كلمات قصيدة عطرالهواشم مكتوبة كتابة
أداء: مسلم الوائلي
كلمات: محمود ومحمد الموسوي
~~~~~~~~~~~~~~~~
الله وياك يا بويه الله وياك يا بويه
~~~~~~~~~~~~~~~~
من هنا جميع قصائد مسلم الوائلي مكتوبة
شمل هواكم هله بعطر الهواشم
خضره البيارغ هلي وحلوه العمايم
مشتاگه اسلم عله عيون الفواطم
وگلبي لكربله يريد تره ليله هايم
انه وعباتي گعدنه وبجينه
راحن خواتي وجزتنه الضعينه
~~~~~~~~~~~~~~~~
يا بويه الم هدومي بلكي وياك اسافر
ما أدري من غبشه الضعن يكسرلي خاطر
أنشد علضعون اليجن وتگلي باجر
باجر وراكم ذبح وبعيني عاشر
باجر حبيبي الحوافر تطشره
باجر ضحكته تموت اعله صدره
~~~~~~~~~~~~~~~~
طلعوا سوه الخياله والهودج شراع
وحسين مطر خطواته وتسنبل الگاع
جبت الگطن حطيته يم شيبة حسين
شيباته ذيج مبينه بس الگطن ضاع
شيباته طلعن لأن شايف الضيم
بس غيم ابوي ويضيع الشيب بلغيم
~~~~~~~~~~~~~~~~
خياله رحتوا يهلي بظهور الاصايل
عباس گمرنه ورايه فوگ متونه شايل
طيبه وهواكم عندي ويمر عليه
مشتاگه وانتم يمي ليش أكتب رسايل
بسباگة الريح مشه حسين شحلاته
مثل الصگر وجناحه رفت عباته
~~~~~~~~~~~~~~~~
شفت الگمر علمهره عبالي حيدر
ضعن الهواشم توه من يمي تسدر
نتسابگ انه وگلبي من راح الحسين
ما ادري ياهو البينه يشتاگك أكثر
لو انه ويروحي نتغالب سنين
ما تگدر تحبك اكثر مني يحسين
تعليقات
إرسال تعليق