قصيدة حجاية بخت مكتوبة
مع 12 قصيدة مكتوبة للامام الحسين عليه السلام
كلمات علي الاكبر الغرابي
اداء مسلم الوائلي
\
بمجلس عزائك شي اكيد الزهراء
وكلمن بجه على حسين ياخذ اجره
عوف اللحن عوف الشعر عوف الفكره
عيش الجرح عل منذبح
واتخيل الراس برمح
ودك صدرك اعله المضلوم وابجي الحسين وياهه
لو رايد تحس بلهيب آلآمه
مجروك كون كلبك مثل اخيامه
عين الحسين اتباوع لخدامه
والمافهم طعم الالم
ما محترك مثل الخيم
واحسبه يالخادم زين وانت تعرف معناهه
لونفرض ايطردك حبيبك سهله
حب من طرف واحد احبك كله
اباب الحسين اتصير رفعة الذلة
وطبع اليحب ...من ينتحب ...عاشك حقيقي وموجذب
ومدرسة حب ال البيت بدمه السبط سواهه
ترجيه ابذنك لازم تخليهه
لاتدك باب الموخوش من راعيهه
مد ايدك لمحبوبك ويمليهه
تزيل المحن... اباب الصحن.. لو جانت اهمومك وطن
ومكضيه كل الحاجات لو بابه تتعناهه
ثوبك الخدمه ولا تغير ثوبك
بالك تساوم عل عشك بذنوبك
محبوبك حسين ويضل محبوبك
وبكل فخر... ترسم صور ...خادم صرت لاشرف نحر
هاي الشعائر والله ما ننوجد لو لاهه
عيش الجرح عيش الجزع والدمعه
خدمة حبيبك بيه عفه ورفعه
تتواقد ابكبرك دمعتك شمعه
وصوت الدمع... ما ينسمع ...وعمرك مثل نار الشمع
بس دمعة احسين تفيد يوم الحشر تلكاهه
كلمات علي الاكبر الغرابي
اداء مسلم الوائلي
حجاية بخت
من هنا تجد جميع قصاد مسلم الوائلي
ملاحظة /ليس بالضروره ان يكون ترتيب القصيدة بالصوره اعلا
قسم قصائد مسلم الوائلي مكتوبة
12 قصيدة حسينية مكتوبة
1
يروى ان رأس عبدالله الرضيع رفع على رمح واخذ مع الرؤوس ...
وكأني بأم عبدالله الرضيع تمشي مع السبايا وتنظر الى رأس ابنها وهو على الرمح مما جعلها تتعثر بالمشي حتى بدأت تتأخر فشاهدتها ام المصائب زينب وجائت اليها وطلبت منها ان تمشي مع السبايا لتطمئن عليها .. فقالت ام الرضيع للسيده زينب :
أشما أصدن للرماح
أشوف أمدللي الراح
والله صعب ممشاي ومو بيدي يعيناي
* * *
أنظر رضيعي أعلى الرمح
يازينب وراســه حر الشمس جاسه
ويلعب بشعر الهوه
شلون أمشــي وياجن أنــــه
وكل لحظه أتعثر يالحره ما أكــــدر
للشام نمشي ســـوه
خلينه نحجي ويه الشمـر بلكت ينزلونه
بلكي الله يرضون العده وعندي يخلونه
في أرد أصيرله أنه وأرد أمسح عيونه
وبحضني ألوليــــه بجي لو ألي ينطونه
بحضني لابد ينام
لمّن نوصل الشام
لوليدي أصير افياي ومو بيدي يعيناي
* * *
ذبلن أعيونه امن التعب
وليـــــدي يعاينلي كل ظنه يرجعلي
مايرضه عنه أبتعد
وشفافــــه يبسها العطش
وأمنيتي أوصللهن مـــــــاي وأبللهن
جانن ينكطــن ورد
أخدوده ترفـه وسومرن هالشمس تجويهن
وهذا التراب البالهـــــــــوه كلما يمر بيهن
يلجمني واشهك للسمه من شوغتي أعليهن
ومشدوده أديــه بالحبل ما أكــــدر أحميهن
الجويـه بعده ماطاب
يلجمه هالهوه الهاب
أحسه يمرعد أحشاي ومو بيدي يعيناي
* * *
يازينب أجبيــــر الرمح
ماهو بحجم نحــــره بس ست شهر عمره
ميشيل راس الرمح
وجن أسمعــه ينادي علي
يايمــــــه ألحكينـــي أمن الرمح خلصيني
شيليــــه من الجرح
أفتهمه شيكول الولد كلما يناغينــــــــــــي
ماخلي أبني أبهالوضع كلبي مينطينــــــي
أشجندوب أطيح أعلى الترب وأنتي تكوميني
خليني أموت أمن البجي مولاتي خلينــــي
كلبج مثلي متعوب
وأتباريني جندوب
تعبتـــج آنــه وياي ومو بيدي يعيناي
* * *
عبدالله شو شفته صفن
ولن باله مويمي وآنـــه يبس دمي
كلت أبني شنهي سمع
ثاري أبوه يقره الكهف
ووليدي يسمعلـه وجنـــه يرجعلــه
لاجن الصوت أنكطع
اتلفتت من صوتــه سكت وآيات مايقره
وبعيني شفت الفاجعــه وخنكتني العبره
ألتموا على راس الطهر ريحانة الزهره
أتولوه بسياط العده وهوه يجــــر حسره
وأبني مدمعه يسيل
حرمــوه من تراتيل
وضل بالي يم مولاي ومو بيدي يعيناي
* * *
كل جرح يرهمله دوه
بس ماكو لجروحي وأتعذبت روحــــــي
بهموم ماتنجلــي
ما أكــدر أبليـــــاه أبد
بعده شلـــي بعمري صرت أشتهي كبري
الموت أحسن ألي
اصبي عيني راسه أعلى الرمح شياله مرمرني
ايماشينـــــي وأجدامي بعد لاما يمشنــــــــي
أصفن عليــــه وأتخيله وأنتظره يشبكنــــــي
لحد ما يفززني الشمـــر وبرمحه يدفعنـــــي
كلـــي لاتنوحيــــن
سكته كون تمشين
يزينب شوفي بلواي ومو بيدي يعيناي
* * *
سلام المشعل
2
ــــــــــــ◐◐◐◐◐◐◐◐◐ــــــــــــــــ
لاياعبدالله المهد ياذيني
يمه وياك ابلحد خليني
-----------------------------
يالي اغله من الهوى
ليش جبدك ماروى
يمه اناغليك انا وناغيلي
=================1
يابني شمامه حياتي وروحي
تدري بعدك مايبطل نوحي
يمه لاتلجم طريه جروحي
------------------------------------
لاياعبدالله وتشب ياناري
انه اذكرك والدمع هل جاري___
كلبي ياحزن الحوه
ليش جبدك ماروى
يمه اناغيلك انا وناغيلي
====================2
يمه مهدك خالي ويصب الدمع
كلبي عبدالله الغيابك منفجع
يابني اهيلن دمعتي والياوضع
------------------------------------
لا ياعبدالله وتفارك عيني
لوعتي وحسره لكظي اسنيني
يابني لعيوني ضوه
ليش جبدك ماروى
يمه اناغيلك انا وناغيلي
====================3
يابني يادمعي ابدمه هليته
من صغر لحدك انصبلك بيتك
لا وحكك لحظه ما ناسيتك
------------------------------------
لاياعبدالله النحر بدمومه
اه يانبله حرمله المسمومه
يالي اغلى من الهوى
ليش جبدك ماروى
يمه اناغيلك انا وناغيلي
===================4
يابني وبلحدك بعد خليني
نار فركاك بجمر تجويني
لاتبا عديا لولدعن عيني
---------------------------------
لاياعبدالله انا المهظومه
مامثل يومك ابوك ويومه
رحت من ايدي سوه
ليش جبدك ماروى
يمه اناغيلك انا وناغيلي
=====================5
يابني جبدك ماروى من العذب
كلي يانارعلى فكدك من تشب
لوشفت نحرك من دمك خضب
---------------------------------------
لاياعبد الدمه تاذيني
اشلون بيه يالغبت عن عيني
حجري لا طفلي حوه
ليش جبدك ماروى
يمه اناغيلك انا وناغيلي
======================
الشاعرابورسول الدراجي
ــــــــــــ◐◐◐◐◐◐◐◐◐ــــــــــــــــ
احزاني زينبيه:
يارضيعي
شلون اشوف المهد خالي
يارضيعي
انت يا عزي ودلالي
يا رضيعي
يبني عبد الله يغالي
يا رضيعي
ودمعي فوك الوجنه هالي
يا رضيعي
دامي اشوفنك اگبالي
يا رضيعي
غاب وي ابني اهلالي
يا رضيعي
يمه ريت اتشوف حالي
يا رضيعي
عليك بس اصبح سؤالي
يا رضيعي
انشده يوليدي بالي
ـــــــــــــــ
الشاعر محمد حسن ضيغم
ــــــــــــ◐◐◐◐◐◐◐◐◐ــــــــــــــــ
(الرباب وعبدالله ع)
طفل بعيون من صابـك .... ولاچن
أبــد ماهيـــــد يايمـــــه .... ولاچن
ابحلم أحلم أهز مهــدك .... ولاچن
أفز من الحلم واصفج بديه
ــــــــــــ◐◐◐◐◐◐◐◐◐ــــــــــــــــ
قصيده بحق عبدلله الرضيع
سجدت شكر عمرك ليش انكطع نحرك
عبد الله يمه * عبد الله يمه
*------------*---------*-----------------*
چنت الوليلك واكيف بابتسامة
ما اهم بليلي يمك والضلامة
كلبي محتار بمحبتك وبهيامة
روحي عالمهدك تشابه للحمامة
چنت احسب ابالي * يبني انت تبقالي
*-------------*---------------*-----------------*
احسب ايام واعدن بالليالي
ساكنة بعيني بسمتك وبخيالي
ما حلالي النوم عكبك ما حلالي
يالخذيت سنين عمري وما تبالي
انسة السهم واكعد شنهي السبب تبعد
*-----------*--------------*-------------------*
لا تخليهة ابحزنهة ارحم امك
تختنك ريتي بدقايق ما اشمك
ما اعوفنك وحقك موتي يمك
عودتني لو الولي اذكر اسمك
فجئة ورحت ظامي شفت النحر دامي
*--------------------*--------------*------------*
امك بلوعة تنادي يا حبيبي
حسبيتك تبقة الية والمشيبي
سلمت للباري امري والنصيبي
ما دريت بدمعي بقى وبنحيبي
سال وجرة المدمع * ما جن الي تسمع
*------------------*-------------*------------*
ستت اشهور وتسافر بالمنايه
يا جريمة اتحملتهة ويا جناية
شاهدتك بالمدامع عيني هاية
عذبت روحي وعفتني بالنهاية
دمع الجفن وشل * بيش الجرح ينشل
*------------*-----------*-----------------*
يالتخليني بعزائي ودمعي جارح
لو تبارحني المئاسي ما تبارح
لا تعذبني بسكوتك يمة صارح
مرمرتني بالمناحة وفكري سارح
يمة الكلب شيب * من نورك اتغيب
خادم الحسين رعد الجريخي
الشاعر
ــــــــــــ◐◐◐◐◐◐◐◐◐ــــــــــــــــ
.....
عبدالله الرضيع
.....
ابني يالولد ابني
شمسك تختفي بحضني
عبدالله نكطع ضني
ابني ابني
....
عبدالله يبني يالطفل ياحلم روحي الغالي
مهدك بهز بيه الهو ما ادري مهدك خالي
ابالي كلشي بكربله موتك ولا مر بالي
ناغالك الموت ورحت ماجلبت بذيالي
....
نوحي للابد نوحي
لجلك يابعد روحي
مايخلص الك وني
ابني ابني
......
شذنبك ييمه وتنذبح والنبله تنزع روحك
انت الورد من تنجرح ينزل نده من جروحك
ياقوس هذا الصوبك بجفوف ابوك يلوحك
مثل الحمامه رامحت ماسمع واحد نوحك
....
دمعي عالوجن دمعي
بعدك يختلف وضعي
بعدك ماضحك سني
ابني ابني
.....
بجفوف ابوك من رجعت رد حاملك يتعثر
كل ضني جابك مرتوي وتضحكلي جنت اتصور
فرحانه اجيبك الخيم مونبله فوك المنحر
يازغر اولاد السبط عمرك بعمر الكوثر
....
ردلي يالولد ردلي
بعيونك علي صدلي
ظهري من الهظم محني
ابني ابني
......
ابالي تخلص كربله ونرجع سوه من الرحله
تكبر مثل كل الولد وبعيني اكثر تحله
ياغله من كل. العمر ياهو المنك اغله
لولتلك النبله ونمت نبرتها خشنه النبله
ابجي والتفت ابجي
وي الموت اريد احجي
هاليوم الدمع فني
ابني ابني
.....
يامهجتي وماي النظر لمهدك الولي شبيه
عبدالله وحجيلك نعي وادري انت مالك جيه
زينب بجتلك يالطفل يقهر بجي العلويه
امك انه وباجر اضن امشي مشي المسبيه
خيمه تحترك خيمه
يراويني السبي ضيمه
اتركك مدري تتركني
ابني ابني
.....
الشاعر علي السعيدي
ــــــــــــ◐◐◐◐◐◐◐◐◐ــــــــــــــــ
ابوذيه
(الرباب وعبدالله ع)
طفل بعيون من صابـك .... ولاچن
أبــد ماهيـــــد يايمـــــه .... ولاچن
ابحلم أحلم أهز مهــدك .... ولاچن
أفز من الحلم واصفج بديه
ــــــــــــ◐◐◐◐◐◐◐◐◐ــــــــــــــــ
يارضيعي
شلون اشوف المهد خالي
يارضيعي
انت يا عزي ودلالي
يا رضيعي
يبني عبد الله يغالي
يا رضيعي
ودمعي فوك الوجنه هالي
يا رضيعي
دامي اشوفنك اگبالي
يا رضيعي
غاب وي ابني اهلالي
يا رضيعي
يمه ريت اتشوف حالي
يا رضيعي
عليك بس اصبح سؤالي
يا رضيعي
انشده يوليدي بالي
ـــــــــــــــ
الشاعر محمد حسن ضيغم
ــــــــــــ◐◐◐◐◐◐◐◐◐ــــــــــــــــ
آ يجمر احزاني .. بلگلب چـَـواني
من بعـد وداعه .. ماطفت نيراني
خالي المهد وانه ابحزن هزيته
حــدر الترب نام وگمت غطيته
****
آنه أم ازغــر شهيد ابكربله انصــاب
وآنه ألتعذب گلبهه بأفجــع امصاب
جفني من كثر البواچي اعله الطفل ذاب
الچنت ألولي بمهده نايم حدر التراب
ريت انه الصابوني..گبله ويدفنوي
ابني عندي غالي..اغلى من اعيوني
وسط الگبر بچفوفي أدي خليته
حـــدر الترب نام وگمت غطيته
****
النبله لمــن صــابته وگطعت وريده
أذتـه ولحســـــين رئساً طلـــع ايده
گلـه اريـــدن مـاي مو هــذا الاريده
حسين ون اعله الطفل ونه شديده
ابنحره گام ايشمه..امصابه زيد همه
ناده يارب يرضيك..ابنـي ينزف دمه
رد للخيـــــم وبلا گلب لاگيته
حدر الترب نام وگمت غطيته
*
ابنحره مصيوب ابسهم بعيوني شفته
ابدمــه سابــــح رد عليه وماعــــرفته
صــوت من نحـــره طلع واني سمعته
گال يمــــه الماي مـــت اوماشــــربته
گلي ما سگوني..امن العذب حرموني
بالسهـــــم ييمه..هالكفر فطموني
دمع الألم فــوگ الجفن هليته
حدر الترب نام وگمت غطيته
****
ينمرد گلبي امن اشــوفن مهده خـالي
روحي تطلع وي حسرتي اوليدي غالي
اشگد قسه اوياي الزمن ماراعه حالي
امن اهلي ماواحد عدل بالطف بگالي
چم محب ودعته.. بالغــرب فارگته
والطفل عبــدالله ..مــوته ماصدگته
بعده ابعمر ورده ورحل من بيته
حدر التــــرب نام وگمت غطيته
*
ضلمه صارت دنيتي وضاگت عليه
ابســـــهم المثلث رمتني الغاضريه
كربله راوتني واللــه اعظــــم رزيه
خذت عبدالله ورحل مـن بين اديه
كـَثرت عتــابي.. تفرح ابعـــذابي
ابنـــي فارگيته.. ياعظـم مصابي
عمري خلص وي الولـد ياريته
حدر الترب نام وگمت غطيته
**
الخادم
كامل السعيدي
@saeday
ــــــــــــ◐◐◐◐◐◐◐◐◐ــــــــــــــــ
كون بهل دمع ياحسين اروي لك
وجعد يم ضريحك ساعه واشجي لك
!!!!!!!!!!!!!!!!!!
اشجي لك حزن لومر علي عاشور
وتذكر وكعتك من ظلم من جور
ضحايا ابكربلا ودموم تجري نحور
وسهم البلجد ذاك الكطع حيلك
!!!!!!!!!!!!!!!!!!!!!!!!
ارويلك دمع من ماي هذه العين
وصيحن ياغربتك سيدي ياحسين
الك للموت هذه ابركبتي هل دين
اكصد يم ضريحك كون اواسي لك
££££££££££££££££
من نحرك تسايل يادمه ابعاشور
هذه كربلا وبيهه انطفه يانور
وكع عباس اخيك والظهر مكسور
وانت ابكل كتر الدموم تجري لك
££££££££££££££££££
اشجي لك ظلم من حركوا الصيوان
من زينب غريبه وفاجده الخوان
ونته ياذبيح اموسد التربان
ورماه العده احسين التفيي لك
!££££££££££££££££££
حك عليك عيني من تهل الدم
ابحوافر خيلهم يالصدرك امهشم
انا انعاك بيه جروح ماتلتم
من ظيم الدهر صحت انه ادخيلك
££££££££££££££££££
من ظيم الزمان اجروح شيشدهه
من زينب مشت للشام وحده
بالديوان ذاك الرجس ناشدهه
وي راسك مشت للشام تبري لك
&£££££££££££££££
ابورسول الدراجي
ــــــــــــ◐◐◐◐◐◐◐◐◐ــــــــــــــــ
نزلت أملاك السماء بحضرتك
ياحسين بيوم بدلوا رايتك
آه آه~~~يتعاله النداء
آه آه~~~تحيا كربلاء
★★★★★★★★★
قافلة أملاك من بين السماء
نزلت بهاي المسيه بكربلاء
نشرن أجناح المصيبه والعزاء
من تبدلت رايته بلون الدماء
هذا أول يوم من هذا الشهر
واجب أعلينه نهل مدمع حمر
آه آه~~~نبكي من دماء
آه آه ~~~تحيا كربلاء
★★★★
ناحن أعلى مصابك السبع الشداد
ياحسين الأجلك ولبسن سواد
وحتى كل الكائنات أويه الجماد
حزنن وعلنن على حالك حداد
حتى الأموات بگبرهم يحزنون
ياحُسين الحزنك ويستشعرون
آه آه~~~الكل في عزاء
آه آه~~~تحيا كربلاء
★★★★
السماء الأولى هالليلة تصيح
ياحسينُ أو ياقتيل أو ياذبيح
عالارض من الحزن رادت تطيح
حين سمعت هالصده من الضريح
الأرض هاي المسيه والسمه
كلها مفجوعه وتغيرت بالدمه
آه آه~~~أرض أويه السماء
آه آه~~~ تحيا كربلاء
★★★★
والسماء الثانية أهتزت لأن
لطمت أعلى أظلوعها أم الحسن
والسماء الثالثه بنوح وشجن
للسماء الرابعه تبعث حزن
طه حيدر فاطمة وأم البنين
كلها مفجوعه وتنادي ياحسين
آه آه~~~حتى الأنبياء
آه آه~~~تحيا كربلاء
★★★★
السماء الخامسه وسكانها
تبعث السادس سمه أشجانها
وحده للأخره تبث أحزانها
تغيرت وي رايته الوانها
والكواكب والمجرات بحزن
كلها يم حسين هالليله أجن
آه آه~~~يبكيهِ الضياء
آه آه~~~تحيا كربلاء
★★★★
بالسماء السابعه نوح أو أنين
ناشره الزهره قميصه للحسين
ملطخ بدم منحره يامؤمنين
وتلطم الزهراء خدها والجبين
وشايله بيديها چفين الكفيل
أنفجعت الأملاك بالنوح وعويل
آه آه~~~ياحامل لواء
آه آه~~~تحيا كربلاء
★★★★★★★★★
الشاعر(أسعد قاسم الكريعاوي)
ــــــــــــ◐◐◐◐◐◐◐◐◐ــــــــــــــــ
.....
عبدالله الرضيع
.....
ابني يالولد ابني
شمسك تختفي بحضني
عبدالله نكطع ضني
ابني ابني
....
عبدالله يبني يالطفل ياحلم روحي الغالي
مهدك بهز بيه الهو ما ادري مهدك خالي
ابالي كلشي بكربله موتك ولا مر بالي
ناغالك الموت ورحت ماجلبت بذيالي
....
نوحي للابد نوحي
لجلك يابعد روحي
مايخلص الك وني
ابني ابني
......
شذنبك ييمه وتنذبح والنبله تنزع روحك
انت الورد من تنجرح ينزل نده من جروحك
ياقوس هذا الصوبك بجفوف ابوك يلوحك
مثل الحمامه رامحت ماسمع واحد نوحك
....
دمعي عالوجن دمعي
بعدك يختلف وضعي
بعدك ماضحك سني
ابني ابني
.....
بجفوف ابوك من رجعت رد حاملك يتعثر
كل ضني جابك مرتوي وتضحكلي جنت اتصور
فرحانه اجيبك الخيم مونبله فوك المنحر
يازغر اولاد السبط عمرك بعمر الكوثر
....
ردلي يالولد ردلي
بعيونك علي صدلي
ظهري من الهظم محني
ابني ابني
......
ابالي تخلص كربله ونرجع سوه من الرحله
تكبر مثل كل الولد وبعيني اكثر تحله
ياغله من كل. العمر ياهو المنك اغله
لولتلك النبله ونمت نبرتها خشنه النبله
ابجي والتفت ابجي
وي الموت اريد احجي
هاليوم الدمع فني
ابني ابني
.....
يامهجتي وماي النظر لمهدك الولي شبيه
عبدالله وحجيلك نعي وادري انت مالك جيه
زينب بجتلك يالطفل يقهر بجي العلويه
امك انه وباجر اضن امشي مشي المسبيه
خيمه تحترك خيمه
يراويني السبي ضيمه
اتركك مدري تتركني
ابني ابني
.....
الشاعر علي السعيدي
المصدر مؤسسة منبريون على التلكرام
تعليقات
إرسال تعليق