كلمات قصيدة عباس اعتنيتك مكتوبة كتابة
عباس اعتنيتك ...... واتعثر اجيتك
هاي بطيحتك ياخويه تدري
اول مره احط ايدي ع ظهري
واتعثر اجيتك
تمنيتك وطريت الميادين
ووليدي علي فارگني توه
ضلت فاهيه عليك الصواوين
مدري فراكك بزينب شسوه
من اتخوصرت صاحولي يحسين
هلمره الفراگ فراگ خوه
هلمره انچفه العباس مو ماي
ومو خوك اليكلهم راح فدوه
غير جدامي يهدن.......اوصله ويردن
حگي تخوصرت ومدنگ الراس
غير الطايح ع الكاع عباس
واتعثر اجيتك
من بعيد شو ماعندك جفوف
طاحن لو عيوني الوهدنني
ما اعرف شصاير اني لاشوف
كون اوصلك ويعمن هذني
انه حسين ما اموتن بالسيوف
بس فراگ عباس الكتلني
امشي وذكرياتك ترسن البال
ومدري ليا كتر عنك خذني
گبالي وماعرفتك.....انه امشي وعبرتك
حگي مدوهن وما اندل منين
اول مره هيجي يصير بحسين
واتعثر اجيتك
اكعد يالاعز من ولد الحسين
فدوه لطيحتك يرحون ولدي
هيه البلوة مو بس موت وفراك
ولا بلوة خيول تدوس جبدي
بس سبعين الف شامت يعباس
كلهم شافوا دموعي اعله خدي
كون اكبالهم نتشابك وموت
مو عباس اليخليني وحدي
اول مره عباس .....بيه تشمت الناس
تدري عيوني مو هين بچيهن
هاك جفوف اديه وكوم بيهن
واتعثر اجيتك
چلمه خويه ما تنكال بجفاك
وداعت خوتك تحرم عليه
كضيت الظهر من طاح عباس
وصارت عادة لليفگد اخيه
حيرة تفارك اليندلك شبيك
وانته بلا حجي وتعرف شبيه
اول مره هاي يغثني عباس
من مديتهه وما كظ اديه
وسفه ياعضيدي...ماكضيت ايدي
الف وتسمعية جرح ياناس
كلهن طلعن من فراك عباس
واتعثر اجيتك
الله وياك لكن الله وياي
وين الله واموت وتكعد انته
من كد عازتي لحضنك يعباس
حته السهم كضيته وشبگته
اوصل للخيم والوجهك اشتاك
واركض وانهطر والكاك سكته
كسرة شيخ يم المالها شيوخ
هيجي حسين بفراكك كسرته
اول مره الحسين.....تفزعله النساوين
حسين الما مخلي بخاطرك يوم
يحط ايده اعله زينب يالا يكوم
واتعثر اجيتك
عباس اعتنيتك مكتوبة
كلمات : الشاعر محمد الموسوي
بصوت المبدع: ملا مسلم الوائلي
قسم قصائد مسلم الوائلي مكتوبة
قصيدة عل لحن قصيدة عباس اعتنيتك مكتوبة
قصيدة للسبي لسان حال مولاتي زينب (عليها السلام) بعنوان (بس راسك خذينه)
ع لحن (عباس اعتنيتك)
للملا مسلم الوائلي
•=========•===========•
ياخويه مشينه.....وبس راسك خذينه
ظلت بالشمس مرميه جثتك
ومازيد العتب ياروح اختك
وبس راسك خذينه
•=========•===========•
من ابعيد انه اشكيلك الحال
زينب موش زينب صارت اجبال
ما اكدر اسلم انه لا اجيك
خويه مكيده ايدي بالاحبال
من كثر الطم وضربة السوط
شتظن المتن صاير بيا حال
لا تزعل علينه...خويه مو بيدينه
عنك من مشه هذا الظعن كال
ماتوا كل اهلنه وكل الامال
وبس راسك خذينه
•=========•==========•
شسولفلك يخويه عل جره وصار
مابين الغرب ماتن بناتك
وقبل كل هذا نامن بالخرابه
ويخلصن ليلهن بس ذكرياتك
خويه لوگفتك كلحنه نشتاگ
وحته لوگفتك عنت صلاتك
لا تسئل عليه...جروح هواي بيه
خويه بنيتك بعيوني احطها
زغيره بالعمر شيب گلبها
وبس راسك خذينه
•=========•===========•
خويه من طحت اهتزت الگاع
وصعدت للسمه وناحت الاراضين
شنهي طيحتك مو هينه يحسين
عرش الله بچه وكل السلاطين
هاي اعظم مصيبه بالسماوات
دم تهمل عليها ظلت العين
وعميه صارت العين ...من افراگ الحسين
صوت كسر ضلوعك ليهسه اسمعه
واحتاريت خويه شلون اجمعه
وبس راسك خذينه
•=========•===========•
يبو فاضل رحت انه بلياك
وصرت الكافله لهاي الظعينه
يلچنت الهوى الهايه دنياي
هسه بلا هوى احنه بقينه
وچفينك يخويه جانن افياي
من وكعن شمس لاحت عبينه
حجيك دوم اذكره...بدونك دنيه مره
حنيتك يخويه عاشت اسنين
وحيل محتاجتهه انه وداعة حسين
وبس راسك خذيته
•=========•===========•
تمت بعون الله
وبقلم خادمة تراب اهل البيت (ع)
#الشاعره_زينب_الفياض
•غير مبري الذمه اليحذف اسم الشاعره
20 قصيدة مكتوبة للامام العاس عليه السلام
(1)
هاك روحي يابوفاضل هاك روحي
بيهه نوحي يشتكيلك بيهه نوحي
لاتضن دمعي نشف ------ من رحت كلبي رجف
..،،............
خويه طولك جان يكبر ---- اكبال عيني وآنه اشوف
جفوفك المليانه غيره ---- تمسح براسي الجفوف
ها يزينــــب ذني باجر ---- خيمتج يـــــوم الطفوف
من يحط جفي اعله متنج ---- مايمرج خوف خوف
هذا متني خويه وينك هذا متني
المتني سياط اميه المتني
عيني دارت للنجف ---- من رحت كلبي رجف
..............
خويه ياخويه ابغــــيابك ---- دارت اعلــينه السنين
بس غمض جفنك توالت ---- خويه دمــعات وانين
ردت اسولف خويه واشكي ---- واذكر ايـــام الحنين
من تجيني وتغــفه يــمي---- روحك وروح الحسين
مو بعيـــــده خويه عنك مو بعيـــــده
خدري اريده --- هذا وعدك خدري اريده
جرحي بغيابك هتف ---- من رحت كلبي رجف
...................
صعبه ياخويه الليالي ---- من تـــمر ابلا اهل
طحيتك خويه جبيره ---- ياهو الي غيرك امل
خويه مشونه سبايا --- بيــنه لا واحــــد ســـال
هذا خويه الما احمله ---- عفيه كلبي اشكد حمل
وينه حيدر كمت اصيحن وينه حيدر
دمعي كبر خل يجيني دمعي كبر
لوني ابلون السعف ----- من رحت كلبي رجف
................
بينــي وبـــــين اليتامه ---- قصــه ترويهه المــحن
بيدي اسكت هاي تكعد ---- تبجي تســئل علوطن
ولو نزل دمعي اعله خدي ---- كــعدن وياي وبجن
اشلون اصبر دموع عيني ---- وهنه لمصابك جرن
وينه عمنه هايزينب وينه عمنه
موتعبنه السفره طالت موتعبنه
وانه اسكت للاسف ----- من رحت كلبي رجف
.................
هذا ياخويه بغــــيابك ---- حالي ونطيــــني العذر
من مشيت انه وتركتك ---- عاري مرمي بلا ستر
ما بقيت اكبال جسمك ---- خويه خــفت اعله الخدر
خاف ينمس ونته نايم ---- وادري كلــــبك يعتصر
هذا حالي من عفتني هذا حالي
والجرالي في غيابك والجرالي
الموت كدامي زحف ------ من رحت كلبي رجف
خادم اهل البيت خالد العلمي
( 2 )
الولده:
منهاج محرم الحرام ١٤٤٠ هجري
ليلة سيدي ومولاي أبي الفضل العباس عليه السلام
قصيدة (( نزلة ))
صگّار الزلم عباس صال وجال بالحومه
…………………………………………………………………………………………
من نزل للحومه طاعون الحرب
كلهه گالت راح يگلبهه گلب
شمرة الكرار حيدر من يطب
بالمعارك ماكو شي عنده صعب
راعي الغيره والنوماس كلها تعرف علومه
…………………………………………………………………………………
شالهه وبچفوفه رفّت رايته
هذا كفّال العقيله بغيرته
كلهه شردت منهو يدخل حومته
والبعض من عدهه طاح ابخزرته
يضرب گام راس براس ليث ويرهب هجومه
…………………………………………………………………………………
حشمته زينب وگلهه اتدللي
آنه عد عيناچ يا زينة علي
من تسمّيني إخوي وكافلي
والله يكفيني فخر بيهه أعتلي
أمير الخوّه والإحساس هيبه مرجّف خصومه
…………………………………………………………………………………
والله من طب حومته ورف بالعلم
هيچ گام يحودهم حود الغنم
عيونه بالميدان تتجادح حمم
سور أصبح على الخدّر والخيم
تخمد لو حچه الأنفاس يوم الطف صدگ يومه
…………………………………………………………………………………
والنعم من گمر هاشم ما جفل
سيفه ملك الموت بالحومه نزل
صدگ هذا الفحل من ذاك الفحل
هلا بالعباس ابن خير العمل
وبدرب الضعن نبراس وعيال الولي نجومه
…………………………………………………………………………………
يفرح الميدان لو طب الگمر
دخلت إنذار العده بخوف وحذر
ليث يتخيّر الصيده ابلا مفر
فارس ومهيوب وحزام الظهر
تشهدله جميع الناس خلّه إعداه مندومه
…………………………………………………………………………………
سوّه أبو النوماس كل الما يصير
قدّم الإعجاز والعاداه يحير
جيوش أميه تراجفت أول وأخير
يصيح بيهم لا مفر من المصير
عالي الزود من الساس لوحة نصر مرسومه
…………………………………………………………………………………
خادم الإمام الحسين عليه السلام
عمار هليل الواسطي
محرم الحرام ١٤٤٠ هجري
ــــــــــــ◐◐◐◐◐◐◐◐◐ــــــــــــــــ
منهاج محرم الحرام ١٤٤٠ هجري
ليلة سيدي ومولاي أبي الفضل العباس عليه السلام
يا زينب يا فرحة عيني
خادم مو كافل سمّيني
يا هيبة ويا رفعة راس...
خدامچ وانـــه العـباس...
…………………………………………
وحق اربات أبونه وكلمةْ الخوّه
ودُرْ أم البنين ونبع المروّه
إذا مال الحِمل تلگيني الچ تچوه
بطبعي النخوه ما أحتاج للنخوه
كل سنيني العمرچ فدوه
هنيالي بهالخوّه الحلوه
أُوفيچ لآخر أنفاس ...
خدّامچ وانـــه العـباس...
…………………………………
طلعنه امن المدينه وكل نبض بيّه
بوصيةْ والدي وصوته ومعانيّه
يشد حيلي امن أشوف الكربله النيّه
وأدگ صدري وأگولن إختي محمّيه
تعمه عيون التغفل عنّچ
يا بنت الوالي وعد ظنّچ
نبضاتي الخدرچ حرّاس ...
خدّامچ وانـــه العـباس...
……………………………………………………
تراهه أم البنين هواي وصّتني
شالت إيدهه ودگّت على متني
مو طلبت طلب لا والله أُمرتني
العقيله بذمتك گالت وودعتني
گلتلهه ومن شدّت حيلي
يا يمّه أتوفق إدعيلي
أحمي الخدّر والنوماس ...
خدّامچ وانـــه العـباس...
……………………………………………
كل ضعن الكرامه بكربله حاضر
شاهد چلمتي والعهد بالعاشر
يزينب فدوه عمري لدمعتچ باچر
فداچ العمر والچفين والناظر
كل واحد بيكم يأمرني
بس الموت الي يأخّرني
يا عفه وطيبه وإحساس ...
خدّامچ وانـــه العـباس...
……………………………………………
ميدان الوغى وزمرة بني سفيان
متهمني وأنا المعروف بالميدان
أنا ابن الماكو مثله بنخبةْ الفرسان
يماي العين لَيهمّــونچ العدوان
أگلبهه الحومه اعله العسكر
أندب من تشتد يا حيدر
آنه إبن الليث الفرّاس ...
خدّامچ وانـــه العـباس...
…………………………………………
باچر معركه ورب العرش يشفع
أدوار الزلم بالحومه تتوزع
فده لمولاي أبو السجاد من أفزع
فده الخدرچ يخيتي الروح خل تطلع
يا عِز المطلب والغايه
ما دام ترف بيدي الرايه
ما يطلع صوت الأرجاس ...
خدّامچ وانـــه العـباس...
……………………………………………
الخيم يختي الخيم حارسهه بعيوني
ومنّي لو بدر تقصير عذروني
أعز منكم أبد ما عندي تدروني
اعله راحتكم إجيت بهاي خيعوني
لو نتفارگ يا ضي عيني
لا تبچين إمن تذكريني
باچر تشهد كل الناس ...
خدّامچ وانـــه العـباس...
……………………………………
خادم الإمام الحسين عليه السلام
عمار هليل الواسطي
محرم الحرام / ١٤٤٠ هجري
ــــــــــــ◐◐◐◐◐◐◐◐◐ــــــــــــــــ
الى قمر بني هاشم ......
ريح صــرصر كبــريائك .. يا بو فاضل
ســيل طوفــان بنـدائك .. يا بو فاضل
رتلـــت آيــــة وفــــه شمرة ايدك عاصفه
*
اليوم برض الغاضرية طغى جف الباطل
ناس متـريد الحقيقة وهـــذا طــبع الجـاهل
الله ذاكر في كـتابه عــن قـصـاص الـقـاتل
شنزّل بحق آل امـــيه دز عــذابه الــكـافـل
مــطـر سجـيل بحملتك .. يا بو فاضل
تشوف زلزال بخزرتك.. يا بو فاضل
والتـگــصده تـرجــفـه شمرة ايدك عاصفه
*
هذا جم فرعون بالطف وانت يا موسى الكليم
خلي عــــزمك يبتلعهم مثل ثعـــــبانٌ عظــيم
يله سل سيفـك عليهم خـــل يشوفــون الجحيم
آية اللـه بچفه چــانت والصــراط المـــستقيم
برزخك لمـن ذهلهم .. يا بو فاضل
تيهوا بالطـف دربهم .. يا بو فاضل
تمــتلك اجمــل صـفه شمرة ايدك عاصفه
*
من كهف آل النبوة صدر صوت المرجلة
مدري زينب بالمخيم مدري هذي البسملة
يا بو فاضــل أتلو فيهم أيــةً فــي الزلـزلة
خلي مــن هيبة يقينك تنصــعق كــل المـله
انت عـنوان الغـيارى .. يا بو فاضل
من يشوفونك سكارى .. يا بو فاضل
السيف بيـهم مكـتفه شمرة ايدك عاصفه
*
ها يلقمان بحكمـتك وانت خـير العـارفين
ما اظــن تقبلها يدنـه رجس لخيام الحسين
مزق بچفك شركهم هـا يبن لـيث العـرين
من تشد حيلك عليهـم انتـخي بــ أم البنين
قالع الـــباب اعتناهـــم .. يا بو فاضل
چم عمر بالطف لكاهم .. يا بو فاضل
والــشرد لا مـــا لــفه شــمرة ايدك عاصفه
*
الدنيا تتــأمـل عطائك يله رويـــها الحـياة
إِنا اعطـــيناك نهـراً اسمهُ نهـــر الـفـرات
تكفي ذرة زمهريرك تبني عــنوان الابـاة
تكتب بشهقت حنينك كل مسار التضحيات
ما وصل واحد جنونك .. يا بو فاضل
تنطي لحسـينك عـيونك .. يا بو فاضل
خجلتــها العــاطــفة شمرة ايدك عاصفه
*
چني ذي القرنين اشوفك الله منطيك شتريد
يا مَلِك والطف دخلها كلها الك تسـجد عبيد
اهرق الگوم بنفختك هـا يبو الــبأس الشديد
وصيح كـلا آلــ امية وصـــيح كــلا يا يزيد
بيدك تحـول مسخهم .. يا بو فاضل
سيفك يصدر خسفهم .. يا بو فاضل
الــما يعجــبك تحذفه شمرة ايدك عاصفه
***
أَلَمْ نَشْرَحْ لَكَ صَدْرَكَ يا مـنار الاوفــياء
وَوَضَعْنَا عَنْكَ وِزْرَكَ اذ تضـحي بالـدماء
الَّذِي أَنْقَضَ ظَهْرَكَ ارض كــرب وبـلاء
وَرَفَعْـنَا لَكَ ذِكْـــرَكَ فـــي مـقـام الشهداء
فَإِذَا فَرَغْتَ فَانْصَبْ .. يا بو فاضل
وَإِلَى رَبِّـكَ فَـارْغَبْ .. يا بو فاضل
وجهـك يـشع معـرفه شمرة ايدك عاصفه
مهند المياحي
ــــــــــــ◐◐◐◐◐◐◐◐◐ــــــــــــــــ
نزله ..
الى ابو الفضل العباس ...
رتلـــت آيــــة مجد آيـــــة مجد رتلــت
قررت تـمحي الظلم تـمحي الظلم قررت
عباس .. يا كافـــلي عباس .. هـيبة علــي
*
نادتك ام الوفه .. يا بو الفضل .. رف رايتك
يم النهر .. صيح بعزم .. واكسر ظهر كل جاهلي
اني اعرفك يا بطل .. ما تنثني .. من غيرتك
شبل الاسد .. راعي الشددّ .. من هيبتك جنك علي
زلزلت ارض الشرك ارض الشرك زلزلت
قـررت تمحي الظلم تمحي الظلم قــررت
عباس .. يا كافلي عباس .. هيبة علي
*
وياك اجيت من الوطن .. وانت الامل .. هذا الظعن
بيك انتخه .. يا بو الكرم .. صوت اعتله من الخيم
گلها يختي بشيمتي .. عينچ رغد ..انزل غضب
بجيش الكفر .. وآنه السخي .. ابن الفحل وابن القيم
من صحت ديني المهم ديني المهم من صحت
قـــررت تمحي الـظلم تمحي الـظلم قـــررت
عباس .. يا كافلي عباس .. هيبة علي
*
بيده شايل رايته .. لمن سمع .. زينب نخت
راعي الفضل ..رف شاربه.. تجدح جمر عينه انتفض
راح اصول بغيرتي .. واقسم قسم .. اي والذي
رد الشمس ..من ضربتي..اخسف خسف هاي الارض
اذنت فرض الوفه فرض الوفه اذنت
قررت تمحي الظلم تمحي الظلم قررت
عباس .. يا كافلي عباس .. هيبة علي
*
صاحت الگوم برعب .. رد الفحل .. وتساءلت
تاه الفكر .. حيدر علي .. لو يا بطل صال وحمل
انخطف لون الزلم .. شافوا برق .. منهم يمر
كلمن لمس .. راسه وندب .. بس لا نزل بينه الاجل
موتت گلب الــزلم گلب الــزلم موتت
قررت تمحي الظلم تمحي الظلم قررت
عباس .. يا كافلي عباس .. هيبة علي
*
ظلمة صارت من برز .. ضاك الهوه .. بيهم صرخ
وين المفر .. يهل الغدر .. يم الحرم منهو اقترب
عمي ؟ اذا اسمع طفل .. من خوفته .. وينك صرخ
أله انتقم .. وبيمنتي .. مثل الغنم احصد ركب
حذرت والكل سمع والكل سمع حذرت
قررت تمحي الظلم تمحي الظلم قررت
عباس .. يا كافلي عباس .. هيبة علي
*
هوني يا نفسي الاخو .. ظل ينتظر .. من العطش
جبده انمرد .. وانه والوفي .. لازم ارد اروي الضمة
ذمة هاي برگبتي .. من حيدرة .. ضمني ذخر
لو ماروه .. گلب الولي .. شنهو العذر من فاطمة
عاهدت انطي العمر انطي العمر عاهدت
قررت تمحي الظلم تمحي الظلم قررت
عباس .. يا كافلي عباس .. هيبة علي
***
ينطر حسين الگمر .. ظهره انحنه .. گلبه انصدع
شاف السهم .. وسط الگلب .. صاح بألم راح الامل
زينب بحِرگت گلب .. من شافته .. يجري الدمع
وين الشهم .. گلها امتنع .. صوب الخيم منچ خجل
قصرت وارجو العذر وارجو العذر قصرت
قـــررت تمحي الـظلم تمحي الـظلم قـــررت
عباس .. يا كافلي عباس .. هيبة علي
مهند المياحي
ــــــــــــ◐◐◐◐◐◐◐◐◐ــــــــــــــــ
.
كلمات الشاعر الرادود
ميرزا علي ابوسما الديواني
بـحــر الاشمــوس ذبـلــت الـــروس
راس عـبــاس الـگـمــر يـتـﮔـاطـر ادمــوم
وعـالـرمــح راس تحيطـه حــراس
راس اخوي اللـي گـظـه مسلـوب الهدوم
ســوط يــضــرب بـيــهــم
ريـــت اصــل واحـمـيـهـم
بــالــعــبـــــا اغــطــيــهــم
ذولـــه اخـوتـــي ذولـــه اخـوتـــي
…………………………………………………………………
للـشـام مـن شـد الـضـعـن نــزلــت دمـعــتــي
يــاعــذاب الــراح اشــوفــن مـن سـفـــرتـــي
چـنـت مـهـيـوبـه وصـفـت تـدمـع ضحكــتـي
روس فــوﮒ ارمــاح اشــاهـــد يــاحـسرتـــي
روسـمـن هــاي تـمـشـي ويـــاي
عـاينـت لن ذولـه اخوتـي اللـي احبـهـم
مـردت احشـاي نـظـرة اعـــداي
هـا يـزيـنــب صـاحوا ويـوجـع ضربـهم
ســوط يـضـرب بـيــهــم
ريــت اصـل واحـمـيـهـم
بــالــعــبـــا اغــطــيــهــم
ذولــه اخـوتـــي ذولــه اخـوتـــي
……………………………………………………………
آه يـــــادرب الــســبـــي الــشــوغ دلــيــلــــي
روس اخوتـي الـتـجـري دم هـدتـلــي حـيلـي
روس مـن حــر الـشـمـس چـن تـشـتـكـيلـــي
اشـفـافـهـم من الـعـطـش يبـسـت يــويـــلــي
دمـعــي جــاري وبــالــبــراري
يحدي بضعوني الشـمـر وانـه اشبـديـه
تـغــلـي نـــاري يـــامــــراري
من اشوف الروس تـبـﭽـي ابدم عـلـيه
ســوط يـضـرب بـيــهــم
ريــت اصـل واحـمـيـهـم
بــالــعــبـــا اغــطــيــهــم
ذولــه اخـوتـــي ذولــه اخـوتـــي
…………………………………………………………
روس اخـوتـي الـتگـطــر ابـــدم ومـحــنـــــه
مـن يــضــربــــون الــحــــرم تــتــنـــوعــنـــه
ومـن يــشــوفــون الــشــمــــر يــتــگــربــنــه
نـســمـــع امـن الـــروس ونـــه ابــأثــر ونــــه
حـرمـه وحــدي ودمـعـي يـــدي
حگـي من ﮔـد مـاشـفـت هـلگـد مـصـايب
أيـــوعـــــدي حـزنــي يـبـدي
يـوم مـاشـوف الـضـعـن طـب لـلـخـرايب
ســوط يـضـرب بـيــهــم
ريــت اصـل واحـمـيـهـم
بــالــعــبـــا اغــطــيــهــم
ذولــه اخـوتـــي ذولــه اخـوتـــي
……………………………………………………………
رغــم مــاغـرﮔــانــه هــالـــروس ابــدمـــاهــه
روسـهــم مـثـل الــبــدور أيــشــع ضـــواهـــه
عـالـرمــاح ابــلايــه شــك ضَــوت سـمـــاهــه
تـشـكـي بــاچـــر هــالــعــذاب الــجـدي طـــه
جـــور الايـــــام وغـربـة الـشــام
آه يـادرب الـسـبــي روَعـــت الاطــفــــال
حــرﮒ الاخـيـام ونــوح الايـتـام
والاشـد ولـد اخـوتـي مچـتوفـه بـحـبـال
ســوط يـضـرب بـيــهــم
ريــت اصـل واحـمـيـهـم
بــالــعــبـــا اغــطــيــهــم
ذولــه اخـوتـــي ذولــه اخـوتـــي
…………………………………………………………
غـيـبــي عـنـهــم يـاشـمـــس شــلـﭻ عـلـيـهــم
سـومــروا مـن كـثــر مــاچــويــتــي بــيــهـــم
صـيـري غـيــمــه يـاشـمـــس فَـيــي عـلـيـهــم
كـــون هـســه آنــــه ابــدالــــﭻ واحـتــويـهــم
دمـعـه بـالـعـيـن تصب على حسين
امـفـطــره اشـفـــاف الــــورد أيـاعـذابـــــي
لاتـعــتــبـــيــن بـسـﭻ اونــيـــــن
خــاف يـتــأذه ابــوفــاضـل من عــتـابـــي
ســوط يـضـرب بـيــهــم
ريــت اصـل واحـمـيـهـم
بــالــعــبـــا اغــطــيــهــم
ذولــه اخـوتـــي ذولــه اخـوتـــي
كلمات الشاعر الرادود
علي ابوسما الديواني
.
ــــــــــــ◐◐◐◐◐◐◐◐◐ــــــــــــــــ
العباس ع.1440 هج
لسان حال ابا الفاضل عندما وقف الحسين امامه محني الظهر باكي العين
اعتذر بچيتك...تنحني خليتك
بلهفه لوداعي اجــيت
چف يحظنك مالگيت
تنحني خليتك.
++++++
بصوت ادركني اخي اعذرني جرحتك
طاح اخوي وچفك اصفگته سمعتك
امن المخيم للنهر وصلت دمعــتك
بصوت آه اسمعته صوت اختي الحزين
هدّمت يابــو الفضل ظــهر الحسين
اگبالي محني وفوگ خاصرتك لــدين
اعليه قبل دموعــك
طحت محني ضلوعك
انهض واوگع بقيــت
چف يحضنك مالگيت
تنحني خليتك
+++++++++
لا يصــير ابّالك وتعرفنــي انتــه
اتقبّل اچفوفي او بلل بيهن نظرته
بس وحگ الزهره شلته وما شربته
ابرودة الماي المستهه وگلبي نار
ردت اشربه والرضيع اگبالي صار
ذبّــل اعيــون الرباب الانتــــظار
عالدرب ادريها
جيتي اتّانيها
حيل من هاي استحيت
چــف يحضنك مالكيت
تنحني خليتك
++++++++
اشلون من طاح العلم زينب وضعها
آه مــن صاحت اخــو محد سمعها
اشكبره لغيابي نزل زينب دمعها
يابو الاكبر هم بچت زينب وراي
وتنظر بطوس اليتامه تريد ماي
واحد ايصبّر بالاخر عمنه جاي
خجلتي امن سكينه
گلها صابــو عيــنه
الهالسبب عنها بطيت
چف يحضنك مالگيت
تنحني خليتك
+++++++++
ويّه طيحت چفي الايسر عالوطــيه
يُمّه هــا عبــاس صاحتني الزچيه
العشره وي حسين خلصت هاي هيه
بيمن ايشد الظهره عگبك يميل
ياخو زينب ضلّت ابلايه كفيــل
ياهو ليردّه العله خيامك يعيل
من يسد امچانك
يحترگ صيوانك
ناحت الزهره وبچيت
چف يحضنك مالگيت
تنحني خليتك
++++++++
اسهام عن الجود بعيوني شگفتها
اتبده وي الماي كل حيلي بوكتها
ملت من الفرس لشماته سمعتها
بضحكه صاحو كلهم العباس طــاح
والهظمني ال بلعمود گبالي صاح
وين زنجرتك هــذاك الحيل راح
ضل وحيد احسينك
ونحرگ اصواوينك
امن القهر خويه هويت
چف يحضنك مالكيت
تنحني خليتك
+++++++
حيرة الماعنده اخو اعرفها حيره
ينولي اسها وحجر اعرف مصيره
وللحوافر ينفرش جسمه حصيره
اوداعت الله افراگنه ماحس طويل
نلتقي روس برماح اويــه الهزيل
اتميل لرماح اويه زينب من تميل
وترتوي الامك
من دمع خدامك
تنذكر يمّي اعتنيت
چف يحضنك مالگيت
تنحني خليتك
++++++++
ثائر الربيعي
ــــــــــــ◐◐◐◐◐◐◐◐◐ــــــــــــــــ
السيد علي الموسوي الكربلائي
يا كافلي يا خويه يا خويه
أحضر الي يا خويه يا خويه
........
استقبلت موتي وشار الي بجفه واقترب مني
ومن اجاني الموت لحالتي يبجي وگتله خلصني
دنيتي شتسوه
التاخذ الخوه
الدنيا اذتني
ما ضل ولي يا خويه يا خويه
.....
شگد دمع صبيت شگد عشت بالهم والزمن ضدي
آشفت من عمري بس أودع أحباب ولا أهل عندي
بت علي عجبه
ابقه بالغربه
صابره وحدي
غيرة علي يا خويه يا خويه
.....
بأخر أيامي حلمي اتمنه اخوتي يمي
ريت اودعهم ويمي انضرهم وينجلي همي
يالكفلتوني
ما تشوفوني
بعيني ضل حلمي
اندب هلي يا خويه يا خويه
.....
حسين يبن امي اتعنه هليله خويه انتضرك
يمك احملني بنعشي وادفني كون يم كبرك
لا تخليني
دمعتي بعيني
مو سهل هجرك
رد محملي يا خويه يا خويه
.....
ها يبو الغيره يا بو فاضل كوم خويه شيعني
بين أبو اليمه وبينك وصيتي بجفك ادفني
خويه رد شوفك
ورجع جفوفك
ولا تفاركني
دمعي يهلي يا خويه يا خويه
.....
السيد علي الموسوي الكربلائي
ــــــــــــ◐◐◐◐◐◐◐◐◐ــــــــــــــــ
### جروح الغاضريات
### ابورسول الدراجي
ياشاطي الغاضريات##على جرفك حسره واهات
وكع صاحب علم## نحشمه من الخيم
###
على جروفك شفت جف الفضل طاح
حجب عنه الشمس من كثر الرماح
احس صوت الحزن من كل كتر صاح
يازينب لأ تحشمين الكمر راح
اجمعي الزينبيات## اندبن عالفضل مات
بعد يرجع حلم## نحشمه من الخيم#
####
الحزن يكثر على الكافل والونين
راح الكمر مني وراح الحسين
بعد شلي بحياتي وشفت بالعين
تسيل ادموم يالليوث الميادين
كظيت العمر لوعات## جروحي تزيد لجمات
احس بيتي انهدم## وكع راعي العلم#
####
احس بالحزن يالشاطي ايتفرع
من كاس الهظم روحي اتجرع
على المكطوع جفه العين تدمع
بسيوف العده جسمه ايتبضع
تصدعيون شمات## عمود الفطرهامات
يشب بيه الهظم## مثل نارالخيم#
####
وكعت على الشريعه وعينك اتنام
ماترجع بعد خويه للخيام
عمود البين خويه الفاطر الهام
تناشد عالكفلني اليوم الايتام
اهل ادموم دمعات# بعد بجروحي لوعات
علي فزعت زلم## وناشد عالعلم
####
ياشاطي وهل هظم شيب لي الراس
اخذ دهري وزماني مني عباس
اناشد عالعلم والدرع والطاس
وين الي ابهجمت الناس
تمر الليالي صعبات## اكظيهه ابمناحات،
ياراعيههالشيم## فخر كل الامم
#
#####
ابورسول الدراجي
ــــــــــــ◐◐◐◐◐◐◐◐◐ــــــــــــــــ
سبع الكنطره القصيده
ياسبع الكنطره ويارفعه للراس
شفت يم النهرجفك ياعباسءءءءءءءء
ءءءءءؤءءءءءؤؤؤؤؤؤ
شفت جفك ياخويه ولاحت ازنود
يعالي الشان مووكتج يااللحود
بعدوين الدهروالجافل يعود
عمودالبين خويه الفاطرالراسءء
احشم بيك خويه ابهجمت الخيل
من اختك غريبهه ودمعتي تسيل
ترظه انت على اختك عايل يعيل
تهدالهه ابفزع ومفرع الراسءءءءءءؤ
اصيح اتعود خويه اترفرف اللواك
اعرفن بيك لواختك التنخاك
لجن عباس كاس الموت ساكاك
تدليني الدرب ياصاحب اللباسءءءءء
اطلعلك سهم صايب الك العين
تكدرتنتهض ليهه الميادين
احشم بيك لمن طاح الحسين
وصل حده الصبر موتاه القياسءءء
ياجافل هل ظعن وشلون مسراه
اذامال الحمل منهواالذي انخاه
يحظركمرهاشم رافع اللواه
واليتهم علينه واليت ارجاسءءءء
اشوفن جربتك بيهه سهم لاح
اصيحن وين جفك يالولي طاح
طعنات السيوف وطعن الرماح
من جسمك ياخويه امكطعه انفاسءء
شفتك عالنهرومرادف ادموعي
وسحكت خيلهم سحكت على اظلوعي
هدمني الدليل وماهده روعي
مصيبتكم ياخويه تشيب الراسءءءء
اصدن للخيم من شبت بنار
واشوف الكوم خويه ابطلبت الثار
لاهابوحرم لاهابوزغار
بحوافرخيلهم الزغارتنداسءءءء
اشم ريحت عليوالعين دم تدمع
اشوفن ياذبيح انشوف يامصرع
وانته على الفرات وجسمك اموزع
انشدك عالدرع عباس والطاسءءءء سبع الكنطره القصيده
ياسبع الكنطره ويارفعه للراس
شفت يم النهرجفك ياعباسءءءءءءءء
ءءءءءؤءءءءءؤؤؤؤؤؤ
شفت جفك ياخويه ولاحت ازنود
يعالي الشان مووكتج يااللحود
بعدوين الدهروالجافل يعود
عمودالبين خويه الفاطرالراسءء
احشم بيك خويه ابهجمت الخيل
من اختك غريبهه ودمعتي تسيل
ترظه انت على اختك عايل يعيل
تهدالهه ابفزع ومفرع الراسءءءءءءؤ
اصيح اتعود خويه اترفرف اللواك
اعرفن بيك لواختك التنخاك
لجن عباس كاس الموت ساكاك
تدليني الدرب ياصاحب اللباسءءءءء
اطلعلك سهم صايب الك العين
تكدرتنتهض ليهه الميادين
احشم بيك لمن طاح الحسين
وصل حده الصبر موتاه القياسءءء
ياجافل هل ظعن وشلون مسراه
اذامال الحمل منهواالذي انخاه
يحظركمرهاشم رافع اللواه
واليتهم علينه واليت ارجاسءءءء
اشوفن جربتك بيهه سهم لاح
اصيحن وين جفك يالولي طاح
طعنات السيوف وطعن الرماح
من جسمك ياخويه امكطعه انفاسءء
شفتك عالنهرومرادف ادموعي
وسحكت خيلهم سحكت على اظلوعي
هدمني الدليل وماهده روعي
مصيبتكم ياخويه تشيب الراسءءءء
اصدن للخيم من شبت بنار
واشوف الكوم خويه ابطلبت الثار
لاهابوحرم لاهابوزغار
بحوافرخيلهم الزغارتنداسءءءء
اشم ريحت عليوالعين دم تدمع
اشوفن ياذبيح انشوف يامصرع
وانته على الفرات وجسمك اموزع
انشدك عالدرع عباس والطاسءءءء
ــــــــــــ◐◐◐◐◐◐◐◐◐ــــــــــــــــ
جرحي ينزف بس الم## ساكنه روحي الطفوف
ناري من نارالخيم## يالي مگطوع الجفوف
##########
حايره ودمع الاخوه## نزل من دم يالكفيل
عيني لطفوفك اصدهه## من بديت انه الرحيل
غربتي وهم الليالي## والدرب يتعب طويل
يالنمت وعلى الشريعه## هادم الليوم الدلليل
وحدي بين اهل الظلم## ابكربلاء عيني اشتشوف
ناري من نار الخيم## يالي مﮔطوع الجفوف
###########
صوره الك وبذكرياتي## ساكنه وسط العيون
من ترف الواك جفك## صاحب الگلب الحنون
اليوم بجفوفي اشاگف## سوطهم هد المتون
اه ياعباس ويسرنه## ساگي والزينب منون
راحت اصحاب الشيم## مالي گلبي اشكثر خوف
ناري من نار الخيم## يالي مگطوع الجفوف
#############
صرخت ايتام وارامل## والدرب ذاك الطويل
وانه اباري الهل يتامى## من بعدعين الكفيل
انخه من بعدك كفيلي## لوحمل خويه يميل
اشتاگت الروح وذكرتك## والدمع من دم يسيل
حيلي عباس انهدم## خيلهم هجمت اللوف
ناري من نارالخيم## يالي مگطوع الجفوف
$##########
كل جرح وبگلبي ينزف## ياخوه زينب تدري الم
ونار وسط اظلوعي شبت## مثل نارج يالخيم
انا وبروحي سكنته## طفك ودهري حكم
وين اشوفك واشكي حالي## اه ياشيال العلم
اه يراعيهه الشيم## سهم عينك واشتشوف
ناري من نار الخيم## يالي مگطوع الجفوف
#########
دمعتي بعدك اكتهه## والجرح ماظن يهيد
خويه درب الشام يتعب## يالولي وكلش بعيد
خويه اشوف الكون اظلم## والارض گامت تميد
وانه والطفله رقيه## مجتفات وبالحديد
حيلي بالسوط انهدم## اهناه يابوگلب العطوف
ناري من نارالخيم## يالي مگطوع الجفوف
##############
ابورسول الدراجي
ــــــــــــ◐◐◐◐◐◐◐◐◐ــــــــــــــــ
قصيدة ( رفرف رايتك )
يا خوية عباس .. گوم رفرف رايتك
يا خوية عباس .. ونتخـيت بغــيرتك
ها يبن حامي الحمية زلزل ارض الغاضرية
*
انت عنوان المراجل والغيارى
كلبي لو نـاداك انت تطفي ناره
اني اريد اسمع عـلي رد بفقاره
كــون اليشوفك يتيه كل مـساره
ها يضنوت حيدر عالعســاكر أزئر
تدنه يم خــــيامك وسفه وآنه تحير
جن قالع الباب .. خلي يشوفونك علي
جن قالع الباب .. عـيد صولات الولي
تركع لجدمـــك اميه زلزل ارض الغاضريه
*
يا كفيل الحره وانت الادرى بالحال
كـون يم ســيفك تذل وتركع ابــطال
ما اريد البسمه تهجر هــاي الاطفال
خويه يم جفـوفنه مـا تدنه الاحـــبال
انت يا نبراسنه تفتهم احساسنه
بيك يابو الغيره ولله رفعت راسنه
يالغيرتك نار .. راح اشدن معصبي
يالغيرتك نار .. لا تــرجـــع مطلبي
اعرف بروحك وفيه زلزل ارض الغاضرية
*
ماي مـا ريدن يخــويه اخــطف انفاس
خويه من هيبت حسامك ترجف الناس
كون ياهو الي اشــــوفه لازم الــراس
واحد لواحـد يحـــشم جــــانه عـــباس
يا عظيم بزودك منهو يدنه حدودك
تاخذ انت ارواهم كلـفلك معـــبودك
وبجفك يصير .. أجل هاي الظالمة
وبجفك يصير .. باب نار الحاطمه
تنزل عليـــــهم مــنية زلزل ارض الغاضرية
*
يا امل روحي وحياتي ونور العيون
هـــاي زينب لا تخلـــيهم يكــولــون
لا تخلي اســياطهم توصــــل للمتون
ونت الايـــتام تجــــرح لــــو يونون
يا علي ابيثارك شاهدات اخبارك
منهو يوصل زينب من تسل بتارك
اني ادري وياك .. مــــا يصل يمي الخطر
اني ادري وياك .. لو رحت ظهري انكسر
خويه احلفك بالزجيه زلزل ارض الغاضريه
***
لحظه من تغيب عني تـــزيد الجــــروح
كلبي يرتــــاح بوجــــــودك تبعد يــنوح
لا تهاجـــرني وتخـلي دمعــي مســــفوح
الموت ارحم كون اشوفك خويه مطروح
يا امـــل دنيايه انت منطي احجايه
واني انخه وادعي ما تطيح الــراية
يمخوف الموت .. ها يسبع الكنطرة
يمخوف الموت .. سوي بيهم مجزره
ذل جيوش الناصبية زلزل ارض الغاضرية
مهند المياحي
ــــــــــــ◐◐◐◐◐◐◐◐◐ــــــــــــــــ
يعباس وين العهد لسكينه منطيها وعد
وينك يوالينه
محد يحامينه
راح وبــرز شبل الاسد واتعـنه للحومه
واسكينه تنظر عن بعد والروح مالومه
عباس خافن مايجي تشعــر ومهمـومه
وياهه بالخيمه تون زينب المظلــومـــه
بالخيمه ظلينه
محـد يحامينه
للمشرعه لمن وصل بسم الوصي كبــر
محد وصل يم النهــر واتطشر العسكــر
عباس شايل رايـتـه عــبــاس المشكــر
فوگ النهر لمن بــرز ذكـرهـم بحـيــدر
والرايه بيمينه
محــد يحامينه
فوگ النهر كاتب عهد للنهــر وجــروفـه
محد يمنعه من النهـر والغايه معــروفــه
شايل السيف ورايـتــه والعسكــر يشوفه
خله الجثث فوگ الجثث والشاهد چفوفه
ياعمي تدرينه
محــد يحامينه
رغم العــدد فوگ النهـر ماهاب حراسه
تنضح الغيره بجبهته يتفايض احساسه
عباس ياشمرت علي والغـيـره مقياسه
والمثل عباس الشهم كل غيرته براسه
بالطف تخلينه
محد يحامينـه
لمن رجع صوب الخيم والجود بيمينــه
ماگدر يرجع للاسف صاب السهم عينه
واعله الارض لمن وگع وبلايه چـفـينه
ظل ينظر الصوب الخيم ويعاين اسكينه
ياهو اليرد بينه
محد يحاميـنــه
الشاعر السيد رياض الرسل الجابري
ــــــــــــ◐◐◐◐◐◐◐◐◐ــــــــــــــــ
ليله اتصيح يبني الاكـبـر
شلون اطيح وسط العسكر
صاحت ليله وتشب بگلبها الــنــار
وينك يبني وينك والفكر محــتــــار
حاچيني يالاكبر گلي شنهي الصار
بيه الدنيه گامت يــالــولــد تــنـدار
تريد اتگوم بس ماتگدر
شلون اطيح وسط العسكر
گلبي اعليك خايف يابـعــد عـيـــني
وشنـهي الحال بينك يمه مابــيــني
تـــدري انته ييمه وزيــن تــدريني
زهره انته بحياتي وشمعة اسنيني
يبني اعليك گلبي اتحير
شلون اطيح وسط العسكر
جاب حسين ابنها الخيمة العـيـله
مذبوح وتشوفه تنادي يــاويــلـه
گعدت يمه گعدت حتى تشكـيـلـــه
شتسولف بعد مابقت أي حــيــلـه
وهيه تشوف بدمه امعفر
شلون اطيح وسط العسكر
تبچي اعله الولد ليله وتهل دمعـــــه
نبعه الولد راح اشمحله هـالنبــعــــه
وزينب يمها زينب گعــدت وتنـعــــه
بعد متشوف طوله وصوته متسمعه
جابه حسين جسمه اموذر
شلون اطيح وسط العسكر
مثل الاكبر اشچم شاب ودعــنــاه
من اجل العقيده بشرف وادفــنـاه
هالليله بشباب الاكبـر اعـرفــنــاه
وهذا الحشد هــذا والگلب ذكــراه
لجل حسين ضحو منحر
شلون اطيح وسط العسكر
چم شاب بوطنــه ضحـــو و دونه
كل الناس والعالــم يعــرفــونـــــه
اهل الحشد احنــه وتاج يدرونـــه
منعوف الحسين وخل يفجــرونـه
كلنه انصيح ما تاخر
شلون اطيح وسط العسكر
الشاعر السيد رياض الرسل الجابري
ــــــــــــ◐◐◐◐◐◐◐◐◐ــــــــــــــــ
زينب والعباس ع
بيني وبينك . نار اضماك ونار احشاي
بيني وبينك . حرك اخيام وشاطي الماي
بيني وبينك . اتقاسم دمعة عيناي
. . . . . . . . . . . . . . . .
مرجله وغيره . تنزف اجروحك
وانته أرقى احساس . تمتلك روحك
عالشاطي واسمعلك همس يا زينب اعذريني
وجن سهم عينك اجاني بحركه طفه عيني
يم الشاطي . يا عباس وياك الروح
يم الشاطي . دلالي وجفك مطروح
يم الشاطي . تتلاهب جمرات اضماي
. . . . . . . . . . . . . . . . . .
بالضمه نارك . وبالخيم ناري
وبالعمد صابوك . ياعمد داري
منك هوه جف وعلم بيتي انهدم عليه
حشمت انهض أخذ لأيدك جفوف اديه
شيل الرايه . عوف الجود ومايه هناك
شيل الرايه . من اترف اتذل اعداك
شيل الرايه . افرح خويه امن اسمع جاي
. . . . . . . . . . . . . . . . . .
عالدرب عيني . مناطره الجيه
وصدى احزاني يكول . عكبه مسبيه
اتنطرك خويه والي نزل وحي المصيبه
ايكلي ايسي من الكمر يا زينب الغريبه
صار اكبالي . جف وجود وعين وهام
صار اكبالي . درب الكوفه ودرب الشام
صار اكبالي . هم الماضي وحزني الجاي
. . . . . . . . . . . . . . . . . .
تحيرت بامري . ولايجه روحي
ضمد اجروحك . واترك اجروحي
اتعنه للشاطي نِفَس شهكه ابأمل منيتي
وابقه بخيامي جسد والخدري حامي صيتي
يمك روحي . وجسد ابوسط اخيامي بكيت
يمك روحي . اوياك اتبادلها تمنيت
يمك روحي . واحساسي وكلبي اويه دامي
. . . . . . . . . . . . . . . . .
عالنهر دورك . تنذبح ضامي
ويبتدي دوري . امن اجمع ايتامي
ياخويه عنك لو سأل واحد شنو جوابي
وتبتدي ابسوط الشمر قصة الم عذابي
بين اخيامي . اتنقل واطفي الجمرات
بين اخيامي . تتواله اعليه الحسبات
بين اخيامي . واتشاكف ظربات اعداي
. . . . . . .. . . . . . . .
خادم أهل البيت عليهم السلام
عمار العيساوي الكربلائي
ــــــــــــ◐◐◐◐◐◐◐◐◐ــــــــــــــــ
عباس هذا يومه
معروفه كل علومه
تشهدله هاي الحومه
بزوده عباس
شاف الفرات وصاح ابد ماعوفه
احنه الهواشم احنه احنه ضيوفه
عباس صال بصولته المعروفـــه
للماي جابه وضحه هــوه چفوفه
عباس هذا زوده
وبخوته المعهوده
محد يصل لحدوده
بزوده عباس
لمن دخل والجيش كله اتحير
وبسيفه خلاها الجثث تتطشر
يردم ردم واحتار كل العسكـر
والجيش كله يصيح هذا حيدر
والملحمه السواها
فوگ النهر يتباها
تل الجثث خلاها
بزوده عباس
غيرة علي لمن يطبها حامــل
للمشرعه بكل العزيمه يقاتــل
من حيدر الفقار بـيـده شايـل
ميت هلا وحياك يابــو فاضل
كل فارس اليصيده
ينطيه راسه بيده
بس ياخذ اليريده
بزوده عباس
من حيدر الكرار ماخـــــذ شمره
للخوه ضحه بكـل حياته وعمره
فوگ النهر ويصيح بسم الزهره
يتمنه من يــوگـع تجي وتحظره
والزهره لا متعوفه
تحظر تجي وتشوفه
تاخذ اثنين چفوفه
بزوده عباس
لمن وگع واتگطعـــت چـفــينــه
الحگني وينك صاح يابو اسكينه
لمن وصل لحسين شاهـد عـينه
شاف السهم نابت والله يعـيـنـــه
عالمشرعه ظل نايم
مارجع للفــواطــم
لحسين ضحه وخادم
بزوده عباس
الشاعر السيد رياض الرسل الجابري
ــــــــــــ◐◐◐◐◐◐◐◐◐ــــــــــــــــ
6☆ حايره اعيون النوارس --- والخيم مايمها حارس
شافهم بين الضمه او نار القهر -- شالته الغيره وفزع صوب النهر
وانه اعرف بالكفلهم فارس
----------------- ----------------- -------------------- ----------
1 - شالته الغيره اولزم جوده الحرس
وعد ابو الحمله ابو فاضل درس
حبه بالروح اوسط كلبي أنغرس
ودهري بفراكه احس بيه افترس
* ذابت اكباله الخواطر - والعطش نشف حناجر
كافل الخدر على اطفاله انقهر - شالته الغيره اوفزع صوب النهر
وانه اعرف بالكفلهم فارس ------------------------------------------------------------------
2 - يعرف النورس اذا شاف الجرف
ايكابل الماي اويظل جنحه يرف
كال أجيب العلكمي الخدرج زحف
بس اخزره ابعيني يم كلب الترف
* كافلي العباس اعرفه -- وللاطفال ابجوده وفه
وروحه يفديها او جفوفه والنظر - شالته الغيره وفزع صوب النهر
وانه اعرف بالكفلهم فارس
--------------------------------------------------------------------
3- من صحت خويه الدهر بيه اشعمل
ذبل اطفالي الضمه او وجهي ذبل
فزعت الغيره وابو فاضل حمل
وفرق اصفوف العساكر وارتجل
* ها انا العباس اخوها -- وتعرف اشوصاني ابوها
بروحي اخليها ولا ايهمني الخطر- شالته الغيره وفزع صوب النهر
وانه اعرف بالكفلهم فارس
--------------------------------------------------------------- ☆
4 - ظهظب اوبين على اعيونه الغضب
بيوم شاف ابوجهي اثار التعب
انتظر يرجع واكل عمري العتب
طول افراكه ابو الغيره اشعجب
* محد ايجاوب سؤالي -- الهل السفر كلولي تالي
سافر اوطول ابن فارس مضر - شالته الغيره وفزع صوب النهر
وانه اعرف بالكفلهم فارس
--------------------------------------------------------------------
5 - أسأل وعمه ابسؤالي الكل دره
ومن انوحن عالكمر حكي تره
أسأل او محد يكلي بالجره
حي اكولن لو وكع فوك الثره
* لحظه والغايب اجاني -- روه اطفالي أو رواني
وللنوارس رد اخوي امن السفر - شالته الغيره وفزع صوب النهر
وانه اعرف بالكفلهم فارس
--------------------------------------------------------------------
6 - ابغير ابو فاضل فلا يكفي الهوه
وعيني من دونه فلا تهوه الضوه
من شفت طوله احس كلبي ارتوه
او روحي وكليبي. تلكنه سوه
* فرفحت روحي ودليلي -- رحب ابجيت كفيلي
وكلبي جم ساعه على افراكه انتظر - شالته الغيره وفزع صوب النهر
وانه اعرف بالكفلهم فارس
--------------------------------------------------------------------
شاعر أهل البيت أبو أحمد المجراوي
قصيده الإمام العباس
07805007942
ــــــــــــ◐◐◐◐◐◐◐◐◐ــــــــــــــــ
29★ وحك زينب - اظل خادم ★★ اظل خادم - لبو اليمه
--------------------------------------------------------------------------
1) شلون ما اقره قصيده او امه تحظر مجلسه
وكلبي مجنون ابمحبته اويمه ياعالم رسه
واسمه مافارك خيالي وكلبي مالحظه نسه
قصته متفارك دليلي وتبقى هيه المدرسه
★ وحك عمري - بدمع يجري. ★اظل خادم - لبو اليمه
---------------------------------------------------------------------------
2) عاشت ابروحي البواجي وبيدي شايل رايته
روحي انذرها ابطريقه اوعمري كله ابخدمته
بيه سر امن الطفوله اوروحي تهوه امحبته
او ريت لاخر نفس. بيه ابقى خادم حضرته
★ يظل صوتي - لحد موتي ★ اظل خادم - لبو اليمه
---------------------------------------------------------------------------
3) اه يحسين اومصابه كبلي جم واحد قره
وكمت ارددها اواصيحن يمته يوصلني السره
امن الطفوله احساس عندي باجراصعد منبره
وصعد اقراله قصيده اوبيه يقبل حيدره
★ تهل عيني - الضوه اسنيني ★ وظل خادم - لبو اليمه
-------------------------------------------------------------------------
4) انه خادم للحسين اوهذا طبعي اوغيرتي
وعندي امنيتي الحسين الليله يقبل خدمتي
وادعو. يارب الجلاله ابجاهه حقق غايتي
حتى اوصل للحسين اويمه تهوه ارويحتي
★ اظل اقره - أنه ابكبره ★ اظل خادم - لبو اليمه
-------------------------------------------------------------------------
5) أنه من زغري حسيني او ابقى عاشك كربله
وعايش ابروحي الحسين اوناسه وصحابه اوهله
امنيتي ينطيني الاريده شما اطلبه او اساله
وكون باجر بالقيامه اسمي بيده ايسجله
★ انه اشتمه - امن امر يمه ★ اظل خادم - لبو اليمه
-------------------------------------------------------------------------
6) روحي عالخدمه يدنيه من زغرها امعلمه
تخدم حسين ابمصابه الخدمته املاك السمه
ادري من هاي البريه الشيعي بس اليفهمه
الهذا يادنيه اخدمه حتى تقبل. فاطمه
★ انه ابدمعه - نلت رفعه ★ اظل خادم - لبو اليمه
---------------------------------------------------------------------------
لخادم اهل البيت - ابو احمد المجراوي 07805007942
قصيدة الخدمه
ــــــــــــ◐◐◐◐◐◐◐◐◐ــــــــــــــــ
8☆ عمه ياعمه رقيه --- خيمه صارتلج اديه
اشكف بسوط الشمر --- ولجلج اسحك عالجمر
زغيره بعدج عالاذيه
--------------------------------------------------------------------
1 عمه ياعمه - دنيتي ظلمه - وخلتني اعاني
كافلي غايب - وطول اغيابه - شوما اجاني
لايضربونج - عمه بمتونج - وعرف زماني
بيه ما يرحم - والعطش والهم - بالطف رماني * * والله ياعمه مصيبه - ومن بعد عينه غريبه
ساعه اركض للخيم -- وساعه اشكف بالسهم
زغيره بعدج عالاذيه
-----------------------------------------
2) راح ابو الغيره - وماالي غيره - وخلاني وحدي
عمه بفراكه- دهري عذبني - ودمعي اعله خدي
الياكتر أركض - ياهي اطفيها - بيا خيمه ابدي
من يشوفونج -- - مايعوفونج- - لحظاني ردي
* * عندي من عمج وصيه -- - - كلنه نتجمع سويه
خلي نتشابك سوه --- - ومايمر حتى الهوه
زغيره بعدج عالاذيه
-------------------------------- 3 - ورده احساسج -- لايجرحونه -- ابهاي المسيه
شما يضربوني -- والله ماعوفج - ويدج بديه
يصرخ إحساسي - او روحي ونفاسي - اه يارقيه
يازمن كافي - ذبلت اشفافي - - يالغاضريه
* * أركض اوناري سريه - - وخيلهم تفتر عليه
لا تسحكج ونفجع - - يارقيه ابهل الوضع
زغيره بعدج عالاذيه
-----------------------------------------
4- فدوه الج روحي - وكلبي وعيوني - وسنيني كلها
والله بفراكج - - شلي بسنيني - اودنياي. أملها
أتعذبت روحج- - وبالغرب ذابت - - بفراك اهلها
كثرت اجروحج - وبالغرب يصعب - ياعمه اشلها
* * مااعوفج للمنيه ------ شما قست دنياي بيه
احترك مثل الشمع - وكلي اتحول دمع
زغيره بعدج عالاذيه
------------------------------------------
5- عمه كل شهكه - - عذبت روحج - - جرحة دليلي
وكلبج الضامي - وصرخة ايتامي - هدتلي حيلي
بالغرب تالي ---- ابغيبت الغالي ---- اصرخ يويلي
صعبه ياعمه -- ابلا ولي اوكافل - شيخلصه ليلي
* * اعدانه لا يسمع بجينه --- وعمه بسياطه يجينه
احنه مابين الغرب - وصعبه متنج ينضرب
زغيره بعدج عالاذيه
---------------------------------------------
لخادم اهل البيت ابو احمد المجراوي 07805007942
زينب تخاطب رقيه
ــــــــــــ◐◐◐◐◐◐◐◐◐ــــــــــــــــ
أتعنــه عـازم وبـجـفـه صارم
والكل تطيعه
بدر الهـواشم يروي الفواطـم
من الشريعـه
عـبر سوح المنايه بصولته وكـبــر
كفـو ونعـمـين منه وفـرق العـسكــر
گصد نهـر الفـرات الغـايه والمصدر
وصل للغـايـه وبـزوده شبل حـيـــدر
وبزوده مايه اصبحله غـايه
غايه ورفـيعه
والغايه كلها جــدد أمـلـهــا
من الشريـعه
لجل صبـر الفـواطـم گاصد أتعـنــــه
خـطـر سـوح النوايب والگرب فـنه
حـمـل راية قـسـيم الـنـار والجـنـــه
ترف فـوگ النهـر وتفـرقــوا عـنـه
والدنيه صارت بچفوفه دارت
كل الطبيعــه
توصل منعـهـا فـرق جـمعها
من الشريعه
دخل نهر الفرات وترس ماي الجود
طلع وتوكـل وشاف الـدرب مسـدود
يفكر بالحرم بس رايـــد الهه ايعـود
ماحس اله والراس انضرب عامـود
محله الشهاده وبـزوده نـاده
يهل الخـديعـه
الكل سمعـنـي محمد منعـني
من الشـريعـه
رسم لوحة مجـد لهل الوفه عـنــوان
على الشاطي وتخـلد وارتفعـله شان
وبقـت اعـدائه عاشت لوعة الخذلان
تجـر اذيـال خـيبـتـها بصدى الازمان
والدنيه سجلت عالشاطي ضلت
هاي الفجيعه
تـرسم تـفـانـي واخـذ المـعـاني
من الشريعـه
بقـه أيـديـر النظـر لسكينـه واطـفالـه
ولا حـاسب حـساب المــوقـف ابـالـه
يخـويه ادركـني نـاده وانـظـر الحاله
اجاه محـني الظهـر ودموعـه هـماله
و أدنـه يـمـه مـن صدره شمه
ابن الـوديعه
نزلت دمعته وطلعت صرخـته
من الشريعه
الشاعر السيد رياض الرسل الجابري
المصدر
موسسة منبريون على التلكرام
تعليقات
إرسال تعليق