قصيدة : اصيحن يبابا مكتوبة
مع 12 قصيدة مكتوبة للسيدة رقيه عليها السلام في الاسفل
كلمات واداء : مرتضى حرب
اصيحن يبابه .. نمت بالترابه
ترف خدي بويه .. وچوتني الترابه
زغيره واريدك .. انام اعلى ايدك
چوتني الترابه
🔷🔷🔷🔷🔷🔷🔷
علي يا بويه شي ما شفته ظل يسدي
انضرب وچفوف اشاجف بويه ماعندي
وعضبة الناگه تاذي ضلوعي من تحدي
وچم لسعه الترابه خلت بخدي
انا مدللتكم .. عجب عفتوا بتكم
چوه خدها بويه .. مثل خد اختكم
اشمن وريدك .. انام اعلى ايدك
چوتني الترابه
🔷🔷🔷🔷🔷🔷🔷
اصبح وامسي بويه بعبرة مختنكه
المغرب بويه حيل اشتاگ للملگه
مثل حضنك حضن لخدودي وين الگه
بخرابه وحر علي ّوخدودي محترگه
اريدك يعودي .. تداوي خدودي
المهن وجعني .. وزجر بويه گودي
عليك بحبيبك .. انام اعلى ايدك
چوتني الترابه
🔷🔷🔷🔷🔷🔷🔷
بحبيبك بويه احلفك ياحبيب الله
تجي تطيب جروحي وجدمك تنگله
ترى من الرحمة ذول گلوبهم تخله
من اطيحن حيل صاحوا ما مش اسم الله
من اطيحن يجوني .. وشتم چملوني
يطگوني وافتح .. اعله راسك عيوني
واعاتب عضيدك .. انام اعلى ايدك
چوتني الترابه
🔷🔷🔷🔷🔷🔷🔷
يطگوني وادور الراسك عيوني
وعله خدي الچوته الگاع سطروني
هك شوف شكثر چم سوط بمتوني
وچم چف انطبع بخدودي واذوني
شتايم حچيهم ..ولا رحمه بيهم
يبويه واثرهه ..عله خدودي اديهم
ومثل جيدي جيدك .. انام اعلى ايدك
چوتني الترابه
🔷🔷🔷🔷🔷🔷🔷
رقيه مدللتكم ليش عفتوهه
هيچ ام الخدر صاحت عله اخوهه
التنومهه اعله چفك هسه نوموهه
بخرابه وبالشتايم من يگعدوهه
وحگ عودي جدهه .. ولا وجنه عدهه
بسطر وبخرابه .. انمرد منهه خدهه
دفز من رغيدك .. انام اعلى ايدك
چوتني الترابه
🔷🔷🔷🔷🔷🔷🔷
يفاطم هينه علتچ مو مثل علتي
بخرابه مثل اخيتچ انتي مانمتي
من السوط اخ اصيح وانتي من صحتي
انه جويعده وحمل ضعن خلتي
يخيتي بلوتي .. سببهه انه موتي
انه بعيني گطعوا ..شفت روس اخوتي
يبويه ادري عيدك .. انام اعلى ايدك
چوتني الترابه
لمزيد من قصائد مرتضى حرب مكتوبة
نشر خادمة العترة ام محمود الشمري
12 قصيدة مكتوبة لرقية عليها السلام
ــــــــــــ◐◐◐◐◐◐◐◐◐ــــــــــــــــ
قصيدة في ليلة الوداع حوار بين السيدة رقية وابيها الحسين عليه السلام
ياعذابي .. يامصابي .. لو عفتني لو عفتني
بويه يالكلّك حنان لو رحت راح الامان
حن عليّة. حن عليّة
........................
بويه فك صدرك اليّه خايفه بهذا الضلام
تـدري مـا ارتـاح ألّا بحضنك الدافي انام
ليلة العـاشـر كئيبـة ليـلة وداع وخـصـام
خايفه من صبح باچر باچر سيوف وسهام
دلّلتني .. عوّدتني .. تبقه يمي تبقه يمي
طفله خلّيلي مكان. لو رحت راح الامان
حن عليّة. حن عليّة
.........................
انت ابوي وانت امي انت كلشي بهالوجود
عـوّدتـنـي عليك بويه وحبّـك بگلبـي يزود
يالحنانـك ماكو منّـه حضنك وچفّك شهود
والله لوما ماي وجهك تذبل تـمـوت الورود
يا اماني .. ماكو ثاني .. بويه غيرك بويه غيرك
آه من غدر الزمان لو رحت راح الامان
حن عليّة. حن علية
.........................
آنـه يابـويـه رقيّـــة مـا اريــــدك تـبــتــعــد
ما اعوفك لحظه وحده خوفي تمشي وماترد
شلّي بالدنيــه بغـيــابـك خـل يغطينـي اللحد
ما اعيش بدون عـطـرك ابقه بويه شتـعـتـقـد ؟
لا يغالي .. والليالي .. تقسي بيه تقسي بيه
منهو ينطيني الضمان. لو رحت راح الامان
حن عليّة حن عليّة
...........................
گـلـها يبـنـيّـتـي رقيّـة والله ذوّبتي الگلب
آنه ابوچ حسين يمّج ليش كل هذا الرعب
طفـله وتـودّع ابـوها مو سهل برض الغرب
ما اعوفچ لازم ارجـع نلتقي بموقف صعب
عالترابه .. بالخرابه .. تنتظرنه تنتظرنه
وهذ هوه الامتحان لو رحت راح الامان
حن عليّة. حن عليّة
.........................
تـمـسـح براســي تگلّه مو علامات السفر
لليتـم هـاي العــلامـه اشعر بموتك حِضر
گـلّي لا تـخـفــي عليّة باجر يذبحك شمر
باجر عله الرمح راسك يرتفع وبقه بخطر
هذا واقع .. عمري ضايع .. يتمتني يتمتني
والعذاب الخافي حان. لو رحت راح الامان
حن عليّة. حن عليّة
..........................
زينــب تـگـلــها رقيّـــة عمّـه كافي من العتاب
لا تـأذّيـنـــه بـدمــوعــچ گلبه يالمحبـوبه ذاب
آنـه احـمـيــچ ابّـــــدالـه يارقيّــة بهـالمـصــاب
تگلها خوفي يغيب عني طفله ما احمل عذاب
حگي ابچي .. المن اشكي .. جاوبوني جاوبوني
والسبي بعيوني بان. لو رحت راح الامان
حن عليّة. حن عليّة
سيد زيد الفحام
_______________________________________
ــــــــــــ◐◐◐◐◐◐◐◐◐ــــــــــــــــ
يابويه جرحنــــــي الحبل
مجتوفه وابجي اعله الهزل
****
آنه رقيـــــــــــه اتمرمرت
يابويه يالعنـــــــــي رحـت
مسبيه شو هسه اصبحـت
بخشـــــــنه الحبال اجتفـت
واجفوفي ترفه ومــــحتمل
****
اجفوفي ترفــه وبالغصــب
شدوني عالناكَــه الغــــرب
وازغيره ترضاها انضرب
ومايحمل الطك الكَلـــــــب
واعيوني غركَانه وتهـــــل
*
واعيوني جرحه الوضـع
كل ساعه ابجي وانفجـــع
والشيله بللـــــــها الدمـــع
والسطره عالخد تنطبــــع
من ابجي يسطرني النـذل
*
من ابجي عالعين انســـطر
وبمتوني يضربني الشــمر
ماجني طفلــــــه وباليــسر
كل هذا انعـــــــه وانتـظر
ماتلفي يالظني عــــــــدل
*
ماتلفي يالوجـــهك شـــــفه
يابويـــــــــــــه يالكلك وفه
وكلك حـــــــــنان وعاطفه
عاين رقــــــــــــيه امجتفه
ابنيتك وضعـــها مو سـهل
***
ابنيتك تســـير بهالشمــــس
ويوميه اصـــعب من امس
اجوت اخدودي والله احس
وادانت الموتي النفـــــــس
واتكَطعت بيه الســـــــــبل
****
وايكَطع ابروحي الحـــجي
سبوني وألمن اشـــــــتجي
واتعب وأنام امن البــــجي
وعالناكَه يابويه انتــــــجي
مدري اطيح وانجـــــــــتل
****
الشاعر ابو علي الركابي
ــــــــــــ◐◐◐◐◐◐◐◐◐ــــــــــــــــ
نعي لغربة مولاتي رقيه
رقيه إسمي وابوي الظامي احسين
................غصن من شجرة الهادي وعترته
اريد أكتب رساله بدمع الجروح
..................حزينه الوالدي الطالت سفرته
اكتب بيها قهري وهظم الايام
....................واخبره بالجرالي من فگدته
أبد ما أنسى بويه حرگ الخيام
...................وراسك عالرمح یمکن لمحته
گلت یاعمه انشد والدي وین
....................تگلي امسافر اطول رجعته
وحیده التمو أعليهَ الیسلبون
......................واحد بويه سلبني بنظرته
سلب مني التراچي وي المداس
.....................عجيبه وانظر بعینه دمعته
مشيت وجدمي بويه امترسه اجروح
................ الشوك البلــــدرب كله سحگته
أجه واحد ولاني بظرب السیاط
................یسب الزهره وي حيدر سمعته
وأجه واحد لطمني بچفه عالعین
.............احس اعيوني طاحن من لطمته
واجه واحد سطرني فوگ الخدود
..............امشي وخدي ازرگ من سطرته
وأجه واحد رفسني رفسه بچلاي
.................گطع انفاسي يابویه ابرفسته
واجه واحد دفعني فوگ الاشواك
.............. فقط لـمن نشــــدته ياهو انته
شمر یابویه چتفني بالاحبال
..................سبیه وچفي کل ساعه یعته
يضحك من اجاني شايل اچفوف
.................اليمه بويه تهظمني ضحكته
يگلي هاچ انظري اچفوف عباس
...................هاذي یسرته وهاذي یمنته
بسچ یالیتیمه لا تونين
......................الچ مايفزع الحزو رگبته
.
حسن الموالي الفاطمي
محرمه على رواديد ال DJ
ــــــــــــ◐◐◐◐◐◐◐◐◐ــــــــــــــــ
أي وحكَ اعتابج ... يا رقيه امصابج
ما انساه ما انساه
ـــــــــــ
من الزغر مولاتي ... عايشه ابوجداني
الهج بذكراتج ... بكَلبي وبلساني
ذابلات جفوني
اجري دمع اعيوني
ما انساه ما انساه
ـــــــــــ
بالمهد تدريني ... اقره حزن امصابج
جن اشوف ابعيني ... الجمره فوكَ اثيابج
اسمع بحسراتج
تنادي العمّاتج
ما انساه ما انساه
ـــــــــــ
يساعدج بارينه ... انتي شفتي الخيمه
بنار تلهب ويلي .. وبالطفوف ايتيمه
تجري دمعة عينج
تناطرين احسينج
ما انساه ما انساه
ـــــــــــ
بالزم ناديتي ... ها ينور عيوني
بسوطهم يالوالي ... زركَه هسه امتوني
بويه من السطره
العين صارت حمره
ما انساه ما انساه
ـــــــــــ
عالهزل من رحتي ... بالحبل مجتوفه
الشام يكلف جرحه ... واشد من الكوفه
للرجس صدّيتي
المجلسه طبّيتي
ما انساه ما انساه
ـــــــــــ
والخرابه ويومهه ...شلون والله انساهه
الدهر بنت الوالي ... جم هظم راواهه
نامت اعله اترابهه
والله صعب امصابهه
ما انساه ما انساه
ـــــــــــ
والطشت بي محنه ... تخلّي دمعي الهالي
صحتي ها يا بويه ... شفتي راس الغالي
احضنتي راسه وصحتي
يا رقيه او متّي
ما انساه ما انساه
ـــــــــــ
الشاعر محمد حسن ضيغم
ــــــــــــ◐◐◐◐◐◐◐◐◐ــــــــــــــــ
قصيدة #السيدة_رقية (ع)
بس لا ما تجيني ويطول ونيني
من فكدك ياعيني حركوا كل الخيام
******
زينبك حيل اضربوها والمتن محد حماه
غايه بالطف هيه وحده منها تنجر العباه
رغم كلشي الخدر عالي بس كمرها شعطلاه
احنه متعودات يوفي الموت صعبه لوخذاه
جاوينه الكفلها يمته يرجعلها
محد من اهلها يمنع تمشي للشام
*********
حسين بعدك كلشي غافي والورد عطره خفت
عينك لزينب ضواها ضلمه صارت من طفت
غالي فكدك حيل غالي خيمك اترابه صفت
نايمه جروحي بحضرتك لكن بفكدك صحت
شحجيلك ثكيله ضربوها العقيله
بالدمعه الطويله جفني صعبه لو نام
******
بويه بعدك ليلي وحشه والرمش صاير رماد
رقيتك لوتدري لاجلك علدمع نثرت سواد
الفركه طالت بويه كلش يمته ترجع كافي عاد
ردت اشمك بس شمرهم صاح شو رجعي لغاد
ايا يبن الزجيه طكني ابن الدعيه
هاي الناصبيه تحجي باسم الاسلام
********
يعت عباتي يكلي وينه حسينج الطايح سليب
استحي من الله واصيحك وانت بالطف الغريب
والله كلفه اتطيح دامي وانت عند الله حبيب
لو ردت غيرك اندبه منين مثلك كلي اجيب
بعدك يا كشختي غركانه بصفنتي
حسراتي ودمعتي تشرح فكد الاعمام
******
اليوم لازم كلها تعرف قصة الطف بالاساس
ارد اكولن جلمه اخيره السبي اخر مقاس
موفقط خيل وعساكر وزينب تشتمها ناس
الرمح من شال راسك يدري بيك عكال راس
راسك لو شبكته اغفه بحظنه سكته
من عطرك حرمته كلبي ولسه محتام
*************
سيد احمد الميالي
تم بحمد الله وتوفيقه
ــــــــــــ◐◐◐◐◐◐◐◐◐ــــــــــــــــ
▪️25▪️ أنتي واحة روحي ▪️▪️▪️▪️ البيها تغفه اجروحي
مااعوفج يارقيه ▪️ ماأعوفج
------------------------------------------------------------------------
1) أنه ماارضه الهوه ايحرك عباتج
يالتشبهين البتول ابكل صفاتح
أنه اقسملج أظل مركب نجاتج
أشلون اخلي العسكر ايهدد حياتج
☆ بويه بس ندبيني ▪️▪️▪️▪️▪️ بالخيم تلكيني
مااعوفج يارقيه ▪️ مااعوفج
--------------------------------------------------------------------------
2 ) أنه عد عينج يبويه شما تطلبين
الطاير البجو اجيبه لو تريدين
أنه ماردلج طلب يابويه تدرين
حتى لو مني طلبتي اعيوني الاثنين
☆ انتي كل إحساسي ▪️▪️ اوفدوه الج أنفاسي
مااعوفج يارقيه ▪️ ▪️ مااعوفج
--------------------------------------------------------------------------
3 ) حتى لو ردتي المحال ابجفي اجيبه
اوبيدي اقدمنه الج اه يالحبيبه
كبل لا أمشي اوتحل بيج المصيبه
ابسيفي ماخلي سريه اولا كتيبه
☆ تمر بيج اخباري ▪️▪️▪️ أو منهم أخذ ثاري
مااعوفج يارقيه ▪️ ▪️ مااعوفج
- - - - - - - - - - - - - - - - - - - - - - - - - - - - - - - - - - - - - - - - - - - 4
4) أمنيتي يمج كل وكت يابويه حاضر
أولا اعوفج بالغرب مكسوره خاطر
أنه وعيونج فلا اهاب المخاطر
أولا أشوفن توكف ابدربي العساكر
☆ إلا افرق اصفوفهم ▪️▪️▪️ اوبيدي اكص اجفوفهم
مااعوفج يارقيه ▪️▪️▪️ مااعوفج
- - - - - - - - - - - - - - - - - - - - - - - - - - - - - - - - - - - - - - - - - -
5 ) اجفوفي وعيونج تظل خيمه الدلالج
وأنه صوره أمن الوفه اولوحه بخيالج
لاتخلين السفر بويه اعله بالج
روحي تفزعلج اذا تسمع سوالج
☆ ياترافه بالي ▪️▪️▪️▪️▪️▪️ الج فدوه الغالي
مااعوفج يارقيه ▪️▪️▪️ مااعوفج
- - - - - - - - - - - - - - - - - - - - - - - - - - - - - - - - - - - - - - - - - - -
6 ) انتي طفله اوبالغرب وكفت اميره
اوروحج ابجالي فلا اتجتفها حيره
إلا اكص راس العدى البايع ضميره
والا أجر فرسانه لخيامج اسيره
☆ إلا اخطف لونهم ▪️▪️▪️▪️ اويهل دمع اعيونهم
مااعوفج يارقيه ▪️ ▪️ مااعوفج
- - - - - - - - - - - - - - - - - - - - - - - - - - - - - - - - - - - - - - - - - - -
لخادم أهل البيت - أبو أحمد المجراوي 07805007942
قصيده ( الإمام الحسين )يخاطب رقيه
ــــــــــــ◐◐◐◐◐◐◐◐◐ــــــــــــــــ
عزيزه أمدلله ﻻ ﻻ تجتفوني
اكل لحسين ابويه لو تضربوني
الحبل ياذي أديه ـ زغيره اعله الاذيه
اكل لحسين ابويه لو تضربوني
====<>=====<>=====<>=====<>====
زغيره امدلله ومحمل اذيه
عزيزة كل خواتي اسمي رقيه
ابوي حسين منطيني هديه
عبايه امن امي فاطمة الزجيه
يشمني والدي وكلساع اشمه ـــ
يشبهني الابو بالزهره امه
مثل امه الزجيه ــ زغيره اعله الاذيه
اكل لحسين ابويه لو تضربوني
====<>=====<>=====<>=====<>====
عجيبه حسين راح اوما اجاني
وعدني ابجيته وضليت اتاني
اعله ابوي حسين يتفايض حناني
اريد اشگيله المصاب الدهاني
اگله يالابو لحگ عليه ـــ
عزيزة گلبك اخذوها سبيه
يبويه انا رقيه ــ زغيره اعله الاذيه
اكل لحسين ابويه لو تضربوني
====<>=====<>=====<>=====<>====
الشمر بيه توگل صوطه بيده
يضربني امن اگول حسين اريده
يبويه وهالمسافات البعيده
شلون اگضيهه ياابن الصميده
اگضيهه تحت شتم او مسبه ـــ
ومن ابجي الشمر متني يضربه
يبويه اشسوه بيه ــ زغيره اعله الاذيه
اكل لحسين ابويه لو تضربوني
====<>=====<>=====<>=====<>====
يبويه امن الضرب هدمي تشگگ
ونه زغيره تره اوما احمل الطگ
غده متني علي من سوطه ازرگ
ومشي حافيه او جدامي امحرگ
يجويني الرمل وعليه يمشوني ــ
وانه حافيه وزغيره يدروني
اضل احبي اعله اديه ـ زغيره اعله الاذيه
اكل لحسين ابويه لو تضربوني
====<>=====<>=====<>=====<>====
وصلنه الشام وباب القصر صرنه
وبها اللحضه لن الحرس وگفنه
اعله اسامينه غده يابويه يسألنه
يعزلون الاسمهه فاطمه منه
الاسمهه فاطمه خدها يسطرونه ــ
وضلعها ابخشبه يابويه يكسرونه
وانه بدمعه جريه ــ زغيره اعله الاذيه
اكل لحسين ابويه لو تضربوني
====<>=====<>=====<>=====<>====
يبويه والله حيره اتحيرينه
تره طبت القصر تصعب علينه
وبره الناس تصيح بينه
ندور عن ملاذ اوما لگيينه
تره طبت القصر يا والدي صعبه ــ
زلم كثره يبويه والزلم غربه
يمصعب هالرزيه ــ زغيره اعله الاذيه
اكل لحسين ابويه لو تضربوني
====<>=====<>=====<>=====<>====
خذوني للخرابه او بيهه خلوني
او راسك بالطشت يابويه راووني
شبكت الراس بويه وغمضت اعيوني
وعلى راسك اموت ابحسره رادوني
على راسك متت بويه ينور العين ـــ
طلعت روحي وي ما گلت بابا حسين
وبونه شجيه ــ زغيره اعله الاذيه
اكل لحسين ابويه لو تضربوني
====<>=====<>=====<>=====<>====
حسين باهض الحلفي
ــــــــــــ◐◐◐◐◐◐◐◐◐ــــــــــــــــ
العظيمة رقية (عليها السلام )
كِـلـهـا صاحـت ركـضـي مـات
والــركـــض مـــو لـلـبـــنـــات
نـار هـايــه..بالعـبـايــه..وسـتـري غـايــه
والــركـــض مـــو لـلـبـــنـــات
بـويـه تـعـرف بـيـه غـيـر الخـيـمــه شَـنــدل
ولا وجـه بـيـه رحـمــه مـنـــك حـتـى اسـأل
والتـراﭽــﻲ ومـحـبـســك يـقـــرون مـقـتــل
وعـمـتـي تـاهــت عـــاد بـس دلـيـهـا عالتــل
وهـي تـنـدل عـمـتـي ويــن
غـيـر صــدرك يـا حـسـيـــن
لا احـﭽـﺎيـه..ولاكــو رايــه..وسـتـري غـايــه
والــركـــض مـــو لـلـبـــنـــات
ــــــــــــــــــــــــــــــــ1ــــــــــــــــــــــــــــــــــ
شـنـهـــو رايـك هـسـه اركـض ابـقـى اطــلـع؟
بــويــه مشـيـنـي اعــلـــه راي الـنــار تـلـسـع
انـت بـس حـاﭽـيـنـي وانـه بـكلـشـي اقــنـع
وهـــو صـوتـك مـن يـجـيـنـي الـنـار تـهـجـع
انــت بــس رِد بــويــه عِـيــش
وانــه احـســـهــا النـــار ريــش
يـا رزايــه..لـو اويـايــه..وسـتـري غـايــه
والــركـــض مـــو لـلـبـــنـــات
ــــــــــــــــــــــــــــــــــ2ــــــــــــــــــــــــــــــــ
انـه مــن ﮔــد مــــا تــرافــــه و رِقــه بـيــه
مــره نـسـمــه اتـصـيـحـلــي ومــره رقـيــه
هـســه ﮔــدمـــا ســوطــهــم يـلـتـف عليــه
مـدري ﮔـﺎم شـيـشـلـع مـن اﭽـفـوف اديــه
وﮔـــمــت ادور ظِـــل عــبـــاه
حـــتـــى بـــس ألـبــــــد وراه
بـهـالجـنــايــه..بــلا حـمــايـــه..وسـتـري غـايــه
والــركـــض مـــو لـلـبـــنـــات
ـــــــــــــــــــــــــــــــ3ــــــــــــــــــــــــــــــــــ
نـركــض ونـفـحـــط ركــض وانـصــــد ورانــه
ولـسـه بـويــه اسـيــاطـهـم تـمـشـي بـﮔـفـانــه
وكـثـر مــا بـﭽــفــوفـهـــم شـفـنــه الخـيــانــه
حـتــى الـبــلايـــه تـــراﭽـــﻲ أيــضـــم اذانــه
ورﮔــﻪ صـفــره وجـتـهـا ريــح
هــا كــثـــر ﮔــمــنــه نـطــيــح
والضـحــايــه..اتـحـب مـنـايــه..وسـتـري غـايــه
والــركـــض مـــو لـلـبـــنـــات
ـــــــــــــــــــــــــــــــــ4ـــــــــــــــــــــــــــــــــ
لـعـمـتـي زيـنـب مـن عـذابـــي ﮔـمـت اﮔـلـهــا
عـمــه ﭽــﺎ ويــن الخــرابـــه اخـذيــنـي إلـهــا
وﭽـتـفــونـه وعـمــتـي كــل دمـعــه الـتهـلـهـا
ريـحــة العــطـــاب تـطــلــــع مـــن حـبــلــهـا
احــنـــه ﭽـــنـــــه مــدلـــلات
تـــالــي بــويــه امـﭽــتــفــات
وبـالنـهـايــه..لــن سـبـايـــه..وسـتـري غـايــه
والــركـــض مـــو لـلـبـــنـــات
ـــــــــــــــــــــــــــــــ5ـــــــــــــــــــــــــــــــــــ
أحمد البصراوي العبادي
ــــــــــــ◐◐◐◐◐◐◐◐◐ــــــــــــــــ
دمـع العيون مــن رقيه على الوجن
والله ميهون صغيره ما تحمل حزن
من السبي والهم تصيح
هـــذي بـنـتـك يالـذبيـح
والله ميهون صغيره ما تحمل حزن
.............................................................
اتـيـتـمـت بعدك رقيه من الزغر
والــزغيــره شلون تتحمل صبر
جـتـفـوهـه اويـه الـيـتـامه باليسر
وغيـر جـيـتك يا ابوهه شتنتظر
تالي راس بلا جسد
والكَلب منهه انمرد
شلون وتشوف بطشت راسك ما تون
والله ميهون صغيره ما تحمل حزن
..............................................................
راحـت بـدرب اليـسـر تـحـمل انين
وتـرتجف من جور ادين الضالمين
تصـيــح مـن تعـثـر رقـيـه ياحسين
انـت ابـوهـه وتـنـدبـك يبن الامـين
تـنـتـظـر منك حنان
وتشـعـر بكل الامان
وانت مذبوح انهشم صدرك والمتن
والله ميهون صغيره ماتحمل حزن
...................................................................
كَـوه جـانـت تـحـمـل سياط العده
والـسـِـده اعـلـيـهـه ابـد لاما سده
تــنـضـرب واسمك يبوهه تردده
وانـت جثتك على التراب موسده
ابسـوط بنتك تنضرب
ياحسـيـن شكَـد صعب
اتشوفك اتريد الشـبـكَـت جفوفك تحن
والله متـهــون صغيره ماتحمل حزن
.................................................................
اعـلـيـك تـسـال زيـنـب وكـلهته وقار
تكلهه اريد حسين وانتضره اعله نار
من اشتياقي كَـلـبـي بـس نـار وشرار
والله مــا أحـمـل بعـد طــول انتضار
وانت راسك عالرمح
يـقــره أيـــــات الفتح
مادرت بيك راســـك يطوف المُـدِن
والله ميهون صغيره ما تحمل حِزِن
................................................................
تالي جابو راسك الهه وكـله دَم
حيـلهه من شافت الراس انهـدَم
رجـفـت ومن راسهه لحد الجدَم
والنفس منهه لهلالمصاب انعدَم
من الحزن ماتت يحيد
نشف دمهه البِل وَريد
ومن الاحزان ذبـلـت الجـانت غصِن
والله ميــهـون صغيره ماتحمل حزن
ياسر العارضي
ــــــــــــ◐◐◐◐◐◐◐◐◐ــــــــــــــــ
أحس بعمري أيام قبل لا اوصل الشام
بعد هجرك ييابة اموتن بالخرابة
**************************
زغيرة بعمر الورود واديها مچتفيها
يبوية خدي محروكَ تنادي وما يجيها
انا من دون الأيتام يجرون بأديها
عليها ونت الروس بچه الليل البچيها
وأشوفن عمي مخنوكَ يعاين راسة عالنوكَ
صعب عنده سبينه يعاين عالضعينة
تذَكر حركَ الأخيام قبل لا اوصل الشام
*****************************
ثلث من عمري وياك كَضيته بحضنك آني
صدكَ خيل العدة هناك خذت بالطف مكاني
يبوية وعمري چم عام وأنه شكبري واعاني
لون عندي بخت ما خذت مني زماني
لون ماخذني لهناك أموتن بوية وياك
اخافن ما احاچيك أموت من البچي عليك
عليك عيوني متنام قبل لا اوصل الشام
*****************************
اباوع بوية بالليل ظلام وكَلبي خايف
بدية ياكل السوط اذا بيهن اشاكَف
اسولف يمته وياك احب ذيچ السوالف
عتابي يأذي عباس واشوفن نحرة نازف
كفيل العايلة شلون يضيع هاي الضعون
تكفل هوه بينه انسبينه وما يجينه
وراك تموت ألاحلام قبل لا اوصل الشام
*****************************
دربنه كله شمات اجت ناس شكثرها
شكثرعد زينب اخوان اشو محد حضرها
انادي عمتي شلون مصيبتها شكبرها
اليتامة عليها يبچون وهي السوط بظهرها
شكثر زينب تحبها الشمر كلسا يسبها
التروح بلا وليها الدهر شيخلي بيها
بمتنها چم جرح نام قبل لا اوصل الشام
*****************************
أحس من عمري ايام وخلص من حياتي
احتمال آخر محطات عذابـــي ونايباتـــي
بخرابة من أشبكَ الراس يبوية يحل مماتي
أظلن لا ابو وياي ولا يمــي خواتـــي
وظلن لازمة الباب يجوني يمته الاحباب
شيكَضيها الليالي على الفاكَدلة غالي
تفرهد روحي الآلآم قبل لا اوصل الشام
*****************************
يجون لكَبري زوار ؟ يمنعون الزيارة ؟
اموت بغربة بالشام تهيج بكَلبي نارة
ضريحي موحش يصير عليَ دمعي يتجارة
اخاف المهدي انخاه ويطول أنتظــــارة
تظل دم تجري عيني لما اشوفه يجيني
أظل بهدومي السود لمن الغايب يعود
تصير اللحظة أعوام قبل لا اوصل الشام
*****************************
حيدر حسين الكرعاوي
ــــــــــــ◐◐◐◐◐◐◐◐◐ــــــــــــــــ
قصيدة في الوداع لحظة وداع رقية مع ابيها الحسين عليه السلام.
يبويه حسين ياروح الزچيه
اخذني ويـاك لا تبعــد عليّـه
بعـذاب الغاضريّه
صدگ تترك رقيّه
يبويه حسين. يبويه حسين
...............
رقيه الغـاليـة عنـدك يبويه حسين
تـودعنّـي وتخلّينـي لعــذاب البيـن
صبر ما عندي يابويه واجيبه منين
دگلّي لياكتر امشـي واروحـن ويـن
رقيه ودمعي يتجــاره عله الخدين
دخيـلـك لا تـودعنّـي ينـور العيـن
عليـك يـهـون تاذيني الاعـادي
هظم وجروح ما يحمل فؤادي
يبن حامي الحميه
صدگ تـتـرك رقيه
يبويه حسين. يبويه حسين
....................
وداعك مو سهل تدري اخذني وياك
اموت ولا اظل بعدك صعـب فـرگاك
يبويه حسين ما ترحم تراهي اعداك
تسلّبنـي وتـأذّينــي عــگـب عيـنــاك
رقيه الدلّلتــها آنـي العشـت بحمــاك
بعـد ما ريــده ما يسوه العمر بجفاك
حـرم وايتـام نتوسّل دخيلك
خدرنه يروح يابويه برحيلك
بـغـيـابـك للأذيّـه
صدگ تترك رقيه
يبويه حسين. يبويه حسين
.......................
اخـاف تروح ما تـرجــع مثل عباس
وعدني بمايه ما شفتـه ابوالنوماس
اشـوف گبـالي تتجـمّـع عليك الناس
اذا تمشي يذبحونك غمرني حساس
أنه المحتاجه لحضانك يعطر الياس
حنـانـك والــدي وعطفك فلا ينقاس
سيوف عداك متلهفه عله دمك
بني سفيــان تـغـدر ما ترحمـك
اشبگك بين اديّـه
صدگ تترك رقيه
يبويه حسين. يبويه حسين
..........................
أخـذنـي لحضنك الدافـي اريد ارتاح
ولا ريــد انـظـر سيوف ونبل ورمـاح
كفـايه الراحـوا وماتـوا كفـايه جـراح
راح الأكـبـر وعـمّـي ورضيـعـــك راح
رقيّـه وغيـر دمعـي ما ملـكـت سلاح
اذا عالصرخه ما تمشي اصيح صياح
احس بالخوف وبقربك اماني
زغيـره شـلون تتركني لزماني
تـواجــه آل اميّه
صدگ تترك رقيّه
يبويه حسين. يبويه حسين
....................
اذا عنّـي غـبـت خـصـمـك يـأذّونـي
يحـرگـون الخيـم بويه ويهضمونـي
يسلبـون التّـراچـي ومايـرحـمــونـي
زغيـره وعالمتـن تـقـبـل يضـربـونـي
علـى راس الرمــح راسـك يراوونـي
يتيمـه بجسـمـك وراسـك يفجعونـي
اصيح بصوت بدموع وبواچي
يبويه حسين سلّبوها التراچي
ذبيح عله الوطيّه
صدگ تترك رقيّـه
يبويه حسين. يبويه حسين
.......................
شبـگـها لصـدره ابواليمّه وبچـه عليـها
رقيّـة يـگـلـها يبنيّتــي ويـحـاچيــــها
ينـشّـف بيــده دمـعـتـــها ويسلّيــــــها
گـعـد وبـحـجــره خـلّاها ويـوصّيــــها
رقيّـة بـغـيـبـتـي زينــب اتـبـعـيـــــــها
ينـور عيـونـي بـالـچ لا تـعــوفيــــــــها
غيابي عليـچ أيّـام واشـوفـچ
اصبري وهاي زينب ماتعوفچ
عله الـهـزّل سبيّه
صدگ تترك رقيّه
يبويه حسين. يبويه حسين
طور القصيدة ملا باسم الكربلائي
گلب مجروح خلّيته عله اديه
سيد زيد الفحام
____________________________________
المصدر موسسة منبريون على التلكرام
تعليقات
إرسال تعليق