كلمات قصيدة كل مسية مكتوبة
كلمات قصيدة كل مسية مكتوبه
الشاعر : حسين عبد الجليل الكربلائي
الرادود : كرار الكربلائي واحمد السعدي
كل مسيه يحدي بيه يحدي بيه الشوگ
🔹🔹🔹🔹🔹🔹🔹🔹
من اهد ما دفعوا الجنه
النفس گوات اشمنه
ميته بكربله اتمنه يدنيه يدنيه
من شفت الصدر ينرض
جفن عيني بعجل غمض
حسين بيش يتعوض يدنيه يدنيه
يا زماني تعباني تعباني النوگ
🔹🔹🔹🔹🔹🔹🔹🔹
انداس بيا ذنب صدره
ضلوع حسيني متطشره
نامت بالگلب حسره يليلي يليلي
مثل ماي النهر متني
سياط الغربه اذتني
اوگع وامشي خلتني يليلي يليلي
الهاشميه بس عليه بس عليه تلوگ
🔹🔹🔹🔹🔹🔹🔹🔹
تكتل ساعة الفرگه
وانا بدمعاتي محترگه
مثل حسيني وين الگه يروحي يروحي
صرت محرومه من كلشي
حرت من يادرب امشي
انا المحد رفع نعشي يروحي يروحي
من سبونه طببونه طببونه السوگ
🔹🔹🔹🔹🔹🔹🔹🔹
اصبح وامسي مجروحه
انا على حسيني مذبوحه
هذاك النازع بروحه عليه عليه
گطعت الهيمه عطشانه
وراس الغالي ويانه
شفت حسيني ذبلانه عليه عليه
يا حسرتي من ضحكتي من ضحكتي تبوگ
🔹🔹🔹🔹🔹🔹🔹🔹
سبب واحد يموتني
غريبه الدنيه خلتني
الناگه العرجه اذتني يخويه يخويه
انا المحد فزع ليه
كلها تگلي مسبيه
عگب عينك يبو ارقيه يخويه يخويه
صدرك انته ما عرفته ما عرفته مسحوگ
🔹🔹🔹🔹🔹🔹🔹🔹
فارگني اعز ناسي
وشيب كل شعر راسي
الله يساعد احساسي غريبه غريبه
يهنياله الدفن روحه
گبل لا ينسمع نوحه
عشت كل عمري مجروحه غريبه غريبه
الهاشميه بس عليه بس عليه تلوگ
كلمات كل مسيه للشاعر حسين عبد الجليل الكربلائي
نشر_خادمة_العترة_ام_محمود_الشمري
10 قصائد مكتوبة لرقية عليها السلام
1
ــــــــــــــــــــــــــــــــــــــــــــــــــــــــ
السلام على سيدتنا رقيه عليها السلام
راح اسولف قصتي
نشفولي دمعتي
براس ابوي
طيفه مافارك خيالي
يعرف بكل الجرالي
-----------------------------------
غمضت عيني واجاني والدي وليه ابتسم
كومي يابنتي رقيه بقت بس ساعة الم
رجعت طيوفه عله بالي ودربي بعيوني انرسم
لاتسئلوني شكو
رايحه ويه الابو
براس ابوي
هوه يدري شنهي حالي
يعرف بكل الجرالي
-------------------------
بالخرابه الليل دمعه وحرس وايتام وحزن
ياهي مافاجعهه غالي تنحب عليه وتون
واني كل دنياي عمتي بسدهه أ امن واستكن
وحشه الليل اليمر
تعادل سنين العمر
براس ابوي
امنت ذيج الليالي
يعرف بكل الجرالي
------------------------
بالحلم لمن اجاني كال بويه ميسره
كمت اضم جفوفي عنه خاف تجرح خاطره
لو يشوف اثار كيد بايدي والدم الجره
ابحضنه اركض وارتمي
لا يصد المعصمي
براس ابوي
من بعد عزي ودلالي
يعرف بكل الجرالي
-----------------------
عمه كعدني وحجالي قصه تشبه قصتي
فاكده امهه وهيه زينب جنهه عنج عمتي
عمه شفت دموعه تجري خاف حس بونتي
لمن بعيني نضر
شاف بعيوني السهر
براس ابوي
ودمعتي بفكد الغوالي
يعرف بكل الجرالي
----------------------
كتله ليش تعوف بنتك اني مشتاكه الك
بويه درب الشام قاسي ماتجيني اتوسلك
كال ساعه وراح اجيلج كتله بويه اتاملك
راح اضل اعله الوعد
لحظه ماعوفك بعد
براس ابوي
من اسئله يرد سؤالي
يعرف بكل الجرالي
///////////////////////////////////
احمد عيسى البديري
ــــــــــــــــــــــــــــــــــــــــــــــــــــــــ
جابولي راسه بطشت .... عينه عليه
دنكـت يمه وما عـرف .... بته رقيه
عينه عليه .... عينه عليه
ــــــــــــــــــــــــــــــــــــــ
من حطو اكبالي الطشت جابو اكل عبالي
من وخر الوصله النذل لن راس ابوي اكبالي
اثار سوط اني شفت ابراس ابوي الغالي
عينه فتحه وصد علي بجاه كلش حالي
يبجي يكلي بياوكت ... امشي سبيه
دنكت يمه وما عرف ... بته رقيه
ــــــــــــــــــــــــــــــــــــــ
حرك شفافه واسمعت ارقيه ها يبابا
متغيره كلي وما دره نيمونه بلخرابه
وليليه تحرس عمتي تفتر علي سلابه
وجويات اديه من الحبل جروني بلهابه
زغيره الجفوف من الحبل .... لسه مجويه
دنكـت يمه ومــــا عـــرف .... بته رقيه
ــــــــــــــــــــــــــــــــــــــ
متعوده اني لو نمت بحضانه انامن اني
من اجه راسه بطشت موقف تره أذاني
ردت اني احطه بلحضن طلعت زغيره احضاني
خفت اني ابوسه ويلجم ويشوف ما هي إذاني
خرت اذاني وكلهه دم ...... ما يدري بيه
دنكت يمه وما عــرف ...... بته رقيه
ــــــــــــــــــــــــــــــــــــــ
كتله سوالف عدي الك بس باوع علعيوني
هـذا زراك البـلـوجـه نـفـسـه تره بمـتـوني
صمو اذانك من صحت الحـك تـره باكوني
هينه التراجي ولاذن بس الصعب شتموني
تخنكني عبره من انشتم ..... وتصد اليه
دنـكـت يمه ومــا عــرف ..... بته رقيه
ــــــــــــــــــــــــــــــــــــــ
جـم جـرح هنه بكربله بشـام كثره جـروحـك
واني شفت ناس بحجر واحد بسوطه يلوحك
شكد باجي انت علرمح محد مسحلك نوحك
خشنات ادينه من الحبل يا بعد روحي روحك
ما اكدر امسحلك دمع .... خشنات اديه
دنكـت يمه ومـا عرف .... بته رقيه
كرار فاهم الخفاجي
ــــــــــــــــــــــــــــــــــــــــــــــــــــــــ
عباس چن زينب هاي**
مشيتهه مختلفه اهواي**
حتى الضعن ناقص بعد مزويه*
بالشام اضن زينب نست علويه*
مشيتهه مختلفه اهواي**
.................
ضعن اختك اشبيه مختلف عايز بعد علويه*
بلكي انه اطلع مشتبه ما ناقص اهوه ابنيه*
ثمانين ورده السافرن شو هسه رد اشويه*
بچفوف زينب چن شفت تلمع اضن ترچيه*
ما عايز اجروح والم
كافي علي حرگ الخيم
مشيتهن ونوگ الهزل
ترميني ليليه ابسهم
حس بيهه جسمي المذبوح**
مشيتهه متروسه اجروح**
بس ﻻ تگلي ضلت النه ابنيه*
بالشام اضن زينب نست علويه*
مشيتهه مختلفه اهواي**
.................
حظر يخويه جربتك زينب اضن عطشانه*
هناك الخرابه بلا سگف وامن الشمس ذبلانه*
بچفوفها احزاز الحبل تارك اثر نيشانه*
لا تنظر اهيه هامتك وسهمك تشوف امچانه*
أمسح يعباس الاثر
وافرش عله اجروف النهر
يمك نسير ننجمع
ختسولف النه عله السفر
طبتهه للكوفه اشلون**
وتسمعهم اهمه ايضحكون**
يسموها زينب بت علي المسبيه*
بالشام اضن زينب نست علويه*
مشيتهه مختلفه اهواي**
...................
من صاحو ابسوگ النجف بت علي هالجبناها*
الكافلهه ضل اعله النهر وبحبال شديناها*
نادو تعالو اتفرجو وحيل الشمر جراها*
عثرت اختنه من الخجل الشمر من عتاها*
مو هيج اختنه من مشت
ابسرعه زينب شيبت
من دخلت ابسوگ النجف
گامتهه رأسآ حدبت
اتعاين ايمين اشمال**
الكفلوها عگبك اطفال**
نادوهه جثت كافلچ مرميه*
بالشام اضن زينب نست علويه*
مشيتهه مختلفه اهواي**
..................
هالجتنه زينب بس احس بالشام خلت عيني*
من ابعيد زينب دنگت چن تستحي اتحاچيني*
بيديهه ضمت شي اضن ما تقبل اتراويني*
اجروحي كثرن باللچم شي واحد ايأذيني*
ابنيتي ماهي ويالضعن
ما ردت ويالسافرن
اشلون ما ترجع الي
معقوله خلنهه ونسن
ابنيتي ما ردت ليش**
بالغربه ما يحله العيش**
ما اصدگ اتضل بالغرب رقيه*
بالشام اضن زينب نست علويه*
مشيتهه مختلفه اهواي**
.................
معقوله ضلت طفلتي بالغربه محد يمهه*
يوميه اشبگها الصبح وامن النحر اشتمهه*
من حضني لچتاف الگمر فرحانه تشبگ عمهه*
وحشه الخرابه وما اجت والليل چن يهدمهه*
ازرگ متنهه من الضرب
وانوب ضلت بالغرب
عني اشعجب تبعد رضت
واتذوب ابصدري الگلب
دوم الاحبهم ماشين**
بالغربه شو مدفونين**
بسم امي ضلت بالغرب محميه*
بالشام اضن زينب نست علويه*
مشيتهه مختلفه اهواي**
علاء المياحي
الفاتحه لروح والدي
ــــــــــــــــــــــــــــــــــــــــــــــــــــــــ
(رقيه ع)
اسولفلك يبويه اعلا الجره اوياي
چنت اغفه اعلا صدرك هسه مانام
اخافن لا اجرحك والحچي هواي
ردت بس اختصرلك طبة الشام
مشينه اهواي واحنه ابعازة الماي
يتيمه ابصف يتيمه اوعسكر ايتام
اجر ابروحي گوه امترسه اجروح
متوني اوحرگ ادي واجروح لجدام
ركضت ابخوف لن الرفسه بگفاي
وخمش مني التراجي وجر اللثام
وصلنه الشام واتلگونه بالسوگ
مضايفهم نطبهن والحچي اسهام
وصلنه الخيمه ملحه وتنكت اتراب
وحرس داير عليهه اخيول وازلام
اغمض عين بويه وتنفتح عين
خرابه ابلايه باب اوصعبه لينام
ولا متعوده انام او انته مووياي
چنت انه اعلا صدرك هسه لسهام
___________
النواعي المانملهه. ماتملنه
وافز بالليل وانصب. ماتم النه
واصيحن عمه عمه. مات املنه
ابطشت جابولي راسه اوصد عليه
______
يسبونه اوعمرنه . ما انسبينه
اشجنو يابوي ذوله. من سبينه
اشعمل دهري وزماني. منسه بينه
الجره بالشام وارض الغاضريه
____
احمد الحيدري
ــــــــــــــــــــــــــــــــــــــــــــــــــــــــ
يالكافل.. ربــّيني الك
@@@@@@@@@
حــبّــيــتك وثاري العشگ
مــومــال كــلــمة وفايتة
والزلمة من يعشگ صدگ
يــنــلــزم مــن احــجايتة
انــت اوّل بــن آدم تــرف
ايــطيح الورد من صايتة
لو تعشگ.. لولا ماتعشگ
والعشرة.. من تبرد تعتگ
ياحبنة....ورقة وماتغرگ… ياحبنة
يالكافل... حــبّك بي غيرة
هوّه اصلاً... يصلح تكبيرة
كض گلبي.. بجفوفك ديرة.. كض گلبي
اخذ ايدي.. اتوسّلك
@@@@@@@@@@
عبّالي كل حب بي نفع
عــبّــالي وادم صــافية
بــعــديــن لــمّن فكّرت
شفت السوالف حافية
لمّــن لگيت الحب لطم
گــلّــولــي اخذ بالعافية
وبــگلبك.. عرش الله وبيته
بس شفتك.. رأسن حجيته
حــتّــه الله.. مــنّــك حبيته.. حتّه الله
من طبعك....حـبــّـيت الوادم
وبــجــالك.. صاحولي الخادم
مــانــادم.... يــمّــك مــانــادم.. مانادم
بجفوفك.. درت الفلك
@@@@@@@@@@@
مــن گلبي اطلّعلك حجي
لاســامــعــه ولا گــــايــلة
ومــأمن من احجيهة الك
لــمّــة وســوالــف عــايلة
حــبّــك مــثــل ماي النبع
والــظــهــر صــايم شايلة
مافارگ.. واگعد واتعذّب
مااترك...صاحب ومرتّب
آنه ادري.. يمّك ماانسب.. آنه ادري
لبّسني....خاجيت الخدمة
المايخدم.. يــمّك مو زلمة
عربي آني.. وطيتك كلمة.. عربي آني
عطّرني.. بريحة هَلَك
@@@@@@@@@@
سامع بطفّك بس حجي
بــعــيــوني ابد ماشايفة
يــالــكافل شلونه الصبح
لــيــا عــين عمية عايفة
يــگــولــون لمّن غمضت
گــلــوب الــبلابل خايفة
باوعلي.. من امشي بهيمة
وادمنة.. مطرة وعالخيمة
شو كلمن.. مشغول بظيمة.. شو كلمن
يــمــعدّل..تعرفني شبيّة
خلّصني.. بروح المسبيّة
بمتوني.. حنْيت عوجيّة.. بمتوني
دلّالي.. ذاب وهِلَك
@@@@@@@@@@
آنــه ســفــيــنــة والــهــوه
يــاخــذ دربــهــا ورايــــها
فــرحــان تــوني شرّعت
مــشــتــنــي وادم تايــها
عــطشان والدنيــه ركض
والــشــمــر لازم مــايهــا
شرّبني.. مــن مــاي عــيونك
يابويه.. حطني اعله امتونك
اندلّك.. مــن ايــتــيــهــونــك.... اندلّك
ماعندي.. بــيــت ولاوالد
يم بابك.. مخنوگ وگاعد
منتظرك.. مــثل المتواعد.. منتظرك
للخدمة.. گلبي انملك
@@@@@@@@@@
لــفّــيــنــي يااول وطن
مــايــطــرد الــمو مالتة
انــت الرئــيس اليفتهم
شــنــهو المواطن حالتة
بــالسفرة خلّيلي العشگ
لو حتّه اضوگ افضالتة
يــادولة... بــقــانــونك واجب
تتساوة.. العين اويه الحاجب
بالمذنب.. تــگــعــد وتــعــاتب.. بالمذنب
بدروبك.. حطّيت اجدامي
بس يمّك.. حبّيت اسلامي
وعــيوني.. يــبجن گدّامي.. وعيوني
مايربح.. من قاتلك
@@@@@@@@@@@
محمد جبر الدراجي
ــــــــــــــــــــــــــــــــــــــــــــــــــــــــ
لو اموتن لو اموتن هيه وحده من الثنين
بويه خليت التراجي صيتهن يوصل لوين
ــــــــــــــــــــــــــــــــــــــ
من حسبو لاطفال كالو هايه لا منعدهه
التضل ابلا. ابو بالدنيه بالله شعندهه
واني جيت ابجي يبويه بنيتك ومتردهه
عذبتني اذني يبويه تجري دم بس شدهه
علخيم فرهود صاحو اني صحت اخذو ثواب
مو عله لاطفال انعد اني انعد علشياب
ــــــــــــــــــــــــــــــــــــــ
انته تدري توني امشي بس ركضت من الخوف
من وكفت الدنيه ضلمه كلبي احسنه يشوف
الموته كلهم عرف والله وكمت امشي عل سيوف
وحايره وضليت الم بلطف اصابع وجفوف
من طحت ركضو علينه ركضت اخناث ولو
بخيمتك طبو يبويه وصوت عالي هلهلو
ــــــــــــــــــــــــــــــــــــــ
بويه واحد وصه واحد طكهه حيل وتكوه 😭
الطكه توجع واستحي ابجي ادموعي خرن كوه
بنتك اني وحيل زحمه ايشوفني المايسوه
انه مال ابجنه اطيحن مو اطيح ابلوه
الهوه يشمونه زحمه وعمي ينحط بكبر
شو مثل عباس ماكو ولشمر مثله شكثر
ــــــــــــــــــــــــــــــــــــــ
بويه بين الخيل اركض وحيل غادي اوشاله
بالحرب صاحولي بسمي تعرفه ياهو الكاله
نفسه الداس صدرك وصاح انه جتاله
هذا ابوج حسين دسته وشوفي ياهو بحاله
ماحجيت وكوه امشي خاويه من الضمه
بحضن متني بويه والسياط محزمه
ــــــــــــــــــــــــــــــــــــ
النار تصعد دمي ينزل خايفه ومتجويه
من النزف كلدمي خلص قطره دم مابيه
حيل كبرانه ومحدبه موش ذيج رقيه 😣
صرت چن الزهره امك ورايده عوجيه
مره انه اتوجه بيه ومره ياخذه العليل
ومره انطيه اللزينب من نام ودنيه لليل
السيد علي القصاب
ــــــــــــــــــــــــــــــــــــــــــــــــــــــــ
نعي .... في رثاء السيدة رقية بنت الحسين عليه السلام
أنه بنتـك يبـويه الـدللتنـي
رقية بكربله انحب عفتني
يبويه حسين ياريتك شفتني
طفله وّرّموا بالسوط متني
يبويه حسين تدريني رقيه
ما احمل هضم بويه واذيه
سلبوني ورحت عنك سبيه
وسفه ومادريت الصار بيه
رقيّـه وتـدري مـا تـدري. بهاماي
عيوني من البچي ماظل. بهاماي
يضربوني عله امتوني و. بهاماي
وصيح بصوت بويه الحگ عليّــة
خادم السيدة رقية بنت الحسين عليه السلام
سيد زيد الفحام
____________________________
ــــــــــــــــــــــــــــــــــــــــــــــــــــــــ
《من وحي رقيه 》
طفله ومحتاره بغُربتها
ولفراگ الوالد لوعــتها
*****
رُقيه اسمع يهل السامع مُصايبها
حــزينه والمــحن ضلت تعــذبـها
تريد حــسين أبوها وهذا مَطلبها
(الله ايساعد) الفگدت أبو ايحبها
تتلاهب نار امصيبتها
ولفراگ الوالد لوعتها
******
لفــراگ الأبو لوعتــها تِضـــهرهــا
بدت مِــن عاشر بعاشور مصـدرها
ولا نسمــة فــرح مــرت تِصـــبرها
يتيمه وبالطــفوف انذبح خـاطرها
تكسر كل خاطر حالتها
ولفراگ الوالد لوعـتها
*****
تناشد زينب ومنها الدمع همّال
يعــمه راح ابويه وراحـت الامال
اتمنه يشوف بعــينه هذا الحال
واتمــنه اشُبگه بلهــفة الاطفال
وزينب محتاره بمحنتها
ولفراگ الـوالد لوعــتها
*****
بُگت كل الدرب بمناشده وحسره
والفــاگـــد أبــو ياناس شيــصبره
تتلـفـت رُقــيه وبالچـفــن عَبـــره
ومــا أگــدر اگضي العـمر منتظره
تتــوجه وين بحيرتها
ولفراگ الوالد لوعتها
******
دخل ظعن السـبايه بالأهل للشام
لن يســمع يزيد ومجـــمع الظلام
صوت أمن الخرابه تــصرخ الأيتام
رقيه تريد أبوها وتلطم اعله الهام
فجعت هالكون بصرختها
ولفراگ الــوالد لوعتــــها
******
جابوا رأس أبوها وجابوا الها البين
نظرت والدمع يتجاره من العين
صاحت فرگتك طالت علينه وين
شُبگت رأس أبوها ونادت (آيحسين)
وچفوف الموت اتلگتها
ولفراگ الــوالد لوعـتها
******
خادم أهل البيت ع
الشاعر زيد الكاظمي
v>
ــــــــــــــــــــــــــــــــــــــــــــــــــــــــ
سوطك هذا مال اكبار. الطگه اعله المتن تطبع
ماكو اسياط مال ازغار وطگني لحد ماتشبع
ــــــــــــــــــ ــــــــــــــــــ
ماعندك گلب وايلين طفله ابلا ابو ولا ام
شوف الخد جبير ازغير. فرّق لو ردت تلطم
ماكافي ذبحتو حسين. وتدري بذبحته تهظم
المهضومه ويتيمه السوط من ايطگها تتلوع
ــــــــــــــــــــ ــــــــــــــــــــ
لو بتك عليها اتصيح من اتگول عطشانه
جا عطشانه بت مذبوح تطگني بسوط ليش انه
كل حيلك تشيل السوط ليش وانه ذبلانه
ماخلّه اعله عمتي امتون سوطك ليّه لايرجع
ــــــــــــــــــــ ــــــــــــــــــــ
ماتكفيك طكه اثنين بسك طاحت امتوني
طفله ارحمني گتلك عود. تسطرني عله اعيوني
شفت اذني تصب دم ليش فوك الدم تطگوني
بدل السوط جيب ازغير ناره بمتني خل تلسع
ــــــــــــــــــــ ــــــــــــــــــــ
ابوي وعمي لوعدلين واگلهم هذا طگاني
جا ضيّعو ذكرك دوم ومحد بعد حاجاني
يجيني حتى لو مذبوح ابوي وحاشه ينساني
واذا عمي دره بمتني. ياخذ طگتي امربّع
ــــــــــــــــــــ ــــــــــــــــــــ
بت حسين ماطخ راس بس ياشمر موكافي
انت وماتحمله السوط شوفه اشسوه بجتافي
اركض وانت تركض گول يجويها الجمر حافي
ماظل متن مامجروح من سوطك حرام إگطع
ــــــــــــــــــــ ــــــــــــــــــــ
طگني اشماردت بس كون. يم حسين وديني
مو يم عمّتي اتطگني تطفي النار؟ تحميني؟
يم حسين گطْع السوط فوگي واگطع اونيني
ماعيشن بلايه حسين اذبحنه بفرد مصرع
ــــــــــــــــــــ ــــــــــــــــــــ
علي محسن الزيادي
ــــــــــــــــــــــــــــــــــــــــــــــــــــــــ
بجمر الخرابــــه وغمضت رقيه العين
فزت هله تصيح تفضل يبويه حسين
عمه صاحت هذا عطر حسين اشم بيه
أنه اول وحده اسلم رايده اعليـــه
ــــــــــــــــــــ ــــــــــــــــــــ
تنسه كلشي الطفله بس مو حضن ابوها
تنسه بالدخان عطره اتصــــــــــــــوروها
وصلو الكوفه ومشه دفان اخـــــوها
وهيه ضنها امسافر وماخبـــــــروها
گاللها من راح جم ليله وارجع ليج
منتظره جم يوم. ياطفله نوحي اعليج
تشم جفها العاش بجفوفه وتحاجيه
انه اول وحده اسلم رايده اعليه
ــــــــــــــــــــ ــــــــــــــــــــ
شماتريد اتنام رجليها جوتها
وتجري دم امتونها اشماضمدتها
العين گوه بحضن زينب غمضتها
نامت وريحة ابوها الفززتها
ركضت عله الباب فرحانه بالخطار
ياعمتي اتصيح راح انسه كلما صار
ماي عندج عمه اريد ابجفي اسگيه
انه اول وحده اسلم رايده اعليه
ــــــــــــــــــــ ــــــــــــــــــــ
استغربت محد طلع وياها للباب
سمعت بعمتها تنشد مااجه الغاب
رد يعمه اتگلها ابشري وكل جرح طاب
طلعت وشافت اخوها بلون الاتراب
يابعد العيون هذا التراب منين
شو وحدك جيت يالبيك اشم حسين
واگفه ياخويه گوه بشوگ الاگيه
انه اول وحده اسلم رايده اعليه
ــــــــــــــــــــ ــــــــــــــــــــ
عطره نساني ولاخلاني شفتك
اعذرني بس لا انت ابوي وماعرفتك
علي اخوي اتأكدت لمن شبگتك
صحت اخ ادريك مجروح ولجمتك
هنيالك اهواي الصدره اعتقد ضماك
مو هوه جاليش بس عطره جبته اوياك
اشگالك عني الوعد ماظنه ناسيه
انا اول وحده اسلم رايده اعليه
ــــــــــــــــــــ ــــــــــــــــــــ
مثل خنگة حيدر بدفن الزجيه
خنگة السجاد صارت يم رقيه
عمه زينب صاح ماظل حيل بيه
تريد ابوها اختي وتشم بتراب اديه
اخذيها لبعيد ياعمه اترجاج
عن دفن الاعزاز خليني احجي اوياج
اتموت اذا اگلها دفنته اتگول اتانيه
انا اول وحده اسلم رايده اعليه
ــــــــــــــــــــ ــــــــــــــــــــ
سولف العمته ورقيه اعيونها تشوف
بعيده عنهم لجن سمعت نحر وجفوف
عمي صاحت خاف سمعت علم ملفوف
سكتتها اسكينه بس مايسكت الخوف
دفنوها الاحلام وشوگ الزغيره يزود
تحسب گضه اليوم باجر يجي المفگود
اجروحي گالت عنه اضمهن خاف ابجيه
انا اول وحده اسلم رايده اعليه
ــــــــــــــــــــ ــــــــــــــــــــ
علي محسن الزيدي
المصدر مؤسسة منبريون على التلكرام
تعليقات
إرسال تعليق