قصائد على طور يحسين بضمايرنه مكتوبة
ثلاث قصائد حسينيه مكتوبه على لحن قصيدة يحسين بضمايرنه
اذا اردت قصيدة يحسين بضمايرنه مكتوبة انزل للاسفل
صبرك حير الافكار وانت من الصبر اعضم
الثورة القدسيه*
صبرك حير الافكار وانت من الصبر اعضم
لكينه بشخصك اسم الدين ولومادمك اتهدم
*********
بمأساتك يبو الاحرار ولوما ثورتك يحسين
جان الدين ضاع وراح ولاظل حتى اسم للدين
جا ضاع الشرع للدوم وظلينه بعمه متيهين
وجاساد الظلم والجور وبيدين الكفر باقين
خالد وانت ابو الثوار بيك اصبحنه معروفين
كبرك قبله ونطوفه واصبح عبره لليفهم
##############
هالثوره افتحت كل باب جان بكل وكت مسدود
باب العزه باب الخير وباب الوفه وباب الجود
جن الدين بالعاشر بارض الطف صبح مولود
ارتفع دين النبي المختار ويَ راسك وارتفع بالزور
واهتزلك ضمير الشوك وزوارك عليك إورود
ياتاج الشهاده وبيك تاج وباسمك إتكرم
#############
كل مارادو يغيّبون فكرك والعقيده البيه
تعميهم حقيقه البيك وكلمن يمشي ضدهه ايتيه
وين امست معالمهم ونورك من كدر يطفيه
شاء الله وصرت يحسين وكبرك ماخصم يخفيه
ولاضالم نصب ضلمه اله ودعوتك تعميه
اميه وكل بني العباس وتاريخ الضلم اضلم
##########
موبس لللطم يحسين هاي الثوره قدسيه
وضحه العلم من كال نهضه وميه بالميه
لوما وكفتك للدين انتهه من اوله التاليه
جا تهنه وطغت افكار وايزيد استمر غيه
لاتوحيد لاقران وقبله اتصير منسيه
ولافرض البقه الهاليوم وإعلينه الجهل خَيّم
####الشاعر محسن الجنابي ###
(محرم ١٤٢٧هجريه)
لدارك يالولي رجعنه
لدارك يالولي رجعنه
دم تهمل نواظرنه
شيهدي حرمكم هاي
يخويه تيهيت الراي
هاجت كل مواجعنه
🕊.•°˚˚°➰❀➰❀➰.•°˚˚°🕊
وحشه دارك اوتنعاك
ضجت بالبجي يتاماك
تطوف ابالهم ذكراك
يحسين حترت بيهه
كلي شلون اهديهه
اغيابك صعب هدنه
🕊.•°˚˚°➰❀➰❀➰.•°˚˚°🕊
لدارك لمن طبينه
خالي مجانك الكينه
علت صرخت بواجينه
تذكرنه الليالي اوياك
شيصبرنه عله فركاك
يحسين بشجه صحنه
🕊.•°˚˚°➰❀➰❀➰.•°˚˚°🕊
شبت بالكلب نيران
شيطفي جمرت الحزان
نضل نصيح يالعطشان
يالعنه خفه رسمك
نضل نردد بسمك
العالم خلي يسمعنه
🕊.•°˚˚°➰❀➰❀➰.•°˚˚°🕊
ماننساك ابد يحسين
بدمك حيت الدين
اوياك عالعهد باقين
تضل يحسين قائدنه
بنهجك كلنه إمنه
ياصحوت ضمائرنه
🕊.•°˚˚°➰❀➰❀➰.•°˚˚°🕊
بقلم الشاعره ام رائد زوين
☆
قناة 🎬
℘(✍️)⇣✿ ℘الشــاعرة 🌹🕊
العلويه ام رائد زوين ✨
جيناك بلهيب الشوك وعالخد تجري دمعتنه
جيناك بلهيب الشوك وعالخد تجري دمعتنه
يالهادي وحك عباس تظل مرفوعه رايتنه
*
بمصابك ياعلي الهادي مواكب اجت عنايه
بسامره نصبناها وسوينالك اقرايه
نهوس براية العباس وتعله بصحنك الرايه
مأتم قمنه بالحضره ونبجي ونلطم بحسره
ويانه تلطم الزهره
تلطم عالضلع وصيح واسونه بمصيبتنه
****
سحكناها المنايه بزود والكبرك تعنينه
نزحفلك زحف مولاي لوكطعو رجلينه
ماهمنه الذبح والخوف المراجل سولفت بينه
الرايه بزود شلناها وسامره كصدناها
والدنيه عجبناها
احنه شيعة الكرار وغيرت علي غيرتنه
*
زلم ونلاوي جف الموت وياويله التحدانه
نركض ركضت العباس والعباس ويانه
اذا نزعل نهز الكون زلم للموت عطشانه
خليهم يفجرونه نموت وما يمنعونه
وعنك ما يبعدونه
عايش بالكلب ذكراك وبسمك علت صرختنه
*
الوطن مهيوب برجاله واله انقدم مناحرنه
رمز الثورة يبقى حسين وبيه ازدهر حاضرنه
اذا نهجم نصيح بصوت يحسين بضمايرنه
باسم حسين نرعبهم نصول ودوم نغلبهم
شكثر ثارات نطلبهم
والنه حسبه وياهم وطويله اهواي حسبتنه
****
السواتر شاهده علينه زلم معروفه بالكلفات
نموت وما نطخ الراس ومنه الذله لا هيهات
شدينه الكلوب ادروع وفتنه بزود بالصعبات
الدواعش ركعت النه بساع وتظل مهيوبه هاي الكاع
مادام انتخت بسباع
كلمة شرف كلناها ومنثنيها كلمتنه
****
الحشد الشعبي ناده بصوت مانرجع نصر لو موت
السرايا لبسو الاجفان زلم وعله المنايه تفوت
العصائب من تصول انذار مانسمع الداعش صوت
وحزب الله اعتنوها بزود والمجلس حمه الحدود
الكتائب عن وطنها اذود
وعلي السيستاني قائدنه وبيه حققنه وحدتنه
****
تمت
ميثم العمري
تعليقات
إرسال تعليق