قصائد باسم الكربلائي مكتوبه كتابه
قصيدة مو فرات مكتوبه
موفرات ضميرك اسن
مو فرات جزائكك دفن
تمنع مايك عل طفل
ضامي يمك ينقتل
مو فرات
منشأ الماي وعطش تعرفة صعبه
والفرض لخيامه تمشي وما تتعبه
وافتخر عل دنيه لو مايك يشربه
والله لو منك اضل اجري على قلبه
بالله ليش امام السمه
بالله ليش يكتله الضمه
باجر حتما تنسأل
مو فرات
موفرات ضميرك اسن
مو فرات جزائكك دفن
تمنع مايك عل طفل
ضامي يمك ينقتل
من سمعته ناده ضامي ما اجيته
والله لو عندك وفه مايك بجيته
عينه مشبوحه الك حتى بمنيته
ضلتك المن بعد يالمارويته
عن حسين مسافة شبر
عن حسين يمنعك شمر
عذرك عدمن ينقبل
ضامي يمك ينقتل
مو فرات
موفرات ضميرك اسن
مو فرات جزائكك دفن
تمنع مايك عل طفل
ضامي يمك ينقتل
من اجه راعي العلم ناشف وريده
ما طحت بيده تريد يمدلك ايده
انته منهو ولجلك يدنك تريده
هوه دنكلك لاجل يروي عضيده
من رماك اهانه ودرس
من رماك يريدك تحس
هوه الذلك بالفعل
ضامي يمك ينقتل
مو فرات
موفرات ضميرك اسن
مو فرات جزائكك دفن
تمنع مايك عل طفل
ضامي يمك ينقتل
من رمه الماي ومشه شو ماتبعته
ولا رحت تتعذره يم خيمة اخته
والمصيبة لمن انصابت جربته
ضل يباوعلك ولا جنك عرفته
مايشوف عماه السهم
مايشوف بعيدة الخيم
وانته تريده ما يصل
ضامي يمك ينقتل
مو فرات
موفرات ضميرك اسن
مو فرات جزائكك دفن
تمنع مايك عل طفل
ضامي يمك ينقتل
من علي الاكبر عطش لونه تغير
تدري من كثر الضمه السانه تفطر
وانته تجري وماتحس بجمرة الحر
من عمت عينك اذا ما تروي الاكبر
باختصار اشوفك ذنب
باختصار ابد مو عذب
شفته وكدر تحتمل
ضامي يمك ينقتل
موفرات ضميرك اسن
مو فرات جزائكك دفن
تمنع مايك عل طفل
ضامي يمك ينقتل
من اجه عبدالله ضامي وانته شفته
بحضن ابوه يتكلب وتجري دمعته
طلع ايده من الكماط وتنضر انته
ضنه ماي وينشرب مو دم ركبته
ست شهور ذبحته وعشت
ست شهور عسنك متت
ضالم ذنبك مو سهل
ضامي يمك ينقتل
مو فرات
موفرات ضميرك اسن
مو فرات جزائكك دفن
تمنع مايك عل طفل
ضامي يمك ينقتل
اداء الحاج باسم الكربلائي
كلمات الشاعر عبد الخالق المحنه
قصيدة رضيعك مكتوبة
محبي باسم الكربلائي/القصايد المكتوبة, [٣١.٠٧.٢١ ٠٠:٠٣]
✨خدمة محبي باسم الكربلائي تقدم:
قصائد باسم الكربلائي مكتوبة
📜قصيدة : رضيعك
✒️للشاعر : السيد سعيد الصافي الرميثي
رضيعك عزائي
وانيني وبكائي
◼️◼️◼️◼️◼️
اني يا جدي المغيب عن دياري
والارامل واليتامه بانتظاري
منتظر يوم الفرج ما ناسي ثاري
اني بيد الخالق القادر قراري
نعيتك يجدي
اعلى منبر وفائي
◼️◼️◼️◼️◼️
يا صريع الدمعة والعبرة الشجيه
يا جرح هامة علي وضلع الزجيه
يا قنوتي البيه شفت قلبي اعله اديه
شفته ينزف دم ضحايه الغاضريه
واسمعك تنادي
يحامل لوائي
◼️◼️◼️◼️◼️
يا امير الكبرياء وسر وجودي
فكني من سجن الصبر كسر قيودي
دمعي دم متوگد يجرح خدودي
يا مصيري وثارك اليضمن خلودي
اشوفك يقيني
وخلاصة ولائي
◼️◼️◼️◼️◼️
صلت اعليك السيوف الرخصتها
تاخذ المنك تريده وعانقتها
استقامة دينك بذبحك شفتها
روحك ابإيد القدر من سلمتها
مصابك عويلي
وشعاري بندائي
◼️◼️◼️◼️◼️
جبدك السهم المثلث من هديته
جان جمرة من العطس يالما رويته
شيبك المن دم جبينك خضبيته
بيش جازوا دمع العليهم بجيته
فديتك عساني
ابوريدي ودمائي
◼️◼️◼️◼️◼️
فوگ صدرك ذبحوا مراية خشوعك
للخيم محني الظهر رادوا رجوعك
جازوا بضحكة شماتتهم دموعك
وبحوافر خيلهم هشموا ضلوعك
قيامة حسابي
من الله رجائي
◼️◼️◼️◼️◼️
جسمك الما تنحصي جروحه الوسيعه
بكل كتر متناثره اوصاله القطيعه
يالفجيعة مصرعك اعظم فجيعه
منهو مثلك صدره ملحودة رضيعه
وثيابك سليبه
يقبلة شجائي
◼️◼️◼️◼️◼️
#اللهم_عجل_لوليك_الفرج
قصيدة الصرخة الاولى مكتوبة
📜القصيدة: الصرخة الاولى
🖋الشاعر: علي عسيلي العاملي
الصرخةُ الأولى : آهٍ آهْ
أبكي منَ المهدِ .. واويلاهْ
عهداً إلى اللحدِ.. لنْ أنساهْ
وا حُسينا وا حُسينا
▪️▪️▪️▪️▪️
١/تاللهِ في عُمْرِ (الذَّرَّهْ)
رأتْ عيني الحُمْرَهْ
على غُصْنِ "السِّدْرَهْ"...تُنِيرْ
بايعتُ نورَ "المصباحِ"
سرى في (الأرواحِ)
بعطرِ التُّفَّاحِ...عبيرْ
حتى (أبي) لبَّى طفَّهْ
مشى يُسْقَى لُطْفَهْ
بهِ كنتُ "النُّطفَهْ"...أسيرْ
ربَّاهُ وارْحمْ لي (أمِّي)
فمِنْ بعدِ الرَّحْمِ
غَذَتْني بالإسمِ...صغيرْ
ذي نشأتي في سِفْرِ العُشَّاقْ
سطَّرتُها بالنَّبْضِ الخفَّاقْ
أنعى حسيناً قربانَ اللهْ
وا حُسينا .. وا حُسينا
▪️▪️▪️▪️▪️
٢/قُمِّطْتُ بالثوبِ الأسوَدْ
فـ(صَدري) آخى (اليدْ) :
لنا وعدٌ في الغدْ…عزاءْ
(عيني) دعتْ في أعضائي
أنا حرفُ "الحاءِ"
لهُ يجري مائي…دماءْ
ناجاهُ عطشاناً (فاهي) :
أبا عبداللهِ
أ هلْ غيرُ الآهِ…سِقاءْ ؟!
(أُذْني) وعَتْ : هلْ منْ ناصِرْ ؟
لذا جئتُ العاشرْ
على (قلْبي) حافرْ…وفاءْ
منْ يومِ تكويني والأحزانْ
لليومَ تكويني كالنيرانْ
بلْ جمرةٌ إنِّي منْ أحشاهْ
واحسينا واحسينا
▪️▪️▪️▪️▪️
٣/مَنْ لمْ يَذُقْ لَذْعَ المِلْحِ
بمفتوحِ الجُرحِ
أيدري ما قُرْحي ؟…مُحالْ !
إنْ هلَّ عاشورٌ أظْمَأْ
وبَسْماتي تصْدَأْ
بهِ رُوحِي تَقْرأْ…نِبَالْ
ترثي حجازياً (أَحْرمْ)
(بميقاتٍ) مِنْ دَمْ
لِكيْ يجري (زمزَمْ)…زُلالْ
(لبَّيْكَ) خذني يا ربّيِ
ذبيحاً في الحبِّ
أذِقْنِي بالقُربِ…وِصَالْ
عاشورُهُ حتماً لا أُوفيهْ
أبكي تماماً لا قصْراً فيهْ
رَقْراقُ أحداقي كمْ ناداهْ :
واحُسينا واحُسينا
▪️▪️▪️▪️▪️
٤/مِنْ "دِعبِلٍ" حتَّى "كاظِمْ"
إلى "السَّيِّدْ جاسِمٌ"
أنا النزْفُ الدَّائمْ…جديدْ
(أُمْرُرْ على) صارتْ وِرْدي
وميراثَ الوُلْدِ
لها ثأرُ المهدي…وعيدْ
(ودَّعْتَكَ اللهْ يَعْيوني)
بِطَوْرِ المحزونِ
لصدرٍ مطحونِ…أُعيدْ
لنْ يقْطَعنْ شِمْرٌ صَوْتي
وتكْفيرُ الفَوتِ
سأبقى للموتِ…نشيدْ
والصرخةُ الأخرى في التوديعْ
آهٍ لمحرومٍ منْ تشييعْ
هذا هتافي حتَّى ألقاهْ :
واحُسينا واحُسينا
▪️▪️▪️▪️▪️
#اللهم_عجل_لوليك_الفرج
قصيدة تمنيت مكتوبة
📜قصيدة : تمنيت غيمه و على اجناح السما
✒️للشاعر : احمد الذهبي
📀 : اصدار 1443
🎵 طور : #سلامات #اويلاه #حرامات
https://t.me/m7bebasim/47788
تمنيت .. غيمة وعلى جناح السمه
تمنيت .. انزل مطر وكت الضمه
نلتقي ماي وعطش يم النهر
واعصر اعيوني على اشفاه الگمر
تمنيت
◼️◼️◼️◼️◼️
مملكة العش للحمام
لو فگد معنى السلام
يبدي حزنه
واني طيره وعشها ضاع
عمري من بعد الوداع
ماله معنى
ليش ما صرت اني طيف
فوگ رمش الغالي ضيف
وانجمعنه
تسمع وتبجي السنين
اشيحجي عباس الحنين
ويه سكنه
مواضيع .. بيناتنه بگد الهوه
مواضيع .. انفاسي وانفاسه سوه
شنسه وابالي الف ذكرى وصور
واعصر اعيوني على اشفاه الگمر
تمنيت
◼️◼️◼️◼️◼️
رايحه ريش اعلى ريح
فوگ صدر الغالي اطيح
واشتكيله
آه ترميني على آه
صارت الدنيا وراه
مستحيله
لو جنح عندي واطير
جيت الضامي على بير
آني اجييله
اغسل بدمعي التراب
وامسح الدم بالحجاب
جفه اشيله
واحاجيه .. عاللي جره والماجره
واحاجيه .. بعدين ابوسه بمنحره
وفيي اسويله مثل في الشجر
واعصر اعيوني على اشفاه الگمر
تمنيت
◼️◼️◼️◼️◼️
امنية ابهاذي الظروف
نجمة ومن بعيد اشوف
هي لحظة
ياخذ العينه ضواي
صدره يتنفس هواي
ما يرفضه
النار آخرها الرماد
واني آخرتي فؤاد
بلايه نبضه
ابلايه ذاكرتي بقيت
جم حرف بسمي نسيت
واسمه احفظه
يعباس .. يا اغلى من ماي الذهب
يعباس .. مي النهر يغلى شعجب
خاف لا طوله استحه ويمك گصر
واعصر اعيوني على اشفاه الگمر
تمنيت
◼️◼️◼️◼️◼️
ليل والعالم غريب
بصحوتي اسمع نحيب
وبمنامي
ماتت حروف الكلام
بروحي وبعيني ظلام
وبخيامي
كلشي مات وكلشي نار
حتى دمعاتي الزغار
والاسامي
كم طفل ناعم يليل
بلا ذنب دايسته خيل
وهو ضامي
حرامات .. اني وخواتي بلا غطه
حرامات .. نفتر مثل سرب الگطه
عطشونه واحنه للودام مطر
واعصر اعيوني على اشفاه الگمر
تمنيت
◼️◼️◼️◼️◼️
للنهر چني اعتنيت
ريت عميانه امن اجيت
وما شفتها
عينك البيها انه انام
نايمه بيها السهام
وعاتبتها
جفك اليساوله جيش
گاطعينه مدري ليش
استغربتها
صدرك الدافي الخجول
ساحگه ضلوعه الخيول
امكسرتها
وادوايك .. محتاره اشيلن يا سهم
وادوايك .. والدنيا صارت كلها دم
دمك الزينب وصل ومنها اعتذر
واعصر اعيوني على اشفاه الگمر
تمنيت
◼️◼️◼️◼️◼️
الگاع تحرگني واصيح
مره اوگف مره اطيح
من وصلتك
بين بروحي انكسار
شعري ابيض كله صار
لمه شفتك
هاذي راية وذاك جود
وراس مضروب بعمود
ما عرفتك
جروحك تسولف تريد
تحجي بس صوتك بعيد
ما سمعتك
مواعيد .. يا دنيا ما ظلت بعد
مواعيد .. جان الفرات آخر وعد
ما بقه غير الامل بالمنتظر
واعصر اعيوني على اشفاه الگمر
تمنيت
◼️◼️◼️◼️◼️
#اللهم_عجل_لوليك_الفرج
قصيدة ساعة الذبح مكتوبة
📜قصيدة : ساعة الذبح
✒️للشاعر : ايهاب المالكي
📀 : اصدار 1443
🎵 طور : #بالله_يانهر
https://t.me/m7bebasim/47799
لو خذه الجرح .. من ضوه الصبح
والحزن كسر .. للشمس جنح
صدى ايه تره هايه .. ساعة الذبح
◼️◼️◼️◼️◼️
لو شفت الورد ما بي ملامح
يابس غصنه جان وحزنه واضح
لو ذابل لگيته وعطره رايح
ساعتها الحسين لوحده طايح
اذا طاح الحسين الدنيا تخله
وتصير العظائم يمه سهله
حزن بي شي يعرفه الينتبه له
مو اول حزن بس ماكو مثله
يومه يختلف .. ساعة عن الف
عاذر الگلب .. من جفاه يرف
اسى ما مر اجل اخر .. بيها يتضح
◼️◼️◼️◼️◼️
مر ذاك النهار وقاسي فجره
بي يهوى الحسين ودامي نحره
بارد والحوافر تچوي صدره
صحره شفته الما بيها گطره
من تبجي الشمس ويفز نحيبك
نفس ذاك الوكت ذبحوا حبيبك
حيره وتاخذك دمعه وتجيبك
تشعر كل سهم يوكع يصيبك
تنهدم لأن .. يهتز الزمن
بعينك الضوه .. ينگلب جفن
صدى صوتك عسى موتك .. هالوكت يصح
◼️◼️◼️◼️◼️
خيوط الضي اذا يرحن سبايه
مذبوحه الشمس باللحظه هايه
تعرفه اليوم ذاك من البدايه
ساعاته وثوانيه المنايه
ملامح يومك تذكرها تالي
راح تگول اجه حسين على بالي
يعاين بالوجوه وظهره خالي
والوادم ولا واحد موالي
يلتفت ألم .. عالارض علم
والهوه انحسب .. كل نفس سهم
اله رايح ردى طايح .. صخره من سفح
◼️◼️◼️◼️◼️
اكثر يوم بي تتحير انته
رغم ضجة انينك كلشي سكته
نهر الهم يرد اشما عبرته
مهموم ومنيتك مدري يمته
بذاك اليوم تصدف جم رزيه
لكن ما حجوهن يم رقيه
عن دم النحر ما تدري هيه
واشرضت الخيل الاعوجية
غمض ووعد .. تلمح الجسد
اموذر وهمس .. يطلب المدد
لظا نوحك على روحك .. بابه ينفتح
◼️◼️◼️◼️◼️
اذا عالسمه شفت الظلمة تلتم
معناها النحر بي قطّر الدم
ركز عالظلام وكلشي تفهم
وتشوف الدخان الـ عالمخيم
يوم البي سهم ظالم تجره
بعين الكافل يحط مستقره
هذا الـ بالشدايد ما تبره
والزينب تمنه يودي عذره
زينب بحرب .. والفگد صعب
باجر الظعن .. يمشي وي غرب
الوفه دينه نطه عينه .. راسه عالرمح
◼️◼️◼️◼️◼️
عن الطف اذا محد حجالك
وهواي أسئلة تمر على بالك
ذاك اليوم اليجاوب سؤالك
من تسرح اوي الناعي خيالك
من اشراع جفنك حبله ينفل
وعبدالزهره يبده يقره مقتل
يوصل للشمر من سيفه ينسل
من نحر الحسين ابدمه يبتل
يسرد الخبر .. لوعة النحر
تسمع اشجره .. بصدره من حفر
بلا ناصر على حافر .. دمه ينمسح
◼️◼️◼️◼️◼️
#اللهم_عجل_لوليك_الفرج
قصيدة نتيجة غيابك مكتوبة
📜قصيدة : نتيجة غيبتك
✒️للشاعر : السيد عبد الخالق المحنه
📀 : اصدار 1443
🎵 طور : #انا_بنت_الهتف_جبريل #حده_حادي_الضعينه #على_باب_القبر
https://t.me/m7bebasim/47809
نتيجة غيبتك ابيض جفن عيني
واذا ما الزم ايدك شلي بجفيني
تعال اسمع حجي المدمع على غيابك
◼️◼️◼️◼️◼️
شتگول معقول
تعيش الشجرة لو گطعوا جذرها
احساس والناس
شماته وكلمة الوينه شكبرها
امرار عالنار
سفينة ارويحتي وبعدك يجرها
دنياي وياي
حمامه ونازل عليها صگرها
تعال الدمع الاحمر يطلب امجازة
تعال العله عله وعازتك عازه
اذا ترجع وجه اطبع على ثيابك
◼️◼️◼️◼️◼️
حنيت ماجيت
لون المدمع ايروح برسالة
انطيك وارويك
وانا دمعي بكبر جود الكفاله
افكار واخبار
اشوفك محتمل لو استحاله
جم اوف والخوف
ولو ادري الشرف صعبه احتلاله
يوحشتكم طفل عايش مع الموته
مثل وحشة نبي ذا النون بالحوته
مثال حالي بلا والي واجه مصابك
◼️◼️◼️◼️◼️
يا لون وشلون
يوجه الخير بعدك بيش اصابح
ياروح وتروح
يبحر العافيه وقلب المسامح
غدروك حرموك
وحگك لاترس الدنيا نوايح
حيران عطشان
يماي وجوهنه كالولي طايح
يگلولي شكثر ضامي يبو الاكبر
واظن ماي الفرات ابصدرك اتبخر
بعد عمري خذك دهري ولا جابك
◼️◼️◼️◼️◼️
يالعين يحسين
احس امقصره وعيون الزجيه
يالكيف يا حيف
وگعت اعله الارض موش اعله اديه
رجواي مولاي
اصيرن گاع واتمدد عليه
مرضوض مفروض
عليه اتدوس خيل الاعوجية
الف حيهم اصيح ودمعي تكبيره
واذب عصابتي يم راس ابو الغيره
واصيح ازأر يسبع البر بده جوابك
◼️◼️◼️◼️◼️
صفنات حسبات
تاخذني وترد بيه لمچاني
يبعيد تعويد
عرفتك ما ترد ليه واتاني
وياك بجفاك
ثلاث سهام ابن كاهل رماني
صاباك وضناك
والثالث مرد عيني ورماني
انا ام البنين الما صرت غيمة
واظلل عاليتامه ابحرگة الخيمه
اظل ابچي واظل احجي انا وبابك
◼️◼️◼️◼️◼️
#اللهم_عجل_لوليك_الفرج
◇◈◇⇩..تابعونا..⇩◇◈◇
https://www.facebook.com/m7bebasim
https://instagram.com/m7bebasim
📺aparat vid
https://www.aparat.com/m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱
تعليقات
إرسال تعليق