قصيدة صاح الكمر مكتوبة
صاح الكمر والله الستر
وضل يرتجف حتى النهر
تبسم حسامه وهوسو عمامه
من الهاشمي وين المفر
وينه اليزامط صاح عم اسكينه
ياهو اليضل من نعكد اجفافينه
تحزم بسيف وعل خيم فر عينه
متبسم ومنتجي شاف حسينه
ودك صدره وبل خضره شدراسه
البسماهه جواهه من أنفاسه
وبرايته يعيش كصته
كل ماعرك من غيرته
طوله شحلاته مدلل خواته
يتنفس أحد ماكدر
صاح الكمر الله الستر
وضل يرتجف حتى النهر
تبسم حسامه وهوسو عمامه
من الهاشمي وين المفر
وينه اليزامط صاح عم اسكينه
ياهو اليضل من نعكد اجفافينه
تحزم بسيف وعل خيم فر عينه
متبسم ومنتجي شاف حسينه
دك صدره وبل حضره شد رأسه
البسماهه جواهه من أنفاسه
وبرايته يمش كصته
كل ماعرك من غيرته
طوله شحلاته مدلل اخواته
يتنفس أحد ماكدر
صاح كمر الله الستر
وضل يرتجف حتى النهر
تبسم حسامه وهوسو عمامه
من الهاشمي وين المفر
حط بيرغه بضهره وجنف ذرعانه
وحي الله أبو فاضل اتكل إخوانه
وباس الحسين بكصته العركانه
وكله الشمر ماشيله اكص السانه
يضحكله وكله غيرانته
اتونس وتنومس لوشفته
وكله انه حي ذبهن علي
يحسن اضمك بل صبي
والله من اطبهه وجفيتي اضبهه
هذا الجمع كول انكسر
صاح الكمر والله الستر
وضل يرتجف حته النهر
تبسم حسامه وهوسو عمامه
من الهاشمي وين المفر
شافو وفارس ضل يكل الفارس
هم انته مثلي اليوم ريجك يابس
وعاين وماشاف اليسوي واهس
ووسط الملعب درع ما لابس
الخياله من اخياله مرعوبه
خضعوله وكلوله اتوبه
العاين عله عينه ابتله
من خزر مالك علعله
الزلمه الخزره مثل اليطبره
وشجعهم ابضله عثر
صاح الكمر والله الستر
وضل يرتجف حته النهر
تبسم حسامه وهوسو عمامه
من الهاشمي وين المفر
اغتاض وعليهم فتح عينه الخضره
وخله الضفر من الحم يتبره
زلمتهم البل حرب خلص عمره
تاهت علي اليمنه من اليسره
جر ذاته وكال انه من عدهم
متبري وكل عمره ماحبهم
ضل ماشرد دمه جمد
حدر الفرس ماله لبد
وشيخ الحرايب كض الشوارب
صوب الخيم فنه العبر
صاح الكمر والله الستر
وضل يرتجف حته النهر
تبسم حسامه وهوسو عمامه
من الهاشمي وين المفر
من الخيم أشر حسين ابجفه
وكلاله حي الله الجربته بجتفه
شتاكيتلك رد يبو روح الترفه
الدنية كلهه بجفه وانته بجفه
وعباسه هزراسه ورديمه
حسين اشتد عزمه وهد من شمه
وهدو سوه وحتى الهوه
بصدورهم طب ونجوه
فحول الهواشم مثلمه الصوارم
لن علي الأكبر ما صبر
صاح الكمر والله الستر
وضل يرتجف حته النهر
تبسم حسامه وهوسو عمامه
من الهاشمي وين المفر
هدلكبر وطلعن ورا عماته
وزينب بديهه جنفت ارداناته
وكلته أبوك محزم ابشيباته
وعمك الدم خلا صبغ ريشاته
من اطب عمه أكلب ملعبهم
وتبختر وتخير قادتهم
وتكابلو مكبل حلو
وروس الثكال اتخيرو
وخلو حرمهم تتبره منهم
وذكروهم ابفارس مضر
صاح الكمر والله الستر
وضل يرتجف حته النهر
تبسم حسامه وهوسو عمامه
من الهاشمي وين المفر
قصيدة:صاح القمر
اداء وكلمات:مرتضى حرب
كتابة:الرادود منتظر الهلالي
قصيدة على طور صاح الكمر مكتوبة
الشاعر أحمد السليطي طور مرتضى حرب
صاح الگمر .. والله الستر
شال نهر عمي الكمر
____
وينه اليزامط صاح عم اسكينه
ياهو الطب من نركض احنة عليهم
شحدة الشمر يوصل الحد اخيامي
كلة اني عد عينك يخوية امشينة
يضحكله .. ويگله .. غير انته
ماتوصل... ماتعبر .. الخيامي
طوله اشحلاته .. حامي خواته
شال نهر عمي الكمر
حط بيرغه ابظهره وبرز عباسة
حي الله بوفاضل يكلة حسينة
باس الحسين ابگصته العرگانه
گله الشمر ماشيله أگصن راسة
يضحكله .. ويگله .. غير انته
اتنومس .. واتونس .. لو شفته
والله من اطبه.. چفيتي اضبه
شال نهر عمي الكمر
_
شافوه فارس ظل يگل الفارس
هم انته مثلي اليوم مثلة اليوم رايح يذبحك
عاين وماشاف الزلم موجودي
وتوسط الملعب درع ما لابس
الخياله .. من اخياله .. مرعوبه
خضعوله .. وگلوله.. التوبه
زلمه اليخزره .. مثل اليذبحه
شال نهر عمي الكمر
اختاض وعليهم فتح عينه الخضره
وخله الظفر من اللحم يتبره
زلمتهم البالحرب ذاكة اهناكة
تاهت عليه اليمنه من اليسره
وجر ذانه .. وگال آنه .. من عدهم
متبري .. وكل عمري .. ماحبهم
وشيخ الحرايب .. گض الشوارب
شال نهر عمي الكمر
___
الشاعر أحمد السليطي
10 قصائد مكتوبة للامام العباس عليه السلام
ــــــــــــ◐◐◐◐◐◐◐◐◐ــــــــــــــــ
(شوط كربلائي)
وين امشي وروحن وين زينب ظلت ابحيره
وراي اخيامي محترگه اگبالي راح ابو الغيره
ــــــــــــــــــــــــــــــــــــــ
ويه رايه انكسر ظهري وراحت روحي وياهه
املعگ بيه كــــل عــــزي وابدمعــــاتي اتناهه
طاحــــت رايته الچانت طــولي ابفيه يتباهه
وانطـره والدمع بالعين
لن جــاني الخبر بونين
لمن شفت ظهر حسين
وراح احسين اخو بعد وصارت محنتي اچبيره
ــــــــــــــــــــــــــــــــــــــ
ولحظات واجتني اخبار وانه ابحدي بخيامي
ابن امچ يزينب طــاح خــــده علتــراب دامي
اتفطر بالعطش چبـــده جاي اسمع نده ظامي
وحيلي انهـدم ما اگــــدر
الصوبه اركظ گمت وعثر
وابــــكــــل عثره اتحصر
طاح ابين جيش وخيل ابطيحت صاحب الغيره
ــــــــــــــــــــــــــــــــــــــ
امشي ابعبره مختنگه چـــي شمات يمي اتفـوت
وادري يموت بالحصره اليبچي وما يطلع صـوت
وتحرگ بالگلب خويه كل دمعه التصب بسكوت
وانـده گمت واتحصر
وينه الكافــل الخــدر
هاامت بت علي بالبر
ادور عن ولي زينب بلچن يرد للديره
ــــــــــــــــــــــــــــــــــــــ
افگدت كلشي وبعد ماشوف من انذبحت الخوه
واخت اليهد بيده اجبال تمشي الخطوه بالگــوه
من ظيمي وتعب والنوح من الريح اخـاف اهوه
زينـب دهــــري اذانــــي
ومشيت ابدمعه لخواني
اگلهم خــــويه هـذه اني
اصفه ابين هاي الكوم وبت حيدر علي السيره
ــــــــــــــــــــــــــــــــــــــ
اصعدت للتل اشوف احسين عليه انسدت ادروبه
شفت الغاالي بين الگـوم والخيل اركظت صوبه
عزيز الـزهــــره علتربان حتى اهـدومه مسلوبه
مــن سمعو وگــــع عباس
ابوحده انولى ابين الناس
انداس الخير والنـــوماس
وحده حسين ظل اهنا افگد عباسي لاغيره
ــــــــــــــــــــــــــــــــــــــ
انزلت من تلي للكافــل اروح ابحصرتي احچيله
ها عباس اروحن وين وياهوو العندي و اشكيله
المدينه الچــــنــــه نحكمه سبايه انطبه بالعيله
اچبيــره وصعبه احچيه
وابــوي الـــچــــان وليه
اسيره اشلون اطب ليه
البقى بس العليل ايلوب وابكل موقف انشيره
الخادم
علي الحميداوي الكربلائي
ــــــــــــ◐◐◐◐◐◐◐◐◐ــــــــــــــــ
كعده
انه العباس وماارجع اله وياي الماي
والمايعرفني وماسامع خليه يسمع هاي
هيبة علي هيبتي والمشرعه غايتي
*
انه الغيره الهاشميه وانه ابن ليث الطليعه
لو تصير اجبال اوصل مو زلم يم الشريعه
انه شلت الجود وحدي مامكلفتني الوديعه
لومنها سامع بس امر جاركض رحت ابلا مهر
وجاشافو انجوم الضهر وبيهم اتظيك الوسيعه
ماشيلن جودي ولا سيفي اغرف باالجفين
خاف يهج الماي ويشرد ويعوف الجرفين
اطلع بلا لامتي والمشرعه غايتي
*
عاالنهر حراس كالو واكفه رايه اعله رايه
هيج 70 الف بيهم! كلت اصلن مو هوايه!
العلكمي بهليوم لازم باالخيام يبات مايه
هوه انه ابن حيدر بعد شتصور اهتم باالعدد
وماهابه لوجاهم مدد اله اطشهم باالبرايه
منهم ماضن واحد يسلم وانه ابن الكرار
وخلي المسؤل اعله اجنهم يفتح باب النار
خل يسمع احجايتي والمشرعه غايتي
*
انه من اطلع ادور وين المصيت اكصده
والتلوذ بكتره ربعه والترف الرايه عنده
العلكمي وجاريه ذاك من جثثهم اله اسده
وجمعها ضهر اعله الضهر وبيهم اسد ماي النهر
اكطعهن ادروب المفر وشوفتي يحسبوهاشده
هذا العسكر ورطه تورط حاير وين يروح
الواكف مذبوح بسيفي والشارد مذبوح
ماثني ابظربتي والمشرعه غايتي
*
كل نهر باالدنيه اجيبه انه بس تامرني زينب
تريد اعصر غيمه الها هيه حره منين تشرب!
هوه جا زمزم عجيبه حتى اكول اعليه يصعب
اي نهر باالعالم سهل للخيمه اجيبنه سحل
اسحل الدنيه وماامل ولاطفل باالخيمه ينحب
مايعطش واحد بوجودي لا ماترهم هاي
عباس انه وغيره براسي والسيف ابيمناي
هل رفرفت رايتي والمشرعه غايتي
*
هاي جفيني الصميده ياما ياما قبلاها
جان ابو الحسنين يدري بكربله تاخذ صداها
وامي تقره اشكد عليهن سورة الناس ابشفاها
لهل اليوم ذخروهن تره وسموني سبع الكنطره
بيهن اسوي الماجره وكربله اكلب سماها
حيدر لمن باس اجفوفي لقنهن تلقين
وكل جف يقبلها يكلها ماريد اتقصرين
خادم انه العيلتي والمشرعه غايتي
*
ياعلي وفيت كلشي كربله تشهد عليه
بقت كل عيني اعله زينب حتى من كطعوها اديه
وبوجودي مانهظمن زينب وسكنه ورقيه
لمن طحت مدري اشحصل
وشبيدي انه اعله الاجل
ضلن خواتي ابلااهل
والله لوما القدر انه
الهوه مايمر زينب
****
سعد العبودي
ــــــــــــ◐◐◐◐◐◐◐◐◐ــــــــــــــــ
شوفو الوفه العد عباس-- يـــوم النهض بطفـوفه
وفـه الخــويه أويحسين-- ابهامته اوكَطع اجفوفه
*********
قـــــــدم ازنــوده اوهــــامته لحسينه
وسهــــم المثلـث مارحـــم طـــر عينه
مـاخلــــه زينـــب تنهضـــــم وسكيـنه
يقسم وحق داحـي البــاب. حسين ابد ماعوفه
******
واللــه اونعــم عبـــاس وفـه الخــوه
شايل شهــــامه ابـن الفحـل ومــروه
يرجف زعل لو سمع صـــوت النخوه
شايل صفات الكـرار. بي غيرته اومعـروفه
****
دكَ الصــدر الخته اوتكفــل بيـــهه
اورايت علي ابجفه اوتلوح اعليـهه
زيــنب أمــانه ابركَبتـــي وحميــهه
وليوصل الحره افنيه. والموت بيدي ايشوفه
****
سـل صارمه اوطب للعساكـر عبـاس
خلاهه مرعوبه اوتطكَ راس ابـراس
سوه العجب راعي الفخـر بالأرجاس
طشش صفوف الأشرار. حـط ابكلبهم خــوفه
*****
طب يرتجز وينــادي يـاكَـــوم ايزيد
عباس انه عندي الحرب ساعت عيد
ازعــل وغـــيم والوصل يمــي ايبيد
اكَلب الحومه ابيمناي. وعـدم جيوش الكوفه
*****
بحـر الأخــوه اوسـاسهه اومعــناهه
عند الكَـمر راعـــي العلـــم تلكَــاهه
ابكل تضحيه اوهمه اوفخـر وفاهه
قدم للحسين الروح. محد وصل موصوفه
*****
الخادم
كامل السعيدي
ــــــــــــ◐◐◐◐◐◐◐◐◐ــــــــــــــــ
اجه الليل..وانه ادور عالكمر
اجه الليل..ماشفتلك كل اثر
_____________
يلمدللني الحك حركوا اخيامي
وحرت مابين اطفي واجمع ايتامي
اوراي الشمر مره ومره كدامي
تمنيت انه ميته وخلصت ايامي
_____________
اجه الليل..رجلي داست عالجمر
اجه اليل ..ماشفتلك كل اثر
_____________
المضيع وطن يكضي العمر غربه
اعيش بلا بوفاضل ياخلك صعبه
عفت كلشي بحياتي وماعفت حبه
زرعت عيوني صوبه ونيشنت دربه
اجه الليل..لسه مابين خبر
اجه الليل..ماشفتلك كل اثر
_____________
يخويه من الماعتب ورم الساني
ولا لحضه نسيتك خوفي تنساني
ادورك وين بس كوم وتلكاني
خبر فكدك جرحني وحيل اذاني
اجه الليل..انه زينب ونتضر
اجه الليل..ماشفتلك كل اثر
_____________
جيت واتعثر جثث وامدمعه
ذيجه كدامي اشوفن مشرعه
من وصلته شفت ادينه مكطعه
ادري اباوع والعيون منگعه
اجه الليل..وجان كاتبلي القدر
اجه الليل..ماشفتلك كل اثر
_____________
انه والكافل يدهري ثنينه بروح
ماحسبت عني كافلي يروح
تالي طاوعت السهر والدمع مسفوح
وماترده الراح دمعه ولايجي بنوح
اجه الليل..والعزه اعله النهر
اجه الليل ..ماشفتلك اثر
_____________
طول حديثك يانهر والغالي مفكود
لوترجع اترسلك دمع وعتاب بالجود
ياروح زينب رد الي دلالي ممرود
ماتربتهه شيلتي لو اعرف تعود
اجه الليل..بيه مات الصبر
اجه الليل..ماشفتلك اثر
تمت
علي الذبحاوي
ــــــــــــ◐◐◐◐◐◐◐◐◐ــــــــــــــــ
ايست عالمشرعه
والجفوف امكطعه
خويه كلبي شيقنعه
انته وينك
***************************1
شيجيبك عينك تلكت سهم جن ملكه ضيف
شيجيبك حار كلبك بس حنانيتك خريف
شيجيبك عيونك زنودك ونحرك طك نزيف
شجيبك كمت انامن بلكت تسيرلي طيف
وشكبرهه الفاجعه
والجفوف امكطعه
--انته وينك
***************************2
شسولف والنهار يطر عليه بصبح دامس
شسولف راحت سوالفنه ذيجه البيهه واهس
شسولف كلبي جم ذكرت حزن ابنبضاته حابس
شسولف الگلبك الابيض بقت تبجي النوارس
وبحزنهه امكبعه
والجفوف امكطعه
..انته وينك
***************************3
ادورك..حرمه و مضيعه كمر والدنيه ليل
ادورك..كل مسافه التنطوي تطلبني حيل
ادورك..وتسرح افكاري باعوفج مستحيل
ادورك..وانه مشتاكه بكثر دمع الرحيل
بالعيون الدامعه
والجفوف امكطعه
**************************4
اجيتك يابو جلمة ياهلا التنكط ملح
اجيتك لوخنكني الليل اشوفنك صبح
اجيتك خطوه خطوه اتعثر بطولي الجرح
اجيتك الطير اذا مذبوح شيفيده الجنح
والجروح امجمعه
والجفوف امكطعه
***************************5
يكافل ..خلني يمك عالنهر انصبلي خيمه
يكافل..عينك اتصب من اعوفنك هظيمه
يكافل..خويه لاتتركني يالفكدك جريمه
يكافل..ابالي جم ذكره انتهت كلش اليمه
يابوعين الناكعه
والجفوف امكطعه
........................................................6
يعباس..غافيه بجفني يغالي بس طيوفك
يعباس..مامعودني اعله هجرك شلون اعوفك
يعباس..ضاعت اختك زينب بكطعت اجفوفك
يعباس..كوم وسدني الكبر خليني اشوفك
خويه عكبك ضايعه
والجفوف امكطعه
انته وينك
ملا علي الذبحاوي
ــــــــــــ◐◐◐◐◐◐◐◐◐ــــــــــــــــ
تنطي بيدك لليجيك مراده
والنعم منك يعم الساده
اي والله يعباس… والنعم من عباس
……
ما فشل كلمن اجاك ابحاجه
حته شاطي العلگمي و مواجه
جانت انفاسه الك محتاجه
جودك الجرف النهر معراجه
اي والله يعباس.. والنعم من عباس
تنطي بيدك لليجيك مراده
والنعم منك يعم الساده
………
انته گظاي الشدد والموزمه
ناوشك جبريل ماي من السمه
ماخذلت حسين مره وفاطمه
تكرم ابجودك سبيل امعلمه
اي والله يعباس.. والنعم من عباس
تنطي بيدك لليجيك مراده
والنعم منك يعم الساده
…… .
صاحب الجود الكريم ابجوده
سبل اعيونه وگطعها ازنوده
حظر القائد صفوف اجنوده
وطبهم العباس يمشي ابزوده
اي والله يعباس.. والنعم من عباس
تنطي بيدك لليجيك امراده
والنعم منك يعم الساده
…… .
انته للغربه گظيت المعضلات
انحلت وصارت سوالف امسيات
اختك الطلبتك جربه من الفرات
ماشفتها اتصير ذبيت الحيات
اي والله يعباس.. والنعم من عباس
تنطي بيدك لليجيك امراده
والنعم منك يعم الساده
……
والثلث تنعام ياصگر العده
بسيفك اجيوش الاعادي امدده
انته سويت المواقف خالده
قائد انته واختك اكبر قائده
اي والله يعباس.. والنعم من عباس
تنطي بيدك لليجيك امراده
والنعم منك يعم الساده
… ..
ياهو ينخاك وتردله احجايه
ويقره يم بابك دعاء وأيه
راكب الشگره وشلتها الرايه
جتفت كل الفرات ومايه
اي والله يعباس… والنعم من عباس
تنطي بيدك لليجيك مراده
والنعم منك يعم الساده
… .
يلي تنطي بزود وحده بربعه
وتاخذ احگوگك فصل ومربعه
فتحت بيدك سبيل المشرعه
والوصلك وصل گبله مصرعه
اي والله يعباس.. والنعم من عباس
تنطي بيدك لليجيك مراده
والنعم منك يعم الساده
……
نخوتك ياحيهم بكل منزله
حالف العباس يگلب كربله
طاحت اگبالك ليوث امجندله
ترست ابطون العواسل والفله
اي والله يعباس.. والنعم من عباس
تنطي بيدك لليجيك مراده
والنعم منك يعم الساده
……
علي الحاج الصبيحاوي
ــــــــــــ◐◐◐◐◐◐◐◐◐ــــــــــــــــ
صحت ويلاه يكافل اختك الحره
صحت ويلاه
تعال هنا اجت نوگ الهزل بره تعال هنا
اصيح وماترد ليه.. سبوني وانه علويه
صحت ويلاه
…… .
انه بلياك مهمومه وضحك شمات يچويني
يكافل موعله طبعك اصيح وماتحاجيني
يعباس العده خلافك صبح بسمي تسمني
اروحن وين مختنگه بالف عبره اروحن وين
اجيك منين والوادم علي جسره اجيك منين
انه ابختك الك جيه. سبوني وانه علويه
صحت ويلاه
…… .
انه وداعت ليالينه اعاتب وانه خجلانه
ادري بالنهر موجود بس شوفتك عطشانه
سمعت الوادم اتنادي الكفيل انطاچ ذرعانه
يريت تعود نامت بالگلب حسره يريت تعود
واشوف زنود مامگطوعه لا بتره واشوف زنود
واسولفلك عله البيه.. سبوني وانه علويه
صحت ويلاه
…… .
يعباس الشمر زامط رايدهم يچتفوني
اگلهم اندب العباس چنهم مايسمعوني
مثل لون العبايه اعليك صاير يالاخو لوني
اجيك شلون يالنايم عله الغبره اجيك شلون
الخلگ يحجون وبگلبي صفت جمره الخلگ يحجون
صرت شوچني منهيه. سبوني وانه علويه
صحت ويلاه
…… .
يعباس الحبل بالايد والناگه اجت ليه
ترضاها يبو الغيره الغريب يصعد امريه
اجن يمي يحاجني وبيهن وكفت ابنيه
تصيح بصوت واعدني ونه انتضره تصيح بصوت
سكينه تموت ماتحمل هظم كسره سكينه تموت
تريدك شبگه مخفيه. سبوني وانه علويه
صحت ويلاه
…… .
تره اطفالي اليركبها بالسوط وزجر بيها
كل سوط بمتن حره يأذيني ويئذيها
الحرم تنشد يبو فاضل وينك ماتجي عليها
ينشدوني وتخنك روحي العبره ينشدوني
يسئلوني وحط روحي حطب شجره يسئلوني
شجاوب روحي مكظيه..سبوني وانه علويه
صحت ويلاه
…… .
علي الحاج الصبيحاوي
ــــــــــــ◐◐◐◐◐◐◐◐◐ــــــــــــــــ
الموت اهون علي من شوفت الناس
اجيب منين اخوي الليله عباس
…… .
اجيبه امنين ويعاين خواته
علي حزم زماني امعثراته
يجي ليل الحزن بدموع اباته
واتحلم رجع صاحب النوماس
……
اجيبه منين مايگدر يجيني
واخافن شامت ايسمعه ونيني
عله العباس اريد اعميها عيني
اخوي ولااخوه بعده تنقاس
……
عليه عيونهم مثل الذيابه
حرمه انه غريبه ابوسط غابه
يسبونك واصيحن ها ييابه
عليه اتحزموا كل گوم الارجاس
……..
مابين الخلك غربه ومشينه
وكل عدوانك اتعاين علينه
يعباس وعلي بلوه ابتلينه
والطايح يخويه بخيل ينداس
…… ..
مشونه ابدرب مابين الاجناب
والوادم تهلهل كظت الباب
عفتكم بالجزيره فوك التراب
جبته وياي بس يتلولح الراس
……
علي الحاج الصبيحاوي
ــــــــــــ◐◐◐◐◐◐◐◐◐ــــــــــــــــ
قصيدة العباس ع ..
لـ الخيام ... غٙيّر يبو الغيره اتجاهٙك
لـ الخيام ... صرخات تلْفِت أنتباهك
عٙطش موت يتانيك ... أتركه و رِد لينه
يعباس عوف الـماي ... ماتريده سكينه
..........................
صرخه مالِيـهه الألم ... يا گـــمر رد لـ الخيّم
كلمة الـ(رايح) سٙهـــم بدّلها بالـ(جاي)
للأهـــل رد يا شـٙهِم ... الخيم تشعُر باليّتــم
ابوسٙة اچفوفك يـ عٙم نستٙبدِل الماي
عوف نهر المـوت يالچـفّٙك حٙـياة
شوفٙت أعيونك تعوِّضنٙــه الفرات
نهر موت ... بجروفه مٙقتـٙل غِـيرٙه شايل
نهر موت ... يحرمنٙـه منــــك يابو فاضل
الخِدِر صاح يمهيوب ... والدموع ابـ عينه
يعبـاس عوف الـماي ... ما تريده ســكينه
.........................
شوفتك تروي الضمه ... الگمر تحتاجه السمه
والخيّم صاير ضوّه عيـونك ضواهه
نـخاف يلفـــينه خٙبٙر ... الضوّه مغـــتاله النهٙر
گلبك حچاية (عطش) بلكت نساهه
تكسِر اظهور الــــخيّم من ما تعود
يكفي چفّك هوّه ماي وشِكِله جُود
يـعباس ... طـولٙك يضوٙي اعله الصواوين
يـعباس ... التـأخير يكــسِر ظٙهر الحسين
ضِــمه صار بالانفاس ... عـطرٙك احتاجينه
يعبــاس عوف الـماي ... ما تريده سكيــنه
.........................
دمع سكنٙه الشُـــبگِـتٙك ... بي توضّٙت خـيمتٙك
تدعي يارب عمي يرجعــلي إليّه
لـ المـــــــلاگه ابهالأثر ... ترسٙت الخيمٙه صور
طُبٙع بــمصــلايتٙك مدمٙع رقـــيّه
تـزرٙع ابنــــظراتهه ورد الــدلال
شابٙت الخــيمه بكثُر كلمة تعال
والحجاب ... من ترحٙل لسبيّه شـبقاله
والحجاب ... عِشرٙت عـُمر ويّه الكفاله
تره الگــوم ينطرون ... ابوگعتك تسبينه
يعباس عوف الـماي ... ماتريده ســكينه
......................
والرضــيع بشــــوغته ... كِــسر خاطِر عٙمــته
چفوفك الحلوه فُگد من عدهه شٙبگٙه
ازغير بس شگٙد يحِن ... يم مــچانك ما يوِّن
لو تنٙفٙس عطـرك اتـسكـــــــتٙـه شٙهگه
طفل بس ابونِتـــٙه شايب يــــنوح
انگلبٙن التسع اٙشهر لـ تسعة جروح
بالــوداع ... حته الأجل صاح اعله كيفك
بالــوداع ... مات الربيــع و حٙــل خريفك
نٙــــفِح أه بالــــرياح ... فـــرگتك تاذينه
يعباس عوف الـماي ... ماتريده سكينه
.......................
القصه مو قصّة عِتٙب ... الموت بحروفك وثٙب
بخيمتك ظِهرٙت تـجاعيد المنايه
بحچي الخـوه تندبٙك ... تـــــروح و ترِد زينبك
بخٙيط من احجابهه شٙدٙت الرايه
غٙـيبٙـت الأٙخ تنحمِل؟لا مستحيل
الخِدِر ما مِــــتعوِّد ايفارگ كـفيل
عٙطٙش روح ... لحچاية الخوّه الچبيره
عٙطٙش روح ... يا سٙيد الماي و أمــيره
يچٙــفــيٓك فُــــــراتين ... ابطيبتٙك تسْگينه
يعــباس عوف الـماي ... ما تريده سـكـينه
الشاعر حاتم صبري الكاظمي
ــــــــــــ◐◐◐◐◐◐◐◐◐ــــــــــــــــ
هوسات بحق العباس ع
يوم الجرد البتار راعي الباس
فر الجيش بيده وراس طك براس
يرهب جنه حيدر من برز عباس
جن حيدر من طب للحومه
×××××××××××××××××××××××
كون اليلزم الرايه زين ايعرف معناهه
وكبل لطيح عالتربان جفه يطيح وياهه
سبع تنعام من عباس تحجي الزوده خلاهه
بس هوه الاكتله الرايه
××××××××××××××××××××××
شسولف عن ابو فاضل ونتم زين تدرونه
كبل ليجرد البتار تكتل نضرت عيونه
خيل وزلم بالميدان اقسم مايخوفونه
عباس اليكتل بعيونه
××××××××××××××××××××
الشاعر رعد الجريخي
المصدر مؤسسة منبريون على التلكرام
موقع قصائد مكتوبة
تعليقات
إرسال تعليق