كلمات قصيدة يافاطمة يم الحسن مكتوبة كاملة مع مجموعة قصائد مكتوبة للسبي في الاسفل
محتويات المقال
1- قصيدة فاطمة يم الحسن مكتوبة
2- 4 قصائد مكتوبة على لحن قصيدة فاطمة يم الحسن
3- 11 قصيدة مكتوبة للسبي
قصيدة فاطمة يم الحسن
اداء عمار الكناني
كلمات الشاعر علي عويز الشويلي
يافاطمه يأم الحسن
باجر بناتج ينسبن
لا انتي يمهن لا علي
طول الدرب يتلفتن
____
يافاطمه مدو رمح للتركض ايعثرونها
والتبجي يم راس الكمر ذبو رمل بعيونها
والسوط لاحك بت علي ويدور اعله امتونها
واحد يطك واحد يسب والتوكف ايطيحونها
يأم الحسن وشجم نذل
يركض وره اسكينه ابحبل
وتصيح ابد ما انجتل
لوعمي ابوفاضل عدل
حركوا صيوان الكمر نثروا علينه ارماده
جمعوا خواته اعله النهر جتفوهن اعله اعناده
اتمنيت راسك يالشمر سيف ابوفاضل صاده
وما طالت إيدك عالخدر وأطك بنات الساده
عكب الكمر يافاطمه
اعلينه الشمر صار أزلمه
وكبالي ظل يشتم هلي
من هاشم لحامي الحمه
كل الحرم نفس الحبل جف ويه جف شداها
ولوطاحت الأولة وهوت اتطيح الأخيره وياها
والحادي مايقبل يرد ابهيمه الدرب ننساها
يايمه لو ضاعت مره بهالليل وين الكاها
لاجانه للطف حيدره
لا عدنه سبع الكنطره
يالزهره والسبعين الف
كلهم زلم وآنه مره
ماتت سكينه امن البجي العمها الكمر مشتاكه
كلما نوت للمشرعه وي حرمله تتلاكه
او رقية مو مالت سبي وطول ابوها افراكه
وراسه يطيح امن الرمح لو طاحت امن الناكه
ايديرونه راسه ويلتفت
ويظل يون كلما طحت
وراس الكفيل المنذبح
ايدخن إذا طكوله اخت
.
يافاطمه ولدج تره لعبت أميه ابروسهم
وحسين اخوي امن الطعن عوجوا ابصدره اسيوفهم
واحد على واحد يذب خنصر يمينه انشوفهم
اعلينه الحوافر من اجت جابت وياها اضلوعهم
ماضاكوا الماي من امس
شربوا طعن شبعوا شمس
زلم آل أميه غيمت
ومطرت على اخواني رفس
__
اداء عمار الكناني
كلمات الشاعر علي عويز الشويلي
قصائد على طور قصيدة فاطمة يم الحسن
منهو اليعينك
● طور : يا فاطمة يم الحسن
.
ابيا كتر يالمنتظر .. تنصب عزا هذا الشهر ؟
يَمته ابدمعنه نِگصدك .. نبچي اعله محزوز النحر
اگبل محرم سيدي .. والجمره ما مطفيه
ماتم عزاك ابيا وگت .. نگصد إله يوميه
ويمك نشاهد فاطمه .. يا سيدي محنيه
ونسمع يَغالي اگرایتك .. وابِّيتك التَعزِيَّه
ليل ونهار اعله الغريب .. تنصب مآتم للنحيب
واعيونك اتسيل الدمه .. من تذكر الشيب الخضيب
انواسي دليلك سيدي .. يا ريت لو فد مره
گلبك حِمَل أعظم جرح .. ما يوم جرحك يبره
اشحالة دليلك هالمسه .. والحزن بَيَّن شهره
بعيونك المتجرِّحه .. اهلال الرزيه اتنظره
يا سيدي وابغيبتك .. منهو اليواسي دمعتك
منهو اليعينك سيدي .. ابدمعه يِبرِّد حرگتك
ليك العزا يا سيدي .. ماجور يا مولانه
يالحاضر ابرغم الغياب .. يبن الحسن ويانه
ابخيرك تمدنه كل وگت .. وابنعمتك ترعانه
مولاي ممنونين إلك .. ابكل لحظه ما تنسانه
يَمته نِروح المآتمك .. نتعنه مشايه إلك
كل أمنيتنه ابكل دعاء .. ايعجل إلهي طلعتك
هاي أول أيام العزا .. والله يعينك باچر
كل ليله تحمل فاجعه .. تدمي الگلب والناظر
مكسور منك چم ظهر .. چم ضلع والله ابحافر
چم جرح تِحمِل سيدي .. وللثار والله امناطر
عايش محرم وي صفر .. يا سيدي طول الدهر
ابكل بقعه تنظر كربله .. وتنظر عطش ابكل نهر
___
تمت بحمد الله تعالى
✍🏻 / فاطمة كريم
نسألكم الدعاء لتعجيل الفرج
يا أبا عبـــــــــــــــــــــــــدالله
الفاتحة مع الصلوات إلى روح والدي
مجرشة للامام الكاظم بعد التعديل
مجرشة للاستشهاد الامام موسى بن جعفر عليه السلام
طور ( يا فاطمة يمّ الحسن / عمار الكناني )
١٤٤١هـ / ٢٠٢٠م
گضه العمر بس بالسِجن همّ وألم كلّه حِزن
موسى أمامي ماسلم خلّص حياته بس مِحن
.....
موسى أبن خير الخلق جده الرسول الخاتم
جدّه علي حامي الحمه وبن الزجية فاطم
عانه الظلم من البشر هو أمامي الكاظم
هذا تره وعنده صبر من الظلم والظالم
گال وحجه لا للظلم لازم يزول و ينهدم
بس العدل يبقه تره يتخلد ويبقه ويعم
.....
عرش الحُكم كلّه ظُلم مال الرشيد الجائر
كِلّش ظلم آل النبي يوم القيامة خاسر
كاظم أمامي ما سكت صاير عليهم ثائر
كلّا و كلّا للظلم للسايرة وتكابر
من هالفعل صار بخطر صار بسجن لا مو شهر
كل العُمر هو بسجن متحمّل و كلّه صبر
.....
صار ابسجن ابن الطُهر كل الحديد أگيودة
صارت سلاسل عالرِجل حته تقيد احدودة
رضت عظامة ونهلك بيها تره مشدودة
سلط علي كل الحرس من عكسرة وجنودة
كل السجن ما بي ضوه صبح و مسه وبلا هوه
تحت الأرض هو السجن هذا السجن كلشي حوه
.....
صارت سنين و شيعته تحسب وكت للرجعة
طوّل عليها غيبته أبن البتول البضعة
كل السنين بكل صبر وبكل ألم متجزعة
يمته يرد من السجن ويجف دمعها ابسرعة
رادوا ابن خير البشر موسى أبن فاطم درر
يرجع لون بأقرب وكت يصبح صدگ هذا الخبر
......
موقف صعب فوگ الجسر جثة غريبة الديرة
صاح الطبيب أعلى البشر هاي الجنازة ابحيرة
بسم تگطع هالجبد من السجن تأثيرة
متگيدة وبكل جهة والگيّدة ابلا غيرة
كلمن سمع هذا الخبر جثة غريبة اعلى الجسر
وبلا أهل و بلا عِرف شيعة علي صارت كِثر
......
شيعة علي كلها أجت للكاظم ايشيعونه
فوگ الجسر وبكل حزن كل الدمع يجرونه
لجنازته فوگ الجسر رادو تره ايشلونة
صارت علي من كل جهة مارادوا ايخلّونه
دفنوا وحيد بلا أهل موسى ابن خير العمل
وبمقبرة كلها غُرب ويلي على هذا الحصل
.....
تمت والحمد لله
مهيمن يوسف الموسوي
١٣ رجب الأصب ١٤٤١هـ
٢٠٢٠/٣/٩م الاثنين
💠⚜️قناة القصائد الملحنه⚜️💠
🔰⚜️عشاق ام ابيها⚜️🔰
قصيدة استشهاد الزهراء روحي لها الفداء
القصيده على طور مله عمار الكناني يافاطمه يم الحسن.
لسان مولاتي زينب ع
%%%%%%%%
گلبي المصابچ امتحن.
طول العمر ابقه احن.
واندب ابوي حيدر علي.
يحضرني اهنانه الولي.
%%%%%%%
يافاطمه بتچ انه.،، محمل هجر يعيوني.
بعدچ ييمه انولي، ،وبصوطهم ضربونی
الضربات توجع الجسم،، وامورمات امتوني.
ماأحمل افراگج انه ،،العدوان مارحموني.
گلبي يحن الشوفتچ.
يايمه گلفه محنتچ.
وينك يحماي الحمه.
شالت الليله فاطمه.
گلبي المصابچ امتحن.
%%%%%%%%%
يابويه شوف العايله.. تبچي اوتون محزونه.
الحسين يصرخ عالجره.. اويلطم غده اعله امتونه.
اينادي يحماي الحمه.. ومورمات اعيونه.
بچه الصخر ياولدي.. چي يبچي عالمحزونه.
ياوالدي اندب انه.
الليله ارحلت ام الهنه.
راح الضوه عن ناظري.
لا ادگلي بويه اصبري.
كلبي المصابچ امتحن.
%%%%%%%
ظهرچ ييمه انحنه.. يوم انبتو بسمارهم.
والعين تجري بس دمه.. ربي يخلص أعمارهم.
تركونه بالهم والقهر.. يوم اللي جتنه أخبارهم.
واحد يطك واحد يسب.. هجمت علي فرسانهم .
يمه انحنه مني الظهر.
كلبي جمر كله قهر.
وينك يصكار إلزلم.
ضاع العمر ويه الحلم.
كلبي المصابچ امتحن.
%%%%%%%
شو ليلي يخلص بس سهر.. واصفك على أيامي.
دوهني يايمه الزمن.. راحت ييمه أحلامي.
ارسم على بابي انه.. ضلعچ معاها اسهامي.
واصفن على طفوفي انه. بس الجثث جدامي .
يمه الجرالچ مو سهل.
لجله دموعي هالتهل.
واندب ابوي حيدر علي.
يحضرني اهنانه الولي.
كلبي المصابچ امتحن.
%%%%%%%
بك المستغاث يبن الحسن بقلمي ام يوسف ✍️✍️
غير مبري للذمه من يحذف او يغير الاسم.
🔻قناة قصايد نساءQ
11 قصائد مكتوبة للسبي
مؤسسة منبريون لنشر القصائد على التلكرام
قصائد_السبي
الــﮠـاشــر_اﺡـــمد_الزوار
(1)
ــــــــــــ◐◐◐◐◐◐◐◐◐ــــــــــــــــ
نوّيت ... بآيةَ الانينْ نوّيت ... بقَلّبي الحَزينْ
نوّيت ... زيارةَ الكَفينْ نوّيت ... زيارةَ الكَفينْ
—------------------------------------—
كبـل لا نمشـي سبايا وينعلن وكت الرحيـل
وكبل لا يعثــر جدمنــه وينفجع كلب العليل
كبل لا النوك الهزيله ويه الضعن بينه تميل
يلله كومن يا خواتــي نـﮔصد جفوف الكفيل
نزّور ... زيارةَ الوَداع نزّور ... نَشكو لها الضَياع
نوّيت ... أُفارقَ الحَنينْ نوّيت ... زيــــارةَ الكَفـــينْ
—------------------------------------—
بكربلــــه ما كو وسيله غـــير نقبــل بالقدر
وبعـد هيبتنه وقدرنـه كلشي اخذ منا الدهـر
نجمع دموع العيون ونـﮔصد الصوب النهر
خطوه خطوه نسير كلنه بهيده ما نترك اثر
نِداء ... نَستَصرِخُ السَماء نِداء ... ونُعلنَ العَزاء
نوّيت ... أُعفّرُ الجَبينْ نوّيت ... زيارةَ الكًفينْ
—---------------------------------------
يمها نكعد نشكي همنه والسده علينه وجره
يا جفـــوف الغيره جينه والعيون مساهره
نكلها حته الطفل عدنه بحقد ﮔطـعو منحره
مــا بقت خيمه التلمنه وما بقـه خدر المره
دِماء ... تُلـــــونُ السَـــماء دِماء ... تفيضُ بالكُاء
نوّيت ... حُزناً مدى السِنينْ نوّيت ... زيارةَ الكَفينْ —---------------------------------------------------—
يا جفــوف الغالــي يمــج يحله ويطيب النفس
من بعد نور الكفيل الدنيه ظلمة بـــــلا شمس
بكل متن خله علامه يا ألـــم سـوط الرجس
قاسي يا لليل الطفوف ويومه اقسه من الامس
لِقاء ... من بعده فِرّاق لِقاء ... قدّ هاجرَ العِناق
نوّيت ... أُقــبل اليمين نوّيت ... زيـــارةَ الكَفينْ
—---------------------------------------
يا جفوف الخوه باجر نمشي بدروب السبي
مــاتت انصار الامامه والنه ما ضل طالبي
يـــــا نجوم الحسره غيبي وياليالي وغربي
بهالـــوداع وهالزياره بدمعي اخــذ مطلبـي
هُناك ... في محشر السماء هُناك ... للامنا الزهراء
نويت ... اهدي لها عينين نوّيت ... زيـــارةَ الكَفينْ
—---------------------------------------
يالجـفوف ويانـه سيري واحنه نمشي ويالعـده
ابعـدي عـنه الشماتــه ويانــه ضلي شاهـــــده
خفــفي علينـــه المـنــه عليــج همنــــه انسنده
وصيري خيمتنه الجبيره وضللي الكل واحده
سلام ... زيارة الحبيب سلام ... ذا جرحي لا يطيب
نويت ... ارتل الانين نوّيت ... زيـــارةَ الكَفــــينْ
—---------------------------------------
ابو باقر المالكي / 18/7/2018
( 3 )
ــــــــــــ◐◐◐◐◐◐◐◐◐ــــــــــــــــ
والله لو راح الأخو الحيــل أنهدم
وبعده حك اعيونه من تجري دم
وننعه حسره بونه جمره
الأخـــو ياناس بـــــــيش انعوضه
اللمنايا معتنــــــــــي راح ومضى
لونزل حكــــم الله بالموت وقضى
انحس قليل انكَول لو ضاك الفضا
ونبجي عبره بونه جمره
**
حتى لوعدنه زلم بعـــده وبنــــــين
نشعر اخلاف الأخو يموت الحنين
مايسد الخلـــــــــــه لوراح المعين
هو للواحـــــــــد مثل جـف اليمين
انوح نقره بونه جمره
*
*
محد ايعوض الأخو امره عجــيب
انظل عليه طول العمر هم ونحيب
حتى لو واحد وصل عمر المشيب
فراكَه موهين اعز من كــل حبيب
بهم نذكره بونه جمره
يساعد الله حسين من شاف الكَمــــر
وهوى عـــــباس ووكَع فوك النهـــر
انهدم حيله وانكســـــر منه الظهـــر
شاف جسمه من عمت عينـــي وذر
ومحني ظهره بونه جمره
*
شلون حال حسين من راح العضيد
ويدري بعده يبقى بالحومه وحــــيد
لو فزع جيش الكفــــــر ينهب يريد
ويسلب النسوان للطاغــــــــي يزيد
حار بأمره بونه جمره
*
راد ينهض ما كَدر من المصـــــاب
شلون يترك جسم اخوه اعله التراب
ابن ابوه امرمـــــــــل بدم الخضاب
اعينه الله شلون يحمـــــــل هالعذاب
شنهو صبره بونه جمره
**
( 4 )
ــــــــــــ◐◐◐◐◐◐◐◐◐ــــــــــــــــ
قناة الشاعر علي السعيدي:
الامام الحسين
السيدة زينب تخاطب الأمام الحسين عليه السلام
...
يااااا راحلا معاك قلبي فدا ثراك
مالي حمى سواك حسين
....
ليل ومسافات والم. من جسمك لحد الخيم
كل خطوه يعرضلي سهم وختك غريبه
تعنيتك بمدمع يهل بذيالي جلب جم طفل
ها وين وانا امشي انسال روحة الحبيبه
بس خيمه وحده الي بقت كلها احركوها
هذا الشمر يمك اخت حرمه سبوها
والخت كلش تنهظم لو راح اخوها
تدور حماها
الروح حكها وماتهييد نار ونها
منين ما أريد التفت ينخط حزنها
طفلة مچوية اديها ودم بذنها
تعاله نداها
يانازف الوريد تجود بالصعيد
تبكي السما دماك حسين
.....
السوط طكني وماصحت بطفال والنسوه حرت
حرمه أنا ياخويه شصرت عطشانه كلها
ما اكدر اكصد للنهر واوكف على چت الكمر
والسهم طافيله النظر روحي شكلها
خوفي اعلى مصرع كافلي تخلص حياتي
لمن يشم نار الخيم كلها بعباتي
ويكلي زينب اعتذر صارت مماتي
جفيني طاحت
شلون امتلك روحي وظل ما اهمل العين
لمن يسلني كافلي عن حال الحسين
وين اتجه وانطيه الوجه محتاره ليوين
وطفالي صاحت
قلبي جوى يميل لمصرع الخليل
اذ يسلبوا رداك. حسين
.....
ياحسرتي ويالوعتي مجبورة اواجه محنتي
فوك الترب كل خوتي ودمعي يسافر
ذاك الكفيل اعله ونهر وذاك الي مكسور الظهر
وذاك الي محزوز النحر تجري النواظر
شتريد يادهري وبعد بسك مصايب
دلالي من بعدك احس كل لحضه ذايب
العريس ليش بلاذنب فوك الترايب. بدمه تحنه
اطفال مذعوره اوسط هاي العساكر
الخيل بيهم تعثر وذيج الحوافر
كلهم عطاشه ولا ولي لطفالي حاضر
ضايع املنه
لايهدء الدخان ونصرخ الامان
وننصب عزاك. حسين
.....
الام واهات وحزن. السوط يرسم عالمتن
يونون اسكتهم واون حالي يخويه
انا العقيله ام الخدر مالامح خيالي البدر
مچتوفه هسه امشي بيسر واصرخ يبويه
فوك الهزيله من صعدت ثكلت دمعتي
ناديت عباس اوسكت ماكلي يخيتي
لاهودج بحر الشمس صارت رحلتي. بمواجع مشينه
لارايه رفة لاعلم وكبالي خصمي
ويكلي مايرجع كمر يالحره لطمي
حاولت اكابر مكدرت ذكرني بامي
وحيده وحزينه
الى السبا اسير. سالكة المصير
واطلب رضاك. حسين
......
الشاعر علي السعيدي
( 5 )
ــــــــــــ◐◐◐◐◐◐◐◐◐ــــــــــــــــ
يمرالسوط بمتوني##و تهمل من دماء عيوني
ردت يمك اضل يا حسين## خوله وشمرمنعوني
اشجيلك هل امصاب## وكثر وياك العتاب
منك رايده اجواب## يمر السوط بمتوني
###############
حرت وبگلبي كثره اهموم## اشجي لك بعدياهم
اشوف ابخيمتي يانار## يالنحرك تسايل دم
ترض صدرك حوافر خيل##ياخويه اظلوعك تهشم
ياحسين ودلليل احتار## علي خويه الحزن خيم
غريبه ومايرحمو ني## يمرالسوط بمتوني
ردت يمك اضل يا حسين ## خوله وشمر منعوني
بجن ربات الحجاب## كثر وياك العتاب
منك رايده اجواب## يمر السوط بمتوني
############
صحت يالموت اخذني وياه## عمري اشلون اعيشنه
سمعت الحسره من نحرك## ياخويه وجذبت الونه
وانه ابحيره وديرالعين## كفيلي ابلوعه احشمنه
يحظر يرد عني الناس## وعن السوط اخبرنه
اخبرهه هدم امتوني## يگلي السهم بعيوني!
ردت يمك اضل ياحسين## خوله وشمرمنعوني
ياخويه اموسد اتراب## كثر وياك العتاب
منك رايده اجواب## يمرالسوط بمتوني
############
مصايب تاخذ بروحي## يروع جبدي يامشهد
شمر من يگطع ابنحرك## وعبدالله الذي امدد
تسلب اثيابك الارجاس## وبيتي رجوتي اتفرهد
السياط الاحت امتوني## وجدمي ابگيد يتحدد
تصد الراسك عيوني## غريبه لاتخلوني
ردت يمك اظل ياحسين## خوله وشمر منعوني
الحزن فاتح لي ياباب## كثر وياك العتاب
منك رايده اجواب## يمرالسوط بمتوني
#############
اشوف ابعيني دمك سال## تروت كربله ابدمك
من نحرك اشمك جيت## وصيتهه الزجيه امك
لگيتك بس وذر عالگاع## يامظلوم وصعب لمك
انه اختك والصبر هل غاب## عدل ياريت اجعدنك
انا وللشام يهدوني## يمك مايخلوني
ردت يمك اظل ياحسين## خوله وشمر منعوني
غدر ياحسين وارهاب## كثر وياك العتاب
منك رايده اجواب## يمرالسوط بمتوني
####$#####
نبت سهم الغدر بالعين## اروح امجتفه ليزيد
سوط الاخذمني الروح## وجرن بالنفس تنهيد
يمنعون البواجي اعليك## الگلب ياساعه گلي يهيد
كثر دخان المخيم## واهلي صفوا عني بعيد
انا المنك يحرموني## عليك وذبلت عيوني
ردت يمك اظل ياحسين## خوله وشمر منعوني
الدهر وشعنده طلاب## كثر وياك العتاب
منك رايده اجواب## يمرالسوط بمتوني
################
ابورسول الدراجي
--
ارسال من مزكرة سريعة
( 6 )
ــــــــــــ◐◐◐◐◐◐◐◐◐ــــــــــــــــ
يآالحرگتوآ آخيآمـه
شـنهوآ ذنب آيتآمـه
@@@@@@@
آنه ام الخدر واشكي حزني من اهل الغدر
قبل حرگوآ دآر آمـي آبآب عصـروهه عصر
اليوم بارض الغاضريه ياعلي وين المفر
احرگتوآ دآر حسـيني
زيديتوآ آونيني
@@@@@@@
حسين ذبحيتوه غريب شنهوا ذنب ايتامه
خيل داست صدراخيي وحرگيتوآ خيآمـه
غيض گلبي آشـلون آجرعه يالفطرتوا الهامه
سهمه صابه ابعيني
ياعذاب اسنيني
@@@@@@@@@
هيج دخان المخيم خل تشهگه انفاسي
ظيم غاطيني ابطفوفك والهظم شل راسي
حسين عني راح اخيي وانتظر عباسي
هظم شفته ابعيني
حلتوا بينه وبيني
@@@@@@@@@@
يازمان اشلون وحدي وفگدت خوآني
نآر شـبت وبحقدهم واحرگت صـيوآني
آنآ بنت آلصـبر كله والدهر ظلماني
ماتهيد اجروحي
حزني وني ونوحي
@@@@@@@@@@
نار بين اظلوعي شبت هيج اشد من نارك
يالغدرت حسين بالطف منه تاخذ ثارك
حقد وتمدهه السقيفه من علي و بتارك
ناري شيطفيهه
غادريشب بيهه
@@@@@@@@@@@
للخيم لوطب شمرهم گلي مـنه يحوده
گمـرهاشم راح عني تجري دم ازنوده
ريت اگصـده للشريعه وحتمي بحدوده
صرختي اه يالشهم
خويه طفيهه الخيم
@@@@@@@@
آجروح آرضـ آلغآضـريه زودت الي الوعه
ذاك دم.حسين تگطـر كسروله لظلوعه
وانه من ظيمك زماني بهل امر مفجوعه
رگبته المگطـوعه
شمر داس اظلوعه
######
جثته بيهه الشمس منهوا اليفييهه
اخته تحظر ريت يمهه شمرمايخليهه
حرگت آخيآمـ آليتآمـى مـنهوا اليراعيهه
بالفله فرينه
الكافل اندب وينه
####
هيج اصيحن وين ابونه اليوم يطلب ثاره
يحظر وبيده المحتم من يسل فقاره
يالحرگوآ آخيآمـ آخيي آنشـوف ذيج آلغآره
اله يتويكم توي
لوحظر للطف علي
####
انه بيه جروح كثره گلبي ينزف مـنه دم
حيرتي دهري اشكبرهه ابحرگت آليومـ آلخيمـ
لآآبوآلسـجآد يمـي ولآيرفرفلي علمـ
والكفلني وينه
سهم صايب عينه
####
آلشـآعرآبورسـول آلدرآجي
( 7 )
ــــــــــــ◐◐◐◐◐◐◐◐◐ــــــــــــــــ
نار بخيامي تشب!! !!!ابمهجتي يانار
وانت ثوبك ينسلب!! يابن حامي الجار
ابعينك اختك. شوفهه
من. تودع. اطفوفهه
!!!!!!!!!!!!!!!!!!!!!!!!!!!!!!!!!!
نار شبت من يطفي وانه احشم لامجيب
واليتامى ابذعر فرت من خذه الخيمه اللهيب
وانت يابن امي ذبيح وشيبك ابدمك خضيب
من تكفل خدر زينب.وانت بالحومه سليب
شفت من دهري العجب!!! للسياط اثار
وانت ثوبك منسلب!! يابن حامي الجار
ترد سياط اجفوفهه
من تودع اطفوهه
يابن حامي الجار
!!!!!!!!!!!!!!!!!!
ناري من نارالمخيم حسين شيطفيهه
هيج مرعوبه ونخيتك اختك تحاميهه
تدري من ذيج الاعادي زينب اشحل بيهه
مره يشتمهه عدوك والشمر واليهه
شايله ابروحي عتب!!!! عايشت الاكدار
وانت ثوبك منسلب!!! يابن حامي الجار
على اليتامه خوفهه
من تودع اطفوفهه
!!!!!!!!!!!!!!!!!!!!!!!!!!!!!!
جرح بيه ادموم ينزف من لفيت الهل طفوف
نارالمخيم اشدهن ملت كلبي الكوفه خوف
سياطهم بيمن اردهن شمر كطع لي الجفوف
وانه بيه الهظم يسعر وحدي مابين الصفوف
يالي محروم العذب!!. بالمتون اثار
وانت ثوبك منسلب!! يابن حامي الجار
ابعينك اكعد شوفهه
من تودع اطفوفهه
يابن حامي الجار
!!!!!!!!!!!!!!!!!!
خويه ناري اشلون تهده بيه شبت من جمر
ابعيني اشوفك وانت عاري يالتوص ي بالصبر
معتلي صدرك اشوفه اشلون ياحسين الشمر
ردت. وياك المنيه اشلون اكظي هل عمر
تذكرت ذاك الحطب!!! على الباب اشصار
وانت ثوبك منسلب!!! يابن حامي الجار
بالرزايا تعوفهه
من تودع اطفوفهه
يابن حامي الجار
!!!!!!!!!!!!!!!!!!!!!ا
حيرتي احسين اشكبرهه والهظم هد حيلي
من زماني اشتكي لك صرختي ياويلي
جنت من صغري اشوفك وانته التفييلي
اليوم اشوفك بالشمس عاري ياضي عيني
خويه من دمك خضب!! خويه كلي اشصار
وانت ثوبك منسلب!!! يابن حامي الجار
كربلا احنه اظيوفهه
من تودع اطفوفهه
ياابن حامي الجار
!!!!!!!!!!!!!!!!!!!!!!!!!!!!!!
ابورسول الدراجي
( 8 )
ــــــــــــ◐◐◐◐◐◐◐◐◐ــــــــــــــــ
دمعتي عنواني ,,,,,, هي هاي أحزاني
غريبة ,, مشيـــت بلا كفيـل
غريبة ,, على الناگه و أميل
هي هاي أحزاني
...................,
يا حسافه .. ودعيت أحبابي كلها بهل مسيــه
يا حسافه .. على الناگه بحبل مشدودة أديــه
يا حسافه .. أمشي و عيون الغرب تنظر عليه
يا حسافه .. من بعد ذاك الخدر أطلع سبيــــه
شگد قهر راوني .. شحچي عن متوني
يدنيه .. دمع من دم يسيل
غريبة .. مشيـــت بلا كفيل
هي هاي أحزاني
...................,
يا حسرتي .. بلا كفيلي شلون لو صار الظـلام
يا حسرتي .. بعيني شفت النار ما خلت خيام
يا حسرتي .. عالرمح ويه الظعن رأس الإمام
يا حسرتي .. عالعمر معناها راح أقرأ الســـلام
الدمع تارس عيني .. قهر تگضي سنيني
مصيبة .. الظعن بي بس عليل
غريبة .. مشيـــت بلا كفيـــــل
هي هاي أحزاني
...................,
دمع يجري .. شحچي عن ظيم السبي وذاك الدرب
دمع يجري .. عدله بس من الهضم ميته انحســــب
دمع يجري .. بلا كفيل منين ما اعاين غـــــــــــرب
دمع يجري .. شگد تحمل ظيم و جروح الگــــــلب
وسفه يا كفالي .. العده تشوف خيالي
زماني .. بعد ما بيه حيل
غريبة .. مشيت بلا كفيل
هي هاي أحزاني
...................,
آ يدهري .. ويني وين الهزل زينب ترانــــــــي
آ يدهري .. ليش ما عندك رحم ها يا زمانــــي
آ يدهري .. سهم غدرك صوب عيوني وعماني
آ يدهري .. من رحل عباس من عندك شاتاني
بعد حامي خيامي .. تجمعت آلأمي
بغيابه .. إذا أموتن قليــل
غريبة .. مشيت بلا كفيل
هي هاي أحزاني
...................,
بالعيون .. أصد بس الشماته و غربه يمـــــي
بالعيون .. بكبر جرحك يكافل صار همــــــي
بالعيون .. اشوف السوط يتلوه أعله جسمي
بالعيون .. شوف من المتن ضل يجري دمي
خويه لو شفتوني .. السوط أذى متوني
يعباس .. الكفر ضلت تعيل
غريبة .. مشيـــت بلا كفيل
هي هاي أحزاني
...................,
حسين ألفيصلي
( 9 )
ــــــــــــ◐◐◐◐◐◐◐◐◐ــــــــــــــــ
سباني غيابك اخذ مني حياتي
********** ا
صح
مارحت وياكم
لجن هم فركاكم سباني
صح
ما جوتني الخيمه
الفراك وضيمه جواني
وحكك يبويه صرت ادعي للمماتي
*********** ا
لا
موش زرگه امتوني
لجن لون اعيوني تغير
لا
ظلعي مو بالحافر
من كثر ما ناطر تكسر
شبيهه غربتي مثل غربت خواتي
*********** ا
اه
اني ما مجتوفه
ولا دخلت الكوفه سبيه
اه
والدهر جازاني
اخذ كل اخواني امن اديه
خيمنه شفتهه وردت احرك عباتي
************ ا
راح
مني وين الغالي
والصبر فت حالي يويلي
راح
ابجي فوك امصابي
ما اظن احبابي تجيلي
يدنيه شبعدلي مشو قبلة صلاتي
************* ا
مات
جم نفس بنفاسي
فاض شيب ابراسي هظيمه
مات
كل ضوه بعيوني
لوحدي خلوني يتيمه
مصيبه هجرهم ذبح كل امنياتي
************** ا
الشاعر
مصطفى البديري
( 10 )
ــــــــــــ◐◐◐◐◐◐◐◐◐ــــــــــــــــ
هايزينب شنهو رايج ---- ناوي اخونه اعلة الرحيل
هايزينب ردي ردي ---- والجوابج انه جندي
---------------------------------------------------------------------------------------
خويه يازينــــب اجيتج ---- شايــــل بصدري سؤال
حسيـن اخونه من المدينه ---- قرر يشــــد الرحــــال
الكربله حـــــدد مســــيره ---- ناوي بيهه اعله القتال
كال زيــــنب خويه تمشي ---- تاخذ ويــــــاهه العيال
ها يزينب خويه كولي ------------- وآنه الج خويه الكفيل
انه اخوج وهذا عهدي --------------- الجوابج انه جندي
---------------------------------------------------------------------------------------
رايــــــة حسين بيميني ---- ونتي يـــاخويه الشمال
ضلًج المــــــاشافه احد ---- ينكشف خويـــــه محال
خويه صوتج لو سمعته ---- ونتي لو صــحتي تعال
خويه معنــــاهه القيامه ---- قامت بســــوح النزال
خويه زـــــينب ما اثني ------------ ضربه وحدة وما تميل
لو تصير الدنيه ضدي ------------ الجوابج انه جندي
---------------------------------------------------------------------------------------
عهدي يازينب كطعته ---- وي علي حامي الدخيل
خلـــه ايدج فوك ايدي ---- كال بـــــاجر من تميل
الدنيه ياعباس اريدك ---- انته يــــــــا بويه الكفيل
للعهد يـــــازينب انه ---- عــــايش وهذا الدليـــــل
ذني خويه جفوف اديه -------------- فدوة الج وادري قليل
اغله شي ياخويه عندي ------------ الجوابج انه جندي
--------------------------------------------------------------------------------------
هسه اجيتج خويه كومي ---- لاتهـــــابين المسير
ضلـــــج انه وانه طولج ---- خويـــه بالج لايحير
ما اعوفج لايـــــــزينب ---- يشـــهد ابهاي الامير
امي نذرتني الحياتج ---- ورتبطنه ابهل المصير
انتي يازينب امانه ----------------- والحمل لا مو ثكيل
خويه اسئلج ليه صدي ------------ الجوابج انه جندي
---------------------------------------------------------------------------
هايزينـــــــــب خويه ردي ---- خويه طال الانتظار
انتي غـــــــايه وانتي رايه ---- ونتي زينب انتصار
كومي خويه وجمعي حالج ---- خل نودعـــهه الديار
بيــــــج يــــــازينب اباهي ----- جفي الج ياخويه دار
خويه اخر ليله هاذي ----------------- باجر انشد الرحال
كربله وبيهه التحدي ----------------- الجوابج انه جندي
خادم اهل البيت خالد العلمي
( 11 )
ــــــــــــ◐◐◐◐◐◐◐◐◐ــــــــــــــــ
من تضيعوني تنسبي ضعوني
خوية واسياط المصايب تحركَ متوني
*********************
لا تكَلي شلون اجيچ بلاية چفين
شلون خوية الشمريصعد صدرالحسين
عكَبك توكَع خيمتي والله حيرة حيرتي
تسولف كلها بقصتي
العالهزل مچتوفه هاي العايله منين
وين كافلها شلون يقبلها
وروسكم وياي تسمع من يشتموني
**********************
خل اموت وياك خوية وكَلبي يرتاح
ولا اشوف الروس باچر فوكَ الأرماح
بكَلبي نايم چم جرح باچر كون بلا صبح
خوية وياك انذبح
من يرد الشمر باچر لوعَلَي صاح
ماكو بمصابي يمنتـي احجابي
ما يهز الكَاع غيضك من يضربوني؟
**********************
من يچلچل خوية ليل الغاضرية
هم تجي لو صاحتك بالطف رقية
طفلة تكسر كل كَلب تبچي كاتلها الرعب
مثلي يسبوها الغرب
شلون لو حزت أديها سياط أمية
يا كُبر همي حسين يبن امي
خوية وي شيال راسك لا تعيفوني
********************
خيام محتركَه يخوية وبس يتامه
ليل هيچ بلا ستر زينب تنامه
كَلي من وين الصبر بعدك ما اريد العمر
اركض ووكَع عالجمر
شكَد يخوف ليلة العاشر ظلامة
كلشي ضيعته حيلي هم عفته
رايتك بس ما تطيح بسرعة يسبوني
*********************
يلي ما ترضه الشمس تلمح جبيني
باچر حبال اليسر تاكل يميني
مثلي شافت يا مرة باچر أمشي ميسرة
وانتو نومه على الثرة
تكَوم يا عباس اذا تسمع ونيني
لو شفت حالي تموت يالغالي
كون ميته ولا يشوفن جسمك عيوني
*********************
شكثر يا خوية دليلي جروح شايل
الضعن رايدله كفيل منين كافـــل
زينب وحدها تظل باچر آني بلا أهل
عندي چم غالي انقتل
يعني مو حكَي أموتن يابو فاضل
يالچنت عمري رايتك خدري
من الضعن يمشي وغيبن هم تفكَدوني
********************
حيدر حسين الكرعاوي
يابو فاصللللا
ردحذف