قصيدة : راح من ادينه
✒️ الشاعر : كرار حسين الكربلائي
🔷 الرادود : محمد الجنامي
مع 10 قصائد للامام علي عليه السلام مكتوبة في الاسفل
راح الأبو چان خيمة علينه
يا ناس ابو حسين راح من ادينه
دفنوا عشگنه الاولي .. وما عدنه بالدنيه علي
راح من ادينه .. راح من ادينه
🔹🔹🔹🔹🔹🔹🔹🔹
يتامه يتامه صفينه يتامه
مشه الچان بوجوده نعيش بكرامه
وسافه وعلي راح يدنيه بخضابه
گبل چنه نعتاز نروح اعله بابه
صدگ هسه صرنه يتامه بغيابه
ابونه ابونه
علي چان ابونه
محله الفجر چان نسمع اذانه هسه نجي نشوف خالي مكانه
مثل الشمس غاب الولي .. وما عدنه بالدنيه علي
راح من ادينه .. راح من ادينه
🔹🔹🔹🔹🔹🔹🔹🔹
اويلاه اويلاه الف اه واويلاه
فگدنه عمرنه عسه ولا فگدناه
الزمن چان يتعبه ويجي بهمه يمنه
يتامه وننام اعله صدره ويشمنه
نحس ينسه حزنه اذا بيده ضمنه
علي راح علي راح
وسافه علي راح
كلما يجي الليل والوادم تنام
املثم نشوفه يطعم بالايتام
ليل الحزن ما ينجلي .. وما عدنه بالدنيه علي
راح من ادينه .. راح من ادينه
🔹🔹🔹🔹🔹🔹🔹🔹
مصيبه مصيبه دهتنه مصيبه
تغيب ولينه وكسرنه بمغيبه
مثل ولده چنه ويخلينه بالعين
يراعينه مثل الحسن وابنه الحسين
علي لله يطعمنه مثله يصح وين
يحيدر يحيدر
وداعاً يحيدر
ياحيدر شلون بغيابك نهيد
المن نعايد لمن يجي العيد
بهالعيد مدمعنه يهلي .. وما عدنه بالدنيه علي
راح من ادينه .. راح من ادينه
🔹🔹🔹🔹🔹🔹🔹🔹
بالگبور بالگبور نعيد بالگبور
تره الفاگد عزاز على الدمعه مجبور
يوادي النجف ليش خذت عافيتنه
بترابك دفنه الوفه والمحنه
طفت شمعة البيت مشت عاطفتنه
الفرح مات الفرح مات
بغيابه الفرح مات
تراب النجف اخ شمسوي بينه
تاخذ بالاعزاز ونصفگ بدينه
من هالزمن خل ننولي .. وما عدنه بالدنيه علي
راح من ادينه .. راح من ادينه
🔹🔹🔹🔹🔹🔹🔹🔹
مناحه مناحه العمر بس مناحه
متاعب مصاعب ولا شفنه راحه
علي راح يدنيه وبگت ذكرياته
ينوح الزچيه گضه كل حياته
رحل خله يرتاح ارتياحه بمماته
يدنيه يدنيه
بچينه يدنيه
گضينه وياه احلى الليالي
الغالي علي وراح ماعدنه غالي
نحچيلمن من نبتلي .. وما عدنه بالدنيه علي
راح من ادينه
قسم قصائد محمد الجنامي مكتوبة
10 قصائد مكتوبة للامام علي عليه السلام
1
------------_---------------------------------
في حق الامام. ع
تاركني جرح ويلجم
من يسمع ابطاري اليتم
يابويه لمصابك اهم. يومن عفتني
-----------
انه زينب بويه يالمفطومه حسره
ارجع ومسحلي راسي كلبي جبره
كمت اشوف الدنيه كله بعيني حمره
تيتمت من زغري انه. وحالي انظره
بجروحي كمت انه اعد
يالوالي ادري ماترد
ترميني اسهام. البعد يومن. عفتني
-----------
بويه جاني العيد. ونته بعيد عني
شفت. دمعات اليتامه. وذكرني
بويه جن اني بسجن يومن عفتني
وذكرياتك كلهن. اكبالي. هذني
منين اجيبلي كلب
يتحمل افراك المحب
جن عايشه بديرت غرب يومن. عفتني
-----------
ياحزن. ما فاركاني طول. عمري
يظل حد الشيب ادري بروحي يسري
باجر. انه بكربله. ينسلب. خدري
والله حيرني. الدهر محتاره بمري
ضل يبجي اعليك الفجر
يابويه من كثر الهجر
ويتامك اتنوح اشكثر يومن عفتني
-----------
رحت عني شخلت ابحالي اليالي
بلايه. فكر وحايره ومشدوه بالي
اصد محرابك وشوفه بويه خالي
والله حيره. تحيرت بعدك يوالي
مليت من كثر البجي
ودري رايح ماتجي
يابويه شيفيد الحجي يومن عفتني
----------
بويه. باجر. ياعلي. بالغاضريه
نومه اخوتي مذبحين عله الوطيه
امشي لرض. الشام. وياهم سبيه
ردت كبلك. كون. تلفاني. المنيه
من فكدك انصاب الكلب
تتركني مابين الغرب
يالوالي وحالي صعب يومن عفتني
------------
خادم الحسين
رحيم الصالحي
2
------------_---------------------------------
في حق الامام علي. ع
ياليتامه راح اوصي المهدي بيكم
ياليتامه يخلي اعيونه. عليكم
هذا من عندي عهد
المهدي حارس للبد
ياليتامه
-------------
حتئ لو عنكم رحت انه ومشيت
ذمه. بيكم. ياليتامه. ذمميت
مو عله امصابي تصب عيني وبجيت
خاف. مره وياكم انه. قصريت
لاتخافون حاشه ربك ينسه عبده
لاتخافون ماخلف فد يوم وعده
عنكم ابعدني الدهر.
وراظي ابحكم القدر
ياليتامه
-------------
جنه انه وياكم انعيش. بسعاده
ونكسم ارغيف الخبر اعلينه عاده
الرمل هوه افراشنه وهوه الوساده
وكلمن بهذاا الزمن ياخذ. مراده
خاف اموتن خلي اشبع شوف منكم
خاف اموتن بروحي اتنفس عطركم
شمامشه بعيد الزمن.
الكم المهدي وطن
ياليتامه
-------------
انه وياكم. جنت اكعد. سويه
ودري بالمحتاج والعنده قظيه
اليوم فرقنه الزمن وبهل مسيه
شنو ذنب الي جنيته بهل وطيه
جيف احبكم بسيفه ابن ملجم غدرني
جيف احبكم منكم الظالم. حرمني
انه حاضر بالشدد
صيحو ياحيدر مدد
ياليتامه
---------------
الله. بيكم. وصه. وخص اليتيم
والي ياكل حقه شيطان رجيم
اه. ياويله. من. نار. الجحيم
باجر الموعود هوه الهم زعيم
لاتحزنون وعد هذا منل جليل
لاتحزنون الباري ينسه مستحيل
مو سهل ادري الهجر.
الصبر يامحله الصبر
ياليتامه
--------------
هاي اخر ليله خل نكعد سويه
منكم. اشبع شوف ساعات المنيه
المهدي يعلم بالمصاب الصار بيه
هوه. يرعاكم اوصيه. بوصيه
مايقصرون ذوله. ولد. الزهره
مايقصرون مني اخذو عبره
راح اروحن مستراح
كافي وبطلو نياح
ياليتامه
-----------------
خادم الحسين
رحيم الصالحي
3
------------_---------------------------------
طاحت خيمة الأمان لا ترحمني يا زمان
@@@.......@@@
ينهدم حيلي وعلي يرجعلي حيلي
هوه أبوي وعدتي وعوني وخليلي
طبروا الهامه وأحس طبروا دليلي
ما يرجعك نوحي ودموعي وعويلي
آيا حسرة الحنان لا ترحمني يا زمان
@@@.......... @@@
عاشرت دمعاتي من فكد الزجيه
وكلت أبوي المرتضه خيمه عليه
أهواي تشبهني وأنه أشبه رقيه
الفرق ما متت وي حامي الحميه
من أتأجل الأوان لا ترحمني يا زمان
@@@..........@@@
بويه يالنورك يشع درب الظلامه
ليش وجهك أصفر بلون العمامه
العيد أجانه وندعي تكوم بسلامه
عيد الأكشر عكب عينك عاليتامه
غابت روحي بالمكان لا ترحمني يا زمان
@@@............. @@@
انه محتاره وصحت يمه يزهره
أنطيت عمري لوالدي وأنطاني عمره
وصلت لأم راسه يا فاطمه الطبره
كون ميته وياج من لحظة العصره
أسمع ضجت الجنان لا ترحمني يا زمان
@@@............. @@@
من دمه الهامه تخضب عودي شيبه
يعني صارت كربله كلش قريبه
أهواي محتاجه لعلي ومنين أجيبه
أسمي صار بكربله أم المصيبه
ً بالنواظر طفي بان لا ترحمني يا زمان
@@@..............@@@
بويه ما أقبل تودعني وأودعك
انه زينب رايده للموت أتبعك
أشلون يرحمني الزمان الما يرجعك
بزينب أتوصي أبو فاضل أسمعك
الحادي من بعدك سنان لاترحمني يا زمان
@@@............@@@
بويه حيدر دمعك بعينك يلالي
أنته غالي ورايح تشوف الغوالي
اتسلم أعله أمي وتخبرهه أعله حالي
وتحضر الطف لو صحت يمه تعالي
راس أخوي أعله السنان لاترحمني يا زمان
@@@.......... @@@
#_خيمة_الأمان
كلمات الشاعر /كرار السعيدي
4
------------_---------------------------------
شوط كربلائي
مصابك ياعلي الكرار.فجعنه وأثر علينه
هضيمه وماكمل فرضك ننوح عليك والينه
-----------------------------------------------------
علي بمحرابه من صله ابن ملجم غدر صابه
هضيمه وماكمل فرضه امامي بل غدر ضربه
طايح ومخضب دمه هذا مولود ....
الگعبه
ملك ناده وعلي طايح
جنه ابو الحسن رايح
منادي وبسمه صايح
تهدم رگُن من الدين. بطيحت علي حامينه
<<<<<<<<<<<<<<<<<<<<<<<<<<<
بمصابك ياعلي الكرار يبجي العالم بأسره
نواسي زينب والحسن ونواسي فاطمه الزهره
انت لأسد والغالب انت من الطاهره العتره
فارس مرحب وصفين
يل بدمك حياه الدين
يل مضحي بحسن وحسين
العرش والباري يبجيلك يابو الحسن والينه
>>>>>>>>>>>>>>>>>>>>>>>>>>>
منادي من العرش. ناده تهدمت رگن الهدى
الباري واملاگه تبجي عليك ويبجي المصطفى
ينادي بحزن وبعبره. علي طايح يامرتضى
تنادي بحزن فاطمه
علي مخضب بدمه
يويلي ياحمي الحمه
ولايتام بحزن نادت عليك ويسجب بچينه
>>>>>>>>>>>>>>>>>>>>>>>>>>>
يتامه ياعلي ولدك من بعدك كلهم ضلو
يريت ايامه لاكربن عليك وعالزهره ناحو
والحزن رايح يبدي من هاذي وگلهم حزنو
حزنهم بل الگلب..... حسره
عليك وعلى البضعه الزهره
ينوحون ابچي........ وعبره
يريتك تنضر لـ الولدك وزينب تبجي وحزينه
>>>>>>>>>>>>>>>>>>>>>>>>>>>
لخام الحسين / حسن احمد الجحيشي
5
------------_---------------------------------
#قصيده_لأمير_المؤمنين_ع_نزله
#الشاعر_الميرزا_محمد_الساعدي
أويلاه يحيدره أويلاه يحيدره
===============≈===================
ماتمم صيامه علي
ينحب عليه سيفه الجلي
محتار غرب أملي
انهدمت سمانه من الجره أويلاه يحيدره
===============≈===================
ياقل هوه اسناده سمه
وعليه تنحب فاطمه
والشيعه كلهه امحزمه
وعالراس دگتهه تره أويلاه يحيدره
===============≈===================
زينب يفاجعة الدهر
وسفه علي اصبح مهر
يبچي عليّ حتى الشجر
واللاح حيدرنه مره أويلاه يحيدره
===============≈===================
سلطان عرش الله حزن
عالكامش ابأيده الرسن
والناعي ينعاله وطن
واليبچي سبع الگنطره أويلاه يحيدره
===============≈===================
يا سر علي عند العلي
فدوه ألك انه وهلي
انته نجاتي ومقلي
فاز العله الهيبه قره أويلاه يحيدره
===============≈===================
هنيال خدامك يحيد
واحدهم بكيفه شيريد
سوينه بمحبتك نشيد
سلطان دنيه وآخره أويلاه يحيدره
===============≈===================
ناداك مولاي الأجل
ناحت أحُد ناح الجمل
حي على خير العمل
والراح سيف ومفخره أويلاه يحيدره
===============≈===================
ياحيد يمعذب النفس
بس اليحب بيهه يحس
يالماوصل يمك رجس
خل يدري كلمن مادره أويلاه يحيدره
===============≈===================
أول خليفه اتحسسه
ياثاني أصحاب الكسه
يازوج سيدة النسه
يالبيك كل احنه نره أويلاه يحيدره
===============≈===================
ياذو الفقارك ملحمه
والداء انته مرهمه
اعليك روحي معلمه
للدين هنياله الشره أويلاه يحيدره
===============≈===================
13/5/2020 الأربعاء
07712631386
#الشاعر_الميرزا_محمد_الساعدي
6
------------_---------------------------------
ينجينــه من انموت النجه نبي أمن الحوت
يوم الحشر لو صار نلــوذ بعلــــــي الكرار
ماعدنه غيره
ماعدنه غيره
* * *
أبنادم لو دناه الموت لو عمره وصل حده
يفارك كل عزيز أعليه يسكن بالكبر وحـــده
هم وحشه وظلام وضيم هم ضيك عليه لحده
وكل هذا الاشد أعليه منكر من يجي ينشده
يصيح أنطي وجهي وين
أدخيلك يبو الحسنيــــــن
وميخيبه حامي الجار
نلوذ بعلــــــــي الكرار
ماعدنه غيره
ماعدنه غيره
* * *
وين نروح من نموت غربه والكبر مظلـــــــم
العنده ذنوب بيه شلون من ينعد شخص مجرم
الندم ميفيد كل أنسان مهما جان متنـــــدم
الا ايمان الا أعمال مو بس بالأسم مسلم
ننسأل عن الديـــن
وهم جنه ملتزمين
ومنا الدمع ينهــار
نلوذ بعلـــي الكرار
ماعدنه غيره
ماعدنه غيره
* * *
يلف الموت كل أنسان عنده ألقاب عنده أنســــاب
ومرار الموت مو بالموت بعد الموت يبدي أحساب
بس أحساب من أحساب ينجح بيه العنده أكتاب
شلون أكتاب بيه أختام بيه توقيع داحي البـاب
يوكف ولي الرحمـــن
وميميشي ياهو الجان
أهناك الخلك تحتار
نلوذ بعلـــي الكرار
ماعدنه غيره
ماعدنه غيره
* * *
اليندم يبقى يتوسل لجنه مهما يتوسل
إذا مو حيدر يزكيه مذنب هوه يتسجـــــل
الميزكيه أبوالحسنيــن لاميصيرلـــه كل حل
وعلي يزكي الخوش أنسان أبد موخوش مايقبل
يزكـــي الذي وآلآه
ويرضي الذي حباه
وعن لاتمسنه النار
نلوذ بعلــي الكرار
ماعدنه غيره
ماعدنه غيره
* * *
دخيلك ياعلي الكرار يوم الحشر نجينــــه
عدنه ذنوب يامولاي غيرك من يلفينـــــــه
ماكو أعمال بيها نفوز بس حبك يوالينـــــه
وبس هذا الامل موجود بس هذا الامل بينه
ماعدنه غيرك عون
ياوالي رب الكـــون
أشما تلتم الاخطار
نلوذ بعلـــي الكرار
ماعدنه غيره
ماعدنه غيره
* * *
سلام المشعل
7
------------_---------------------------------
بعدك بويه سود أيامي
وشيّعت بنعشك أحلامي
ولموتي أتنطّر. اه ياحيدر
بوداعك بويه صارت ليل الي أيامي
بعمر شلّي اذا مو أنته گدّامي
بعدك هالكلب ضل للفرح ضامي
الهامه وضلع كل حزني والاآمي
ارموشي غرگن بدموعي
من طفّو بالطبره اشموعي
وكلبي اتفطّر. اه ياحيدر
هلالك من يبويه يتّم إْسنيني
حياتي ياعلي بگدّك زغرت بعيني
يل چنت برمش عينك تفييني
وحشتك ياعلي يوميّه تچويني
بويه افراگك يذبح روحي
ولموتي ماتغفه اجروحي
بروحي اتحسّر. اه ياحيدر
ابن ملجم طفه ابسيفه شمس عمري
فرات ادموعي بويه بغيبتك تجري
وعله امتوني جبل احزان انه بصغري
ضلام البيت اليّه ياعلي وكبر ي
باليل احلم كلبي يريدك
وامخليهه ابصدري ايدك
بغربه اشعر. اه ياحيدر
مكانك تارس اعيوني بعد امّي
واول ليله ابات وانته مو يمّي
كعدتك اذكر وكلبي بسهم ترمي
وحياتي هيمه بعدك ياكبر همّي
ضاعت يابو اجفوف الترفه
كل امالي وجرحك لا مايشفه
بكلبي اموجر. اه ياحيدر
عشرتك ياحلاهه بويه وايامك
اذكرهه وحس ابروحي الم هامك
بغيابك ياعلي نصبوا عزه ايتامك
يويلي لاكمل فرضك وله اصيامك
بحسره ناح الدين الهامك
ضاعت بعدك كل ايتامك
كلبي اتفسّر. اه يا حيدر
لحد موتي اضل بنوحي والعبره
وباجر انضر الوالي الكطع نحره
وخيول الاعوجيه تسحك بصدره
وثلث تيام يضل ياويلي عالغبره
وآنه امشي بلا كافل مسبيّه
تنضر ناس اجناب اعليّه
جرحي يكبر. اه ياحيدر
خادم الحسين سيد سجاد العميدي
8
------------_---------------------------------
في ذكرى استشهاد الامام ابو الحسن علي بن ابي طالب ( عليه السلام )
بخيبر هز مساميها وردها علوم الطيب من حيدر وردها
بكفرها خله الحنضل وردها عجب حیدر يطبره بن الدعيه
عيني اعله الدرب تهمل وتربه وماضل بالكلب سالم و تربه
بنبينه اقسم وكعبتنه وتربه طحت من طاح حماي الحميه
صوت بالكون كبر الله اکبر
طاح الولي بمحرابه اهتز العرش لمصابه
الله اكبر الله اكبر
حيدر بالعرش اسمه كبل هذا الخلك موجود
بالف عام وكبل آدم ثبت نوره بخبر مسنود
معجز وصه حيدرنه الحسن ابنه وحضرها شهود
يكله بالنجف ساجه منقوره بوسطها لحود
وعليها كتابه معروفه صالح جاره ويا هود
وضجيعه آدم ويا نوح وكلهم سر من المعبود
نور ناداك حیدر آلله أكبر
بالتوبه آدم ناداك نور الجلاله حياك
آلله أكبر الله أكبر
****
اخلص للنبي وجاهد وضحه هالوصي بعمره
من ذاك الوحي علمه وباب من النبي وفكره
أفكار العلم تعجز وماتوفي الوصي بذكره
ثباته وحكمته وعزمه من بيت النبي وصبره
وكل هذا الوجود وکون ولجله انوجدت القدره
وخصه وشرفه القرآن وعظم عزته واجره
علم باللوح بشر آلله أكبر
مصدر علم واحكامه لشيعة علي وسلامه
الله اکبر آلله أكبر
****
خلق أرض وسمه من أجله وشمس وكمر كل الكواكب
معدن للرسالة اصبح ونفس النبي بها المذهب
وخم تشهدله بين الناس والي عليهم تنصب
كلمن ينكره خسران ولاية حيدر المطلب
رادت جتل حامي الجار ثار تطالبه بمرحب
وبن ملجم طبر راسه وضل وحي العرش ينحب
وحي الجلاله اخبر الله أكبر
حيدر وصي للشيعه واجب عليها تطيعه
الله أكبر آلله أكبر
****
انصدع ركن الهدايه وطاح بمسجد الكوفة وتطبر
المرادي صوبه براسه وفزت صاح ووكع حيدر
أبيت الله وقسم ياناس ونده شيعة علي تحضر
وصرخ جبريل من ناده انهدم سور الديانة وخر
بياحاله الحسن شافه معصب طايح مطبر
وحين الشافته زينب نادت بويه تتعثر
بالكون صوت يبهر آلله اكبر
زينب لو شفتي الطبره كاللها زيدي العبره
الله أكبر آلله أكبر
****
عگبك بويه وين تروح عيالك تسجب العبره
وعليه اعظم مصيبه تصير يتامه بكل كلب حسره
الحسن بويه وعليك يصيح وحسين اللطم صدره
وبناتك تصرخ الويلات وندبن فاطمة الزهره
وتنضر وجهك الغالي مصفر ويلي وتنطره
الوالي من الألم ويلوج أويلي شخلت الطبره
فقد الأيمان مصدر آلله اكبر
الدين اتهدمت اركانه وناحتلك انس وجانه
الله أكبر الله أكبر
****
لخادم الحسين (عليه السلام)
شاعر أهل البيت
المرحوم ((ملا أحمد الكريمي)) " الفاتحه "
9
------------_---------------------------------
اجروحك ابهاليله ملتمه عليك
ياعلي والجرح بيّن هسه بيك
جرح وبكبر السمه .. امن افگدتها فاطمه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بيوم فاركت الزجية ياعلي يابو الشدد
جرح قلبك صار يكبر مايفيده كل ظمد
جنت كل صبح ومسية تدعي للباري الصمد
يكظي عمرك لأن جرحك أبو فاكدله ولد
أنت جرحك ماكو عد كل البشر
جرح كل ماعمره وياه هم كبر
يكبر وينزف دمه امن افكدتها فاطمة
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مو جرح راسك يحيدر جرح فكد أم الحسن
أختاره الك الله تعالى وصرت بيه الممتحن
هذآ جان أعليك أصعب منه ونك ماسكن
كلت خل دم راسي ينزف كل وكت وبكل زمن
خلي دم راسي يطيح اعله الثره
فدوة لظلوع الزجية الطاهره
أظلوعة متهشمة امن افكدتها فاطمة
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ساعة التوديع صعبه وانت ادره ابموقفه
وانته فگد اللي تحبه اتكول عنه شمكلفه
چم محب عيّشك غربه وابتده من المصطفى
والجرح گلبك وگلبه ولسه جرحه ما شفه
فاطمة بضعة حبيب الله الرسول
وهذا جرحك ماله طيبه ولا يزول
ذكرياته أمألمه .. امن افگدتها فاطمه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
غربة اوداعك بدتها اعيون زينب بالنظر
عينها ابعينك شفتها والدمع يترك اثر
شلون چا لو ودعتها وصحت لبنك ياگمر
اتموت يمكن من وكتها قبل تحچي الخبر
خفت لا زينب تموت امن الضياع
طولت وياها نظرات الوداع
حست أنهه اميتمه .. امن افگدتها فاطمه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
شفت اولادك يحيدر فوك راسك تجتمع
والثياب ألي عليها ناكعه بفيض الدمع
من ردت تكتب وصيتك صحت والكل تستمع
آه يمصاب الزجية أه يا كسر الظلع
بويه أبوكم بعد مايحمل جروح
الليله راح انا اودعكم وأروح
الدنيا بعدي مظلمة امن افكدتها فاطمة
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
قصيدة مشتركة
رامي أبو سكينة السماوي
أحمد عبد الصاحب
@@@@@@@@@@@@@@@@@@@@
10
------------_---------------------------------
طيفك غاب عني بويه لبعيد
رحت عن عيني انته وجايني العيد
***************************************
بويه يا علي يا محله اسمك
عني ليش بويه غاب رسمك
شمحلاها لون الليله يمك
ادري تزيل همي وتبقي همك
والايام تمشي عكس ما اريد
رحت عن عيني انته وجايني العيد
***************************************
اجانه العيد والجيه قريبه
وكلبي من ابويه شح نصيبه
عجيبه تروح من عندي عجيبه
بطل خيبر وكع وايس طبيبه
وسفه بسرعه عني يرحل الحيد
رحت عن عيني انته وجايني العيد
***************************************
قبل ليروح ابونه من ادينه
رحت يمه وسمعت انه ونينه
سمعته يكول يا بنتي الحنينه
وصيه والوصيه شكد ثمينه
محنتكم جبيره اتكطع الوريد
رحت عن عيني انته وجايني العيد
***************************************
اخبرنج قبل لا تغمض العين
الحسن بعدي يسمونه المطاعين
راسه ينكطع بالطف الحسين
والعباس واخوانه الميامين
سبيه ويه الشمر ترحين ليزيد
رحت عن عيني انته وجايني العيد
***************************************
يا بويه علي يا ابو الحميه
من تسمع يصيحون البريه
هذي بت علي هاي السبيه
الله يصبرك بهاي الرزيه
معقوله يحيدر سيفك يهيد
رحت عن عيني انته وجايني العيد
***************************************
جعفر عطيه البزوني
رقم الهاتف 07716288759
المصدر مؤسسة منبريون على التلكرام
@
2
انريد قصيدة ولي النعمه مال محمد الجنامي مكتوبه
ردحذف