كلمات قصيدة ثكيله جروحي مكتوبة محمد الحلفي
ثكيله جروحي صعب ياروحي تلاكيهم
نسيت عيوني ورى العافوني تباريهم
طش ضعنه وفترگنه وهاي هيه
هسه گام اليل يجاسر عليه
من بعدهم ريت تاخذني المنيه
ودعتهم والگلب ميت بديه
الحزن دگ بابي. بوداع احبابي. وحن ليهم
🎤🎤🎤🎤🎤🎤🎤
الله لاينطيك ضالم يازماني
شيبت روحي وخذت لهفت حناني
افراگ اهلي موتاني وعذباني
الدنيه وحشه والدمع تارس مكاني
ولا انساهم. كبر فركاهم. وحاجيهم
🎤🎤🎤🎤🎤🎤🎤🎤
حسين بويه فكر بنيتك عليله
انته رايح والبعد مابيه حيل
بداعت العباس وبخدر العقيله
بالله دليني ابدربكم وانه اجيله
اجي وبعيوني. واليحبوني ارد ليهم
🎤🎤🎤🎤🎤🎤🎤🎤
كلشي ماخليت عندي بس صوركم
ليلي طول وشوكت يطلع صبحكم
عمري خلص ماخلص بيه جرحكم
ادعي من الله يرد سالم شملكم
هلي بحساسي. وسوالف راسي اخليهم
🎤🎤🎤🎤🎤🎤🎤
اوداعكم خلاني اشك وبيه وجعه
چنكم ادگولون روحه بلايه رجعه
وچني اموتن من بعدكم مثل شمعه
صوتي تارس حزني بس ياهو اليسمعه
عليهم خوفي. بعد يچفوفي. تودعيهم
🎤🎤🎤🎤🎤🎤🎤🎤
هاي هيه ياهلي وشصبر وراكم
طاشه اسنيني نذر يمشي بگفاكم
سالمين بخير وبصحه عساكم
شيب بحسراته گلبي المانساكم
دمعتي بعيني. وحزن يرويني. يطيبين
الشاعر ❤️حسين البغدادي
الكاتب❤️ ملا سجاد
قصيدة ثجيلة جروحي مكتوبه
قصائد مكتوبة لفاطمة العليلة عليها السلام
قصيدة للعليلة
*********
روحي لاحباب الجفوني يا مراسيل الهـــــــــجر
مــــن بعــــــدهم ظيعــــوني واندفنت امن الزغر
وجــــــوهم مالت منية من مشوا للغاظرية
--------------------------------------------------
شكتب وانه اعله كلي بس جرح ينزف احاسيس ومشاعر
انتظر وايدي اعله خدي هم يجي يوم ويرد طير اليهاجر
وردة ذبلانة اتركوني وانكسر عودي وبعد مكسورة خاطر
بالمراسيل ابعث لكم كَلب متروس بحزن يعمي النواظر
كَلبي اشـــــــــدنه بكتابي وآنه محـــــــزونة نفس
ابقه مزروعة اعله بابي واكَعد ابحــر الشمس
ما كسر عالروح فيية من مشوا للغاظرية
-------------------------------------------------------
ياهلي بساعة سفركم روحي خذتوها ودفنتوا امنياتي
بوية احس الموت اجاني من جفيتوا ومن مشن عني خواتي
احــــلى ايام العـــــــــشتها راحت ولهنا احس وكَفت حياتي
منهد الله وياك بــــــوية مرورة الموت اشعر لهسه بلهاتي
روحي تبعتكم عليلة واغركَ بــجاري الدمع
انحب ابونة ثجــــــيلة وني بالطف ينــــــسمع
خلفوا نــــيران بية من مشوا للغاظرية
----------------------------------------------------
حتى ليلي انباكَ مني كَامت عيوني تحب سهر الليالي
ملت الحيطان وني من بعدكم حالي ظل يبچي اعله حالي
ذكرياتي وياك حلوة وياها اعيشن وابقه مسجونة خيالي
مات كل احساس بيه وعاشت احزاني بعد فكَدك يغالي
اعله الحياطين ارسملكم صور وانسولف سوة
انتــــبه واحلامي عـــــــنكم طارت ابعالي الهـــوة
فاركَوني وهاي هية من مشوا للغاظرية
------------------------------------------------------
ابعث عتاب واعاتب للجفوا عني ومشوا اهل المحنة
ماي وتبدة اعله رمضه هيچ طشرنه الدهر ياهو اليلمنة
ما ترد ذيچ الليالي چنة وين اوين هسة اليوم صرنة
نار مستعرة بدليلي ماتردلي ارجوك يالملكَاك جنة
لو نظر يعكَوب حزني ما يعد حزنه حزن
انه راحت كلها مــــــني هوة فاكَد بس ابن
لاخبر لا من وصية من مشوا للغاظرية
----------------------------------------------------
خِلّ اليـــــــفاركَ خلـــــــــيلة تيبس شفافة وفلا ترويها بسمة
هذا حالي اكتب الكم جرحي كل نسمه هوة منكم تلچمة
ماتطيب جروحي بوية كل اثر باقي الك اكَعد واشمة
يا عذاب الشافه كَلـــــبي شفت نجمات الظهر نجمة اعله نجمة
دهري ماهمه مصابي مدري يطلبـــــــني بـطلب
يســـــــــتلذ كَام بعذابي فوكَ ناري ايذب حطب
طالت الغـــــيبة علية من مـــــــــشوا للغاضرية
-----------------------------------------------------
صوتي من انشد يردلي والصدى يجرحني من ايردلي صوتي
اغفه ويفززني جرحي ويه كل شهكَة حزن اتمنه موتي
اذكر بمرسالي واكتب بوية من كتلي يجونچ يلّة فوتي
ابحرت عني السفينة لا رجع عمي ولا رجعولي خوتي
بعد ما يحـــمل دليلي كافي يا مرسالي روح
ابهالكلام ايبيد حيلي وانه اتنفــــــــــس جروح
كَلبي دوم ايحن لبية من مشــــــوا للغاضرية
*********
أسالكم الدعاء رائد الاسدي
قصيدة بحق فاطمة العليلة عن الامام الحسين عليهما السلام جديد محرم ١٤٤٢ هـ
يابناتــــــــــــي ..هاي اختچن من تكَلها ما تروح
يابناتــــــــــــي ..للسفر ماتكَدر وما بيها روح
السفر يصعب عليها ... ينكسر كَلبي ابچيها يابناتــــــــــــي -------------- يابناتــــــــــــي
------------------------------------------------
ليش جبتي هدوم بيدچ السفر مابــــيچ حـــــيلة
يا بناتي هاية اختــــــــچن الجدم كَوة تشـــــــــــيلة
كَلــــبي ما يطـــــيني اكَلها تكسر الخاطر عليلة
ياهي تنــــقل خبر عـــــني للحنينة بأي وسيلة
من تكَلها .. خل تظم دموعها لحد الرجوع
من تكَلها .. من يرد الظعن تحتاج الدموع
ياهي منچن تمشي ليها ينكسر كَلبي ابچيها
يابناتــــــــــــي -------------- يابناتــــــــــــي
_______________________
سكنة يا بوية الحنــينة فاطـــمة طلعت ورانه
تكَوم واطيح وتــــــنادي وحدي عفــــتوني انه
نور ابوي الچان ضاوي انطفة واظلم مچانه
ياسكيـــنة ردي لخــــــتچ هيجت كَلبي وحنانه
يا حنينة .. احچي وياها بلطف يم الحنان
يا حنينة .. يالخوات ابينچن طب الزمان
من البواچي سكتيها ينكسر كَلبي ابچيها
يابناتــــــــــــي -------------- يابناتــــــــــــي
____________________
يم كَلب مـــتروس رحمة بوية اسمعيني رقية
روحي يم اختچ حزينة نشفي دمعتها خطية
تحتـــركَ وتذوب شـــمعة زيدت حـــزني علــــــية
خاف اكَلها ما اردلــــــــــــچ بــــــــوية توفيها المنية
تعذريها .. من ترد للدار مكســــورة كَلب
تعذريها .. ما يرد هيهات لو سار الركب
انه وانتي ما نجيها ينكسر كَلبي ابچيها
يابناتــــــــــــي -------------- يابناتــــــــــــي
______________________
بوية يا فاطمة الكبرى فاطمة ظلت حزينة
ويالهوة تتمايل اختچ تومي بيديها علينة
شما اصـــد بوية تنادي ريض شوية الظعينة
يالخذت مني ونستي وحشة خليت المدينة
يا فواطم .. هذا اخير وداع بـــــوية اتوادعن
يا فواطم .. ما حسبت حساب تصعد بالظعن
بوية اختچ رجعيها ينكسر كَلبي ابچيها
يابناتــــــــــــي -------------- يابناتــــــــــــي
________________________
عاتكة بــــــوية ارد اكلفچ العلــــــــيلة روحي يمها
اتبدت اعله الكَاع دمعة من بعــــــــدنه من يلمها
چنها طير انكسر جنحه وحيدة لا انه ولا امها
روحي يبنـــيتي العزيزة خلي دمعـــــتها تظمها
لا تعاتب.. ينجرح كَلبي واحس دمعي انفظح
لا تعاتب .. ما شفه ويــــــطيب من كَلبه انجرح
بوية عني خبريها ينكسر كَلبي ابچيها
يابناتــــــــــــي -------------- يابناتــــــــــــي
_______________________
أسالكم الدعاء رائد الاسدي
تنادي طفله مألمه اشتاكت الكم فاطمة
طفلة بسيوف المحنه كل كتر صارت وصل
صفت بس دمعة على اهلها والفرح بيها انكتل
ياهلي تنادي بطيتوا يذبح افراك الاهل
كون اموت ابهل المسية شواية الله عل الاجل
من بعدكم ياهلي. راح اموتن ياهلي
تصيح والمدمع دمه. اشتاكت الكم فاطمة
اخذ ياطير الحمام الرايح الصوب اخوتي
شوكي والامي وحنيني وحزن كلبي ودمعتي
وذبهن اعله اجفوف اهلنه وخل يشرحن قصتي
ولو شفت ياطير ابوي ابخده ترسم شفتي
تبوسه وتشم شفته. بلكي يذكر طفلته
وصيح ياطير السمه. اشتاكت الكم فاطمة
كله يحسين العليلة ناحت عيون وجسد
صار لون اسود عمرها الجان من لون الورد
تعد بيامك تجيها والمنايه الهه تعد
كضت باجر بعد باجر يمته تذكرها وترد
شبعت اعليكم قهر. مكبعة بثوب السهر
لا تظنها نايمه. اشتاكت الكم فاطمة
كله ظل جف العليلة صافن اعلة الخد طبع
عالترب ترسم صوركم لجن يمسحها الدمع
كون هاليله تجيها اتشوفها بهذا الوضع
تتزف اجروحك عليها وجان كلبك ينشلع
تموت لو صار المسه. وردة وامست يابسه
تبجي عل خد لاطمة. اشتاكت الكم فاطمة
وياك سلملي اعله عمي كله تقبل شيمتك
تموت طفلتكم غريبة وكلها شوك الشوفتك
رد يبو الغيرة عليها ولم دمعها برايتك
مو كلت ارجع واجيبج عمي طالت غيبتك
وانت عباس واكلت. ليش عني اتاخرت
نزل بعيوني العمة. اشتاكت الكم فاطمة
وانزل عله اجتاف زينب وهمسلهه الي جره
وحشه كلها الدار عمه بلون حزنج صايره
كلها ياطير الحمام عليج سبع الكنطرة
ودي واحد للعليلة لاتظل امحيره
خل تشارك غربتج. تنخلط وي دمعتج
كلها فركتكم ظمه. اشتاكت الكم فاطمه
الشاعر الحسيني
عدي الحجامي الناصري
مؤسسة منبريون لنشر القصائد على التلكرام
فاطمة العليلة (ع) عمار هليل الواسطي
بيش أكابر ... كَلبي صابر ... من أباصر ... للضعن
بويه والمدمع أسيله ... آنه يا بويه العليله... بيش أكابر
************************************************
ساعات شكثر صعبه ... عليه إثكَال مــــــــــــن مرت
روحي اتريد وياكم ... يبويه وإلكـــــــــــــم انتظـــرت
كَتلك بويه خذني اوياك ... وتدري بمهجتي شصبرت
كل واحد صحت بسمه ... وحروف اسمي ما حضرت
دمعي يجري ... وينه صبري ... بويه تدري ... بحالتي
بيدي ما ظلت وسيله ... آنه يا بويه العليله... بيش أكابر
************************************************
ذكرت ارباك يا بويه ... وبيه شسوت الذكـــــــــره
صور وإنعادت إكَبالي ... وعبره تصبر بعبــــــــره
طوح بالضعن عمي ... وطوح بالكَلب صبــــــــره
جمرة حزني يا بويه ... ظنك تبرد الجمـــــــــــره
من مشيتوا ... ما دريتوا ... وشنسيتوا ... يالأهل
ينفجع كَلبي قليله ... آنه يا بويه العليله... بيش أكابر
************************************************
اعيوني أويا الضعن تمشي ... لحد ما غابت أثاره
لحظتهه الحزن هدني ... دليلي ما طفـــــــت ناره
يسباح الكَلب بعدك ... ظلت روحي محتــــــــاره
ليلي يمر عليّ حسبات ... ودمع يا والدي إنهاره
يحني ضلعي ... بويه دمعي ... وهذا وضعي ... بلا أهل
واليحب كَلبه دليله ... آنه يا بويه العليله... بيش أكابر
************************************************
عليله والدهر ضدني ... ودارت بالعكس دنيــــاي
أكابر بيش يا بويه ... منو منكم بقه ويـــــــــــاي
أصد للباب كل لحظه ... وأكَولن هذا أبويه الجاي
لا يمكن علي الأكبر ... يمكن عمي الوفـــــــــاي
واعدتني ... يالعفتني ... حيرتني ... بغيبتك
والحزن ماكو بمثيله ... آنه يا بويه العليله... بيش أكابر
************************************************
وداع سنيني يا ريته ... كَبل إموادعك لو حـــــــــــان
ولا صار بمهجتي الصار ... يريت الموت الي سلوان
يبويه المرض عذبني ... المثلي وبفكر حيـــــــــــران
وين اتروح يا بويه ... لا والد ولا اخـــــــــــــــــــوان
من حسرتي ... وبدمعتي ... كل فجعتي ... حايره
والحمل هيهات أشيله ... آنه يا بويه العليله... بيش أكابر
************************************************
مؤسسة منبريون لنشر القصائد على التلكرام
سافروا عني ونسوني ومااجوني.
وبين دمعاتي وحسرتي ضيعوني
اغله الاحباب. عني غياب.
مااجوني
حملوا ظعن المناية وتاريكيني
وآنه بعيون الدمع يبجي حنيني
كتله يابوية تجي لوما تجيني
كلبي لاجمني بسفركم تهمي عيني
شفته نزلت علوجن حمرة دمعته
والجواب اعرفته حالا من سكته
يعني ميعود كلبي ممرود
مااجوني
احجي وي الدار انوح وناري بيه
هنانه جان حسين يكعد وي رقيه
هنانه جنت اشتم ركبة ابن الزجية
والله لو اندل رحت للغاضرية
بين جدرانج يدار اسمع حسرتي
ومن مشوا عني الاحبهم وحشه صرتي
كولي يادار. كلبي شب نار
مااجوني
كولي يدار الاحبهم هم يجوني
واكعد وياهم واكولن مانسوني
شكد طويل الليل ويهيج شجوني
ياكلب يذبح حنين الفاركوني
مارجع منهم جواب ورد اليه
خاف ابوي اتمرضت عنده رقيه
شنهي الأسباب ماكو اجواب
مااجوني
تربي عيني اعله الدرب يوصل خبرهم
بلكي طارش جايني ايخبرني عنهم
جائز احبابي نسوني مااظنهم.
عمري راح اكضي اعيش انا ابأملهم
آنه عافوني وحيده وي الاماني
مااصدك يرجع ويصفه زماني
صارت احلام. ذيج الأيام
مااجوني
اه يادار الاحبهم وشبكالي
انه فاركت ابحياتي اغله غالي
بعد ماترجع ابد ذيج الليالي
ولايرد حسين ويشوف الجرالي
مايجيني يشوف دمعاتي الاكتها
ويسمع الونه الابد مافاركتها
الدنيا يحسين. بي صفت وين
مااجوني
يالعفتني وسافرت هايالعفتني
وبين جمرات المدامع ودعتني
غيرتني الفركه بعدك غيرتني
وبين مرضي وبين فركاك اتركتني
انه وي الدار اسولف واشكي حالي
خالي يادار الاحبهم ليش خالي
ياهوى الروح. كلبي مجروح
مااجوني
عندي وردة وجنت اساكيها بدمعتي
كلت من يرجع ابوي انطيه هديتي
تكبر الوردة واحس تكبر حسرتي
ليمت ايعود واقدمله وردتي
تكبر الوردة وامل وي روحي يطلع
حتى اقدمها لبوي بيوم يرجع
راحت ايام. وردت ايام
مااجوني
من اجه الناعي ونعى دمعاتي صبن
هدم اركاني واحس رجليه ماتن
طاحت الوردة من ادية وكل شي سكن
واظلم الكون واحس اعظامي بادن
يااهل ياثرب يصيح احسين ذبحوه
صحت لو ميت اريده اليوم جيبوه
بس احاجيه. واشبك اعليه
مااجوني
شاعر اهل البيت: حسين العبودي
مؤسسة منبريون لنشر القصائد على التلكرام
٣ محرم
بدارالمصيبه ظليت اعاني 00اهلي اتركوني لوليه زماني
انه العليله 00المدمع اهيله 00ظليت اعاني
انه العليله وحالتي0.0طفله وهــــــــــظم حالي البين
خلاني وحدي بلوعتي 00عودي ورحل عني حسين
لاامي يمي ولااخو00محتاره مابيـــــــــــــــن امرين
لوعه ومرض ياوالدي 00وبعدك خلص ماي العــين
وينك يبويه شوف الجـرالي - دارالمصيبه تنـوح اعله حــــــالي
انه العليله 0الدمع اهيله 0ظليت اعاني
وي الظعن روحي مشت 00يل فاركتــــــني بهمي
ظليت اعالج بالصبر00واهلي صــــــــــــفومويمي
لويمي واحد من هلي 00وعباس يحــــــــظر عمي
لوامشي وي ظعن النبي 00وبلطف يكـت هم دمي
دمي وي دمكم يجـرن سويه - نفدي العقيـده بالغاضريه
انه العليله0الدمع اهيله 0ظليت اعاني
ماغمض جفني ولاهجع 00يابويه ارحــم حالي
دمعي يواسي بمحنتي 00ودار الــــحزن تنعالي
تاليهه اموت بلاولي 00هاذه انه اظـــــن التالي
تمنيت اموت بطلعتك 00ولاوحـــــــدتي تبرالي
ردتك تجيني اتكفكف دموعي - محنيه والله لفكدك ظــــلوعي
انه العليله 0الدمع اهيله 0ظليت اعاني
حتئ الغرف كامت تون 00ظــلت تون الوني
وبيبان دارك يالابو00عنك تــــــــره تناشدني
لوماخذاهروش الكلب 00يحسين اخـذهن مني
خليني جثه بوحدتي 00ومحد يســـــائل عني
محديجيني وهل ظلمه داري 0 0لوناشدوني اشتنفع اعذاري
انه العليله 0الدمع اهيله 0 ظليت اعاني
يحسين للطف من رحت 00ماهزتــــــــك اشواكك
وكت المسه حنيت الي 00وتدري الذبحني افراكك
كلبي يسولف للجفن 00بسك نســـــــــــوك احبابك
مصابين صارن يالجفن 00طف كربـله ومصابك
بلغاضريه الـــتموسويه 0وانه العليله بــــدار المنيه
انه العليله 0الدمع اهيله 0ظليت اعاني
ياعمه زينب ياوضع 00عــفتيني وانتي الحره
برداني انشف دمعتي 00واندب صحت يالزهره
مذبوح ابوي اعله الثره 00والشـــمريكطع نحره
وعباس غافي اعله النهر00لايمــــــنته ولايسره
جودك يوالي طاح ويمينك 0وسهم الفجيعه هل طافي عينك
انه العليله 0 الدمع اهيله 0ظليت اعاني
خادم الحسين 0عدنان منعم الناصري
تعليقات
إرسال تعليق