كلمات قصيدة خايفات عمار الكناني مكتوبة كتابه
خايفات
عمار الكناني
خايفات ............. خايفات
نار وذبح ماشايفات
خايفات ............. خايفات
لباب الخيم ماطالعات
خايفات ............. خايفات
طول العمر ما راكضات
خايفات ............. خايفات
————————
غير حسين والعباس.....رقيه وجوه ماتعرف
غير حسين والعباس.....رقيه وجوه ماتعرف
ضميني يعمه تكول.....عمه حرملة يخوف
ضميني وراج تصيح.....عمه حرملة يخوف
الامس تسحكـ عليهم بالحرب شفتك
ويصيحون عفيه اليطكـ بته
خايفات....البس وي ابوهن حجايات
خايفات....وي الغرب ما ماشيات
خايفات....عين الجمر عالحافيات
——————————
خايفات ............. خايفات
نار وذبح ماشايفات
خايفات ............. خايفات
لباب الخيم ماطالعات
خايفات ............. خايفات
طول العمر ما راكضات
خايفات ............. خايفات
———————————
طلعنا وللخيم يحسين.....رجعنه لمن لاكونه
بيهن كامو يحركون.....ونطلع منهه منعونه
فوكانه الخيم ياخوي معلوكة
وادور هوى الرضعان مخنوكة
محروكة تطفي بثوب محروكة
خايفات....نيرانهن ماطافيات
خايفات....يدورن درب مالاكيات
خايفات....يشكن للاكبر رايحات
————————————
خايفات ............. خايفات
نار وذبح ماشايفات
خايفات ............. خايفات
لباب الخيم ماطالعات
خايفات ............. خايفات
طول العمر ما راكضات
خايفات ............. خايفات
—————————————
يجمعون البنات بسوط.....و يفرقهن الثاني
زجر لليستراح يصيح.....طكهن بعد شمتاني
حته إلزينبك بالضيم لمتهن
تجي الخيل ويتركن ايد عمتهن
وين جفوف عمجن هاي ساعتهن
خايفات....بكثر الجروح النازفات
خايفات....كلهن يزينب صايحات
خايفات....إمشينه ندور الضايعات
—————————————
خايفات ............. خايفات
نار وذبح ماشايفات
خايفات ............. خايفات
لباب الخيم ماطالعات
خايفات ............. خايفات
طول العمر ما راكضات
خايفات ............. خايفات
————————————
كل ما انوي أدور الضاع.....يركض حرملة يردني
انه الوحدي والنسوان.....كلها تصيح اريد ابني
هنا تبدي يخوية شدتي العظمه
احير امشي ادوره لو اسكت امه
تندله الحوافر وين ماضمه
خايفات....دور اعله زينب دايرات
خايفات....يتباچن ومتشابكات
خايفات....لاوين يرحن حايرات
—————————————
خايفات ............. خايفات
نار وذبح ماشايفات
خايفات ............. خايفات
لباب الخيم ماطالعات
خايفات ............. خايفات
طول العمر ما راكضات
خايفات ............. خايفات
—————————————
يجرحني الشمر لو كال.....زينب وين جيبوها
من اكله انته الذبحت حسين.....يكول ابسوط سكتوها
كبل لاذبحه اخوج حسين اذيته
يسمع كل بواجي اطفاله خليته
وشلت اتراب بيدي ابجرحه ذبيته
خايفات....يكلنه ضلن واكفات
خايفات....اتانن حسين حسين مات
خايفات....باجر هزيله راكبات
—————————————
خايفات ............. خايفات
نار وذبح ماشايفات
خايفات ............. خايفات
لباب الخيم ماطالعات
خايفات ............. خايفات
طول العمر ما راكضات
خايفات ............. خايفات
—————————
القصيدة : خايفات
اداء : الرادود الحسيني عمار الكناني
كلمات : الشاعر علي عويز الشويلي
الكاتب : علي
قصيدة عن لسان حال السيدة رقية (عليها السلام) تقول:
ااااه يبوي ما اجيت انته وشفتني ابحالي
ااااه يبوي اني انوح اعليك هااا يالغالي
بوية وفراك المنية
رحت انته من ادية
اااااه يبوي
ـــــــــــــــــــــــــــــــــــــــــــــــــــــ
ااه يبابة اشلونك ابهاي الرزية
صدك صدرك ماسلم بخيول ال امية
عمتي زينب هية من اتعاين علية
مجتفينه بوية ذوله الناصبية
والخيام. بوية من حركو علينه اخيامنه
والخيام. فرت ايتام وحرم من دخانه
والحرك واشتعل بية
رحت انته من ادية
ااااه يبوي
ـــــــــــــــــــــــــــــــــــــــــــــــــــــــ
وين بوية انته ابيا مكان
رحت من ايدي يبو كلب الحنان
احنه كل ايامنه قضينها احزان
عالهزلة يابوية صاعد قران
والسبي. بوية حيرة والزمان دوهني انته
والسبي. احنه من نبجي يبوي نبجي سكته
والحسين العالوطية
رحت انته من ادية
ااااه يبوي
ـــــــــــــــــــــــــــــــــــــــــــــــــــــــــــــــ
من البجي قضيت اني يحسين
اعليك بوية لازم اهمل هالعين
وعلى عمي ابوفاضل ابلاية جفين
فدة جفين لجل ضحه للدين
ياحسين. من بعدكم انته وابوفاصل عمي
ياحسين. قبل عباس ريته اني بعيوني سهمي
صدت الشامت علية
رحت انته من ادية
ااااه يبوي
ـــــــــــــــــــــــــــــــــــــــــــــــــــــــــــــــ
وعله عمتي زينب الحرة العقيلة
وسفة ركبت هية عالناكة الهزيلة
بوية سفرتنه احنه كلش طويلة
عمتي الخوانها المدمع تسيلة
ابهل الخراب. بوية احنه كعدونه ابنص الخرابة
ابهل الخراب اني جم صحت وينك يبابة
رحنه بيد الناصبية
رحت انته من ادية
اااااه يبوي
ــــــــــــــــــــــــــــــــــــــــــــــــــــــــــــــــــــــــ
بوية صعبة من كعدنه ابخربت الشام
احتارت وداخت وبجت هالايتام
شبعت ضرب شبعت تعب ابهل الالام
بوية كلها درات بينه ايام
والصعب. من بقيت اني ابلايه والي
والصعب. لا عمي ولا واحد برالي
بوية سموني سبية
رحت انته من ادية
ااااه يبوي
ـــــــــــــــــــــــــــــــــــــــــــــــــــــــــــــــ
هاي اني قصتي واني رقية
حتى احسين ابوية ما اجة الية
ضيم اني ضيمي الغاضرية
منين اجتك بوية هاي المنية
وللاخير. راح اضل ابلا حماية اني
وللاخير. بوية تانيتك ابقد الثواني
وللابد محد حظر الية
رحت انته من ادية
ااااه يبوي
ـــــــــــــــــــــــــــــــــــــــــــــــــــــــــــــــ
خادم السيدة رقية (عليها السلام)
بقلم الشاعر ✍️ محمد المنتظر
قصيدة لرقية عليها السلام
دمعتنة على أمصابچ رقية
من نذكر ذبيح الغاضرية
¥¥¥¥¥¥¥¥¥¥¥¥¥¥¥¥¥¥¥¥
الطفلة الزغيرة أتريد أبوهة
ما تحمل أفراك الدللوهة
تسأل ياوكت يمتة يجوهة
مهضومة وتون هاي البنية
ما تحمل هضم لفراك الأحباب
عنهة أبعيد أبوهة وطال الغياب
خلاهة أبمناحة أتوجه أعتاب
سود أمتونهة من آل أمية
مسبية مشت هالطفلة للشام
ما تدري الدهر شمغطي وأشظام
ملهوفة أعلة أبوهة بس بالأحلام
تون لفرگته ونة خفية
گعدت هاليتيمة بهل خرابة
وذبت روحهة فوك الترابة
مهضومة وتون وأتصيح يابة
بوية اليا وكت أحمل أذية
تسأل وين أبوهة گعدت أبليل
ضلت تنتحب والمدمع أيسيل
وأعلة أصراخهة يتهدم الحيل
صاحت والدي جيبو الية
سمعهة أيزيد صاح أبصوت مغموم
ودو الراس خل ترتاح هاليوم
جابو راس أبوهة أمخصب أدموم
لن فوك الطشت جتهة المنية
الحاجة أم محمد الكناني
قصيدة (موشح) في رثاء السيدة زينب عليها السلام
ياعـلي زينــب اميـــره مدلّله
شلون يسبوها العده بطف كربله
..............
حسين اخوها الطاح گطعوا منحره
وعالنهر مطروح سبع الگنطره
ياعلي ظلت غريبه ميسّره
عالهزل راحت سبي ويالعايله
...............
ياعلي زينب عگب سبع الطفوف
عالهزل ترضاها مچتوفه الچفوف
يحدي بيها الشمر ما بين الألوف
هيّه والنسوان ياعقد الوله
..................
زينب المن تتّجه يابالحسن
لا اخوها حسين لا حامي الظعن
بس عليل وبالمرض ظل ممتحن
فوگ ناگه مگيّدينه بسلسله
..................
ريت حاضر ياعلي بدرب السبي
تشوف زينب بنتك وبنت النبي
شلون اذّاها بسياطه الناصبي
ياصبر عدها السبي وتتحمّله
...............
زينب المحّد نظر لخيالها
ياعلي ريتك تشاهد حالها
غاب عنها الكافل اليبرالها
تشتكيلك والمدامع هامله
.................
بالسبي ويّاها روس اخوانها
عالرماح امغيّـرات الوانها
ألهم تصد وتبث احزانها
من بعدهم بالحرم متكفّله
سيد زيد الفحام
____
قصيدة نزلة في مسير السبايا
يالطايح عله المشرعه ماتدري بيه
عنك خـذوني ياگمـر هاشم سبيّــه
انت الجبتني من الوطن وتكفّلتني
محتـاره اظل بغـربتي ما عـوّدتنـي
ما تدري سلبوني العده لمن عفتني
عايفني وحدي بغربتي بين آل اميّه
ناديتك بحبل السبي من چتّفـوني
يابالفضل تقبل سبي عنك خذوني
آنه العقيله ام الخدر بس مارعوني
تقبلها يضربني الشمر بالغـاضريـــه
اني وخـواتي ياگمـر هاشم سبونه
ياخويه بسياط وزجر عگبك ولونه
سلبوا خـدرنه بلا خـدر لمن خذونه
رتك تجينـي ياشبل حـامي الحميـه
عالمشرعه مرّ الظعن شفتك يعباس
بس الجسد صاير وذر بسيوف الارجاس
ياريتنـي يمـك اظل تتركنـي هالناس
يابالفضل ما فـارگـك صبح ومسيّـــه
ودعتـك الله ياگمـر هاشـم كفيلي
عنك خذوني والشمر اصبح دليلي
يضربني خويه لو سمع ونّي وعويلي
نايم يخويه وزينب تشوف الأذيّـــه
تقبل يبوالغيره الگمر ادخل دواوين
لخيالي ماواحد نظر تنظرلي كل عين
وين الوعد يابالفضل ياكافلي وين
مچتوفه ياوسفه واطب ديوان اميّه
خادم ام المصائب زينب عليها السلام
سيد زيد الفحام
السلام عليكم اريد قصيده قحطان البديري يا حياتي بالعزاء مكتوبه
ردحذف