قصيدة خيط الخيم مكتوبة
للشاعر محمد الزيدي
اداء مسلم الوائلي
ضل العمود بلاجف كمر وبلاعلم
ومجلب بطرف العبي بقه خيط الخيم
وعلويه تشرد من زلم وتطب زلم
ياكربلا
والوالي طايح ياهو الي اليلمهن
حافر يذبهن حافر يردهن
كاع الله مالت من كد ركضهن
حسين…..حسين اه اه
وسه النهر ضم روحه وانتجه عليه الضمه
عينه اشكبرهه وزركه بس يمهن عمه
بنجمات الحسين انطفه الضوة وصارن سمه
ياكربلا
زركة الشفايف والدنيا هيمه
والكلشي عنده ما عنده خيمة
ومهره وليمه تصهل ضليمه
حسين
اهل الله ضلو يا هضيمه بلا اهل
فوك الجمر جم حرمه مشوهن عدل
يتربى فوك الناكه شايفلك طفل
ياكربلا
البس الله عدهن شافن خرايب
والتجرح اكثر عبد الله ذايب
مابيه اسولف ضيم ومصايب
حسين ....حسين اه اه
بطرك العبي وتتونس عليهن شمس
شما كالن اسم الله الشماته تكلهن اس
عزموهن وفوك الرمح صار العرس
يا كربلا
وعريس اهلنه ....باكو محبسه
واحد ينزعه ……..واحد يلبسه
الهلهوله دمعه …...والزفه خرسه
حسين
كلمات محمد الزيدي
اداء مسلم الوئلي
7 قصائد حسينية مكتوبة
ابورسول الدراجي
امتله كلبي حيره انه الجنت اميره
كفيلي ارد اخبره من اروحن اسيره
التكفل ظعوني يشوف الولوني
من اروحن اسيره
حرت مدري شذكر وبين له حالي
لون يمي يحضر يشوف اشجر! الي
ابسياط الولوني اخذ كل دلالي
انا الجنت اميره لاشافوا خيالي
عتب دهري بيه من اخوتي اشبجالي
خدر من يجيره فكدت الضخيره
كفيلي ارد اخبره من اروحن يسيره
التكفل ظعوني يشوف الولوني
من اروحن اسيره
تمر حسره بيه اشيهود دلليلي
على كثرالمصايب اشيسكن عويلي
بحماكم خدرنه صحت ياكفيلي
اصيحن دمعتي بدماء من تهيلي
مصايب عشتهه ياساعه رحيلي
يمن كله غيره ياصاحب بصيره
كفيلي ارد اخبره من اروحن يسيره
التكفل ظعوني يشوف الولوني
من اروحن اسيره
عتب دهري بيه على كثر المصايب
تشدحسره بيه على فكد الغوالب
كمرههم نخيته صبح عني غايب
اسيره من اروحن اشوف العجايب
انا الجنت اميره اخوتي الغوالب
كمت راسي اديره ولامن عشيره
كفيلي ارد اخبره من اروحن يسيره
صحت لويجيني يشوف الولوني
من اروحن اسيره
همته يمه اخبره يحامي على حال الضعينه
شفت كفه طايح يساره ويمينه
احشم لاخيي ولامن يعينه
احس روحي طلعت سمعت الونينه
صحت ياكفيلي على حاله اشبدينه
حسرتي الجبيره اشوف الضخيره
كفيلي ارد اخبره من اروحن اسيره
يكلب متوني يشوف الولوني
من اروحن اسيره
جثيره المصايب واشدهن والمهن
يابنت الغوالب بجت من هظمهن
رقيه وسكينه شمرمن شتمهن
تلوذ اليتامى ولامن حشمهن
يادهري اشبديهه حرت وين اظمهن
ولاليه ديره يابدرالعشيره
كفيلي ارد اخبره من اروحن يسيره
دمع. دم عيوني يشوف الولوني
من اروحن يسيره
مثل جنت اميره فخر والخدركم
مابين خيالي لا طولي انه اختكم
عجب وحدي خويه اظل بحرمكم
شفت وبعيوني تجاره يادمكم
شفت وبعيوني ياوكعت علمكم
ياحر الظهيره الطرف وين اديره
كفيلي ارد اخبره من اروحن يسيره
اظل وي ظنوني يشوف الولوني
من اروحن اسيره
همل دمهه عيني احس بيهه تدمع
ابمحبتك ياظيعم ردت روحي تشبع
صرختي ونحيبي لون خويه تسمع
على ظفت الشريعه شفت روحي تطلع
شفت جسم اخيي بسيوف ايتوزع
حزن بيه اثيره انا الجنت اميره
كفيلي ارد اخبره من اروحن يسيره
اظنهم نسوني يشوف الولوني
من اروحن يسيره
ابورسول الدراجي
ابورسول الدراجي
نزال بحق عون ابن السيده زينب ع
ثلثين الولد عالخال. عون وبالحرب سرگال
شد حيله و دخيله خاله عباس
*
ابن زينـب انه عـون وخالي عباس الگمر
وجدي حماي الحميه اليوم اسويكم وذر
بمدرسة عباس داخل آنه من فارس مضر
ضهر الاكحيله اكسره امصلصل وكلي فخر
اليوم اوافي الخوله. الطف اشگه ابطوله
يعرفونه يدرونه خاله عباس
*
زيـنب اتبـاوع لبنـها حـسيـن گـللـهـا وكـفو
ابن اختنه حيد والله رجّف اجيوش العدو
وبو فاضل بي تباها عـون بي ريـحـت بدو
ازلمه وصنديـد گلها يـخـتـي ويـنـگـط دفو
يابعد شمرات ابوي. عون ترباتك يخوي
ضرباته. وخزراته. خاله عباس
*
عــون سواها حـريجه وغـبّراها مـن دخل
مايـعرفـون الاجـاهـم ضنّو الـكافـل الـنزل
لوعلي الاكبر ايانه وتارس ابـويـها الـزعـل
ياهو هاذا تصيح كلها گلهم ابن خت الكفل
بصوت صاح وعالي. ابو فاضل خالي
طشّرها. ودمرها. خاله عباس
****
عـون طـب وفـرهـداها والـزلم تــردم زلـم
اعله ضهر المُهـره واگـف زلـمه منّه ينهـزم
يوله سوّاها ابن زينب خـيـل ضلت تنردم
ونفجر بركان غيضه من الگـمر ماخذ عـزم
لعب بيهم يوله. صال بيهم صوله
عطشاها. ويبساها. خاله عباس
*
ابن زينب شچـخ رمحه وبالـوغه دگ ثايـه
خالي عطـشان الـحُسين شلون ترهـم هايه
كلشي مخلوق الاجلهم الـكـون كلـه ومـايه
وجنة الله هيـه الهـم مـني اخـذو احـچايه
اجهنّم اتانيكم الها راح اوديكم
ابسيفه. وبحيفه. خاله عباس
*
من الخيم زينب تراقب عون بالله اسووه
اتـشـوف عـطـاب وعـيـايه والـزم تـتلــووه
الـگـاع مـن دمهم غريجه والـتـراب اتـرووه
عون شاف امـه تـعاين اله وضـل يـتـگـووه
هوستله بالخيام. يمه سويها ظلام
ها
ابدمك وافي الخوله خالك موكل خال
*
الشاعر عمار حسن الدراجي.. محرم1440
يالرايح أمشي الله أوياك ... ترجع بالف سلامة
عباس قاتل مرتاح ... انه ابقى لليتامة
رايح… رايح
… .
يابو الـــوفة والعاطفة ... يا كلــشي ابحـــياتي
امودعّتك ابحيدر علي ... يا صاحب امنـــياتي
من عينك امسح دمعتك .. يا صومي يا صلاتي
خوية اطمأن وكت السبي ... اتلفــــلف ابعباتي
لا يضل بالك عباس… بعيوني احط رقية
ودعتك بحسرة موت ... يا راهب المنية
رايح ... رايح
…
لا يضل بالك عل الاهل .. يا موطن الشهامة
خوية اطمأن ابروحتك .. انه اكــفل اليتامة
لا سامح الله وما ترد.. عالراس اشد عمامة
دورك اكــــملة كافلي… ودعّـــتك ابسلامة
روح الله يبرالك روح … واتركني وي الامي
بعدك يعباس اشلون ... راح اكظي هاي ايامي
رايح ... رايح
…… .
عباس اعرفنّك شهم .. ما تخلف ابوعودك
توعدني سالم للخيم .. ترجعلي وية جودك
خوية امانه بركبتك.. أتحافظ على زنودك
ما ارهم ابلياك ابد … يالعايشة اعلى مودك
دنياتي ظلمة ابلياك ... يا ابا الفضل دخيلك
مكسورة اظل مثل الطير... لو ما تجي اشتكيلك
رايح ... رايح
… .
عباس يا نعم الاخو .. علموت اشوفك عازم
بعيونك انظر سبيتي .. وحركت عبي الفواطم
روحتك تكسر جم ظلع .. لو ما تردلي سالم
من هسة محنيت ظهر .. مثل الزجية فاطم
يا اغلى كل هاي الناس ... نار بدليلي تسعر
ألموت اخذني ياريت ... كبل الوداع الاكشر
رايح ... رايح
… ..
خليني منك يا كمر .. شوف اشبع ابهل ساعة
أخّر اشوية طلعتك .. لوني التغيـــر راعـــة
المثلك تودعلهة اخو .. تكظي العمر بوداعة
يل ما يصح مثلك ابد .. صوتك اود سماعة
لا تنسى يا راعي الجود ... خليني دوم ابالك
عمري كظيته وياك ... ما فاركت خيالك
رايح ... رايح
… .
العدهه مثلك هيج اخو..اتخلّص عمرهة أميرة
محد يمسلهة طرف ... بيهة تحــير الحيرة
حاجيني يا ليث المحن .. بعدك اظل جبيرة
لو بيدي يلّف الحبل .. وللشام اروح أسيرة
بين الغُرب امشي اشلون ... حاجيني يا عباسي
وانه الي ما چان أخيال ... ينشاف الي من ناسي
رايح ... رايح
… .
افشيك سر ما ينحجي .. مالك حياتي اشوفك
كعبت صلاتي وقبلتي .. ليل ونهار اطوفك
عباس لو بيدي يصح .. حيل الـــزم بجفوفك
غالي انت عندي للنهر… تمشي فلا اعوفك
بعيوني اظمك يا ريت ... يا كافلي يغالي
ولا اشوف سهم البلعين ... ذاك اليشيب حالي
رايح ... رايح
الحمد الله رب العالمين
اللهم صل على محمد وال محمد
موسى الخادم..
ــــــــــــ◐◐◐◐◐◐◐◐◐ــــــــــــــــ
مني خذت حبيبي➖وبفراگه ضيعتني➖يالبگت فرحتي
ﻻتطب خيمنه➖شوفتك عذابي➖ﻻتدنه عمتي
ﻻﻻ تزعلهه➖مايرضى كافلهه➖شوفتك عذابي
گاعدات بخيمه واليسلب گريب ➖اوين اليحاميهن
خيمه تكطر نار لسه ابليه باب ➖والهضم غاطيهن
كتر بكتر يتلاوذن مثل الحمام
إيخافن اعليهن تصد عين الحرام
ياناس ذن جدهن نبي وبنات امام
اتصيح اشكثر رقيه➖ياعمه انه اخافاً➖اتاخرعليه بابا
خلينه اروح ادوره➖محتاجه اشوفه هسه➖مااحتمل عذابه
وضلت تسايلهه ➖مايرضى كافلهه➖شوفتك عذابي
بره صوت يصيح مذبوح الحسين➖رادو ايسمعونهن
بره واحد كل للاخر هذا صوط➖ حيل طگ امتونهن
اصواتهم خشنه وﻻبيهه حنان
ذوله مين الذبهم علينه الزمان
صاح واحد ذني ما الهن امان
والواكف اعله بابي➖اشگد شتم ابخواتي➖وبينه اشتفه غليله
يخزرنه وحده وحده➖تالي رجع سالني➖من منجن العقيله
ايدور على ذلهه ➖مايرضى كافلهه➖شوفتك عذابي
كتله اسكت يزعل اهواي الكفيل➖لو جبت طاريهه
اسم زينب لفضه بلسانك حرام➖سوره نزلت بيهه
حروف اسمهه امن الله نزلت عالرسول
هاي خدر الله الجبير انته شتگول
عربي انته شبيك ماعندك اصول
ﻻ تقترب عليهه➖وديني وانه اگلهه➖بس لا تصد علينه
انجانك ردت سبينه➖انطيني الحبل اليه➖وحنه النشد ادينه
آنه اگللهه ➖مايرضى كافلهه➖شوفتك عذابي
اتفاجئت طكني اعله خدي بجفه حيل ➖شنهي بادر مني
اخدودي انه امعوده اعله اشفاف ابوي➖ليش هيج اتطكني
اتطگني بيدك حيل بس انه شجنيت
عيني طاحت بيدي من طگني وبجيت
بيك ضالم هالكثر لا ما دريت
رد گلي رقيه➖انه اذبحت عزيزج➖وجيت اسبي بيدي اخته
وشفايفه التبوسج➖سطرات اديه ذني➖ايعوضنج اعله شفته
ادموعج اسبلهه ➖مايرضى كافلهه➖شوفتك عذابي
گتله هسه للخيم يرجع ابوي➖ومنك ارد اشكيله
ارد اگله الزلمه هذا اشگد لئيم➖طكني ابكل حيله
ارد اراويه خدي وشسوه اللعين
وارد اگله بسطرته روحلي عين
بحبله جاي ايربط الزينب ادين
لاجنه اذه گلبي➖احجايه گلي بيهه➖ريت اولا سمعته
جلمة بابا ماتت➖گبل اشويه بيدي➖والدج ذبحته
وراح اليدللهه ➖مايرضى كافلهه➖شوفتك عذابي
عمه عمه هذا گلي مات ابوج ➖هالحجي سامعته
توه ودعني ومشه وگلي اجيج➖وهذا گال اذبحته
عمه گليله جذب هذا الكلام
عمه گليله اليطگ طفله حرام
انه تعبانه واريد بحضنه انام
ياعمه والهضيمه➖والصوب دليلي➖يضحك اعله حالج
يازينب يكلج➖حضري ادينج➖خل اشد حبالج
وتصعد هزايلهه ➖مايرضى كافلهه➖شوفتك عذابي
حسين باهض الحلفي
يسباع الزلم منكم ترى الغيره
=========
يالكـــــلكم هلي انه اخت الحسين
يصـــحاب الشرف يهل الدواوين
منعتوا الصوت ما مر الصواوين
خليتوا الحرم ما ظلت بحيره
=========
زلـــم يطلع حجيكم يـــثلم سيوف
هله بهيبة عكل وشيوخ الطفوف
يالبــيكم حبـــــــيب العنه معروف
يصحاب اونعم يا كشخة الديره
==========
العســاكر ما تهمكم عدكم الموت
يالـــــباشط حجيكم يذبح الصوت
يحســد روحه يبقى المنكم يفوت
تردون الزلم طبتكم اجبيره
==========
كفو يرجــــال منكم ما مقصرين
حرس والريح ما مس النساوين
تضل دوم بعزمكم تحجي السنين
واحدكم عجز يحتار تفسيره
=========
لخادم الحسين***** محمود العكيلي
محرم 1440 هجري
ــــــــــــ◐◐◐◐◐◐◐◐◐ــــــــــــــــ
صح مرة بس راسي عالي ماكو بالكون بجلالي
ما وكَع بالطف حجابي تسجد الدنيا على بابي
*********************
أي مرة زينب وامس فكَدت أهلها
يا يزيد وعالنهر طاح الكفلها
بس عباتي والله ما واحد وصلها
هاي أخت عباس جيشك ما يذلها
أله أهدم كبريائك تنال من عندي جزائك
رغم كل همي ومصابي تسجد الدنيا على بابي
********************
يا يزيد بهالسهولة تهز كياني
خاف عني ما حچولك زينب اني
باچر تهد دولتك ثورة لساني
مزبلةَ كَبرك وأنه كعبة بمكاني
انت كل ملكك حفيرة أبقه بس اني الأميرة
آنه ألك قاسي حسابي تسجد الدنيا على بابي
********************
وحدي صح ظليت بأرض الغاضرية
لون غيري تموت من هاي الرزية
هذا ياهو اليجرئ يأشر علية
وبخيالي يشوف حماي الحمية
هذا ثوبك؟ كيد كيدك يا يزيد واسعه سعيك
هاك يا ظالم جوابي تسجد الدنيا على بابي
*******************
كلهم يختلون اذا وجهي أديرة
لأن حذرهم أمس بدر العشيرة
بين اديهم هيچ يتخيلون اسيرة
غصبا عليهم تظل زينب أميرة
باچر أثبت انتصاري يا مزار بكَد مزاري
والذهب يعشكَ قبابي تسجد الدنيا على بابي
********************
خافو العباس توميله وجيها
ولذالك بالحبل شدو أديها
زينب الدنيا تسولف لسه بيها
والوجود بكل زمن عينه عليها
تريد تعرف هالأبية شوف تل الزينبية
يا مرة الشافت عذابي تسجد الدنيا على بابي
*******************
يا يزيد الأمس عالهزل سبوها
هاي شالت روس أهلها وراس أبوها
غيبتهم هيـه لا مــا غيبوها
الدنيا واملاك السمة كلسا يجوها
صحني اعلن انتصارة بالسمة تشوف المنارة
ها شفت هسه عقابي تسجد الدنيا على بابي
********************
حيدر حسين الكرعاوي
ــــــــــــ◐◐◐◐◐◐◐◐◐ــــــــــــــــ
آه عالمظلومة آه
.............
تبچي زينب ع الجره و دمعتها دم
لا اخو ضل عدها بالطف لا خيـــم
حسين راح منيدها وراعي العلـــم
اخو ما ضل عدها وتگوم بحماه
......
آه يوم العاشر وذاك النهـــــــــــار
الكفلها بلا يمين ولا يســـــــــــار
وين تمشي و بالخيم مشتعله نار
تشوف طايح بيرغه وطايح لواه
......
عالمخيم تنظــــر بنـــــــــــار احترگ
وصدر أخوها بحافر الخيل انسحگ
شهل مصاب الما جره لكـــل الخلگ
من المصايب لونها بلون العباه
.......
وسفه بت حيدر تروح أعلى الهزل
فوگ ناگه وچفها مشدود بحبـــــل
عالمتن بالصوط يضربها النـــــــذل
فراگ أبو فاضل احس ظهري حناه
........
ميته ريت ولا عشت هاي الحيات
شلون أطبن بالخرابه وبيها ابــات
بوكت ابو فاضـــل بناتي مدللات
شبيدي ع الموت الگطع بيه وخذاه
........
خويه بيه شسوه دولبني الزمان
بقصر طبيت وشفت ذاك المكان
يضرب براســـك لگيته بخيزران
على شفافك يا وسف تضرب عصاه
........
حسين الفيصلي
المصدر مؤسسة منبريون على التلكرام
تعليقات
إرسال تعليق