عاتبتهم مكتوبة
كلمات قصيدة عاتبتهم بالاسامي مرتضى حرب مكتوبة كتابة مع 6 قصائد مكتوبة للعليلة عليها السلام
من هنا جميع قصائد مرتضى حرب مكتوبة
مرتضى حرب
عاتبتهم بالاسامي
ليش عفتوني يهلنه ناشدتهم غالي غالي مو عليلتكم يهلنه
اصيحن يلتضعنون لعليلتكم تردون يهلنه يهلنه
امن امس بيدي الثياب وكاعده اتنطر والنوم علئ عيني من الفرح مامر
باجر نوك أهلنه امن الصبح تحضر واشوفن ناكه اليه والدي تخير
بيده ركبهن خواتي ومابقت كل هاشميه
صحت بويه حسين وانه وينها الناكه لأليه
وين الجنهم بدور أتبعتهم كلبي مكسور يهلنه يهلنه
علئ الميمون ابوي ودار لي ضهره
وأجراس النياك يجيبن العبره
وامراكض عليله والدرب عثره
بأمل جلمه تعالي وشبكه من صدره
ادللي يابويه جانت فاطمه يانظر عيني
هاي اول بويه ارجعي من ضعنه وسامحيني
ابعذر ماتنطفي النار خلت من عدكم الداار يهلنه يهلنه
يارايات اهلنه من السلف طلعن
ياخضر العمايمبالضعن يزهن
ياذاك العفاف بسد كمر ركبن
يامناغات عبدالله الكلب لجمن
أثنين من الألمني خذو عبدالله من اديه
وجلمه اخذوها عليله لخاطري تكلهم رقيه
عليله والها حنيت وعليها اضلم البيت يهلنه يهلنه
ياخيل العمايم بالشيم تصهل
يادوره ظهرهم بالضعن تكتل
أتبعتهم عالي نوحي ودمعتي تهمل
ردت عمي الكمر من المهر ينزل
جلمه الياعم حنينه وهوا ياعم ابو فاضل
والابد ماحاسبتها بيده ردني امن المحامل
رجعت مدنكه الراس سباني معاين الناس يهلنه يهلنه
يموادع خوات مبجي والينه
ياملح المحاجي ودمعت اسكينه
عليج ادموع ابونه الغالي اعذرينه
مامقسوم الج يختي تماشينه
ودعتني وداعت الله ردي يااختي الحبيبه
لا يموت حسين ابونه ابصدره ضل دافن نحيبه
حمدت الله علئ كل حال صحت ودولي مرسال يهلنه يهلنه
ياذاك الجمال الهاشمي الازهر
ياهو العدها اخو يشبه علي لاكبر
بجه بكد غيرته وبدموعه يتعذر
ابسلامه لو وصلنه لخاطرج احضر
أبعتبه الباب واناطر علي يرجعلي أتاني
من رحل شو عيني رفت شضام للاكبر زماني
كتبت شكد مراسيل بالأمناحب والعويل يهلنه يهلنه.
اداء مرتضى حرب
كلمات الشاعر ..عبد الخالق الحريشاوي
بقية قصائد العليلة تجدونها في الاسفل
.مؤسسة منبريون لنشر القصائد على التلكرام
(٤)
(العليله والغُربه)
راح....راح التصلي بشوفته العين
راح....راح وبعد ما يرجع حـسين
..............
غاب الحنــان ورقته
والغالي ذبلت وردته
بس عطرهه.... صرت اشمه
راح وترك بيه جرح
كلما اداوي ينـــفتح
لو ذكرته..... الغالي آسمه
ولكــــربله لمــن سِـــــدر
من شوگي احجي ويه الكمر
ياگمرنه.....خذني يمه
راح.....حته الگمر ما يدري لا وين
راح.....راح وبعد ما يرجع حسين
.............
اقرة بمـــــــفاتيح الامل
وكل فترة انهض بالعجل
لمن اسمع.... صوت خطوة
ويصيح قلبي شما سمع
بلكت ابو اليـــــمة رجع
كل فرحته.... هوة هوة
واركض عله الباب وأصد
واتأمــــل الغــــــالي يرد
بلكي يرجع....ويه الاخوة
راح.....للباب كافي لاتفــــتحين
راح....راح وبعد مايرجع حسين
.............
بآسم العظيم المقتدر
روحي تبسمل بالصبر
عن رحيله....اشكي حالي
ادعي الفجر ادعي العِشة
ياربي رجعــــــلي المشة
صعبه ابقه...بلايه غالي
والساكن بگلـــبي نبض
مو يدري خلاني بمرض
صعبه اسهر...هالليالي
راح.....وزاد المرض عالمرة مرتين
راح.....راح وبعــد مايرجع حسين
.............
كل طفلة مرة لو بجت
لوالدهه حتما لو شكت
تنسه كلشي...من ضحكته
من يبتسم تنسه الالم
شمحلاه لو مرة ابتسم
وبأسمهه... تنادي شِفته
وانه اليواسيني منو
لا اخ بقـــالي ولا ابو
عالحبايب....ابجي سكته
راح.....وبدمعي اكتب عالحياطين
راح.....راح وبــعد ما يرجع حسين
...........
وبيوم نمــت وبالحلم
واتخيلت فارس شهم
شفته يمي...وامشي وياه
ولــــحالته گــلبي انكسر
بلا راس اشوفه بس نحر
وبچفوفي...امسح ادماه
فزيت من حلمي وصحت
ياوالـــــــدي بس لا متت
اه يبوية...واحسيناه
راح......وتآكدت من حلمي بعدين
راح......راح وبعد مايرجع حسين
#وداع الأحبة
خاف رحلة هالظعن طويلة
في أمان الله يالعليلة
###########
في أمان الله يانور العين
يابنيتي والدج انه حسين
خاف نتأخر عليج وتبقين
والظعن يتأخر برحيلة
###########
في أمان الله والدمع صب
آنه عمتچ العقيلة زينب
أدري لو رحنه الگلب يتعذب
والدمع ما يوگف مسيله
###########
في أمان الله ودنگ الراس
يالعليلة آنه عمچ عباس
آنه ارجعلچ يبت خير الناس
وانه ادري همومچ ثجيله
###########
في امان الله گلبي تفطر
آنه أخوچ انه عزيزچ الاكبر
يختي انه ارجع اذا نتأخر
وبلكي ايام الهجر قليله
###########
في امان الله يالحنينه
بالمدامع انه سكينة
لفرگتچ گلب الله يعينه
يختي بُعدچ ما بينه حيله
###########
في امان الله اتركچ خيه
يختي انه اختچ رقيه
وداعچ شگد يصعب عليه
وانتي تبقين بمرض نحيله
###########
في امان الله ودعتوني
بقيت منتظره وتصب عيوني
عمي والاكبر ما جيتوني
البيت خالي ياهو أشتچيله
###########
#علي_حسن_المنصوري
خادم الزهراء(ع)علي حسن المنصوري]
#وداعاً_يالعليلة
وداعاً يالعليلة وداعاً يالعليلة
يبوية وياكم إخذوني**تره الفرگة تأذيني
عليله وأكسر الخاطر **يبوية لا تخليني
-----------------------------------
هلي گاموا يودعوني& وعليّه يصعب جفاهم
واذا راحوا هلي عني& تروح الروح وياهم
العمر شيفيد لو راحوا& ولايسوه بليّاهم
عله الباب أبقى مهضومه&وتصب الدمع عيني
-----------------------------------
توضّت بالحزن روحي& ودمعي إعله الوجن صلّه
لأن محد أجه وگلي& جهزي للسفر يلّه
رقية راح أفارگها& وأفارگ حته عبدالله
المصايب لو مشوا عني& تصبحني وتمسيني
-----------------------------------
مشه ظعن الأهل عني& وأحسّه أبعد إعليه
وعنهم ما شلت عيني& ولهسه تأشر إيديه
راح أبقى أتانيهم& بلكت للظعن جيه
بقت بالبيت ذكرتهم& وصورهم تحاچيني
-----------------------------------
أسولف إلمن جروحي& وكل أهلي مشوا عني
تغمض جفوني عالدمعات& وأفز بحسرتي إووني
إعله باب الدار أتانيهم& والدمعات أذّني
أتاني رجعة الغياب& حته يگطع ونيني
-----------------------------------
أباوع للدرب هلبت& ظعن أحبابي يرجعلي
وأسئل كل شخص يجبل& ما شفت الأهل گلي
بيه حسين وبي عباس& تره معروف ظعن أهلي
الهجر أذاني ياهالناس& وأحسها ذبلت سنيني
-----------------------------------
شكثر أفرح اذا رجعوا& ودموعي راح أعوفنهن
وتِسَّلم روحي إعليهم& وخواتي أشبگنهن
وأشبگه حيل أبوي حسين& وچفوفه أبوسنهن
وأحسهم ما يردولي& ويظل النوح لحسيني
-----------------------------------
#علي_حسن_المنصوري
خادم الزهراء(ع)علي حسن المنصوري
#عتاب_العليلة
عافوني أهلي لوحدي يالماعفتني
تمنيت أنه گبل السفر كون تركتني
ها يالمرض يالمن هلي إنته حرمتني
فارگونــــــــــــــي
####################
ها يامرض يالسهّرتني شگد ليالي
آنه زغيره وانته متحن اعله حالي
يلي إتركتني عليله وأبچي عله الغوالي
العمر مايسوه بعد والبيت خالي
جرح الاهل كلش صعب شيفيد اداوي
وخالي صفه البيت اللي چان بأهلي ضاوي
يالعاشرتني وبعشرتك عذبتني
فارگونــــــــــــــي
####################
وي جسمي صارت عشرتك كلش طويله
چا ماعفتني من نوه الغالي برحيله
هسه آنه أمشي إويه الظعن لوما عليله
ولاوحدي بالبيت وبقه دمعي مسيله
تفارگني ردتك من إجه محبوبي يمي
بس يا حسافه شاهدك اذّيت جسمي
ها يامرض عن الحبيب انته بعدتني
فارگونــــــــــــــي
####################
سار الظعن وأتطشرن كل ذكرياتي
وإنكسر گلبي من يأشرلّي خواتي
بچفوفهن سلمن عَلَيْ سلوة حياتي
وعالباب آنه وأمسح دموعي بعباتي
راحوا اعزازي وما رحت وسكنت ليلي
ها يامرض ومن الزغر هدّمت حيلي
ولحسين أصب دمعي بألم إنته ردتني
فارگونــــــــــــــي
####################
يلّي بقيت وتدري فارگني طبيبي
راحوا هلي ومن دنيتي انته نصيبي
يامرض اذكر چان يصلي هنا حبيبي
أنحب لچن ما يرجع حسين بنحيبي
إهنانه چان يصلي لو حلّت صلاته
وحسين چان يدلل شگد إبناته
ومن الحبيب ومن دلاله ضيعتني
فارگونــــــــــــوني
####################
چانت تنسيني الألم إختي رقيه
لو سولفت وياها من نگعد سويه
وعبدالله أحسن ضحكته عنّت عليه
وشكثر مشتاگة أشيلنّه بديــــــــه
البيت خالي يا مرض ويزيد همّي
مشتاگة أشوف الاكبر وعباس عمّي
لوّعني فگد أحبابي وإنته لوّعتني
فارگونــــــــــــوني
####################
يا مرض ريّحني وإخذ من عندي روحي
ولا أبقه أتعذب بعد ويزيد نوحي
إزغيره آنه وشيّبت بيه جروحي
يا وردة الهم بالحزن والنوح فوحي
يا مرض چنت أتصورك تتركني ارتاح
بس هس لا تتركني احس كل العمر راح
شلي بحياتي والمدامع مرمرتني
فارگونــــــــــــوني
####################
#علي_حسن_المنصوري
نزلة .... للعليلة عليهم السلام ( ميمر )
آنه العليله وأهلي راحوا عني
ظليت أون گلبي انفطر من وني
كل ضني يرجع والدي كل ضني
عالدرب انطر ظليت روحي المرض اذّاها
.................
طفله وعليله بلا اهل عافوني
مالومه وعله الدرب تربي عيوني
منتظره اهلي السافروا يلفوني
لجيّتهم احسب ايام وتصوّر ابملگـــــاها
..................
وحشه المدينه بدون ابويه الغالي
غير الألــم بغيـــابه مايبـــرالي
ذاب وتفطـّر بالمــرض دلالــي
وعيوني دمع الأحزان يا والدي اعمـــاها
................
عالدرب ظليت انتظر جيّتهم
والدي حسين وكل هلي ولمّتهم
طوّلوا غيبتهم ولاچن بتهم
آلامي وجروح البين ماواحــد الـداواها
................
طفله وبقيت بدارهم بس وحدي
غير الألم والنوح ماضل عندي
شعتب شسولف والعتب مايجدِي
صورة ابويه بعيناي كل وكت ماانســـاها
...................
جرح انتظارك سلني يابويه حسين
وين انطي وجهي والدي بعدك وين
شتنتظر بويه ولا سنة ولا سنتين
مثل الحلم صارت ليش شوفتك اتمنّـــاها
خادم فاطمة العليله عليها السلام
سيد زيد الفحام
#مقدمة للعليلة ع
كمت اعاين عالسمه بغيبتك
بلكي بيهه تنعكس صورتك
بعد مانزلهه عيني
من كثر شوكي وحنيني
....................
بويه من كد مااعاين عالسمه ودمعي يصب
صرت احسن من غيابك ضعف نتاك الكلب
مااظن ترجعلي صحتي وانته بديار الغرب
نذر مني من تجيني اورود افرش عالدرب
برجعتك بويه انه اضم دمعتي
لئن انته للمرض وصفتي
يمته يابويه تجيني
بعد مانزلهه عيني
..................
تدري مشتاكه لمشيتك جنه من نمشي سوه
ما تخلي شي يمسني تضمني حته من الهوه
هسه انام اعله التراب وخدي بدموعي انجوه
بويه تدريني عليله وشوفتك عندي دوه
بس تعال وجرب بجيتك
ماتضل كل عله ببنيتك
انسه اهاتي ونيني
بعد مانزلهه عيني
.................
حته باب الدار اسدهه معانده وماتنطبك
جن تكلي وين ابوج العني ماضن يفترك
حيل مشتاكه لمسته بيهه احس لزمه عشك
خاف مايرجع عليه ويه الحطب خاف احترك
خنكه والباب بدموعي انجوه
يمته ترجعلي وشم الهوه
دمعي بعدك يسليني
بعد مانزلهه عيني
..................
كلشي بالدار افتقدلك من رحت حته الجماد
بدارك اي شي من تلزمه بلزمتك ياخذ مراد
راح ادك الرايه بويه واعلن عليك الحداد
وشكو شي يبجي عليك وياي اوشحه بالسواد
بالحزن ترضاهه اكضي العمر
على فراكك كلبي مثل الجمر
يمته اشوفك تعتنيني
بعد ما نزلهه عيني
...................
بويه سجاده صلاتك ضلت امن الذكريات
بيهه عطرك من اشمه يبعد اعليه الممات
كلي هم ترجعلي بويه وجايب وياك البنات
بعد مااحمل بعدهن واحنه جنه مدللات
ردت اشوفنهن وسر النضر
كلبي حس بيهن يشوفن خطر
الغيبه تدري تأذيني
بعد مانزلهه عيني
...............
ارد اسولف وي خواتي على فراكك من رحت
ارد اكلهن هم سمعتن صايحي لمن صحت
ليش محد رد عليه وبالدموع اتجرحت
بيومكم من سافريتو مدري بيمن صبحت
صار مصباح الحزن والبله
خذه مني الابو والعايله
بالهجر يكضن اسنيني
بعد مانزلهه عيني
...............
خادمكم محمد هادي العقابي
تعليقات
إرسال تعليق