قصائد مكتوبة لعيد الغدير, مواليد, ابوذيات, هوسات

(اضفنا قصائد جديدة )

منهاج عيد الغدير الأغر

الأبوذيات

أنا اشما الهج بمدحه وعيده

قليل وما أصل حقه وعيده

مكارم بالغدير أمست وعيده

بحب المرتضى حامي الحميه

………………………………………………………………ّ…

صلاة الله وسلامه اعليه والاه

النبي خص بالولايه علي والاه

دعه يا ربي والي الذي والاه

علي بعدي الوصي وهاي الوصيه

…………………………………………………………ّّ……………

نبي الرحمه يعادي الذي عاداه

بقرابة موسى من هارون عدّاه

غدير المرتضى أكبر عيد عيداه

رفع چف حيدره وبارك وليّه

…………………………………………………………………

خادم أمير المؤمنين علي ع

عمار هليل الواسطي

نـهـواك... يـا حـيدر ... نفداك... يا حيدر

الشاعر الأديب الحاج جابر الكاظمي _ملا جليل الكربلائي

نـهـواك... يـا حـيدر ... نفداك... يا حيدر

نحيا إوياك إنموت إوياك ... وشتسوى الدنيه ابلياك

يـا مـن إبمعناك كل هم ينجلي... يا محيط الجود

حـبـك إورثته يحيدر من هلي ... يشهد المعبود

إجعلك ربك حجه للناس وولي ... هالأمر مشهود

إقـلوبنه إبتهجت الليله يا علي ... إبفرحة المولود

هـالـصـوت يـا حيدر ... هالصوت يا حيدر

من قلب العاشق ناداك ... وشتسوى الدنيه ابلياك

يـا مـنـار العلم يا تاج الوفه... معجم الأسرار

بحر إنت ايفيض حكمه و معرفه ... منجم الأفكار

بـدرك الـوضاح ما يوم إختفه ... يبعث الأنوار

خـالـقك خاواك ويه المصطفه... يا إخو المختار

مـحـبـوب يـا حـيـدر... محبوب يا حيدر

و إحنه العشاق و نهواك ... وشتسوى الدنيه ابلياك

مـعجزة معناك هالعالم شهد ... و مجمل التكوين

مـا سـواك ابكعبة الباري إنولد ... يا منار الدين

إبفضل عزمك رب الأكوان إنعبد... يا بطل صفين

عـالـعهد وياك منخون العهد ... اشما تمر اسنين

لـلـمـوت يـا حـيـدر... للموت يا حيدر

نـبقى إوياك و حبيناك ... وشتسوى الدنيه ابلياك

كلمن ايودك يمثلك بالورع ... و خالص الأعمال

و الـيـحبك ما يفكر بالطمع ... إشتنفع الأموال

يـمن حبك وسط القلوب إنطبع ... كعبة الآمال

هـذا صوتي بإسمك اليوم إرتفع... و اليودك قال

مـنـعـوف يـا حـيـدر... منعوف يا حيدر

اليتبع حبك ما ينساك ... وشتسوى الدنيه ابلياك

علي علي.. تاج الولاية

يل نصبك رب السمه جفن بكل عين

اغله اعياد الموالي اليوم

و العدو من هالفرح محروم

بالحسرة خله يسوم (2)

و النبي جن زين الهامة

حط عله راس الولي عمامة

و بدونهه معروف (2)

يابه الحسن... في كلبي غايه... (يل نصبك..)

يامن بحبه ملك القلوب

يامن سنيني لعينه تذوب

رب العله سماه (2)

ياهو عيد نعيشه الليلة

احله من كل يوم و كل ليلة

من كل كلب معناه (2)

حيدر علي.... حبي و مناية... (يل نصبك..)

وي رسول الله و علي و فاطم

و الاحبة من بني هاشم

نشعلهه هالشمعات (2)

تشرفت بتهني الاكوان

حيدرة ليهه بقه عنوان

يا محله هاللحظات (2)

ارفع الك... في كلبي راية.. (يل نصبك..)

نصبه رب السما والي

و احنه غيره لالا منوالي

و المؤمن يوالي (2)

لن رسول الله و اهو دنياه

و اليحبه بس علي مولاه

خاب اللي بيعادي (2)

في كل زمن... انت روايه.... (يل نصبك..)

****

و العبير من السما فواح

لن علينه هلت الافراح

و تزين القران (2)

يا علي و طول العمر نهواك

مانعوفك لا ولا ننساك

حبك من الاركان (2)

علي علي... نور الهداية.. (يل نصبك..)

*********

هناك سيطرة تفتيش منصوبة عله المعبر

و عيب بلل جواز يفوت و يكشفونه المزور

و يهنياله الجوازه بي ختم المرتضى حيدر

هنياله الحيدر ماضيله

مولد بحق عيد. الغدير

في يوم الغديري علي تنصب اميري

رغماً عالنواصب علي تبقة اميري

*******×*********

نجدد بيعتك يا ابو الحسن جينا

بعيد الله نهني اليوم مهدينا

نبقى اعله العهد ياربي خلينا

وعودة بخير يارب السما علينا

والي وتبقى والي وتشيل الراس عالي

رغماً عالنواصب علي تبقى اميري

::::::::::::::::::::::::::::::::::::::::::::::::

ابيوم الغدير الهادي ظل يخطب

من رب السما والي علي تنصب

فاز الي بسفينة حيدرة يركب

والينكر ولاية علي يـــــتعذب

فاز من يواليه وخاب من يعاديه

رغماًً عالنواصب علي تبقى اميري

------------------------------------------

جبريل وملائكة السمة افواج

اباب المرتضى وكَفو مع الحجاج

مبارك ياعلي وبالخير هذا التاج

ياوالي الامة الغني والمحتاج

مبارك بالولاية أمير أعلى البراية

رغماً عالنواصب علي تبقى اميري

::::::::::::::::::::::::::::::::::::::::::::::::::::::::::

ابحبل الولاية احنة معتصمين

لحد الموت ما ننكر ابو الحسنين

لجلة ارواحنة ترخص ولا مبالين

شما لجلة نقدم نبقة مطلوبين

خدامك نخدمك شفاعة انريد منك

رغماً عالنواصب علي تبقى اميري

::::::::::::::::::::::::::::::::::::::

بولايتنة لعلي بالحشر آمنه

بالمحشر قسيم النار والجنه

مبارك بالولاية سيدي صحنه

دنيا واخرة ياعلي قائدنه

دنيا وبالقيامة لعلي تلوكَ الزعامة

رغماً عالنواصب علي تبقى اميري

أسألكم الدعاء

رائد الاسدي

بايعنه ابوحسين - والينه والينه

صوت الموالين - والينه والينه

ننتخبه جينه بالغديرية – بعيدالغدير الفرحة شيعية

,,,,,,,,,,,,,,,,,,,,,,,,1

بس الوصي انطيعة - ونجدد البيعة

بايعنه حماي الحمه والهادي هناه

شال النبي ايده – وصانه بعيده

من كنت مولاهو علي ياناس مولاه

بالبيعة خل نحظر – والماحظر يخسر

حيدرامام اعله البشر بارينه خلاه

علينه فرض حبه – كله رحم كلبه

مولانه تجري بكل وكت عالفقره عيناه

عالبيعه وياه – والينه والينه

واسمه كتبناه – والينه والينه

من الله نزلت هاي برقية– بعيدالغدير الفرحة شيعية

,,,,,,,,,,,,,,,,,,,,,,,,2

نحمل ورد جينه – ونهني والينه

ونكله دنيا واخره ويا ك وياك

للموت كلمتنه – ماتذل رايتنه

شيعتك يانفس النبي بحماك بحماك

هالدين ثبته -انت الامير انته

الله بكتابه ياعلي سماك سماك

يالبنص امنزل – كل نبي وكل مرسل

بايعك ياحمي الحمه ولاك ولاك

ياتاج الاسلام - والينه والينه

ياروح الايتام – والينه والينه

والبيعه منه تريد تضحية– بعيدالغدير الفرحة شيعية

,,,,,,

,,,,,,,,,,,,,,,,,,3

انبايع ابو الفقره – حيدرنشم عطره

نبقى ننادي ياعلي ونغيض الاعداء

اسم الوصي انوثقه – انسمي علي نبقه

بكل بيت عدنه اشجم علي ونكثر اسماء

بسمه نضل نحجي – خل العدو يبجي

من نذكر اسم المرتضى يتشافه كل داء

نتعبد باسمه- عطر اسمه ونشمه

من نذكر اسمك ياعلي تعطير الاجواء

بالكعبة مولود – والينه والينه

بالنجف موجود – والينه والينه

عيدالله هذا انحب معانية– بعيدالغدير الفرحة شيعية

,,,,,,,,,,,,,,,,,,,,,,,,4

هذا الحفل النه – جن احنه بالجنة

هالدنيا بيتك ياعلي واحنه ضيوفك

يامعجزة آدم – يامحور العالم

حتى الشمس وي الكمر كامت تطوفك

بحر الحنان انته – ونور الجنان انته

ياعلي يا اعذب نهر عشنه بجروفك

بيك انعجب يوسف – من شاهدك يعرف

يوسف جمالك حيره واجمل يشوفك

ماقصر بيوم – والينه والينه

وياه نضل دوم – والينه والينه

خل الزمان يعود ماضيه – بعيدالغدير الفرحه شيعيه.

،،،،،،،، ،،،،،،،،،،،،،،،،،،،،

حيدر موسى الرميثي.

منهاج عيد الغدير الأغر

القصيدة

شال چفه وصاح بالحق واليقين

يا علي إنته أمير المؤمنين

محمد عاشت إيدك ...

نبينـــــا العيد عيدك ... بالغدير

………………………………………………………………………………

من آله الكون صادر هالبيان

حيدره يصبح إمام بهالزمان

والذي والاه رابحهه الجنان

وطن للعشاگ ينعم بالأمان

طه لمّن رفع چف حامي الحمه

وصلت الأعياد حد سابع سمه

محمد عاشت إيدك ...

نبينـــــا العيد عيدك ... بالغدير

………………………………………………………………………………

فرحة والاملاك نقلت هالخبر

تبايع الكرار والدين إبتشر

بيعه للضرغام والكون ازدهر

أمر طه النبي رحمه للبشر

گال والنور بكلامه يعتلي

الچنت مولاه مولاهُ علي

محمد عاشت إيدك ...

نبينـــــا العيد عيدك ... بالغدير

………………………………………………………………………………

يوم فرحة كل گلب ينبض سرور

تعجز الأبيات توصف هالشعور

نور نصّب نور گدام الحضور

وامتلت هالدنيه بالنورين نور

والد الزهراء گال اوصيّته

كل شريف العلي يعلن بيعته

محمد عاشت إيدك ...

نبينـــــا العيد عيدك ... بالغدير

………………………………………………………………………………

بغير شك ليل الظلامه ينجلي

ونور رب العرش هوّه اليعتلي

قبس من هالنور أصبح ما يلي

كتب هاي الجمله مولايَ علي

والنعم من النبي ومن حيدره

فاز من بايعه دنيه وآخره

محمد عاشت إيدك ...

نبينـــــا العيد عيدك ... بالغدير

……………………………………………………………………………

كل محب يفرح بعيدك يالغدير

ويكتب بدمعاته عيد الله الجبير

علي بس هوه علي وحده الامير

غيره لا ما صار والله وما يصير

سطعت الأنوار والمحفل بده

١٨ ذو الحجة جانه بموعده

محمد عاشت إيدك ...

نبينـــــا العيد عيدك ... بالغدير

………………………………………………………………………………

كلشي بالعالم فرح والليله عيد

واليبغضك يا علي عنك بعيد

خير للناس وأمل انته تريد

واليحبك شاف غيرك ما يفيد

الولايه اتلوگلك يابه الحسن

وانته للعشاك ياحيدر وطن

محمد عاشت إيدك ...

نبينـــــا العيد عيدك ... بالغدير

………………………………………………………………………………

خادم أمير المؤمنين علي ع

عمار هليل الواسطي

منهاج عيد الغدير الأغر

الهوسات

سطع نورك شمس وانزاحت الظلمه

لمن شال چفك چف نبي الرحمه

أعلن هالقرار وبيعتك نعمه

هنياله الأعلن تأييده

………………………………………………………………

مو بس البشر كل الوجود اليوم

فرحان بعلي الكرار شي معلوم

البلابل غردت ترحيب بالمعصوم

لو حيدر لو مامش غيره

……………………………………………………………………

قمة فرحتي وسلطان أعيادي

غديرك يا علي ونبض الفرح بادي

بيان اتوقع امن المصطفى الهادي

ختم الله الصدّق توقيعه

…………………………………………………………………

خادم أمير المؤمنين علي ع

عمار هليل الواسطي

#قصائد_عيد_الغدير_الاغر_

ــــــــــــــــــــــــــــــــــــــــــــــــــــ

هنيالنا وعدنا علي .. هنيالنا

..............

دگيت بيبان الخلگ .. محد فتح بابه إلي

وبيبانك انته مفتحه .. وهسه آنه جيتك يا علي

وماي الوجه يمك كثر .. غيرك يبو الكافل شلي

أنته الهوه ومو أي هوه .. مو ذوله اهلي انته هلي

ياهو إلي ... بدنيا إلك والنه عدو

ياهو إلي ... آنه يتيم وانته ابو

ياهو إلي ... بس انته من ترحم كفو

هنيالنا وعدنا علي ... هنيالنا

................

مشكور يا عشگ النبي .. هذا النبض بسمك يدگ

واليسأل اعلينه منو .. صرنه نگله للعشگ

صرنه لحب حيدر بشر .. وعن حبه ابد ما نفترگ

وكل حب سراب من انولد .. بس حب علي حيدر صدگ

محله العشگ.... لمولانا لمن ينتسب

محله العشگ .... ايشيله حرز گلب المحب

محله العشگ .... الما تطفه ناره بس تشب

هنيالنا وعدنا علي ... هنيالنا

.............

شما نعشگ بدنيا الوهم .. بالتالي هم يمك نرد

واللي نحبه يا علي .. يمك نسويله لحد

أكبر دليل أعله العشگ .. بالموت هم ما نبتعد

بأنفاسنه ؟؟ بگطع النفس .. درب النجف مأوى العبد

يم عتبتك ... ميت عدل يم عتبتك

يم عتبتك ... صك الأمان لحظرتك

يم عتبتك ... مركز دخول لرحمتك

هنيالنا وعدنا علي ... هنيالنا

................

آخر محطات الهوه .. يمك يحيدر تبتدي

ودين الله لو ما طاوعك .. چا ما صبح هلگد ندي

قانون اليبغضك كفر .. والحبك اجمل مُهتدي

مقياس اشوفك يا علي .. بين الموالي والردي

شيعي صرت ... أستحمد الله وأشكره

شيعي صرت ... أحچيها وبكل مفخره

شيعي صرت ... سلطان يوم الآخره

هنيالنا وعدنا علي ... هنيالنا

..............

كرهونه چي حبك وشم .. بالروح مو فوگ الجسد

ونقسملك بحبك وعد .. وياك ما نشرك أحد

هنيالنا وعدنا علي .. ذكر اسمه أحله من الشهد

أنته علي ويكفي الأسم .. ماضن أكوا أكثر بعد

ذكرك وحي ... يقرالنه آيات العطف

ذكرك وحي ... معروف بس ما تنعرف

ذكرك وحي ... أنته اول وآخر حرف

هنيالنا وعدنا علي .... هنيالنا

....... هنيالنا وعدنا علي ..........

عزت السماوي

ــــــــــــــــــــــــــــــــــــــــــــــــــــ

لمناسبة ذكرى عيد الغدير الاغر وكل عام وانتم بخير وقلوبكم عامره بالإيمان والثبات على الولايه ان شاء الله

،،،،،،،،،،،،،،،،،،،،،

ليلة فرح وسرور بالثامن عشر

طشوا الورد ياناس بالثامن عشر

***

طشوا الورد ياناس سروا فاطمه

نور الارض هليوم ضوه للسمه

أمبارك الف علخير ياحامي الحمه

حجه صرت علناس والنور انتشر

***

حجه صرت مولاي بأمر من السمه

انت الولي والدين باسمك تممه

حبك علي بيه فوز اكبر مغنمه

والخالفك مسكين تاليته ابسقر

***

يم فاطمه مكتوب وآله للولي

يوم الحشر مامون يحضرله علي

ايفوز النشر لفراح بكرم منزلي

ليلة سعاده الحور نثرت للدرر

***

ليلة فرح وسرور عمت عالارض

ناجي الذي والاه خاب المعترض

حبك على الثقلين ياحيدر فرض

بيه النبي المختار والباري أُمر

بيه النبي المختار بشر أمته

حيدر ولي علناس واجب طاعته

كل الفرق بل نار تنجه فرقته

الواله علي الكرار ناجي من الخطر

****

الواله علي ياناس والصك وقعه

فوگ الصراط ايفوت محد يمنعه

رغماً على الباغين كلنه انتابعه

ومانتبع الملعون والعقله حجر

****

اشلون هالملعون يتنصب أمير

ويحكم ابهلناس معدوم الضمير

غيرك ابو الحسنين نقسم مايصير

مولى على الثقلين جن وي البشر

لخادم خدمة الحسين ع

ابو عمار الدراجي

ــــــــــــــــــــــــــــــــــــــــــــــــــــ

قصيده[لبيعه الامام علي عليه السلام

في يوم (الغدير)

من كنت مولاه فهذا علي مولاه

🔶🔶🔶🔶

ايه من رب البريه النبي حيدر وصيه

حيدر بيوم الغدير نصبه الباري امير

🌹🌹🌹🌹🌹🌹🌹🌹🌹

استبشرت ارض وسماء بهل خبر من جاهه

مـن نـزل جـبـريل گـلــه عـلـي بـعــدك طـه

نـاده بـلــغ يـامـحـمـد وضــح ابـمـعــنـاهـه

ايـه مـن رب السـمــاء ولـلـجـمـيع اقـراهـه

وخـل يعرفون المصير نصبه الباري امـير

🌹🌹🌹🌹🌹🌹🌹🌹🌹

النـبـي الايـه قـراهـا عـلـى كـل الـمـسـلـمـين

گـلـهـم الخـالـق بعـثـهـا بـيد جـبـريل الامـين

وفسـر الايه العـضـيمـه على كـل الحـاضرين

گـالهـم من بعـدي يصبح علي امير المؤمنين

امـر مـن ربـي القـدير نصـبـه الـبـاري امـير

🌹🌹🌹🌹🌹🌹🌹🌹🌹

بايعـوه وبيـعـه حـصـرا نـازله من الله بـوحـي

بـانـت البسـمه اعله وجهه الـيـحـب حيدرعلي

فـرحه سرت كل فقـير البشرى من زفـهـا النبي

لأن يــدرون الـعــدالــه عـنـده لــوصـار الـولـي

علي كـهـف لكل فقـير نـصـبـه البـاري امـير

🌹🌹🌹🌹🌹🌹🌹🌹🌹

والله محتاره القوافي بوصفك شتحجي وتگول

ياعـلي الـســر الـئـلاهـي مـاتـدركـه ابـدا عـقـول

اني والخـالـق نـعـرفـه گـالـهـا بخـطـبه الـرسـول

شـنهو من معـنـى بكلامه الاصل حيدر والاصول

يبـقـى هـالـمـعـنى اسـير نـصـبـه البـاري امـيـر

🌹🌹🌹🌹🌹🌹🌹🌹🌹

يافـرحــنه الـشـيـعــه حـصــرا ابـنـزول الأيـه

ثـبـتـت انــه الـعـقـــيـده وفـتـهــمـنه الـغـايـه

مـن الله تـنـصـيب الـولايـه لـحـيـدر موصايه

والحسـن وحسـين بـعـده يـسـتـلـمـهـا الرايـه

وكـربلـه گـعـبـه تـصـير نصـبه البـاري امـيـر

🌹🌹🌹🌹🌹🌹🌹🌹🌹

حگـنه من نتفاخـر احـنه والله مابين البشـر

اثـنعـش معـصـوم عدنه وبنهـجـهـم نفـتخـر

من الحسين النور يبدي وينخـتم بالمـنتضـر

غـايب وننطـر قدومه صحرى واتاني المطـر

مـاشـفـت مـثلـه نضـير نصـبه حـيدر امـير

🌹🌹🌹🌹🌹🌹🌹🌹🌹

تمت بعون الله تعالى

عقيل حسين الگرعاوي

ـــــــــــــــــــــــــــــــــــــــــــــــــــــــ

قصيده[لبيعه الامام علي عليه السلام

في يوم (الغدير)

من كنت مولاه فهذا علي مولاه

🔶🔶🔶🔶

ايه من رب البريه النبي حيدر وصيه

حيدر بيوم الغدير نصبه الباري امير

🌹🌹🌹🌹🌹🌹🌹🌹🌹

استبشرت ارض وسماء بهل خبر من جاهه

مـن نـزل جـبـريل گـلــه عـلـي بـعــدك طـه

نـاده بـلــغ يـامـحـمـد وضــح ابـمـعــنـاهـه

ايـه مـن رب السـمــاء ولـلـجـمـيع اقـراهـه

وخـل يعرفون المصير نصبه الباري امـير

🌹🌹🌹🌹🌹🌹🌹🌹🌹

النـبـي الايـه قـراهـا عـلـى كـل الـمـسـلـمـين

گـلـهـم الخـالـق بعـثـهـا بـيد جـبـريل الامـين

وفسـر الايه العـضـيمـه على كـل الحـاضرين

گـالهـم من بعـدي يصبح علي امير المؤمنين

امـر مـن ربـي القـدير نصـبـه الـبـاري امـير

🌹🌹🌹🌹🌹🌹🌹🌹🌹

بايعـوه وبيـعـه حـصـرا نـازله من الله بـوحـي

بـانـت البسـمه اعله وجهه الـيـحـب حيدرعلي

فـرحه سرت كل فقـير البشرى من زفـهـا النبي

لأن يــدرون الـعــدالــه عـنـده لــوصـار الـولـي

علي كـهـف لكل فقـير نـصـبـه البـاري امـير

🌹🌹🌹🌹🌹🌹🌹🌹🌹

والله محتاره القوافي بوصفك شتحجي وتگول

ياعـلي الـســر الـئـلاهـي مـاتـدركـه ابـدا عـقـول

اني والخـالـق نـعـرفـه گـالـهـا بخـطـبه الـرسـول

شـنهو من معـنـى بكلامه الاصل حيدر والاصول

يبـقـى هـالـمـعـنى اسـير نـصـبـه البـاري امـيـر

🌹🌹🌹🌹🌹🌹🌹🌹🌹

يافـرحــنه الـشـيـعــه حـصــرا ابـنـزول الأيـه

ثـبـتـت انــه الـعـقـــيـده وفـتـهــمـنه الـغـايـه

مـن الله تـنـصـيب الـولايـه لـحـيـدر موصايه

والحسـن وحسـين بـعـده يـسـتـلـمـهـا الرايـه

وكـربلـه گـعـبـه تـصـير نصـبه البـاري امـيـر

🌹🌹🌹🌹🌹🌹🌹🌹🌹

حگـنه من نتفاخـر احـنه والله مابين البشـر

اثـنعـش معـصـوم عدنه وبنهـجـهـم نفـتخـر

من الحسين النور يبدي وينخـتم بالمـنتضـر

غـايب وننطـر قدومه صحرى واتاني المطـر

مـاشـفـت مـثلـه نضـير نصـبه حـيدر امـير

🌹🌹🌹🌹🌹🌹🌹🌹🌹

تمت بعون الله تعالى

عقيل حسين الگرعاوي

ــــــــــــــــــــــــــــــــــــــــــــــــــــ

حيدر علي الغالي واليته هنيــــــالي

ـ&&&&&&&&&&&&&&&

منهو الحچه اويه الهادي الله بصوته (علي علي)

ذا النون منهو الطلّعاه من حوتــــــــه

منهو الحروفه بالگلب منحــــــــــوته

منهو اللي كل واحـــــد يشوفه بموته

هوّه اول وتالي واليته هنيالي

ـ&&&&&&&&&&&&&&&&

عيد الله الاكبر منهو اصبح عيده

بيوم الغدير المصطفى شال ايده

منهو الأريده وغيره لا ماريـــــده

ماأمل من اسمه اشكثر ماعيـــده

ماغيره يحلالي واليته هنيالي

ـ&&&&&&&&&&&&&&&

منهو اللي بالذر الله اخذله البيعه

منهو اللي جنه ونار كلها اتطيعه

منهو اللي تتباها بمحبته الشيعه

منهو اللي حبه بكل ثمن ماابيعه

هذا الشغل بالي واليته هنيالي

ــ& &&&&&&&&&&&&

منهو الذي بدونــــــه الصلاه مبتوره

مازار واحد منــــــــــــو وكلها اتزوره

منهو اللي واجب تبدي بي كل سوره

منهو انخلق لوح وقلم من نــــــوره

نور العلي العالي واليته هنيالي

ــ& &&&&&&&&&&&&

منهو اللي بالكعبه صبــح ميلاده

منهو اللي تتراجــف اگباله القاده

لافتى جبريــــــــــل ابأسمّن ناده

منهو ابو الساده وابنه عم الساده

قائدنا والوالي واليته هنيالي

ـ&&&&&&&&&&&&&&&

منهو اللي دنيه واخـــره حاكمهن

والنار والجنه منــــــــــو قاسمهن

كل الفضائل من صبــــح خاتمهن

منهو الأموت اعطوره لو ماشمهن

وافراگه جتالي . واليته هنيالي

ــ& &&&&&&&&&&&&&

علي محسن الزيادي

ـــــــــــــــــــــــــــــــــــــــــــــــــــــــ

گل آلدنيآ فرحآنهہ 🎉

👑بتتويج آلوصـي مـولآنهہ

ــــــــــــــــــــــــــــــــــــــــــــــــــــ

ياهلا ومية هلا بعيد الغدير

مرحبا في يوم تتويج الامير

يوم تنصيب الولي

علي أبوحسين علي

ياهلا ومية هلا بعيد الغدير

* * * * * *

بشرة العيد امن اجتنه فاقت حدود الخيال

أتعطرت حين التعنت وأرتدت ثوب الجمال

أمدلله بمشيتها تسحر مو سهل مشي الدلاّل

اتنورت دنيانــــه بيها وعلنت اليوم أحتفال

غنت الازهـــــار بالعيد الشهير

وبالجو يغني غده الطير اليطير

صحنه مليون هلا

العيد هاليوم حلا

ياهلا ومية هلا بعيد الغدير

* * * * * *

هلهلوا يالجعفريه بجية العيد السعيد

أستقبلوا عيد الولايـه عيدكم هذا الوحيد

أستبشروا بعيد الغدير وصيحوا حي الله يعيد

اليوم حتى الشمس ضحكت والكمر أنشد نشيد

من وصل هاليوم عيد الله الجبير

مبتشر مسرور أصبح كل ضمير

كل محب صدره أنشرح

من كلب صادق فرح

ياهلا ومية هلا بعيد الغدير

* * * * * *

نزلت الآيه أعلى طاها وبلّغ بيوم النزول

صرح بتاج الولايه وأكتمل دين الرسول

كملت أركان الرساله وتمت أنوار الاصول

صار هذا اليوم عيد ينور بنـــوره العقول

خاطب الامه النبي الهادي البشير

حيدره بعدي السراج المستنيـــــر

النبي صرح بالاسم

وشال أيده ومبتسم

ياهلا ومية هلا بعيد الغدير

* * * * * *

أشكد جميله من عظيم بتاجه ويتوج عظيم

علن للأمــه نبيها منهو من بعــــده الزعيم

مايزل جدم اليتبعه أمن السراط المستقيم

(غيرَ مغضوبَ عليهِ) صرّح الذكر الحكيم

وقبل لاننولد بالدنيــه ونصير

بعالم الذر أحنه بايعنه الوزير

بحيدره متمسكين

عالولايه ثابتين

ياهلا ومية هلا بعيد الغدير

* * * * * *

خطب خطبه نبي الامه وموفقط بس بالحديث

صرح ابأسم الخليفه اليخلفه ويصبح وريث

بايعت كل الصحابه حتى أبوفلان الغثيث

والنكر هالبيعه زل ومانشوفه الاّ خبيث

خطب طاها وصاح بالجمع الغفير

بعدي أبوالحسنين أول مو أخيــــر

هذا أبو كل الحجج

واليبغضونه همج

ياهلا ومية هلا بعيد الغدير

* * * * * *

سلام المشعل

ـــــــــــــــــــــــــــــــــــــــــــــــــــــــ

غسق

القائمة الرئيسية

الصفحات

قصائد عيد الغدير المبارك ابوذيات وقصائد وهوسات مكتوبة

قصائد مكتوبة لعيد الغدير, مواليد, ابوذيات, هوسات

الأبوذيات

نـهـواك... يـا حـيدر ... نفداك... يا حيدر

علي علي.. تاج الولاية

في يوم الغديري علي تنصب اميري

بايعنه ابوحسين - والينه والينه

شال چفه وصاح بالحق واليقين

الهوسات

أخر المواضيع من قسم : قصائد الامام علي

تعليقات

إرسال تعليق