انظر يمشي امامي
عليه الحك يشيخ اهلي وعمامي
《《《《《》》》》》
بويه آخر امنياتي آنا الزغيره
شوفتك حتى اختم وياك المسيره
امدلله جنت ابوجودك جني اميره
وهسه وي جتالك امشي آنا اسيره
يمن تدري بعذابي وتنظر الحال
عالرماح وتشاهد دمعي همال
اعاينلك يبويه وجفني دامي
عليه الحك يشيخ اهلي وعمامي
《《《《《》》》》》
صرت اسولف ويا روحي يا حبيبي
شح يغالي بهالزمن منك نصيبي
رايده اشرحلك هضم روحي ابنحيبي
طفله وبدرب السبي بين مشيبي
لمن رحت انت واخواني النجابه
سبي رحنه وكعدنه اعلى الترابه
سبوني الفرهدوا عزي وخيامي
عليه الحك يشيخ اهلي وعمامي
《《《《《》》》》》
الخادم فراس موحان الساعدي
قصيده لوفاة مولاتنا رقيه ع .....صفر1440
مدمعي النازل....ينده الكافل....يالحسين
روحي مشتاكَه...يمته نتلاكَه...يالحسين
《《《《《》》》》》
بويه جمر اغياب شخصك ماطفى ابيوم
وجرح اديه من الحبل كل ساعه ملجوم
بويه وين امشي آنا تتلاكاني الهموم
وما ضكت من فاركت حضنك طعم نوم
كلبي متعذب...وآنا بيك اندب....يالحسين
وناري حراكَه.....يمته نتلاكَه......يالحسين
《《《《《》》》》》
بويه نظرات العدى امضى من السهام
بالكلب وامضى بعد من حرك الخيام
مالي عين امن الهظيمه وفكدك اتنام
يالغبت عن عيني ماتت كل الاحلام
يا ابو الاكبر....هضموا الخدر....يالحسين
وآنا عالناكَه....يمته نتلاكَه......يالحسين
《《《《《》》》》》
بويه عندي الموت اهون من الفراك
ولا اعيش اخلاف عينك كلبي مشتاك
وآنا كلساع انجوي من نار الاشواك
يالحنين الشوف وجهك هالكلب طاك
والهضم يكتل....وآنا ما احمل....يالحسين
لجمة افراكَه......يمته نتلاكَه......يالحسين
《《《《《》》》》》
بويه مات العيد من شفتك على الكاع
مالي حيل وداع يالناوي اعلى الوداع
كلبي ملجوم الغيابك بويه حس ضاع
بالسهر ليليه عكبك باقي مرتاع
والكلب يلهب....ماكو مثلك اب....يالحسين
ذبلت اوراكَه.....يمته نتلاكَه.......يالحسين
《《《《《》》》》》
بويه من كثر المصايب شيب الراس
يمي ماكو حسين ضل ولاكو عباس
طفله ما بي حيل احمل جرح الاحساس
اخدودي محفوره الكبل من عمي تنباس
واصرخ ابهومه....الهيبه حل يومه...يالحسين
ابحسره شكَاكَه.....يمته نتلاكَه.......يالحسين
《《《《《》》》》》
بويه اجانه الليل لاكن يرهب الليل
بالسبي واعيون عمتي زينب اتسيل
حاله حالتنا يغالي اتهدم الحيل
بالخرابه انام كمنا ويلي واويل
وعنك آنا اسئل....والهجر طول....يالحسين
وموتي عد راكَه....يمته نتلاكَه....يالحسين
《《《《《》》》》》
الخادم فراس موحان الساعدي
المصدر مؤسسة منبريون على التلكرام
موقع قصائد مكتوبة
عشتو والله
ردحذف