قصائد مكتوبة على طور حلو بيارغهم
لمن وصلناها
وحشه لكيناها
اذا اردت قصيدة حلو بيارغهم مكتوبة انزل للاسفل
النزول في كربلاء
في رحاب اهل البيت عليهم السلام
طور حلو بيارغهم
.........
لمن وصلناها
وحشه لكيناها
كرب اوبله شفناه واضح بيها
جني اشوفن دم اخوتي اعليها
كربله اعرفناها
لمن وصلناها
..........
زينب تحاجي كربله ابدمعتها
تدري بأرضها ايسيل دم اخوتها
اوتدري يحركون العده خيمتها
يا كربله ابلوعه اوحزن نادتها
خبرتني الزهره
بيج انه متيسره
مكتوب اظل بين العده الوحدي
اوما يضل من اخوتي واحد عند
اويسبوني اعداها
كربله اعرفناها
........
هليوم ابو اليمه نصبها اخيامه
اوزينب اجته واوكفت جدامه
وادموعها اعلى اخدوده تتهامه
وتنشده شنهو النيه عد ازلامه
ياخويه نيتهم
يوفولك كلهم
وتكله يا عباس خويه ابعبره
هذا اخوك اوتدري امه الزهره
اعرف نواياها
كربله اعرفناها
........
عباس ضهضب ولتفت للحره
خويه يزينب وانتي بت الزهره
اتخافين جا عباس شنهو عذره
انما ايخلي الدم بارضها يجره
عباس خدامج
ويقبل اجدامج
عيناج لا يصفر يخويه لونج
اشحدهم يخويه زينب ايغثونج
تگفين ناداها
كربله اعرفناها
.......
عباش شال الرايه اوهزاها
ولزينب اتقدم اوحب يمناها
اوكاللها خدرج بيه انه اتباها
محد خيالج شافه يابت طه
خدرج شرف النه
وانتي عقيلتته
انتي العقيله البيها اموصيني
حيدر ابوي اوهلشرف يكيفيني
ابخدمتج نتباها
كربله اعرفناها
.......
خويه يزينب بشري اوكلفيني
ابكل كلافه خادمج تلكيني
افديج خويه ابروحي اوجفيني
ويه الجفوف افديج خويه ابعيني
اتحزمي بيه
واعتمدي اعليه
تلكيني عند الشدد جدامج
اوكف احرسنج اباب اخيامج
اشحده اليدناها
اخيامج يبت طه
كربله اعرفناها
......
خويه يزينب خل تقر اعيونج
اخوتج كلها ابخدمتج يفدونج
ازلامج يخويه الليله ايحرسونج
هيهات خويه ابد ميعوفونح
ياخويه عفتوني
تالي اوجفيتوني
اعتب عليكم ابد لا ما اكدر
انه سبيه اعليه خويه اتقدر
حكمه اوقبلناها
كربله اعرفناها
.......
معذور ياعباس يا ضي عيني
خويه يسيره والعدو سابيني
ايگلها يزينب خويه اتعذريني
بالغدر خويه كطعو جفيني
كافلج ما عافج
بين العده شافج
مرفوع راسج والعده امنكسيها
محد كدر بت حيدره ايصدليها
فاطمه ابمعناها
كربله اعزفناها
....
الحاجة لم احسان الخاقاني
21ذي الحجة 1440 هـ
زينب اجت للشام
اوتتخافك الاعلام
في رحاب اهل البيت عليهم السلام
(طور حلو بيارغهم)
دخول الشام
......
زينب اجت للشام
اوتتخافك الاعلام
محفوظه بت حيدرعلي هيبتها
ترعاها طول الدرب روس اخوتها
زينب فلا تنظام
....
زينب اجت والناس منتضرتها
اتعاين البت حيدر شنو قصتها
لبالها اتشوف العده كسرتها
ارتدت الانفاس ابعلو جلمتها
شافت الناس ابعيد
تتصافح ايد ابأيد
كالت ياتباع الكفر والذله
مهما عملتوا احنه النتعله
احنه اصل الاسلام
زينب فلا تنظام
.......
زينب اجت والناس تصرخ بيها
يا خارجيه المنذبح واليها
الله نصر كوم ال اميه اعليها
رفعت الراس اوكلها تنظر ليها
واختنكت الانفاس
هذي اخت عباس
سكتو ولا واحد كدر يتحده
بت الوصي واليحجي ويله اشحده
يا نطفة الاصنام
زينب فلا تنظام
........
زينب حجت والناس مدري اشبيها
متعجبه من منطقها من حجيها
تحجي اوحجيها اسياط يلسع بيها
قرعتهم اوصكت سمع شانيها
انتو عبيد ايزيد
واحنه اهل توحيد
جن حيدر اعله السانها يتحجه
بت الوصي وبقوته تتوجه
واتحدت الظلام
زينب فلا تنظام
......
انته طليق اوما الك خلافة
واحسين اخوي الطاهرين اسلافه
سبط النبي الكامله اوصافه
النوم عن اجنوبنه يتجافه
احنه عباد الله
اوعترة رسول الله
وانتو خذلتو المصطفه اوقرأنه
وارجعتو عباد الصنم واوثانه
اوللكفر شلتواعلام
زينب فلاتنظام
.....
اتدرعت زينب وابدرع عفتها
اجموع الضلاله انكسرت ابوكفتها
جلمتهم انخذلت لمن سمعتها
اودانت الزينب سلمت رايتها
بت امها الزهراء
ابخطبتها الغراء
اخزت يزيد اوبينت اسفافه
انته طليق اوما الك خلافه
واحسينه الامام
زينب فلا تنظام
......
زينب وريثه حيدر اوخلاقه
بنت البتول الطاهره العملاقه
موقفها موقف شامخ باشراقه
اخزت يزيد اواوضحت نفاقه
جدك ابو سفيان
يا عابد الاوثان
ما امن ابالله ولا برسوله
وانته انكرت وحيه اوخبر نزوله
اوعرته امن الاسلام
زينب فلا تنظام
........
الحاجة ام احسان
كتبت في 27 محرم 1440 هـ
لطفا لاتحذف اسم الشاعرة
نزلت مدامعهم
جمرة اعله والدهم
قصيدة لا امير المؤمنين ع
على طور ..حلو بيارغهم
وذبوا عمايمهم
اااااااااااااااااااااا
نزلت مدامعهم
جمرة اعله والدهم
هذا الحسن وحسين دمعاته تصب
وعيون عباس شرارة وتلهب
وبطبر والدهم
وبطبر والدهم
ااااااااااااااااااااااااا
شيبة تخضب حيدرة بمحرابه
وكرار عالعدوان كلهه تهابه
اليوم المرادي بجه كلهه احبابه
وبجه اليتامه اعليه وي اصحابه
ياحيدر الكرار
ناخذلك احنه الثار
من كل عدوا بدمك تلطخ ايده
ياابا الحسن والثار كلهه تريده
والكل يساندهم
جمرة اعله والدهم
اااااااااااااااااااااااا
يعاين حسين لوالده وبخوفه
وكلبه يتكطع دمعته مذروفه
وجاب الطبيب الحسن جرحه يشوفه
جرحه غميك وماكدرله يروفه
وعيون عباسه
تترقب انفاسه
ويكله بويه ضربتك اذتنه
بسيف الغدر واليوم بي فركتنه
صعبه يفاركهم
جمرة اعله والدهم
ااااااااااااااااااااااااااا
يابويه لو تنشدني عنك زينب
وشلون اكلهه بدم ابوج مخضب
تضل كل عمرهه اعليك تبجي وتنحب
بعده الكلب بفراك امهه يلهب
وانت التصبرها
كل لحظه تحضنها
عوضت بويه بفكد امها الزهرة
وشلون لو عرفت ببوهه وطبرة
وتذكر سوالفهم
جمرة اعله والدهم
اااااااااااااااااااااااااا
تمت بعون الله بقلم خادمة الزهراء ع
ام حسين الفريداوي
ياعمنه ابوفاضل
روينه يالكافل
القصيدة للعباس(ع).
طور قصيدة /حلو بيارغهم...
ياعمنه ابوفاضل
روينه يالكافل
بدموع يبست عالوجن مهمومه
والماي دربه المشرعه الملزومه
سيف و غضب نازل
حيدر علي يقاتل
❥━──➸➽❥❂❥━──➸➽❥❂
ذبلوا اطفال حسين من ضماهم
الماي محرومين من عداهم
جيش ال امية اعله النهر متراهم
ملزوم درب المشرعة ومتزاحم
يمنعونه نشربه
راجينك بطلبه
وحالنه يصعب عليك تنظره
اگلوبنه بنار العطش مستعره
بجالك فلا ننذل
ياعمنه ابو فاضل
❥━──➸➽❥❂❥━──➸➽❥❂
تعنه لحسين الگمر يطلب رخصه
رايد اجيب الماي هل من فرصه
جودي اترسه من النهر من نصه
وياويله لي يلاگيني گصه بگصه
ياگاع التلمه
مابيهم الزلمه
ماهابهم بالماي اروي العيله
والحاله هضمتني وبعد ياحيله
كلهم اهل باطل
ياعمنه ابوفاضل
❥━──➸➽❥❂❥━──➸➽❥❂
عاين عليه حسين گله يابن حيدر
ياگمر هاشم بمطلبك... متحير
موسهله تدري تروح لا ماأكدر
گله يبو السجاد لاتتگدر
أرجع واظل يمك
ياخوية لاتهمك
يازينب انه اوياچ نترجه حسين
الاطفال تنطر بالخيم ومتانين
ارويهم الحاصل
ياعمنه ابو فاضل
❥━──➸➽❥❂❥━──➸➽❥❂
راح وخذه الرخصه بصعوبه وسدر
للمشرعة والزلم ضل تتطافر
ضجه وعجاج وروس بس تتطاير
ضنوهه يوم الزلزلة والمحشر
يشبه ابو الحسنين
وبمعركة صفين
فرت ابطال المعركه وانهزموا
حصرة الموت تحاصروا ماردوا
وين المفر تسئل
ياعمنه ابو فاضل
❥━──➸➽❥❂❥━──➸➽❥❂
من وصل شال الماي تذكر چبدت
ذاك الوحيد الضامي الشفته ذبلت
ذبه من اديه ولام روحه ادنت
تشرب الماي ومن عسن لاشربت
ماي العذب ذبه
ورد تارس الجربه
وگال مااشرب انه المعيني
يانفسي من بعد الحسين هوني
وعياله تدلل..
ياعمنه يالكافل
❥━──➸➽❥❂❥━──➸➽❥❂
من جوار مرقد أمير المؤمنين "ع"
ام محمد باقر
لانجيز حذف الاسم شرعاً.
شدّوا محاملهم يم كربلا حجهم
*جديد لخروج الحسين من مكة*
*على طور حلو بيارغهم*
____
شدّوا محاملهم يم كربلا حجهم
وحسين ليهم صار كعبة وجنّة
لبيك صاحوا يا حسين اقبلنا
قدسيّة رحلتهم
_
ودّع الكعبة حسين وحلّّ إحرامه
مزعوج من قوم الكفر و أزلامه
قاصد يحج الكربلا و قدّامه
أعظم مناسك للهدى و قيامه
باعظّم ندا لبّى
واصحابه متأهبة
الدرب الشهادة بشوق ساروا كلهم
قافلة نور من العرش صحبتهم
و الزهرةحاطتهم شدوا محاملهم
_
هودج الحوراء بكل جلاله اتدّنى
بس أبوفاضل كفو له ايحرسنّه
نور الشمس ما يدخل إلا بإذنه
ومدللات اليوم رملا وسكنة
وليلى بكتر الاكبر
مثل البدر الازهر
وكل الفواطم نورهم يغاشهم
حجاب من الله بستر غطّاهم
منهو الي يوصلهم ... شدوا محاملهم
بيوم ثامن مكة بيا حاله
دموعها الكعبة جرّت سيالة
حسين خارج بخوته وارجاله
وماج زمزم عطش من ترحاله
يا حالته التفجع
و بيا ذنب يطلع
ونادى في الحجاج باعظم دعوة
من كان باذل مهجته الوجه الله
ينضم لوجهتهم شدوا محاملهم
__
بيوم تاسع عَرفة من يقره
الجنّة بجواره عزيز الزهرة
و نور حبّه شعاع من ضي فجره
يتمنى كلّ واحد يفدّي بعمره
وحسين يظل سالم
وجملة بني هاشم
ويطول ليل عبادته و سجوده
وانفاس توحيده وسخاءه وجوده
ما اعظمها وقفتهم ... شدوا محاملهم
___
الشوق يم الطفوف بيهم حادي
حتى الرضيع يصيح به ياسنادي
لبيك من أطفاله ضج الوادي
والامهات تصيح فدوة اولادي
ومدلل الزهرة
لا ينقطع نحره
ويه زينب الحورا نشيل الراية
هيهات منّا الذّلة و العز آية
منصورة رايتهم ... شدوا محاملهم
_
دلال علي
نبچي ودمعنه دموم
عالباقر المسموم
قصيده للامام الباقر عليه السلام على طور حلو بيارغهم
للملا مرتضى حرب
المستهل👇👇
نبچي ودمعنه دموم
عالباقر المسموم
ونو يشيعه وعازوا جده الليله
وخل تحضر ام حسين واتچيله
وتنعه على المعصوم 2
••┄┅══✼°••°✼══┅┄••
عمره ثلاثه وركض ويه الايتام
من حرگو الكفار ويلي الخيام
لابقو اخوه ولابقو حتى اعمام
حتى الطفل حرمله صابه بسهام
ماخافو الرحمن
ذبحو طفل عطشان
وحسين راسه عله الرمح يبراله
وزينب سبيه راحت وي عياله
وتنعه على المعصوم 2
••┄┅══✼°••°✼══┅┄••
كلما شربت الماي گلبك شب نار
تذكر عطش الحسين وتصيح الثار
عانيت ماعانيت من الاشرار
سموك ماخافو من الله الكفار
حتى الگبر هدموه
وللنبي ماراعوه
هدمو امامي گبرك النواصب
خلو الشيعه دموعها دم اتصب
وتنعه على المعصوم 2
✍️ الخادمه ام زيد الشمري
••┄┅══✼°••°✼══┅┄••
سمه اللعين وجبدته لهابه
والصادق دموعه تصب سچابه
ظلمه بغيابك دنيتي يايابه
موتك ابد ماحسبيت احسابه
غمض لابوه العين
وگلبه انجسم نصين
سمك يبويه هدمالي حيلي
ومانمت من فرگاك والله ليلي
وتنعه على المعصوم 2
••┄┅══✼°••°✼══┅┄••
باقر علوم البيت هو اسمه
تغذينه من دروسه كلنا وعلمه
ملجوم گلبي عليه وزايد همه
ابنج يزهره مانسينا سمه
باسمه العزه الليله
وندري تحضريله
تحضر الزهرة من الضلع محنية
تبجي اله وللجثته مرمية
و تنعه على المعصوم 2
✍️ الخادمه ام مصطفى
••┄┅══✼°••°✼══┅┄••
اليوم اجينه نعازي الحزنانه
خامس بدر والروح اله ولهانه
واجب نجددله ونقيم اعزانه
واللي يحبه اليوم يبجي ويانه
واجب تذكرونه
الصادق تعازونه
سووا المآتم بالحزن ياشيعه
ويحضر اويانه المصطفى بتشيعه
وتنعه على المعصوم 2
••┄┅══✼°••°✼══┅┄••
من الحقد جبده يويلي تلوع
خلو گليبه من السموم تگطع
طفوا هذاك النور منه اليسطع
والصادق يون ويهل المدمع
يجري الدمع عبره
وبگلبه جم حسره
رد لرض طيبه منخطف الوانه
عالفرش ويلوج الولي وآذانه
وتنعه على المعصوم 2
✍️ الخادمه ام زهراء
••┄┅══✼°••°✼══┅┄••
تمت بعون •اللّـہ̣̥ تعالى
بااقلام خادمات اهل البيت عليهم السلام
✍️الخادمه ام زيد الشمري
✍️ الخادمه ام زهراء
✍️ الخادمه ام مصطفى
نسال •اللّـہ̣̥ القبول
ونسالكم الدعاء بتعجيل فرج مولانا
مگطوعه چفينه صاب السهم عينه
قصيده للعباس على طور مرتضى حرب حلو بيارغهم
بقلم ام حيدر الحمزه الطائيه
⬛️⬛️⬛️⬛️⬛️⬛️⬛️⬛️⬛️⬛️⬛️
مگطوعه چفينه صاب السهم عينه
زينب يخويه لحگي اخوج بهمه
السهم صابه ونزف منه. دمه
لحگ يبو سكينه لحگ يبو سگينه
مكطوعه جفينه. صاب السهم عينه
📓📓📓📓📓📓📓📓📓📓📓
فريت اصيحن للمعاره بهومه
شفته طريح امسلبات اهدومه
ياهو الياخذ لزچيه اعلومه
ادري. اضل بكربلاء مهمومه
ماردت اطب ليهه
ادري انهظم بيهه
عباس خويه يا كفيل الخدري
انه العقيله فدوتك كل عمري
مكطوعه جفينه. صاب السهم عينه
📓📓📓📓📓📓📓📓📓📓📓
صاحلهه زينب ردي لمي اعيالچ
چفيني يختي ورگبتي جدامج
مني يزينب گطعي كل امالج
راح. الحنين. الجان يتچنالج
اختي اعتذر منهه
من يمشي محملهه
اعتذر منج يم طهر عذريني
اجفوفي راحت وانطفه اصبي عيني
مكطوعه جفينه. صاب السهم عينه
📓📓📓📓📓📓📓📓📓📓📓
ظل عالشريعه الخيل داست صدره
وبصوت عالي يصيح يبن الزهره
ادري حسين اليوم تكسر ظهره
فلت يبو السجاد هاي العشره
خويه انكسر ظهري
يا عزي يا ذخري
وزينب اصيح بصوت يا كافلهه
اتريدك تحطهه ابراي وتحملهه
مكطوعه جفينه. صاب السهم عينه
📓📓📓📓📓📓📓📓📓📓📓
رديت خويه للخيم مهظومه
ولكيت نيران الكفر مظرومه
عباس اجيت برايتك محشومه
واعرف يزيد وغايته وعلومه
من الخيم فرت
وللمشرعه اتعنت
عباس خويه كوم شوف احوالي
ما ادري افگدك يالولي لتالي
مكطوعه جفينه. صاب السهم عينه
📓📓📓📓📓📓📓📓📓📓📓
تمت بعون الله قصيده متواضعه
لسيدي ومولاي ابا الفضل العباس
نسالكم الدعاء
من نمشي الجدكم
نمشي ابحمايتكم
في رحاب اهل البيت عليهم السلام
للمشايه
( طور حلو بيارغهم )
.......
من نمشي الجدكم
نمشي ابحمايتكم
يالمهدي كلنه اوياك بالمشايه
خلفك نسير اوشيل انته الرايه
اوننتظر طلعتكم
.......
يالمهدي عمتك جايه اومتعنيه
ابضيم اليسر ومن الهظم مكتفيه
بالشام روس اهلكبقت متعليه
يالمهدي قوتي ناحله اومنتهيه
ابودي اردنها
يا عمه وادفنها
راس الحسين اوعمك اوشبابه
اوراس الرضيع اوروس كل اصحابه
ما اريد ألمكم
تنتظر طلعتكم
......
يالمهدي عمتك باليسر مهظومه
بت الوصي حيدر علي المعلومه
وسفه شخصها ارخصيتو سومه
اشعانت براضي شامها الميشومه
والي كفلها وين
امكطع الزندين
يالي اكفلتها والكفاله كلفه
تالي عفتها الف حيف اووسفه ترضاها شيمتكم
تنتظر طلعتكم
........
يالمهدي خلنا انروح نستقبلها
بلجن انخفف من الم محنتها
لمن تشوفك جاي وي شيعتها
شوفتك بلجي اتهدي منونتها
كلنه نروحلها
اونصرخ ابصرختها
لمن تشوفك بلجن ايسليها
لو شافتك متعني واتواسيها
هذي عقيلتكم
تنتظر طلعتكم
.......
يالمهدي تدري ابحالها واشلونه
اشلون اليسير اشلون من يولونه
عمتك عليها الحزن غير لونه
خجلان من زينب من ايسألونه
الحزن ظل ينحب
انا صرت زينب
حن الحزن وانطوى ضلعه اعليها
زينب غطتني اوصرت انه ابواجبها
اشافت عقيلتكم
تنتظر طلعتكم
........
صار الحزن امسجل اباسمها
شكل الحزن اترسمه اويرسمها
منها اتعلم هوه ما علمها
صار الحزن اوشاحها اومعلمها
والحزن حن الها
ويون على ونها
مثلج يزينب ما شفت محشومه
مرتديه اثياب الاسى وهمومه
اوهيه الي كفلتكم
تنتظر طلعتكم
......
يالمهدي مشايه نظل وياكم
بارواحنه اوبدمومنه نفداكم
ثار ابو اليمه انريده من اعداكم
سلم اليسالمكم عده العاداكم
ماننسه الزهره
اوبته المتيسره
ما ننسه جدك نايم اعله الغبره
واعداكم الهشمت صدره اوظهره
اومن هوت رايتكم
ننتظر طلعتكم
........
مشايه مشايه اونضل نمشيها
انتو السراط اوخطوة النخطيها
انتو سفينة نوح نركب بيها
فاز الي عترة حيدر ايواليها
مشايه ابخطكم
منعوف نصرتكم
احنه اتباع احسين واحنه اعوانه
يالمهدي كوم اوكلنه الك عوانه
منصورة رايتكم
ننتظر طلعتكم
......
الحاجة ام احسان
كتبت في
30محرم 1440هـ
لطفا لا تحذف اسم الشاعرة
ياهلابعباس
الغيرة والنوماس
عن ابو الفضل العباس عليه السلام
🎤🎤🎤🎤🎤🎤🎤🎤
على طور حلو بيارغهم
ذبو عمايمهم
ياهلابعباس
الغيرة والنوماس
هذا ابوفاضل كلهم ايعرفونه
ايزلزل الحومة ابنضرة من اعيونه
اتعرفه كلها الناس
اتعرفه كلها الناس
🎤🎤🎤🎤🎤🎤🎤🎤🎤
اتعنى ابو فاضل الخيمة زينب
حرك الراية الحيد والكون اطرب
لعيونچ اسبيها الزلم من اغضب
ماكو شي خوية بوجودي يصعب
گللها ابو فاضل
تدرين انا الكافل
اشماجمعو من جيش ميهموني
تفني العساكر نظرة من عيوني
وحبسه الچ الانفاس. 🎤🎤 ياهلابعباس
🎤🎤🎤🎤🎤🎤🎤🎤🎤🎤🎤
دگ صدرة ابو فاضل وشال الراية
گلها يزينب خوية عندي احچايه
لعيونچ اسبي الگوم خوية اسبايه
اجيب النهر هليوم هو ومايه
لابد تشوفيني
مگطوعة چفيني
موانا اخوچ وانت اتعرفيني
ساقي العطاشى خوية اتسميني
بيدي الدرع والطاس.🎤🎤 ياهلابعباس
🎤🎤🎤🎤🎤🎤🎤🎤🎤🎤🎤
تجري الدموع ابحرگة وتعنته
زينب مشت للكافل ونادته
ونت الحرة اليوم من شافته
ارباط الاخوة بلزند شدته
من ذبت المعصاب
وياه عدها اعتاب
ابشاربك يبن الفحل تدريني
ترضى العده يابا الفضل تسبيني
ترضى الخدر ينداس🎤🎤 ياهلابعباس
🎤🎤🎤🎤🎤🎤🎤🎤🎤🎤🎤🎤
يالكافل ابهليوم خوية اسمعني
من زغري تدريه الحزن لاحگني
چم لوعة چم اصواب باقي بصداري
لو رحت تدريه الشمر يضربني
ياخوية وباچر
نظل نكسر الخاطر
ويتشمتون اعداك خوية ابحالي
امشي سبيه والشمر يبرالي
وبعيني اشوف الراس🎤🎤. ياهلابعباس
🎤🎤🎤🎤🎤🎤🎤🎤🎤
لو رحت عني ينور اعيوني
گوم الكفر ياالكافل ايهضموني
لوحچيت اوياهم ايشتموني
بسياطهم خوية العده ضربوني
لو هجمت العدوان
بگلبي تشب نيران
بنار الحقد تحترگ خوية اخيامي
تهج بلبراي امن الرعب ايتامي
يضربوهم الانجاس.🎤🎤 ياهلا بعباس
🎤🎤🎤🎤🎤🎤🎤🎤🎤🎤🎤
گللها كافي خوية اذيتني
يابت ابوي اليوم بچيتيني
انا الكفيل وانت اتعرفيني
ابكربلة ارخص الچ چفيني
ايحاچيها وبعبرة
والحسرة ابصدرة
ايگلها لاتبچيني وانا اگبالچ
اگطع اچفوفه الي يمس اخيالچ
والخدر ما ينجاس. 🎤🎤 ياهلا بعباس
🎤🎤🎤🎤🎤🎤🎤🎤🎤🎤🎤
شنهي العده والخيل خوية اتهمچ
اترجاچ لاتبچين وانا بگربچ
ياهو يريد اليوم يوصل حدچ
بلسيف يتگطع الخاطر خدرچ
خليهم ايشوفون
لورادو ايجربون
تتگطع الروس التمس اجدامچ
گعدي يخوية وامني بخيامچ
اچفوفي الچ حراس 🎤🎤 ياهلابعباس
🎤🎤🎤🎤🎤🎤🎤🎤🎤
الـــكاظم المـــسوم
خلص حياته هموم
بقلم خادمة الحسين عليه السلام
أم زهراء الزيداوية البصراوية
.اهلي الخدمتك يحسين نذروني
اتفاخر ابين الناس لو خادم يسموني
خادمة الإمام الحسين عليه السلام
🖋🖊ام زهراء الزيداوية البصرة 🖊🖋
الـــكاظم المـــسوم
خلص حياته هموم
كاظم الغيظ اشكبر صبره
بربع جدار مگضي عمـــره
عليه المنايه تحــوم 2
بربع جدار الكــــــــــاظم مخليـــــــنه
عابد وساجد كاضي عمر اسنيـــــــنه
يشــــــــكي همه الربه ويعله ونينـــه
يـــــمــــته الفرج ياربي من يدعيلـــه
ويـــــكله ياربي
يمته الفرج عني
بسجن الرشيد الكاظم معذبينه
اظلم عليه السجن ومكيدينـــه
ودينه بيه ادموم الكاظم المسموم
*****************************************
حفره بديه الكــــــاظم من اغــــــلاله
شلـــون جـــاه الـــــــــكاظم ابـــدلاله
بـــــــجه السمه وي الارض عل حاله
لامـــــن اخو لامـن كرايـــــــب جاله
محـــــد اجه يمه
ويواســـده بهمه
هـــــــذا الغـــــــريب وضـــل بغربه
عليه المــــــــــوالي انــــــمرد گلــبه
من شافه ملجوم الكاظم المسموم
****************************************
كلــــــهم يشــــــعه الجمــــــعه طالع
ومسحو الدمعه وماكو كل اي دامع
فرحت الشيعه الـــكاظم الهم راجع
طش بالمـــــــــدينه الخــــــبر فاجع
والكاظم وسموه
وعالجسر خـلوه
والشيــــــــعه تتــنطر فرج مولاها
وابن الرشــــــــيد عاللجسر خلاها
تتناحب اليوم. الكاظم المسموم
******************************************
وشيـــعته عــــاللجسر صــارت لمه
كل واحد ع للكاظم حيـــله مهدمه
بكـــــــيد السلاسل شـــافـــــو دمه
اه واويـــــــــــلاه صرخت كله يمه
انهض يمــــولانه
وفايه تلـــــــگانه
علـــــــوعد مــــــــــــاخالفـــــــــينه احنه
هــــــــذا الخـــــــبر مولانه شـــو فاجعنه
مايفيد الوم. الكاظم المسموم
******************************************
جـــابــــــــو طبيــــــب يعرف العله
كـــــــل ضــــنه هــــــــذا نايم ضنه
حتـــــى طبيبـــه كام يعلـــي الونه
غــــــــارگ امـــــــام الشيعه ابسمه
يلطم عا الراس
مسموم ياناس
وشـــــيعته التمــــت عليــــه اتشيعه
وتغســــــــله وتــــــــــجفنه وتودعه
وظالم الگوم. والكاظم المسموم
******************************************
وشيعه كله الـــــــــيوم هم حزنانه
ولامـــــــام المهدي هــــــــم ويانه
وامـــكم الزهراه هم تحب ملگانه
ومنهجـــــــــكم عاللعدل هم دلانه
ابائك القـــــدوه
نتعنه الك عنوه
ولامــــــــام ويـــــــــنه رافــع رايه
ياموسى ابن جعـــــفر تكفي هايه
نصرخ يمعصوم. والكاظم المسموم
★★★★★★★★★★★★★★★
على طور الرادود مرتضى حرب (حلو بيارغهم )
بقلم خادمكم الرادود مصطفى الحجيمي
ويلي على الزهره**شافت غصص مره
ويلي على الزهره**شافت غصص مره
من عگب ابوهه الگوم حيل اذوهه
ومن البچي أهل الرده يمنعوهه
حسره بأثر حسره...حسره بأثر حسر
¤¤¤¤¤¤¤¤¤¤¤¤¤¤¤
هاي الزچيه الطاهرة المظلومه
من عيشهه مثل البشر محرومه
جروح بگلبهه كل وكت ملچومه
مهضومه عاشت وانتهت مهضومه
وسط الگلب جمره**مصايب بعد كثره
حرگو الدار وكسّرو ضلعهه
من عگب ابوهه مانشف دمعهه
متكسره العبره**حسره بأثر حسره
‰‰‰‰‰‰‰‰‰‰‰‰
بعمر الورد شافت هضم ومصايب
يا ويلي راووهه شكثر عجايب
دلالهه من النوح صبّح ذايب
وسفه عليهه تعيش بالنوايب
شاب الگلب منهه**مابطلت ونهه
ولاچن ابوهه شكثر وصه بيهه
وناده ياذيني فاطمه الياذيهه
محد مشه بأمره**حسره بأثر حسره
‰‰‰‰‰‰‰‰‰‰‰‰
غصبوا ارثهه وكسّرو ضلعهه
يوم الذي برجله النذل دفعهه
محزونه ضلت مانشف دمعهه
نادت ييابه لچن ماسمعهه
بويه انضر لحالي**مصيوب دلاّلي
اصرخ وتجري دمعة عيني
شوف الزمان خلافك مأذيني
وحزني صفه شكبره**حسره بأثر حسره
‰‰‰‰‰‰‰‰‰‰‰‰
عگبك يبويه ماهدت وناتي
يالشوفتك بلسم لكل اهاتي
يالغبت عني وكثّرت لوعاتي
دمعاتي تجري ماتجف دمعاتي
عشت بهضم وبنوح**مني الگلب مجروح
مجروح گلبي ومايفيد ضماده
والنوح عگبك والبچي مافاده
وشيجبره لكسره**حسره بأثر حسره
‰‰‰‰‰‰‰‰‰‰‰‰
بنيتك يبويه شكثر شافت لوعه
يامن خلافك هالبقت مفجوعه
گلبي بغيابك من يسّكن روعه
وجفني يبويه من ينشف دموعه
دمعاتي سچابه*ونيراني لهابه
عگبك وماتخمد ابد نيراني
ظلموني وعليه كثرت أحزاني
أحزان الگلب كثره**حسره بأثر حسره
أبو جعفر السلطاني
شبحت العين الهم
رادت تودعهم
في رحاب اهل البيت عليهم السلام
طور حلو بيارغهم
وفاة ام البنين عليها السلام
............
..........
شبحت العين الهم
رادت تودعهم
ام البنين امفاركه الدنياها
لحسين لا عباس اجو احذاها
ونت الفركتهم
شبحت العين الهم
......
ام البنين الليله ابيا حاله
تنادي ولدها ادموعها سياله
عباس جف عمري اوبكت الوشاله
دنياتي بيه كل وكت عياله
حرمتني من عدكم
وانه فده الكم
تمنيت عمري بيه انه اشريكم
ابنص الگلب ياريت يمه اخفيكم
تحجي اوتعاتبهم
شبحت العين الهم
..........
اولادي قطعة امن الگلب والمهجه
شوفتهم اتمناها جنت اترجه
وافراكهم شعلة حزن متوهجه
تسافر ابروحي اوكل كياني اترجه
وانتظر جيتهم
فرحتي ابشوفتهم
لاجن وسف دنياتي غرب ضيها
حالك ظلام العمر واكشع فيها
هيهات اشوفنهم
شبحت العين الهم
.........
هذي المشاعر صادقه واحجيها
اولادي دنياتي واعز ما بيها
لاجن ابواليمه تعله اعليها
حبه عقيده ومحد يوصل ليها
التوحيد في حبه
صافيه انشربه
حب ابو اليمه اغله من اولادي
جده النبي اوحيدر ابوه اسيادي
اركبنا سفينتهم
شبحت العين الهم
.........
القرأن بين منزلتهم واوضح
تابع رسول الله ابحبهم يفلح
حرب الحربهم واليخالف صرح
خسران دنيه اواخره اوماينجح
في دنيته الخذلان
اوبالاخره الخسران
وانه اعله حيدر فتحيت اعيوني
علمني طاعتهم ابامسي اويومي
فخري ابخدمتهم
شبحت العين الهم
.........
عباس يمه يا حبيبي الغالي
لا تظن ناسيتك تراك ابالي
دوم افتخر والراس بيكم عالي
لحسين ابن الزهره اشرح حالي
رايدته يحضرني
اوبيديه يدفني
معذور انته امكطعات ازنودك
وحسين بيك اوبيه انته اوجودك
واخوتك خبرهم
شبحت العين الهم
.......
هليوم افارك دنيتي اللوعتني
بيكم ييمه ابد ما رحمتني
اوبحسين اه يحسين بيه فجعتني
عطشان ضل ابلا جفن خبرتني
ابن النبي عطشان
خلوه ابلايه اكفان
والخيل رضت للحسين اضلوعه
اوزينب مشت عنه تون مفجوعه
وتعاين اجثثهم
شبحت العين الهم
.........
الحاجة ام احسان الخاقاني
كتبت في
10جمادي الاخره 1440هـ
لطفا لا تحذف اسم الشاعرة
عافو منا زلهم ...شدو محاملهم
قصيده على طور قصيده مرتضى حرب حلو بيارغهم مع بعض الاختصار
♠️♠️♠️♠️♠️♠️♠️♠️♠️♠️♠️♠️
للعليله
♠️♠️♠️♠️♠️♠️♠️♠️♠️♠️♠️
عافو منا زلهم ...شدو محاملهم
هاليوم شايل يا عميد العيله
شايل يبويه وين هاي الشيله
عگبك فلا ارهم
عگبك فلا ارهم
.................♠️♠️♠️♠️♠️♠️♠️♠️
لزمت ضعنهم فاطمه تگللهم
يا بويه ليش لسفرتك شو مهتم
مر الصبر من بعدك اجرع والهم
عافوني وحدي چني ابد مو منهم
متعلمه اشوفنكم
ما بيه اعوفنكم...عزلوني من عدهم
عافو منازلهم ...شدو محاملهم
........................♠️♠️♠️♠️♠️♠️♠️
كاللها بويه ونتچ تاذيني
ما اگدر انضر دمتچ تعميني
ارجع واجيبچ فاطمه سمعيني
ودي رساله لكربله وحاچيني
يا بويه تانيني
ارجعلچ بعيني...عوفي العتب والهم
عافو منازلهم ...شدو محاملهم
........................♠️♠️♠️♠️♠️♠️
حگها تعاتب والدمع يجاره
سويلي حل بويه اريد الچاره
تنذبح خافن وانه اضل محتاره
نار الگلب لجلك تضل وجاره
خافن تضل مذبوح
فوگ الرمل مطروح...وي الاهل كلهم
عافو منازلهم شدو محاملهم
.....................♠️♠️♠️♠️♠️♠️
جاها الكفيل ويمسح ابدمعتها
ويگول كسرت گلبي يا لوعتها
زينب تعاي اهنانه يا عمتها
صبري عليها وهدي من ونتها
صاحت فلا اصبر
فاجعني هالمنضر...ابقه اناطرهم
عافو منازلهم شدو محاملهم
....................♠️♠️♠️♠️♠️♠️♠️
ادري يعمي تنذبح تاليها
وزينب اسيره والشمر يوليها
چفوف الكفيل مشمره ادريها
وعينك يعمي السهم عاميها
عمي دحاچيني
مهضومه تدريني...گتلك فلا ارهم
عافو منازلهم شدو محاالاختصار
................♠️♠️♠️♠️♠️♠️♠️
الشاعرة الحاجه ام حسين العسكري:
الشاعرة الحاجه ام حسين العسكري:
الظلع والبسمار
لموسوي علي:
*اللهم صل على محمد وال محمد*
على طور حلو بيارغهم
✨✨✨
الظلع والبسمار
من هجمو على الدار
شبوالنار وجمعو كلهم
والزهرة من ورة الباب تسالهم
دفعو عليهة الباب
والكَلب منهة رتاب
✨✨✨✨🚪
شنه تردونة بعجل خبروني
بالوجه وسفة كامو يسطروني
والدمع بس ظل وجري من عيوني
وجمعو كلهم ولا رحموني
وصحت ياحيدر
والظلع يتكسر
ومحسن سكط من عدي وهاي الحالة
اخذو علي من يمي من مجانة
والكَلب وجر نار
والظلع والبسمار
✨✨✨✨🚪
✨✨✨✨✨
✍🏻/ام امير الموسوي
تم الاهداء الى مولانا المهدي (ع)
زينب اجت هليوم
في رحاب اهل البيت عليهم السلام
طور حلو بيارغهم
اربعينيه
.......
زينب اجت هليوم
وتنادي يا مظلوم
ابيوم اربعينك جيت وتهل عيني
الراس جان اوياي ويسليني
بعده يكت ادموم
......
الراس جبته اوياي خويه اوجيتك
خويه اربعينك صار واتعنيتك
خويه وحك ظلع امك اعتنيتك
مكسور كلبي لجن ما سليتك
ياسلوتي ابدنياي
عكبك امتيهه الراي
خويه انشد ادموعي تخبرك حالي
حال الغريبه الفاكده للوالي
خويه جفاني النوم
زينب اجت هليوم
.......
خويه اجيتك لا جن ابيا حاله
حالي انظره الك يشرح حاله
ينبيك عن دهري اوعن افعاله
اختك مشت امجتفه بحباله
خويه قسه اعليه
دهري اشتفه بيه
يا دهر يالظالمني بسك مني
زينب انه بت فاطمه تعرفني
اوبت حجة القيوم
زينب اجت هليوم
........
رديت خويه الكربله اوياي الروس
روس اخوتي الكلها حميه اوناموس
اوروس الشباب الحلوه الجنها اشموس
بلجن حلم احجي اويه روحي اوكابوس
بلجي اصحه من عنده
اوتخلص الشده
لاجن وسف ماجان حلم اورؤيه
هاذي حقيقه اوعني ما متخفيه
اوهاجت علي الهموم
زينب اجت هليوم
......
هليوم ردينه اونحشم اخوتنه
اونعتب عله الخوان متلكتنه
يدرونها صعبه اشكثر سفرتنه
سفرة يسر بيها العده لوعتنه
الشام اه الشام
راوانه الالام
عدوان خويه اواظهرت شماته
والينه ينظر حالنه ابوناته
من المرض مالوم
زينب اجت هليوم
........
كتله يعمه بعد مالي قوه
وديني اشوفن عمه حال الاخوه
كلبي يعمه من الفركة اتجوه
عمه الصار ابكربله اعظم بلوه
وديني اشوفنهم
شتهو البقه منهم
ايكلي يعمه منفطر دلالي
لا حيل بيه اولا صبر ضلالي
كلبي يكت اهموم
زينب اجت هليوم
........
وصلن اوصاحن فرد صيحه كلهن
واعله الكبر ذبن ابحركه انفسهن
ايديرن العين اعله الذي كفلهن
حكهن يعتبن عله اخوتهن حكهن
نسوان مثكولات
ايهلن العبرات
فلت اوياكم خويه تالي الخوه
عفتونه بيد العده ماهي امروه
فلت بعد للدوم
زينب اجت اليوم
.........
الحاجة ام احسان الخاقاني
كتبت في
11 صفر 1440 هـ
لطفا لا تحذف اسم الشاعرة
كلمات حلو بيارغهم للرادود مرتضى حرب
تعليقات
إرسال تعليق